108 Buddhist stotras · અધ્યાય 9

વિઘ્નેશ્વર મહાવીર સિદ્ધિરૂપાય વૃદ્ધયે ।
વિઘ્નનાશાય દેવાય ગણેશાય નમામ્યહમ્ ॥

પૂર્વે બ્રહ્માણી દેવી હંસમારુહ્ય સંસ્થિતા ।
પીતવર્ણપ્રભા દેવી શ્રીબ્રહ્માણિ નમો ઽસ્તુ તે ॥

દક્ષિણે શ્રીવારાહી મહિષાસનસંસ્થિતા ।
રક્તવર્ણા ઽઙ્કુશહસ્તા શ્રીવારાહિ નમો ઽસ્તુ તે ॥

પશ્ચિમે ચેન્દ્રાણી દેવી ગજમારુહ્ય સંસ્થિતા ।
કુઙ્કુમાભા વજ્રહસ્તા શ્રીઇન્દ્રાણિ નમો ઽસ્તુ તે ॥

ઉત્તરે માહેશ્વરી દેવી વૃષમારુહ્ય સંસ્થિતા ।
શ્વેતવર્ણપ્રભા દેવી માહેશ્વરિ નમો ઽસ્તુ તે ॥

આગ્નેયે બાલકૌમારી મયૂરકાન્તિપૂરણી ।
રક્તવર્ણા શક્તિહસ્તા શ્રીકૌમારિ નમો ઽસ્તુ તે ॥

નૈરૃત્યે વૈષ્ણવી દેવી શ્યામાભા ગરુડાસના ।
શઙ્ખચક્રધરા દેવી નારાયણિ નમો ઽસ્તુ તે ॥

વાયવ્યે ચામુણ્ડા દેવી સિંહમારુહ્ય સંસ્થિતા ।
કકારમૂર્તિધારી ચ ખડ્ગહસ્તાં નમામ્યહમ્ ॥

ઈશાને ચણ્ડિકા દેવી ધૂમ્રવર્ણા પ્રજ્વાલિની ।
કર્તિમુણ્ડધરા દેવી મહાલક્ષ્મિ નમો ઽસ્તુ તે ॥

અષ્ટપીઠસ્થિતા દેવીરષ્ટવૃક્ષનિવાસિનીઃ ।
અષ્ટભૈરવસંયુક્તા અષ્ટમાતૃકા નમામ્યહમ્ ॥

સૂર્યઃ સોમો મહીપુત્રો બુધો દેવાસુરગુરૂ ।
શનિશ્ચ રાહુઃ કેતુશ્ચ યમાય ચ નમો નમઃ ॥