ઉમામહેશ્વરસ્તોત્રમ્ · અધ્યાય 1

..
ઉમામહેશ્વરસ્તોત્રમ્
.. ..
શ્રી શઙ્કરાચાર્ય કૃતમ્ .
નમઃ શિવાભ્યાં નવયૌવનાભ્યામ્
પરસ્પરાશ્લિષ્ટવપુર્ધરાભ્યામ્ .
નાગેન્દ્રકન્યાવૃષકેતનાભ્યામ્
નમો નમઃ શઙ્કરપાર્વતીભ્યામ્ .. ૧..
નમઃ શિવાભ્યાં સરસોત્સવાભ્યામ્
નમસ્કૃતાભીષ્ટવરપ્રદાભ્યામ્ .
નારાયણેનાર્ચિતપાદુકાભ્યાં
નમો નમઃ શઙ્કરપાર્વતીભ્યામ્ .. ૨..
નમઃ શિવાભ્યાં વૃષવાહનાભ્યામ્
વિરિઞ્ચિવિષ્ણ્વિન્દ્રસુપૂજિતાભ્યામ્ .
વિભૂતિપાટીરવિલેપનાભ્યામ્
નમો નમઃ શઙ્કરપાર્વતીભ્યામ્ .. ૩..
નમઃ શિવાભ્યાં જગદીશ્વરાભ્યામ્
જગત્પતિભ્યાં જયવિગ્રહાભ્યામ્ .
જમ્ભારિમુખ્યૈરભિવન્દિતાભ્યામ્
નમો નમઃ શઙ્કરપાર્વતીભ્યામ્ .. ૪..
નમઃ શિવાભ્યાં પરમૌષધાભ્યામ્
પઞ્ચાક્ષરી પઞ્જરરઞ્જિતાભ્યામ્ .
પ્રપઞ્ચસૃષ્ટિસ્થિતિ સંહૃતાભ્યામ્
નમો નમઃ શઙ્કરપાર્વતીભ્યામ્ .. ૫..
નમઃ શિવાભ્યામતિસુન્દરાભ્યામ્
અત્યન્તમાસક્તહૃદમ્બુજાભ્યામ્ .
અશેષલોકૈકહિતઙ્કરાભ્યામ્
નમો નમઃ શઙ્કરપાર્વતીભ્યામ્ .. ૬..
નમઃ શિવાભ્યાં કલિનાશનાભ્યામ્
કઙ્કાલકલ્યાણવપુર્ધરાભ્યામ્ .
કૈલાસશૈલસ્થિતદેવતાભ્યામ્
નમો નમઃ શઙ્કરપાર્વતીભ્યામ્ .. ૭..
નમઃ શિવાભ્યામશુભાપહાભ્યામ્
અશેષલોકૈકવિશેષિતાભ્યામ્ .
અકુણ્ઠિતાભ્યામ્ સ્મૃતિસંભૃતાભ્યામ્
નમો નમઃ શઙ્કરપાર્વતીભ્યામ્ .. ૮..
નમઃ શિવાભ્યાં રથવાહનાભ્યામ્
રવીન્દુવૈશ્વાનરલોચનાભ્યામ્ .
રાકાશશાઙ્કાભમુખામ્બુજાભ્યામ્
નમો નમઃ શઙ્કરપાર્વતીભ્યામ્ .. ૯..
નમઃ શિવાભ્યાં જટિલન્ધરભ્યામ્
જરામૃતિભ્યાં ચ વિવર્જિતાભ્યામ્ .
જનાર્દનાબ્જોદ્ભવપૂજિતાભ્યામ્
નમો નમઃ શઙ્કરપાર્વતીભ્યામ્ .. ૧૦..
નમઃ શિવાભ્યાં વિષમેક્ષણાભ્યામ્
બિલ્વચ્છદામલ્લિકદામભૃદ્ભ્યામ્ .
શોભાવતી શાન્તવતીશ્વરાભ્યામ્
નમો નમઃ શઙ્કરપાર્વતીભ્યામ્ .. ૧૧..
નમઃ શિવાભ્યાં પશુપાલકાભ્યામ્
જગત્રયીરક્ષણ બદ્ધહૃદ્ભ્યામ્ .
સમસ્ત દેવાસુરપૂજિતાભ્યામ્
નમો નમઃ શઙ્કરપાર્વતીભ્યામ્ .. ૧૨..
સ્તોત્રં ત્રિસન્ધ્યં શિવપાર્વતીભ્યામ્
ભક્ત્યા પઠેદ્દ્વાદશકં નરો યઃ .
સ સર્વસૌભાગ્ય ફલાનિ ભુઙ્ક્તે
શતાયુરાન્તે શિવલોકમેતિ .. ૧૩..
ઇતિ ઉમામહેશ્વરસ્તોત્રં સમ્પૂર્ણમ્ ..