/ adya sarvarātrikaṃ dharmaśravaṇaṃ bhaviṣyati tatra yuṣmābhiḥ sāmagrī deyeti gocarārocya sūtravinayamātrakadharair adhiṣṭacaturdaśyāṃ sarvarātrikadharmaśravaṇadāpanam* /

4.12

/ parasyāntaiḥ prākkarmato dhamyayā viniścayakathayā rātrer atināmanam* /

4.13

/ prāgaruṇasaṃ[43b4]bhedā<<t>> pravāraṇāt karma /

4.14

/ pravāraṇakaṃ saṃmanyeran* bhikṣuṃ /

4.15

/ apāraṇe nekaṃ /

4.16

/ nyāyam atrāṃśasaḥ paṃktau vyāpāraṇaṃ /

4.17

/ darbhānasau cārayet* /

4.18

/ pravāraṇaṃ pratyanyena saṃghasya jñapanam* /

4.19

/ pratibhikṣvā pravāraṇāt puratas tiṣṭhet* /

4.20

/ tasmai pravāraṇaṃ triḥ /

4.21

/ dvis tāvatā glāna(na)klāntiśayanāsanasaṃbhedakālātikrānti[43b5]sambādhasnaṃpattisaṃbhāvane /

4.22

/ tāvatāpi sakṛt* /

4.23

/ tenāparasmai niṣṭhitāyāṃ paṃktau /

4.24

/ abhāve nyasmai /

4.25

/ sarvasaṃghena prativārite etat tvasya saṃghe nivedanam* /

4.26

/ sarve samarthayeyuḥ /

4.27

/ yena tenāsūceḥ /

4.28

/ ataḥ śrāmaṇerān* pravārayet* /

4.29

/ tato bhikṣuṇīḥ /

4.30

/ pravāritatvam adhiṣṭhāya gatasyārvāktatpravāraṇāyāsahakṛtau /

4.31

/ na striyāṃ parivṛtyāpi /

4.32

/ aśakyatāyām avasthātuṃ bhāgaprāptaṃ bhikṣum avalokayet
gaṇapravāraṇena /

4.33

/ [44a1] / /pravārayed antarvarṣa prakramiṣyan* karaṇīyena /

4.34

/ sthāpayitvāpi vastupudgalam ubhayam vā /

4.35

/ pratīccheyur eṇām /

4.36

/ sthāpanena nantyatām upanīya /

4.37

/ putgagalaṃ sthāpayen na na vastv iti vastu sthāpayet* putgalañ ceti
abhaṅgaḥ pratīṣṭaiḥ vyapalāpe sthāpanasya pratīṣṭatāyā sthāpitasya vā /

4.38

/ naivaṃvidhaṃ kiñcid astītivāde mṛṣātvam atra pūrvasyāsya vā /

4.39

/ kalikṛtāñ cet bhikṣūṇām āganam upagatāḥ śṛṇuyuḥ dvitripoṣadhātikrāntiś cet pravārayeyuḥ /

4.40

/ asaṃpattau yañca [44a3] pāṇimaṇḍakāni saṃmanyeran* /

4.41

/ vākyasvalpakena pratyutgamya pātracīvarapratiśamanaṃ layanam ālaṃkakūṭāgāroddeśaḥ /

4.42

/ snātrasnehalābhakaraṇaṃ /

4.43

/ karaṇadharmaśravaṇadā(da)nam ity eṣāṃ pralobhanāni prayuñjīran* asaṃpattāv ātmībhāvasya poṣadhaṃ kurvīran* maṇḍalakeṣu /

4.44

/ nanu yuṣmākam adya pravāraṇeti bruvāṇā[44a4]nām āgamayatāyuṣmantāgantukā yūyaṃ naivāsikā anenārtheneti prativadeyuḥ /

4.45

/ prakrānteṣu pravāraṇām /

4.46

/ nākṛtakṣamaṇaḥ sāntarasya pravārayet* /

4.47

/ daśārddhamāsena bhaviṣyattāyām asyās tatkālaḥ /

4.48

/ saptāṣṭair ity aparaḥ /

4.49

/ na sannipātaḥ /

4.50

/ nāsāvakṣāntvānākṛtasaṃmodanasaṃni[44a5]hitānāṃ sarvas tadā /

4.51

/ na ruṣitaṃ kṣamayet* /

4.52

/ na bhikṣuṇī bhikṣuṃ bahirāvāsāt* /

4.53

/ na pādayor nipatya /

4.54

/ kṣānte niyatya gamanaṃ /

4.55

/ naināṃ kṣamayan*tīmanādṛ(dṛ)tya bhikṣur gacchet* /

4.56

/ na vilaṃghayet* /

4.57

/ saṃjñapteḥ kṣamanīyasya purastād dāpanam abhijñāna /

4.58

/ nāniṣṭāv upāyaparyeṣaṇaṃ nāpadyet* /

4.59

/ na cīrayet* /

4.60

/ na parya[44a6]vasthānāpagatin nodīkṣet* /

4.61

/ na kṣamyamāṇo na kṣameta /

Original text: Vinayasūtra · Edition: Preliminary transliteration of the ms. found in Tibet by Rahula Sankrityayana · Data entry Yoshiyasu Yonezawa et al. · GRETIL (Göttingen) · CC BY-NC-SA 4.0