Vaikhānasamantrapraśna, 5-8 · Chapter 8.1.204

dyubhír aktúbhiḥ pári pātam asmā́n áriṣṭebhir aśvinā saúbhagebhiḥ
tán no mitró váruṇo māmahantām áditis síndhuḥ pr̥thivī́ utá dyaúḥ

káyā naś citrá ā́ bhuvad ūtī́ sadā́vr̥dhas sákhā
káyā śáciṣṭhayāvr̥tā́

kás tvā satyó mádānāṃ má(g)ṃhiṣṭho mathsad[*957] ándhasaḥ
dr̥ḍhā́ cid ārúje vásu

abhī́ ṣú ṇas sákhīnām avitā́ jaritr̥̄ṇā́m
śatáṃ bhavāsy ūtíbhiḥ

váyas suparṇā́ úpa sedur índraṃ priyá-medhā ŕ̥ṣayo nā́dhamānāḥ
ápa dhvāntám ūrṇuhí pūrdhí cákṣur mumugdhy asmān nidháyeva baddhā́n
[*957] RV: matsad