Vaikhānasamantrapraśna, 5-8 · Chapter 5.1.134

mahó rujāmi bandhútā vácobhis tán mā pitúr gótamād ánv iyāya
tván no asyá vácasaś cikiddhi hótar yaviṣṭha sukrato dámūnāḥ

ásvapnajas taráṇayas suśévā[*197] átandrāso 'vr̥kā́ áśramiṣṭhāḥ
té pāyávas sadhríyañco niṣádyā́gne táva naḥ pāntv amūra

yé pāyávo māmateyán te agne páśyanto andháṃ duritā́d árakṣan
rarákṣa tānt[*198] sukŕ̥to viśvá-vedā dípsanta íd ripávo nā́ha debhuḥ

tváyā vayá(g)ṃ sadhanyas tvotās táva práṇīty aśyāma[*199] vā́jān
ubhā́ śá(g)ṃsā sūdaya satyatāte 'nuṣṭhuyā́ kr̥ṇuhy ahrayāṇa

ayā́ te agne samídhā vidhema práti stóma(g)ṃ śasyámānaṃ gr̥bhāya
dáhāśáso rakṣásaḥ pāhy asmā́n druhó nidó mitramaho avadyā́t[*200]
[*197] Text: suśśévā
[*198] Text: tānth; TS tānt; RV tān
[*199] TS āśyāma; RV aśyāma
[*200] The VMP text divides this verse between two sections, making the second line of this verse the first line of chapter 135. The numbering has been adjusted so that the complete verse now comes at the end of chapter 134.