108 Buddhist stotras · અધ્યાય 101

એવંકારસમાસીના(ને) સહજાનન્દરૂપિણિ ।
પ્રજ્ઞા(વિ)જ્ઞાનદેહસ્થા (સ્થે) નમસ્તે વજ્રયોગિનિ ॥

વિચિત્રાદિપ્રમો(ભે)દેન ચતુરાનન્દદેહદે ।
રાગપારમિતાપ્રાપ્તે નમસ્તે વજ્રયોગિનિ ॥

શરત્પૂર્ણેન્દુસંકાશે સત્ત્વજાષ્ટકયોગજે ।
વર્ણાગ્રબીજસંભૂતે નમસ્તે વજ્રયોગિનિ ॥

ભાવાભાવદ્વયાતીતે આદ્યન્તમધ્યવર્જિતે ।
સ્વપરત્વવિનિર્મુક્તે નમસ્તે વજ્રયોગિનિ ॥

રાગારાગયોર્મિશ્રં(શ્રે) સંકલ્પત્રયવર્જિતં(તે) ।
મહાસુખસુખકારે નમસ્તે વજ્રયોગિનિ ॥

સત્ત્વાર્થકરણૈર્યુક્તે જાતસંભોગરૂપિણિ ।
કરુણારક્તદેહસ્તે(સ્થે) નમસ્તે વજ્રયોગિનિ ॥

ભવનિર્વાણમારૂઢે રૂપાકારવિરાજિતે ।
કાયવાકચિત્તનેત્રાય(દ્યે) નમસ્તે વજ્રયોગિનિ ॥

વામે કપાલખટ્વાઙ્ગે દક્ષિણે કર્તિધારિણિ ।
શૂન્યતાકરુણાવાહિ નમસ્તે વજ્રયોગિનિ ॥

જિનદુર્દાન્તબીભત્સિ(ત્સે) સર્વમારનિષૂદિનિ ।
નિર્જિતાશેષસેવાગ્રે નમસ્તે વજ્રયોગિનિ ॥

કલા(કલાપ)સંયુક્તે શ્મશાનાષ્ટનિવાસિનિ ।
બુદ્ધનાટરસૈર્યુક્તે નમસ્તે વજ્રયોગિનિ ॥

સત્ત્વાશયવશેનૈવ નિર્મિતાનેકરૂપિણો (ણિ) ।
શ્યામપીતસિતાભાસે નમસ્તે વજ્રયોગિનિ ॥

પઞ્ચબુદ્ધજનોત્પન્ને પઞ્ચયોગિનિતાં ગતે ।
તથા પરમાણુસંખ્યાતે નમસ્તે વજ્રયોગિનિ ॥

શૈવે શક્તિરિતિ ખ્યાતે તીર્થે ચણ્ડીતિ કલ્પિતે ।
વેદે વેદેતિ પ્રખ્યાતે નમસ્તે વજ્રયોગિનિ ॥

કુલાખ્યે કુબ્જિકાખ્યાતે આત્મવેષવતી મતે ।
વિશ્વરૂપે ક્રિયાકારે નમસ્તે વજ્રયોગિનિ ॥

સત્ત્વદૃષ્ટિવિરોધેન ગતા નૈવ વિધાયિનિ ।
સર્વાકારવરોપેતે નમસ્તે વજ્રયોગિનિ ॥

નૈરાત્મ્યધર્મગમ્ભીરયોગદૃષ્ટ્યૈકગોચરે ।
સદસત્કલ્પનાતીતે નમસ્તે વજ્રયોગિનિ ॥

શ્યામપીતાદિનિર્મુક્તે વર્ણાવર્ણવિવર્જિતે ।
પ્રજ્ઞાપારમિતામાતર્નમસ્તે વજ્રયોગિનિ ॥

નિર્વિકલ્પે નિરાલમ્બે નિષ્પ્રપઞ્ચે નિરાલયે ।
વિયદ્વયાપિ(નિ) નૈરાત્મ્યે નમસ્તે વજ્રયોગિનિ ॥

સર્વરત્નવિદાં પાત્રે જનનિ વજ્રયોગિનિ ।
નમસ્તે વજ્રવારાહિ નમસ્તે વજ્રયોગિનિ ॥

ત્વં સદ્ગુરુમુખકમલાન્નિર્ગતા કામરૂપિણી ।
મહા ઽજ્ઞાનવિનાશાય નમસ્તે વજ્રયોગિનિ ॥

ઇતિ ગુણયુક્તાયા માતુર્વિધાયૈકવિંશિકામ્ ।
પુણ્યં યદવાપ્તં તેન જનાઃ સન્તુ(લભન્તુ) પૂર્ણત્વમ્ ॥