tārasāropaniṣat · Chapter 1

tārasāropaniṣat
yannārāyaṇatārārthasatyajñānasukhākṛti /
tripānnārāyaṇākaraṃ tadbrahmaivāsmi kevalam //
ॐ pūrṇamadaḥ pūrṇamidaṃ pūrṇātpūrṇamudacyate /
pūrṇasya pūrṇamādāya pūrṇamevāvaśiṣyate //
ॐ śāntiḥ śāntiḥ śāntiḥ //
hariḥ ॐ //
bṛhaspatiruvāca yājñavalkyaṃ yadanu kurukśetraṃ devānāṃ
devayajanaṃ sarveṣāṃ bhūtānāṃ brahmasadanaṃ tasmādyatra
kvacana gacghchettadeva manyeteti / idaṃ vai kurukśetraṃ devānāṃ
devayajanaṃ sarveṣāṃ bhūtānāṃ brahmasadanam / atra hi jantoḥ
prāṇeṣūtkramamāṇeṣu rudrastārakaṃ brahma vyācaṣṭe
yenāsāvamṛtībhūtvā mokśī bhavati / tasmādavimuktameva niṣeveta /
avimuktaṃ na vimuñcet / evamevaiṣa bhagavanniti vai yājñavalkyaḥ

atha hainaṃ bhāradvājaḥ papraccha yājñavalkyaṃ kiṃ tārakam /
kiṃ tārayatīti / sa hovāca yājñavalkyaḥ / ॐ namo nārāyaṇāyeti
tārakaṃ cidātmakamityupāsitavyam / omityekākśaramātmasvarūpam /
nama iti dvyakśaraṃ prakṛtisvarūpam / nārāyaṇāyeti pañcākśaraṃ
paraṃbrahmasvarūpam / iti ya evaṃ veda / so'mṛto bhavati / omiti brahmā
bhavati / nakāro viṣṇurbhavati / makāro rudro bhavati / nakāra īśvaro bhavati /
rakāro'ṇḍaṃ virāḍ bhavati / yakāraḥ puruṣo bhavati / ṇakāro bhagavānbhavati /
yakāraḥ paramātmā bhavati / etadvai nārāyaṇasyāṣṭākśaraṃ veda
paramapuruṣo bhavati /
ayamṛgvedaḥ prathamaḥ pādaḥ

ॐityetadakśaraṃ paraṃ brahma / tadevopāsitavyam / etadeva
sūkśmāṣṭākśaraṃ bhavati / tadetadaṣṭātmako'ṣṭadhā
bhavati / akāraḥ prathamākśaro bhavati / ukāro dvitīyākśaro bhavati /
makārastṛtīyākśaro bhavati / bindusturīyākśaro bhavati / nādaḥ
pañcamākśaro bhavati / kalā ṣaṣṭhākśaro bhavati / kalātītā
saptamākśaro bhavati / tatparaścāṣṭamākśaro bhavati /
tārakattvāttārako bhavati / tadeva tārakaṃ brahma tvaṃ viddhi /
tadevopāsitavyam // atraite ślokā bhavanti //
akārādabhavadbrahmā jāmbavānitisaṃjñakaḥ /
ukārākśarasaṃbhūta upendro harināyakaḥ

makārākśarasaṃbhūtaḥ śivastu hanumānsmṛtaḥ /
bindurīśvarasaṃjñastu śatrughnaścakrarāṭ svayam

nādo mahāprabhurjñeyo bharataḥ śaṅkhanāmakaḥ /
kalāyāḥ puruṣaḥ sākśāllakśmaṇo dharaṇīdharaḥ

kalātītā bhagavatī svayaṃ sīteti saṃjñitā /
tatparaḥ paramātmā ca śrīrāmaḥ puruṣottamaḥ

omityetadakśaramidaṃ sarvam / tasyopavyākhyānaṃ bhūtaṃ
bhavyaṃ bhaviṣyadyaccānyattattvamantravarṇadevatāchando
ṛkkalāśaktisṛṣṭyātmakamiti / ya evaṃ veda /
yajurvedo dvitīyaḥ pādaḥ

atha hainaṃ bhāradvājo yājñavalkyamuvācātha kairmantraiḥ
paramātmā prīto bhavati svātmānaṃ darśayati tanno brūhi
bhagava iti / sa hovāca yājñavalkyaḥ /
ॐ yo ha vai śrīparamātmā nārāyaṇaḥ sa bhagavānakāravācyo
jāmbavānbhūrbhuvaḥ suvastasmai vai namonamaḥ

ॐ yo ha vai śrīparamātmā nārāyaṇaḥ sa bhagavānukāravācya
upendrasvarūpo harināyako bhūrbhuvaḥ suvastasmai vai namonamaḥ

ॐ yo ha vai śrīparamātmā nārāyaṇaḥ sa bhagavānmakāravācyaḥ
śivasvarūpo hanūmānbhūrbhuvaḥ suvastasmai namonamaḥ

ॐ yo ha vai śrīparamātmā nārāyaṇaḥ sa bhagavānbindusvarūpaḥ
śatrughno bhūrbhuvaḥ suvastasmai vai namonamaḥ

ॐ yo ha vai śrīparamātmā nārāyaṇaḥ sa bhagavānnādasvarūpo
bharato bhūrbhuvaḥ suvastasmai vai namonamaḥ

ॐ yo ha vai śrīparamātmā nārāyaṇaḥ sa bhagavānkalāsvarūpo
lakśmaṇo bhūrbhuvaḥ suvastasmai vai namonamaḥ

ॐ yo ha vai śrīparamātmā nārāyaṇaḥ sa bhagavānkalātītā
bhagavatī sītā citsvarūpā bhūrbhuvaḥ suvastasmai vai namonamaḥ

yathā prathamamantroktāvādyantau tathā sarvamantreṣu draṣṭavyam /
ukāravācya upendrasvarūpo harināyakaḥ २ makāravācyaḥ
śivasvarūpo hanumān ३ bindusvarūpaḥ śatrughnaḥ ४ nādasvarūpo
bharataḥ ५ kalāsvarūpo lakśmaṇaḥ ६ kalātītā bhagavatī sītā
citsvarūpā ७ ॐ yo ha vai śrīparamātmā nārāyaṇaḥ sa bhagavāṃstatparaḥ
paramapuruṣaḥ purāṇapuruṣottamo nityaśuddhabuddhamuktasatya
paramānantādvayaparipūrṇaḥ paramātmā brahmaivāhaṃ rāmo'smi
bhūrbhuvaḥ suvastasmai namonamaḥ

etadaṣṭavidhamantraṃ yo'dhīte so'gnipūto bhavati / sa vāyupūto
bhavati / sa ādityapūto bhavati / sa sthāṇupūto bhavati / sa sarvairdevairjñāto
bhavati / tenetihāsapurāṇānaṃ rudrāṇāṃ śatasahasrāṇi japtāni phalāni
bhavanti / śrīmannārāyaṇāṣṭākśarānusmaraṇena gāyatryāḥ
śatasahasraṃ japtaṃ bhavati / praṇavānāmayutaṃ japtaṃ bhavati /
daśapūrvāndaśottarānpunāti / nārāyaṇapadamavāpnoti ya evaṃ veda /
tadviṣṇoḥ paramaṃ padaṃ sadā paśyanti sūrayaḥ / divīva cakśurātatam /
tadviprāso vipanyavo jāgṛvāṃsaḥ samindhate / viṣṇoryatparamaṃ padam //
ityupaniṣat //
sāmavedastṛtīyaḥ pādaḥ

ॐ pūrṇamadaḥ pūrṇamidaṃ pūrṇātpūrṇamudacyate /
pūrṇasya pūrṇamādāya pūrṇamevāvaśiṣyate //
ॐ śāntiḥ śāntiḥ śāntiḥ //
iti tārasāropaniṣatsamāptā //
adhikādhyayanāya