umāmaheśvarastotram · Chapter 1

..
umāmaheśvarastotram
.. ..
śrī śaṅkarācārya kṛtam .
namaḥ śivābhyāṃ navayauvanābhyām
parasparāśliṣṭavapurdharābhyām .
nāgendrakanyāvṛṣaketanābhyām
namo namaḥ śaṅkarapārvatībhyām .. १..
namaḥ śivābhyāṃ sarasotsavābhyām
namaskṛtābhīṣṭavarapradābhyām .
nārāyaṇenārcitapādukābhyāṃ
namo namaḥ śaṅkarapārvatībhyām .. २..
namaḥ śivābhyāṃ vṛṣavāhanābhyām
viriñciviṣṇvindrasupūjitābhyām .
vibhūtipāṭīravilepanābhyām
namo namaḥ śaṅkarapārvatībhyām .. ३..
namaḥ śivābhyāṃ jagadīśvarābhyām
jagatpatibhyāṃ jayavigrahābhyām .
jambhārimukhyairabhivanditābhyām
namo namaḥ śaṅkarapārvatībhyām .. ४..
namaḥ śivābhyāṃ paramauṣadhābhyām
pañcākṣarī pañjararañjitābhyām .
prapañcasṛṣṭisthiti saṃhṛtābhyām
namo namaḥ śaṅkarapārvatībhyām .. ५..
namaḥ śivābhyāmatisundarābhyām
atyantamāsaktahṛdambujābhyām .
aśeṣalokaikahitaṅkarābhyām
namo namaḥ śaṅkarapārvatībhyām .. ६..
namaḥ śivābhyāṃ kalināśanābhyām
kaṅkālakalyāṇavapurdharābhyām .
kailāsaśailasthitadevatābhyām
namo namaḥ śaṅkarapārvatībhyām .. ७..
namaḥ śivābhyāmaśubhāpahābhyām
aśeṣalokaikaviśeṣitābhyām .
akuṇṭhitābhyām smṛtisaṃbhṛtābhyām
namo namaḥ śaṅkarapārvatībhyām .. ८..
namaḥ śivābhyāṃ rathavāhanābhyām
ravīnduvaiśvānaralocanābhyām .
rākāśaśāṅkābhamukhāmbujābhyām
namo namaḥ śaṅkarapārvatībhyām .. ९..
namaḥ śivābhyāṃ jaṭilandharabhyām
jarāmṛtibhyāṃ ca vivarjitābhyām .
janārdanābjodbhavapūjitābhyām
namo namaḥ śaṅkarapārvatībhyām .. १०..
namaḥ śivābhyāṃ viṣamekṣaṇābhyām
bilvacchadāmallikadāmabhṛdbhyām .
śobhāvatī śāntavatīśvarābhyām
namo namaḥ śaṅkarapārvatībhyām .. ११..
namaḥ śivābhyāṃ paśupālakābhyām
jagatrayīrakṣaṇa baddhahṛdbhyām .
samasta devāsurapūjitābhyām
namo namaḥ śaṅkarapārvatībhyām .. १२..
stotraṃ trisandhyaṃ śivapārvatībhyām
bhaktyā paṭheddvādaśakaṃ naro yaḥ .
sa sarvasaubhāgya phalāni bhuṅkte
śatāyurānte śivalokameti .. १३..
iti umāmaheśvarastotraṃ sampūrṇam ..