Vaikhānasamantrapraśna, 5-8 · Chapter 5.1.3

agnir agryáḥ pavitrāṇāṃ devā́nām agra-gó hariḥ
príyátā́ṃ bhágavān viṣṇus sarvá-bhoktā sukhā́vahaḥ

sarva-lokódbhavo viṣṇúr yamó yama-karáḥ prajāḥ
príyátā́ṃ dáṇḍa-bhr̥n netā dharmā́tmā dharma-pā́lakaḥ

prájā rakṣan vinighnan vai yātúdhānān ajáḥ prabhuḥ
nírŕ̥tíḥ príyatāṃ nīlo nīlótpala-dalá[*5]-prabhaḥ

várúṇáḥ prácetā bhagavān vikrámī yajña-pā́lakaḥ
ráktāmbará-dharo vīraḥ priyátām prabhur ávyayaḥ

vā́yus sarvā́tmako bhadra udā́no javanó marut
príyátā́ṃ bhágavān prāṇaś śacī́-pati-sakhā́ prabhuḥ

rāja-rājó dhanādhyakṣaḥ kubéro viśravás-sutaḥ
príyátā́ṃ nídhí-sáṃyukta īśvárasya sakhā́ prabhuḥ

īśas tri-lócanaś śūlī vr̥ṣábha-dhvaja-vā́hanaḥ
príyátā́ṃ gáṇa-bhr̥n nityaṃ try-ambáko 'mbara-sánnibhaḥ

bráhmā pitā́maho vīro vedá-vaktā vr̥ṣā́-kapiḥ
príyátā́ṃ pádma-garbhābho viṣṇú-putro virā́ṭ svarāṭ

diṅ-nāgā́ nā́ga-saṅghāś ca sarvā́ś cāntara-dévatāḥ
rávy-ādayó grahā bhūtā r̥ṣáyas siddha-cā́raṇāḥ príyátā́ṃ gáṇa-saṃyuktā́ḥ kurvántu ca sahā́yatām
[*5] Text: daḷá