Vaikhānasamantrapraśna, 5-8 · Chapter 8.1.146

ágne náya supáthā rāyé asmā́n víśvāni deva vayúnāni vidvā́n
yuyodhy asmaj juhurāṇám éno bhū́yiṣṭhān te námá-úktíṃ vídhémá

prá vaś śukrā́ya bhānáve bharadhva(g)ṃ havyáṃ matíṃ cāgnáye súpūtam
yó daívyāni mā́nuṣā janū́(g)ṃṣy antár víśvāni vidmánā jígāti

ácchā[*871] gíro matáyo devayántīr agníṃ yanti dráviṇaṃ bhíkṣamāṇāḥ
susaṃdŕ̥śa(g)ṃ suprátīka(gg)ṃ sváñcá(g)ṃ havyavā́ham[*872] aratíṃ mā́nuṣāṇām

ágne tvám asmád yuyodhy ámīvā ánagnitrā abhyamanta kr̥ṣṭī́ḥ
púnar asmábhyá(g)ṃ suvitā́ya deva kṣā́ṃ víśvebhir ajárebhir yajatra

ágne tváṃ pārayā návyo asmā́n svastíbhir áti durgā́ṇi víśvā
pū́ś ca pr̥thvī́ bahulā́ na urvī́ bhávā tokā́ya tánayāya śáṃ yóḥ
[*871] RV: áchā; TB: ácchā
[*872] RV, TB: havyavā́ha; VMP: havyamā́ha