Vaikhānasamantrapraśna, 5-8 · Chapter 8.1.182

índra śréṣṭhāni dráviṇāni dhéhi cíttiṃ dákṣasya subhagatvám asmé
póṣaṃ rayīṇā́m áriṣṭiṃ tanū́nāṃ svādmā́naṃ vācás sudinatvám áhnām

trí-kadrukeṣu mahiṣó yávāśiraṃ tuvi-śúṣmas
tr̥pátsómam apibad víṣṇunā sutáṃ yáthā́vaśat
sá īṃ mamāda máhi kárma kártave mahā́m urúṃ
saínaṃ saścad devó deváṃ satyám índraṃ satyá índuḥ

ádha tvíṣīmāṃ[*929] abhyójasā kríviṃ yudhā́bhavad
ā́ ródasī apr̥ṇad asya majmánā prá vāvr̥dhe
ádhattānyáṃ jaṭháre prém aricyata
saínaṃ saścad devó devám satyám índraṃ[*930] satyá índuḥ

sākáṃ jātáḥ krátunā sākám ójasā vavakṣitha
sākáṃ vr̥ddhó vīryais sāsahír mŕ̥dho vícarṣaṇiḥ
dā́tā rā́dhas stuvaté kā́myaṃ vásu saínaṃ sáścad devó devám satyám índraṃ[*931] satyá índuḥ

táva tyán náryaṃ[*932] nr̥tó 'pa indra prathamáṃ pūrvyáṃ diví pravā́cyaṃ kr̥tám
yád devásya śávasā prā́riṇā ásuṃ riṇáṃn apáḥ
bhuvad víśvam abhy ā́devam ójasā vidā́d ū́rjaṃ śatá-kratu vidā́d íṣam
[*929] Text: tvíṣīṃmāṃ
[*930] VMP omits saścad devó devám satyám índraṃ, which is in RV, and has = in its place in the text.
[*931] VMP omits devó devám satyám índraṃ, which is in RV, and has = in its place in the text.
[*932] Text: nárya