Vaikhānasamantrapraśna, 5-8 · Chapter 8.1.153

ástabhnād[*882] dyā́m r̥ṣabhó antárikṣam ámimīta varīmā́ṇaṃ pr̥thivyā́
ā́sīdad víśvā bhúvanāni saṃrā́ḍ víśvét tā́ni váruṇasya vratā́ni

yác cid dhí te víśo yathā prá deva varuṇa vratám
minīmási dyávi-dyavi

yát kíṃ cedáṃ varuṇa daívye jáne 'bhidroháṃ manuṣyāś cárāmasi
ácittī yát táva dhármā yuyopimá mā́ nas tásmād énaso deva rīriṣaḥ

kitavā́so yád riripúr ná dīví yád vā ghā satyám utá yán ná vidmá
sárvā tā́ ví ṣya śithiréva devā́thā[*883] te syāma varuṇa piyā́saḥ

áva te héḍo varuṇa námobhir áva yajñébhir īmahe havírbhiḥ
kṣáyann asmábhyam asura praceto[*884] rā́jann énā(g)ṃsi śiśrathaḥ kr̥tā́ni
[*882] Text: ástabhnā
[*883] RV: devā́dhā
[*884] RV: pracetā