Taittiriya Brahmana · Chapter p1

1.1.0.0
brahma॒ saṃdha॑ttaṃ॒ kṛtti॑kā॒sūddha॑nti dvāda॒śasu॑ pra॒jāpa॑tirvā॒co de॑vāsu॒rāstada॒gnirnedgha॒rmaśśira॑ i॒me vai śa॑mīga॒rbhātpra॒jāpa॑ti॒ssa ri॑ricā॒nassa tapa॒ssa ā॒tmanvī॒ryaṃ॑daśa॑

brahma॒ sandha॑ttaṃ॒ tau di॒vyāvatho॑ śaṃ॒tvāya॒ prācye॑ṣāṃ॒ yadu॒paryu॑pari॒ yatsa॒dyasso'śvo॒'vāro॑ bhū॒tvā jaga॑tībhi॒raśī॑tiḥ

brahma॒ sandha॑ttamṛ॒dhnotye॑nena // hariḥ॑ om // kṛṣṇayajurbrāhmaṇe prathamāṣṭake prathamaprapāṭhakassamāptaḥ

śrīrastu // // prathamāṣṭake prathamaprapāṭhaka prāraṃbhaḥ // // hariḥ om //
1.1.1.0
na॒ya॒ntva॒pā॒na sandha॑ttaṃ॒ taṃ me॑ jinvataṃ prā॒ṇaṃ ya॒jñāya॑ dhattaṃ॒ mānu॑ṣīra॒gnirdve ca॑

[brahma॑ kṣa॒ttraṃ tadiṣa॒mūrja॑ ra॒yiṃ puṣṭiṃ॑ pra॒jāṃ tāṃ pa॒śūntāntsandha॑ttaṃ॒ tatprā॒ṇama॑pā॒naṃ vyā॒naṃ taṃ cakṣu॒śśrotraṃ॒ mana॒stadvācaṃ॒ tām / i॒ṣādi॒pañca॑ke॒ vācaṃ॒ tāṃ me॑ pa॒śūntsandha॑ttaṃ॒ tānme prā॒ṇādi॒trita॑ye॒ taṃ me॒'nyatra॒ tanme //
1.1.1.1
brahma॒ sandha॑ttaṃ॒ tanme॑ jinvatam / kṣa॒ttra sandha॑ttaṃ॒ tanme॑ jinvatam / iṣa॒॒ sandha॑ttaṃ॒ tāṃ me॑ jinvatam / ūrja॒॒ sandha॑ttaṃ॒ tāṃ me॑ jinvatam / ra॒yi sandha॑ttaṃ॒ tāṃ me॑ jinvatam / puṣṭi॒॒ sandha॑ttaṃ॒ tāṃ me॑ jinvatam / pra॒jā sandha॑ttaṃ॒ tāṃ me॑ jinvatam / pa॒śūntsandha॑ttaṃ॒ tānme॑ jinvatam / stu॒to॑'si॒ jana॑dhāḥ / de॒vāstvā॑ śukra॒pā praṇa॑yantu

1.1.1.2१
su॒vīrā pra॒jā pra॑ja॒naya॒nparī॑hi / śu॒kraśśu॒kraśo॑ciṣā / stu॒to॑'si॒ jana॑dhāḥ / de॒vāstvā॑ manthi॒pā praṇa॑yantu / su॒pra॒jā pra॒jā pra॑ja॒naya॒nparī॑hi / ma॒nthī ma॒nthiśo॑ciṣā / saṃ॒ja॒gmā॒nau di॒va āpṛ॑thi॒vyāyuḥ॑ / sandha॑ttaṃ॒ tanme॑ jinvatam / prā॒ṇa sandha॑ttaṃ॒ taṃ me॑ jinvatam / a॒pā॒na sandha॑ttaṃ॒ taṃ me॑ jinvatam

1.1.1.3
vyā॒na sandha॑ttaṃ॒ taṃ me॑ jinvatam / cakṣu॒ssandha॑ttaṃ॒ tanme॑ jinvatam / śrotra॒॒ sandha॑ttaṃ॒ tanme॑ jinvatam / mana॒ssandha॑ttaṃ॒ tanme॑ jinvatam / vāca॒॒ sandha॑ttaṃ॒ tāṃ me॑ jinvatam / āyu॑sstha॒ āyu॑rme dhattam / āyu॑rya॒jñāya॑ dhattam / āyu॑rya॒jñapa॑taye dhattam / prā॒ṇasstha॑ prā॒ṇaṃ me॑ dhattam / prā॒ṇaṃ ya॒jñāya॑ dhattam

1.1.1.4
prā॒ṇaṃ ya॒jñapa॑taye dhattam / cakṣu॑sstha॒ścakṣu॑rme dhattam / cakṣu॑rya॒jñāya॑ dhattam / cakṣu॑rya॒jñapa॑taye dhattam / śrotra॑ stha॒śśrotraṃ॑ me dhattam / śrotraṃ॑ ya॒jñāya॑ dhattam / śrotraṃ॑ ya॒jñapa॑taye dhattam / tau de॑vau śukrāmanthinau / ka॒lpaya॑taṃ॒ daivī॒rviśaḥ॑ / ka॒lpaya॑taṃ॒ mānu॑ṣīḥ

1.1.1.5
iṣa॒mūrja॑ma॒smāsu॑ dhattam / prā॒ṇānpa॒śuṣu॑ / pra॒jāṃ mayi॑ ca॒ yaja॑māne ca / nira॑sta॒śśaṇḍaḥ॑ / nira॑sto॒ markaḥ॑ / apa॑nuttau॒ śaṇḍā॒markau॑ sa॒hāmunā / śu॒krasya॑ sa॒mida॑si / ma॒nthina॑ssa॒mida॑si / sa pra॑tha॒massaṃkṛ॑tirvi॒śvaka॑rmā / sa pra॑tha॒mo mi॒tro varu॑ṇo a॒gniḥ / sa pra॑tha॒mo bṛha॒spati॑ściki॒tvān / tasmā॒ indrā॑ya su॒tamā ju॑homi

1.1.2.0
khalvā॑dhitsanta॒ phalgu॑nyora॒gnimāda॑dhītāsannapatatāmṛtū॒nāṃ vaiśya॑sya॒rturutta॑re॒ phalgu॑nī॒ ṣaṭca॑

1.1.2.1
kṛtti॑kāsva॒gnimāda॑dhīta / e॒tadvā a॒gnernakṣa॑ttram / yatkṛtti॑kāḥ / svāyā॑mai॒vainaṃ॑ de॒vatā॑yāmā॒dhāya॑ / bra॒hma॒va॒rca॒sī bha॑vati / mukhaṃ॒ vā e॒tannakṣa॑ttrāṇām / yatkṛtti॑kāḥ / ya kṛtti॑kāsva॒gnimā॑dha॒tte / mukhya॑ e॒va bha॑vati / atho॒ khalu॑

1.1.2.2
a॒gni॒na॒kṣa॒ttramityapa॑cāyanti / gṛ॒hān ha॒ dāhu॑ko bhavati / pra॒jāpa॑tī rohi॒ṇyāma॒gnima॑sṛjata / taṃ de॒vā ro॑hi॒ṇyāmāda॑dhata / tato॒ vai te sarvā॒nrohā॑narohann / tadro॑hi॒ṇyai ro॑hiṇi॒tvam / yo ro॑hi॒ṇyāma॒gnimā॑dha॒tte / ṛ॒dhnotye॒va / sarvā॒nrohānrohati / de॒vā vai bha॒drāssanto॒'gnimādhi॑tsanta

1.1.2.3
teṣā॒manā॑hito॒'gnirāsīt / athaibhyo vā॒maṃ vasvapākrāmat / te puna॑rvasvo॒rāda॑dhata / tato॒ vai tān vā॒maṃ vasū॒pāva॑rtata / ya pu॒rā'bha॒drassanpāpī॑yā॒ntsyāt / sa puna॑rvasvora॒gnimāda॑dhīta / puna॑re॒vainaṃ॑ vā॒maṃ vasū॒pāva॑rtate / bha॒dro bha॑vati / ya kā॒maye॑ta॒ dānakā॑mā me pra॒jāssyu॒riti॑ / sa pūrva॑yo॒ phalgu॑nyora॒gnimāda॑dhīta

1.1.2.4
a॒rya॒mṇo vā e॒tannakṣa॑ttram / yatpūrve॒ phalgu॑nī / a॒rya॒meti॒ tamā॑hu॒ryo dadā॑ti / dāna॑kāmā asmai pra॒jā bha॑vanti / ya kā॒maye॑ta bha॒gī syā॒miti॑ / sa utta॑rayo॒ phalgu॑nyora॒gnimāda॑dhīta / bhaga॑sya॒ vā e॒tannakṣa॑ttram / yadutta॑re॒ phalgu॑nī / bha॒gye॑va bha॑vati / kā॒la॒ka॒ñjā vai nāmāsu॑rā āsann

1.1.2.5
te su॑va॒rgāya॑ lo॒kāyā॒gnima॑cinvata / puru॑ṣa॒ iṣṭa॑kā॒mupā॑dadhā॒tpuru॑ṣa॒ iṣṭa॑kām / sa indro brāhma॒ṇo bruvā॑ṇa॒ iṣṭa॑kā॒mupā॑dhatta / e॒ṣā me॑ ci॒trā nāmeti॑ / te su॑va॒rgaṃ lo॒kamā prāro॑hann / sa indra॒ iṣṭa॑kā॒māvṛ॑hat / te'vā॑kīryanta / ye॑'vākīryanta / ta ūrṇā॒vabha॑yo'bhavann / dvāvuda॑patatām

1.1.2.6
tau di॒vyau śvānā॑vabhavatām / yo bhrātṛ॑vyavā॒ntsyāt / sa ci॒trāyā॑ma॒gnimāda॑dhīta / a॒va॒kīryai॒va bhrātṛ॑vyān / ojo॒ bala॑mindri॒yaṃ vī॒rya॑mā॒tmandha॑tte / va॒santā brāhma॒ṇo'gnimāda॑dhīta / va॒sa॒nto vai brāhma॒ṇasya॒rtuḥ / sva e॒vaina॑mṛ॒tāvā॒dhāya॑ / bra॒hma॒va॒rca॒sī bha॑vati / mukhaṃ॒ vā e॒tadṛ॑tū॒nām

1.1.2.7
yadva॑sa॒ntaḥ / yo va॒santā॒'gnimā॑dha॒tte / mukhya॑ e॒va bha॑vati / atho॒ yoni॑mantame॒vainaṃ॒ prajā॑ta॒mādha॑tte / grī॒ṣme rā॑ja॒nya॑ āda॑dhīta / grī॒ṣmo vai rā॑ja॒nya॑sya॒rtuḥ / sva e॒vaina॑mṛ॒tāvā॒dhāya॑ / i॒ndri॒yā॒vī bha॑vati / śa॒radi॒ vaiśya॒ āda॑dhīta / śa॒radvai vaiśya॑sya॒rtuḥ

1.1.2.8
sva e॒vaina॑mṛ॒tāvā॒dhāya॑ / pa॒śu॒mānbha॑vati / na pūrva॑yo॒ phalgu॑nyora॒gnimāda॑dhīta / e॒ṣā vai ja॑gha॒nyā॑ rātri॑ssaṃvatsa॒rasya॑ / yatpūrve॒ phalgu॑nī / pṛ॒ṣṭi॒ta e॒va saṃ॑vatsa॒rasyā॒gnimā॒dhāya॑ / pāpī॑yānbhavati / utta॑rayo॒rā da॑dhīta / e॒ṣā vai pra॑tha॒mā rātri॑ssaṃvatsa॒rasya॑ / yadutta॑re॒ phalgu॑nī / mu॒kha॒ta e॒va saṃ॑vatsa॒rasyā॒gnimā॒dhāya॑ / vasī॑yānbhavati / atho॒ khalu॑ / ya॒daivainaṃ॑ ya॒jña u॑pa॒namet / athāda॑dhīta / saivāsyarddhiḥ॑

1.1.3.0
ūṣā॑ abhavannabhavadva॒lmīko'śrāmya॒dapra॑thaya॒ddhṛtyai॑ bībhatsata॒ ityā॑hū rundhe parṇa॒tvama॑śamayadacchinda॒॒ strīṇi॑ ca

1.1.3.1
uddha॑nti / yade॒vāsyā॑ ame॒dhyam / tadapa॑hanti / a॒po'vokṣati॒ śāntyai / sika॑tā॒ niva॑pati / e॒tadvā a॒gnervaiśvāna॒rasya॑ rū॒pam / rū॒peṇai॒va vaiśvāna॒ramava॑rundhe / ūṣā॒nniva॑pati / puṣṭi॒rvā e॒ṣā pra॒jana॑nam / yadūṣāḥ

1.1.3.2
puṣṭyā॑me॒va pra॒jana॑ne॒'gnimādha॑tte / atho॑ saṃ॒jñāna॑ e॒va / saṃ॒jñāna॒॒ hye॑tatpa॑śū॒nām / yadūṣāḥ / dyāvā॑pṛthi॒vī sa॒hāstām / te vi॑ya॒tī a॑brūtām / astve॒va nau॑ sa॒ha ya॒jñiya॒miti॑ / yada॒muṣyā॑ ya॒jñiya॒māsīt / tada॒syāma॑dadhāt / ta ūṣā॑ abhavann

1.1.3.3
yada॒syā ya॒jñiya॒māsīt / tada॒muṣyā॑madadhāt / tada॒daśca॒ndrama॑si kṛ॒ṣṇam / ūṣānni॒vapa॑nna॒do dhyā॑yet / dyāvā॑pṛthi॒vyore॒va ya॒jñiye॒'gnimādha॑tte / a॒gnirde॒vebhyo॒ nilā॑yata / ā॒khū rū॒paṃ kṛ॒tvā / sa pṛ॑thi॒vīṃ prāvi॑śat / sa ū॒tī ku॑rvā॒ṇa pṛ॑thi॒vīmanu॒ sama॑carat / tadā॑khukarī॒ṣama॑bhavat

1.1.3.4
yadā॑khukarī॒ṣa saṃ॑bhā॒ro bhava॑ti / yade॒vāsya॒ tatra॒ nya॑ktam / tade॒vāva॑rundhe / ūrjaṃ॒ vā e॒ta rasaṃ॑ pṛthi॒vyā u॑pa॒dīkā॒ uddi॑hanti / yadva॒lmīkam / yadva॑lmīkava॒pā saṃ॑bhā॒ro bhava॑ti / ūrja॑me॒va rasaṃ॑ pṛthi॒vyā ava॑rundhe / atho॒ śrotra॑me॒va / śrotra॒॒ hye॑tatpṛ॑thi॒vyāḥ / yadva॒lmīkaḥ॑

1.1.3.5
aba॑dhiro bhavati / ya e॒vaṃ veda॑ / pra॒jāpa॑ti pra॒jā a॑sṛjata / tāsā॒manna॒mupākṣīyata / tābhya॒ssūda॒mupa॒prābhi॑nat / tato॒ vai tāsā॒mannaṃ॒ nākṣī॑yata / yasya॒ sūda॑ssaṃbhā॒ro bhava॑ti / nāsya॑ gṛ॒he'nnaṃ॑ kṣīyate / āpo॒ vā i॒damagre॑ sali॒lamā॑sīt / tena॑ pra॒jāpa॑tiraśrāmyat

1.1.3.6
ka॒thami॒da syā॒diti॑ / so॑'paśyatpuṣkarapa॒rṇaṃ tiṣṭha॑t / so॑'manyata / asti॒ vai tat / yasmi॑nni॒damadhi॒ tiṣṭha॒tīti॑ / sa va॑rā॒ho rū॒paṃ kṛ॒tvopa॒ nya॑majjat / sa pṛ॑thi॒vīma॒dha ārcchat / tasyā॑ upa॒hatyoda॑majjat / tatpu॑ṣkarapa॒rṇe'prathayat / yadapra॑thayat

1.1.3.7
tatpṛ॑thi॒vyai pṛ॑thivi॒tvam / abhū॒dvā i॒damiti॑ / tadbhūmyai॑ bhūmi॒tvam / tāṃ diśo'nu॒ vāta॒ssama॑vahat / tā śarka॑rābhiradṛhat / śaṃ vai no॑'bhū॒diti॑ / taccharka॑rāṇā śarkara॒tvam / yadva॑rā॒havi॑hata saṃbhā॒ro bhava॑ti / a॒syāme॒vācha॑mbaṭkārama॒gnimādha॑tte / śarka॑rā bhavanti॒ dhṛtyai

1.1.3.8
atho॑ śaṃ॒tvāya॑ / sare॑tā a॒gnirā॒dheya॒ ityā॑huḥ / āpo॒ varu॑ṇasya॒ patna॑ya āsann / tā a॒gnira॒bhya॑dhyāyat / tāssama॑bhavat / tasya॒ reta॒ parā॑'patat / taddhira॑ṇyamabhavat / yaddhira॑ṇyamu॒pāsya॑ti / sare॑tasame॒vāgnimādha॑tte / puru॑ṣa॒ innvai svādreta॑so bībhatsata॒ ityā॑huḥ

1.1.3.9
u॒tta॒ra॒ta upāsya॒tyabī॑bhatsāyai / ati॒ praya॑cchati / ārti॑me॒vāti॒ praya॑cchati / a॒gnirde॒vebhyo॒ nilā॑yata / aśvo॑ rū॒paṃ kṛ॒tvā / so'śva॒tthe saṃ॑vatsa॒rama॑tiṣṭhat / tada॑śva॒tthasyāśvattha॒tvam / yadāśva॑tthassaṃbhā॒ro bhava॑ti / yade॒vāsya॒ tatra॒ nya॑ktam / tade॒vāva॑rundhe

1.1.3.10
de॒vā vā ūrjaṃ॒ vya॑bhajanta / tata॑ udu॒mbara॒ uda॑tiṣṭhat / ūrgvā u॑du॒mbaraḥ॑ / yadaudu॑mbarassaṃbhā॒ro bhava॑ti / ūrja॑me॒vāva॑rundhe / tṛ॒tīya॑syāmi॒to di॒vi soma॑ āsīt / taṃ gā॑ya॒tryā'ha॑rat / tasya॑ pa॒rṇama॑cchidyata / tatpa॒rṇo॑'bhavat / tatpa॒rṇasya॑ parṇa॒tvam

1.1.3.11
yasya॑ parṇa॒maya॑ssambhā॒ro bhava॑ti / so॒ma॒pī॒thame॒vāva॑rundhe / de॒vā vai brahma॑nnavadanta / tatpa॒rṇa upā॑śṛṇot / su॒śravā॒ vai nāma॑ / yatpa॑rṇa॒maya॑ssambhā॒ro bhava॑ti / bra॒hma॒va॒rca॒same॒vāva॑ rundhe / pra॒jāpa॑tira॒gnima॑sṛjata / so॑'bibhe॒tpra mā॑ dhakṣya॒tīti॑ / ta śa॒myā॑'śamayat

1.1.3.12
taccha॒myai॑ śami॒tvam / yaccha॑mī॒maya॑ssambhā॒ro bhava॑ti / śāntyā॒ apra॑dāhāya / a॒gnessṛ॒ṣṭasya॑ ya॒taḥ / vika॑ṅkataṃ॒ bhā ārcchat / yadvaika॑ṅkatassambhā॒ro bhava॑ti / bhā e॒vāva॑ rundhe / sahṛ॑dayo॒'gnirā॒dheya॒ ityā॑huḥ / ma॒ruto॒'dbhira॒gnima॑tamayann / tasya॑ tā॒ntasya॒ hṛda॑ya॒mācchi॑ndann / sā'śani॑rabhavat / yada॒śani॑hatasya vṛ॒kṣasya॑ sambhā॒ro bhava॑ti / sahṛ॑dayame॒vāgnimā dha॑tte

1.1.4.0
dhyā॒ya॒ti॒ vai rātri॒ścāva॑rundhe bhaviṣya॒ntītya॑bravījjani॒ṣyase॑'jaya॒dvasī॑yānbhavati॒ nava॑ ca

1.1.4.1
dvā॒da॒śasu॑ vikrā॒meṣva॒gnimā da॑dhīta / dvāda॑śa॒ māsāssaṃvatsa॒raḥ / saṃ॒va॒tsa॒rāde॒vaina॑mava॒ruddhyā dha॑tte / yaddvā॑da॒śasu॑ vikrā॒meṣvā॒ dadhī॑ta / pari॑mita॒mava॑ rundhīta / cakṣu॑rnimita॒ āda॑dhīta / iya॒ddvāda॑śa vikrā॒mā (३) iti॑ / pari॑mitaṃ cai॒vāpa॑rimitaṃ॒ cāva॑ rundhe / anṛ॑taṃ॒ vai vā॒cā va॑dati / anṛ॑taṃ॒ mana॑sā dhyāyati

1.1.4.2
cakṣu॒rvai sa॒tyam / adrā(३)gityā॑ha / ada॑ऱśa॒miti॑ / tatsa॒tyam / yaścakṣu॑rnimite॒'gnimā॑dha॒tte / sa॒tya e॒vaina॒mā dha॑tte / tasmā॒dāhi॑tāgni॒rnānṛ॑taṃ vadet / nāsya॑ brāhma॒ṇo'nāśvāngṛ॒he va॑set / sa॒tye hya॑syā॒gnirāhi॑taḥ / ā॒gne॒yī vai rātriḥ॑

1.1.4.3
ā॒gne॒yā pa॒śavaḥ॑ / ai॒ndramahaḥ॑ / naktaṃ॒ gāऱha॑patya॒mā da॑dhāti / pa॒śūne॒vāva॑ rundhe / divā॑''hava॒nīyam / i॒ndri॒yame॒vāva॑ rundhe / a॒rdhodi॑te॒ sūrya॑ āhava॒nīya॒mā da॑dhāti / e॒tasmi॒nvai lo॒ke pra॒jāpa॑ti pra॒jā a॑sṛjata / pra॒jā e॒va tadyaja॑mānassṛjate / atho॑ bhū॒taṃ cai॒va bha॑vi॒ṣyaccāva॑ rundhe

1.1.4.4
iḍā॒ vai mā॑na॒vī ya॑jñānūkā॒śinyā॑sīt / sā'śṛ॑ṇot / asu॑rā a॒gnimāda॑dhata॒ iti॑ / tada॑gacchat / ta ā॑hava॒nīya॒magra॒ āda॑dhata / atha॒ gāऱha॑patyam / athānvāhārya॒paca॑nam / sā'bra॑vīt / pra॒tīcye॑ṣā॒॒ śrīra॑gāt / bha॒drā bhū॒tvā parā॑ bhaviṣya॒ntīti॑

1.1.4.5
yasyai॒vama॒gnirā॑dhī॒yate / pra॒tīcya॑sya॒ śrīre॑ti / bha॒dro bhū॒tvā parā॑bhavati / sā'śṛ॑ṇot / de॒vā a॒gnimāda॑dhata॒ iti॑ / tada॑gacchat / te'nvāhārya॒paca॑na॒magra॒ āda॑dhata / atha॒ gāऱha॑patyam / athā॑hava॒nīyam / sā'bra॑vīt

1.1.4.6
prācye॑ṣā॒॒ śrīra॑gāt / bha॒drā bhū॒tvā su॑va॒rgaṃllo॒kameṣyanti / pra॒jāṃ tu na vetsyanta॒ iti॑ / yasyai॒vama॒gnirā॑dhī॒yate / prācya॑sya॒ śrīre॑ti / bha॒dro bhū॒tvā su॑va॒rgaṃ lo॒kame॑ti / pra॒jāṃ tu na vi॑ndate / sā'bra॑vī॒diḍā॒ manum / tathā॒ vā a॒haṃ tavā॒gnimādhāsyāmi / yathā॒ pra pra॒jayā॑ pa॒śubhi॑rmithu॒nairja॑ni॒ṣyase

1.1.4.7
pratya॒smillom॒̐ke sthā॒syasi॑ / a॒bhi su॑va॒rgaṃ lo॒kaṃ je॒ṣyasīti॑ / gāऱha॑patya॒magra॒ āda॑dhāt / gāऱha॑patyaṃ॒ vā anu॑ pra॒jā pa॒śava॒ prajā॑yante / gāऱha॑patyenai॒vāsmai pra॒jāṃ pa॒śūnprāja॑nayat / athānvāhārya॒paca॑nam / ti॒ryaṅṅi॑va॒ vā a॒yaṃ lo॒kaḥ / a॒sminnai॒va tena॑ lo॒ke pratya॑tiṣṭhat / athā॑hava॒nīyam / tenai॒va su॑va॒rgaṃ lo॒kama॒bhya॑jayat

1.1.4.8
yasyai॒vama॒gnirā॑dhī॒yate / pra pra॒jayā॑ pa॒śubhi॑rmithu॒nairjā॑yate / pratya॒smillom॒̐ke ti॑ṣṭhati / a॒bhi su॑va॒rgaṃ lo॒kaṃ ja॑yati / yasya॒ vā aya॑thādevatama॒gnirā॑dhī॒yate / ā de॒vatābhyo vṛścyate / pāpī॑yānbhavati / yasya॑ yathādeva॒tam / na de॒vatābhya॒ āvṛ॑ścyate / vasī॑yānbhavati

bhṛgū॑ṇāṃ॒ tvā'ṅgi॑rasāṃ vratapate vra॒tenāda॑dhā॒mīti॑ bhṛgvaṅgi॒rasā॒māda॑dhyāt / ā॒di॒tyānāṃ tvā de॒vānāṃ vratapate vra॒tenāda॑dhā॒mītya॒nyāsāṃ॒ brāhma॑ṇīnāṃ pra॒jānām / varu॑ṇasya tvā॒ rājño vratapate vra॒tenāda॑dhā॒mīti॒ rājñaḥ॑ / indra॑sya tvendri॒yeṇa॑ vratapate vra॒tenāda॑dhā॒mīti॑ rāja॒nya॑sya / manostvā grāma॒ṇyo vratapate vra॒tenāda॑dhā॒miti॒ vaiśya॑sya / ṛ॒bhū॒ṇāṃ tvā॑ de॒vānāṃ vratapate vra॒tenāda॑dhā॒mīti॑ rathakā॒rasya॑ / ya॒thā॒de॒va॒tama॒gnirādhī॑yate / na de॒vatābhya॒ āvṛ॑ścyate / vasī॑yānbhavati

1.1.5.0
e॒na॒mā॒ha॒va॒nīyaṃ॑ dhatte'śva॒tvaṃ va॑rtayati kuruta॒ iti॑ ru॒dro da॑dhāti॒ ya॒dagnaye॒ śuca॑ya॒ ekaṃ॑ ca

1.1.5.1
pra॒jāpa॑tirvā॒cassa॒tyama॑paśyat / tenā॒gnimādha॑tta / tena॒ vai sa ārdhnot / bhūrbhuva॒ssuva॒rityā॑ha / e॒tadvai vā॒cassa॒tyam / ya e॒tenā॒gnimā॑dha॒tte / ṛ॒dhnotye॒va / atho॑ sa॒tyaprā॑śūre॒va bha॑vati / atho॒ ya e॒vaṃ vi॒dvāna॑bhi॒cara॑ti / stṛ॒ṇu॒ta e॒vainam

1.1.5.2
bhūrityā॑ha / pra॒jā e॒va tadyaja॑mānassṛjate / bhuva॒ ityā॑ha / a॒sminne॒va lo॒ke prati॑tiṣṭhati / suva॒rityā॑ha / su॒va॒rga e॒va lo॒ke prati॑tiṣṭhati / tri॒bhira॒kṣarai॒rgāऱha॑patya॒mā da॑dhāti / traya॑ i॒me lo॒kāḥ / e॒ṣve॑vainaṃ॑ lo॒keṣu॒ prati॑ṣṭhita॒mādha॑tte / sarvai pa॒ñcabhi॑rāhava॒nīyam

1.1.5.3
su॒va॒rgāya॒ vā e॒ṣa lo॒kāyādhī॑yate / yadā॑hava॒nīyaḥ॑ / su॒va॒rga e॒vāsmai॑ lo॒ke vā॒cassa॒tya sarva॑māpnoti / tri॒bhirgāऱha॑patya॒mā da॑dhāti / pa॒ñcabhi॑rāhava॒nīyam / a॒ṣṭau saṃpa॑dyante / a॒ṣṭākṣa॑rā gāya॒trī / gā॒ya॒tro'gniḥ / yāvā॑ne॒vāgniḥ / tamādha॑tte

1.1.5.4
pra॒jāpa॑ti pra॒jā a॑sṛjata / tā a॑smātsṛ॒ṣṭā parā॑cīrāyann / tābhyo॒ jyoti॒ruda॑gṛhṇāt / taṃ jyoti॒ paśya॑ntī pra॒jā a॒bhi sa॒māva॑rtanta / u॒parī॑vā॒gnimudgṛ॑hṇīyādu॒ddharann॑ / jyoti॑re॒va paśya॑ntī pra॒jā yaja॑mānama॒bhi sa॒māva॑rtante / pra॒jāpa॑te॒rakṣya॑śvayat / tatparā॑'patat / tadaśvo॑'bhavat / tadaśva॑syāśva॒tvam

1.1.5.5
e॒ṣa vai pra॒jāpa॑tiḥ / yada॒gniḥ / prā॒jā॒pa॒tyo'śvaḥ॑ / yadaśvaṃ॑ pu॒rastā॒nnaya॑ti / svame॒va cakṣu॒ paśya॑npra॒jāpa॑ti॒ranūde॑ti / va॒jrī vā e॒ṣaḥ / yadaśvaḥ॑ / yadaśvaṃ॑ pu॒rastā॒nnaya॑ti / jā॒tāne॒va bhrātṛ॑vyā॒npraṇu॑date / puna॒rā va॑rtayati

1.1.5.6
ja॒ni॒ṣyamā॑ṇāne॒va prati॑nudate / nyā॑hava॒nīyo॒ gāऱha॑patyamakāmayata / nigāऱha॑patya āhava॒nīyam / tau vi॒bhājaṃ॒ nāśa॑knot / so'śva॑ pūrva॒vāḍbhū॒tvā / prāñcaṃ॒ pūrva॒muda॑vahat / tatpūrva॒vāha॑ pūrvavā॒ṭtvam / yadaśvaṃ॑ pu॒rastā॒nnaya॑ti / vibha॑ktire॒vaina॑yo॒ssā / atho॒ nānā॑vīryāve॒vainau॑ kurute

1.1.5.7
yadu॒paryu॑pari॒ śiro॒ haret / prā॒ṇān‌vicchi॑ndyāt / a॒dho॑'dha॒śśiro॑ harati / prā॒ṇānāṃ gopī॒thāya॑ / iya॒tyagre॑ harati / atheya॒tyatheya॑ti / traya॑ i॒me lo॒kāḥ / e॒ṣve॑vainaṃ॑ lo॒keṣu॒ prati॑ṣṭhita॒mādha॑tte / pra॒jāpa॑tira॒gnima॑sṛjata / so॑'bibhe॒tpra mā॑ dhakṣya॒tīti॑

1.1.5.8
tasya॑ tre॒dhā ma॑hi॒māna॒vvyaum̐॑hat / śāntyā॒ apra॑dāhāya / yattre॒dhā'gnirā॑dhī॒yate / ma॒hi॒māna॑me॒vāsya॒ tadvyū॑hati / śāntyā॒ apra॑dāhāya / puna॒rā va॑rtayati / ma॒hi॒māna॑me॒vāsya॒ saṃda॑dhāti / pa॒śurvā e॒ṣaḥ / yadaśvaḥ॑ / e॒ṣa ru॒draḥ

1.1.5.9
yada॒gniḥ / yadaśva॑sya pa॒de'gnimā॑da॒dhyāt / ru॒drāya॑ pa॒śūnapi॑dadhyāt / a॒pa॒śuryaja॑mānassyāt / yannākra॒mayet / ana॑varuddhā asya pa॒śava॑ssyuḥ / pā॒rśva॒ta ākra॑mayet / yathā''hi॑tasyā॒gneraṅgā॑rā abhyava॒varte॑rann / ava॑ruddhā asya pa॒śavo॒ bhava॑nti / na ru॒drāyāpi॑dadhāti

1.1.5.10
trīṇi॑ ha॒vīṣi॒ nirva॑pati / vi॒rāja॑ e॒va vikrāntaṃ॒ yaja॑mā॒no'nu॒ vikra॑mate / a॒gnaye॒ pava॑mānāya / a॒gnaye॑ pāva॒kāya॑ / a॒gnaye॒ śuca॑ye / yada॒gnaye॒ pava॑mānāya ni॒rvapa॑ti / pu॒nātye॒vainam / yada॒gnaye॑ pāva॒kāya॑ / pū॒ta e॒vāsmi॑nna॒nnādyaṃ॑ dadhāti / yada॒gnaye॒ śuca॑ye / bra॒hma॒va॒rca॒same॒vāsmi॑nnu॒pari॑ṣṭāddadhāti

1.1.6.0
ā॒di॒tye tṛtī॑yama॒phsvāsī॒ttattenāvā॑rundhata॒ syādāpyate॒ reto॒'gnireka॑mekame॒tāni॑ ha॒vīṣi॑ ni॒rvapetpra॒tyava॑rohati dadātyadhva॒ryurdeya॒mekaṃ॑ ca

1.1.6.1
de॒vā॒su॒rāssaṃya॑ttā āsann / te de॒vā vi॑ja॒yamu॑pa॒yantaḥ॑ / a॒gnau vā॒maṃ vasu॒ saṃ nya॑dadhata / i॒damu॑ no bhaviṣyati / yadi॑ no je॒ṣyantīti॑ / tada॒gnirnotsaha॑maśaknot / tat tre॒dhā vinya॑dadhāt / pa॒śuṣu॒ tṛtī॑yam / a॒phsu tṛtī॑yam / ā॒di॒tye tṛtī॑yam

1.1.6.2
tadde॒vā vi॒jitya॑ / puna॒ravā॑rurutsanta / te'gnaye॒ pava॑mānāya puro॒ḍāśa॑ma॒ṣṭāka॑pālaṃ॒ nira॑vapann / pa॒śavo॒ vā a॒gni pava॑mānaḥ / yade॒va pa॒śuṣvāsīt / tattenāvā॑rundhata / te'gnaye॑ pāva॒kāya॑ / āpo॒ vā a॒gni pā॑va॒kaḥ / yade॒vāphsvāsīt / tattenāvā॑rundhata

1.1.6.3
te'gnaye॒ śuca॑ye / a॒sau vā ā॑di॒tyo'gniśśuciḥ॑ / yade॒vādi॒tya āsīt / tattenāvā॑rundhata / bra॒hma॒vā॒dino॑ vadanti / ta॒nuvo॒ vāvaitā a॑gnyā॒dheya॑sya / ā॒gne॒yo vā a॒ṣṭāka॑pālo'gnyā॒dheya॒miti॑ / yattanni॒rvapet / naitāni॑ / yathā॒''tmā syāt

1.1.6.4
nāṅgā॑ni / tā॒dṛge॒va tat / yade॒tāni॑ ni॒rvapet / na tam / yathā'ṅgā॑ni॒ syuḥ / nātmā / tā॒dṛge॒va tat / u॒bhayā॑ni sa॒ha ni॒rupyā॑ṇi / ya॒jñasya॑ sātma॒tvāya॑ / u॒bhayaṃ॒ vā e॒tasyendri॒yaṃ vī॒rya॑māpyate

1.1.6.5
yo'gnimā॑dha॒tte / ai॒ndrā॒gnamekā॑daśakapāla॒manu॒ nirva॑pet / ā॒di॒tyaṃ ca॒rum / i॒ndrā॒gnī vai de॒vānā॒mayā॑tamāyāmānau / ye e॒va de॒vate॒ ayā॑tayāmnī / tābhyā॑me॒vāsmā॑ indri॒yaṃ vī॒rya॑mava॑ rundhe / ā॒di॒tyo bha॑vati / i॒yaṃ vā adi॑tiḥ / a॒syāme॒va prati॑tiṣṭhati / dhe॒nvai vā e॒tadretaḥ॑

1.1.6.6
yadājyam / a॒na॒ḍuha॑staṇḍu॒lāḥ / mi॒thu॒name॒vāva॑rundhe / ghṛ॒te bha॑vati / ya॒jñasyālūkṣāntatvāya / ca॒tvāra॑ āऱṣe॒yā prāśña॑nti / di॒śāme॒va jyoti॑ṣi juhoti / pa॒śavo॒ vā e॒tāni॑ ha॒vīṣi॑ / e॒ṣa ru॒draḥ / yada॒gniḥ

1.1.6.7
yatsa॒dya e॒tāni॑ ha॒vīṣi॑ ni॒rvapet / ru॒drāya॑ pa॒śūnapi॑ dadhyāt / a॒pa॒śuryaja॑mānassyāt / yannānu॑ni॒rvapet / ana॑varuddhā asya pa॒śava॑ssyuḥ / dvā॒da॒śasu॒ rātrī॒ṣvanu॒ nirva॑pet / saṃ॒va॒tsa॒rapra॑timā॒ vai dvāda॑śa॒ rātra॑yaḥ / saṃ॒va॒tsa॒reṇai॒vāsmai॑ ru॒dra śa॑mayi॒tvā / pa॒śūnava॑rundhe / yadeka॑mekame॒tāni॑ ha॒vīṣi॑ ni॒rvapet

1.1.6.8
yathā॒ trīṇyā॒vapa॑nāni pū॒rayet / tā॒dṛktat / na pra॒jana॑na॒mucchi॑ṣet / ekaṃ॑ ni॒rupya॑ / utta॑re॒ sama॑syet / tṛ॒tīya॑me॒vāsmai॑ lo॒kamucchi॑ṣati pra॒jana॑nāya / taṃ pra॒jayā॑ pa॒śubhi॒ranu॒ prajā॑yate / atho॑ ya॒jñasyai॒vaiṣā'bhikrāntiḥ / ra॒tha॒ca॒kraṃ prava॑rtayati / ma॒nu॒ṣya॒ra॒thenai॒va de॑vara॒thaṃ pra॒tyava॑rohati

1.1.6.9
bra॒hma॒vā॒dino॑ vadanti / ho॒ta॒vya॑magniho॒trām̐ (३)na ho॑ta॒vyā (३) miti॑ / yadyaju॑ṣā juhu॒yāt / aya॑thāpūrva॒māhu॑tī juhuyāt / yanna ju॑hu॒yāt / a॒gni parā॑ bhavet / tū॒ṣṇīme॒va ho॑ta॒vyam / ya॒thā॒pū॒rvamāhu॑tī ju॒hoti॑ / nāgni parā॑bhavati / a॒gnīdhe॑ dadāti

1.1.6.10
a॒gnimu॑khāne॒vartūnprī॑ṇāti / u॒pa॒baऱha॑ṇaṃ dadāti / rū॒pāṇā॒mava॑ruddhyai / aśvaṃ॑ bra॒hmaṇe / i॒ndri॒yame॒vāva॑rundhe / dhe॒nu hotre / ā॒śiṣa॑ e॒vāva॑rundhe / a॒na॒ḍvāha॑madhva॒ryave / vahni॒rvā a॑na॒ḍvān / vahni॑radhva॒ryuḥ

1.1.6.11
vahni॑nai॒va vahni॑ ya॒jñasyāva॑rundhe / mi॒thu॒nau gāvau॑ dadāti / mi॒thu॒nasyāva॑ruddhyai / vāso॑ dadāti / sa॒rva॒de॒va॒tyaṃ॑ vai vāsaḥ॑ / sarvā॑ e॒va de॒vatā prīṇāti / ā dvā॑da॒śabhyo॑ dadāti / dvāda॑śa॒ māsāssaṃvatsa॒raḥ / saṃ॒va॒tsa॒ra e॒va prati॑tiṣṭhati / kāma॑mū॒rdhvaṃ deyam / apa॑rimita॒syāva॑ruddhyai

1.1.7.0
catu॑ṣpade jinvatāṃ ta॒nuva॒strīṇi॑ ca

1.1.7.1
gha॒rmaśśira॒stada॒yama॒gniḥ / saṃpri॑ya pa॒śubhi॑rbhuvat / cha॒rdisto॒kāya॒ tana॑yāya yaccha / vāta॑ prā॒ṇastada॒yama॒gniḥ / saṃpri॑ya pa॒śubhi॑rbhuvat / sva॒di॒taṃ to॒kāya॒ tana॑yāya pi॒tuṃ pa॑ca / prācī॒manu॑ pra॒diśaṃ॒ prehi॑ vi॒dvān / a॒gnera॑gne pu॒ro a॑gnirbhave॒ha / viśvā॒ āśā॒ dīdyā॑no॒ vibhā॑hi / ūrjaṃ॑ no dhehi dvi॒pade॒ catu॑ṣpade

1.1.7.2
a॒rkaścakṣu॒stada॒sau sūrya॒stada॒yama॒gniḥ / saṃpri॑ya pa॒śubhi॑rbhuvat / yatte॑ śukra śu॒kraṃ varca॑śśu॒krā ta॒nūḥ / śu॒kraṃ jyoti॒raja॑sram / tena॑ me dīdihi॒ tena॒ tvā''da॑dhe / a॒gninā'gne॒ brahma॑ṇā / ā॒na॒śe vyā॑naśe॒ sarva॒māyu॒rvyā॑naśe / ye te॑ agne śi॒ve ta॒nuvau / vi॒rāṭca॑ sva॒rāṭca॑ / te māvi॑śatāṃ॒ te mā॑ jinvatām

1.1.7.3
ye te॑ agne śi॒ve ta॒nuvau / saṃ॒rāṭcā॑bhi॒bhūśca॑ / te māvi॑śatāṃ॒ te mā॑ jinvatām / ye te॑ agne śi॒ve ta॒nuvau / vi॒bhūśca॑ pari॒bhūśca॑ / te mā vi॑śatāṃ॒ te mā॑ jinvatām / ye te॑ agne śi॒ve ta॒nuvau / pra॒bhvī ca॒ prabhū॑tiśca / te mā vi॑śatāṃ॒ te mā॑ jinvatām / yāste॑ agne śi॒vāsta॒nuvaḥ॑ / tābhi॒stvā''da॑dhe / yāste॑ agne gho॒rāsta॒nuvaḥ॑ / tābhi॑ra॒muṃ ga॑ccha

1.1.8.0
lo॒ko॑'sṛjataina॒mādha॑tte'nvāhārya॒paca॑naṃ de॒vānā॒manna॑menaṃ॒ prati॑ṣṭhita॒mādha॑tte॒ pañca॑ ca

1.1.8.1
i॒me vā e॒te lo॒kā a॒gnayaḥ॑ / te yadavyā॑vṛttā ādhī॒yerann॑ / śo॒caye॑yu॒ryaja॑mānam / gha॒rmaśśira॒ iti॒ gāऱha॑patya॒mā da॑dhāti / vāta॑ prā॒ṇa itya॑nvāhārya॒paca॑nam / a॒rkaścakṣu॒rityā॑hava॒nīyam / tenai॒vainā॒nvyāva॑rtayati / tathā॒ na śo॑cayanti॒ yaja॑mānam / ra॒tha॒nta॒rama॒bhigā॑yate॒ gāऱha॑patya ādhī॒yamā॑ne / rātha॑ntaro॒ vā a॒yaṃ lo॒kaḥ

1.1.8.2
a॒sminne॒vainaṃ॑ lo॒ke prati॑ṣṭhita॒mā dha॑tte / vā॒ma॒de॒vyama॒bhigā॑yata uddhri॒yamā॑ṇe / a॒ntari॑kṣaṃ॒ vai vā॑made॒vyam / a॒ntari॑kṣa e॒vainaṃ॒ prati॑ṣṭhita॒mādha॑tte / atho॒ śānti॒rvai vā॑made॒vyam / śā॒ntame॒vainaṃ॑ paśa॒vya॑muddha॑rate / bṛ॒hada॒bhigā॑yata āhava॒nīya॑ ādhī॒yamā॑ne / bāऱha॑to॒ vā a॒sau lo॒kaḥ / a॒muṣmi॑nne॒vainaṃ॑ lo॒ke prati॑ṣṭhita॒mādha॑tte / pra॒jāpa॑tira॒gnima॑sṛjata

1.1.8.3
so'śvo॒'vāro॑ bhū॒tvā parā॑ṅait / taṃ vā॑rava॒ntīye॑nāvārayata / tadvā॑rava॒ntīya॑sya vāravantīya॒tvam / śyai॒tena॑ śye॒tī a॑kuruta / tacchyai॒tasya॑ śyaita॒tvam / yadvā॑rava॒ntīya॑mabhi॒ gāya॑te / vā॒ra॒yi॒tvaivainaṃ॒ prati॑ṣṭhita॒mā dha॑tte / śyai॒tena॑ śye॒tī ku॑rute / gha॒rmaśśira॒ iti॒ gāऱha॑patya॒māda॑dhāti / saśī॑ऱṣāṇame॒vaina॒mā dha॑tte

1.1.8.4
upai॑na॒mutta॑ro ya॒jño na॑mati / ru॒dro vā e॒ṣaḥ / yada॒gniḥ / sa ā॑dhī॒yamā॑na īśva॒ro yaja॑mānasya pa॒śūn hisi॑toḥ / saṃpri॑yaḥ pa॒śubhi॑rbhuva॒dityā॑ha / pa॒śubhi॑re॒vaina॒॒ saṃpri॑yaṃ karoti / pa॒śū॒nāmahi॑sāyai / cha॒rdisto॒kāya॒ tana॑yāya ya॒cchetyā॑ha / ā॒śiṣa॑me॒vaitāmā śāste / vātaḥ॑ prā॒ṇa itya॑nvāhārya॒paca॑nam

1.1.8.5
saprā॑ṇame॒vaina॒mā dha॑tte / sva॒di॒taṃ to॒kāya॒ tana॑yāya pi॒tuṃ pa॒cetyā॑ha / anna॑me॒vāsmai svadayati / prācī॒manu॑ pra॒diśaṃ॒ prehi॑ vi॒dvānityā॑ha / vibha॑ktire॒vaina॑yo॒ssā / atho॒ nānā॑vīryāve॒vainau॑ kurute / ūrjaṃ॑ no dhehi dvi॒pade॒ catu॑ṣpada॒ ityā॑ha / ā॒śiṣa॑me॒vaitāmā śāste / a॒rkaścakṣu॒rityā॑hava॒nīyam / a॒rko vai de॒vānā॒mannam

1.1.8.6
anna॑me॒vāva॑ rundhe / tena॑ me dīdi॒hītyā॑ha / sami॑ndha e॒vainam / ā॒na॒śe vyā॑naśa॒ iti॒ trirudi॑ṅgayati / traya॑ i॒me lo॒kāḥ / e॒ṣve॑vainaṃ॑ lo॒keṣu॒ prati॑ṣṭhita॒mā dha॑tte / tattathā॒ na kā॒ryam / vīṅgi॑ta॒mapra॑tiṣṭhita॒mā da॑dhīta / u॒ddhṛtyai॒vādhāyā॑bhi॒mantriyaḥ॑ / avīṅgitame॒vainaṃ॒ prati॑ṣṭhita॒mādha॑tte / vi॒rāṭca॑ sva॒rāṭca॒ yāste॑ agne śi॒vāsta॒nuva॒stābhi॒stvā''da॑dha॒ ityā॑ha / e॒tā vā a॒gneśśi॒vāsta॒nuvaḥ॑ / tābhi॑re॒vaina॒॒ sama॑rdhayati / yāste॑ agne gho॒rāsta॒nuva॒stābhi॑ra॒muṃ ga॒ccheti॑ brūyā॒dyaṃ dvi॒ṣyāt / tābhi॑re॒vainaṃ॒ parā॑bhāvayati

1.1.9.0
dvi॒tīya॑mapacaccatu॒rthama॑paca॒dadi॑tī॒ reto॑'dhatta॒ saṃmi॑tā ghṛ॒tava॑tībhi॒rāda॑dhāti rāja॒nya॑ssvasya॒ chanda॑saḥ pratyayana॒stvāye॑yādgacchati manthati॒ rātra॑yaśca॒tvāri॑ ca

1.1.9.1
śa॒mī॒ga॒rbhāda॒gniṃ ma॑nthati / e॒ṣā vā a॒gnerya॒jñiyā॑ ta॒nūḥ / tāme॒vāsmai॑ janayati / adi॑tiḥ pu॒ttrakā॑mā / sā॒dhyebhyo॑ de॒vebhyo brahmauda॒nama॑pacat / tasyā॑ u॒ccheṣa॑ṇamadaduḥ / tatprāśñāt / sā reto॑'dhatta / tasyai॑ dhā॒tā cārya॒mā cā॑jāyetām / sā dvi॒tīya॑mapacat

1.1.9.2
tasyā॑ u॒ccheṣa॑ṇamadaduḥ / tatprāśñāt / sā reto॑'dhatta / tasyai॑ mi॒traśca॒ varu॑ṇaścājāyetām / sā tṛ॒tīya॑mapacat / tasyā॑ u॒ccheṣa॑ṇamadaduḥ / tatprāśñāt / sā reto॑'dhatta / tasyā॒ aśa॑śca॒ bhaga॑ścājāyetām / sā ca॑tu॒rthama॑pacat

1.1.9.3
tasyā॑ u॒ccheṣa॑ṇamadaduḥ / tatprāśñāt / sā reto॑'dhatta / tasyā॒ indra॑śca॒ viva॑svāścājāyetām / bra॒hmau॒da॒naṃ pa॑cati / reta॑ e॒va tadda॑dhāti / prāśña॑nti brāhma॒ṇā o॑da॒nam / yadājya॑mu॒cchiṣya॑te / tena॑ sa॒midho॒'bhyajyā da॑dhāti / u॒ccheṣa॑ṇā॒dvā adi॑tī॒ reto॑'dhatta

1.1.9.4
u॒ccheṣa॑ṇāde॒va tadreto॑ dhatte / asthi॒ vā e॒tat / yatsa॒midhaḥ॑ / e॒tadretaḥ॑ / yadājyam / yadājye॑na sa॒midho॒'bhyajyā॒dadhā॑ti / asthye॒va tadreta॑si dadhāti / ti॒sra āda॑dhāti mithuna॒tvāya॑ / iya॑tīrbhavanti / pra॒jāpa॑tinā yajñamu॒khena॒ saṃmi॑tāḥ

1.1.9.5
iya॑tīrbhavanti / ya॒jña॒pa॒ruṣā॒ saṃmi॑tāḥ / iya॑tīrbhavanti / e॒tāva॒dvai puru॑ṣe vī॒ryam / vī॒rya॑saṃmitāḥ / ā॒rdrā bha॑vanti / ā॒rdrami॑va॒ hi reta॑ssi॒cyate / citri॑yasyāśva॒tthasyāda॑dhāti / ci॒trame॒va bha॑vati / ghṛ॒tava॑tībhi॒rā da॑dhāti

1.1.9.6
e॒tadvā a॒gne pri॒yaṃ dhāma॑ / yadghṛ॒tam / pri॒yeṇai॒vainaṃ॒ dhāmnā॒ sama॑rdhayati / atho॒ teja॑sā / gā॒ya॒trībhi॑rbrāhma॒ṇasyāda॑dhyāt / gā॒ya॒tracha॑ndā॒ vai brāhma॒ṇaḥ / svasya॒ chanda॑sa pratyayana॒stvāya॑ / tri॒ṣṭugbhī॑ rāja॒nya॑sya / tri॒ṣṭupcha॑ndā॒ vai rā॑ja॒nyaḥ॑ / svasya॒ chanda॑sa pratyayana॒stvāya॑

1.1.9.7
jaga॑tībhi॒rvaiśya॑sya / jaga॑tīchandā॒ vai vaiśyaḥ॑ / svasya॒ chanda॑sa pratyayana॒stvāya॑ / ta saṃ॑vatsa॒raṃ go॑pāyet / saṃ॒va॒tsa॒ra hi reto॑ hi॒taṃ vardha॑te / yadye॑na saṃvatsa॒re nopa॒namet / sa॒midhaḥ॒ puna॒rāda॑dhyāt / reta॑ e॒va taddhi॒taṃ vardha॑mānameti / na mā॒॒sama॑śñīyāt / na striya॒mupe॑yāt

1.1.9.8
yanmā॒॒sama॑śñī॒yāt / yatstriya॑mupe॒yāt / nirvīryassyāt / naina॑ma॒gnirupa॑namet / śva ā॑dhā॒syamā॑no brahmauda॒naṃ pa॑cati / ā॒di॒tyā vā i॒ta u॑tta॒māssu॑va॒rgaṃ lo॒kamā॑yann / te vā i॒to yantaṃ॒ prati॑nudante / e॒te khalu॒ vāvādi॒tyāḥ / yadbrāhma॒ṇāḥ / taire॒va sa॒ntvaṃ ga॑cchati

1.1.9.9
nainaṃ॒ prati॑nudante / bra॒hma॒vā॒dino॑ vadanti / kvā॑ saḥ / a॒gniḥ kā॒ryaḥ॑ / yo'smai pra॒jāṃ pa॒śūnpra॑ja॒naya॒tīti॑ / śalkai॒stārātri॑ma॒gnimi॑ndhīta / tasmi॑nnupavyu॒ṣama॒raṇī॒ niṣṭa॑pet / yatha॑ऱṣa॒bhāya॑ vāśi॒tā nyā॑vicchā॒yati॑ / tā॒dṛge॒va tat / a॒po॒dūhya॒ bhasmā॒gniṃ ma॑nthati

1.1.9.10
saiva sā'gnessanta॑tiḥ / taṃ ma॑thi॒tvā prāñca॒muddha॑rati / saṃ॒va॒tsa॒rame॒va tadreto॑ hi॒taṃ praja॑nayati / anā॑hita॒stasyā॒gnirityā॑huḥ / yassa॒midho'nā॑dhāyā॒gnimā॑dha॒tta iti॑ / tāssaṃ॑vatsa॒re pu॒rastā॒dāda॑dhyāt / saṃ॒va॒tsarāde॒vaina॑mava॒rudhyādha॑tte / yadi॑ saṃvatsa॒re'nāda॒dhyāt / dvā॒da॒śyāṃ pu॒rastā॒dāda॑dhyāt / saṃ॒va॒tsa॒rapra॑timā॒ vai dvāda॑śa॒ rātra॑yaḥ / saṃ॒va॒tsa॒rame॒vāsyāhi॑tā bhavanti / yadi॑ dvāda॒śyāṃ nāda॒dhyāt / trya॒he pu॒rastā॒dāda॑dhyāt / āhi॑tā e॒vāsya॑ bhavanti

1.1.10.0
e॒ṣā pa॒śūnme॑ gopā॒yeti॒ pravi॑ṣṭā pa॒śūnme॑ gopā॒yetyā॑ha॒ juhva॑ti tiṣṭhate sa॒pta ca॑

1.1.10.1
pra॒jāpa॑ti pra॒jā a॑sṛjata / sa ri॑ricā॒no॑'manyata / sa tapo॑'tapyata / sa ā॒tmanvī॒rya॑mapaśyat / tada॑vardhata / tada॑smā॒tsaha॑so॒rdhvama॑sṛjyata / sā vi॒rāḍa॑bhavat / tāṃ de॑vāsu॒rā vya॑gṛhṇata / so'bravītpra॒jāpa॑tiḥ / mama॒ vā e॒ṣā

1.1.10.2
dohā॑ e॒va yu॒ṣmāka॒miti॑ / sā tata॒ prācyuda॑krāmat / tatpra॒jāpa॑ti॒ parya॑gṛhṇāt / atha॑rva pi॒tuṃ me॑ gopā॒yeti॑ / sā dvi॒tīya॒muda॑krāmat / tatpra॒jāpa॑ti॒ parya॑gṛhṇāt / narya॑ pra॒jāṃ me॑ gopā॒yeti॑ / sā tṛ॒tīya॒muda॑krāmat / tatpra॒jāpa॑ti॒ parya॑gṛhṇāt / śasya॑ pa॒śūnme॑ gopā॒yeti॑

1.1.10.3
sā ca॑tu॒rthamuda॑krāmat / tatpra॒jāpa॑ti॒ parya॑gṛhṇāt / sapra॑tha sa॒bhāṃ me॑ gopā॒yeti॑ / sā pa॑ñca॒mamuda॑krāmat / tatpra॒jāpa॑ti॒ parya॑gṛhṇāt / ahe॑ budhniya॒ mantraṃ॑ me gopā॒yeti॑ / a॒gnīn vāva sā tānvya॑kramata / tānpra॒jāpa॑ti॒ parya॑gṛhṇāt / atho॑ pa॒ṅktime॒va / pa॒ṅktirvā e॒ṣā brāhma॒ṇe pravi॑ṣṭā

1.1.10.4
tāmā॒tmano'dhi॒ nirmi॑mīte / yada॒gnirā॑dhī॒yate / tasmā॑de॒tāva॑nto॒'gnaya॒ ādhī॑yante / pāṅktaṃ॒ vā i॒da sarvam / pāṅkte॑nai॒va pāṅkta॑ spṛṇoti / atha॑rva pi॒tuṃ me॑ gopā॒yetyā॑ha / anna॑me॒vaitena॑ spṛṇoti / narya॑ pra॒jāṃ me॑ gopā॒yetyā॑ha / pra॒jāme॒vaitena॑ spṛṇoti / śasya॑ pa॒śūnme॑ gopā॒yetyā॑ha

1.1.10.5
pa॒śūne॒vaitena॑ spṛṇoti / sapra॑tha sa॒bhāṃ me॑ gopā॒yetyā॑ha / sa॒bhāme॒vaitenendri॒ya spṛ॑ṇoti / ahe॑ budhniya॒ mantraṃ॑ me gopā॒yetyā॑ha / mantra॑me॒vaitena॒ śriya॑ spṛṇoti / yadā॑nvāhārya॒paca॑ne'nvāhā॒ryaṃ॑ paca॑nti / tena॒ so'syā॒bhīṣṭa॑ prī॒taḥ / yadgāऱha॑patya॒ ājya॑madhi॒śraya॑nti॒ saṃpatnīryā॒jaya॑nti / tena॒ so'syā॒bhīṣṭa॑ prī॒taḥ / yadā॑hava॒nīye॒ juhva॑ti

1.1.10.6
tena॒ so'syā॒bhīṣṭa॑ prī॒taḥ / yatsa॒bhāyāṃ vi॒jaya॑nte / tena॒ so'syā॒bhīṣṭa॑ prī॒taḥ / yadā॑vasa॒the'nna॒॒ hara॑nti / tena॒ so'syā॒bhīṣṭa॑ prī॒taḥ / tathā'sya॒ sarve prī॒tā a॒bhīṣṭā॒ ādhī॑yante / pra॒va॒sa॒thame॒ṣyanne॒vamupa॑tiṣṭhe॒taika॑mekam / yathā brāhma॒ṇāya॑ gṛhevā॒sine॑ pari॒dāya॑ gṛ॒hāneti॑ / tā॒dṛge॒va tat / puna॑rā॒gatyopa॑tiṣṭhate / sā bhā॑geyame॒vaiṣāṃ॒ tat / sā tata॑ ū॒rdhvāro॑hat / sā ro॑hi॒ṇya॑bhavat / tadro॑hi॒ṇyai ro॑hiṇi॒tvam / ro॒hi॒ṇyāma॒gnimāda॑dhīta / sva e॒vainaṃ॒ yonau॒ prati॑ṣṭhita॒mādha॑tte / ṛ॒dhnotye॑nena

1.2.0.0
u॒ddha॒nyamā॑naṃ॒ navai॒tāni॒ santa॑tirekavi॒॒śa e॒ṣo'pra॑tiṣṭhāṃ pra॒jāpa॑tirvṛ॒ttaṣṣaṭ

u॒ddha॒nyamā॑na śo॒ciṣke॒śo'gne॑ sa॒patnā॑natigrā॒hyā॑ vaiśvade॒vamāla॑bhante pañcā॒śat

// uddha॒nyamā॑na॒॒ saṃvi॑ndante // hariḥ॑ om // prathamāṣṭake dvitīya prapāṭhakassamāptaḥ
1.2.0.0
taittirīyabrāhmaṇe prathamāṣṭake dvitīyapraśnaḥ // hariḥ om //
1.2.1.0
vi॒śa॒ntu॒ naḥ॒ pu॒rū॒cīrvi॑dhema ni॒dhāya॒ yatte'pra॑dāhāya bṛha॒tyo brahma॑ṇā duvasyata vi॒śvavā॑ra i॒mamṛ॑ñjate puro॒gāṃ praja॑nayi॒ṣyatho॑ jani॒ṣyate'smai॒ mama॑ mahi॒mnā varca॑se॒ dadha॑tsuva॒rgo bhā॑hi saṃbabhū॒vatu॒rāyu॒rvyā॑naśe॒ catu॑ṣsadassa॒tāṃ pra॒jāpa॑te॒rdve ca॑

1.2.1.1
u॒ddha॒nyamā॑nama॒syā a॑me॒dhyam / apa॑ pā॒pmānaṃ॒ yaja॑mānasya hantu / śi॒vā na॑ssantu pra॒diśa॒ścata॑sraḥ / śaṃ no॑ mā॒tā pṛ॑thi॒vī toka॑sātā / śaṃ no॑ de॒vīra॒bhiṣṭa॑ye / āpo॑ bhavantu pī॒taye / śaṃyora॒bhi sra॑vantu naḥ / vai॒śvā॒na॒rasya॑ rū॒pam / pṛ॒thi॒vyāṃ pa॑ri॒srasā / syo॒namā vi॑śantu naḥ

1.2.1.2
yadi॒daṃ di॒vo yada॒daḥ pṛ॑thi॒vyāḥ / saṃ॒ja॒jñā॒ne roda॑sī saṃbabhū॒vatuḥ॑ / ūṣānkṛ॒ṣṇama॑vatu kṛ॒ṣṇamūṣāḥ / i॒hobhayorya॒jñiya॒māga॑miṣṭhāḥ / ū॒tīḥ ku॑rvā॒ṇo yatpṛ॑thi॒vīmaca॑raḥ / gu॒hā॒kāra॑mākhurū॒paṃ pra॒tītya॑ / tatte॒ nya॑ktami॒ha saṃ॒bhara॑ntaḥ / śa॒taṃ jī॑vema śa॒rada॒ssavī॑rāḥ / ūrjaṃ॑ pṛthi॒vyā rasa॑mā॒bhara॑ntaḥ / śa॒taṃ jī॑vema śa॒radaḥ॑ purū॒cīḥ

1.2.1.3
va॒mrībhi॒ranu॑vittaṃ॒ guhā॑su / śrotraṃ॑ ta u॒rvyaba॑dhirā bhavāmaḥ / pra॒jāpa॑tisṛṣṭānāṃ pra॒jānām / kṣu॒dho'pa॑hatyai suvi॒taṃ no॑ astu / upa॒ prabhi॑nna॒miṣa॒mūrjaṃ॑ pra॒jābhyaḥ॑ / sūdaṃ॑ gṛ॒hebhyo॒ rasa॒mābha॑rāmi / yasya॑ rū॒paṃ bibhra॑di॒māmavi॑ndat / guhā॒ pravi॑ṣṭā sari॒rasya॒ madhye / tasye॒daṃ viha॑tamā॒bhara॑ntaḥ / acha॑mbaṭkārama॒syāṃ vi॑dhema

1.2.1.4
yatpa॒ryapa॑śyatsari॒rasya॒ madhye / u॒rvīmapa॑śya॒jjaga॑taḥ prati॒ṣṭhām / tatpuṣka॑rasyā॒yata॑nā॒ddhi jā॒tam / pa॒rṇaṃ pṛ॑thi॒vyāḥ pratha॑na harāmi / yābhi॒radṛ॑ha॒jjaga॑ta prati॒ṣṭhām / u॒rvīmi॒māṃ vi॑śvaja॒nasya॑ bha॒rtrīm / tā na॑śśi॒vāśśarka॑rāssantu॒ sarvāḥ / a॒gne reta॑śca॒ndra hira॑ṇyam / a॒dbhyassaṃbhū॑tama॒mṛtaṃ॑ pra॒jāsu॑ / tatsaṃ॒bhara॑nnuttara॒to ni॒dhāya॑

1.2.1.5
a॒ti॒pra॒yacchaṃ॒ duri॑tiṃ tareyam / aśvo॑ rū॒paṃ kṛ॒tvā yada॑śva॒tthe'ti॑ṣṭhaḥ / saṃ॒va॒tsa॒raṃ de॒vebhyo॑ ni॒lāya॑ / tatte॒ nya॑ktami॒ha saṃ॒bhara॑ntaḥ / śa॒taṃ jī॑vema śa॒rada॒ssavī॑rāḥ / ū॒rja pṛ॑thi॒vyā adhyutthi॑to'si / vana॑spate śa॒tava॑l‌śo॒ viro॑ha / tvayā॑ va॒yamiṣa॒mūrjaṃ॒ mada॑ntaḥ / rā॒yaspoṣe॑ṇa॒ sami॒ṣā ma॑dema / gā॒ya॒tri॒yā hri॒yamā॑ṇasya॒ yatte

1.2.1.6
pa॒rṇamapa॑tattṛ॒tīya॑syai di॒vo'dhi॑ / so॑'yaṃ pa॒rṇasso॑mapa॒rṇāddhi jā॒taḥ / tato॑ harāmi somapī॒thasyāva॑ruddhyai / de॒vānāṃ brahmavā॒daṃ vada॑tāṃ॒ yat / u॒pāśṛ॑ṇossu॒śravā॒ vai śru॒to॑'si / tato॒ māmāvi॑śatu brahmavarca॒sam / tatsaṃ॒bhara॒॒ stadava॑rundhīya sā॒kṣāt / yayā॑ te sṛ॒ṣṭasyā॒gneḥ / he॒timaśa॑mayatpra॒jāpa॑tiḥ / tāmi॒māmapra॑dāhāya

1.2.1.7
śa॒mī śāntyai॑ harāmya॒ham / yatte॑ sṛ॒ṣṭasya॑ ya॒taḥ / vika॑ṅkataṃ॒ bhā ārcchajjātavedaḥ / tayā॑ bhā॒sā saṃmi॑taḥ / u॒ruṃ no॑ lo॒kamanu॒ prabhā॑hi / yatte॑ tā॒ntasya॒ hṛda॑ya॒mācchi॑ndañjātavedaḥ / ma॒ruto॒'dbhista॑mayi॒tvā / e॒tatte॒ tada॑śa॒nessaṃbha॑rāmi / sātmā॑ agne॒ sahṛ॑dayo bhave॒ha / citri॑yādaśva॒tthātsaṃbhṛ॑tā bṛha॒tyaḥ॑

1.2.1.8
śarī॑rama॒bhi saskṛ॑tāsstha / pra॒jāpa॑tinā yajñamu॒khena॒ saṃmi॑tāḥ / ti॒srastri॒vṛdbhi॑rmithu॒nā prajātyai / a॒śva॒tthāddha॑vyavā॒hāddhi jā॒tām / a॒gnesta॒nūṃ ya॒jñiyā॒॒ saṃbha॑rāmi / śā॒ntayo॑ni śamīga॒rbham / a॒gnaye॒ praja॑nayi॒tave / yo a॑śva॒tthaśśa॑mīga॒rbhaḥ / ā॒ru॒roha॒ tve sacā / taṃ te॑ harāmi॒ brahma॑ṇā

1.2.1.9
ya॒jñiyaiḥ ke॒tubhi॑ssa॒ha / yaṃ tvā॑ sa॒mabha॑rañjātavedaḥ / ya॒thā॒śa॒rī॒raṃ bhū॒teṣu॒ nya॑ktam / sa saṃbhṛ॑tassīda śi॒vaḥ pra॒jābhyaḥ॑ / u॒ruṃ no॑ lo॒kamanu॑neṣi vi॒dvān / prave॒dhase॑ ka॒vaye॒ medhyā॑ya / vaco॑ va॒ndāru॑ vṛṣa॒bhāya॒ vṛṣṇe / yato॑ bha॒yamabha॑yaṃ॒ tanno॑ astu / ava॑ de॒vān ya॑je॒heḍyān॑ / sa॒midhā॒'gniṃ du॑vasyata

1.2.1.10
ghṛ॒tairbo॑dhaya॒tāti॑thim / ā'smi॑n ha॒vyā ju॑hotana / upa॑ tvā'gne ha॒viṣma॑tīḥ / ghṛ॒tācīryantu haryata / ju॒ṣasva॑ sa॒midho॒ mama॑ / taṃ tvā॑ sa॒midbhi॑raṅgiraḥ / ghṛ॒tena॑ vardhayāmasi / bṛ॒haccho॑cā yaviṣṭhya / sa॒mi॒dhyamā॑naḥ pratha॒mo nu dharmaḥ॑ / sama॒ktubhi॑rajyate vi॒śvavā॑raḥ

1.2.1.11
śo॒ciṣke॑śo ghṛ॒tani॑rṇikpāva॒kaḥ / su॒ya॒jño a॒gnirya॒jathā॑ya de॒vān / ghṛ॒tapra॑tīko ghṛ॒tayo॑nira॒gniḥ / ghṛ॒taissami॑ddho ghṛ॒tama॒syānnam / ghṛ॒ta॒pruṣa॑stvā sa॒rito॑ vahanti / ghṛ॒taṃ pibantsu॒yajā॑ yakṣi de॒vān / ā॒yu॒rdā a॑gne ha॒viṣo॑ juṣā॒ṇaḥ / ghṛ॒tapra॑tīko ghṛ॒tayo॑niredhi / ghṛ॒taṃ pī॒tvā madhu॒ cāru॒ gavyam / pi॒teva॑ pu॒trama॒bhira॑kṣatādi॒mam

1.2.1.12
tvāma॑gne samidhā॒naṃ ya॑viṣṭha / de॒vā dū॒taṃ ca॑krire havya॒vāham / u॒ru॒jraya॑saṃ ghṛ॒tayo॑ni॒māhu॑tam / tve॒ṣaṃ cakṣu॑rdadhire coda॒yanva॑ti / tvāma॑gne pra॒diva॒ āhu॑taṃ ghṛ॒tena॑ / su॒mnā॒yava॑ssuṣa॒midhā॒ samī॑dhire / sa vā॑vṛdhā॒na oṣa॑dhībhirukṣi॒taḥ / u॒ru jrayā॑si॒ pārthi॑vā॒ viti॑ṣṭhase / ghṛ॒tapra॑tīkaṃ va ṛ॒tasya॑ dhūr॒ṣadam / a॒gniṃ mi॒traṃ na sa॑midhā॒na ṛ॑ñjate

1.2.1.13
indhā॑no a॒kro vi॒dathe॑ṣu॒ dīdya॑t / śu॒krava॑rṇā॒mudu॑ no yasate॒ dhiyam / pra॒jā a॑gne॒ saṃvā॑saya / āśāśca pa॒śubhi॑ssa॒ha / rā॒ṣṭrāṇya॑smā॒ ādhe॑hi / yānyāsantsavi॒tussa॒ve / ma॒hī vi॒śpatnī॒ sada॑ne ṛ॒tasya॑ / a॒rvācī॒ etaṃ॑ dharuṇe rayī॒ṇām / a॒ntarva॑tnī॒ janyaṃ॑ jā॒tave॑dasam / a॒dhva॒rāṇāṃ janayatha puro॒gām

1.2.1.14
āro॑hataṃ da॒śata॒॒ śakva॑rī॒rmama॑ / ṛ॒tenāgna॒ āyu॑ṣā॒ varca॑sā sa॒ha / jyogjīva॑nta॒ utta॑rāmuttarā॒॒ samām / daऱśa॑ma॒haṃ pū॒rṇamā॑saṃ ya॒jñaṃ yathā॒ yajai / ṛtvi॑yavatī stho a॒gnire॑tasau / garbhaṃ॑ dadhāthāṃ॒ te vā॑ma॒haṃ da॑de / tatsa॒tyaṃ yadvī॒raṃ bi॑bhṛthaḥ / vī॒raṃ ja॑nayi॒ṣyathaḥ॑ / te matprā॒ta praja॑niṣyethe / te mā॒ prajā॑te॒ praja॑nayi॒ṣyathaḥ॑

1.2.1.15
pra॒jayā॑ pa॒śubhi॑rbrahmavarca॒sena॑ suva॒rge lo॒ke / anṛ॑tātsa॒tyamupai॑mi / mā॒nu॒ṣāddevya॒mupai॑mi / daivīṃ॒ vācaṃ॑ yacchāmi / śalkai॑ra॒gnimi॑ndhā॒naḥ / u॒bhau lo॒kau sa॑nema॒ham / u॒bhayorlo॒kayor॑ ṛ॒dhvā / ati॑ mṛ॒tyuṃ ta॑rāmya॒ham / jāta॑vedo॒ bhuva॑nasya॒ retaḥ॑ / i॒ha si॑ñca॒ tapa॑so॒ yajja॑ni॒ṣyate

1.2.1.16
a॒gnima॑śva॒tthādadhi॑ havya॒vāham / śa॒mī॒ga॒rbhājja॒naya॒n॒ yo ma॑yo॒bhūḥ / a॒yaṃ te॒ yoni॑r‌ṛ॒tviyaḥ॑ / yato॑ jā॒to aro॑cathāḥ / taṃ jā॒nanna॑gna॒ āro॑ha / athā॑ no vardhayā ra॒yim / ape॑ta॒ vīta॒ vi ca॑ sarpa॒tātaḥ॑ / ye'tra॒ stha pu॑rā॒ṇā ye ca॒ nūta॑nāḥ / adā॑di॒daṃ ya॒mo॑'va॒sānaṃ॑ pṛthi॒vyāḥ / akra॑nni॒maṃ pi॒taro॑ lo॒kama॑smai

1.2.1.17
a॒gnerbhasmāsya॒gne purī॑ṣamasi / saṃ॒jñāna॑masi kāma॒dhara॑ṇam / mayi॑ te kāma॒dhara॑ṇaṃ bhūyāt / saṃva॑ssṛjāmi॒ hṛda॑yāni / sasṛ॑ṣṭaṃ॒ mano॑ astu vaḥ / saṃsṛ॑ṣṭa prā॒ṇo a॑stu vaḥ / saṃ yā vaḥ॑ pri॒yāsta॒nuvaḥ॑ / saṃ pri॒yā hṛda॑yāni vaḥ / ā॒tmā vo॑ astu॒ saṃpri॑yaḥ / saṃpri॑yāsta॒nuvo॒ mama॑

1.2.1.18
kalpe॑tāṃ॒ dyāvā॑pṛthi॒vī / kalpa॑ntā॒māpa॒ oṣa॑dhīḥ / kalpa॑ntāma॒gnaya॒ pṛtha॑k / mama॒ jyaiṣṭhyā॑ya॒ savra॑tāḥ / ye'gnaya॒ssama॑nasaḥ / a॒nta॒rā dyāvā॑pṛthi॒vī / vāsa॑ntikāvṛ॒tū a॒bhi kalpa॑mānāḥ / indra॑miva de॒vā a॒bhi saṃ vi॑śantu / di॒vastvā॑ vī॒rye॑ṇa / pṛ॒thi॒vyai ma॑hi॒mnā

1.2.1.19
a॒ntari॑kṣasya॒ poṣe॑ṇa / sa॒rvapa॑śu॒māda॑dhe / ajī॑jananna॒mṛtaṃ॒ martyā॑saḥ / a॒sre॒māṇaṃ॑ ta॒raṇiṃ॑ vī॒ḍuja॑mbham / daśa॒ svasā॑ro a॒gruva॑ssamī॒cīḥ / pumā॑saṃ jā॒tama॒bhi sara॑bhantām / pra॒jāpa॑testvā prā॒ṇenābhi॒ prāṇi॑mi / pū॒ṣṇa poṣe॑ṇa॒ mahyam / dī॒rghā॒yu॒tvāya॑ śa॒taśā॑radāya / śa॒ta śa॒radbhya॒ āyu॑ṣe॒ varca॑se

1.2.1.20
jī॒vātvai puṇyā॑ya / a॒haṃ tvada॑smi॒ mada॑si॒ tvame॒tat / mamā॑si॒ yoni॒stava॒ yoni॑rasmi / mamai॒va sanvaha॑ ha॒vyānya॑gne / pu॒tra pi॒tre lo॑ka॒kṛjjā॑tavedaḥ / prā॒ṇe tvā॒'mṛta॒māda॑dhāmi / a॒nnā॒dama॒nnādyā॑ya / go॒ptāraṃ॒ guptyai / su॒gā॒r॒ha॒pa॒tyo vi॒daha॒nnarā॑tīḥ / u॒ṣasa॒śśreya॑sīśśreyasī॒rdadha॑t

1.2.1.21
agne॑ sa॒patnā॑ apa॒ bādha॑mānaḥ / rā॒yaspoṣa॒miṣa॒mūrja॑ma॒smāsu॑ dhehi / i॒mā u॒ māmupa॑tiṣṭhantu॒ rāyaḥ॑ / ā॒bhi pra॒jābhi॑ri॒ha saṃva॑seya / i॒ho iḍā॑ tiṣṭhatu viśvarū॒pī / madhye॒ vasordīdihi jātavedaḥ / oja॑se॒ balā॑ya॒ tvodya॑cche / vṛṣa॑ṇe॒ śuṣmā॒yāyu॑ṣe॒ varca॑se / sa॒pa॒tna॒tūra॑si vṛtra॒tūḥ / yaste॑ de॒veṣu॑ mahi॒mā su॑va॒rgaḥ

1.2.1.22
yasta॑ ā॒tmā pa॒śuṣu॒ pravi॑ṣṭaḥ / puṣṭi॒ryā te॑ manu॒ṣye॑ṣu papra॒the / tayā॑ no agne ju॒ṣamā॑ṇa॒ ehi॑ / di॒vaḥ pṛ॑thi॒vyāḥ parya॒ntiri॑kṣāt / vātātpa॒śubhyo॒ adhyoṣa॑dhībhyaḥ / yatra॑ yatra jātavedassaṃba॒bhūtha॑ / tato॑ no agne ju॒ṣamā॑ṇa॒ ehi॑ / prācī॒manu॑ pra॒diśaṃ॒ prehi॑ vi॒dvān / a॒gnera॑gne pu॒roa॑gnirbhave॒ha / viśvā॒ āśā॒ dīdyā॑no॒ vi bhā॑hi

1.2.1.23
ūrjaṃ॑ no dhehi dvi॒pade॒ catu॑ṣpade / anva॒gniru॒ṣasā॒magra॑makhyat / anvahā॑ni pratha॒mo jā॒tave॑dāḥ / anu॒ sūrya॑sya puru॒trā ca॑ ra॒śmīn / anu॒ dyāvā॑pṛthi॒vī āta॑tāna / vikra॑masva ma॒hā a॑si / ve॒di॒ṣanmānu॑ṣebhyaḥ / tri॒ṣu lo॒keṣu॑ jāgṛhi / yadi॒daṃ di॒vo yada॒da pṛ॑thi॒vyāḥ / saṃ॒vi॒dā॒ne roda॑sī saṃ babhū॒vatuḥ॑

1.2.1.24
tayoḥ pṛ॒ṣṭhe sī॑datu jā॒tave॑dāḥ / śaṃ॒bhū pra॒jābhya॑sta॒nuve syo॒naḥ / prā॒ṇaṃ tvā॒'mṛta॒ ā da॑dhāmi / a॒nnā॒dama॒nnādyā॑ya / go॒ptāraṃ॒ guptyai / yatte॑ śukra śu॒kraṃ varca॑śśu॒krā ta॒nūḥ / śu॒kraṃ jyoti॒raja॑sram / tena॑ me dīdihi॒ tena॒ tvā''da॑dhe / a॒gninā'gne॒ brahma॑ṇā / ā॒na॒śe vyā॑naśe॒ sarva॒māyu॒rvyā॑naśe

1.2.1.25
narya॑ pra॒jāṃ me॑ gopāya / a॒mṛ॒ta॒tvāya॑ jī॒vase / jā॒tāṃ ja॑ni॒ṣyamā॑ṇāṃ ca / a॒mṛte॑ sa॒tye prati॑ṣṭhitām / atha॑rva pi॒tuṃ me॑ gopāya / rasa॒manna॑mi॒hāyu॑ṣe / ada॑bdhā॒yo'śī॑tatano / avi॑ṣanna pi॒tuṃ kṛ॑ṇu / śasya॑ pa॒śūnme॑ gopāya / dvi॒pādo॒ ye catu॑ṣpadaḥ

1.2.1.26
a॒ṣṭāśa॑phāśca॒ ya i॒hāgne / ye caika॑śaphā āśu॒gāḥ / sapra॑tha sa॒bhāṃ me॑ gopāya / ye ca॒ sabhyāssabhā॒sadaḥ॑ / tāni॑ndri॒yāva॑ta kuru / sarva॒māyu॒rupā॑satām / ahe॑ budhniya॒ mantraṃ॑ me gopāya / yamṛṣa॑yastraivi॒dā vi॒duḥ / ṛca॒ssāmā॑ni॒ yajū॑ṣi / sā hi śrīra॒mṛtā॑ sa॒tām

1.2.1.27
catu॑śśikhaṇḍā yuva॒tissu॒peśāḥ / ghṛ॒tapra॑tīkā॒ bhuva॑nasya॒ madhye / ma॒rmṛ॒jyamā॑nā maha॒te saubha॑gāya / mahyaṃ॑ dhukṣva॒ yaja॑mānāya॒ kāmān॑ / i॒haiva santatra॑ sa॒to vo॑ agnayaḥ / prā॒ṇena॑ vā॒cā mana॑sā bibharmi / ti॒ro mā॒ santa॒māyu॒rmā prahā॑sīt / jyoti॑ṣā vo vaiśvāna॒reṇopa॑tiṣṭhe / pa॒ñca॒dhā'gnīnvya॑krāmat / vi॒rāṭtsṛ॒ṣṭā pra॒jāpa॑teḥ / ū॒rdhvā''ro॑hadrohi॒ṇī / yoni॑ra॒gne prati॑ṣṭhitiḥ

1.2.2.0
kā॒ryā॑ vi॒rāḍgṛ॑hyante॒ pava॑māne bhava॒tīndra॒ ekaṃ॑ ca

1.2.2.1
navai॒tānyahā॑ni bhavanti / nava॒ vai su॑va॒rgā lo॒kāḥ / yade॒tānyahānyupa॒yanti॑ / na॒vasve॒va tatsu॑va॒rgeṣu॑ lo॒keṣu॑ sa॒triṇa॑ prati॒tiṣṭha॑nto yanti / a॒gni॒ṣṭo॒mā para॑ssāmāna kā॒ryā॑ ityā॑huḥ / a॒gni॒ṣṭo॒masaṃ॑mitassuva॒rgo lo॒ka iti॑ / dvāda॑śāgniṣṭo॒masya॑ sto॒trāṇi॑ / dvāda॑śa॒ māsāssaṃvatsa॒raḥ / tattanna sūrkṣyam / u॒kthyā॑ e॒va sa॑ptada॒śāḥ para॑ssāmānaḥ kā॒ryāḥ

1.2.2.2
pa॒śavo॒ vā u॒kthāni॑ / pa॒śū॒nāmava॑ruddhyai / vi॒śva॒ji॒da॒bhi॒jitā॑vagniṣṭo॒mau / u॒kthyāssaptada॒śā para॑ssamānaḥ / te sastu॑tā vi॒rāja॑ma॒bhi saṃpa॑dyante / dve carcā॒vati॑ricyete / eka॑yā॒ gaurati॑riktaḥ / eka॒yā''yu॑rū॒naḥ / su॒va॒rgo vai lo॒ko jyotiḥ॑ / ūrgvi॒rāṭ

1.2.2.3
su॒va॒rgame॒va tena॑ lo॒kama॒bhi ja॑yanti / yatpara॒॒ rātha॑ntaram / tatpra॑tha॒me'ha॑nkā॒ryam / bṛ॒haddvi॒tīye / vai॒rū॒paṃ tṛ॒tīye / vai॒rā॒jaṃ ca॑tu॒rthe / śā॒kva॒raṃ pa॑ñca॒me / rai॒va॒ta ṣa॒ṣṭhe / tadu॑ pṛ॒ṣṭhebhyo॒ naya॑nti / sa॒ntana॑ya e॒te grahā॑ gṛhyante

1.2.2.4
a॒ti॒grā॒hyā para॑ssāmasu / i॒māne॒vaitairlo॒kāntsaṃta॑nvanti / mi॒thu॒nā e॒te grahā॑ gṛhyante / a॒ti॒grā॒hyā para॑ssāmasu / mi॒thu॒name॒va tairyaja॑mānā॒ ava॑rundhate / bṛ॒hatpṛ॒ṣṭhaṃ bha॑vati / bṛ॒hadvai su॑va॒rgo lo॒kaḥ / bṛ॒ha॒taiva su॑va॒rgaṃ lo॒kaṃ ya॑nti / tra॒ya॒stri॒॒śināma॒ sāma॑ / mādhya॑ndine॒ pava॑māne bhavati

1.2.2.5
traya॑striśa॒dvai de॒vatāḥ / de॒vatā॑ e॒vāva॑rundhate / ye vā i॒taḥ parāñca saṃvatsa॒ramu॑pa॒yanti॑ / na hai॑naṃ॒ te sva॒sti sama॑śñuvate / atha॒ ye॑'muto॒'rvāñca॑mupa॒yanti॑ / te hai॑na sva॒sti sama॑śñuvate / e॒tadvā a॒muto॒'rvāñca॒mupa॑yanti / yade॒vam / yo ha॒ khalu॒ vāva pra॒jāpa॑tiḥ / sa u॑ve॒vendraḥ॑ / tadu॑ de॒vebhyo॒ naya॑nti

1.2.3.0
sa॒mā॒yaccha॑tyatigrā॒hyā॑ gṛhyante gṛ॒hyate॑ saṃvatsa॒rasyā॒nyonyo gṛhyete॒ pañca॑ ca

1.2.3.1
saṃta॑ti॒rvā e॒te grahāḥ / yatpara॑ssāmānaḥ / vi॒ṣū॒vāndi॑vākī॒rtyam / yathā॒ śālā॑yai॒ pakṣa॑sī / e॒va saṃ॑vatsa॒rasya॒ pakṣa॑sī / yade॒tena gṛ॒hyerann॑ / viṣū॑cī saṃvatsa॒rasya॒ pakṣa॑sī॒ vyava॑sraseyātām / ārti॒mārcche॑yuḥ / yade॒te gṛ॒hyante / yathā॒ śālā॑yai॒ pa॑kṣasī madhya॒maṃ va॒॒śama॒bhi sa॑mā॒yaccha॑ti

1.2.3.2
e॒va saṃ॑vatsa॒rasya॒ pakṣa॑sī divākī॒rtya॑ma॒bhi saṃ ta॑nvanti / nārti॒mārccha॑nti / e॒ka॒vi॒॒śamaha॑rbhavati / śu॒krāgrā॒ grahā॑ gṛhyante / pratyutta॑bdhyai saya॒tvāya॑ / sau॒rya॑ e॒tadaha॑ pa॒śurāla॑bhyate / sau॒ryo॑'tigrā॒hyo॑ gṛhyate / aha॑re॒va rū॒peṇa॒ sama॑rdhayanti / atho॒ ahna॑ e॒vaiṣa ba॒lirhri॑yate / sa॒ptaitadaha॑ratigrā॒hyā॑ gṛhyante

1.2.3.3
sa॒pta vai śī॑ऱṣa॒ṇyā prā॒ṇāḥ / a॒sāvā॑di॒tyaśśira॑ pra॒jānām / śī॒r॒ṣanne॒va pra॒jānāṃ prā॒ṇānda॑dhāti / tasmātsa॒pta śī॒r॒ṣanprā॒ṇāḥ / indro॑ vṛ॒tra ha॒tvā / asu॑rānparā॒bhāvya॑ / sa i॒māllom॒̐kāna॒bhya॑jayat / tasyā॒sau lo॒ko'na॑bhijita āsīt / taṃ vi॒śvaka॑rmā bhū॒tvā'bhya॑jayat / yadvaiśvakarma॒ṇo gṛ॒hyate

1.2.3.4
su॒va॒rgasya॑ lo॒kasyā॒bhiji॑tyai / pra vā e॒te'smāllo॒kāccya॑vante / ye vaiśvakarma॒ṇaṃ gṛ॒hṇate / ā॒di॒tyaśśvo gṛ॑hyate / i॒yaṃ vā adi॑tiḥ / a॒syāme॒va prati॑ tiṣṭhanti / a॒nyonyo gṛhyete / viśvānye॒vānyena॒ karmā॑ṇi kurvā॒ṇā ya॑nti / a॒syāma॒nyena॒ prati॑ tiṣṭhanti / tāvā'pa॑rā॒rdhātsaṃ॑vatsa॒rasyā॒nyonyo gṛhyete / tāvu॒bhau sa॒ha ma॑hāvra॒te gṛ॑hyete / ya॒jñasyai॒vāntaṃ॑ ga॒tvā / u॒bhayorlo॒kayo॒ prati॑tiṣṭhanti / a॒rkya॑mu॒kthaṃ bha॑vati / a॒nnādya॒syāva॑rudhyai

1.2.4.0
e॒ti॒ pava॑mānayo॒ssparā॑ṇi॒ pañca॑ ca

1.2.4.1
e॒ka॒vi॒॒śa e॒ṣa bha॑vati / e॒tena॒ vai de॒vā e॑kavi॒॒śena॑ / ā॒di॒tyami॒ta u॑tta॒ma su॑va॒rgaṃ lo॒kamāro॑hayann / sa vā e॒ṣa i॒ta e॑kavi॒॒śaḥ / tasya॒ daśā॒vastā॒dahā॑ni / daśa॑ pa॒rastāt / sa vā e॒ṣa vi॒rājyu॑bha॒yataḥ॒ prati॑ṣṭhitaḥ / vi॒rāji॒ hi vā e॒ṣa u॑bha॒yataḥ॒ prati॑ṣṭhitaḥ / tasmā॑danta॒remau lo॒kau yann / sarve॑ṣu suva॒rgeṣu॑ lo॒keṣva॑bhi॒tapa॑nneti

1.2.4.2
de॒vā vā ā॑di॒tyasya॑ suva॒rgasya॑ lo॒kasya॑ / parā॑co'tipā॒dāda॑bibhayuḥ / taṃ chando॑bhiradṛha॒ndhṛtyai / de॒vā vā ā॑di॒tyasya॑ suva॒rgasya॑ lo॒kasya॑ / avā॑co'vapā॒dāda॑bibhayuḥ / taṃ pa॒ñcabhī॑ ra॒śmibhi॒ruda॑vayann / tasmā॑dekavi॒॒śe'- ha॒npañca॑ divākī॒rtyā॑ni kriyante / ra॒śmayo॒ vai di॑vākī॒rtyā॑ni / ye gā॑ya॒tre / te gā॑ya॒trīṣūtta॑rayo॒ pava॑mānayoḥ

1.2.4.3
ma॒hādi॑vākīrtya॒॒ hotu॑ pṛ॒ṣṭham / vi॒ka॒rṇaṃ bra॑hmasā॒mam / bhā॒so'gniṣṭo॒maḥ / athai॒tāni॒ parā॑ṇi / parai॒rvai de॒vā ā॑di॒tya su॑va॒rgaṃ lo॒kama॑pārayann / yadapā॑rayann / tatparā॑ṇāṃ para॒tvam / pā॒raya॑ntyenaṃ॒ parā॑ṇi / ya e॒vaṃ veda॑ / athai॒tāni॒ sparā॑ṇi / sparai॒rvai de॒vā ā॑di॒tya su॑va॒rgaṃ lo॒kama॑spārayann / yadaspā॑rayann / tatsparā॑ṇā spara॒tvam / spā॒raya॑ntyaina॒॒ sparā॑ṇi / ya e॒vaṃ veda॑

1.2.5.0
te e॒vāla॑bhante maitrāvaru॒ṇīmāla॑bha॒nte'va॑ruddhyai sa॒pta ca॑

1.2.5.1
apra॑tiṣṭhāṃ॒ vā e॒te ga॑cchanti / yeṣā॑ saṃvatsa॒re'nā॒pte'tha॑ / e॒kā॒da॒śinyā॒pyate / vai॒ṣṇa॒vaṃ vā॑ma॒namā la॑bhante / ya॒jño vai viṣṇuḥ॑ / ya॒jñame॒vāla॑bhante॒ prati॑ṣṭhityai / ai॒ndrā॒gnamāla॑bhante / i॒ndrā॒gnī vai de॒vānā॒mayā॑tayāmānau / ye e॒va de॒vate॒ ayā॑tayāmnī / te e॒vāla॑bhante

1.2.5.2
vai॒śva॒de॒vamāla॑bhante / de॒vatā॑ e॒vāva॑rundhate / dyā॒vā॒pṛ॒thivyāṃ dhe॒numāla॑bhante / dyāvā॑pṛthi॒vyore॒va prati॑ tiṣṭhanti / vā॒ya॒vyaṃ॑ va॒tsamāla॑bhante / vā॒yure॒vaibhyo॑ yathā''yata॒nādde॒vatā॒ ava॑rundhe / ā॒di॒tyāmaviṃ॑ va॒śāmāla॑bhante / i॒yaṃ vā adi॑tiḥ / a॒syāme॒va prati॑ tiṣṭhanti / mai॒trā॒va॒ru॒ṇīmāla॑bhante

1.2.5.3
mi॒treṇai॒va ya॒jñasya॒ svi॑ṣṭa śamayanti / varu॑ṇena॒ duri॑ṣṭam / prā॒jā॒pa॒tyaṃ tū॑pa॒raṃ ma॑hāvra॒ta āla॑bhante / prā॒jā॒pa॒tyo॑'tigrā॒hyo॑ gṛhyate / aha॑re॒va rū॒peṇa॒ sama॑rdhayanti / atho॒ ahna॑ e॒vaiṣa ba॒lirhri॑yate / ā॒gne॒yamā la॑bhante॒ prati॒ prajñātyai / a॒ja॒pe॒tvān vā e॒te pūrvai॒rmāsai॒rava॑ rundhate / yade॒te ga॒vyā pa॒śava॑ āla॒bhyante / u॒bhaye॑ṣāṃ paśū॒nāmava॑ruddhyai

1.2.5.4
yadati॑riktāmekāda॒śinī॑mā॒labhe॑rann / apri॑yaṃ॒ bhrātṛ॑vyama॒bhyati॑ricyeta / yaddvaudvau॑ pa॒śū sa॒masye॑yuḥ / kanī॑ya॒ āyu॑ kurvīrann / yade॒te brāhma॑ṇavanta pa॒śava॑ āla॒bhyante / nāpri॑yaṃ॒ bhrātṛ॑vyama॒bhya॑ti॒ricya॑te / na kanī॑ya॒ āyu॑ kurvate

1.2.6.0
bha॒va॒ti॒ bha॒va॒ti॒ kri॒yate॒ puru॑ṣo jayatyajayañjaya॒tyekaṃ॑ ca

1.2.6.1
pra॒jāpa॑ti pra॒jāssṛ॒ṣṭvā vṛ॒tto॑'śayat / taṃ de॒vā bhū॒tānā॒॒ rasaṃ॒ teja॑ssaṃ॒bhṛtya॑ / tenai॑namabhiṣajyann / ma॒hāna॑vava॒rtīti॑ / tanma॑hāvra॒tasya॑ mahāvrata॒tvam / ma॒hadvra॒tamiti॑ / tanma॑hāvra॒tasya॑ mahāvrata॒tvam / ma॒ha॒to vra॒tamiti॑ / tanma॑hāvra॒tasya॑ mahāvrata॒tvam / pa॒ñca॒vi॒॒śasstomo॑ bhavati

1.2.6.2
catu॑rviśatyardhamāsassaṃvatsa॒raḥ / yadvā e॒tasmintsaṃvatsa॒re'dhi॒ prājā॑yata / tadannaṃ॑ pañcavi॒॒śama॑bhavat / ma॒dhya॒ta kri॑yate / ma॒dhya॒to hyanna॑maśi॒taṃ dhi॒noti॑ / atho॑ madhya॒ta e॒va pra॒jānā॒mūrgdhī॑yate / atha॒ yadvā i॒dama॑nta॒ta kri॒yate / tasmā॑duda॒nte pra॒jāssame॑dhante / a॒nta॒ta kri॑yate pra॒jana॑nāyai॒va / tri॒vṛcchiro॑ bhavati

1.2.6.3
tre॒dhā॒vi॒hi॒ta hi śiraḥ॑ / loma॑ cha॒vīrasthi॑ / parā॑cā stuvanti / tasmā॒ttatsa॒dṛge॒va / na medya॒to'nu॑ medyati / na kṛśya॒to'nu॑ kṛśyati / pa॒ñca॒da॒śo'nya pa॒kṣo bha॑vati / sa॒pta॒da॒śo'nyaḥ / tasmā॒dvayā॑ syanyata॒rama॒rdhama॒bhi pa॒ryāva॑rtante / a॒nya॒ta॒rato॒ hi tadgarī॑ya kri॒yate

1.2.6.4
pa॒ñca॒vi॒॒śa ā॒tmā bha॑vati / tasmānmadhya॒ta pa॒śavo॒ vari॑ṣṭhāḥ / e॒ka॒vi॒॒śaṃ puccham / dvi॒padā॑su stuvanti॒ prati॑ṣṭhityai / sarve॑ṇa sa॒ha stu॑vanti / sarve॑ṇa॒ hyātmanā''tma॒nvī / sa॒hotpata॑nti / ekai॑kā॒mucchi॑ṣanti / ā॒tmann hyaṅgā॑ni ba॒ddhāni॑ / na vā e॒tena॒ sarva॒ puru॑ṣaḥ

1.2.6.5
yadi॒tai॑to॒ lomā॑ni da॒to na॒khān / pa॒ri॒māda॑ kriyante / tānye॒va tena॒ pratyu॑pyante / audu॑mbara॒stalpo॑ bhavati / ūrgvā anna॑mudu॒mbaraḥ॑ / ū॒rja e॒vānnādya॒syāva॑rudhyai / yasya॑ talpa॒sadya॒mana॑bhijita॒॒ syāt / sa de॒vānā॒॒ sāmya॑kṣe / ta॒lpa॒sadya॑ma॒bhija॑yā॒nīti॒ talpa॑mā॒ruhyodgā॑yet / ta॒lpa॒sadya॑me॒vābhi ja॑yati

1.2.6.6
yasya॑ talpa॒sadya॑ma॒bhiji॑ta॒॒ syāt / sa de॒vānā॒॒ sāmya॑kṣe / ta॒lpa॒sadyaṃ॒ mā parā॑je॒ṣīti॒ talpa॑mā॒ruhyodgā॑yet / na ta॑lpa॒sadyaṃ॒ parā॑jayate / ple॒ṅkhe śa॑sati / maho॒ vai ple॒ṅkhaḥ / maha॑sa e॒vānnādya॒syāva॑ruddhyai / de॒vā॒su॒rāssaṃya॑ttā āsann / ta ā॑di॒tye vyāya॑cchanta / taṃ de॒vāssama॑jayann

1.2.6.7
brā॒hma॒ṇaśca॑ śū॒draśca॑ carmaka॒rte vyāya॑cchete / daivyo॒ vai varṇo brāhma॒ṇaḥ / a॒su॒rya॑śśū॒draḥ / i॒me॑'rātsuri॒me su॑bhū॒tama॑kra॒nnitya॑nyata॒ro brū॑yāt / i॒ma u॑dvāsīkā॒riṇa॑ i॒me du॑rbhū॒tama॑kra॒nnitya॑nyata॒raḥ / yade॒vaiṣā॑ sukṛ॒taṃ yā rāddhiḥ॑ / tada॑nyata॒ro॑'bhi śrī॑ṇāti / yade॒vaiṣāṃ duṣkṛ॒taṃ yā'rāddhiḥ / tada॑nyata॒ro'pa॑ hanti / brā॒hma॒ṇassaṃ ja॑yati / a॒mume॒vādi॒tyaṃ bhrātṛ॑vyasya॒ saṃvi॑ndante

1.3.0.0
de॒vā॒su॒rā a॒gnīṣoma॑yorde॒vā vai yathā॒daऱśaṃ॑ de॒vā vai yada॒nyairgrahai॑rbrahmavā॒dino॒ nāgni॑ṣṭo॒mo na sā॑vi॒traṃ de॒vasyā॒haṃ tā॒rpya sa॒ptānna॑ho॒mānnṛ॒ṣadaṃ॒ tvendro॑ vṛ॒tra ha॒tvā daśa॑

de॒vā॒su॒rā vā॒jye॑vainaṃ॒ tasmādvājapeyayā॒jī de॒vasyā॒haṃ vāja॒syāva॑ruddhyā indri॒yame॒vāsmi॒n॒ hlīkā॒ hi pi॒tara॒ pañca॑ṣaṣṭiḥ

// de॒vā॒su॒rā yaja॑mānaḥ // hariḥ॑ om // iti taittirīya brāhmaṇe prathamāṣṭake tṛtīyaprapāṭhakaḥ
1.3.0.0
taittirīyabrāhmaṇe prathamāṣṭake tṛtīyapraśnaḥ // hariḥ om //
1.3.1.0
a॒ru॒ndha॒tai॒va tadbha॑vati॒ saṃbhṛ॑tasaṃbhāra॒ ityā॑huri॒cchati॑ patnīsaṃyā॒jā nava॑ ca

1.3.1.1
de॒vā॒su॒rāssaṃya॑ttā āsann / te de॒vā vi॑ja॒yamu॑pa॒yantaḥ॑ / a॒gnīṣoma॑yosteja॒svinīsta॒nūssaṃnya॑dadhata / i॒damu॑ no bhaviṣyati / yadi॑ no je॒ṣyantīti॑ / tenā॒gnīṣomā॒vapākrāmatām / te de॒vā vi॒jitya॑ / a॒gnīṣomā॒vanvaicchann / te'gnimanva॑vindannṛ॒tuṣūtsa॑nnam / tasya॒ vibha॑ktībhisteja॒svinīsta॒nūravā॑rundhata

1.3.1.2
te soma॒manva॑vindann / tama॑ghnann / tasya॑ yathā'bhi॒jñāyaṃ॑ ta॒nūrvya॑gṛhṇata / te grahā॑ abhavann / tadgrahā॑ṇāṃ graha॒tvam / yasyai॒vaṃ vi॒duṣo॒ grahā॑ gṛ॒hyante / tasya॒ tve॑va gṛ॑hī॒tāḥ / nānā''gneyaṃ punarā॒dheye॑ kuryāt / yadanāgneyaṃ punarā॒dheye॑ ku॒ryāt / vyṛ॑ddhame॒va tat

1.3.1.3
anāgneyaṃ॒ vā e॒tatkri॑yate / yatsa॒midha॒stanū॒napā॑tami॒ḍo ba॒ऱhirya॑jati / u॒bhāvāgne॒yāvājya॑bhāgau syātām / anājyabhāgau bhavata॒ ityā॑huḥ / yadu॒bhāvāgne॒yāva॒nvañcā॒viti॑ / a॒gnaye॒ pava॑mānā॒yotta॑rassyāt / yatpava॑mānāya / tenājya॑bhāgaḥ / tena॑ sau॒myaḥ / budha॑nvatyāgne॒yasyājya॑bhāgasya puro'nuvā॒kyā॑ bhavati

1.3.1.4
yathā॑ su॒ptaṃ bo॒dhaya॑ti / tā॒dṛge॒va tat / a॒gninya॑ktāḥ patnīsaṃyā॒jānā॒mṛca॑ssyuḥ / tenāgne॒ya sarvaṃ॑ bhavati / e॒ka॒dhā॒ te॑ja॒svinīṃ de॒vatā॒mupai॒tītyā॑huḥ / saina॑mīśva॒rā pra॒daha॒ iti॑ / neti॑ brūyāt / pra॒jana॑naṃ॒ vā a॒gniḥ / pra॒jana॑name॒vopai॒tīti॑ / kṛ॒taya॑ju॒ssaṃbhṛ॑tasaṃbhāra॒ ityā॑huḥ

1.3.1.5
na saṃ॒bhṛtyāssaṃbhā॒rāḥ / na yajuḥ॑ kā॒rya॑miti॑ / atho॒ khalu॑ / saṃ॒bhṛtyā॑ e॒va saṃ॑bhā॒rāḥ / kā॒ryaṃ॑ yajuḥ॑ / pu॒na॒rā॒dheya॑sya॒ samṛ॑ddhyai / teno॑pā॒॒śu praca॑rati / eṣya॑ iva॒ vā e॒ṣaḥ / yatpu॑narā॒dheyaḥ॑ / yatho॑pā॒॒śu na॒ṣṭami॒cchati॑

1.3.1.6
tā॒dṛge॒va tat / u॒ccaissvi॑ṣṭa॒kṛta॒mutsṛ॑jati / yathā॑ na॒ṣṭaṃ vi॒ttvā prāhā॒yamiti॑ / tā॒dṛge॒va tat / e॒ka॒dhā te॑ja॒svinīṃ de॒vatā॒mupai॒tītyā॑huḥ / saina॑mīśva॒rā pra॒daha॒ iti॑ / tattathā॒ nopai॑ti / pra॒yā॒jā॒nū॒yā॒jeṣve॒va vibha॑ktīḥ kuryāt / ya॒thā॒pū॒rvamājya॑bhāgau॒ syātām / e॒vaṃ pa॑tnīsaṃyā॒jāḥ

1.3.1.7
tadvaiśvāna॒rava॑tpra॒jana॑navattara॒mupai॒tīti॑ / tadā॑huḥ / vyṛ॑ddhaṃ॒ vā e॒tat / anāgneyaṃ॒ vā e॒tatkri॑yata॒ iti॑ / neti॑ brūyāt / a॒gniṃ pra॑tha॒maṃ vibha॑ktīnāṃ yajati / a॒gnimu॑tta॒maṃ pa॑tnīsaṃyā॒jānām / tenāgne॒yam / tena॒ samṛ॑ddhaṃ kriyata॒ iti॑

1.3.2.0
dhā॒vā॒meti॒ jyaiṣṭhyā॑ya॒ veda॑ bra॒hmā jā॑yate vāja॒peya॒ssurā''rtvi॑jīna॒ ekaṃ॑ ca

1.3.2.1
de॒vā vai yathā॒daऱśaṃ॑ ya॒jñānāha॑ranta / yo'gniṣṭo॒mam / ya u॒kthyam / yo॑'tirā॒tram / te sa॒haiva sarve॑ vāja॒peya॑mapaśyann / te / a॒nyo'nyasmai॒ nāti॑ṣṭhanta / a॒hama॒nena॑ yajā॒ iti॑ / te'bruvann / ā॒jima॒sya dhā॑vā॒meti॑

1.3.2.2
tasmi॑nnā॒jima॑dhāvann / taṃ bṛha॒spati॒ruda॑jayat / tenā॑yajata / sa svārājyamagacchat / tamindro'bravīt / māma॒nena॑ yāja॒yeti॑ / tenendra॑mayājayat / so'graṃ॑ de॒vatā॑nāṃ॒ paryait / aga॑ccha॒tsvārājyam / ati॑ṣṭhantāsmai॒ jyaiṣṭhyā॑ya

1.3.2.3
ya e॒vaṃ vi॒dvān vā॑ja॒peye॑na॒ yaja॑te / gaccha॑ti॒ svārājyam / agra॑ samā॒nānāṃ॒ parye॑ti / tiṣṭha॑nte'smai॒ jyaiṣṭhyā॑ya / sa vā e॒ṣa brāhma॒ṇasya॑ cai॒va rā॑ja॒nya॑sya ca ya॒jñaḥ / taṃ vā e॒taṃ vā॑ja॒peya॒ ityā॑huḥ / vā॒jāpyo॒ vā e॒ṣaḥ / vāja॒॒ hye॑tena॑ de॒vā aiphsann॑ / somo॒ vai vā॑ja॒peyaḥ॑ / yo vai somaṃ॑ vāja॒peyaṃ॒ veda॑

1.3.2.4
vā॒jye॑vainaṃ॑ pī॒tvā bha॑vati / ā'sya॑ vā॒jī jā॑yate / annaṃ॒ vai vā॑ja॒peyaḥ॑ / ya e॒vaṃ veda॑ / atyannam / ā'syānnā॒do jā॑yate / brahma॒ vai vā॑ja॒peyaḥ॑ / ya e॒vaṃ veda॑ / atti॒ brahma॒ṇā'nnam / ā'sya॑ bra॒hmā jā॑yate

1.3.2.5
vāgvai vāja॑sya prasa॒vaḥ / ya e॒vaṃ veda॑ / ka॒roti॑ vā॒cā vī॒ryam / ainaṃ॑ vā॒cā ga॑cchati / api॑vatīṃ॒ vācaṃ॑ vadati / pra॒jāpa॑tirde॒vebhyo॑ ya॒jñānvyādi॑śat / sa ā॒tmanvā॑ja॒peya॑madhatta / taṃ de॒vā a॑bruvann / e॒ṣa vāva ya॒jñaḥ / yadvā॑ja॒peyaḥ॑

1.3.2.6
apye॒va no'trā॒stviti॑ / tebhya॑ e॒tā ujji॑tī॒ prāya॑cchat / tā vā e॒tā ujji॑tayo॒ vyākhyā॑yante / ya॒jñasya॑ sarva॒tvāya॑ / de॒vatā॑nā॒mani॑rbhāgāya / de॒vā vai brahma॑ṇa॒ścānna॑sya ca॒ śama॑la॒mapāghnann / yadbrahma॑ṇa॒śśama॑la॒māsīt / sā gāthā॑ nārāśa॒॒sya॑bhavat / yadanna॑sya / sā surā

1.3.2.7
tasmā॒dgāya॑taśca ma॒ttasya॑ ca॒ na pra॑ti॒gṛhyam / yatpra॑tigṛhṇī॒yāt / śama॑laṃ॒ prati॑gṛhṇīyāt / sarvā॒ vā e॒tasya॒ vāco'va॑ruddhāḥ / yo vā॑japeyayā॒jī / yā pṛ॑thi॒vyāṃ yā'gnau yā ra॑thanta॒re / yā'ntari॑kṣe॒ yā vā॒yau yā vā॑made॒vye / yā di॒vi yā''di॒tye yā bṛ॑ha॒ti / yā'phsu yauṣa॑dhīṣu॒ yā vana॒spati॑ṣu / tasmādvājapeyayā॒jyārtvi॑jīnaḥ / sarvā॒ hya॑sya॒ vāco'va॑ruddhāḥ

1.3.3.0
ā॒ptvā'va॑rundhe॒ soma॒śśama॑laṃ॒ yatsurā॒ hya॑syainaṃ॒ vyati॑ṣajati॒ vyāva॑rtayati sṛjati ca॒tvāri॑ ca

1.3.3.1
de॒vā vai yada॒nyairgrahairya॒jñasya॒ nāvāru॑ndhata / tada॑tigrā॒hyai॑rati॒gṛhyāvā॑rundhata / tada॑tigra॒hyā॑ṇāmatigrāhya॒tvam / yada॑tigrā॒hyā॑ gṛ॒hyante / yade॒vānyairgrahairya॒jñasya॒ nāva॑ru॒ndhe / tade॒va taira॑ti॒gṛhyāva॑rundhe / pañca॑ gṛhyante / pāṅkto॑ ya॒jñaḥ / yāvā॑ne॒va ya॒jñaḥ / tamā॒ptvā'va॑rundhe

1.3.3.2
sarva॑ ai॒ndrā bha॑vanti / e॒ka॒dhaiva yaja॑māna indri॒yaṃ da॑dhati / sa॒ptada॑śa prājāpa॒tyā grahā॑ gṛhyante / sa॒pta॒da॒śa pra॒jāpa॑tiḥ / pra॒jāpa॑te॒rāptyai / eka॑ya॒rcā gṛ॑hṇāti / e॒ka॒dhaiva yaja॑māne vī॒ryaṃ॑ dadhāti / so॒ma॒gra॒hāśca॑ surāgra॒hāśca॑ gṛhṇāti / e॒tadvai de॒vānāṃ para॒mamannam / yatsomaḥ॑

1.3.3.3
e॒tanma॑nu॒ṣyā॑ṇām / yatsurā / pa॒ra॒meṇai॒vāsmā॑ a॒nnādye॒nāva॑rama॒nnādya॒mava॑rundhe / so॒ma॒gra॒hāngṛ॑hṇāti / brahma॑ṇo॒ vā e॒tattejaḥ॑ / yatsomaḥ॑ / brahma॑ṇa e॒va teja॑sā॒ tejo॒ yaja॑māne dadhāti / su॒rā॒gra॒hāngṛ॑hṇāti / anna॑sya॒ vā e॒tacchama॑lam / yatsurā

1.3.3.4
anna॑syai॒va śama॑lena॒ śama॑laṃ॒ yaja॑mānā॒dapa॑hanti / so॒ma॒gra॒hāśca॑ surāgra॒hāśca॑ gṛhṇāti / pumā॒n॒ vai somaḥ॑ / strī surā / tanmi॑thu॒nam / mi॒thu॒name॒vāsya॒ tadya॒jñe ka॑roti pra॒jana॑nāya / ā॒tmāna॑me॒va so॑magra॒haisspṛ॑ṇoti / jā॒yā su॑rāgra॒haiḥ / tasmādvājapeyayā॒jya॑muṣmi॑llom॒̐ke striya॒॒ saṃbha॑vati / vā॒ja॒peyā॑bhijita॒॒ hya॑sya

1.3.3.5
pūrve॑ somagra॒hā gṛ॑hyante / apa॑re surāgra॒hāḥ / pu॒ro॒'kṣa so॑magra॒hāntsā॑dayati / pa॒ścā॒da॒kṣa su॑rāgra॒hān / pā॒pa॒va॒sya॒sasya॒ vidhṛ॑tyai / e॒ṣa vai yaja॑mānaḥ / yatsomaḥ॑ / anna॒॒ surā / so॒ma॒gra॒hāśca॑ surāgra॒hāśca॒ vyati॑ṣajati / a॒nnādye॑nai॒vainaṃ॒ vyati॑ṣajati

1.3.3.6
saṃ॒pṛca॑sstha॒ saṃ mā॑ bha॒dreṇa॑ pṛ॒ṅktetyā॑ha / annaṃ॒ vai bha॒dram / a॒nnādye॑nai॒vaina॒॒ sasṛ॑jati / anna॑sya॒ vā e॒tacchama॑lam / yatsurā / pā॒pmeva॒ khalu॒ vai śama॑lam / pā॒pmanā॒ vā e॑name॒tacchama॑lena॒ vyati॑ṣajati / yatso॑magra॒hāśca॑ surāgra॒hāśca॑ vyati॒ṣaja॑ti / vi॒pṛca॑sstha॒ vi mā॑ pā॒pmanā॑ pṛ॒ṅktetyā॑ha / pā॒pmanai॒vaina॒॒ śama॑lena॒ vyāva॑rtayati

1.3.3.7
tasmādvājapeyayā॒jī pū॒to medhyo॑ dakṣi॒ṇyaḥ॑ / prāṅuddra॑vati somagra॒haiḥ / a॒mume॒va tairlo॒kama॒bhija॑yati / pra॒tyaṅkhsu॑rāgra॒haiḥ / i॒mame॒va tairlo॒kama॒bhija॑yati / prati॑ṣṭhanti somagra॒haiḥ / yāva॑de॒va sa॒tyam / tena॑ sūyate / vā॒ja॒sṛdbhya॑ssurāgra॒hān ha॑ranti / anṛ॑tenai॒va viśa॒॒ sasṛ॑jati / hi॒ra॒ṇya॒pā॒traṃ madhopū॒rṇaṃ da॑dāti / ma॒dha॒vyo॑'sā॒nīti॑ / e॒ka॒dhā bra॒hmaṇa॒ upa॑ harati / e॒ka॒dhaiva yaja॑māna॒ āyu॒stejo॑ dadhāti

1.3.4.0
a॒ti॒rā॒trama॒ntari॑kṣamu॒kthye॑na pra॒jāpa॑tiśśamayi॒tvotta॒mayā॒ praca॑rati॒ ṣaṭ ca॑

1.3.4.1
bra॒hma॒vā॒dino॑ vadanti / nāgni॑ṣṭo॒mo nokthyaḥ॑ / na ṣo॑ḍa॒śī nāti॑rā॒traḥ / atha॒ kasmādvāja॒peye॒ sarve॑ yajñakra॒tavo'va॑rudhyanta॒ iti॑ / pa॒śubhi॒riti॑ brūyāt / ā॒gne॒yaṃ pa॒śumāla॑bhate / a॒gni॒ṣṭo॒mame॒va tenāva॑rundhe / ai॒ndrā॒gneno॒kthyam / ai॒ndreṇa॑ ṣoḍa॒śina॑ssto॒tram / sā॒ra॒sva॒tyā'ti॑rā॒tram

1.3.4.2
mā॒ru॒tyā bṛ॑ha॒tassto॒tram / e॒tāva॑nto॒ vai ya॑jñakra॒tavaḥ॑ / tānpa॒śubhi॑re॒vāva॑rundhe / ā॒tmāna॑me॒va spṛ॑ṇotyagniṣṭo॒mena॑ / prā॒ṇā॒pā॒nāvu॒kthye॑na / vī॒rya॑ ṣoḍa॒śina॑ssto॒treṇa॑ / vāca॑matirā॒treṇa॑ / pra॒jāṃ bṛ॑ha॒tassto॒treṇa॑ / i॒mame॒va lo॒kama॒bhija॑yatyagniṣṭo॒mena॑ / a॒ntari॑kṣamu॒kthye॑na

1.3.4.3
su॒va॒rgaṃ lo॒ka ṣo॑ḍa॒śina॑ssto॒treṇa॑ / de॒va॒yānā॑ne॒va pa॒tha āro॑hatyatirā॒treṇa॑ / nāka॑ rohati bṛha॒tassto॒treṇa॑ / teja॑ e॒vātmandha॑tta āgne॒yena॑ pa॒śunā / ojo॒ bala॑maindrā॒gnena॑ / i॒ndri॒yamai॒ndreṇa॑ / vāca॑ sārasva॒tyā / u॒bhāve॒va de॑valo॒kaṃ ca॑ manuṣyalo॒kaṃ cā॒bhija॑yati māru॒tyā va॒śayā / sa॒ptada॑śa prājāpa॒tyānpa॒śūnāla॑bhate / sa॒pta॒da॒śa pra॒jāpa॑tiḥ

1.3.4.4
pra॒jāpa॑te॒rāptyai / śyā॒mā eka॑rūpā bhavanti / e॒vami॑va॒ hi pra॒jāpa॑ti॒ssamṛ॑ddhyai / tānparya॑gnikṛtā॒nutsṛ॑jati / ma॒ruto॑ ya॒jñama॑jighāsanpra॒jāpa॑teḥ / tebhya॑ e॒tāṃ mā॑ru॒tīṃ va॒śāmāla॑bhata / tayai॒vainā॑naśamayat / mā॒ru॒tyā pra॒carya॑ / e॒tāntsaṃjña॑payet / ma॒ruta॑ e॒va śa॑mayi॒tvā

1.3.4.5
e॒tai praca॑rati / ya॒jñasyāghā॑tāya / e॒ka॒dhā va॒pā ju॑hoti / e॒ka॒de॒va॒tyā॑ hi / e॒te / atho॑ eka॒dhaiva yaja॑māne vī॒ryaṃ॑ dadhāti / nai॒vā॒reṇa॑ sa॒ptada॑śaśarāveṇai॒taऱhi॒ praca॑rati / e॒tatpu॑roḍāśā॒ hye॑te / atho॑ paśū॒nāme॒va chi॒dramapi॑dadhāti / sā॒ra॒sva॒tyotta॒mayā॒ praca॑rati / vāgvai sara॑svatī / tasmātprā॒ṇānāṃ॒ vāgu॑tta॒mā / atho pra॒jāpa॑tāve॒va ya॒jñaṃ prati॑ṣṭhāpayati / pra॒jāpa॑ti॒r‌hi vāk / apa॑nnadatī bhavati / tasmānmanu॒ṣyāssarvā॒vvām̐caṃ॑ vadanti

1.3.5.0
sva॒da॒ya॒ti॒ pa॒lpū॒laya॑ti॒ vyāvṛ॑ttyā॒ anārtyai॒ dve ca॑

1.3.5.1
sā॒vi॒traṃ ju॑hoti॒ karma॑ṇakarmaṇa pu॒rastāt / kastadve॒detyā॑huḥ / yadvā॑ja॒peya॑sya॒ pūrvaṃ॒ yadapa॑ra॒miti॑ / sa॒vi॒tṛpra॑sūta e॒va ya॑thāpū॒rvaṃ karmā॑ṇi karoti / sava॑nesavane juhoti / ā॒krama॑ṇame॒va tatsetuṃ॒ yaja॑māna kurute / su॒va॒rgasya॑ lo॒kasya॒ sama॑ṣṭyai / vā॒caspati॒rvāca॑ma॒dya sva॑dāti na॒ ityā॑ha / vāgvai de॒vānāṃ pu॒rā'nna॑māsīt / vāca॑me॒vāsmā॒ anna॑ svadayati

1.3.5.2
indra॑sya॒ vajro॑'si॒ vārtra॑ghna॒ iti॒ ratha॑mu॒pāva॑harati॒ viji॑tyai / vāja॑sya॒ nu pra॑sa॒ve mā॒taraṃ॑ ma॒hīmityā॑ha / yaccai॒veyam / yaccā॒syāmadhi॑ / tade॒vāva॑rundhe / atho॒ tasmi॑nne॒vobhaye॒'bhiṣi॑cyate / a॒phsva॑ntara॒mṛta॑ma॒phsu bhe॑ṣa॒jamityaśvānpa- lpūlayati / a॒phsu vā aśva॑sya॒ tṛtī॑yaṃ॒ pravi॑ṣṭam / tada॑nu॒vena॒nvava॑plavate / yada॒phsu pa॑lpū॒laya॑ti

1.3.5.3
yade॒vāsyā॒phsu pravi॑ṣṭam / tade॒vāva॑rundhe / ba॒hu vā aśvo॑'me॒dhyamupa॑gacchati / yada॒phsu pa॑lpū॒laya॑ti / medhyā॑ne॒vainānkaroti / vā॒yurvā tvā॒ manu॑rvā॒ tvetyā॑ha / e॒tā vā e॒taṃ de॒vatā॒ agre॒ aśva॑mayuñjann / tābhi॑re॒vainān॑ yunakti / sa॒vasyojji॑tyai / yaju॑ṣā yunakti॒ vyāvṛ॑ttyai

1.3.5.4
apāṃnapādāśuhema॒nniti॒ saṃmārṣṭi / medhyā॑ne॒vainānkaroti / atho॒ stautye॒vainā॑nā॒ji sa॑riṣya॒taḥ / vi॒ṣṇu॒kra॒mānkra॑mate / viṣṇu॑re॒va bhū॒tvemāllom॒̐kāna॒bhija॑yati / vai॒śva॒de॒vo vai rathaḥ॑ / a॒ṅkau nya॒ṅkāva॒bhito॒ rathaṃ॒ yāvityā॑ha / yā e॒va de॒vatā॒ rathe॒ pravi॑ṣṭāḥ / tābhya॑ e॒va nama॑skaroti / ā॒tmano'nārtyai / aśa॑marathaṃbhāvuko'sya॒ ratho॑ bhavati / ya e॒vaṃ veda॑

1.3.6.0
a॒bhija॑yati॒ vā e॒ṣā vāgdī॑yante'smai yunakti gamayati॒ ya ā॒jiṃ dhāva॑nti bhavati de॒vata॑yā॒'ṣṭau ca॑

1.3.6.1
de॒vasyā॒ha sa॑vi॒tu pra॑sa॒ve bṛha॒spati॑nā vāja॒jitā॒ vājaṃ॑ jeṣa॒mityā॑ha / sa॒vi॒tṛpra॑sūta e॒va brahma॑ṇā॒ vāja॒mujja॑yati / de॒vasyā॒ha sa॑vi॒tu pra॑sa॒ve bṛha॒spati॑nā vāja॒jitā॒ vaऱṣi॑ṣṭhaṃ॒ nāka॑ ruheya॒mityā॑ha / sa॒vi॒tṛpra॑sūta e॒va brahma॑ṇā॒ vaऱṣi॑ṣṭhaṃ॒ nāka॑ rohati / cātvā॑le rathaca॒kraṃ nimi॑ta rohati / ato॒ vā aṅgi॑rasa utta॒māssu॑va॒rgaṃ lo॒kamā॑yann / sā॒kṣāde॒va yaja॑mānassuva॒rgaṃ lo॒kame॑ti / āveṣṭayati / vajro॒ vai rathaḥ॑ / vajre॑ṇai॒va diśo॒'bhija॑yati

1.3.6.2
vā॒jinā॒॒ sāma॑ gāyate / annaṃ॒ vai vājaḥ॑ / anna॑me॒vāva॑rundhe / vā॒co varṣma॑ de॒vebhyo'pākrāmat / tadvana॒spatī॒nprāvi॑śat / saiṣā vāgvana॒spati॑ṣu vadati / yā du॑ndu॒bhau / tasmāddundu॒bhissarvā॒ vāco'ti॑vadati / du॒ndu॒bhīntsa॒māghna॑nti / pa॒ra॒mā vā e॒ṣā vāk

1.3.6.3
yā du॑ndu॒bhau / pa॒ra॒mayai॒va vā॒cā'va॑rāṃ॒ vāca॒ma॑varundhe / atho॑ vā॒ca e॒va varṣma॒ yaja॑mā॒no'va॑rundhe / indrā॑ya॒ vācaṃ॑ vada॒tendraṃ॒ vājaṃ॑ jāpaya॒tendro॒ vāja॑majayi॒dityā॑ha / e॒ṣa vā e॒taऱhīndraḥ॑ / yo yaja॑te / yaja॑māna e॒va vāja॒mujja॑yati / sa॒ptada॑śa pravyā॒dhānā॒jiṃ dhā॑vanti / sa॒pta॒da॒śa sto॒traṃ bha॑vati / sa॒ptada॑śasaptadaśa dīyante

1.3.6.4
sa॒pta॒da॒śa pra॒jāpa॑tiḥ / pra॒jā॑pate॒rāptyai / arvā॑'si॒ sapti॑rasi vā॒jya॑sītyā॑ha / a॒gnirvā arvā / vā॒yussaptiḥ॑ / ā॒di॒tyo vā॒jī / e॒tābhi॑re॒vāsmai॑ de॒vatā॑bhirdevara॒thaṃ yu॑nakti / pra॒ṣṭi॒vā॒hinaṃ॑ yunakti / pra॒ṣṭi॒vā॒hī vai de॑vara॒thaḥ / de॒va॒ra॒thame॒vāsmai॑ yunakti

1.3.6.5
vāji॑no॒ vājaṃ॑ dhāvata॒ kāṣṭhāṃ gaccha॒tetyā॑ha / su॒va॒rgo vai lo॒ka kāṣṭhā / su॒va॒rgame॒va lo॒kaṃ ya॑nti / su॒va॒rgaṃ vā e॒te lo॒kaṃ ya॑nti / ya ā॒jiṃ dhāva॑nti / prāñco॑ dhāvanti / prāṅi॑va॒ hi su॑va॒rgo lo॒kaḥ / ca॒ta॒sṛbhi॒ranu॑ mantrayate / ca॒tvāri॒ chandā॑si / chando॑bhire॒vaināntsuva॒rgaṃ lo॒kaṃ ga॑mayati

1.3.6.6
pra vā e॒te'smāllo॒kāccya॑vante / ya ā॒jiṃ dhāva॑nti / uda॑ñca॒ āva॑rtante / a॒smāde॒va tena॑ lo॒kānnaya॑nti / ra॒tha॒vi॒mo॒ca॒nīyaṃ॑ juhoti॒ prati॑ṣṭhittyai / ā mā॒ vāja॑sya prasa॒vo ja॑gamyā॒dityā॑ha / annaṃ॒ vai vājaḥ॑ / anna॑me॒vāva॑rundhe / ya॒thā॒lo॒kaṃ vā e॒ta ujja॑yanti / ya ā॒jiṃ dhāva॑nti

1.3.6.7
kṛ॒ṣṇalaṃ॑kṛṣṇalaṃ vāja॒sṛdbhya॒ praya॑cchati / yame॒va te vājaṃ॑ lo॒kamu॒jjaya॑nti / taṃ pa॑ri॒krīyāva॑rundhe / e॒ka॒dhā bra॒hmaṇa॒ upa॑harati / e॒ka॒dhaiva yaja॑māne vī॒ryaṃ॑ dadhāti / de॒vā vā oṣa॑dhīṣvā॒jima॑yuḥ / tā bṛha॒spati॒ruda॑jayat / sa nī॒vārā॒nnira॑vṛṇīta / tannī॒vārā॑ṇāṃ nīvāra॒tvam / nai॒vā॒raśca॒rurbha॑vati

1.3.6.8
e॒tadvai de॒vānāṃ para॒mamannam / yannī॒vārāḥ / pa॒ra॒meṇai॒vāsmā॑ a॒nnādye॒nāva॑rama॒nnādya॒mava॑rundhe / sa॒ptada॑śaśarāvo bhavati / sa॒pta॒da॒śa pra॒jāpa॑tiḥ / pra॒jāpa॑te॒rāptye / kṣī॒re bha॑vati / ruca॑me॒vāsmi॑ndadhāti / sa॒rpiṣvānbhavati medhya॒tvāya॑ / bā॒r॒ha॒spa॒tyo vā e॒ṣa de॒vata॑yā

1.3.6.9
yo vā॑ja॒peye॑na॒ yaja॑te / bā॒r॒ha॒spa॒tya e॒ṣa ca॒ruḥ / aśvāntsariṣya॒tassa॒sruṣa॒ścāva॑ ghrāpayati / yame॒va te vājaṃ॑ lo॒kamu॒jjaya॑nti / tame॒vāva॑rundhe / ajī॑jipata vanaspataya॒ indraṃ॒ vājaṃ॒ vimu॑cyadhva॒miti॑ dundu॒bhīn vimu॑ñcati / yame॒va te vājaṃ॑ lo॒kami॑ndri॒yaṃ du॑ndu॒bhaya॑ u॒jjaya॑nti / tame॒vāva॑rundhe

1.3.7.0
pa॒ri॒dhā॒paya॑ti go॒dhūmā॑ juhoti॒ svaṃ naiti॑ pra॒tyañcaṃ ghnanti lo॒ko nava॑ ca

1.3.7.1
tā॒rpyaṃ yaja॑mānaṃ॒ pari॑dhāpayati / ya॒jño vai tā॒rpyam / ya॒jñenai॒vaina॒॒ sama॑rdhayati / da॒rbha॒mayaṃ॒ pari॑dhāpayati / pa॒vitraṃ॒ vai da॒rbhāḥ / pu॒nātye॒vainam / vājaṃ॒ vā e॒ṣo'va॑rurutsate / yo vā॑ja॒paye॑na॒ yaja॑te / oṣa॑dhaya॒ khalu॒ vai vājaḥ॑ / yadda॑rbha॒mayaṃ॑ paridhā॒paya॑ti

1.3.7.2
vāja॒syāva॑ruddhyai / jāya॒ ehi॒ suvo॒ rohā॒vetyā॑ha / patni॑yā e॒vaiṣa ya॒jñasyānvāra॒mbho'na॑vacchittyai / sa॒ptada॑śāratni॒ryūpo॑ bhavati / sa॒pta॒da॒śa pra॒jāpa॑tiḥ / pra॒jāpa॑te॒rāptyai / tū॒pa॒raścatu॑raśrirbhavati / gau॒dhū॒maṃ ca॒ṣālam / na vā e॒te vrī॒hayo॒ na yavāḥ / yadgo॒dhūmāḥ

1.3.7.3
e॒vami॑va॒ hi pra॒jāpa॑ti॒ssamṛ॑ddhyai / atho॑ a॒mume॒vāsmai॑ lo॒kamanna॑vantaṃ karoti / vāso॑bhirveṣṭayati / e॒ṣa vai yaja॑mānaḥ / yadyūpaḥ॑ / sa॒rva॒de॒va॒tyaṃ॑ vāsaḥ॑ / sarvā॑bhire॒vainaṃ॑ de॒vatā॑bhi॒ssama॑rdhayati / atho॑ ā॒krama॑ṇame॒va tatsetuṃ॒ yaja॑māna kurute / su॒va॒rgasya॑ lo॒kasya॒ sama॑ṣṭyai / dvāda॑śa vājaprasa॒vīyā॑ni juhoti

1.3.7.4
dvāda॑śa॒ māsāssaṃvatsa॒raḥ / saṃ॒va॒tsa॒rame॒va prī॑ṇāti / atho॑ saṃvatsa॒rame॒vāsmā॒ upa॑dadhāti / su॒va॒rgasya॑ lo॒kasya॒ sama॑ṣṭyai / da॒śabhi॒ kalpai॑ rohati / nava॒ vai puru॑ṣe prā॒ṇāḥ / nābhi॑rdaśa॒mī / prā॒ṇāne॒va ya॑thāsthā॒naṃ ka॑lpayi॒tvā / su॒va॒rgaṃ lo॒kame॑ti / e॒tāva॒dvai puru॑ṣasya॒ svam

1.3.7.5
yāva॑tprā॒ṇāḥ / yāva॑de॒vāsyāsti॑ / tena॑ sa॒ha su॑va॒rgaṃ lo॒kame॑ti / suva॑rde॒vā a॑ga॒nmetyā॑ha / su॒va॒rgame॒va lo॒kame॑ti / a॒mṛtā॑ abhū॒metyā॑ha / a॒mṛta॑miva॒ hi su॑va॒rgo lo॒kaḥ / pra॒jāpa॑te pra॒jā a॑bhū॒metyā॑ha / prā॒jā॒pa॒tyo vā a॒yaṃ lo॒kaḥ / a॒smāde॒va tena॑ lo॒kānnaiti॑

1.3.7.6
sama॒haṃ pra॒jayā॒ saṃ mayā pra॒jetyā॑ha / ā॒śiṣa॑me॒vaitāmā śāste / ā॒sa॒pu॒ṭairghna॑nti / annaṃ॒ vā i॒yam / a॒nnādye॑nai॒vaina॒॒ sama॑rdhayanti / ūṣairghnanti / e॒te hi sā॒kṣādannam / yadūṣāḥ / sā॒kṣāde॒vaina॑ma॒nnādye॑na॒ sama॑rdhayanti / pu॒rastātpra॒tyañcaṃ ghnanti

1.3.7.7
pu॒rastā॒ddhi pra॑tī॒cīna॒manna॑ma॒dyate / śī॒r॒ṣa॒to ghna॑nti / śī॒r॒ṣa॒to hyanna॑ma॒dyate / di॒gbhyo ghna॑nti / di॒gbhya e॒vāsmā॑ a॒nnādya॒mava॑rundhate / ī॒śva॒ro vā e॒ṣa parāṅpra॒daghaḥ॑ / yo yūpa॒॒ roha॑ti / hira॑ṇyama॒dhyava॑rohati / a॒mṛtaṃ॒ vai hira॑ṇyam / a॒mṛta॑ suva॒rgo lo॒kaḥ

1.3.7.8
a॒mṛta॑ e॒va su॑va॒rge lo॒ke prati॑tiṣṭhati / śa॒tamā॑naṃ bhavati / śa॒tāyu॒ puru॑ṣaśśa॒tendri॑yaḥ / āyu॑ṣye॒vendri॒ye prati॑ tiṣṭhati / puṣṭyai॒ vā e॒tadrū॒pam / yada॒jā / trissaṃ॑vatsa॒rasyā॒nyānpa॒śūnpari॒ prajā॑yate / ba॒stā॒ji॒nama॒dhyava॑ rohati / puṣṭyā॑me॒va pra॒jana॑ne॒ prati॑tiṣṭhati

1.3.8.0
a॒śnī॒yādanna॑syānna॒syāva॑ruddhyā॒ indra॑sya tvā॒ sāmrājyenā॒bhiṣi॑ñcā॒mītyā॑ha vāja॒sṛta॒śśipi॒strīṇi॑ ca

1.3.8.1
sa॒ptānna॑ho॒māñju॑hoti / sa॒pta vā annā॑ni / yāva॑ntye॒vānnā॑ni / tānye॒vāva॑rundhe / sa॒pta grā॒myā oṣa॑dhayaḥ / sa॒ptāra॒ṇyāḥ / u॒bhayī॑ṣā॒mava॑ruddhyai / anna॑syānnasya juhoti / anna॑syānna॒syāva॑ruddhyai / yadvā॑japeyayā॒jyana॑varuddhasyāśnī॒yāt

1.3.8.2
ava॑ruddhena॒ vyṛ॑ddhyeta / sarva॑sya samava॒dāya॑ juhoti / ana॑varuddha॒syāva॑ruddhyai / audu॑mbareṇa sru॒veṇa॑ juhoti / ūrgvā anna॑mudu॒mbaraḥ॑ / ū॒rja e॒vānnādya॒syāva॑ruddhyai / de॒vasya॑ tvā savi॒tu pra॑sa॒va ityā॑ha / sa॒vi॒tṛpra॑sūta e॒vainaṃ॒ brahma॑ṇā de॒vatā॑bhira॒bhiṣi॑ñcati / anna॑syānnasyā॒bhiṣi॑ñcati / anna॑syānna॒syāva॑ruddhyai

1.3.8.3
pu॒rastātpra॒tyañca॑ma॒bhiṣi॑ñcati / pu॒rastā॒ddhi pra॑tī॒cīna॒manna॑ma॒dyate / śī॒r॒ṣa॒to॑'bhiṣi॑ñcati / śī॒r॒ṣa॒to hyanna॑ma॒dyate / ā mukhā॑da॒nvava॑srāvayati / mu॒kha॒ta e॒vāsmā॑ a॒nnādyaṃ॑ dadhāti / a॒gnestvā॒ sāmrājyenā॒bhiṣi॑ñcā॒mītyā॑ha / e॒ṣa vā a॒gnessa॒vaḥ / tenai॒vaina॑ma॒bhiṣi॑ñcati / indra॑sya tvā॒ sāmrājyenā॒bhiṣi॑ñcā॒mītyā॑ha

1.3.8.4
i॒ndri॒yame॒vāsmi॑nne॒tena॑ dadhāti / bṛha॒spatestvā॒ sāmrājyenā॒bhiṣi॑ñcā॒mītyā॑ha / brahma॒ vai de॒vānāṃ॒ bṛha॒spatiḥ॑ / brahma॑ṇai॒vaina॑ma॒bhiṣi॑ñcati / so॒ma॒gra॒hāścā॑vadānī॒yāni॑ ca॒rtvigbhya॒ upa॑haranti / a॒mume॒va tairlo॒kamanna॑vantaṃ karoti / su॒rā॒gra॒hāścā॑navadānī॒yāni॑ ca vāja॒sṛdbhyaḥ॑ / i॒mame॒va tairlo॒kamanna॑vantaṃ karoti / atho॑ u॒bhayīṣve॒vābhiṣi॑cyate / vi॒mā॒thaṃ ku॑rvate vāja॒sṛtaḥ॑

1.3.8.5
i॒ndri॒yasyāva॑ruddhyai / ani॑ruktābhi prātassava॒ne stu॑vate / ani॑rukta pra॒jāpa॑tiḥ / pra॒jāpa॑te॒rāptyai / vāja॑vatībhi॒rmādhya॑ndine / annaṃ॒ vai vājaḥ॑ / anna॑me॒vāva॑rundhe / śi॒pi॒vi॒ṣṭava॑tībhistṛtīyasava॒ne / ya॒jño vai viṣṇuḥ॑ / pa॒śava॒śśipiḥ॑ / ya॒jña e॒va pa॒śuṣu॒ prati॑ tiṣṭhati / bṛ॒hadantyaṃ॑ bhavati / anta॑me॒vaina॑ śri॒yai ga॑mayati

1.3.9.0
ga॒ccha॒ti॒ sū॒yate॒ nava॑ ca

1.3.9.1
nṛ॒ṣadaṃ॒ tvetyā॑ha / pra॒jā vai nṝn / pra॒jānā॑me॒vaitena॑ sūyate / dru॒ṣada॒mityā॑ha / vana॒spata॑yo॒ vai dru / vana॒spatī॑nāme॒vaitena॑ sūyate / bhu॒va॒na॒sada॒mityā॑ha / ya॒dā vai vasī॑yā॒nbhava॑ti / bhuva॑namaga॒nniti॒ vai tamā॑huḥ / bhuva॑name॒vaitena॑ gacchati

1.3.9.2
a॒psu॒ṣadaṃ॑ tvā ghṛta॒sada॒mityā॑ha / a॒pāme॒vaitena॑ ghṛ॒tasya॑ sūyate / vyo॒ma॒sada॒mityā॑ha / ya॒dā vai vasī॑yā॒nbhava॑ti / vyo॑māga॒nniti॒ vai tamā॑huḥ / vyo॑mai॒vaite॑na gacchati / pṛ॒thi॒vi॒ṣadaṃ॑ tvā'ntarikṣa॒sada॒mityā॑ha / e॒ṣāme॒vaitena॑ lo॒kānā॑ sūyate / tasmādvājapeyayā॒jī na kaṃca॒na pra॒tyava॑rohati / apī॑va॒ hi de॒vatā॑nā sū॒yate

1.3.9.3
nā॒ka॒sada॒mityā॑ha / ya॒dā vai vasī॑yā॒nbhava॑ti / nāka॑maga॒nniti॒ vai tamā॑huḥ / nāka॑me॒vaitena॑ gacchati / ye grahā pañcaja॒nīnā॒ ityā॑ha / pa॒ñca॒ja॒nānā॑me॒vaitena॑ sūyate / a॒pā rasa॒mudva॑yasa॒mityā॑ha / a॒pāme॒vaitena॒ rasa॑sya sūyate / sūrya॑raśmi sa॒mābhṛ॑ta॒mityā॑ha saśukra॒tvāya॑

1.3.10.0
itya॑śnute padyante padyante॒ ṣaḍvā ṛ॒tavo॑ varta॒te'ha॑vissyā॒nnedī॑ya॒sstha ya॒jño yaja॑mānaścarati॒ yatpi॒tṛbhya॑ ka॒roti॒ pañca॑ ca

1.3.10.1
indro॑ vṛ॒tra ha॒tvā / asu॑rānparā॒bhāvya॑ / so॑'māvā॒syāṃ pratyāga॑cchat / te pi॒taraḥ॑ pūrve॒dyurāga॑cchann / pi॒tṝn ya॒jño॑'gacchat / taṃ de॒vā puna॑rayācanta / tamebhyo॒ na puna॑radaduḥ / te'bruva॒nvaraṃ॑ vṛṇāmahai / atha॑ va॒ puna॑rdāsyāmaḥ / a॒smabhya॑me॒va pūrve॒dyu kri॑yātā॒ iti॑

1.3.10.2
tamebhyaḥ॒ puna॑radaduḥ / tasmātpi॒tṛbhya॑ pūrve॒dyu kri॑yate / yatpi॒tṛbhya॑ pūrve॒dyu ka॒roti॑ / pi॒tṛbhya॑ e॒va tadya॒jñaṃ ni॒ṣkrīya॒ yaja॑māna॒ prata॑nute / somā॑ya pi॒tṛpī॑tāya sva॒dhā nama॒ ityā॑ha / pi॒ture॒vādhi॑ somapī॒thamava॑rundhe / na hi pi॒tā pra॒mīya॑māṇa॒ āhai॒ṣa so॑mapī॒tha iti॑ / i॒ndri॒yaṃ vai so॑mapī॒thaḥ / i॒ndri॒yame॒va so॑mapī॒thamava॑ rundhe / tenendri॒yeṇa॑ dvi॒tīyāṃ jā॒yāma॒bhya॑śnute

1.3.10.3
e॒tadvai brāhma॑ṇaṃ pu॒rā vā॑javaśrava॒sā vi॒dāma॑krann / tasmā॒tte dvedve॑ jā॒ye a॒bhyākṣata / ya e॒vaṃ veda॑ / a॒bhi dvi॒tīyāṃ॑ jā॒yāma॑śnute / a॒gnaye॑ kavya॒vāha॑nāya sva॒dhā nama॒ ityā॑ha / ya e॒va pi॑tṛ॒ṇāma॒gniḥ / taṃ prī॑ṇāti / ti॒sra āhu॑tīrjuhoti / trirnida॑dhāti / ṣaṭtsaṃpa॑dyante

1.3.10.4
ṣaḍvā ṛ॒tavaḥ॑ / ṛ॒tūne॒va prī॑ṇāti / tū॒ṣṇīṃ mekṣa॑ṇa॒māda॑dhāti / asti॑ vā॒ hi ṣa॒ṣṭha ṛ॒turna vā / de॒vān vai pi॒tṝnprī॒tān / ma॒nu॒ṣyā pi॒taro'nu॒ prapi॑pate / ti॒sra āhu॑tīrjuhoti / trirnida॑dhāti / ṣaṭtsaṃpa॑dyante / ṣaḍvā ṛ॒tavaḥ॑

1.3.10.5
ṛ॒tava॒ khalu॒ vai de॒vā pi॒taraḥ॑ / ṛ॒tūne॒va de॒vānpi॒tṝnprī॑ṇāti / tānprī॒tān / ma॒nu॒ṣyā pi॒taro'nu॒ prapi॑pate / sa॒kṛ॒dā॒cchi॒nnaṃ ba॒ऱhirbha॑vati / sa॒kṛdi॑va॒ hi pi॒taraḥ॑ / trirnida॑dhāti / tṛ॒tīye॒ vā i॒to lo॒ke pi॒taraḥ॑ / tāne॒va prī॑ṇāti / parā॒ṅāva॑rtate

1.3.10.6
hlīkā॒ hi pi॒taraḥ॑ / oṣmaṇo vyā॒vṛta॒ upāste / ū॒ṣmabhā॑gā॒ hi pi॒taraḥ॑ / bra॒hma॒vā॒dino॑ vadanti / prāśyā (3) nna prāśyā (3) miti॑ / yatprāśnī॒yāt / janya॒manna॑madyāt / pra॒māyu॑kassyāt / yanna prāśnī॒yāt / aha॑vissyāt

1.3.10.7
pi॒tṛbhya॒ āvṛ॑ścyeta / a॒va॒ghreya॑me॒va / tanneva॒ prāśi॑taṃ॒ nevāprā॑śitam / vī॒raṃ vā॒ vai pi॒tara॑ pra॒yanto॒ hara॑nti / vī॒raṃ vā॑ dadati / da॒śāṃ chi॑natti / hara॑ṇabhāgā॒ hi pi॒taraḥ॑ / pi॒tṝne॒va ni॒rava॑dayate / utta॑ra॒ āyu॑ṣi॒ loma॑ chindīta / pi॒tṛ॒ṇā hye॑taऱhi॒ nedī॑yaḥ

1.3.10.8
nama॑skaroti / na॒ma॒skā॒ro hi pi॑tṛ॒ṇām / namo॑ va pitaro॒ rasā॑ya / namo॑ va pitara॒śśuṣmā॑ya / namo॑ va pitaro jī॒vāya॑ / namo॑ va pitarassva॒dhāyai / namo॑ va pitaro ma॒nyave / namo॑ va pitaro gho॒rāya॑ / pita॑ro॒ namo॑ vaḥ / ya e॒tasmi॑llom॒̐ke stha

1.3.10.9
yu॒ṣmāste'nu॑ / ye'smillom॒̐ke / māṃ te'nu॑ / ya e॒tasmi॑llom॒̐ke stha / yū॒yaṃ teṣāṃ॒ vasi॑ṣṭhā bhūyāsta / ye'smillom॒̐ke / a॒haṃ teṣāṃ॒ vasi॑ṣṭho bhūyāsa॒mityā॑ha / vasi॑ṣṭhassamā॒nānāṃ bhavati / ya e॒vaṃ vi॒dvānpi॒tṛbhya॑ ka॒roti॑ / e॒ṣa vai ma॑nu॒ṣyā॑ṇāṃ ya॒jñaḥ

1.3.10.10
de॒vānāṃ॒ vā ita॑re ya॒jñāḥ / tena॒ vā e॒tatpi॑tṛlo॒ke ca॑rati / yatpi॒tṛbhya॑ ka॒roti॑ / sa īśva॒ra prame॑toḥ / prā॒jā॒pa॒tyaya॒rcā puna॒raiti॑ / ya॒jño vai pra॒jāpa॑tiḥ / ya॒jñenai॒va sa॒ha puna॒raiti॑ / na pra॒māyu॑ko bhavati / pi॒tṛ॒lo॒ke vā e॒tadyaja॑mānaścarati / yatpi॒tṛbhya॑ ka॒roti॑ / sa īśva॒ra ārti॒mārtoḥ / pra॒jāpa॑ti॒stvāvainaṃ॒ tata॒ unne॑tumaऱha॒tītyā॑huḥ / yatprā॑jāpa॒tyaya॒rcā puna॒raiti॑ / pra॒jāpa॑tire॒vainaṃ॒ tata॒ unna॑yati / nārti॒mārccha॑ti॒ yaja॑mānaḥ

1.4.0.0
u॒bhaye॑ yu॒va su॒rāma॒muda॑sthā॒nni vai yasya॑ prātassava॒na ekai॑ko'su॒ryaṃ॑ pava॑māna pra॒jā vai sa॒tramā॑satā॒gnirvāva sam̐॑vvatsa॒ro daśa॑

u॒bhaye॒ vā uda॑sthā॒tsarvā॑bhirmadhya॒to'tra॒ vāva brāhma॒ṇeṣvatha॑ gṛhame॒dhina॒॒ ṣaṭthṣa॑ṣṭiḥ // u॒bhaye॒ vā vaiṣaḥ

hariḥ॑ om // caturtha prapāṭhakassamāptaḥ
1.4.0.0
taittirīyabrāhmaṇe prathamāṣṭake caturtha prapāṭhaka prāraṃbhaḥ / hariḥ om //
1.4.1.0
gra॒ha॒tvaṃ grahāñju॒hotya॑kurvatāduhrannāgrayaṇasthā॒lī bhava॑ti॒ nava॑ ca

1.4.1.1
u॒bhaye॒ vā e॒te pra॒jāpa॑te॒radhya॑sṛjyanta / de॒vāścāsu॑rāśca / tānna vya॑jānāt / i॒me'nya i॒me'nya iti॑ / sa de॒vāna॒॒śūna॑karot / tāna॒bhya॑ṣuṇot / tānpa॒vitre॑ṇāpunāt / tānpa॒rastātpa॒vitra॑sya॒ vya॑gṛhṇāt / te grahā॑ abhavann / tadgrahā॑ṇāṃ graha॒tvam

1.4.1.2
de॒vatā॒ vā e॒tā yaja॑mānasya gṛ॒he gṛ॑hyante / yadgrahāḥ / vi॒dure॑naṃ de॒vāḥ / yasyai॒vaṃ vi॒duṣa॑ e॒te grahā॑ gṛ॒hyante / e॒ṣā vai soma॒syāhu॑tiḥ / yadu॑pā॒॒śuḥ / some॑na de॒vāsta॑rpayā॒ṇīti॒ khalu॒ vai some॑na yajate / yadu॑pā॒॒śuṃ ju॒hoti॑ / some॑nai॒va tadde॒vāsta॑rpayati / yadgrahāñju॒hoti॑

1.4.1.3
de॒vā e॒va tadde॒vānga॑cchanti / yacca॑ma॒sāñju॒hoti॑ / tenai॒vānu॑rūpeṇa॒ yaja॑mānassuva॒rgaṃ lo॒kame॑ti / kiṃ nve॑tadagra॑ āsī॒dityā॑huḥ / yatpātrā॒ṇīti॑ / i॒yaṃ vā e॒tadagra॑ āsīt / mṛ॒nmayā॑ni॒ vā e॒tānyā॑sann / tairde॒vā na vyā॒vṛta॑magacchann / ta e॒tāni॑ dāru॒mayā॑ṇi॒ pātrāṇyapaśyann / tānya॑kurvata

1.4.1.4
tairvai te vyā॒vṛta॑magacchann / yaddā॑ru॒mayā॑ṇi॒ pātrā॑ṇi॒ bhava॑nti / vyā॒vṛta॑me॒va tairyaja॑māno gacchati / yāni॑ dāru॒mayā॑ṇi॒ pātrā॑ṇi॒ bhava॑nti / a॒mume॒va tairlo॒kama॒bhija॑yati / yāni॑ mṛ॒nmayā॑ni / i॒mame॒va tairlo॒kama॒bhija॑yati / bra॒hma॒vā॒dino॑ vadanti / kāścata॑srassthā॒līrvā॑ya॒vyāssoma॒graha॑ṇī॒riti॑ / de॒vā vai pṛśñi॑maduhrann

1.4.1.5
tasyā॑ e॒te stanā॑ āsann / i॒yaṃ vai pṛśñiḥ॑ / tāmā॑di॒tyā ā॑dityasthā॒lyā catu॑ṣpada pa॒śūna॑duhrann / yadā॑dityasthā॒lī bhava॑ti / catu॑ṣpada e॒va tayā॑ pa॒śūn yaja॑māna i॒māṃ du॑he / tāmindra॑ ukthyasthā॒lyendri॒yama॑duhat / yadu॑kthyasthā॒lī bhava॑ti / i॒ndri॒yame॒va tayā॒ yaja॑māna i॒māṃ du॑he / tāṃ viśve॑ de॒vā āgrayaṇasthā॒lyorja॑maduhrann / yadāgrayaṇasthā॒lī bhava॑ti

1.4.1.6
ūrja॑me॒va tayā॒ yaja॑māna i॒māṃ du॑he / tāṃ ma॑nu॒ṣyā dhruvasthā॒lyā''yu॑raduhrann / yaddhru॑vasthā॒lī bhava॑ti / āyu॑re॒va tayā॒ yaja॑māna i॒māṃ du॑he / sthā॒lyā gṛ॒hṇāti॑ / vā॒ya॒vye॑na juhoti / tasmā॑da॒nyena॒ pātre॑ṇa pa॒śūndu॒hanti॑ / a॒nyena॒ prati॑gṛhṇanti / atho vyā॒vṛta॑me॒va tadyaja॑māno gacchati

1.4.2.0
soma॑ āvi॒śan ya॑je rā॒jyāyaikaṃ॑ ca

1.4.2.1
yu॒va su॒rāma॑maśvinā / namu॑cāvāsu॒re sacā / vi॒pi॒pā॒nā śu॑bhaspatī / indraṃ॒ karma॑ svāvatam / pu॒ttrami॑va pi॒tarā॑va॒śvino॒bhā / indrāva॑taṃ॒ karma॑ṇā da॒॒sanā॑bhiḥ / yatsu॒rāmaṃ॒ vyapi॑ba॒śśacī॑bhiḥ / sara॑svatī tvā maghavannabhīṣṇāt / ahāvyagne ha॒virā॒sye॑te / sru॒cīva॑ ghṛ॒taṃ ca॒mū i॑va॒ somaḥ॑

1.4.2.2
vā॒ja॒sani॑ ra॒yima॒sme su॒vīram / pra॒śa॒staṃ dhe॑hi ya॒śasaṃ॑ bṛ॒hantam / yasmi॒nnaśvā॑sa ṛṣa॒bhāsa॑ u॒kṣaṇaḥ॑ / va॒śā me॒ṣā a॑vasṛ॒ṣṭāsa॒ āhu॑tāḥ / kī॒lā॒la॒pe soma॑pṛṣṭhāya ve॒dhase / hṛ॒dā ma॒tiṃ ja॑naya॒ cāru॑ma॒gnaye / nānā॒ hi vāṃ de॒vahi॑ta॒॒ sado॑ mi॒tam / mā sasṛ॑kṣāthāṃ para॒me vyo॑mann / surā॒ tvamasi॑ śu॒ṣmiṇī॒ soma॑ e॒ṣaḥ / mā mā॑ hisī॒ssvāṃ yoni॑māvi॒śann

1.4.2.3
yadatra॑ śi॒ṣṭa ra॒sina॑ssu॒tasya॑ / yadindro॒ api॑ba॒cchacī॑bhiḥ / a॒haṃ tada॑sya॒ mana॑sā śi॒vena॑ / soma॒॒ rājā॑nami॒ha bha॑kṣayāmi / dve sru॒tī a॑śṛṇavaṃ pitṛ॒ṇām / a॒haṃ de॒vānā॑mu॒ta martyā॑nām / tābhyā॑mi॒daṃ viśvaṃ॒ bhuva॑na॒॒ same॑ti / a॒nta॒rā pūrva॒mapa॑raṃ ca ke॒tum / yaste॑ deva varuṇa gāya॒tracha॑ndā॒ pāśaḥ॑ / taṃ ta॑ e॒tenāva॑ yaje

1.4.2.4
yaste॑ deva varuṇa tri॒ṣṭupcha॑ndā॒ pāśaḥ॑ / taṃ ta॑ e॒tenāva॑ yaje / yaste॑ deva varuṇa॒ jaga॑tīchandā॒ pāśaḥ॑ / taṃ ta॑ e॒tenāva॑ yaje / somo॒ vā e॒tasya॑ rā॒jyamāda॑tte / yo rājā॒ sanrā॒jyo vā॒ some॑na॒ yaja॑te / de॒va॒su॒vāme॒tāni॑ ha॒vīṣi॑ bhavanti / e॒tāva॑nto॒ vai de॒vānā॑ sa॒vāḥ / ta e॒vāsmai॑ sa॒vānpraya॑cchanti / ta e॑naṃ॒ puna॑ssuvante rā॒jyāya॑ / de॒va॒sū rājā॑ bhavati

1.4.3.0
vai de॒vyadi॑tirmuñcati sṛjati karoti karotyābhyā॒mapi॑ dadhyā॒t pañca॑ ca

1.4.3.1
uda॑sthādde॒vyadi॑tirviśvarū॒pī / āyu॑rya॒jñapa॑tāvadhāt / indrā॑ya kṛṇva॒tī bhā॒gam / mi॒trāya॒ varu॑ṇāya ca / i॒yaṃ vā a॑gniho॒trī / i॒yaṃ vā e॒tasya॒ niṣī॑dati / yasyāgniho॒trī ni॒ṣīda॑ti / tāmutthā॑payet / uda॑sthādde॒vyadi॑ti॒riti॑ / i॒yaṃ vai de॒vyadi॑tiḥ

1.4.3.2
i॒māme॒vāsmā॒ utthā॑payati / āyu॑rya॒jñapa॑tāvadhā॒dityā॑ha / āyu॑re॒vāsmi॑ndadhāti / indrā॑ya kṛṇva॒tī bhā॒gaṃ mi॒trāya॒ varu॑ṇāya॒ cetyā॑ha / ya॒thā॒ya॒jure॒vaitat / ava॑rtiṃ॒ vā e॒ṣaitasya॑ pā॒pmānaṃ॑ prati॒khyāya॒ niṣī॑dati / yasyāgniho॒tryupa॑sṛṣṭā ni॒ṣīda॑ti / tāṃ du॒gdhvā brāhma॒ṇāya॑ dadyāt / yasyānnaṃ॒ nādyāt / ava॑rtime॒vāsmi॑npā॒pmānaṃ॒ prati॑muñcati

1.4.3.3
du॒gdhvā da॑dāti / na hyadṛ॑ṣṭā॒ dakṣi॑ṇā dī॒yate / pṛ॒thi॒vīṃ vā e॒tasya॒ paya॒ pravi॑śati / yasyāgniho॒traṃ du॒hyamā॑na॒॒ skanda॑ti / yada॒dya du॒gdhaṃ pṛ॑thi॒vīmasa॑kta / yadoṣa॑dhīra॒pyasa॑ra॒dyadāpaḥ॑ / payo॑ gṛ॒heṣu॒ payo॑ aghni॒yāsu॑ / payo॑ va॒tseṣu॒ payo॑ astu॒ tanmayītyā॑ha / paya॑ e॒vātmangṛ॒heṣu॑ pa॒śuṣu॑ dhatte / a॒pa upa॑sṛjati

1.4.3.4
a॒dbhire॒vaina॑dāpnoti / yo vai ya॒jñasyārte॒ nānārta sa sṛ॒jati॑ / u॒bhe vai te tarhyārccha॑taḥ / ārccha॑ti॒ khalu॒ vā e॒tada॑gniho॒tram / yaddu॒hyamā॑na॒॒ skanda॑ti / yada॑bhidu॒hyāt / ārte॒ nānārtaṃ ya॒jñasya॒ sasṛ॑jet / tade॒va yā॒dṛkkī॒dṛkca॑ hota॒vyam / athā॒nyāṃ du॒gdhvā puna॑ऱhota॒vyam / anārtenai॒vārtaṃ॑ ya॒jñasya॒ niṣka॑roti

1.4.3.5
yadyuddru॑tasya॒ skandet / yattato'hu॑tvā॒ puna॑re॒yāt / ya॒jñaṃ vicchi॑ndyāt / yatra॒ skandet / tanni॒ṣadya॒ puna॑rgṛhṇīyāt / yatrai॒va skanda॑ti / tata॑ e॒vaina॒tpuna॑rgṛhṇāti / tade॒va yā॒dṛkkī॒dṛkca॑ hota॒vyam / athā॒nyāṃ du॒gdhvā puna॑ऱhota॒vyam / anārtenai॒vārtaṃ॑ ya॒jñasya॒ niṣka॑roti

1.4.3.6
vi vā e॒tasya॑ ya॒jñaśchi॑dyate / yasyāgniho॒tre॑'dhiśri॑te॒ śvā'nta॒rā dhāva॑ti / ru॒draḥ khalu॒ vā e॒ṣaḥ / yada॒gniḥ / yadgāma॑nvatyā va॒rtayet / ru॒drāya॑ pa॒śūnapi॑ dadhyāt / a॒pa॒śuryaja॑mānassyāt / yada॒po'nvatiṣi॒ñcet / a॒nā॒dyama॒gnerāpaḥ॑ / a॒nā॒dyamābhyā॒mapi॑ dadhyāt / gāऱha॑patyā॒dbhasmā॒dāya॑ / i॒daṃ viṣṇu॒rvica॑krama॒ iti॑ vaiṣṇa॒vyarcā''ha॑va॒nīyāddhva॒॒saya॒nnudra॑vet / ya॒jño vai viṣṇuḥ॑ / ya॒jñenai॒va ya॒jña saṃta॑noti / bhasma॑nā pa॒damapi॑ vapati॒ śāntyai

1.4.4.0
hara॒tyathāgniho॒traṃ ni॒mroca॑ti haredde॒vatā॑ gacchatyu॒dvāyenmanthedramasva bṛ॒hadvi॒rāḍiti॒ nava॑ ca

(ni vai pūrvaṃ॒ trīṇi॑ ni॒mroca॑ti da॒rbheṇa॒ yaddhira॑ṇyamagniho॒traṃ puna॒rvaru॑ṇo vāru॒ṇaṃ ni vā e॒tasyā॒bhyu॑deti॑ caturgṛhī॒tamājyaṃ॒ yadājyaṃ॒ parācyu॒ṣā puna॑rmi॒tro mai॒traṃ yasyā॑hava॒nīye'nu॑dvāte॒ gāऱha॑patyo॒ yadvai ma॑nthe॒duddha॑ret // )
1.4.4.1
ni vā e॒tasyā॑hava॒nīyo॒ gāऱha॑patyaṃ kāmayate / nigāऱha॑patya āhava॒nīyam / yasyā॒gnimanu॑ddhṛta॒॒ sūryo॒'bhi ni॒mroca॑ti / da॒rbheṇa॒ hira॑ṇyaṃ pra॒baddhya॑ pu॒rastāddharet / athā॒gnim / athāgniho॒tram / yaddhira॑ṇyaṃ pu॒rastā॒ddhara॑ti / jyoti॒rvai hira॑ṇyam / jyoti॑re॒vainaṃ॒ paśya॒nnuddha॑rati / yada॒gniṃ pūrva॒॒ hara॒tyathāgniho॒tram

1.4.4.2
bhā॒ga॒dheye॑nai॒vainaṃ॒ praṇa॑yati / brā॒hma॒ṇa ā॑ऱṣe॒ya uddha॑ret / brā॒hma॒ṇo vai sarvā॑ de॒vatāḥ / sarvā॑bhire॒vainaṃ॑ de॒vatā॑bhi॒ruddha॑rati / a॒gni॒ho॒tramu॑pa॒sādyātami॑torāsīta / vra॒tame॒va ha॒tamanu॑ mriyate / antaṃ॒ vā e॒ṣa ā॒tmano॑ gacchati / yastāmya॑ti / anta॑me॒ṣa ya॒jñasya॑ gacchati / yasyā॒gnimanu॑ddhṛ॒ta॒ sūryo॒'bhi ni॒mroca॑ti

1.4.4.3
puna॑ssa॒manya॑ juhoti / ante॑nai॒vāntaṃ॑ ya॒jñasya॒ niṣka॑roti / varu॑ṇo॒ vā e॒tasya॑ ya॒jñaṃ gṛ॑hṇāti / yasyā॒gnimanu॑ddhṛta॒॒ sūryo॒'bhi ni॒mroca॑ti / vā॒ru॒ṇaṃ ca॒ruṃ nirva॑pet / tenai॒va ya॒jñaṃ niṣkrī॑ṇīte / ni vā e॒tasyā॑hava॒nīyo॒ gāऱha॑patyaṃ kāmayate / ni gāऱha॑patya āhava॒nīyam / yasyā॒gnimanu॑ddhṛta॒॒ sūryo॒'bhyu॑deti॑ / ca॒tu॒rgṛ॒hī॒tamājyaṃ॑ pu॒rastāddharet

1.4.4.4
athā॒gnim / athāgniho॒tram / yadājyaṃ॑ pu॒rastā॒ddhara॑ti / e॒tadvā a॒gne pri॒yaṃ dhāma॑ / yadājyam / pri॒yeṇai॒vainaṃ॒ dhāmnā॒ sama॑rdhayati / yada॒gniṃ pūrva॒॒ hara॒tyathāgniho॒tram / bhā॒ga॒dheye॑nai॒vainaṃ॒ praṇa॑yati / brā॒hma॒ṇa ā॑ऱṣe॒ya uddha॑ret / brā॒hma॒ṇo vai sarvā॑ de॒vatāḥ

1.4.4.5
sarvā॑bhire॒vainaṃ॑ de॒vatā॑bhi॒ruddha॑rati / parā॑cī॒ vā e॒tasmai vyu॒cchantī॒ vyu॑cchati / yasyā॒gnimanu॑ddhṛta॒॒ sūryo॒'bhyu॑deti॑ / u॒ṣāḥ ke॒tunā॑ juṣatām / ya॒jñaṃ de॒vebhi॑rinvi॒tam / de॒vebhyo॒ madhu॑mattama॒॒ svāheti॑ pra॒tyaṅni॒ṣadyājye॑na juhuyāt / pra॒tīcī॑me॒vāsmai॒ vivā॑sayati / a॒gni॒ho॒tramu॑pa॒sādyātami॑torāsīta / vra॒tame॒va ha॒tamanu॑ mriyate / antaṃ॒ vā e॒ṣa ā॒tmano॑ gacchati

1.4.4.6
yastāmya॑ti / anta॑me॒ṣa ya॒jñasya॑ gacchati / yasyā॒gnimanu॑ddhṛta॒॒ sūryo॒'bhyu॑deti॑ / puna॑ssa॒manya॑ juhoti / ante॑nai॒vāntaṃ॑ ya॒jñasya॒ niṣka॑roti / mi॒tro vā e॒tasya॑ ya॒jñaṃ gṛ॑hṇāti / yasyā॒gnimanu॑ddhṛta॒॒ sūryo॒'bhyu॑deti॑ / mai॒traṃ ca॒ruṃ nirva॑pet / tenai॒va ya॒jñaṃ niṣkrī॑ṇīte / yasyā॑hava॒nīye' nu॑dvāte॒ gāऱha॑patya u॒dvāyet

1.4.4.7
yadā॑hava॒nīya॒manu॑dvāpya॒ gāऱha॑patyaṃ॒ manthet / vicchi॑ndyāt / bhrātṛ॑vyamasmai janayet / yadvai ya॒jñasya॑ vāsta॒vyaṃ॑ kri॒yate / tadanu॑ ru॒dro'va॑carati / yatpūrva॑manvava॒syet / vā॒sta॒vya॑ma॒gnimupā॑sīta / ru॒dro'sya pa॒śūnghātu॑kassyāt / ā॒ha॒va॒nīya॑mu॒dvāpya॑ / gāऱha॑patyaṃ manthet

1.4.4.8
i॒ta pra॑tha॒maṃ ja॑jñe a॒gniḥ / svādyone॒radhi॑ jā॒tave॑dāḥ / sa gā॑yatri॒yā tri॒ṣṭubhā॒ jaga॑tyā / de॒vebhyo॑ ha॒vyaṃ va॑hatu prajā॒nanniti॑ / chando॑bhire॒vaina॒॒ svādyone॒ praja॑nayati / gāऱha॑patyaṃ manthati / gāऱha॑patyaṃ॒ vā anvāhi॑tāgne pa॒śava॒ upa॑ tiṣṭhante / sa yadu॒dvāya॑ti / tadanu॑ pa॒śavo'pa॑ krāmanti / i॒ṣe ra॒yyai ra॑masva

1.4.4.9
saha॑se dyu॒mnāya॑ / ū॒rje'patyā॒yetyā॑ha / pa॒śavo॒ vai ra॒yiḥ / pa॒śūne॒vāsmai॑ ramayati / sā॒ra॒sva॒tau tvotsau॒ sami॑ndhātā॒mityā॑ha / ṛ॒khsā॒me vai sā॑rasva॒tāvutsau / ṛ॒khsā॒mābhyā॑me॒vaina॒॒ sami॑ndhe / sa॒mrāḍa॑si vi॒rāḍa॒sītyā॑ha / ra॒tha॒nta॒raṃ vai sa॒mrāṭ / bṛ॒hadvi॒rāṭ / 25 //
1.4.4.10
tābhyā॑me॒vaina॒॒ sami॑ndhe / vajro॒ vai ca॒kram / vajro॒ vā e॒tasya॑ ya॒jñaṃ vicchi॑natti / yasyāno॑ vā॒ ratho॑ vā'nta॒rā'gnī yāti॑ / ā॒ha॒va॒nīya॑mu॒dvāpya॑ / gāऱha॑patyā॒duddha॑ret / yada॑gne॒ pūrvaṃ॒ prabhṛ॑taṃ pa॒da hi te / sūrya॑sya ra॒śmīnanvā॑ta॒tāna॑ / tatra॑ rayi॒ṣṭhāmanu॒ saṃ bha॑rai॒tam / saṃ na॑ssṛja suma॒tyā vāja॑va॒tyeti॑

1.4.4.11
pūrve॑ṇai॒vāsya॑ ya॒jñena॑ ya॒jñamanu॒ saṃta॑noti / tvama॑gne sa॒prathā॑ a॒sītyā॑ha / a॒gnissarvā॑ de॒vatāḥ / de॒vatā॑bhire॒va ya॒jña saṃta॑noti / a॒gnaye॑ pathi॒kṛte॑ puro॒ḍāśa॑ma॒ṣṭāka॑pālaṃ॒ nirva॑pet / a॒gnime॒va pa॑thi॒kṛta॒॒ svena॑ bhāga॒dheye॒nopa॑dhāvati / sa e॒vainaṃ॑ ya॒jñiyaṃ॒ panthā॒mapi॑ nayati / a॒na॒ḍvāndakṣi॑ṇā / va॒hī hye॑ṣa samṛ॑ddhyai

1.4.5.0
ya॒nti॒ sava॑nasyāti॒ricya॑te śasati dādhārā॒ṣṭau ca॑

1.4.5.1
yasya॑ prātassava॒ne somo॑'ti॒ricya॑te / mādhya॑ndina॒॒ sava॑naṃ kā॒maya॑māno॒'bhyati॑ricyate / gaurdha॑yati ma॒rutā॒miti॒ dhaya॑dvatīṣu kurvanti / hi॒nasti॒ vai sa॒ndhyadhī॑tam / sa॒ndhīva॒ khalu॒ vā e॒tat / yatsava॑nasyāti॒ricya॑te / yaddhaya॑dvatīṣu ku॒rvanti॑ / sa॒ndheśśāntyai / gā॒ya॒tra sāma॑ bhavati pañcada॒śasstomaḥ॑ / tenai॒va prā॑tassava॒nānnaya॑nti

1.4.5.2
ma॒rutva॑tīṣu kurvanti / tenai॒va mādhya॑ndinā॒tsava॑nā॒nnaya॑nti / hotu॑ścama॒samanūnna॑yante / hotā'nu॑ śasati / ma॒dhya॒ta e॒va ya॒jña sa॒māda॑dhāti / yasya॒ mādhya॑ndine॒ sava॑ne॒ somo॑'ti॒ricya॑te / ā॒di॒tyaṃ tṛ॑tīyasava॒naṃ kā॒maya॑māno॒'bhyati॑ricyate / gau॒ri॒vī॒ta sāma॑ bhavati / ati॑riktaṃ॒ vai gau॑rivī॒tam / ati॑riktaṃ॒ yatsava॑nasyāti॒ricya॑te

1.4.5.3
ati॑riktasya॒ śāntyai / baṇma॒hā a॑si sū॒ryeti॑ kurvanti / yasyai॒vādi॒tyasya॒ sava॑nasya॒ kāme॑nāti॒ricya॑te / tenai॒vainaṃ॒ kāme॑na॒ sama॑rdhayanti / gau॒ri॒vī॒ta sāma॑ bhavati / tenai॒va mādhya॑ndinā॒tsava॑nā॒nnaya॑nti / sa॒pta॒da॒śasstomaḥ॑ / tenai॒va tṛ॑tīyasava॒nānnaya॑nti / hotu॑ścama॒samanūnna॑yante / hotā'nu॑ śasati

1.4.5.4
ma॒dhya॒ta e॒va ya॒jña sa॒māda॑dhāti / yasya॑ tṛtīyasava॒ne somo॑'ti॒ricye॑ta / u॒kthyaṃ॑ kurvīta / yasyo॒kthye॑'ti॒ricye॑ta / a॒ti॒rā॒traṃ ku॑rvīta / yasyā॑tirā॒tre॑'ti॒ricya॑te / tattvai du॑ṣprajñā॒nam / yaja॑mānaṃ॒ vā e॒tatpa॒śava॑ ā॒sāhya॑yanti / bṛ॒hatsāma॑ bhavati / bṛ॒hadvā i॒māllom॒̐kāndā॑dhāra / bāऱha॑tā pa॒śavaḥ॑ / bṛ॒ha॒taivāsmai॑ pa॒śūndā॑dhāra / śi॒pi॒vi॒ṣṭava॑tīṣu kurvanti / śi॒pi॒vi॒ṣṭo vai de॒vānāṃ pu॒ṣṭam / puṣṭyai॒vaina॒॒ sama॑rdhayanti / hotu॑ścama॒samanūnna॑yante / hotā'nu॑śasati / ma॒dhya॒ta e॒va ya॒jña sa॒māda॑dhāti

1.4.6.0
a॒bhiji॑tyai pṛthi॒vyāśca॒ syāda॑dhva॒ryurbrū॑yāllo॒kayo॒ pari॑dadati kurvīra॒॒strīṇi॑ ca

1.4.6.1
ekai॑ko॒ vai ja॒natā॑yā॒mindraḥ॑ / ekaṃ॒ vā e॒tāvindra॑ma॒bhi sasu॑nutaḥ / yau dvau sa॑ sunu॒taḥ / pra॒jāpa॑ti॒rvā e॒ṣa vitā॑yate / yadya॒jñaḥ / tasya॒ grāvā॑ṇo॒ dantāḥ / a॒nya॒ta॒raṃ vā e॒te sa॑sunva॒tornirba॑phsati / pūrve॑ṇopa॒sṛtyā॑ de॒vatā॒ ityā॑huḥ / pū॒rvo॒pa॒sṛ॒tasya॒ vai śreyānbhavati / eti॑va॒ntyājyā॑ni bhavantya॒bhiji॑tyai

1.4.6.2
ma॒rutva॑tī prati॒padaḥ॑ / ma॒ruto॒ vai de॒vānā॒mapa॑rājitamā॒yata॑nam / de॒vānā॑me॒vāpa॑rājita ā॒yata॑ne yatate / u॒bhe bṛ॑hadrathanta॒re bha॑vataḥ / i॒yaṃ vāva ra॑thanta॒ram / a॒sau bṛ॒hat / ā॒bhyāme॒vaina॑ma॒ntare॑ti / vā॒caśca॒ mana॑saśca / prā॒ṇāccā॑pā॒nācca॑ / di॒vaśca॑ pṛthi॒vyāśca॑

1.4.6.3
sarva॑smādvi॒ttādvedyāt / a॒bhi॒va॒rto bra॑hmasā॒maṃ bha॑vati / su॒va॒rgasya॑ lo॒kasyā॒bhivṛ॑ttyai / a॒bhi॒jidbha॑vati / su॒va॒rgasya॑ lo॒kasyā॒bhiji॑tyai / vi॒śva॒jidbha॑vati / viśva॑sya॒ jityai / yasya॒ bhūyā॑so yajñakra॒tava॒ ityā॑huḥ / sa de॒vatā॑ vṛṅkta॒ iti॑ / yadya॑gniṣṭo॒massoma॑ pa॒rastā॒tsyāt

1.4.6.4
u॒kthyaṃ॑ kurvīta / yadyu॒ktha॑ssyāt / a॒ti॒rā॒traṃ ku॑rvīta / ya॒jña॒kra॒tubhi॑re॒vāsya॑ de॒vatā॑ vṛṅkte / yo vai chando॑bhirabhi॒bhava॑ti / sa sa॑sunva॒tora॒bhibha॑vati / saṃ॒ve॒śāya॑ tvopave॒śāya॒ tvetyā॑ha / chandā॑si॒ vai saṃ॑ve॒śa u॑pave॒śaḥ / chando॑bhire॒vāsya॒ chandā॑sya॒bhibha॑vati / i॒ṣṭargo॒ vā ṛ॒tvijā॑madhva॒ryuḥ

1.4.6.5
i॒ṣṭarga॒ khalu॒ vai pūrvo॒'rṣṭuḥ kṣī॑yate / prāṇā॑pānau mṛ॒tyormā॑ pāta॒mityā॑ha / prā॒ṇā॒pā॒nayo॑re॒va śra॑yate / prāṇā॑pānau॒ mā mā॑hāsiṣṭa॒mityā॑ha / nainaṃ॑ pu॒rā''yu॑ṣa prāṇāpā॒nau ja॑hitaḥ / ārtiṃ॒ vā e॒te niya॑nti / yeṣāṃ dīkṣi॒tānāṃ pra॒mīya॑te / taṃ yada॑va॒varje॑yuḥ / krū॒ra॒kṛtā॑mivaiṣāṃ lo॒kassyāt / āha॑ra da॒heti॑ brūyāt

1.4.6.6
taṃ da॑kṣiṇa॒to vedyai॑ ni॒dhāya॑ / sa॒rpa॒rā॒jñiyā॑ ṛ॒gbhisstu॑yuḥ / i॒yaṃ vai sarpa॑to॒ rājñī / a॒syā e॒vainaṃ॒ pari॑dadati / vyṛ॑ddhaṃ॒ tadityā॑huḥ / yatstu॒tamana॑nuśasta॒miti॑ / hotā pratha॒ma prā॑cīnāvī॒tī mārjā॒līyaṃ॒ parī॑yāt / yā॒mīra॑nubru॒vann / sa॒rpa॒rā॒jñīnāṃ kīrtayet / u॒bhayo॑re॒vainaṃ॑ lo॒kayo॒ pari॑dadati

1.4.6.7
atho॑ dhu॒vantye॒vainam / atho॒ nye॑vāsmai hnuvate / tri pari॑yanti / traya॑ i॒me lo॒kāḥ / e॒bhya e॒vainaṃ॑ lo॒kebhyo॑ dhuvate / tri puna॒pari॑yanti / ṣaṭtsaṃpa॑dyante / ṣaḍvā ṛ॒tavaḥ॑ / ṛ॒tubhi॑re॒vainaṃ॑ dhuvate / agna॒ āyū॑ṣi pavasa॒ iti॑ prati॒padaṃ॑ kurvīrann / ra॒tha॒nta॒rasā॑maiṣā॒॒ soma॑ssyāt / āyu॑re॒vātmanda॑dhate / atho॑ pā॒pmāna॑me॒va vi॒jaha॑to yanti

1.4.7.0
u॒dvāya॑ti manthenmanthatyakrāmatpa॒rā'pa॑tanma॒dhyandi॑na āgu॒rate॒ pañca॑ ca

1.4.7.1
a॒su॒ryaṃ॑ vā e॒tasmā॒dvarṇaṃ॑ kṛ॒tvā / pa॒śavo॑ vī॒rya॑mapa॑ krāmanti / yasya॒ yūpo॑ vi॒roha॑ti / tvā॒ṣṭraṃ ba॑hurū॒pamāla॑bheta / tvaṣṭā॒ vai rū॒pāṇā॑mīśe / ya e॒va rū॒pāṇā॒mīśe / so'sminpa॒śūn vī॒ryaṃ॑ yacchati / nāsmātpa॒śavo॑ vī॒rya॑mapa॑ krāmanti / ārtiṃ॒ vā e॒te niya॑nti / yeṣāṃ dīkṣi॒tānā॑ma॒gniru॒dvāya॑ti

1.4.7.2
yadā॑hava॒nīya॑ u॒dvāyet / yattaṃ manthet / vicchi॑ndyāt / bhrātṛ॑vyamasmai janayet / yadā॑hava॒nīya॑ u॒dvāyet / āgnīddhrā॒duddha॑ret / yadāgnīddhra u॒dvāyet / gāऱha॑patyā॒duddha॑ret / yadgāऱha॑patya u॒dvāyet / ata॑ e॒va puna॑rmanthet

1.4.7.3
atra॒ vāva sa nila॑yate / yatra॒ khalu॒ vai nilī॑namutta॒maṃ paśya॑nti / tade॑namicchanti / yasmā॒ddāro॑ru॒dvāyet / tasyā॒raṇī॑ kuryāt / kru॒mu॒kamapi॑ kuryāt / e॒ṣā vā a॒gne pri॒yā ta॒nūḥ / yatkru॑mu॒kaḥ / pri॒yayai॒vaina॑nta॒nuvā॒ sama॑rdhayati / gāऱha॑patyaṃ manthati

1.4.7.4
gāऱha॑patyo॒ vā a॒gneryoniḥ॑ / svāde॒vaina॒yyom̐nerjanayati / nāsmai॒ bhrātṛ॑vyañjanayati / yasya॒ soma॑ upa॒dasyet / su॒varṇa॒॒ hira॑ṇyandve॒dhā vi॒cchidya॑ / ṛ॒jī॒ṣe'nyadā॑dhūnu॒yāt / ju॒hu॒yāda॒nyat / soma॑me॒vābhi॑ṣu॒ṇoti॑ / soma॑ñjuhoti / soma॑sya॒ vā a॑bhiṣū॒yamā॑ṇasya pri॒yā ta॒nūruda॑krāmat

1.4.7.5
tatsu॒varṇa॒॒ hira॑ṇyamabhavat / yatsu॒varṇa॒॒ hira॑ṇyaṅku॒rvanti॑ / pri॒yayai॒vaina॑nta॒nuvā॒ sama॑rdhayanti / yasyākrī॑ta॒॒ soma॑mapa॒hare॑yuḥ / krī॒ṇī॒yāde॒va / saiva tata॒ prāya॑ścittiḥ / yasya॑ krī॒tama॑pa॒hare॑yuḥ / ā॒dā॒rāśca॑ phālgu॒nāni॑ cā॒bhiṣu॑ṇuyāt / gā॒ya॒trī ya soma॒māha॑rat / tasya॒ yo'॑śu pa॒rā'pa॑tat

1.4.7.6
ta ā॑dā॒rā a॑bhavann / indro॑ vṛ॒trama॑hann / tasya॑ va॒lka parā॑'patat / tāni॑ phālgu॒nānya॑bhavann / pa॒śavo॒ vai phālgu॒nāni॑ / pa॒śava॒ssomo॒ rājā / yadā॑dā॒rāśca॑ phālgu॒nāni॑ cābhiṣu॒ṇoti॑ / soma॑me॒va rājā॑nama॒bhiṣu॑ṇoti / śṛ॒tena॑ prātassava॒ne śrī॑ṇīyāt / da॒dhnā ma॒dhyandi॑ne

1.4.7.7
nī॒ta॒mi॒śreṇa॑ tṛtīyasava॒ne / a॒gni॒ṣṭo॒massoma॑ssyādrathanta॒rasā॑mā / ya e॒vartvijo॑ vṛ॒tāssyuḥ / ta e॑nayyām̐jayeyuḥ / ekā॒ṅgāndakṣi॑ṇāndadyā॒ttebhya॑ e॒va / puna॒ssoma॑ṅkrīṇīyāt / ya॒jñenai॒va tadya॒jñami॑cchati / saiva tataḥ॒ prāya॑ścittiḥ / sarvābhyo॒ vā e॒ṣa de॒vatābhya॒ssarvebhya pṛ॒ṣṭhebhya॑ ā॒tmāna॒māgu॑rate / yassa॒ttrāyā॑gu॒rate / e॒tāvā॒nkhalu॒ vai puru॑ṣaḥ / yāva॑dasya vi॒ttam / sa॒rva॒ve॒da॒sena॑ yajeta / sarva॑pṛṣṭho'sya॒ soma॑ssyāt / sarvābhya e॒va de॒vatābhya॒ssarvebhya pṛ॒ṣṭhebhya॑ ā॒tmāna॒nniṣkrī॑ṇīte

1.4.8.0
anu॑ rayī॒ṇāṃ brahma॑ṇā sva॒styaya॑nīssu॒dughā॒ hi ghṛ॑ta॒ścuta॒ ṛṣi॑bhi॒ssambhṛ॑to॒ rasa॑ punātu॒ trīṇi॑ ca

1.4.8.1
pava॑māna॒ssuva॒rjanaḥ॑ / pa॒vitre॑ṇa॒ vica॑ऱṣaṇiḥ / ya potā॒ sa pu॑nātu mā / pu॒nantu॑ mā devaja॒nāḥ / pu॒nantu॒ mana॑vo dhi॒yā / pu॒nantu॒ viśva॑ ā॒yavaḥ॑ / jāta॑veda pa॒vitra॑vat / pa॒vitre॑ṇa punāhi mā / śū॒kreṇa॑ deva॒ dīdya॑t / agne॒ kratvā॒ kratū॒ ranu॑

1.4.8.2
yatte॑ pa॒vitra॑ma॒rciṣi॑ / agne॒ vita॑tamanta॒rā / brahma॒ tena॑ punīmahe / u॒bhābhyāndeva savitaḥ / pa॒vitre॑ṇa sa॒vena॑ ca / i॒daṃ brahma॑ punīmahe / vai॒śva॒de॒vī pu॑na॒tī de॒vyāgāt / yasyai॑ ba॒hvīsta॒nuvo॑ vī॒tapṛ॑ṣṭhāḥ / tayā॒ mada॑ntassadha॒mādye॑ṣu / va॒ya syā॑ma॒ pata॑yo rayī॒ṇām

1.4.8.3
vai॒śvā॒na॒ro ra॒śmibhi॑rmā punātu / vāta॑ prā॒ṇene॑ṣi॒ro ma॑yo॒bhūḥ / dyāvā॑pṛthi॒vī paya॑sā॒ payo॑bhiḥ / ṛ॒tāva॑rī ya॒jñiye॑ mā punītām / bṛ॒hadbhi॑ssavita॒stṛbhiḥ॑ / vaऱṣi॑ṣṭhairdeva॒ manma॑bhiḥ / agne॒ dakṣai punāhi mā / yena॑ de॒vā apu॑nata / yenāpo॑ di॒vyaṅkaśaḥ॑ / tena॑ di॒vyena॒ brahma॑ṇā

1.4.8.4
i॒daṃ brahma॑ punīmahe / ya pā॑vamā॒nīra॒dhyeti॑ / ṛṣi॑bhi॒ssaṃbhṛ॑ta॒॒ rasam / sarva॒॒ sa pū॒tama॑śñāti / sva॒di॒taṃ mā॑ta॒riśva॑nā / pā॒va॒mā॒nīryo a॒dhyeti॑ / ṛṣi॑bhi॒ssaṃbhṛ॑ta॒॒ rasam / tasmai॒ sara॑svatī duhe / kṣī॒ra sa॒rpirmadhū॑da॒kam / pā॒va॒mā॒nīssva॒styaya॑nīḥ

1.4.8.5
su॒dughā॒ hi paya॑svatīḥ / ṛṣi॑bhi॒ssambhṛ॑to॒ rasaḥ॑ / brā॒hma॒ṇeṣva॒mṛta॑ hi॒tam / pā॒va॒mānīrdi॑śantu naḥ / i॒mallom॒̐kamatho॑ a॒mum / kāmā॒ntsama॑rdhayantu naḥ / de॒vīrde॒vaissa॒mābhṛ॑tāḥ / pā॒va॒mā॒nīssva॒styaya॑nīḥ / su॒dughā॒ hi ghṛ॑ta॒ścutaḥ॑ / ṛṣi॑bhi॒ssambhṛ॑to॒ rasaḥ॑

1.4.8.6
brā॒hma॒ṇeṣva॒mṛta॑ hi॒tam / yena॑ de॒vā pa॒vitre॑ṇa / ā॒tmānaṃ॑ pu॒nate॒ sadā / tena॑ sa॒hasra॑dhāreṇa / pā॒va॒mā॒nya pu॑nantu mā / prā॒jā॒pa॒tyaṃ pa॒vitram / śa॒todyā॑ma hira॒ṇmayam / tena॑ brahma॒vido॑ va॒yam / pū॒taṃ brahma॑ punīmahe / indra॑ssunī॒tī sa॒ha mā॑ punātu / soma॑ssva॒styā varu॑ṇassa॒mīcyā / ya॒mo rājā pramṛ॒ṇābhi॑ punātu mā / jā॒tave॑dā mo॒rjaya॑ntyā punātu

1.4.9.0
ma॒nu॒ṣyā॑ apaśyañcama॒saṅghṛ॒tasya॑ pū॒rṇa sva॒dhāmasu॑rā apaśyañcama॒saṅghṛ॒tasya॑ pū॒rṇa sva॒dhāmasu॑rā॒ dadātyatiṣṭhacca॒tvāri॑ ca

1.4.9.1
pra॒jā vai sa॒tramā॑sata॒ tapa॒stapya॑mānā॒ aju॑hvatīḥ / de॒vā a॑paśyañcama॒saṅghṛ॒tasya॑ pū॒rṇa sva॒dhām / tamupoda॑tiṣṭha॒ntama॑juhavuḥ / tenārdhamā॒sa ūrja॒mavā॑rundhata / tasmā॑dardhamā॒se de॒vā i॑jyante / pi॒taro॑'paśyañcama॒saṅghṛ॒tasya॑ pū॒rṇa sva॒dhām / tamupoda॑tiṣṭha॒ntama॑juhavuḥ / tena॑ mā॒syūrja॒mavā॑rundhata / tasmānmā॒si pi॒tṛbhya॑ kriyate / ma॒nu॒ṣyā॑ apaśyañcama॒saṅghṛ॒tasya॑ pū॒rṇa sva॒dhām

1.4.9.2
tamupoda॑tiṣṭha॒ntama॑juhavuḥ / tena॑ dva॒yīmūrja॒mavā॑rundhata / tasmā॒ddvirahno॑ manu॒ṣyebhya॒ upa॑hriyate / prā॒taśca॑ sā॒yañca॑ / pa॒śavo॑'paśyañcama॒saṅghṛ॒tasya॑ pū॒rṇa sva॒dhām / tamupoda॑tiṣṭha॒ntama॑juhavuḥ / tena॑ tra॒yīmūrja॒mavā॑rundhata / tasmā॒ttrirahna॑ pa॒śava॒ prera॑te / prā॒tassa॑ṅga॒ve sā॒yam / asu॑rā apaśyañcama॒saṅghṛ॒tasya॑ pū॒rṇa sva॒dhām

1.4.9.3
tamupoda॑tiṣṭha॒ntama॑juhavuḥ / tena॑ savam̐tsa॒ra ūrja॒mavā॑rundhata / te de॒vā a॑manyanta / a॒mī vā i॒dama॑bhūvann / yadva॒ya sma iti॑ / ta e॒tāni॑ cāturmā॒syānya॑paśyann / tāni॒ nira॑vapann / taire॒vaiṣā॒ntāmūrja॑mavṛñjata / tato॑ de॒vā abha॑vann / parā'su॑rāḥ

1.4.9.4
yadyaja॑te / yāme॒va de॒vā ūrja॑ma॒vāru॑ndhata / tāntenāva॑rundhe / yatpi॒tṛbhya॑ ka॒roti॑ / yāme॒va pi॒tara॒ ūrja॑ma॒vāru॑ndhata / tāntenāva॑rundhe / yadā॑vasa॒the'nna॒॒ hara॑nti / yāme॒va ma॑nu॒ṣyā॑ ūrja॑ma॒vāru॑ndhata / tāntenāva॑rundhe / yaddakṣi॑ṇā॒ndadā॑ti

1.4.9.5
yāme॒va pa॒śava॒ ūrja॑ma॒vāru॑ndhata / tāntenāva॑rundhe / yaccā॑turmā॒syairyaja॑te / yāme॒vāsu॑rā॒ ūrja॑ma॒vāru॑ndhata / tāntenāva॑rundhe / bhava॑tyā॒tmanā / parāsya॒ bhrātṛ॑vyo bhavati / vi॒rājo॒ vā e॒ṣā vikrāntiḥ / yaccā॑turmā॒syāni॑ / vai॒śva॒de॒venā॒smillom॒̐ke pratya॑tiṣṭhat / va॒ru॒ṇa॒pra॒ghā॒saira॒ntari॑kṣe / sā॒ka॒me॒dhaira॒muṣmi॑llom॒̐ke / e॒ṣa ha॒ tvāvaitatsarvaṃ॑ bhavati / ya e॒vavvim॒̐dvāścā॑turmā॒syairyaja॑te

1.4.10.0
pa॒ri॒va॒tsa॒ramāpnoti śunāsī॒rīye॑ṇa॒ yaja॑te'jayantsahasrayā॒jina॑mā॒pnoti॑ vaiśvadeva॒tva sā॑kame॒dhaira॑yajata sa॒maidha॑nta pitṛyajña॒tvañja॑yati॒ yasmi॑nvā॒yuऱhe॑ma॒ntastrīṇi॑ ca

1.4.10.1
a॒gnirvāva sa॑vvam̐tsa॒raḥ / ā॒di॒tyaḥ pa॑rivatsa॒raḥ / ca॒ndramā॑ idāvatsa॒raḥ / vā॒yura॑nuvatsa॒raḥ / yadvaiśvade॒vena॒ yaja॑te / a॒gnime॒va tatsam̐॑vvatsa॒ramāpnoti / tasmādvaiśvade॒vena॒ yaja॑mānaḥ / sa॒vvam॒̐tsa॒rīṇā॑ sva॒stimāśāsta॒ ityāśā॑sīta / yadva॑ruṇapraghā॒sairyaja॑te / ā॒di॒tyame॒va tatpa॑rivatsa॒ramāpnoti

1.4.10.2
tasmādvaruṇapraghā॒sairyaja॑mānaḥ / pa॒ri॒va॒tsa॒rīṇā॑ sva॒stimāśāsta॒ ityāśā॑sīta / yatsā॑kame॒dhairyaja॑te / ca॒ndrama॑same॒va tadi॑dāvatsa॒ramāpnoti / tasmātsākame॒dhairyaja॑mānaḥ / i॒dā॒va॒tsa॒rīṇā॑ sva॒stimāśāsta॒ ityāśā॑sīta / yatpi॑tṛya॒jñena॒ yaja॑te / de॒vāne॒va tada॒nvava॑syati / atha॒vā a॑sya vā॒yuścā॑nuvatsa॒raścāprī॑tā॒vucchi॑ṣyete / yacchu॑nāsī॒rīye॑ṇa॒ yaja॑te

1.4.10.3
vā॒yume॒va tada॑nuvatsa॒ramāpnoti / tasmācchunāsī॒rīye॑ṇa॒ yaja॑mānaḥ / a॒nu॒va॒tsa॒rīṇā॑ sva॒stimāśāsta॒ ityāśā॑sīta / sa॒vvam॒̐tsa॒ravvām̐ e॒ṣa īphsa॒tītyā॑huḥ / yaścā॑turmā॒syairyaja॑ta॒ iti॑ / e॒ṣa ha॒ tvai sa॑vvam̐tsa॒ramāpnoti / ya e॒vavvim॒̐dvāścā॑turmā॒syairyaja॑te / viśve॑ de॒vāssama॑yajanta / te'gnime॒vāya॑janta / ta e॒tallom॒̐kama॑jayann

1.4.10.4
yasmi॑nna॒gniḥ / yadvaiśvade॒vena॒ yaja॑te / e॒tame॒va lo॒kañja॑yati / yasmi॑nna॒gniḥ / a॒gnere॒va sāyu॑jya॒mupai॑ti / ya॒dā vaiśvade॒vena॒ yaja॑te / atha॑ savvam̐tsa॒rasya॑ gṛ॒hapa॑timāpnoti / ya॒dā sam̐॑vvatsa॒rasya॑ gṛ॒hapa॑timā॒pnoti॑ / atha॑ sahasrayā॒jina॑māpnoti / ya॒dā sa॑hasrayā॒jina॑mā॒pnoti॑

1.4.10.5
atha॑ gṛhame॒dhina॑māpnoti / ya॒dā gṛ॑hame॒dhina॑mā॒pnoti॑ / athā॒gnirbha॑vati / ya॒dāgnirbhava॑ti / atha॒ gaurbha॑vati / e॒ṣā vai vaiśvade॒vasya॒ mātrā / e॒tadvā e॒teṣā॑mava॒mam / ato॑to॒ vā utta॑rāṇi॒ śreyā॑si bhavanti / yadviśve॑ de॒vāssa॒maya॑janta / tadvaiśvade॒vasya॑ vaiśvadeva॒tvam

1.4.10.6
athā॑di॒tyo varu॑ṇa॒॒ rā॑jānavvam̐ruṇapraghā॒saira॑yajata / sa e॒tallom॒̐kama॑jayat / yasmi॑nnādi॒tyaḥ / yadva॑ruṇapraghā॒sairyaja॑te / e॒tame॒va lo॒kañja॑yati / yasmi॑nnādi॒tyaḥ / ā॒di॒tyasyai॒va sāyu॑jya॒mupai॑ti / yadā॑di॒tyo varu॑ṇa॒॒ rājā॑navvam̐ruṇa- praghā॒sairaya॑jata / tadva॑ruṇapraghā॒sānāvvam̐ruṇapraghāsa॒tvam / atha॒ somo॒ rājā॒ chandā॑si sākame॒dhaira॑yajata

1.4.10.7
sa e॒tallom॒̐kama॑jayat / yasmi॑śca॒ndramā॑ vi॒bhāti॑ / yatsā॑kame॒dhairyaja॑te / e॒tame॒va lo॒kañja॑yati / yasmi॑śca॒ndramā॑ vi॒bhāti॑ / ca॒ndrama॑sa e॒va sāyu॑jya॒mupai॑ti / somo॒ vai ca॒ndramāḥ / e॒ṣa ha॒ tvai sā॒kṣātsomaṃ॑ bhakṣayati / ya e॒vavvim॒̐dvāntsā॑kame॒dhairyaja॑te / yatsoma॑śca॒ rājā॒ chandā॑si ca sa॒maidha॑nta

1.4.10.8
tatsā॑kame॒dhānā॑ sākamedha॒tvam / atha॒rtava॑ pi॒tara॑ pra॒jāpa॑tiṃ pi॒taraṃ॑ pitṛya॒jñenā॑yajanta / ta e॒tallom॒̐kama॑jayann / yasmi॑nnṛ॒tavaḥ॑ / yatpi॑tṛya॒jñena॒ yaja॑te / e॒tame॒va lo॒kañja॑yati / yasmi॑nnṛ॒tavaḥ॑ / ṛ॒tū॒nāme॒va sāyu॑jya॒mupai॑ti / yadṛ॒tava॑ pi॒tara॑ pra॒jāpa॑tiṃ pi॒taraṃ॑ pitṛya॒jñenāya॑janta / tatpi॑tṛya॒jñasya॑ pitṛyajña॒tvam

1.4.10.9
athauṣa॑dhaya i॒mande॒vantrya॑mbakairayajanta॒ prathe॑ma॒hīti॑ / tato॒ vai tā a॑prathanta / ya e॒vavvim॒̐dvā strya॑mbakai॒ryaja॑te / pratha॑te pra॒jayā॑ pa॒śubhiḥ॑ / atha॑ vā॒yu pa॑rame॒ṣṭhina॑ śunāsī॒rīye॑ṇāyajata / sa e॒tallom॒̐kama॑jayat / yasmi॑nvā॒yuḥ / yacchu॑nāsī॒rīye॑ṇa॒ yaja॑te / e॒tame॒va lo॒kañja॑yati / yasmi॑nvā॒yuḥ

1.4.10.10
vā॒yore॒va sāyu॑jya॒mupai॑ti / bra॒hma॒vā॒dino॑ vadanti / pra cā॑turmāsyayā॒jī mī॑ya॒tā (३) na pramī॑ya॒tā (३) iti॑ / jīva॒nvā e॒ṣa ṛ॒tūnapye॑ti / yadi॑ va॒santā pra॒mīya॑te / va॒sa॒nto bha॑vati / yadi॑ grī॒ṣme grī॒ṣmaḥ / yadi॑ va॒r॒ṣāsu॑ va॒r॒ṣāḥ / yadi॑ śa॒radi॑ śa॒rat / yadi॒ hema॑n hema॒ntaḥ / ṛ॒turbhū॒tvā sa॑vvam̐tsa॒ramapye॑ti / sa॒vvam॒̐tsa॒ra pra॒jāpa॑tiḥ / pra॒jāpa॑ti॒rvāvaiṣaḥ

1.5.0.0
a॒gne kṛtti॑kā॒ yatpuṇya॑nde॒vasya॑ savi॒turbra॑hmavā॒dina॒ katyṛ॒tame॒va de॒vā vā āyu॑ṣaprā॒ṇamindro॑ dadhī॒co de॑vāsu॒rāssa pra॒jāpa॑ti॒ssa sa॑mu॒dro ye vai ca॒tvāra॒stasyāvā॑co॒ dvāda॑śa

a॒gne kṛtti॑kā devagṛ॒hā ṛ॒tame॒vardhyāme॒va ti॒sraḥ parā॑cī॒rye vai ca॒tvāro॒ nava॑pañcā॒śat

a॒gne kṛtti॑kā॒ ya u॑ cainame॒vavvem̐da॑ // hariḥ॑ om //
1.5.0.0
taittirīyabrāhmaṇe prathamāṣṭake paṃcamaprapāṭhaka prāraṃbhaḥ / hariḥ om /
1.5.1.0
ā॒rdrama॒vastā॒dvaha॑mānā a॒vastā॑da॒bhyārū॑ḍhama॒vastā॒tpanthā॑ a॒vastādva॒tsā a॒vastā॒tpañca॑ ca

1.5.1.1
a॒gne kṛtti॑kāḥ / śu॒kraṃ pa॒rastā॒jjyoti॑ra॒vastāt / pra॒jāpa॑te rohi॒ṇī / āpa॑ pa॒rastā॒doṣa॑dhayo॒'vastāt / soma॑syenva॒kā vita॑tāni / pa॒rastā॒dvaya॑nto॒'vastāt / ru॒drasya॑ bā॒hū / mṛ॒ga॒yava॑ pa॒rastādvikṣā॒ro॑'vastāt / ādi॑tyai॒ puna॑rvasū / vātaḥ॑ pa॒rastā॑dā॒rdrama॒vastāt

1.5.1.2
bṛha॒spatesti॒ṣyaḥ॑ / juhva॑ta pa॒rastā॒dyaja॑mānā a॒vastāt / sa॒rpāṇā॑māśre॒ṣāḥ / a॒bhyā॒gaccha॑nta pa॒rastā॑dabhyā॒nṛtya॑nto॒'vastāt / pi॒tṛ॒ṇāṃ ma॒ghāḥ / ru॒danta॑ pa॒rastā॑dapabhra॒॒śo॑'vastāt / a॒rya॒mṇa pūrve॒ phalgu॑nī / jā॒yā pa॒rastā॑dṛṣa॒bho॑'vastāt / bhaga॒syotta॑re / va॒ha॒tava॑pa॒rastā॒dvaha॑mānā a॒vastāt

1.5.1.3
de॒vasya॑ savi॒tur hastaḥ॑ / pra॒sa॒va pa॒rastātsa॒nira॒vastāt / indra॑sya ci॒trā / ṛ॒taṃ pa॒rastātsa॒tyama॒vastāt / vā॒yorniṣṭyā vra॒tatiḥ॑ / pa॒rastā॒dasi॑ddhira॒vastāt / i॒ndrā॒gni॒yorviśā॑khe / yu॒gāni॑ pa॒rastātkṛ॒ṣamā॑ṇā a॒vastāt / mi॒trasyā॑nūrā॒dhāḥ / a॒bhyā॒roha॑tpa॒rastā॑da॒bhyārū॑ḍhama॒vastāt

1.5.1.4
indra॑sya rohi॒ṇī / śṛ॒ṇatpa॒rastātpratiśṛ॒ṇada॒vastāt / niऱṛ॑tyai mūla॒vaऱha॑ṇī / pra॒ti॒bha॒ñjanta॑ pa॒rastātpratiśṛ॒ṇanto॒'vastāt / a॒pāṃ pūrvā॑ aṣā॒ḍhāḥ / varca॑ pa॒rastā॒tsami॑tira॒vastāt / viśve॑ṣānde॒vānā॒mutta॑rāḥ / a॒bhi॒jaya॑tpa॒rastā॑da॒bhiji॑tama॒vastāt / viṣṇośśro॒ṇā pṛ॒cchamā॑nāḥ / pa॒rastā॒tpanthā॑ a॒vastāt

1.5.1.5
vasū॑nā॒॒ śravi॑ṣṭhāḥ / bhū॒taṃ pa॒rastā॒dbhūti॑ra॒vastāt / indra॑sya śa॒tabhi॑ṣak / vi॒śvavya॑cāpa॒rastādvi॒śvakṣi॑tira॒vastāt / a॒jasyaika॑pada॒pūrve proṣṭhapa॒dāḥ / vai॒śvā॒na॒raṃ pa॒rastādvaiśvāvasa॒vama॒vastāt / aherbu॒dhniya॒syotta॑re / a॒bhi॒ṣi॒ñcanta॑ pa॒rastā॑dabhiṣu॒ṇvanto॒'vastāt / pū॒ṣṇo re॒vatī / gāva॑pa॒rastādva॒tsā a॒vastāt / a॒śvino॑raśva॒yujau / grāma॑ pa॒rastā॒tsenā॒'vastāt / ya॒masyā॑pa॒bhara॑ṇīḥ / a॒pa॒kaऱṣa॑nta pa॒rastā॑dapa॒vaha॑nto॒'vastāt / pū॒rṇā pa॒ścādyatte॑ de॒vā ada॑dhuḥ

1.5.2.0
ca॒kā॒rai॒vavvem̐do॒bhayo॑renallom॒̐kayorvidurajayanre॒vatī॒mupā॑tiṣṭhanta nakṣatra॒tvama॒nyāni॒ yāni॑ yamanakṣa॒trāṇyaślo॑ṇadyamanakṣa॒trāṇi॒ trīṇi॑ ca

1.5.2.1
yatpuṇya॒nnakṣa॑tram / tadbaṭku॑rvītopavyu॒ṣam / ya॒dā vai sūrya॑ u॒deti॑ / atha॒ nakṣa॑tra॒nnaiti॑ / yāva॑ti॒ tatra॒ sūryo॒ gacchet / yatra॑ jagha॒nyaṃ॑ paśyet / tāva॑ti kurvīta yatkā॒rī syāt / pu॒ṇyā॒ha e॒va ku॑rute / e॒va ha॒ vai ya॒jñeṣu॑ñca śa॒tadyu॑mnañca mā॒tsyo ni॑ravasāya॒yāñca॑kāra

1.5.2.2
yo vai na॑kṣa॒triyaṃ॑ pra॒jāpa॑ti॒vvem̐da॑ / u॒bhayo॑renallom॒̐kayorviduḥ / hasta॑ e॒vāsya॒ hastaḥ॑ / ci॒trā śiraḥ॑ / niṣṭyā॒ hṛda॑yam / ū॒rū viśā॑khe / pra॒ti॒ṣṭhā'nū॑rā॒dhāḥ / e॒ṣa vai na॑kṣa॒triya॑ pra॒jāpa॑tiḥ / ya e॒vavvem̐da॑ / u॒bhayo॑renallom॒̐kayorviduḥ

1.5.2.3
a॒smiścā॒muṣmi॑śca / yāṅkā॒maye॑ta duhi॒taraṃ॑ pri॒yā syā॒diti॑ / tānniṣṭyā॑yāndadyāt / pri॒yaiva bha॑vati / neva॒ tu puna॒rā ga॑cchati / a॒bhi॒jinnāma॒ nakṣa॑tram / u॒pari॑ṣṭādaṣā॒ḍhānām / a॒vastācchro॒ṇāyai / de॒vā॒su॒rāssayyam̐॑ttā āsann / te de॒vāstasmi॒nnakṣa॑tre॒'bhya॑jayann

1.5.2.4
yada॒bhyaja॑yann / tada॑bhi॒jito॑'bhiji॒ttvam / yaṅkā॒maye॑tānapaja॒yyañja॑ye॒diti॑ / tame॒tasmi॒nnakṣa॑tre yātayet / a॒na॒pa॒ja॒yyame॒va ja॑yati / pā॒papa॑rājitamiva॒ tu / pra॒jāpa॑ti pa॒śūna॑sṛjata / te nakṣa॑ttrannakṣattra॒mupā॑tiṣṭhanta / te sa॒māva॑nta e॒vābha॑vann / te re॒vatī॒mupā॑tiṣṭhanta

1.5.2.5
te re॒vatyāṃ॒ prābha॑vann / tasmādre॒vatyāṃ paśū॒nāṅku॑rvīta / yatkiñcārvā॒cīna॒॒ somāt / praiva bha॑vanti / sa॒li॒lavvām̐ i॒dama॑nta॒rāsīt / yadata॑rann / tattāra॑kāṇāntāraka॒tvam / yo vā i॒ha yaja॑te / a॒mu sa lo॒kanna॑kṣate / tannakṣa॑trāṇānnakṣatra॒tvam

1.5.2.6
de॒va॒gṛ॒hā vai nakṣa॑trāṇi / ya e॒vavvem̐da॑ / gṛ॒hye॑va bha॑vati / yāni॒ vā i॒māni॑ pṛthi॒vyāści॒trāṇi॑ / tāni॒ nakṣa॑trāṇi / tasmā॑daślī॒lanā॑ma ści॒tre / nāva॑sye॒nna ya॑jeta / yathā॑ pāpā॒he ku॑ru॒te / tā॒dṛge॒va tat / de॒va॒na॒kṣa॒trāṇi॒ vā a॒nyāni॑

1.5.2.7
ya॒ma॒na॒kṣa॒trāṇya॒nyāni॑ / kṛtti॑kā pratha॒mam / viśā॑khe utta॒mam / tāni॑ devanakṣa॒trāṇi॑ / a॒nū॒rā॒dhā pra॑tha॒mam / a॒pa॒bhara॑ṇīrutta॒mam / tāni॑ yamanakṣa॒trāṇi॑ / yāni॑ devanakṣa॒trāṇi॑ / tāni॒ dakṣi॑ṇena॒ pari॑yanti / yāni॑ yamanakṣa॒trāṇi॑

1.5.2.8
tānyutta॑reṇa / anve॑ṣāmarā॒tsmeti॑ / tada॑nūrā॒dhāḥ / jye॒ṣṭhame॑ṣāmavadhi॒ṣmeti॑ / tajjyeṣṭha॒ghnī / mūla॑meṣāvṛkṣā॒meti॑ / tanmū॑la॒vaऱha॑ṇī / yannāsa॑hanta / tada॑ṣā॒ḍhāḥ / yadaślo॑ṇat

1.5.2.9
tacchro॒ṇā / yadaśṛ॑ṇot / tacchravi॑ṣṭhāḥ / yaccha॒tamabhi॑ṣajyann / taccha॒tabhi॑ṣak / pro॒ṣṭha॒pa॒deṣūda॑yacchanta / re॒vatyā॑maravanta / a॒śva॒yujo॑rayuñjata / a॒pa॒bhara॑ṇī॒ṣvapā॑vahann / tāni॒ vā e॒tāni॑ yamanakṣa॒trāṇi॑ / yānye॒va de॑vanakṣa॒trāṇi॑ / teṣu॑ kurvīta yatkā॒rī syāt / pu॒ṇyā॒ha e॒va ku॑rute

1.5.3.0
sa॒ṅga॒vāthṣo॑ḍa॒śina॒nnira॑mimata॒ tattadātta॑vīryannirmā॒rgo va॑dedbhavati samā॒nasyāhna॒ pañca॒ puṇyā॑ni॒ nakṣa॑trāṇya॒ṣṭau ca॑

1.5.3.1
de॒vasya॑ savi॒tu prā॒ta pra॑sa॒va prā॒ṇaḥ / varu॑ṇasya sā॒yamā॑sa॒vo॑'pā॒naḥ / yatpra॑tī॒cīnaṃ॑ prāta॒stanāt / prā॒cīna॑ saṅga॒vāt / tato॑ de॒vā a॑gniṣṭo॒mannira॑mimata / tattadātta॑vīryannirmā॒rgaḥ / mi॒trasya॑ saṅga॒vaḥ / tatpuṇya॑nteja॒svyahaḥ॑ / tasmā॒ttaऱhi॑ pa॒śava॑ssa॒māya॑nti / yatpra॑tī॒cīna॑ saṅga॒vāt

1.5.3.2
prā॒cīnaṃ॑ ma॒dhyandi॑nāt / tato॑ de॒vā u॒kthya॑nnira॑mimata / tattadātta॑vīryannirmā॒rgaḥ / bṛha॒spaterma॒dhyandi॑naḥ / tatpuṇya॑nteja॒svyahaḥ॑ / tasmā॒ttaऱhi॒ tekṣṇi॑ṣṭhantapati / yatpra॑tī॒cīnaṃ॑ ma॒dhyandi॑nāt / prā॒cīna॑maparā॒hṇāt / tato॑ de॒vāṣṣo॑ḍa॒śina॒nnira॑mimata / tattadātta॑vīryannirmā॒rgaḥ

1.5.3.3
bhaga॑syāparā॒hṇaḥ / tatpuṇya॑nteja॒svyahaḥ॑ / tasmā॑daparā॒hṇe ku॑mā॒ryo॑ bhaga॑mi॒cchamā॑nāścaranti / yatpra॑tī॒cīna॑maparā॒hṇāt / prā॒cīna॑ sā॒yāt / tato॑ de॒vā a॑tirā॒trannira॑mimata / tattadātta॑vīryannirmā॒rgaḥ / varu॑ṇasya sā॒yam / tatpuṇya॑nteja॒svyahaḥ॑ / tasmā॒ttaऱhi॒ nānṛ॑tavvam̐det

1.5.3.4
brā॒hma॒ṇo vā a॑ṣṭāvi॒॒śo nakṣa॑trāṇām / sa॒mā॒nasyāhna॒ pañca॒ puṇyā॑ni॒ nakṣa॑trāṇi / ca॒tvārya॑ślī॒lāni॑ / tāni॒ nava॑ / yacca॑ pa॒rastā॒nnakṣa॑trāṇā॒yyam̐ccā॒vastāt / tānyekā॑daśa / brā॒hma॒ṇo dvā॑da॒śaḥ / ya e॒vavvim॒̐dvāntsa॑vvam̐tsa॒ravvram॒̐tañcara॑ti / sa॒vvam॒̐tsa॒reṇai॒vāsya॑ vra॒taṅgu॒ptaṃ bha॑vati / sa॒mā॒nasyāhna॒ pañca॒ puṇyā॑ni॒ nakṣa॑trāṇi / ca॒tvārya॑ślī॒lāni॑ / tāni॒ nava॑ / ā॒gne॒yī rātriḥ॑ / ai॒ndramahaḥ॑ / tānyekā॑daśa / ā॒di॒tyo dvā॑da॒śaḥ / ya e॒vavvim॒̐dvāntsa॑vvam̐tsa॒ravvram॒̐tañcara॑ti / sa॒vvam॒̐tsa॒reṇai॒vāsya॑ vra॒taṅgu॒ptaṃ bha॑vati

1.5.4.0
u॒pā॒॒śva॒nta॒ryā॒mau nira॑mimītāmimīta॒ ṣaṭca॑

1.5.4.1
bra॒hma॒vā॒dino॑ vadanti / kati॒ pātrā॑ṇi ya॒jñaṃ va॑ha॒ntīti॑ / trayo॑da॒śeti॑ brūyāt / sa yadbrū॒yāt / kastāni॒ nira॑mimī॒teti॑ / pra॒jāpa॑ti॒riti॑ brūyāt / sa yadbrū॒yāt / kuta॒stāni॒ nira॑mimī॒teti॑ / ā॒tmana॒ iti॑ / prā॒ṇā॒pā॒nābhyā॑me॒vopā॑śvantaryā॒mau nira॑mimīta

1.5.4.2
vyā॒nādu॑pāśu॒sava॑nam / vā॒ca aindravāya॒vam / da॒kṣa॒kra॒tubhyāṃ maitrāvaru॒ṇam / śrotrā॑dāśvi॒nam / cakṣu॑ṣaśśu॒krāma॒nthinau / ā॒tmana॑ āgraya॒ṇam / aṅgebhya u॒kthyam / āyu॑ṣo dhru॒vam / pra॒ti॒ṣṭhāyā॑ ṛtupā॒tre / ya॒jñaṃ vāva taṃ pra॒jāpa॑ti॒rnira॑mimīta / sa nirmi॑to॒ nāddhri॑yata॒ sama॑vlīyata / sa e॒tānpra॒jāpa॑tirapivā॒pāna॑paśyat / tānnira॑vapat / tairvai sa ya॒jñamapya॑vapat / yada॑pivā॒pā bhava॑nti / ya॒jñasya॒ dhṛtyā॒ asa॑vvlam̐yāya

1.5.5.0
(pari॑vartaye sa॒hābhiva॑rtaya u॒ṣṇihā॑ rādhyāsa॒nnyava॑rtaya॒nnupa॑vartaye ca॒tvāri॑ ca) / ṛ॒tame॒va ṣoḍa॑śa / yadgha॒rmo yo a॒syāḥ saptada॑śasaptadaśa / ekaṃ॒ māsaṃ॒ catu॑rviśatiḥ

1.5.5.1
ṛ॒tame॒va pa॑rame॒ṣṭhi / ṛ॒tannātye॑ti॒ kiñca॒na / ṛ॒te sa॑mu॒dra āhi॑taḥ / ṛ॒te bhūmi॑ri॒yaśri॒tā / a॒gnisti॒gmena॑ śo॒ciṣā / tapa॒ ākrāntamu॒ṣṇihā / śira॒stapa॒syāhi॑tam / vai॒śvā॒na॒rasya॒ teja॑sā / ṛ॒tenāsya॒ ni va॑rtaye / sa॒tyena॒ pari॑ vartaye / tapa॑sā॒'syānu॑ vartaye / śi॒venā॒syopa॑ vartaye / śa॒gmenāsyā॒bhi va॑rtaye / tadṛ॒tantatsa॒tyam / tadvra॒tantaccha॑keyam / tena॑ śakeya॒ntena॑ rādhyāsam

1.5.5.2
yadgha॒rma pa॒ryava॑rtayat / antānpṛthi॒vyā di॒vaḥ / a॒gnirīśā॑na॒ oja॑sā / varu॑ṇo dhī॒tibhi॑ssa॒ha / indro॑ ma॒rudbhi॒ssakhi॑bhissa॒ha / a॒gnisti॒gmena॑ śo॒ciṣā / tapa॒ ākrāntamu॒ṣṇihā / śira॒stapa॒syāhi॑tam / vai॒śvā॒na॒rasya॒ teja॑sā / ṛ॒tenāsya॒ ni va॑rtaye / sa॒tyena॒ pari॑ vartaye / tapa॑sā॒'syānu॑ vartaye / śi॒venā॒syopa॑ vartaye / śa॒gmenāsyā॒bhi va॑rtaye / tadṛ॒tantatsa॒tyam / tadvra॒tantaccha॑keyam / tena॑ śakeya॒ntena॑ rādhyāsam

1.5.5.3
yo a॒syā pṛ॑thi॒vyāstva॒ci / ni॒va॒rtaya॒tyoṣa॑dhīḥ / a॒gnirīśā॑na॒ oja॑sā / varu॑ṇo dhī॒tibhi॑ssa॒ha / indro॑ ma॒rudbhi॒ssakhi॑bhissa॒ha / a॒gnisti॒gmena॑ śo॒ciṣā / tapa॒ ākrāntamu॒ṣṇihā / śira॒stapa॒syāhi॑tam / vai॒śvā॒na॒rasya॒ teja॑sā / ṛ॒tenāsya॒ ni va॑rtaye / sa॒tyena॒ pari॑ vartaye / tapa॑sā॒'syānu॑ vartaye / śi॒venā॒syopa॑ vartaye / śa॒gmenāsyā॒bhi va॑rtaye / tadṛ॒tantatsa॒tyam / tadvra॒tantaccha॑keyam / tena॑ śakeya॒ntena॑ rādhyāsam

1.5.5.4
ekaṃ॒ māsa॒muda॑sṛjat / pa॒ra॒me॒ṣṭhī pra॒jābhyaḥ॑ / tenābhyo॒ maha॒ āva॑hat / a॒mṛtaṃ॒ martyābhyaḥ / pra॒jāmanu॒ pra jā॑yase / tadu॑ te martyā॒mṛtam / yena॒ māsā॑ ardhamā॒sāḥ / ṛ॒tava॑ parivatsa॒rāḥ / yena॒ te te prajāpate / ī॒jā॒nasya॒ nyava॑rtayann / tenā॒hama॒sya brahma॑ṇā / niva॑rtayāmi jī॒vase / a॒gnisti॒gmena॑ śo॒ciṣā / tapa॒ ākrāntamu॒ṣṇihā / śira॒stapa॒syāhi॑tam / vai॒śvā॒na॒rasya॒ teja॑sā / ṛ॒tenāsya॒ ni va॑rtaye / sa॒tyena॒ pari॑ vartaye / tapa॑sā॒'syānu॑ vartaye / śi॒venā॒syopa॑ vartaye / śa॒gmenāsyā॒bhi va॑rtaye / tadṛ॒tantatsa॒tyam / tadvra॒tantaccha॑keyam / tena॑ śakeya॒ntena॑ rādhyāsam

1.5.6.0
e॒tye॒tya॒yu॒ñja॒tāsu॑rā eti lo॒kā ma॑nyate

1.5.6.1
de॒vā vai yadya॒jñe'ku॑rvata / tadasu॑rā akurvata / te'su॑rā ū॒rdhvaṃ pṛ॒ṣṭhebhyo॒ nāpa॑śyann / te keśā॒nagre॑'vapanta / atha॒ śmaśrū॑ṇi / atho॑papa॒kṣau / tata॒ste'vāñca āyann / parā॑'bhavann / yasyai॒vavvam̐pa॑nti / avā॑ṅeti

1.5.6.2
atho॒ parai॒va bha॑vati / atha॑ de॒vā ū॒rdhvaṃ pṛ॒ṣṭhebhyo॑'paśyann / ta u॑papa॒kṣāvagre॑'vapanta / atha॒ śmaśrū॑ṇi / atha॒ keśān॑ / tata॒ste॑'bhavann / su॒va॒rgallom॒̐kamā॑yann / yasyai॒vavvam̐pa॑nti / bhava॑tyā॒tmanā / atho॑ suva॒rgallom॒̐kame॑ti

1.5.6.3
athai॒tanmanu॑rva॒ptre mi॑thu॒nama॑paśyat / sa śmaśrū॒ṇyagre॑'vapata / atho॑papa॒kṣau / atha॒ keśān॑ / tato॒ vai sa prājā॑yata pra॒jayā॑ pa॒śubhiḥ॑ / yasyai॒vavvam̐pa॑nti / pra pra॒jayā॑ pa॒śubhi॑rmithu॒nairjā॑yate / de॒vā॒su॒rāssayyam̐॑ttā āsann / te sa॑vvam̐tsa॒re vyāya॑cchanta / tānde॒vāścā॑turmā॒syaire॒vābhi prāyu॑ñjata

1.5.6.4
vai॒śva॒de॒vena॑ ca॒turo॑ mā॒so॑'vṛñja॒tendra॑rājānaḥ / tāñchī॒r॒ṣanni cāva॑rtayanta॒ pari॑ ca / va॒ru॒ṇa॒pra॒ghā॒saiśca॒turo॑ mā॒so॑'vṛñjata॒ varu॑ṇarājānaḥ / tāñchī॒r॒ṣanni cāva॑rtayanta॒ pari॑ ca / sā॒ka॒me॒dhaiśca॒turo॑ mā॒so॑'vṛñjata॒ soma॑rājānaḥ / tāñchī॒r॒ṣanni cāva॑rtayanta॒ pari॑ ca / yā sa॑vvam̐tsa॒ra u॑pajī॒vā''sīt / tāme॑ṣāmavṛñjata / tato॑ de॒vā abha॑vann / parā'su॑rāḥ

1.5.6.5
ya e॒vavvim॒̐dvāścā॑turmā॒syairyaja॑te / bhrātṛ॑vyasyai॒va mā॒so vṛ॒ktvā / śī॒r॒ṣanni ca॑ va॒rtaya॑te॒ pari॑ ca / yaiṣā sa॑vvam̐tsa॒ra u॑pajī॒vā / vṛ॒ṅkte tāṃ bhrātṛ॑vyasya / kṣu॒dhā'sya॒ bhrātṛ॑vya॒ parā॑ bhavati / lo॒hi॒tā॒ya॒sena॒ ni va॑rtayate / yadvā i॒māma॒gnirṛ॒tāvāga॑te niva॒rtaya॑ti / e॒tade॒vainā॑ rū॒paṅkṛ॒tvā niva॑rtayati / sā tata॒śśvaśvo॒ bhūya॑sī॒ bhava॑ntyeti

1.5.6.6
pra jā॑yate / ya e॒vavvim॒̐dvāllom̐॑hitāya॒sena॑ niva॒rtaya॑te / e॒tade॒va rū॒paṅkṛ॒tvā ni va॑rtayate / sa tata॒śśvaśvo॒ bhūyā॒nbhava॑nneti / praiva jā॑yate / tre॒ṇyā śa॑la॒lyā ni va॑rtayeta / trīṇi॑trīṇi॒ vai de॒vānā॑mṛ॒ddhāni॑ / trīṇi॒ chandā॑si / trīṇi॒ sava॑nāni / traya॑ i॒me lo॒kāḥ

1.5.6.7
ṛ॒dhyāme॒va tadvī॒rya॑ e॒ṣu lo॒keṣu॒ prati॑ tiṣṭhati / yaccā॑turmāsyayā॒jyātmano॒ nāva॒dyet / de॒vebhya॒ āvṛ॑ścyeta / ca॒tṛ॒ṣuca॑tṛṣu॒ māse॑ṣu॒ ni va॑rtayeta / pa॒rokṣa॑me॒va tadde॒vebhya॑ ā॒tmano'va॑dya॒tyanāvraskāya / de॒vānā॒vvām̐ e॒ṣa ānī॑taḥ / yaścā॑turmāsyayā॒jī / ya e॒vavvim॒̐dvānni ca॑ va॒rtaya॑te॒ pari॑ ca / de॒vatā॑ e॒vāpye॑ti / nāsya॑ ru॒dra pra॒jāṃ pa॒śūna॒bhi ma॑nyate

1.5.7.0
a॒ntari॑kṣa॒॒ santa॑nu॒ dve ca॑

1.5.7.1
āyu॑ṣa prā॒ṇa santa॑nu / prā॒ṇāda॑pā॒na santa॑nu / a॒pā॒nādvyā॒na santa॑nu / vyā॒nāccakṣu॒ssanta॑nu / cakṣu॑ṣa॒śśrotra॒॒ santa॑nu / śrotrā॒nmana॒ssanta॑nu / mana॑so॒ vāca॒॒ santa॑nu / vā॒ca ā॒tmāna॒॒ santa॑nu / ā॒tmana॑pṛthi॒vī santa॑nu / pṛ॒thi॒vyā a॒ntari॑kṣa॒॒ santa॑nu / a॒ntari॑kṣā॒ddiva॒ ॒santa॑nu / diva॒ssuva॒ssanta॑nu

1.5.8.0
bṛ॒haccāstṛ॑taḥ

1.5.8.1
indro॑ dadhī॒co a॒sthabhiḥ॑ / vṛ॒trāṇyapra॑tiṣkutaḥ / ja॒ghāna॑ nava॒tīrnava॑ / i॒cchannaśva॑sya॒ yacchiraḥ॑ / parva॑te॒ṣvapa॑śritam / tadvi॑daccharya॒ṇāva॑ti / atrāha॒ gorama॑nvata / nāma॒ tvaṣṭu॑rapī॒cyam / i॒tthā ca॒ndrama॑so gṛ॒he / indra॒midgā॒thino॑ bṛ॒hat

1.5.8.2
indra॑ma॒rkebhi॑ra॒rkiṇaḥ॑ / indra॒vvām̐ṇī॑ranūṣata / indra॒ iddharyo॒ssacā / saṃmi॑śla॒ āva॑co॒ yujā / indro॑ va॒jrī hi॑ra॒ṇyayaḥ॑ / indro॑ dī॒rghāya॒ cakṣa॑se / ā sūrya॑ rohayaddi॒vi / vi gobhi॒radri॑mairayat / indra॒ vāje॑ṣu no ava / sa॒hasra॑pradhaneṣu ca

1.5.8.3
u॒gra u॒grābhi॑rū॒tibhiḥ॑ / tamindra॑vvām̐jayāmasi / ma॒he vṛ॒trāya॒ hanta॑ve / sa vṛṣā॑ vṛṣa॒bho bhu॑vat / indra॒ssa dāma॑ne kṛ॒taḥ / oji॑ṣṭha॒ssa bale॑ hi॒taḥ / dyu॒mnī ślo॒kī sa sau॒myaḥ॑ / gi॒rā vajro॒ na sambhṛ॑taḥ / saba॑lo॒ ana॑pacyutaḥ / va॒va॒kṣuru॒gro astṛ॑taḥ

1.5.9.0
ai॒ccha॒nna॒na॒ya॒॒sti॒ṣṭha॒nte॒'nūcyā॒nūcya॑ sru॒veṇā॑ghā॒ramā॒ghārya॒ rātri॑yā e॒va tadde॒vā ava॑rtiṃ pā॒pmānaṃ॑ mṛ॒tyumapa॑jighnire mi॒trāvaru॑ṇau॒ nava॑ ca

(de॒vā yaja॑māno de॒vā de॒vā yaja॑māno॒ yaja॑māno'labhanta॒ prāca॑rallam̐bheta॒ praca॑re॒dāla॑bha॒ntāla॑bheta mṛ॒tyumapa॑jaghnire॒ bhrātṛ॑vyān // )
1.5.9.1
de॒vā॒su॒rāssayyam̐॑ttā āsann / sa pra॒jāpa॑ti॒rindra॑ñjye॒ṣṭhaṃ pu॒tramapa॒ nya॑dhatta / nede॑na॒masu॑rā॒ balī॑yāso'hana॒nniti॑ / pra॒hrādo॑ ha॒ vai kā॑yādha॒vaḥ / vi॒roca॑na॒॒ svaṃ pu॒tramapa॒ nya॑dhatta / nede॑nande॒vā a॑hana॒nniti॑ / te de॒vā pra॒jāpa॑timupasa॒metyo॑cuḥ / nārā॒jaka॑sya yu॒ddhama॑sti / indra॒manvi॑cchā॒meti॑ / tayyam̐॑jñakra॒tubhi॒ranvaicchann

1.5.9.2
tayyam̐॑jñakra॒tubhi॒rnānva॑vindann / tamiṣṭi॑bhi॒ranvaicchann / tamiṣṭi॑bhi॒ranva॑vindann / tadiṣṭī॑nāmiṣṭi॒tvam / eṣṭa॑yo ha॒ vai nāma॑ / tā iṣṭa॑ya॒ ityāca॑kṣate pa॒rokṣe॑ṇa / pa॒rokṣa॑priyā iva॒ hi de॒vāḥ / tasmā॑ e॒tamāgnāvaiṣṇa॒vamekā॑daśakapāla- ndīkṣa॒ṇīya॒nnira॑vapann / tada॑pa॒drutyā॑tanvata / tānpa॑tnīsayyām॒̐jānta॒ upā॑nayann

1.5.9.3
te tada॑ntame॒va kṛ॒tvoda॑dravann / te prā॑ya॒ṇīya॑ma॒bhi sa॒māro॑hann / tada॑pa॒drutyā॑tanvata / tāñcha॒yyvam̐॑nta॒ upā॑nayann / te tada॑ntame॒va kṛ॒tvoda॑dravann / ta ā॑ti॒thyama॒bhi sa॒māro॑hann / tada॑pa॒drutyā॑tanvata / tāniḍānta॒ upā॑nayann / te tada॑ntame॒va kṛ॒tvoda॑dravann / tasmā॑de॒tā e॒tada॑ntā॒ iṣṭa॑ya॒ssanti॑ṣṭhante

1.5.9.4
e॒va hi de॒vā aku॑rvata / iti॑ de॒vā a॑kurvata / ityu॒ vai ma॑nu॒ṣyāḥ kurvate / te de॒vā ū॑cuḥ / yadvā i॒damu॒ccairya॒jñena॒ carā॑ma / tanno'su॑rāḥ pā॒pmā'nu॑vindanti / u॒pā॒॒śū॑pa॒sadā॑ carāma / tathā॒ no'su॑rā pā॒pmā nānu॑vetsya॒ntīti॑ / ta u॑pā॒॒śū॑pa॒sada॑matanvata / ti॒sra e॒va sā॑midhe॒nīra॒nūcya॑

1.5.9.5
sru॒veṇā॑ghā॒ramā॒ghārya॑ / ti॒sra parā॑cī॒rāhu॑tīr hu॒tvā / sru॒veṇo॑pa॒sada॑ñjuha॒vāñca॑kruḥ / u॒gravvam̐co॒ apā॑vadhīntve॒ṣavvam̐co॒ apā॑vadhī॒॒svāheti॑ / a॒śa॒na॒yā॒pi॒pā॒se ha॒ vā u॒gravvam̐caḥ॑ / ena॑śca॒ vaira॑hatyañca tve॒ṣavvam̐caḥ॑ / e॒ta ha॒ vāva tacca॑turdhāvihi॒taṃ pā॒pmāna॑nde॒vā apa॑jaghnire / tatho॑ e॒vaitade॑va॒vvim̐dyaja॑mānaḥ / ti॒sra e॒va sā॑midhe॒nīra॒nūcya॑ / sru॒veṇā॑ghā॒ramā॒ghārya॑

1.5.9.6
ti॒sra parā॑cī॒rāhu॑tīऱhu॒tvā / sru॒veṇo॑pa॒sada॑ñjuhoti / u॒gravvam̐co॒ apā॑vadhīntve॒ṣavvam̐co॒ apā॑vadhī॒॒ svāheti॑ / a॒śa॒na॒yā॒pi॒pā॒se ha॒ vā u॒gravvam̐caḥ॑ / ena॑śca॒ vaira॑hatyañca tve॒ṣavvam̐caḥ॑ / e॒tame॒va tacca॑turdhāvihi॒taṃ pā॒pmāna॒yyam̐ja॑mā॒no'pa॑ hate / te॑'bhi॒nīyai॒vāha॑ pa॒śumā'la॑bhanta / ahna॑ e॒va tadde॒vā ava॑rtiṃ pā॒pmānaṃ॑ mṛ॒tyumapa॑jaghnire / tenā॑bhi॒nīye॑va॒ rātre॒ prāca॑rann / rātri॑yā e॒va tadde॒vā ava॑rtiṃ pā॒pmānaṃ॑ mṛ॒tyumapa॑jaghnire

1.5.9.7
tasmā॑dabhi॒nīyai॒vāha॑ pa॒śumā la॑bheta / ahna॑ e॒va tadyaja॑mā॒no'va॑rtiṃ pā॒pmānaṃ॒ bhrātṛ॑vyā॒napa॑ nudate / tenā॑bhi॒nīye॑va॒ rātre॒ praca॑ret / rātri॑yā e॒va tadyaja॑mā॒no'va॑rtiṃ pā॒pmānaṃ॒ bhrātṛ॑vyā॒napa॑ nudate / sa e॒ṣa u॑pavasa॒thīye'ha॑ndvideva॒tya॑ pa॒śurā la॑bhyate / dva॒yavvām̐ a॒smillom॒̐ke yaja॑mānaḥ / asthi॑ ca mā॒॒sañca॑ / asthi॑ cai॒va tena॑ mā॒॒sañca॒ yaja॑māna॒ssasku॑rute / tā vā e॒tā pañca॑ de॒vatāḥ / a॒gnīṣomā॑va॒gnirmi॒trāvaru॑ṇau

1.5.9.8
pa॒ñca॒pa॒ñcī vai yaja॑mānaḥ / tvaṅmā॒॒sa snāvā'sthi॑ ma॒jjā / e॒tame॒va tatpa॑ñcadhāvihi॒tamā॒tmāna॑vvam̐ruṇapā॒śānmu॑ñcati / bhe॒ṣa॒jatā॑yai nirvaruṇa॒tvāya॑ / ta sa॒ptabhi॒śchando॑bhi prā॒tara॑hvayann / tasmātsa॒pta ca॑turutta॒rāṇi॒ chandā॑si prātaranuvā॒ke'nūcyante / tame॒tayo॑pasa॒metyopā॑sīdann / upāsmai gāyatā nara॒ iti॑ / tasmā॑de॒tayā॑ bahiṣpavamā॒na u॑pa॒sadyaḥ॑

1.5.10.0
ā॒di॒tya pa॑ñcada॒śasya॒ mātrā stu॒vate॑ pañcada॒śenai॒va tadyaja॑māna॒māda॑date saptada॒śenai॒va ha॑rantyādi॒tyasyai॒vainaṃ॒ tadvi॑śati ca॒tvāri॑ ca

1.5.10.1
sa sa॑mu॒dra u॑ttara॒ta prājva॑ladbhūmya॒ntena॑ / e॒ṣa vāva sa sa॑mu॒draḥ / yaccātvā॑laḥ / e॒ṣa u॑ve॒va sa bhūmya॒ntaḥ / yadvedya॒ntaḥ / tade॒tattri॑śa॒lantri॑pūru॒ṣam / tasmā॒ttantri॑vita॒staṅkha॑nanti / sa su॑varṇaraja॒tābhyāṅku॒śībhyāṃ॒ pari॑gṛhīta āsīt / tayyam̐da॒syā adhya॒jana॑yann / tasmā॑dādi॒tyaḥ

1.5.10.2
atha॒ yatsu॑varṇaraja॒tābhyāṅku॒śībhyāṃ॒ pari॑gṛhīta॒ āsīt / sā'sya॑ kauśi॒katā / tantri॒vṛtā॒'bhi prāstu॑vata / tantri॒vṛtā'da॑data / tantri॒vṛtā'ha॑rann / yāva॑tī tri॒vṛto॒ mātrā / taṃ pa॑ñcada॒śenā॒bhi prāstu॑vata / taṃ pa॑ñcada॒śenāda॑data / taṃ pa॑ñcada॒śenāha॑rann / yāva॑tī pañcada॒śasya॒ mātrā

1.5.10.3
ta sa॑ptada॒śenā॒bhi prāstu॑vata / ta sa॑ptada॒śenāda॑data / ta sa॑ptada॒śenāha॑rann / yāva॑tī saptada॒śasya॒ mātrā / tasya॑ saptada॒śena॑ hri॒yamā॑ṇasya॒ tejo॒ haro॑'patat / tame॑kavi॒॒śenā॒bhi prāstu॑vata / tame॑kavi॒॒śenāda॑data / tame॑kavi॒॒śenāha॑rann / yāva॑tyekavi॒॒śasya॒ mātrā / te yattri॒vṛtā stu॒vate

1.5.10.4
tri॒vṛtai॒va tadyaja॑māna॒māda॑date / tantri॒vṛtai॒va ha॑ranti / yāva॑tī tri॒vṛto॒ mātrā / a॒gnirvai tri॒vṛt / yāva॒dvā a॒gnerdaha॑to dhū॒ma u॒detyānu॒ vyeti॑ / tāva॑tī tri॒vṛto॒ mātrā / a॒gnere॒vaina॒ntat / mātrā॒॒ sāyu॑jya salo॒katāṅgamayanti / atha॒ yatpa॑ñcada॒śena॑ stu॒vate / pa॒ñca॒da॒śenai॒va tadyaja॑māna॒māda॑date

1.5.10.5
taṃ pa॑ñcada॒śenai॒va ha॑ranti / yāva॑tī pañcada॒śasya॒ mātrā / ca॒ndramā॒ vai pa॑ñcada॒śaḥ / e॒ṣa hi pa॑ñcada॒śyāma॑pakṣī॒yate / pa॒ñca॒da॒śyāmā॑pū॒ryate / ca॒ndrama॑sa e॒vaina॒ntat / mātrā॒॒ sāyu॑jya salo॒katāṅgamayanti / atha॒ yatsa॑ptada॒śena॑ stu॒vate / sa॒pta॒da॒śenai॒va tadyaja॑māna॒māda॑date / ta sa॑ptada॒śenai॒va ha॑ranti

1.5.10.6
yāva॑tī saptada॒śasya॒ mātrā / pra॒jāpa॑ti॒rvai sa॑ptada॒śaḥ / pra॒jāpa॑tere॒vaina॒ntat / mātrā॒॒ sāyu॑jya salo॒katāṅgamayanti / atha॒ yade॑kavi॒॒śena॑ stu॒vate / e॒ka॒vi॒॒śenai॒va tadyaja॑māna॒māda॑date / tame॑kavi॒॒śenai॒va ha॑ranti / yāva॑tyekavi॒॒śasya॒ mātrā / a॒sau vā ā॑di॒tya e॑kavi॒॒śaḥ / ā॒di॒tyasyai॒vaina॒ntat

1.5.10.7
mātrā॒॒ sāyu॑jya salo॒katāṅgamayanti / te ku॒śyau / vya॑ghnann / te a॑horā॒tre a॑bhavatām / aha॑re॒va su॒varṇā॑'bhavat / ra॒ja॒tā rātriḥ॑ / sa yadā॑di॒tya u॒deti॑ / e॒tāme॒va tatsu॒varṇāṅku॒śīmanu॒ same॑ti / atha॒ yada॑sta॒meti॑ / e॒tāme॒va tadra॑ja॒tāṅku॒śīmanu॒savvim̐॑śati / pra॒hrādo॑ ha॒ vai kā॑yādha॒vaḥ / vi॒roca॑na॒॒ svaṃ pu॒tramudāsyat / sa pra॑da॒ro॑'bhavat / tasmātprada॒rādu॑da॒kannācā॑met

1.5.11.0
e॒ka॒vi॒॒śa ā॑hustṛtīyasava॒ne prā॑tassava॒naṃ pañca॑ ca

1.5.11.1
ye vai ca॒tvāra॒sstomāḥ / kṛ॒tantat / atha॒ ye pañca॑ / kali॒ssaḥ / tasmā॒ccatu॑ṣṭomaḥ / taccatu॑ṣṭomasya catuṣṭoma॒tvam / tadā॑huḥ / ka॒ta॒māni॒ tāni॒ jyotī॑ṣi / ya e॒tasya॒ stomā॒ iti॑ / tri॒vṛtpa॑ñcada॒śassa॑ptada॒śa e॑kavi॒॒śaḥ

1.5.11.2
e॒tāni॒ vāva tāni॒ jyotī॑ṣi / ya e॒tasya॒ stomāḥ / so'bravīt / sa॒pta॒da॒śena॑ hri॒yamā॑ṇo॒ vya॑leśiṣi / bhi॒ṣajya॑ta॒ meti॑ / tama॒śvinau॑ dhā॒nābhi॑rabhiṣajyatām / pū॒ṣā ka॑ra॒mbheṇa॑ / bhāra॑tī parivā॒peṇa॑ / mi॒trāvaru॑ṇau paya॒sya॑yā / tadā॑huḥ

1.5.11.3
yada॒śvibhyāndhā॒nāḥ / pū॒ṣṇa ka॑ra॒mbhaḥ / bhāra॑tyai parivā॒paḥ / mi॒trāvaru॑ṇayo paya॒syā'tha॑ / kasmā॑de॒teṣā॑ ha॒viṣā॒mindra॑me॒va ya॑ja॒ntīti॑ / e॒tā hye॑nande॒vatā॒ iti॑ brūyāt / e॒taiऱha॒virbhi॒rabhi॑ṣajya॒॒ stasmā॒diti॑ / tavvam̐sa॑vo॒'ṣṭāka॑pālena prātassava॒ne॑'bhiṣajyann / ru॒drā ekā॑daśakapālena॒ mādhya॑ndine॒ sava॑ne / viśve॑ de॒vā dvāda॑śakapālena tṛtīyasava॒ne

1.5.11.4
sa yada॒ṣṭāka॑pālānprātassava॒ne ku॒ryāt / ekā॑daśakapālā॒nmādhya॑ndine॒ sava॑ne / dvāda॑śakapālāstṛtīyasava॒ne / vilo॑ma॒ tadya॒jñasya॑ kriyeta / ekā॑daśakapālāne॒va prā॑tassava॒ne ku॑ryāt / ekā॑daśakapālā॒nmādhya॑ndine॒ sava॑ne / ekā॑daśakapālāstṛtīyasava॒ne / ya॒jñasya॑ saloma॒tvāya॑ / tadā॑huḥ / yadvasū॑nāṃ prātassava॒nam / ru॒drāṇāṃ॒ mādhya॑ndina॒॒ sava॑nam / viśve॑ṣānde॒vānāntṛtīyasava॒nam / atha॒ kasmā॑de॒teṣā॑ ha॒viṣā॒mindra॑me॒va ya॑ja॒ntīti॑ / e॒tā hye॑nande॒vatā॒ iti॑ brūyāt / e॒taiऱha॒virbhi॒rabhi॑ṣajya॒॒ stasmā॒diti॑

1.5.12.0
a॒bha॒va॒nvāva sā de॒vākṣa॑rā bṛha॒tya॑dadhā॒ddvāda॑śā॒kṣarāṇyapa॒cchidyā॑dadhādā॒sthāya॒ ṣaṭca॑

1.5.12.1
tasyāvā॑co'vapā॒dāda॑bibhayuḥ / tame॒teṣu॑ sa॒ptasu॒ chanda॑ssvaśrayann / yadaśra॑yann / tacchrā॑ya॒ntīya॑sya śrāyantīya॒tvam / yadavā॑rayann / tadvā॑rava॒ntīya॑sya vāravantīya॒tvam / tasyāvā॑ca e॒vāva॑pā॒dāda॑bibhayuḥ / tasmā॑ e॒tāni॑ sa॒pta ca॑turutta॒rāṇi॒ chandā॒॒syupā॑dadhuḥ / teṣā॒mati॒ trīṇya॑ricyanta / na trīṇyuda॑bhavann

1.5.12.2
sa bṛ॑ha॒tīme॒vāspṛ॑śat / dvābhyā॑ma॒kṣarābhyām / a॒ho॒rā॒trābhyā॑me॒va / tadā॑huḥ / ka॒ta॒mā sā de॒vākṣa॑rā bṛha॒tī / yasyā॒ntatpra॒tyati॑ṣṭhat / dvāda॑śa paurṇamā॒syaḥ॑ / dvāda॒śāṣṭa॑kāḥ / dvāda॑śāmāvā॒syāḥ / e॒ṣā vāva sā de॒vākṣa॑rā bṛha॒tī

1.5.12.3
yasyā॒ntatpra॒tyati॑ṣṭha॒diti॑ / yāni॑ ca॒ chandā॑sya॒tyari॑cyanta / yāni॑ ca॒ nodabha॑vann / tāni॒ nirvīryāṇi hī॒nānya॑manyanta / sā'bra॑vīdbṛha॒tī / māme॒va bhū॒tvā / māmupa॒ saśra॑ya॒teti॑ / ca॒turbhi॑ra॒kṣarai॑ranu॒ṣṭugbṛ॑ha॒tīnnoda॑bhavat / ca॒turbhi॑ra॒kṣarai pa॒ṅktirbṛ॑ha॒tīmatya॑ricyata / tasyā॑me॒tāni॑ ca॒tvārya॒kṣarāṇyapa॒cchidyā॑dadhāt

1.5.12.4
te bṛ॑ha॒tī e॒va bhū॒tvā / bṛ॒ha॒tīmupa॒ sama॑śrayatām / a॒ṣṭā॒bhira॒kṣarai॑ru॒ṣṇigbṛ॑ha॒tīnnoda॑bhavat / a॒ṣṭā॒bhira॒kṣaraistri॒ṣṭugbṛ॑ha॒tīmatya॑ricyata / tasyā॑me॒tānya॒ṣṭāva॒kṣarāṇyapa॒cchidyā॑dadhāt / te bṛ॑ha॒tī e॒va bhū॒tvā / bṛ॒ha॒tīmupa॒ sama॑śrayatām / dvā॒da॒śabhi॑ra॒kṣarairgāya॒trī bṛ॑ha॒tīnnoda॑bhavat / dvā॒da॒śabhi॑ra॒kṣarai॒rjaga॑tī bṛha॒tīmatya॑ricyata / tasyā॑me॒tāni॒ dvāda॑śā॒kṣarāṇyapa॒cchidyā॑dadhāt

1.5.12.5
te bṛ॑ha॒tī e॒va bhū॒tvā / bṛ॒ha॒tīmupa॒ sama॑śrayatām / so'bravītpra॒jāpa॑tiḥ / chandā॑si॒ ratho॑ me bhavata / yu॒ṣmābhi॑ra॒hame॒tamadhvā॑na॒manu॒ sañca॑rā॒ṇīti॑ / tasya॑ gāya॒trī ca॒ jaga॑tī ca pa॒kṣāva॑bhavatām / u॒ṣṇikca॑ tri॒ṣṭupca॒ praṣṭyau / a॒nu॒ṣṭupca॑ pa॒ṅktiśca॒ dhuryau / bṛ॒ha॒tye॑voddhira॑bhavat / sa e॒tañcha॑ndora॒thamā॒sthāya॑ / e॒tamadhvā॑na॒manu॒ sama॑carat / e॒ta ha॒ vai cha॑ndora॒thamā॒sthāya॑ / e॒tamadhvā॑na॒manu॒ sañca॑rati / yenai॒ṣa e॒tatsa॒ñcara॑ti / ya e॒vavvim॒̐dvāntsome॑na॒ yaja॑te / ya u॑ cainame॒vam̐vveda॑

1.6.0.0
taittirīyabrāhmaṇe prathamāṣṭake ṣaṣṭhaprapāṭhaka prāraṃbhaḥ / hariḥ om //
1.6.0.0
anu॑matyai vaiśvade॒vena॒ tāssṛ॒ṣṭāstri॒vṛtpra॒jāpa॑tissavi॒totta॑rasyāndevāsu॒rāsso'gniryatpatnī॑ vaiśvade॒vena॒ tā va॑ruṇapraghā॒saira॒gnaye॑ de॒vebhya॑ pratipūru॒ṣandaśa॑

anu॑matyai prathama॒jo va॒tso ba॑hurū॒pā hi pa॒śava॒stasmātpṛthamā॒trayyam̐da॒gnaye'nī॑kavata uddhā॒ravvām̐ a॒gnaye॑ de॒vebhya॑ pratipūru॒ṣaṃ pañca॑saptatiḥ

anu॑matyai॒ prati॑tiṣṭhanti // hariḥ॑ om // taittirīyakṛṣṇayajurbrāhmaṇe prathamāṣṭake ṣaṣṭhaprapāṭhakassamāptaḥ /
1.6.1.0
ī॒yurni॒rava॑dayate'ṅgu॒ṣṭhābhyāñjuho॒tyanu॑matirde॒vatā॑ ni॒rvapa॑ti va॒hī dakṣi॑ṇā॒ yadai॒ndrandadhyapa॑rābhāvāya svadayati॒ gāvau॒ dakṣi॑ṇā॒ samṛ॑ddhyai॒ ṣaṭca॑

1.6.1.1
anu॑matyai puro॒ḍāśa॑ma॒ṣṭāka॑pāla॒nnirva॑pati / ye pra॒tyañca॒śśamyā॑yā ava॒śīya॑nte / tannair॑ṛ॒tameka॑kapālam / i॒yavvām̐ anu॑matiḥ / i॒yanniऱṛ॑tiḥ / nai॒r॒ṛ॒tena॒ pūrve॑ṇa॒ praca॑rati / pā॒pmāna॑me॒va niऱṛ॑tiṃ॒ pūrvānni॒rava॑dayate / eka॑kapālo bhavati / e॒ka॒dhaiva niऱṛ॑tinni॒rava॑dayate / yadahu॑tvā॒ gāऱha॑patya ī॒yuḥ

1.6.1.2
ru॒dro bhū॒tvā'gnira॑nū॒tthāya॑ / a॒dhva॒ryuñca॒ yaja॑mānañca hanyāt / vīhi॒ svāhā''hu॑tiñjuṣā॒ṇa ityā॑ha / āhu॑tyai॒vaina॑ śamayati / nārti॒mārccha॑tyadhva॒ryurna yaja॑mānaḥ / e॒ko॒lmu॒kena॑ yanti / taddhi niऱṛ॑tyai bhāga॒dheyam / i॒māndiśa॑yyam̐nti / e॒ṣā vai niऱṛ॑tyai॒ dik / svāyā॑me॒va di॒śi niऱṛ॑tinni॒rava॑dayate

1.6.1.3
svakṛ॑ta॒ iri॑ṇe juhoti prada॒re vā / e॒tadvai niऱṛ॑tyā ā॒yata॑nam / sva e॒vāyata॑ne॒ niऱṛ॑tinni॒rava॑dayate / e॒ṣa te॑ nir‌ṛte bhā॒ga ityā॑ha / nirdi॑śatye॒vainām / bhūte॑ ha॒viṣma॑tya॒sītyā॑ha / bhūti॑me॒vopāva॑rtate / mu॒ñcemamaha॑sa॒ ityā॑ha / aha॑sa e॒vainaṃ॑ muñcati / a॒ṅgu॒ṣṭhābhyāñjuhoti

1.6.1.4
a॒nta॒ta e॒va niऱṛ॑tinni॒rava॑dayate / kṛ॒ṣṇavvām̐sa॑ kṛ॒ṣṇatū॑ṣa॒ndakṣi॑ṇā / e॒tadvai niऱṛ॑tyai rū॒pam / rū॒peṇai॒va niऱṛ॑tinni॒rava॑dayate / apra॑tīkṣa॒māya॑nti / niऱṛ॑tyā a॒ntaऱhi॑tyai / svāhā॒ namo॒ ya i॒dañca॒kāreti॒ puna॒retya॒ gāऱha॑patye juhoti / āhu॑tyai॒va na॑ma॒syanto॒ gāऱha॑patyamu॒pāva॑rtante / ā॒nu॒ma॒tena॒ praca॑rati / i॒yavvām̐ anu॑matiḥ

1.6.1.5
i॒yame॒vāsmai॑ rā॒jyamanu॑ manyate / dhe॒nurdakṣi॑ṇā / i॒māme॒va dhe॒nuṅku॑rute / ā॒di॒tyañca॒runnirva॑pati / u॒bhayīṣve॒va pra॒jāsva॒bhiṣi॑cyate / daivī॑ṣu ca॒ mānu॑ṣīṣu ca / varo॒ dakṣi॑ṇā / varo॒ hi rā॒jya samṛ॑ddhyai / ā॒gnā॒vai॒ṣṇa॒vamekā॑daśakapāla॒nnirva॑pati / a॒gnissarvā॑ de॒vatāḥ

1.6.1.6
viṣṇu॑rya॒jñaḥ / de॒vatāścai॒va ya॒jñañcāva॑ rundhe / vā॒ma॒no va॒hī dakṣi॑ṇā / yadva॒hī / tenāgne॒yaḥ / yadvā॑ma॒naḥ / tena॑ vaiṣṇa॒vassamṛ॑ddhyai / a॒gnī॒ṣo॒mīya॒mekā॑daśakapāla॒nnirva॑pati / a॒gnīṣomābhyā॒vvām̐ indro॑ vṛ॒trama॑ha॒nniti॑ / yada॑gnīṣo॒mīya॒mekā॑daśakapālanni॒rvapa॑ti

1.6.1.7
vārtra॑ghname॒va viji॑tyai / hira॑ṇya॒ndakṣi॑ṇā॒ samṛ॑ddhyai / indro॑ vṛ॒tra ha॒tvā / de॒vatā॑bhiścendri॒yeṇa॑ ca॒ vyārdhyata / sa e॒tamaindrā॒gnamekā॑daśakapālamapaśyat / tannira॑vapat / tena॒ vai sa de॒vatāścendri॒yañcāvā॑rundha / yadaindrā॒gnamekā॑daśakapālanni॒rvapa॑ti / de॒vatāścai॒va tenendri॒yañca॒ yaja॑mā॒no'va॑rundhe / ṛ॒ṣa॒bho va॒hī dakṣi॑ṇā

1.6.1.8
yadva॒hī / tenāgne॒yaḥ / yadṛ॑ṣa॒bhaḥ / tenai॒ndrassamṛ॑ddhyai / ā॒gne॒yama॒ṣṭāka॑pāla॒nnirva॑pati / ai॒ndrandadhi॑ / yadāgne॒yo bhava॑ti / a॒gnirvai ya॑jñamu॒kham / ya॒jña॒mu॒khame॒varddhiṃ॑ pu॒rastāddhatte / yadai॒ndrandadhi॑

1.6.1.9
i॒ndri॒yame॒vāva॑rundhe / ṛ॒ṣa॒bho va॒hī dakṣi॑ṇā / yadva॒hī / tenāgne॒yaḥ / yadṛ॑ṣa॒bhaḥ / tenai॒ndrassamṛ॑ddhyai / yāva॑tī॒rvai pra॒jā oṣa॑dhīnā॒mahu॑tānā॒māśñann॑ / tā parā॑'bhavann / ā॒gra॒ya॒ṇaṃ bha॑vati hu॒tādyā॑ya / yaja॑māna॒syāpa॑rābhāvāya

1.6.1.10
de॒vā vā oṣa॑dhīṣvā॒jima॑yuḥ / tā i॑ndrā॒gnī uda॑jayatām / tāve॒tamaindrā॒gnandvāda॑śakapāla॒nnira॑vṛṇātām / yadaindrā॒gno bhava॒tyujji॑tyai / dvāda॑śakapālo bhavati / dvāda॑śa॒ māsāssavvam̐tsa॒raḥ / sa॒vvam॒̐tsa॒reṇai॒vāsmā॒ anna॒mava॑rundhe / vai॒śva॒de॒vaśca॒rurbha॑vati / vai॒śva॒de॒vavvām̐ annam / anna॑me॒vāsmai svadayati

1.6.1.11
pra॒tha॒ma॒jo va॒tso dakṣi॑ṇā॒ samṛ॑ddhyai / sau॒mya śyā॑mā॒kañca॒runnirva॑pati / somo॒ vā a॑kṛṣṭapa॒cyasya॒ rājā / a॒kṛ॒ṣṭa॒pa॒cyame॒vāsmai svadayati / vāso॒ dakṣi॑ṇā / sau॒mya hi de॒vata॑yā॒ vāsa॒ssamṛ॑ddhyai / sara॑svatyai ca॒runnirva॑pati / sara॑svate ca॒rum / mi॒thu॒name॒vāva॑ rundhe / mi॒thu॒nau gāvau॒ dakṣi॑ṇā॒ samṛ॑ddhyai / eti॒ vā e॒ṣa ya॑jñamu॒khādṛdhyāḥ / yo'gnerde॒vatā॑yā॒ eti॑ / a॒ṣṭāve॒tāni॑ ha॒vīṣi॑ bhavanti / a॒ṣṭākṣa॑rā gāya॒trī / gā॒ya॒tro'gniḥ / tenai॒va ya॑jñamu॒khādṛdhyā॑ a॒gnerde॒vatā॑yai॒ naiti॑

1.6.2.0
ai॒ditya॑śocadvyu॒ddhara॑tyabravītprati॒ṣṭhayā॑ jeṣya॒thetye॒taऱhi॑ pa॒śavaḥ॑

1.6.2.1
vai॒śva॒de॒vena॒ vai pra॒jāpa॑ti pra॒jā a॑sṛjata / tāssṛ॒ṣṭā na prājā॑yanta / so'gnira॑kāmayata / a॒hami॒mā praja॑nayeya॒miti॑ / sa pra॒jāpa॑taye॒ śuca॑madadhāt / so॑'śocatpra॒jāmi॒cchamā॑naḥ / tasmā॒dyañca॑ pra॒jā bhu॒nakti॒ yañca॒ na / tāvu॒bhau śo॑cata pra॒jāmi॒cchamā॑nau / tāsva॒gnimapya॑sṛjat / tā a॒gniradhyait

1.6.2.2
somo॒ reto॑'dadhāt / sa॒vi॒tā prāja॑nayat / sara॑svatī॒ vāca॑madadhāt / pū॒ṣā'po॑ṣayat / te vā e॒te trissa॑vvam̐tsa॒rasya॒ prayu॑jyante / ye de॒vā puṣṭi॑patayaḥ / sa॒vvam॒̐tsa॒ro vai pra॒jāpa॑tiḥ / sa॒vvam॒̐tsa॒reṇai॒vāsmai pra॒jā prāja॑nayat / tā pra॒jā jā॒tā ma॒ruto'ghnann / a॒smānapi॒ na prāyu॑kṣa॒teti॑

1.6.2.3
sa e॒taṃ pra॒jāpa॑tirmāru॒ta sa॒ptaka॑pālamapaśyat / tannira॑vapat / tato॒ vai pra॒jābhyo॑'kalpata / yanmā॑ru॒to ni॑ru॒pyate / ya॒jñasya॒ kḷptyai / pra॒jānā॒maghā॑tāya / sa॒ptaka॑pālo bhavati / sa॒ptaga॑ṇā॒ vai ma॒rutaḥ॑ / ga॒ṇa॒śa e॒vāsmai॒ viśa॑ṅkalpayati / sa pra॒jāpa॑tiraśocat

1.6.2.4
yā pūrvā pra॒jā asṛ॑kṣi / ma॒ruta॒stā a॑vadhiṣuḥ / ka॒thamapa॑rāssṛje॒yeti॑ / tasya॒ śuṣma॑ ā॒ṇḍaṃ bhū॒tannira॑vartata / tadvyuda॑harat / tada॑poṣayat / tatprājā॑yata / ā॒ṇḍasya॒ vā e॒tadrū॒pam / yadā॒mikṣā / yadvyu॒ddhara॑ti

1.6.2.5
pra॒jā e॒va tadyaja॑māna poṣayati / vai॒śva॒de॒vyā॑mikṣā॑ bhavati / vai॒śva॒de॒vyo॑ vai pra॒jāḥ / pra॒jā e॒vāsmai॒ praja॑nayati / vāji॑na॒māna॑yati / pra॒jāsve॒va prajā॑tāsu॒ reto॑ dadhāti / dyā॒vā॒pṛ॒thi॒vya॑ eka॑kapālo bhavati / pra॒jā e॒va prajā॑tā॒ dyāvā॑pṛthi॒vībhyā॑mubha॒yataḥ॒ pari॑ gṛhṇāti / de॒vā॒su॒rāssayyam̐॑ttā āsann / so'gnira॑bravīt

1.6.2.6
māmagre॑ yajata / mayā॒ mukhe॒nāsu॑rāñjeṣya॒theti॑ / māndvi॒tīya॒miti॒ somo'bravīt / mayā॒ rājñā॑ jeṣya॒theti॑ / māntṛ॒tīya॒miti॑ savi॒tā / mayā॒ prasū॑tā jeṣya॒theti॑ / māñca॑tu॒rthīmiti॒ sara॑svatī / i॒ndri॒yavvom॒̐'handhāsyā॒mīti॑ / māṃ pa॑ñca॒mamiti॑ pū॒ṣā / mayā prati॒ṣṭhayā॑ jeṣya॒theti॑

1.6.2.7
te'gninā॒ mukhe॒nāsu॑rānajayann / some॑na॒ rājñā / sa॒vi॒trā prasū॑tāḥ / sara॑svatīndri॒yama॑dadhāt / pū॒ṣā pra॑ti॒ṣṭhā''sīt / tato॒ vai de॒vā vya॑jayanta / yade॒tāni॑ ha॒vīṣi॑ niru॒pyante॒ viji॑tyai / notta॑rave॒dimupa॑vapati / pa॒śavo॒ vā u॑ttarave॒diḥ / ajā॑tā iva॒ hye॑taऱhi॑ pa॒śavaḥ॑

1.6.3.0
lo॒ko ba॑hurū॒paṃ bha॑va॒tyājya॑bhāgau pa॒śava॒ ājya॑mava॒dyedā॑hava॒nīya॑ pra॒tyaktasmā॒tprati॑ṣṭhito hota॒vyo॑ bhāga॒dheya॑me॒te ca॒tvāri॑ ca

1.6.3.1
tri॒vṛdba॒r॒hirbha॑vati / mā॒tā pi॒tā pu॒traḥ / tade॒va tanmi॑thu॒nam / ulba॒ṅgarbho॑ ja॒rāyu॑ / tade॒va tanmi॑thu॒nam / tre॒dhā ba॒r॒hissanna॑ddhaṃ bhavati / traya॑ i॒me lo॒kāḥ / e॒ṣve॑va lo॒keṣu॒ prati॑ tiṣṭhati / e॒ka॒dhā puna॒ssanna॑ddhaṃ bhavati / eka॑ iva॒ hya॑yallom॒̐kaḥ

1.6.3.2
a॒sminne॒va tena॑ lo॒ke prati॑tiṣṭhati / pra॒suvo॑ bhavanti / pra॒tha॒ma॒jāme॒va puṣṭi॒mava॑rundhe / pra॒tha॒ma॒jo va॒tso dakṣi॑ṇā॒ samṛ॑ddhyai / pṛ॒ṣa॒dā॒jyaṅgṛ॑hṇāti / pa॒śavo॒ vai pṛ॑ṣadā॒jyam / pa॒śūne॒vāva॑ rundhe / pa॒ñca॒gṛ॒hī॒taṃ bha॑vati / pāṅktā॒ hi pa॒śavaḥ॑ / ba॒hu॒rū॒paṃ bha॑vati

1.6.3.3
ba॒hu॒rū॒pā hi pa॒śava॒ssamṛ॑ddhyai / a॒gniṃ ma॑nthanti / a॒gnimu॑khā॒ vai pra॒jāpa॑ti pra॒jā a॑sṛjata / yada॒gniṃ mantha॑nti / a॒gnimu॑khā e॒va tatpra॒jā yaja॑mānassṛjate / nava॑ prayā॒jā i॑jyante / navā॑nūyā॒jāḥ / a॒ṣṭau ha॒vīṣi॑ / dvāvā॑ghā॒rau / dvāvājya॑bhāgau

1.6.3.4
tri॒॒śatsaṃpa॑dyante / tri॒॒śada॑kṣarā vi॒rāṭ / anna॑vvim॒̐rāṭ / vi॒rājai॒vānnādya॒mava॑rundhe / yaja॑māno॒ vā eka॑kapālaḥ / teja॒ ājyam / yadeka॑kapāla॒ ājya॑mā॒naya॑ti / yaja॑māname॒va teja॑sā॒ sama॑rdhayati / yaja॑māno॒ vā eka॑kapālaḥ / pa॒śava॒ ājyam

1.6.3.5
yadeka॑kapāla॒ ājya॑mā॒naya॑ti / yaja॑māname॒va pa॒śubhi॒ssama॑rdhayati / yadalpa॑mā॒nayet / alpā॑ enaṃ pa॒śavo॑ bhu॒ñjanta॒ upa॑tiṣṭherann / yadba॒hvā॑nayet / ba॒hava॑ enaṃ pa॒śavo'bhu॑ñjanta॒ upa॑tiṣṭherann / ba॒hvā॑nīyā॒vi pṛ॑ṣṭhaṃ kuryāt / ba॒hava॑ e॒vainaṃ॑ pa॒śavo॑ bhu॒ñjanta॒ upa॑tiṣṭhante / yaja॑māno॒ vā eka॑kapālaḥ / yadeka॑kapālasyāva॒dyet

1.6.3.6
yaja॑māna॒syāva॑dyet / udvā॒ mādye॒dyaja॑mānaḥ / pra vā॑ mīyeta / sa॒kṛde॒va ho॑ta॒vyaḥ॑ / sa॒kṛdi॑va॒ hi su॑va॒rgo lo॒kaḥ / hu॒tvā'bhi ju॑hoti / yaja॑māname॒va su॑va॒rgallom॒̐kaṅga॑mayi॒tvā / teja॑sā॒ sama॑rdhayati / yaja॑māno॒ vā eka॑kapālaḥ / su॒va॒rgo lo॒ka ā॑hava॒nīyaḥ॑

1.6.3.7
yadeka॑kapālamāhava॒nīye॑ ju॒hoti॑ / yaja॑māname॒va su॑va॒rgallom॒̐kaṅga॑mayati / yaddhaste॑na juhu॒yāt / su॒va॒rgāllo॒kādyaja॑māna॒mava॑vidhyet / sru॒cā ju॑hoti / su॒va॒rgasya॑ lo॒kasya॒ sama॑ṣṭyai / yatprāṅpadye॑ta / de॒va॒lo॒kama॒bhija॑yet / yadda॑kṣi॒ṇā pi॑tṛlo॒kam / yatpra॒tyak

1.6.3.8
rakṣā॑si ya॒jña ha॑nyuḥ / yadudaṅṅ॑ / ma॒nu॒ṣya॒lo॒kama॒bhija॑yet / prati॑ṣṭhito hota॒vyaḥ॑ / eka॑kapāla॒vvaim̐ pra॑ti॒tiṣṭha॑nta॒ndyāvā॑pṛthi॒vī anu॒ prati॑tiṣṭhataḥ / dyāvā॑pṛthi॒vī ṛ॒tavaḥ॑ / ṛ॒tūn ya॒jñaḥ / ya॒jñayyam̐ja॑mānaḥ / yaja॑mānaṃ pra॒jāḥ / tasmā॒tprati॑ṣṭhito hota॒vyaḥ॑

1.6.3.9
vā॒jino॑ yajati / a॒gnirvā॒yussūryaḥ॑ / te vai vā॒jinaḥ॑ / tāne॒va tadya॑jati / atho॒ khalvā॑huḥ / chandā॑si॒ vai vā॒jina॒ iti॑ / tānye॒va tadya॑jati / ṛ॒khsā॒me vā indra॑sya॒ harī॑ soma॒pānau / tayo pari॒dhaya॑ ā॒dhānam / vāji॑naṃ bhāga॒dheyam

1.6.3.10
yadapra॑hṛtya pari॒dhīñju॑hu॒yāt / a॒ntarā॑dhānābhyāṅghā॒saṃ praya॑cchet / pra॒hṛtya॑ pari॒dhīñju॑hoti / nirā॑dhānābhyāme॒va ghā॒saṃ praya॑cchati / ba॒r॒hiṣi॑ viṣi॒ñcanvāji॑na॒mā na॑yati / pra॒jā vai ba॒r॒hiḥ / reto॒ vāji॑nam / pra॒jāsve॒va reto॑ dadhāti / sa॒mu॒pa॒hūya॑ bhakṣayanti / e॒tatso॑mapīthā॒ hye॑te / atho॑ ā॒tmanne॒va reto॑ dadhate / yaja॑māna utta॒mo bha॑kṣayati / pa॒śavo॒ vai vāji॑nam / yaja॑māna e॒va pa॒śūnprati॑ṣṭhāpayanti

1.6.4.0
ni॒ru॒pyante॑ bhavato॒ bhava॑ti medhya॒tvāya॑ rundhe॒ ṣaṭca॑

1.6.4.1
pra॒jāpa॑tissavi॒tā bhū॒tvā pra॒jā a॑sṛjata / tā e॑na॒matya॑manyanta / tā a॑smā॒dapākrāmann / tā varu॑ṇo bhū॒tvā pra॒jā varu॑ṇenāgrāhayat / tā pra॒jā varu॑ṇagṛhītāḥ / pra॒jāpa॑tiṃ॒ puna॒rupā॑dhāvannā॒thami॒cchamā॑nāḥ / sa e॒tānpra॒jāpa॑tirvaruṇapraghā॒sāna॑paśyat / tānnira॑vapat / tairvai sa pra॒jā va॑ruṇapā॒śāda॑muñcat / yadva॑ruṇapraghā॒sā ni॑ru॒pyante

1.6.4.2
pra॒jānā॒mava॑ruṇagrāhāya / tāsā॒ndakṣi॑ṇo bā॒hurnya॑kna॒ āsīt / sa॒vya prasṛ॑taḥ / sa e॒tāndvi॒tīyāndakṣiṇa॒to vedi॒muda॑hann / tato॒ vai sa pra॒jānā॒ndakṣi॑ṇaṃ bā॒huṃ prāsā॑rayat / yaddvi॒tīyāndakṣiṇa॒to vedi॑mu॒ddhanti॑ / pra॒jānā॑me॒va tadyaja॑māno॒ dakṣi॑ṇaṃ bā॒huṃ prasā॑rayati / tasmāccāturmāsyayā॒jya॑muṣmi॑llom॒̐ka u॑bha॒yābā॑huḥ / ya॒jñābhi॑jita॒॒ hya॑sya / pṛ॒tha॒mā॒trādvaidī॒ asaṃ॑bhinne bhavataḥ

1.6.4.3
tasmātpṛthamā॒travvyam̐sau / utta॑rasyā॒vvem̐dyā॑muttarave॒dimupa॑ vapati / pa॒śavo॒ vā u॑ttarave॒diḥ / pa॒śūne॒vāva॑rundhe / atho॑ yajñapa॒ruṣo'na॑ntarityai / e॒tadbrāhmaṇānye॒va pañca॑ ha॒vīṣi॑ / athai॒ṣa aindrā॒gno bha॑vati / prā॒ṇā॒pā॒nau vā e॒tau de॒vānām / yadi॑ndrā॒gnī / yadaindrā॒gno bhava॑ti

1.6.4.4
prā॒ṇā॒pā॒nāve॒vāva॑ rundhe / ojo॒ bala॒vvām̐ e॒tau dai॒vānām / yadi॑ndrā॒gnī / yadaindrā॒gno bhava॑ti / ojo॒ bala॑me॒vāva॑ rundhe / mā॒ru॒tyā॑mikṣā॑ bhavati / vā॒ru॒ṇyā॑mikṣā / me॒ṣī ca॑ me॒ṣaśca॑ bhavataḥ / mi॒thu॒nā e॒va pra॒jā va॑ruṇapā॒śānmu॑ñcati / lo॒ma॒śau bha॑vato medhya॒tvāya॑

1.6.4.5
śa॒mī॒pa॒rṇānyupa॑ vapati / ghā॒same॒vābhyā॒mapi॑ yacchati / pra॒jāpa॑tima॒nnādya॒nnopā॑namat / sa e॒tena॑ śa॒tedhme॑na ha॒viṣā॒'nnādya॒mavā॑rundha / yatpa॑raśśa॒tāni॑ śamīpa॒rṇāni॒ bhava॑nti / a॒nnādya॒syāva॑ruddhyai / sau॒myāni॒ vai ka॒rīrā॑ṇi / sau॒myā khalu॒ vā āhu॑tirdi॒vo vṛṣṭi॑ñcyāvayati / yatka॒rīrā॑ṇi॒ bhava॑nti / sau॒myayai॒vāhu॑tyā di॒vo vṛṣṭi॒mava॑rundhe / kā॒ya eka॑kapālo bhavati / pra॒jānāṅka॒ntvāya॑ / pra॒ti॒pū॒ru॒ṣaṅka॑rambhapā॒trāṇi॑ bhavanti / jā॒tā e॒va pra॒jā va॑ruṇapā॒śānmu॑ñcati / eka॒mati॑riktam / ja॒ni॒ṣyamā॑ṇā e॒va pra॒jā va॑ruṇapā॒śānmu॑ñcati

1.6.5.0
ka॒roti॑ grāhayatyāhava॒nīya॒stiṣṭha॑ñjuhotya॒po॑'vabhṛ॒thamavai॑ti dhatte

1.6.5.1
utta॑rasyā॒vvem̐dyā॑ma॒nyāni॑ ha॒vīṣi॑ sādayati / dakṣi॑ṇāyāṃ māru॒tīm / a॒pa॒dhu॒rame॒vainā॑ yunakti / atho॒ oja॑ e॒vāsā॒mava॑ harati / tasmā॒dbrahma॑ṇaśca kṣa॒trācca॒ viśo'nyato'pakra॒miṇīḥ / mā॒ru॒tyā pūrva॑yā॒ praca॑rati / anṛ॑tame॒vāva॑ yajate / vā॒ru॒ṇyotta॑rayā / a॒nta॒ta e॒va varu॑ṇa॒mava॑ yajate / yade॒vādhva॒ryu ka॒roti॑

1.6.5.2
tatpra॑tiprasthā॒tā ka॑roti / tasmā॒dyacchreyānka॒roti॑ / tatpāpī॑yānkaroti / patnīvvām̐cayati / medhyā॑me॒vaināṅkaroti / atho॒ tapa॑ e॒vainā॒mupa॑ nayati / yajjā॒ra santa॒nna pra॑brū॒yāt / pri॒yaṃ jñā॒ti ru॑ndhyāt / a॒sau me॑ jā॒ra iti॒ nirdi॑śet / ni॒rdiśyai॒vainaṃ॑ varuṇapā॒śena॑ grāhayati

1.6.5.3
pra॒ghā॒syān॑ havāmaha॒ iti॒ patnī॑mu॒dāna॑yati / ahva॑tai॒vainām / yatpatnī॑ puronuvā॒kyā॑manubrū॒yāt / nirvīryo॒ yaja॑mānassyāt / yaja॑mā॒no'nvā॑ha / ā॒tmanne॒va vī॒rya॑ndhatte / u॒bhau yā॒jyā॑ savīrya॒tvāya॑ / yadgrāme॒ yadara॑ṇya॒ ityā॑ha / ya॒tho॒di॒tame॒va varu॑ṇa॒mava॑ yajate / ya॒ja॒mā॒na॒de॒va॒tyo॑ vā ā॑hava॒nīyaḥ॑

1.6.5.4
bhrā॒tṛ॒vya॒de॒va॒tyo॑ dakṣi॑ṇaḥ / yadā॑hava॒nīye॑ juhu॒yāt / yaja॑mānavvam̐ruṇapā॒śena॑ grāhayet / dakṣi॑ṇe॒'gnau ju॑hoti / bhrātṛ॑vyame॒va va॑ruṇapā॒śena॑ grāhayati / śūrpe॑ṇa juhoti / anya॑me॒va varu॑ṇa॒mava॑ yajate / śī॒r॒ṣanna॑dhi ni॒dhāya॑ juhoti / śī॒ऱṣa॒ta e॒va varu॑ṇa॒mava॑ yajate / pra॒tyaṅtiṣṭha॑ñjuhoti

1.6.5.5
pra॒tyaṅṅe॒va va॑ruṇapā॒śānnirmu॑cyate / akra॒nkarma॑ karma॒kṛta॒ ityā॑ha / de॒vānṛ॒ṇanni॑rava॒dāya॑ / a॒nṛ॒ṇā gṛ॒hānupa॒ preteti॒ vāvaitadā॑ha / varu॑ṇagṛhīta॒vvām̐ e॒tadya॒jñasya॑ / yadyaju॑ṣā gṛhī॒tasyā॑ti॒ricya॑te / tuṣāśca niṣkā॒saśca॑ / tuṣaiśca niṣkā॒sena॑ cāvabhṛ॒thamavai॑ti / varu॑ṇagṛhītenai॒va varu॑ṇa॒mava॑yajate / a॒po॑'vabhṛ॒thamavai॑ti

1.6.5.6
a॒phsu vai varu॑ṇaḥ / sā॒kṣāde॒va varu॑ṇa॒mava॑yajate / prati॑yuto॒ varu॑ṇasya॒ pāśa॒ ityā॑ha / va॒ru॒ṇa॒pā॒śāde॒va nirmu॑cyate / apra॑tīkṣa॒mā ya॑nti / varu॑ṇasyā॒ntaऱhi॑tyai / edho'ṣyedhiṣī॒mahītyā॑ha / sa॒midhai॒vāgninna॑ma॒syanta॑ u॒pāya॑nti / tejo॑'si॒ tejo॒ mayi॑ dhe॒hītyā॑ha / teja॑ e॒vātmandha॑tte

1.6.6.0
asu॑rā aśrayangṛhame॒dhīya॑ñca॒runnira॑vapannajuhavura॒nvāheḍānto bhavati॒ dve ca॑

1.6.6.1
de॒vā॒su॒rāssayyam̐॑ttā āsann / so'gnira॑bravīt / mame॒yamanī॑kavatī ta॒nūḥ / tāṃ prī॑ṇīta / athāsu॑rāna॒bhi bha॑viṣya॒theti॑ / te de॒vā a॒gnaye'nī॑kavate puro॒ḍāśa॑ma॒ṣṭāka॑pāla॒nnira॑vapann / so'gniranī॑kavā॒ntsvena॑ bhāga॒dheye॑na prī॒taḥ / ca॒tu॒rdhā'nī॑kānyajanayata / tato॑ de॒vā abha॑vann / parā'su॑rāḥ

1.6.6.2
yada॒gnaye'nī॑kavate puro॒ḍāśa॑ma॒ṣṭāka॑pālanni॒rvapa॑ti / a॒gnime॒vānī॑kavanta॒॒ svena॑ bhāga॒dheye॑na prīṇāti / so'gniranī॑kavā॒ntsvena॑ bhāga॒dheye॑na prī॒taḥ / ca॒tu॒rdhā'nī॑kāni janayate / a॒sau vā ā॑di॒tyo'gniranī॑kavān / tasya॑ ra॒śmayo'nī॑kāni / sā॒ka sūrye॑ṇodya॒tā nirva॑pati / sā॒kṣāde॒vāsmā॒ anī॑kāni janayati / te'su॑rāḥ॒ parā॑jitā॒ yantaḥ॑ / dyāvā॑pṛthi॒vī upāśrayann

1.6.6.3
te de॒vā ma॒rudbhya॑ssāntapa॒nebhya॑śca॒runnira॑vapann / tāndyāvā॑pṛthi॒vībhyā॑me॒vobha॒yata॒ sama॑tapan / yanma॒rudbhya॑ssāntapa॒nebhya॑śca॒runni॒rvapa॑ti / dyāvā॑pṛthi॒vībhyā॑me॒va tadu॑bha॒yato॒ yaja॑māno॒ bhrātṛ॑vyā॒ntsanta॑pati / ma॒dhyandi॑ne॒ nirva॑pati / taऱhi॒ hi tekṣṇi॑ṣṭha॒ntapa॑ti / ca॒rurbha॑vati / sa॒rvata॑ e॒vainā॒ntsanta॑pati / te de॒vāśśvo॑vija॒yina॒ssantaḥ॑ / sarvā॑sāndu॒gdhe gṛ॑hame॒dhīya॑ñca॒runnira॑vapann

1.6.6.4
āśi॑tā e॒vādyopa॑vasāma / kasya॒ vā'he॒dam / kasya॑ vā॒ śvo bha॑vi॒teti॑ / sa śṛ॒to॑'bhavat / tasyāhu॑tasya॒ nāśñann॑ / na hi de॒vā ahu॑tasyā॒śñanti॑ / te'bruvann / kasmā॑ i॒ma hoṣyāma॒ iti॑ / ma॒rudbhyo॑ gṛhame॒dhibhya॒ itya॑bruvann / taṃ ma॒rudbhyo॑ gṛhame॒dhibhyo॑'juhavuḥ

1.6.6.5
tato॑ de॒vā abha॑vann / parā'su॑rāḥ / yasyai॒vavvim॒̐duṣo॑ ma॒rudbhyo॑ gṛhame॒dhibhyo॑ gṛ॒he juhva॑ti / bhava॑tyā॒tmanā / parā'sya॒ bhrātṛ॑vyo bhavati / yadvai ya॒jñasya॑ pāka॒trā kri॒yate / pa॒śa॒vya॑ntat / pā॒ka॒trā vā e॒tatkri॑yate / yannedhmāba॒r॒hirbhava॑ti / na sā॑midhe॒nīra॒nvāha॑

1.6.6.6
na pra॑yā॒jā i॒jyante / nānū॑yā॒jāḥ / ya e॒vavvem̐da॑ / pa॒śu॒mānbha॑vati / ājya॑bhāgau yajati / ya॒jñasyai॒va cakṣu॑ṣī॒ nāntare॑ti / ma॒ruto॑ gṛhame॒dhino॑ yajati / bhā॒ga॒dheye॑nai॒vainā॒ntsama॑rdhayati / a॒gnisvi॑ṣṭa॒kṛta॑yyam̐jati॒ prati॑ṣṭhityai / iḍānto bhavati / pa॒śavo॒ vā iḍā / pa॒śuṣve॒vopari॑ṣṭā॒tprati॑tiṣṭhati

1.6.7.0
ṛ॒ddhya॒te॒'bhya॑ñjate juhoti vṛṇāmahai bhavatya॒ṣṭau ca॑

1.6.7.1
yatpatnī॑ gṛhame॒dhīya॑syāśñī॒yāt / gṛ॒ha॒me॒dhye॑va syāt / vi tva॑sya ya॒jña ṛ॑dhyeta / yannāśñī॒yāt / agṛ॑hamedhī syāt / nāsya॑ ya॒jño vyṛ॑ddhyeta / prati॑veśaṃ paceyuḥ / tasyāśñīyāt / gṛ॒ha॒me॒dhye॑va bha॑vati / nāsya॑ ya॒jño vyṛ॑ddhyate

1.6.7.2
te de॒vā gṛ॑hame॒dhīye॑ne॒ṣṭvā / āśi॑tā abhavann / āñja॑tā॒bhya॑ñjata / anu॑ va॒tsāna॑vāsayann / tebhyo'su॑rāḥ॒ kṣudhaṃ॒ prāhi॑ṇvann / sā de॒veṣu॑ lo॒kamavi॑tvā / asu॑rā॒npuna॑ragacchat / gṛ॒ha॒me॒dhīye॑ne॒ṣṭvā / āśi॑tā bhavanti / āñja॑te॒'bhya॑ñjate

1.6.7.3
anu॑ va॒tsān vā॑sayanti / bhrātṛ॑vyāyai॒va tadyaja॑mānaḥ॒ kṣudhaṃ॒ prahi॑ṇoti / te de॒vā gṛ॑hame॒dhīye॑ne॒ṣṭvā / indrā॑ya niṣkā॒sannya॑dadhuḥ / a॒smāne॒va śva indro॒ nihi॑tabhāga upāvarti॒teti॑ / tānindro॒ nihi॑tabhāga u॒pāva॑rtata / gṛ॒ha॒me॒dhīye॑ne॒ṣṭvā / indrā॑ya niṣkā॒sannida॑dhyāt / indra॑ e॒vaina॒nnihi॑tabhāga u॒pāva॑rtate / gāऱha॑patye juhoti

1.6.7.4
bhā॒ga॒dheye॑nai॒vaina॒॒ sama॑rdhayati / ṛ॒ṣa॒bhamāhva॑yati / va॒ṣa॒ṭkā॒ra e॒vāsya॒ saḥ / atho॑ indri॒yame॒va tadvī॒ryam̐॑yyaja॑māno॒ bhrātṛvya॑sya vṛṅkte / indro॑ vṛ॒tra ha॒tvā / parāṃ parā॒vata॑magacchat / apā॑rādha॒miti॒ manya॑mānaḥ / so'bravīt / ka i॒davve॑dim̐ṣya॒tīti॑ / te'bruvanma॒ruto॒ vara॑vvṛm̐ṇāmahai

1.6.7.5
atha॑ va॒yavvem̐॑dāma / a॒smabhya॑me॒va pra॑tha॒ma ha॒virniru॑pyātā॒ iti॑ / ta e॑na॒madhya॑krīḍann / tatkrī॒ḍināṅkrīḍi॒tvam / yanma॒rudbhya॑ krī॒ḍibhya॑ pratha॒ma ha॒virni॑ru॒pyate॒ viji॑tyai / sā॒ka sūrye॑ṇodya॒tā nirva॑pati / e॒tasmi॒nvai lo॒ka indro॑ vṛ॒trama॑ha॒ntsamṛ॑ddhyai / e॒tadbrāhmaṇānye॒va pañca॑ ha॒vīṣi॑ / e॒tadbrāhmaṇa aindrā॒gnaḥ / athai॒ṣa ai॒ndraśca॒rurbha॑vati

1.6.7.6
u॒ddhāravvām̐ e॒tamindra॒ uda॑harata / vṛ॒tra ha॒tvā / a॒nyāsu॑ de॒vatā॒svadhi॑ / yade॒ṣa ai॒ndraśca॒rurbhava॑ti / u॒ddhā॒rame॒va tayyam̐ja॑māna॒ uddha॑rate / a॒nyāsu॑ pra॒jāsvadhi॑ / vai॒śva॒ka॒rma॒ṇa eka॑kapālo bhavati / viśvānye॒va tena॒ karmā॑ṇi॒ yaja॑mā॒no'va॑rundhe

1.6.8.0
ni॒rava॑dayate pitṛ॒māna॑gniṣvā॒ttā eka॒yopa॑ mantha॒tyakhā॑tā bhavati manu॒ṣyā॑ṇāṃ padyante parida॒dhyānmī॑yate॒ pañca॑ ca

1.6.8.1
vai॒śva॒de॒vena॒ vai pra॒jāpa॑tiḥ pra॒jā a॑sṛjata / tā va॑ruṇapraghā॒sairva॑ruṇapā॒śāda॑muñcat / sā॒ka॒me॒dhai pratya॑sthāpayat / trya॑mbakai ru॒dranni॒ravā॑dayata / pi॒tṛ॒ya॒jñena॑ suva॒rgallom॒̐kama॑gamayat / yadvaiśvade॒vena॒ yaja॑te / pra॒jā e॒va tadyaja॑mānassṛjate / tā va॑ruṇapraghā॒sairva॑ruṇapā॒śānmu॑ñcati / sā॒ka॒me॒dhai prati॑ṣṭhāpayati / trya॑mbakai ru॒dranni॒rava॑dayate

1.6.8.2
pi॒tṛ॒ya॒jñena॑ suva॒rgallom॒̐kaṅga॑mayati / da॒kṣi॒ṇa॒ta prā॑cīnāvī॒tī nirva॑pati / da॒kṣi॒ṇāvṛ॒ddhi pi॑tṛ॒ṇām / anā॑dṛtya॒ tat / u॒tta॒ra॒ta e॒vopa॒vīya॒ nirva॑pet / u॒bhaye॒ hi de॒vāśca॑ pi॒tara॑śce॒jyante / atho॒ yade॒va da॑kṣiṇā॒rdhe॑'dhi॒ śraya॑ti / tena॑ dakṣi॒ṇāvṛ॑t / somā॑ya pitṛ॒mate॑ puro॒ḍāśa॒॒ ṣaṭka॑pāla॒nnirva॑pati / sa॒vvam॒̐tsa॒ro vai soma॑ pitṛ॒mān

1.6.8.3
sa॒vvam॒̐tsa॒rame॒va prī॑ṇāti / pi॒tṛbhyo॑ baऱhi॒ṣadbhyo॑ dhā॒nāḥ / māsā॒ vai pi॒taro॑ baऱhi॒ṣadaḥ॑ / māsā॑ne॒va prī॑ṇāti / yasmi॒nvā ṛ॒tau puru॑ṣa pra॒mīya॑te / so'syā॒muṣmi॑llom॒̐ke bha॑vati / ba॒hu॒rū॒pā dhā॒nā bha॑vanti / a॒ho॒rā॒trāṇā॑ma॒bhiji॑tyai / pi॒tṛbhyo'gniṣvā॒ttebhyo॑ ma॒ntham / a॒rdha॒mā॒sā vai pi॒taro'gniṣvā॒ttāḥ

1.6.8.4
a॒rdha॒mā॒sāne॒va prī॑ṇāti / a॒bhi॒vā॒nyā॑yai du॒gdhe bha॑vati / sā hi pi॑tṛdeva॒tya॑ndu॒he / yatpū॒rṇam / tanma॑nu॒ṣyā॑ṇām / u॒pa॒rya॒rdho de॒vānām / a॒rdha pi॑tṛ॒ṇām / a॒rdha upa॑manthati / a॒rdho hi pi॑tṛ॒ṇām / eka॒yopa॑manthati

1.6.8.5
ekā॒ hi pi॑tṛ॒ṇām / da॒kṣi॒ṇopa॑manthati / da॒kṣi॒ṇāvṛ॒ddhi pi॑tṛ॒ṇām / anā॑ra॒bhyopa॑manthati / taddhi pi॒tṝngaccha॑ti / i॒māndiśa॒vvem̐di॒muddha॑nti / u॒bhaye॒ hi de॒vāśca॑ pi॒tara॑śce॒jyante / catu॑ssraktirbhavati / sarvā॒ hyanu॒ diśa॑ pi॒taraḥ॑ / akhā॑tā bhavati

1.6.8.6
khā॒tā hi de॒vānām / ma॒dhya॒to'gnirādhī॑yate / a॒nta॒to hi de॒vānā॑mādhī॒yate / vaऱṣī॑yāni॒dhma i॒dhmādbha॑vati॒ vyāvṛ॑ttyai / pari॑śrayati / a॒ntaऱhi॑to॒ hi pi॑tṛlo॒ko ma॑nuṣyalo॒kāt / yatparu॑ṣi di॒nam / tadde॒vānām / yada॑nta॒rā / tanma॑nu॒ṣyā॑ṇām

1.6.8.7
yatsamū॑lam / tatpi॑tṛ॒ṇām / samū॑laṃ ba॒r॒hirbha॑vati॒ vyāvṛ॑ttyai / da॒kṣi॒ṇā stṛ॑ṇāti / da॒kṣi॒ṇāvṛ॒ddhi pi॑tṛ॒ṇām / tri parye॑ti / tṛ॒tīye॒ vā i॒to lo॒ke pi॒taraḥ॑ / tāne॒va prī॑ṇāti / tri puna॒ parye॑ti / ṣaṭtsaṃ pa॑dyante

1.6.8.8
ṣaḍvā ṛ॒tavaḥ॑ / ṛ॒tūne॒va prī॑ṇāti / yatpra॑sta॒rayyam̐ju॑ṣā gṛhṇī॒yāt / pra॒māyu॑ko॒ yaja॑mānassyāt / yanna gṛ॑hṇī॒yāt / a॒nā॒ya॒ta॒nassyāt / tū॒ṣṇīme॒va nya॑syet / na pra॒māyu॑ko॒ bhava॑ti / nānā॑yata॒naḥ / yattrīnpa॑ri॒dhīnpa॑rida॒dhyāt

1.6.8.9
mṛ॒tyunā॒ yaja॑mānaṃ॒ pari॑gṛhṇīyāt / yanna pa॑rida॒dhyāt / rakṣā॑si ya॒jña ha॑nyuḥ / dvau pa॑ri॒dhī pari॑dadhāti / rakṣa॑sā॒mapa॑hatyai / atho॑ mṛ॒tyore॒va yaja॑māna॒mutsṛ॑jati / yattrīṇi॑ trīṇi ha॒vīṣyu॑dā॒hare॑yuḥ / traya॑straya eṣā sā॒kaṃ pramī॑yerann / ekai॑kamanū॒cīnānyu॒dāha॑ranti / ekai॑ka e॒vaiṣā॑ma॒nvañca॒ pramī॑yate / ka॒śipu॑ kaśipa॒vyā॑ya / u॒pa॒baऱha॑ṇamupabaऱha॒ṇyā॑ya / āñja॑namāñja॒nyā॑ya / a॒bhyañja॑namabhyañja॒nyā॑ya / ya॒thā॒bhā॒game॒vainānprīṇāti

1.6.9.0
hotā॑ra॒mājya॑bhāgau yajati॒ santa॑ta॒mava॑dyati॒ vyāvṛ॑ttyai baऱhi॒ṣado॑ yajati॒ tame॒va tadya॑ja॒tyanu॒ niṣkrā॑mantyāhainānṛ॒tavo॒ nava॑ ca

1.6.9.1
a॒gnaye॑ de॒vebhya॑ pi॒tṛbhya॑ssami॒dhyamā॑nā॒yānu॑ brū॒hītyā॑ha / u॒bhaye॒ hi dai॒vāśca॑ pi॒tara॑śce॒jyante / ekā॒manvā॑ha / ekā॒ hi pi॑tṛ॒ṇām / triranvā॑ha / triऱhi de॒vānām / ā॒ghā॒rāvāghā॑rayati / ya॒jña॒pa॒ruṣo॒rana॑ntarityai / nāऱṣe॒yavvṛm̐॑ṇīte / na hotā॑ram

1.6.9.2
yadā॑ऱṣe॒yaṃ vṛ॑ṇī॒ta / yaddhotā॑ram / pra॒māyu॑ko॒ yaja॑mānassyāt / pra॒māyu॑ko॒ hotā / tasmā॒nna vṛ॑ṇīte / yaja॑mānasya॒ hotu॑rgopī॒thāya॑ / apa॑ baऱhiṣa prayā॒jān ya॑jati / pra॒jā vai ba॒r॒hiḥ / pra॒jā e॒va mṛ॒tyorutsṛ॑jati / ājya॑bhāgau yajati

1.6.9.3
ya॒jñasyai॒va cakṣu॑ṣī॒ nāntare॑ti / prā॒cī॒nā॒vī॒tī soma॑yyam̐jati / pi॒tṛ॒de॒va॒tyā॑ hi / e॒ṣā''hu॑tiḥ / pañca॒kṛtvo'va॑ dyati / pañca॒ hye॑tā de॒vatāḥ / dve pu॑ro'nuvā॒kye / yā॒jyā॑ de॒vatā॑ vaṣaṭkā॒raḥ / tā e॒va prī॑ṇāti / santa॑ta॒mava॑ dyati

1.6.9.4
ṛ॒tū॒nā santa॑tyai / praivaibhya॒ pūrva॑yā puro'nuvā॒kya॑yā''ha / praṇa॑yati dvi॒tīya॑yā / ga॒maya॑ti yā॒jya॑yā / tṛ॒tīye॒ vā i॒to lo॒ke pi॒taraḥ॑ / ahna॑ e॒vainā॒npūrva॑yā puro'nuvā॒kya॑yā॒'tyāna॑yati / rātri॑yai dvi॒tīya॑yā / aivainān॑ yā॒jya॑yā gamayati / da॒kṣi॒ṇa॒to॑'va॒dāya॑ / uda॒ṅṅati॑ krāmati॒ vyāvṛ॑ttyai

1.6.9.5
ā sva॒dhetyāśrā॑vayati / astu॑ sva॒dheti॑ pra॒tyāśrā॑vayati / sva॒dhā nama॒ iti॒ vaṣa॑ṭkaroti / sva॒dhā॒kā॒ro hi pi॑tṛ॒ṇām / soma॒magre॑ yajati / soma॑prayājā॒ hi pi॒taraḥ॑ / somaṃ॑ pitṛ॒manta॑yyam̐jati / sa॒vvam॒̐tsa॒ro vai soma॑ pitṛ॒mān / sa॒vvam॒̐tsa॒rame॒va tadya॑jati / pi॒tṝnba॑ऱhi॒ṣado॑ yajati

1.6.9.6
ye vai yajvā॑naḥ / te pi॒taro॑ baऱhi॒ṣadaḥ॑ / tāne॒va tadya॑jati / pi॒tṝna॑gniṣvā॒ttān ya॑jati / ye vā aya॑jvāno gṛhame॒dhinaḥ॑ / te pi॒taro'gniṣvā॒ttāḥ / tāne॒va tadya॑jati / a॒gniṅka॑vya॒vāha॑nayyam̐jati / ya e॒va pi॑tṛ॒ṇāma॒gniḥ / tame॒va tadya॑jati

1.6.9.7
atho॒ yathā॒'gni svi॑ṣṭa॒kṛta॒yyam̐ja॑ti / tā॒dṛge॒va tat / e॒tatte॑ tata॒ ye ca॒ tvāmanviti॑ ti॒sṛṣu॑ sra॒ktīṣu॒ nida॑dhāti / tasmā॒dā tṛ॒tīyā॒tpuru॑ṣā॒nnāma॒ na gṛ॑hṇanti / e॒tāva॑nto॒ hījyante / atra॑ pitaro yathābhā॒gaṃ ma॑ndadhva॒mityā॑ha / hlīkā॒ hi pi॒taraḥ॑ / uda॑ñco॒ niṣkrā॑manti / e॒ṣā vai ma॑nu॒ṣyā॑ṇā॒ndik / svāme॒va taddiśa॒manu॒ niṣkrā॑manti

1.6.9.8
ā॒ha॒va॒nīya॒mupa॑tiṣṭhante / nye॑vāsmai॒ taddhnu॑vate / yatsa॒tyā॑hava॒nīye / athā॒nyatra॒ cara॑nti / ātami॑to॒rupa॑tiṣṭhante / a॒gnime॒vopa॑dra॒ṣṭāra॑ṅkṛ॒tvā / pi॒tṝnni॒rava॑dayante / anta॒vvām̐ e॒te prā॒ṇānāṅgacchanti / ya ātami॑torupa॒ tiṣṭha॑nte / su॒sa॒ndṛśa॑ntvā va॒yamityā॑ha

1.6.9.9
prā॒ṇo vai su॑sa॒ndṛk / prā॒ṇame॒vātmanda॑dhate / yojā॒ nvi॑ndra te॒ harī॒ ityā॑ha / prā॒ṇame॒va puna॑rayukta / akṣa॒nnamī॑madanta॒ hīti॒ gāऱha॑patya॒mupa॑tiṣṭhante / akṣa॒nnamī॑mada॒ntātha॒ tvopa॑tiṣṭhāmaha॒ iti॒ vāvaitadā॑ha / amī॑madanta pi॒tara॑sso॒myā itya॒bhi prapa॑dyante / amī॑madanta pi॒taro'tha॑ tvā॒'bhi prapa॑dyāmaha॒ iti॒ vāvaitadā॑ha / a॒pa pari॑ṣiñcati / mā॒rjaya॑tye॒vainān॑

1.6.9.10
atho॑ ta॒rpaya॑tye॒va / tṛpya॑ti pra॒jayā॑ pa॒śubhiḥ॑ / ya e॒vavvem̐da॑ / apa॑ baऱhiṣāvanūyā॒jau ya॑jati / pra॒jā vai ba॒r॒hiḥ / pra॒jā e॒va mṛ॒tyorutsṛ॑jati / ca॒tura॑ prayā॒jān ya॑jati / dvāva॑nūyā॒jau / ṣaṭtsaṃ pa॑dyante / ṣaḍvā ṛ॒tavaḥ॑ / ṛ॒tūne॒va prī॑ṇāti / na patnyanvāste / na sayyām̐॑jayanti / yatpatnya॒nvāsī॑ta / yatsa॑yyām॒̐jaye॑yuḥ / pra॒māyu॑kā syāt / tasmā॒nnānvāste / na sayyām̐॑jayanti / patni॑yai gopī॒thāya॑

1.6.10.0
ya॒nti॒ brū॒yā॒nni॒rava॑dayate śāste siñcati॒ ṣaṭca॑

1.6.10.1
pra॒ti॒pū॒ru॒ṣameka॑kapālā॒nnirva॑pati / jā॒tā e॒va pra॒jā ru॒drānni॒rava॑dayate / eka॒mati॑riktam / ja॒ni॒ṣyamā॑ṇā e॒va pra॒jā ru॒drānni॒rava॑dayate / eka॑kapālā bhavanti / e॒ka॒dhaiva ru॒dranni॒rava॑dayate / nābhighā॑rayati / yada॑bhighā॒rayet / a॒nta॒ra॒va॒cā॒riṇa॑ ru॒draṅku॑ryāt / e॒ko॒lmu॒kena॑ yanti

1.6.10.2
taddhi ru॒drasya॑ bhāga॒dheyam / i॒māndiśa॑yyam̐nti / e॒ṣā vai ru॒drasya॒ dik / svāyā॑me॒va di॒śi ru॒dranni॒rava॑dayate / ru॒dro vā a॑pa॒śukā॑yā॒ āhu॑tyai॒ nāti॑ṣṭhata / a॒sau te॑ pa॒śuriti॒ nirdi॑śe॒dyandvi॒ṣyāt / yame॒va dveṣṭi॑ / tama॑smai pa॒śunnirdi॑śati / yadi॒ na dvi॒ṣyāt / ā॒khuste॑ pa॒śuriti॑ brūyāt

1.6.10.3
na grā॒myānpa॒śūn hi॒nasti॑ / nāra॒ṇyān / ca॒tu॒ṣpa॒the ju॑hoti / e॒ṣa vā a॑gnī॒nāṃ paḍbī॑śo॒ nāma॑ / a॒gni॒vatye॒va ju॑hoti / ma॒dhya॒mena॑ pa॒rṇena॑ juhoti / srugghye॑ṣā / atho॒ khalu॑ / a॒nta॒menai॒va ho॑ta॒vyam / a॒nta॒ta e॒va ru॒dranni॒rava॑dayate

1.6.10.4
e॒ṣa te॑ rudra bhā॒gassa॒ha svasrā'mbi॑ka॒yetyā॑ha / śa॒radvā a॒syāmbi॑kā॒ svasā / tayā॒ vā e॒ṣa hi॑nasti / ya hi॒nasti॑ / tayai॒vaina॑ sa॒ha śa॑mayati / bhe॒ṣa॒jaṅgava॒ ityā॑ha / yāva॑nta e॒va grā॒myā pa॒śavaḥ॑ / tebhyo॑ bheṣa॒jaṅka॑roti / avāmba ru॒drama॑dima॒hītyā॑ha / ā॒śiṣa॑me॒vaitāmā śāste

1.6.10.5
trya॑mbakayyam̐jāmaha॒ ityā॑ha / mṛ॒tyormu॑kṣīya॒ mā'mṛtā॒diti॒ vāvaitadā॑ha / utki॑ranti / bhaga॑sya līphsante / mūte॑kṛ॒tvā''sa॑janti / yathā॒ jana॑yyam॒̐te॑'va॒saṅka॒roti॑ / tā॒dṛge॒va tat / e॒ṣa te॑ rudra bhā॒ga ityā॑ha ni॒rava॑ttyai / apra॑tīkṣa॒mā ya॑nti / a॒pa pari॑ṣiñcati / ru॒drasyā॒ntaऱhi॑tyai / pra vā e॒te'smāllo॒kāccya॑vante / ye trya॑mbakai॒ścara॑nti / ā॒di॒tyañca॒ruṃ puna॒retya॒ nirva॑pati / i॒yavvām̐ adi॑tiḥ / a॒syāme॒va prati॑ tiṣṭhanti

1.7.0.0
e॒tadbrāhmaṇāni dhā॒tre ra॒tnināndevasu॒vāma॒rtheto॒ devī॒rdiśa॒ssoma॒syendra॑sya mi॒tro daśa॑

e॒tadbrāhmaṇāni vaiṣṇa॒vantri॑kapā॒lamanna॒vvaim̐ pū॒ṣā vāśā॒ssthetyā॑ha॒ diśo॒ vyāsthā॑paya॒tyuda॑ṅpa॒retya॒ brahmā ३ ntva rā॑ja॒॒ścatu॑ṣṣaṣṭiḥ // e॒tadbrāhmaṇāni॒ prati॑tiṣṭhati

hariḥ॑ om // saptama prapāṭhakassamāptaḥ
1.7.0.0
taittirīyabrāhmaṇe prathamāṣṭake saptamaprapāṭhaka prāraṃbhaḥ / hariḥ om //
1.7.1.0
ya॒ccha॒ti॒ varu॑ṇa॒ntṛtī॑ya॒vvim̐ji॑tyā asṛjata॒ samṛ॑ddhyai hano॒ mitra॑dru॒giti॑ hanti॒ stṛtyai॒ trīṇi॑ ca

1.7.1.1
e॒tadbrāhmaṇānye॒va pañca॑ ha॒vīṣi॑ / athendrā॑ya॒ śunā॒sīrā॑ya puro॒ḍāśa॒ndvāda॑śakapāla॒nnirva॑pati / sa॒vvam॒̐tsa॒ro vā indrā॒śunā॒sīraḥ॑ / sa॒vvam॒̐tsa॒reṇai॒vāsmā॒ anna॒mava॑ rundhe / vā॒ya॒vyaṃ॑ payo॑ bhavati / vā॒yurvai vṛṣṭyai pradāpayi॒tā / sa e॒vāsmai॒ vṛṣṭiṃ॒ pradā॑payati / sau॒rya॑ eka॑kapālo bhavati / sūrye॑ṇa॒ vā a॒muṣmim̐॑llo॒ke vṛṣṭi॑rdhṛ॒tā / sa e॒vāsmai॒ vṛṣṭi॒nniya॑cchati

1.7.1.2
dvā॒da॒śa॒ga॒va sīra॒ndakṣi॑ṇā॒ samṛ॑ddhyai / de॒vā॒su॒rāssayyam̐॑ttā āsann / te de॒vā a॒gnima॑bruvann / tvayā॑ vī॒reṇāsu॑rāna॒bhibha॑vā॒meti॑ / so'bravīt / tre॒dhā'hamā॒tmāna॒vvim̐ka॑riṣya॒ iti॑ / sa tre॒dhā''tmāna॒vvyam̐॑kuruta / a॒gnintṛtī॑yam / ru॒drantṛtī॑yam / varu॑ṇa॒ntṛtī॑yam

1.7.1.3
so'bravīt / ka i॒dantu॒rīya॒miti॑ / a॒hamitīndro'bravīt / santu sṛ॑jāvahā॒ iti॑ / tau sama॑sṛjetām / sa indra॑stu॒rīya॑mabhavat / yadindra॑stu॒rīya॒mabha॑vat / tadi॑ndraturī॒yasyendraturīya॒tvam / tato॒ vai de॒vā vya॑jayanta / yadi॑ndraturī॒yanni॑ru॒pyate॒ viji॑tyai

1.7.1.4
va॒hinī॑ dhe॒nurdakṣi॑ṇā / yadva॒hinī / tenāgne॒yī / yadgauḥ / tena॑ rau॒drī / yaddhe॒nuḥ / tenai॒ndrī / yatstrī sa॒tī dā॒ntā / tena॑ vāru॒ṇī samṛ॑ddhyai / pra॒jāpa॑tirya॒jñama॑sṛjata

1.7.1.5
ta sṛ॒ṣṭa rakṣā॑syajighāsann / sa e॒tā pra॒jāpa॑tirā॒tmano॑ de॒vatā॒ nira॑mimīta / tābhi॒rvai sa di॒gbhyo rakṣā॑si॒ prāṇu॑data / yatpa॑ñcāva॒ttīya॑ñju॒hoti॑ / di॒gbhya e॒va tadyaja॑māno॒ rakṣā॑si॒ praṇu॑date / samū॑ḍha॒॒ rakṣa॒ssanda॑gdha॒॒ rakṣa॒ ityā॑ha / rakṣā॑sye॒va sanda॑hati / a॒gnaye॑ rakṣo॒ghne svāhetyā॑ha / de॒vatābhya e॒va vi॑jigyā॒nābhyo॑ bhāga॒dheya॑ṅkaroti / pra॒ṣṭi॒vā॒hī ratho॒ dakṣi॑ṇā॒ samṛ॑ddhyai

1.7.1.6
indro॑ vṛ॒tra ha॒tvā / asu॑rānparā॒bhāvya॑ / namu॑cimāsu॒rannāla॑bhata / taśa॒cyā॑'gṛhṇāt / tau sama॑labhetām / so'smāda॒bhiśu॑nataro'bhavat / so'bravīt / sa॒ndhā sanda॑dhāvahai / atha॒ tvā'va॑ srakṣyāmi / na mā॒ śuṣke॑ṇa॒ nārdreṇa॑ hanaḥ

1.7.1.7
na divā॒ na nakta॒miti॑ / sa e॒tama॒pāṃ phena॑masiñcat / na vā e॒ṣa śuṣko॒ nārdro vyu॑ṣṭā''sīt / anu॑dita॒ssūryaḥ॑ / na vā e॒taddivā॒ na naktam / tasyai॒tasmi॑llom॒̐ke / a॒pāṃ phene॑na॒ śira॒ uda॑vartayat / tade॑na॒manva॑vartata / mitra॑dru॒gati॑

1.7.1.8
sa e॒tāna॑pāmā॒rgāna॑janayat / tāna॑juhot / tairvai sa rakṣā॒॒syapā॑hata / yada॑pāmārgaho॒mo bhava॑ti / rakṣa॑sā॒mapa॑hatyai / e॒ko॒lmu॒kena॑ yanti / taddhi rakṣa॑sāṃ bhāga॒dheyam / i॒māndiśa॑yyam̐nti / e॒ṣā vai rakṣa॑sā॒ndik / svāyā॑me॒va di॒śi rakṣā॑si hanti

1.7.1.9
svakṛ॑ta॒ iri॑ṇe juhoti prada॒re vā / e॒tadvai rakṣa॑sāmā॒yatana॑m / sva e॒vāyata॑ne॒ rakṣā॑si hanti / pa॒rṇa॒maye॑na sru॒veṇa॑ juhoti / brahma॒ vai pa॒rṇaḥ / brahma॑ṇai॒va rakṣā॑si hanti / de॒vasya॑ tvā savi॒tu pra॑sa॒va ityā॑ha / sa॒vi॒tṛpra॑sūta e॒va rakṣā॑si hanti / ha॒ta rakṣo'va॑dhiṣma॒ rakṣa॒ ityā॑ha / rakṣa॑sā॒॒ stṛtyai / yadvaste॒ taddakṣi॑ṇā ni॒rava॑tyai / apra॑tīkṣa॒māya॑nti / rakṣa॑sāma॒ntar‌hi॑tyai

1.7.2.0
ai॒ndrā॒vai॒ṣṇa॒vamekā॑daśakapāla॒yyam̐dṛ॑ṣa॒bho dadhā॑ti pū॒ṣā pa॒śūnpraja॑nayati॒ hira॑ṇya॒ndakṣi॑ṇā॒ dakṣi॒ṇaika॑ñca

1.7.2.1
dhā॒tre pu॑ro॒ḍāśa॒ndvāda॑śakapāla॒nnirva॑pati / sa॒vvam॒̐tsa॒ro vai dhā॒tā / sa॒vvam॒̐tsa॒reṇai॒vāsmai pra॒jā praja॑nayati / anve॒vāsmā॒ anu॑matirmanyate / rā॒te rā॒kā / pra si॑nīvā॒lī ja॑nayati / pra॒jāsve॒va prajā॑tāsu ku॒hvā॑ vāca॑ndadhāti / mi॒thu॒nau gāvau॒ dakṣi॑ṇā॒ samṛ॑ddhyai / ā॒gnā॒vai॒ṣṇa॒vamekā॑daśakapāla॒nnirva॑pati / ai॒ndrā॒vai॒ṣṇa॒vamekā॑daśakapālam

1.7.2.2
vai॒ṣṇa॒vantri॑kapā॒lam / vī॒rya॑vvām̐ a॒gniḥ / vī॒rya॑mindraḥ॑ / vī॒rya॑vvim̐ṣṇuḥ॑ / pra॒jā e॒va prajā॑tā vī॒rye prati॑ṣṭhāpayati / tasmātpra॒jā vī॒ryā॑vatīḥ / vā॒ma॒na ṛ॑ṣa॒bho va॒hī dakṣi॑ṇā / yadva॒hī / tenāgne॒yaḥ / yadṛ॑ṣa॒bhaḥ

1.7.2.3
tenai॒ndraḥ / yadvā॑ma॒naḥ / tena॑ vaiṣṇa॒vassamṛ॑ddhyai / a॒gnī॒ṣo॒mīya॒mekā॑daśakapāla॒nnirva॑pati / i॒ndrā॒so॒mīya॒mekā॑daśakapālam / sau॒myañca॒rum / somo॒ vai re॑to॒dhāḥ / a॒gni pra॒jānāṃ prajanayi॒tā / vṛ॒ddhānā॒mindra॑ pradāpayi॒tā / soma॑ e॒vāsmai॒ reto॒ dadhā॑ti

1.7.2.4
a॒gni pra॒jāṃ praja॑nayati / vṛ॒ddhāmindra॒ praya॑cchati / ba॒bhrurdakṣi॑ṇā॒ samṛ॑ddhyai / so॒mā॒pau॒ṣṇañca॒runnirva॑pati / ai॒ndrā॒pau॒ṣṇañca॒rum / somo॒ vai re॑to॒dhāḥ / pū॒ṣā pa॑śū॒nāṃ pra॑janayi॒tā / vṛ॒ddhānā॒mindra॑ pradāpayi॒tā / soma॑ e॒vāsmai॒ reto॒ dadhā॑ti / pū॒ṣā pa॒śūnpraja॑nayati

1.7.2.5
vṛ॒ddhānindra॒ praya॑cchati / pau॒ṣṇaśca॒rurbha॑vati / i॒yavvaim̐ pū॒ṣā / a॒syāme॒va prati॑tiṣṭhati / śyā॒mo dakṣi॑ṇā॒ samṛ॑ddhyai / ba॒hu vai puru॑ṣo me॒dhyamupa॑gacchati / vai॒śvā॒na॒randvāda॑śakapāla॒nnirva॑pati / sa॒vvam॒̐tsa॒ro vā a॒gnirvaiśvāna॒raḥ / sa॒vvam̐tsa॒reṇai॒vaina॑ svadayati / hira॑ṇya॒ndakṣi॑ṇā

1.7.2.6
pa॒vitra॒vvaim̐ hira॑ṇyam / pu॒nātye॒vainam / ba॒hu vai rā॑ja॒nyo'nṛ॑taṅkaroti / upa॑ jā॒myai hara॑te / ji॒nāti॑ brāhma॒ṇam / vada॒tyanṛ॑tam / anṛ॑te॒ khalu॒ vai kri॒yamā॑ṇe॒ varu॑ṇo gṛhṇāti / vā॒ru॒ṇayyam̐॑va॒maya॑ñca॒runnirva॑pati / va॒ru॒ṇa॒pā॒śāde॒vainaṃ॑ muñcati / aśvo॒ dakṣi॑ṇā / vā॒ru॒ṇo hi de॒vata॒yā'śva॒ssamṛ॑ddhyai

1.7.3.0
ra॒tni॒tvāya॒ samṛ॑ddhyai paṣṭhau॒hī dakṣi॑ṇā॒ samṛ॑ddhyai grāma॒ṇyo॑ gṛ॒he bhā॑gadu॒ghasya॑ gṛ॒he bha॑vati du॒gdhe॑'bhiji॑tyai॒ dve ca॑

1.7.3.1
ra॒tninā॑me॒tāni॑ ha॒vīṣi॑ bhavanti / e॒te vai rā॒ṣṭrasya॑ pradā॒tāraḥ॑ / e॒te॑'pādā॒tāraḥ॑ / ya e॒va rā॒ṣṭrasya॑ pradā॒tāraḥ॑ / ye॑'pādā॒tāraḥ॑ / ta e॒vāsmai॑ rā॒ṣṭraṃ praya॑cchanti / rā॒ṣṭrame॒va bha॑vati / yatsa॑mā॒hṛtya॑ ni॒rvapet / ara॑tninassyuḥ / ya॒thā॒ya॒thannirva॑pati ratni॒tvāya॑

1.7.3.2
yatsa॒dyo ni॒rvapet / yāva॑tī॒meke॑na ha॒viṣā॒''śiṣa॑mava ru॒ndhe / tāva॑tī॒mava॑rundhīta / a॒nva॒hannirva॑pati / bhūya॑sīme॒vāśiṣa॒mava॑ rundhe / bhūya॑so yajñakra॒tūnupai॑ti / bā॒r॒ha॒spa॒tyañca॒runnirva॑pati bra॒hmaṇo॑ gṛ॒he / mu॒kha॒ta e॒vāsmai॒ brahma॒ saśya॑ti / atho॒ brahma॑nne॒va kṣa॒ttrama॒nvāra॑mbhayati / śi॒ti॒pṛ॒ṣṭho dakṣi॑ṇā॒ samṛ॑ddhyai

1.7.3.3
ai॒ndramekā॑daśakapāla rāja॒nya॑sya gṛ॒he / i॒ndri॒yame॒vāva॑ rundhe / ṛ॒ṣa॒bho dakṣi॑ṇā॒ samṛ॑ddhyai / ā॒di॒tyañca॒ruṃ mahi॑ṣyai gṛ॒he / i॒yavvām̐ adi॑tiḥ / a॒syāme॒va prati॑tiṣṭhati / dhe॒nurdakṣi॑ṇā॒ samṛ॑ddhyai / bhagā॑ya ca॒ruvvām॒̐vātā॑yai gṛ॒he / bhaga॑me॒vāsmi॑ndadhāti / vici॑ttagarbhā paṣṭhau॒hī dakṣi॑ṇā॒ samṛ॑ddhyai

1.7.3.4
nai॒r॒ṛ॒tañca॒ruṃ pa॑rivṛ॒ktyai॑ gṛ॒he kṛ॒ṣṇānāṃ vrīhī॒ṇānna॒khani॑rbhinnam / pā॒pmāna॑me॒va niऱṛ॑tinni॒rava॑dayate / kṛ॒ṣṇā kū॒ṭā dakṣi॑ṇā॒ samṛ॑ddhyai / ā॒gne॒yama॒ṣṭāka॑pāla senā॒nyo॑ gṛ॒he / senā॑me॒vāsya॒ saśya॑ti / hira॑ṇya॒ndakṣi॑ṇā॒ samṛ॑ddhyai / vā॒ru॒ṇandaśa॑kapāla sū॒tasya॑ gṛ॒he / va॒ru॒ṇa॒sa॒vame॒vāva॑ rundhe / ma॒hāni॑raṣṭo॒ dakṣi॑ṇā॒ samṛ॑ddhyai / mā॒ru॒ta sa॒ptaka॑pālaṅgrāma॒ṇyo॑ gṛ॒he

1.7.3.5
anna॒vvaim̐ ma॒rutaḥ॑ / anna॑me॒vāva॑ rundhe / pṛśñi॒rdakṣi॑ṇā॒ samṛ॑ddhyai / sā॒vi॒trandvāda॑śakapālaṅkṣa॒tturgṛ॒he prasūtyai / u॒pa॒dhva॒sto dakṣi॑ṇā॒ samṛ॑ddhyai / ā॒śvi॒nandvi॑kapā॒la sa॑ṅgrahī॒turgṛ॒he / a॒śvinau॒ vai de॒vānāṃ bhi॒ṣajau / tābhyā॑me॒vāsmai॑ bheṣa॒jaṅka॑roti / sa॒vā॒tyau॑ dakṣi॑ṇā॒ samṛ॑ddhyai / pau॒ṣṇañca॒ruṃ bhā॑gadu॒ghasya॑ gṛ॒he

1.7.3.6
anna॒vvaim̐ pū॒ṣā / anna॑me॒vāva॑ rundhe / śyā॒mo dakṣi॑ṇā॒ samṛ॑ddhyai / rau॒draṅgā॑vīdhu॒kañca॒ruma॑kṣāvā॒pasya॑ gṛ॒he / a॒nta॒ta e॒va ru॒dranni॒rava॑dayate / śa॒bala॒ udvā॑ro॒ dakṣi॑ṇā॒ samṛ॑ddhyai / dvāda॑śai॒tāni॑ ha॒vīṣi॑ bhavanti / dvāda॑śa॒ māsāssavvam̐tsa॒raḥ / sa॒vvam॒̐tsa॒reṇai॒vāsmai॑ rā॒ṣṭramava॑rundhe / rā॒ṣṭrame॒va bha॑vati

1.7.3.7
yanna pra॑ti ni॒rvapet / ra॒tnina॑ ā॒śiṣo'va॑rundhīrann / prati॒nirva॑pati / indrā॑ya su॒trāmṇe॑ puro॒ḍāśa॒mekā॑daśakapālam / indrā॑yāho॒muce / ā॒śiṣa॑ e॒vāva॑rundhe / a॒yanno॒ rājā॑ vṛtra॒hā rājā॑ bhū॒tvā vṛ॒travvam̐॑dhyā॒dityā॑ha / ā॒śiṣa॑me॒vaitāmā śāste / mai॒trā॒bā॒r॒ha॒spa॒tyaṃ bha॑vati / śve॒tāyai śve॒tava॑tsāyai du॒gdhe

1.7.3.8
bā॒r॒ha॒spa॒tye mai॒tramapi॑ dadhāti / brahma॑ cai॒vāsmai kṣa॒trañca॑ sa॒mīcī॑ dadhāti / atho॒ brahma॑nne॒va kṣa॒traṃ prati॑ṣṭhāpayati / bā॒r॒ha॒spa॒tyena॒ pūrve॑ṇa॒ praca॑rati / mu॒kha॒ta e॒vāsmai॒ brahma॒ saśya॑ti / atho॒ brahma॑nne॒va kṣa॒trama॒nvāra॑mbhayati / sva॒ya॒ṅkṛ॒tā vedi॑rbhavati / sva॒ya॒ndi॒naṃ ba॒r॒hiḥ / sva॒ya॒ṅkṛ॒ta i॒dhmaḥ / ana॑bhijitasyā॒bhiji॑tyai / tasmā॒drājñā॒mara॑ṇyama॒bhiji॑tam / saiva śve॒tā śve॒tava॑tsā॒ dakṣi॑ṇā॒ samṛ॑ddhyai

1.7.4.0
sa॒tyānā॑madhā॒yītyā॑hātārī॒dityā॑ha kramata॒ eka॑ñca

1.7.4.1
de॒va॒su॒vāme॒tāni॑ ha॒vīṣi॑ bhavanti / e॒tāva॑nto॒ vai de॒vānā॑ sa॒vāḥ / ta e॒vāsmai॑ sa॒vānpraya॑cchanti / ta e॑na suvante / a॒gnire॒vaina॑ṅgṛ॒hapa॑tīnā suvate / somo॒ vana॒spatī॑nām / ru॒dra pa॑śū॒nām / bṛha॒spati॑rvā॒cām / indro jye॒ṣṭhānām / mi॒trassa॒tyānām

1.7.4.2
varu॑ṇo॒ dharma॑patīnām / e॒tade॒va sarvaṃ॑ bhavati / sa॒vi॒tā tvā prasa॒vānā॑ suvatā॒miti॒ hasta॑ṅgṛhṇāti॒ prasūtyai / ye de॑vā deva॒ssuva॒ssthetyā॑ha / ya॒thā॒ya॒jure॒vaitat / ma॒ha॒te kṣa॒trāya॑ maha॒ta ādhi॑patyāya maha॒te jāna॑rājyā॒yetyā॑ha / ā॒śiṣa॑me॒vaitāmā śāste / e॒ṣa vo॑ bharatā॒ rājā॒ somo॒'smākaṃ॑ brāhma॒ṇānā॒॒ rājetyā॑ha / tasmā॒tsoma॑rājāno brāhma॒ṇāḥ / prati॒ tyannāma॑ rā॒jyama॑dhā॒yītyā॑ha

1.7.4.3
rā॒jyame॒vāsmi॒nprati॑dadhāti / svānta॒nuva॒vvam̐ru॑ṇo aśiśre॒dityā॑ha / va॒ru॒ṇa॒sa॒vame॒vāva॑rundhe / śucermi॒trasya॒ vratyā॑ abhū॒metyā॑ha / śuci॑me॒vaina॒vvram̐tya॑ṅkaroti / ama॑nmahi maha॒ta ṛ॒tasya॒ nāmetyā॑ha / ma॒nu॒ta e॒vainam / sarve॒ vrātā॒ varu॑ṇasyābhūva॒nnityā॑ha / sarva॑vrātame॒vaina॑ṅkaroti / vi mi॒tra evai॒rarā॑timatārī॒dityā॑ha

1.7.4.4
arā॑timai॒vaina॑ntārayati / asū॑ṣudanta ya॒jñiyā॑ ṛ॒tenetyā॑ha / sva॒daya॑tye॒vainam / vyu॑ tri॒to ja॑ri॒māṇa॑nna āna॒ḍityā॑ha / āyu॑re॒vāsmi॑ndadhāti / dvābhyā॒vvim̐mṛ॑ṣṭe / dvi॒pādyaja॑māna॒ prati॑ṣṭhityai / a॒gnī॒ṣo॒mīya॑sya॒ caikā॑daśakapālasya devasu॒vāñca॑ ha॒viṣā॑ma॒gnaye sviṣṭa॒kṛte॑ sa॒mava॑dyati / de॒vatā॑bhire॒vaina॑mubha॒yata॒ pari॑gṛhṇāti / vi॒ṣṇu॒kra॒mānkra॑mate / viṣṇu॑re॒va bhū॒tvemāllom॒̐kāna॒bhija॑yati

1.7.5.0
ū॒rmirityā॑ha॒ sūrya॑varcasa॒ssthetyā॑ha brahmavarca॒sya॑kasteja॒syāssthetyā॑hai॒va puru॑ṣa॒ṣṣaṭ ca॑

1.7.5.1
a॒rtheta॒sstheti॑ juhoti / āhu॑tyai॒vainā॑ ni॒ṣkrīya॑ gṛhṇāti / atho॑ ha॒viṣkṛ॑tānāme॒vābhighṛ॑tānāṅgṛhṇāti / vaha॑ntīnāṅgṛhṇāti / e॒tā vā a॒pā rā॒ṣṭram / rā॒ṣṭrame॒vāsmai॑ gṛhṇāti / atho॒ śriya॑me॒vaina॑ma॒bhiva॑hanti / a॒pāṃ pati॑ra॒sītyā॑ha / mi॒thu॒name॒vākaḥ॑ / vṛṣā'syū॒rmirityā॑ha

1.7.5.2
ū॒rmi॒manta॑me॒vaina॑ṅkaroti / vṛ॒ṣa॒se॒no॑'sītyā॑ha / senā॑me॒vāsya॒ saśya॑ti / vra॒ja॒kṣita॒ssthetyā॑ha / e॒tā vā a॒pāvvim̐śaḥ॑ / viśa॑me॒vāsmai॒ paryū॑hati / ma॒rutā॒moja॒ssthetyā॑ha / anna॒vvaim̐ ma॒rutaḥ॑ / anna॑me॒vāva॑rundhe / sūrya॑varcasa॒ssthetyā॑ha

1.7.5.3
rā॒ṣṭrame॒va va॑rca॒svya॑kaḥ / sūrya॑tvacasa॒ssthetyā॑ha / sa॒tyavvām̐ e॒tat / yadvaऱṣa॑ti / anṛ॑ta॒yyam̐dā॒tapa॑ti॒ vaऱṣa॑ti / sa॒tyā॒nṛ॒te e॒vāva॑rundhe / naina॑ satyānṛ॒te u॑di॒te hi॑staḥ / ya e॒vavvem̐da॑ / māndā॒ssthetyā॑ha / rā॒ṣṭrame॒va bra॑hmavarca॒sya॑kaḥ

1.7.5.4
vāśā॒ssthetyā॑ha / rā॒ṣṭrame॒va va॒śya॑kaḥ / śakva॑rī॒ssthetyā॑ha / pa॒śavo॒ vai śakva॑rīḥ / pa॒śūne॒vāva॑rundhe / vi॒śva॒bhṛta॒ssthetyā॑ha / rā॒ṣṭrame॒va pa॑ya॒svya॑kaḥ / ja॒na॒bhṛta॒ssthetyā॑ha / rā॒ṣṭrame॒vendri॑yā॒vya॑kaḥ / a॒gneste॑ja॒syāssthetyā॑ha

1.7.5.5
rā॒ṣṭrame॒va te॑ja॒svya॑kaḥ / a॒pāmoṣa॑dhīnā॒॒ rasa॒ssthetyā॑ha / rā॒ṣṭrame॒va ma॑dha॒vya॑makaḥ / sā॒ra॒sva॒taṅgraha॑ṅgṛhṇāti / e॒ṣā vā a॒pāmpṛ॒ṣṭham / yatsara॑svatī / pṛ॒ṣṭhame॒vaina॑ samā॒nānāṅkaroti / ṣo॒ḍa॒śabhi॑rgṛhṇāti / ṣoḍa॑śakalo॒ vai puru॑ṣaḥ / yāvā॑ne॒va puru॑ṣaḥ / tasmi॑nvī॒rya॑ndadhāti / ṣo॒ḍa॒śabhi॑rju॒hoti॑ ṣoḍa॒śabhi॑rgṛhṇāti / dvātri॑śa॒tsaṃpa॑dyante / dvātri॑śadakṣarā'nu॒ṣṭuk / vāga॑nu॒ṣṭuphsarvā॑ṇi॒ chandā॑si / vā॒caivaina॒॒ sarve॑bhi॒śchando॑bhira॒bhiṣi॑ñcati

1.7.6.0
vyāvṛ॑ttyai dā॒trama॒sītyā॑hā॒mṛta॒॒ hira॑ṇyamekaśa॒to ga॑maya॒ntyāha॑ brāhma॒ṇā nā॒ṣṭrābhya॑ pā॒tetyā॑ha ca॒tvāri॑ ca

1.7.6.1
devī॑rāpa॒ssaṃ madhu॑matī॒rmadhu॑matībhissṛjyadhva॒mityā॑ha / brahma॑ṇai॒vainā॒ssa sṛ॑jati / anā॑dhṛṣṭāssīda॒tetyā॑ha / brahma॑ṇai॒vaināssādayati / a॒nta॒rā hotu॑śca॒ dhiṣṇi॑yaṃ brāhmaṇāccha॒॒sina॑śca sādayati / ā॒gne॒yo vai hotā / ai॒ndro brāhmaṇāccha॒॒sī / teja॑sā cai॒vendri॒yeṇa॑ cobha॒yato॑ rā॒ṣṭraṃ pari॑gṛhṇāti / hira॑ṇye॒notpu॑nāti / āhu॑tyai॒ hi pa॒vitrābhyāmutpu॒nanti॒ vyāvṛ॑ttyai

1.7.6.2
śa॒tamā॑naṃ bhavati / śa॒tāyu॒ puru॑ṣaśśa॒tendri॑yaḥ / āyu॑ṣye॒vendri॒ye prati॑tiṣṭhati / ani॑bhṛṣṭama॒sītyā॑ha / ani॑bhṛṣṭa॒॒ hye॑tat / vā॒co bandhu॒rityā॑ha / vā॒co hye॑ṣa bandhuḥ॑ / ta॒po॒jā ityā॑ha / ta॒po॒jā hye॑tat / soma॑sya dā॒trama॒sītyā॑ha

1.7.6.3
soma॑sya॒ hye॑taddā॒tram / śu॒krā va॑śśu॒kreṇotpu॑nā॒mītyā॑ha / śu॒krā hyāpaḥ॑ / śu॒kra hira॑ṇyam / ca॒ndrāśca॒ndreṇetyā॑ha / ca॒ndrā hyāpaḥ॑ / ca॒ndra hira॑ṇyam / a॒mṛtā॑ a॒mṛte॒netyā॑ha / a॒mṛtā॒ hyāpaḥ॑ / a॒mṛta॒॒ hira॑ṇyam

1.7.6.4
svāhā॑ rāja॒sūyā॒yetyā॑ha / rā॒ja॒sūyā॑ya॒ hye॑nā utpu॒nāti॑ / sa॒dha॒mādo dyu॒mninī॒rūrja॑ e॒tā iti॑ vāru॒ṇyarcā gṛ॑hṇāti / va॒ru॒ṇa॒sa॒vame॒vāva॑rundhe / eka॑yā gṛhṇāti / e॒ka॒dhaiva yaja॑māne vī॒rya॑ndadhāti / kṣa॒ttrasyolba॑masi kṣa॒ttrasya॒ yoni॑ra॒sīti॑ tā॒rpyañco॒ṣṇīṣa॑ñca॒ praya॑cchati sayoni॒tvāya॑ / eka॑śatena darbhapuñjī॒lai pa॑vayati / śa॒tāyu॒rvai puru॑ṣaśśa॒tavīryaḥ / ā॒tmaika॑śa॒taḥ

1.7.6.5
yāvā॑ne॒va puru॑ṣaḥ / tasmi॑nvī॒rya॑ndadhāti / dadhyā॑śayati / i॒ndri॒yame॒vāva॑ rundhe / u॒du॒mbara॑māśayati / a॒nnādya॒syāva॑ruddhyai / śaṣpāṇyāśayati / surā॑balime॒vaina॑ṅkaroti / ā॒vida॑ e॒tā bha॑vanti / ā॒vida॑me॒vaina॑ṅgamayanti

1.7.6.6
a॒gnire॒vaina॒ṅgāऱha॑patyenāvati / indra॑ indri॒yeṇa॑ / pū॒ṣā pa॒śubhiḥ॑ / mi॒trāvaru॑ṇau prāṇāpā॒nābhyām / indro॑ vṛ॒trāya॒ vajra॒muda॑yacchat / sa diva॑malikhat / so'rya॒mṇa panthā॑ abhavat / sa āvi॑nne॒ dyāvā॑pṛthi॒vī dhṛ॒tavra॑te॒ iti॒ dyāvā॑pṛthi॒vī upā॑dhāvat / sa ā॒bhyāme॒va prasū॑ta॒ indro॑ vṛ॒trāya॒ vajraṃ॒ prāha॑rat / āvi॑nne॒ dyāvā॑pṛthi॒vī dhṛ॒tavra॑te॒ iti॒ yadāha॑

1.7.6.7
ā॒bhyāme॒va prasū॑to॒ yaja॑māno॒ vajraṃ॒ bhrātṛ॑vyāya॒ praha॑rati / āvi॑nnā de॒vyadi॑tirviśvarū॒pītyā॑ha / i॒yavvaim̐ de॒vyadi॑tirviśvarū॒pī / a॒syāme॒va prati॑ tiṣṭhati / āvi॑nno॒'yama॒sāvā॑muṣyāya॒ṇo'syāvvim॒̐śya॑sminrā॒ṣṭra ityā॑ha / vi॒śaivaina॑ rā॒ṣṭreṇa॒ sama॑rdhayati / ma॒ha॒te kṣa॒ttrāya॑ maha॒ta ādhi॑patyāya maha॒te jāna॑rājyā॒yetyā॑ha / ā॒śiṣa॑me॒vaitāmā śāste / e॒ṣa vo॑ bharatā॒ rājā॒ somo॒'smākaṃ॑ brāhma॒ṇānā॒॒ rājetyā॑ha / tasmā॒tsoma॑rājāno brāhma॒ṇāḥ

1.7.6.8
indra॑sya॒ vajro॑'si॒ vārtra॑ghna॒ iti॒ dhanu॒ praya॑cchati॒ viji॑tyai / śa॒tru॒bādha॑nā॒ssthetīṣūn॑ / śatrū॑ne॒vāsya॑ bādhante / pā॒ta mā pra॒tyañcaṃ॑ pā॒ta mā॑ ti॒ryañca॑ma॒nvañcaṃ॑ mā pā॒tetyā॑ha / ti॒sro vai śa॑ra॒vyāḥ / pra॒tīcī॑ ti॒raścya॒nūcī / tābhya॑ e॒vainaṃ॑ pānti / di॒gbhyo mā॑ pā॒tetyā॑ha / di॒gbhya e॒vainaṃ॑ pānti / viśvābhyo mā nā॒ṣṭrābhya॑ pā॒tetyā॑ha / apa॑rimitāde॒vainaṃ॑ pānti / hira॑ṇyavarṇāvu॒ṣasāvvim̐ro॒ka iti॑ tri॒ṣṭubhā॑ bā॒hū udgṛ॑hṇāti / i॒ndri॒yavvaim̐ vī॒rya॑ntri॒ṣṭuk / i॒ndri॒yame॒va vī॒rya॑mu॒pari॑ṣṭādā॒tmandha॑tte

1.7.7.0
ru॒ndhe॒ sama॑ṣṭyā asicyata sthāpayati॒ jāya॑te॒ pañca॑ ca

1.7.7.1
diśo॒ vyāsthā॑payati / di॒śāma॒bhiji॑ttyai / yada॑nu pra॒krāmet / a॒bhi diśo॑ jayet / uttu mādyet / mana॒sā'nu॒ prakrā॑mati / a॒bhi diśo॑ jayati / nonmādyati / sa॒midha॒mā ti॒ṣṭhetyā॑ha / teja॑ e॒vāva॑rundhe

1.7.7.2
u॒grāmā ti॒ṣṭhetyā॑ha / i॒ndri॒yame॒vāva॑rundhe / vi॒rāja॒māti॒ṣṭhetyā॑ha / a॒nnādya॑me॒vāva॑rundhe / udī॑cī॒mā ti॒ṣṭhetyā॑ha / pa॒śūne॒vāva॑rundhe / ū॒rdhvāmāti॒ṣṭhetyā॑ha / su॒va॒rgame॒va lo॒kama॒bhija॑yati / anūjji॑hīte / su॒va॒rgasya॑ lo॒kasya॒ sama॑ṣṭyai

1.7.7.3
mā॒ru॒ta e॒ṣa bha॑vati / anna॒vvaim̐ ma॒rutaḥ॑ / anna॑me॒vāva॑rundhe / eka॑viśatikapālo bhavati॒ prati॑ṣṭhityai / yo॑'raṇye'nuvā॒kyo॑ ga॒ṇaḥ / taṃ ma॑dhya॒ta upa॑dadhāti / grā॒myaire॒va pa॒śubhi॑rāra॒ṇyānpa॒śūnpari॑ gṛhṇāti / tasmādgrā॒myai pa॒śubhi॑rāra॒ṇyā pa॒śava॒ pari॑gṛhītāḥ / pṛthi॑rvai॒nyaḥ / a॒bhya॑ṣicyata

1.7.7.4
sa rā॒ṣṭrannābha॑vat / sa e॒tāni॑ pā॒rthānya॑paśyat / tānya॑juhot / tairvai sa rā॒ṣṭrama॑bhavat / yatpā॒rthāni॑ ju॒hoti॑ / rā॒ṣṭrame॒va bha॑vati / bā॒r॒ha॒spa॒tyaṃ pūrve॑ṣāmutta॒maṃ bha॑vati / ai॒ndramutta॑reṣāṃ pratha॒mam / brahma॑ cai॒vāsmai kṣa॒ttrañca॑ sa॒mīcī॑ dadhāti / atho॒ brahma॑nne॒va kṣa॒ttraṃ prati॑ṣṭhāpayati

1.7.7.5
ṣaṭpu॒rastā॑dabhiṣe॒kasya॑ juhoti / ṣaḍu॒pari॑ṣṭāt / dvāda॑śa॒ saṃpa॑dyante / dvāda॑śa॒ māsāssavvam̐tsa॒raḥ / sa॒vvam॒̐tsa॒ra khalu॒ vai dai॒vānāṃ॒ pūḥ / de॒vānā॑me॒va puraṃ॑ madhya॒to vyava॑sarpati / tasya॒ na kuta॑śca॒nopāvyā॒dho bha॑vati / bhū॒tānā॒maveṣṭīrjuhoti / atrātra॒ vai mṛ॒tyurjā॑yate / yatra॑yatrai॒va mṛ॒tyurjāya॑te / tata॑ e॒vaina॒mava॑yajate / tasmādrāja॒sūye॑nejā॒no nābhica॑rita॒vai / pra॒tyage॑namabhicā॒rasstṛ॑ṇute

1.7.8.0
bha॒va॒tyā॒hu॒ puru॑ṣa॒ oja॒setyā॑ha ni॒rava॑dayate yajate॒ janyo॒ dve ca॑

1.7.8.1
soma॑sya॒ tviṣi॑rasi॒ tave॑va me॒ tviṣi॑rbhūyā॒diti॑ śārdūlaca॒rmopa॑stṛṇāti / yaiva some॒ tviṣiḥ॑ / yā śārdū॒le / tāme॒vāva॑rundhe / mṛ॒tyorvā e॒ṣa varṇaḥ॑ / yacchārdū॒laḥ / a॒mṛta॒॒ hira॑ṇyam / a॒mṛta॑masi mṛ॒tyormā॑ pā॒hīti॒ hira॑ṇya॒mupāsyati / a॒mṛta॑me॒va mṛ॒tyora॒ntardha॑tte / śa॒tamā॑naṃ bhavati

1.7.8.2
śa॒tāyu॒ puru॑ṣaśśa॒tendri॑yaḥ / āyu॑ṣye॒vendri॒ye prati॑tiṣṭhati / di॒dyonmā॑ pā॒hītyu॒pari॑ṣṭā॒dadhi॒ nida॑dhāti / u॒bha॒yata॑ e॒vāsmai॒ śarma॑ dadhāti / aveṣṭā danda॒śūkā॒ iti॑ klī॒ba sīse॑na vidhyati / da॒nda॒śūkā॑ne॒vāva॑yajate / tasmātklī॒banda॑nda॒śūkā॒ daśu॑kāḥ / nira॑sta॒nnamu॑ce॒śśira॒ iti॑ lohitāya॒sannira॑syati / pā॒pmāna॑me॒va namu॑cinni॒rava॑dayate / prā॒ṇā ā॒tmana॒ pūrve॑'bhi॒ṣicyā॒ ityā॑huḥ

1.7.8.3
somo॒ rājā॒ varu॑ṇaḥ / dai॒vā dha॑rma॒suva॑śca॒ ye / te te॒ vāca॑ suvantā॒nte te prā॒ṇa su॑vantā॒mityā॑ha / prā॒ṇāne॒vātmana॒ pūrvā॑na॒bhiṣi॑ñcati / yadbrū॒yāt / a॒gnestvā॒ teja॑sā॒'bhiṣi॑ñcā॒mīti॑ / te॒ja॒svye॑va syāt / du॒ścarmā॒ tu bha॑vet / soma॑sya tvā dyu॒mnenā॒bhiṣi॑ñcā॒mītyā॑ha / sau॒myo vai de॒vata॑yā॒ puru॑ṣaḥ

1.7.8.4
svayai॒vaina॑nde॒vata॑yā॒'bhiṣi॑ñcati / a॒gnesteja॒setyā॑ha / teja॑ e॒vāsmi॑ndadhāti / sūrya॑sya॒ varca॒setyā॑ha / varca॑ e॒vāsmi॑ndadhāti / indra॑syendri॒yeṇetyā॑ha / i॒ndri॒yame॒vāsmi॑ndadhāti / mi॒trāvaru॑ṇayorvī॒rye॑ṇetyā॑ha / vī॒rya॑me॒vāsmi॑ndadhāti / ma॒rutā॒moja॒setyā॑ha

1.7.8.5
oja॑ e॒vāsmi॑ndadhāti / kṣa॒ttrāṇāṅkṣa॒ttrapa॑tira॒sītyā॑ha / kṣa॒ttrāṇā॑me॒vaina॑ṅkṣa॒ttrapa॑tiṅkaroti / ati॑ di॒vaspā॒hītyā॑ha / atya॒nyānpā॒hīti॒ vāvaitadā॑ha / sa॒māva॑vṛtrannadha॒rāgudī॑cī॒rityā॑ha / rā॒ṣṭrame॒vāsmi॑ndhru॒vama॑kaḥ / u॒ccheṣa॑ṇena juhoti / u॒ccheṣa॑ṇabhāgo॒ vai ru॒draḥ / bhā॒ga॒dheye॑nai॒va ru॒dranni॒rava॑dayate

1.7.8.6
uda॑ṅpa॒retyāgnīddhre juhoti / e॒ṣā vai ru॒drasya॒ dik / svāyā॑me॒va di॒śi ru॒dranni॒rava॑dayate / rudra॒ yatte॒ krayī॒ para॒nnāmetyā॑ha / yadvā a॑sya॒ krayī॒ para॒nnāma॑ / tena॒ vā e॒ṣa hi॑nasti / ya hi॒nasti॑ / tenai॒vaina॑ sa॒ha śa॑mayati / tasmai॑ hu॒tama॑si ya॒meṣṭa॑ma॒sītyā॑ha / ya॒māde॒vāsya॑ mṛ॒tyumava॑yajate

1.7.8.7
prajā॑pate॒ na tvade॒tānya॒nya iti॒ tasyai॑ gṛ॒he ju॑huyāt / yāṅkā॒maye॑ta rā॒ṣṭrama॑syai pra॒jā syā॒diti॑ / rā॒ṣṭrame॒vāsyai pra॒jā bha॑vati / pa॒rṇa॒maye॑nādhva॒ryura॒bhiṣi॑ñcati / bra॒hma॒va॒rca॒same॒vāsmi॒ntviṣi॑ndadhāti / audu॑mbareṇa rāja॒nyaḥ॑ / ūrja॑me॒vāsmi॑nna॒nnādya॑ndadhāti / āśva॑tthena॒ vaiśyaḥ॑ / viśa॑me॒vāsmi॒npuṣṭi॑ndadhāti / naiya॑grodhena॒ janyaḥ॑ / mi॒trāṇye॒vāsmai॑ kalpayati / atho॒ prati॑ṣṭhityai

1.7.9.0
pa॒dya॒nte॒ da॒dhā॒ti॒ vī॒rye॑ṇetyā॒hānātyai॒ prati॑ṣṭhityai॒ brahma॒ṇā''da॑dhāti sa॒pta ca॑

1.7.9.1
indra॑sya॒ vajro॑'si॒ vārtra॑ghna॒ iti॒ ratha॑mu॒pāva॑harati॒ viji॑tyai / mi॒trāvaru॑ṇayostvā praśā॒stro pra॒śiṣā॑ yuna॒jmītyā॑ha / brahma॑ṇai॒vaina॑nde॒vatābhyāyyum̐nakti / pra॒ṣṭi॒vā॒hina॑yyum̐nakti / pra॒ṣṭi॒vā॒hī vai de॑vara॒thaḥ / de॒va॒ra॒thame॒vāsmai॑ yunakti / trayo'śvā॑ bhavanti / ratha॑ścatu॒rthaḥ / dvau sa॑vyeṣṭhasāra॒thī / ṣaṭtsaṃ pa॑dyante

1.7.9.2
ṣaḍvā ṛ॒tavaḥ॑ / ṛ॒tubhi॑re॒vaina॑yyum̐nakti / vi॒ṣṇu॒kra॒mānkra॑mate / viṣṇu॑re॒va bhū॒tvemāllom॒̐kāna॒bhija॑yati / yaḥ kṣa॒triya॒ prati॑hitaḥ / so'nvāra॑bhate / rā॒ṣṭrame॒va bha॑vati / tri॒ṣṭubhā॒'nvāra॑bhate / i॒ndri॒yavvaim̐ tri॒ṣṭuk / i॒ndri॒yame॒va yaja॑māne dadhāti

1.7.9.3
ma॒rutāṃ prasa॒ve je॑ṣa॒mityā॑ha / ma॒rudbhi॑re॒va prasū॑ta॒ ujja॑yati / ā॒ptaṃ mana॒ ityā॑ha / yade॒va mana॒saiphsīt / tadā॑pat / rā॒ja॒nya॑ñjināti / anākrānta e॒vākra॑mate / vi vā e॒ṣa i॑ndri॒yeṇa॑ vī॒rye॑ṇardhyate / yo rā॑ja॒nya॑ñji॒nāti॑ / sama॒hami॑ndri॒yeṇa॑ vī॒rye॑ṇetyā॑ha

1.7.9.4
i॒ndri॒yame॒va vī॒rya॑mā॒tmandha॑tte / pa॒śū॒nāṃ ma॒nyura॑si॒ tave॑va me ma॒nyurbhū॑yā॒diti॒ vārā॑hī upā॒nahā॒vupa॑ muñcate / pa॒śū॒nāvvām̐ e॒ṣa ma॒nyuḥ / yadva॑rā॒haḥ / tenai॒va pa॑śū॒nāṃ ma॒nyumā॒tmandha॑tte / a॒bhi vā i॒ya su॑ṣuvā॒ṇaṅkā॑mayate / tasyeśva॒rendri॒yavvīm॒̐rya॑mādā॑toḥ / vārā॑hī upā॒nahā॒vupa॑muñcate / a॒syā e॒vāntardha॑tte / i॒ndri॒yasya॑ vī॒rya॑syānātyai

1.7.9.5
namo॑ mā॒tre pṛ॑thi॒vyā ityā॒hāhi॑sāyai / iya॑da॒syāyu॑ra॒syāyu॑rme dhe॒hītyā॑ha / āyu॑re॒vātmandha॑tte / ūrga॒syūrjaṃ॑ me dhe॒hītyā॑ha / ūrja॑me॒vātmandha॑tte / yuṅṅa॑si॒ varco॑si॒ varco॒ mayi॑ dhe॒hītyā॑ha / varca॑ e॒vātmandha॑tte / e॒ka॒dhā bra॒hmaṇa॒ upa॑harati / e॒ka॒dhaiva yaja॑māna॒ āyu॒rūrja॒vvam̐rco॑ dadhāti / ra॒tha॒vi॒mo॒ca॒nīyā॑ juhoti॒ prati॑ṣṭhityai

1.7.9.6
trayo'śvā॑ bhavanti / ratha॑ścatu॒rthaḥ / tasmācca॒turju॑hoti / yadu॒bhau sa॒hāva॒tiṣṭhe॑tām / sa॒mā॒nallom॒̐kami॑yātām / sa॒ha sa॑ṅgrahī॒trā ra॑tha॒vāha॑ne॒ ratha॒māda॑dhāti / su॒va॒rgāde॒vaina॑llom॒̐kāda॒ntarda॑dhāti / ha॒॒saśśu॑ci॒ṣadityāda॑dhāti / brahma॑ṇai॒vaina॑mupāva॒hara॑ti / brahma॒ṇā''da॑dhāti / ati॑cchanda॒sā''da॑dhāti / ati॑cchandā॒ vai sarvā॑ṇi॒ chandā॑si / sarve॑bhire॒vaina॒ñchando॑bhi॒rāda॑dhāti / varṣma॒ vā e॒ṣā chanda॑sām / yadati॑cchandāḥ / yadati॑cchandasā॒ dadhā॑ti / varṣmai॒vaina॑ samā॒nānāṅkaroti

1.7.10.0
de॒vairityā॑ha sa॒tyasa॑vaṅkaroti tri॒ṣṭubha॑me॒vaitenā॑bhi॒ vyāha॑rati satyānṛ॒te e॒vāva॑rundhe karoti śa॒tendri॑ya॒ṣṣaṭ ca॑

1.7.10.1
mi॒tro॑'si॒ varu॑ṇo॒'sītyā॑ha / mai॒travvām̐ ahaḥ॑ / vā॒ru॒ṇī rātriḥ॑ / a॒ho॒rā॒trābhyā॑me॒vaina॑mu॒pāva॑harati / mi॒tro॑'si॒ varu॑ṇo॒'sītyā॑ha / mai॒tro vai dakṣi॑ṇaḥ / vā॒ru॒ṇassa॒vyaḥ / vai॒śva॒de॒vyā॑mikṣā / svame॒vainau॑ bhāga॒dheya॑mu॒pāva॑harati / sama॒havvim̐śvairde॒vairityā॑ha

1.7.10.2
vai॒śva॒de॒vyo॑ vai pra॒jāḥ / tā e॒vādyā kurute / kṣa॒ttrasya॒ nābhi॑rasi kṣa॒ttrasya॒ yoni॑ra॒sītya॑dhīvā॒samāstṛ॑ṇāti sayoni॒tvāya॑ / syo॒nāmā sī॑da su॒ṣadā॒mā sī॒detyā॑ha / ya॒thā॒ya॒jure॒vaitat / mā tvā॑ hisī॒nmā mā॑ hisī॒dityā॒hāhi॑sāyai / niṣa॑sāda dhṛ॒tavra॑to॒ varu॑ṇa pa॒styāsvā sāmrājyāya su॒kratu॒rityā॑ha / sāmrājyame॒vaina॑ su॒kratu॑ṅkaroti / brahmā(३)ntva rā॑janbra॒hmā'si॑ savi॒tā'si॑ sa॒tyasa॑va॒ ityā॑ha / sa॒vi॒tāra॑me॒vaina॑ sa॒tyasa॑vaṅkaroti

1.7.10.3
brahmā(३)ntva rā॑janbra॒hmā'sīndro॑'si sa॒tyaujā॒ ityā॑ha / indra॑me॒vaina॑ sa॒tyauja॑saṅkaroti / brahmā(३)ntva rā॑janbra॒hmā'si॑ mi॒tro॑'si su॒śeva॒ ityā॑ha / mi॒trame॒vaina॑ su॒śeva॑ṅkaroti / brahmā(३)ntva rā॑janbra॒hmāsi॒ varu॑ṇo'si sa॒tyadha॒rmetyā॑ha / varu॑ṇame॒vaina॑ sa॒tyadha॑rmāṇaṅkaroti / sa॒vi॒tā'si॑ sa॒tyasa॑va॒ ityā॑ha / gā॒ya॒trīme॒vaitenā॑bhi॒ vyāha॑rati / indro॑'si sa॒tyaujā॒ ityā॑ha / tri॒ṣṭubha॑me॒vaitenā॑bhi॒ vyāha॑rati

1.7.10.4
mi॒tro॑'si su॒śeva॒ ityā॑ha / jaga॑tīme॒vaitenā॑bhi॒ vyāha॑rati / sa॒tyame॒tā de॒vatāḥ / sa॒tyame॒tāni॒ chandā॑si / sa॒tyame॒vāva॑rundhe / varu॑ṇo'si sa॒tyadha॒rmetyā॑ha / a॒nu॒ṣṭubha॑me॒vaitenā॑bhi॒ vyāha॑rati / sa॒tyā॒nṛ॒te vā a॑nu॒ṣṭup / sa॒tyā॒nṛ॒te varu॑ṇaḥ / sa॒tyā॒nṛ॒te e॒vāva॑rundhe

1.7.10.5
naina॑ satyānṛ॒te u॑di॒te hi॑staḥ / ya e॒vavvem̐da॑ / indra॑sya॒ vajro॑'si॒ vārtra॑ghna॒ iti॒ sphyaṃ praya॑cchati / vajro॒ vai sphyaḥ / vajre॑ṇai॒vāsmā॑ avarapa॒ra ra॑ndhayati / e॒va hi tacchreyaḥ॑ / yada॑smā e॒te radhye॑yuḥ / diśo॒'bhya॑ya rājā॑'bhū॒diti॒ pañcā॒kṣānpraya॑cchati / e॒te vai sarve'yāḥ / apa॑rājāyiname॒vaina॑ṅkaroti

1.7.10.6
o॒da॒namudbru॑vate / pa॒ra॒me॒ṣṭhī vā e॒ṣaḥ / yado॑da॒naḥ / pa॒ra॒māme॒vaina॒॒ śriya॑ṅgamayati / suślo॒kām̐ 4 suma॑ṅga॒lām̐ 4 satya॑rā॒jā ३ nityā॑ha / ā॒śiṣa॑me॒vaitāmā śāste / śau॒na॒śśe॒pamākhyā॑payate / va॒ru॒ṇa॒pā॒śāde॒vainaṃ॑ muñcati / pa॒ra॒śśa॒taṃ bha॑vati / śa॒tāyu॒ puru॑ṣaśśa॒tendri॑yaḥ / āyu॑ṣye॒vendri॒ye prati॑ tiṣṭhati / mā॒ru॒tasya॒ caika॑viśatikapālasya vaiśvade॒vyai cā॒mikṣā॑yā a॒gnaye sviṣṭa॒kṛte॑ sa॒mava॑dyati / de॒vatā॑bhire॒vaina॑mubha॒yata॒ pari॑ gṛhṇāti / a॒pānnaptre॒ svāho॒rjo naptre॒ svāhā॒'gnaye॑ gṛ॒hapa॑taye॒ svāheti॑ ti॒sra āhu॑tīrjuhoti / traya॑ i॒me lo॒kāḥ / e॒ṣve॑va lo॒keṣu॒ prati॑ tiṣṭhati

1.8.0.0
varu॑ṇasya jā॒mi vā īśva॒ra āgne॒yamindra॑sya॒ yattri॒ṣva॑gniṣṭo॒mamupa॑ tve॒yam̐vvai ra॑ja॒tā'pra॑tiṣṭhito॒ daśa॑

varu॑ṇasya॒ yada॒śvibhyā॒yyam̐ttri॒ṣu tasmā॒dudva॑tīssa॒ptatri॑śat

varu॑ṇasya॒ prati॑tiṣṭhati // hariḥ॑ om // prathamāṣṭake aṣṭamaprapāṭhakaḥ, prathamāṣṭakaṃ ca samāptam //
1.8.0.0
taittirīyabrāhmaṇe prathamāṣṭake aṣṭama prapāṭhaka prārambhaḥ / hariḥ om //
1.8.1.0
sa॒pta॒me da॑dhāti॒ pañca॑ ca

1.8.1.1
varu॑ṇasya suṣuvā॒ṇasya॑ daśa॒dhendri॒yavvīm॒̐ryaṃ॑ parā॑'patat / tatsa॒॒sṛdbhi॒ranu॒ sama॑sarpat / tatsa॒॒sṛpā॑ sasṛ॒ttvam / a॒gninā॑ de॒vena॑ pratha॒me'ha॒nnanu॒ prāyu॑ṅkta / sara॑svatyā vā॒cā dvi॒tīye / sa॒vi॒trā pra॑sa॒vena॑ tṛ॒tīye / pū॒ṣṇā pa॒śubhi॑ścatu॒rthe / bṛha॒spati॑nā॒ brahma॑ṇā pañca॒me / indre॑ṇa de॒vena॑ ṣa॒ṣṭhe / varu॑ṇena॒ svayā॑ de॒vata॑yā sapta॒me

1.8.1.2
some॑na॒ rājñā'ṣṭa॒me / tvaṣṭrā॑ rū॒peṇa॑ nava॒me / viṣṇu॑nā ya॒jñenāpnot / yatsa॒॒sṛpo॒ bhava॑nti / i॒ndri॒yame॒va tadvī॒rya॑yyam̐ja॑māna āpnoti / pūrvā॑pūrvā॒ vedi॑rbhavati / i॒ndri॒yasya॑ vī॒rya॑syāva॑ruddhyai / pu॒rastā॑dupa॒sadā॑ sau॒myena॒ praca॑rati / somo॒ vai re॑to॒dhāḥ / reta॑ e॒va tadda॑dhāti / a॒nta॒rā tvā॒ṣṭreṇa॑ / reta॑ e॒va hi॒tantvaṣṭā॑ rū॒pāṇi॒ vika॑roti / u॒pari॑ṣṭādvaiṣṇa॒vena॑ / ya॒jño vai viṣṇuḥ॑ / ya॒jña e॒vānta॒ta prati॑ tiṣṭhati

1.8.2.0
vi॒rāṭpra॒jāpa॑ti॒raśva॑ pra॒jāpa॑te॒rāptyai॑ yajate brahmasā॒maṃ bha॑vati sa॒pta ca॑

1.8.2.1
jā॒mi vā e॒tatku॑rvanti / yatsa॒dyo dī॒kṣaya॑nti sa॒dyassoma॑ṅkrī॒ṇanti॑ / pu॒ṇḍa॒ri॒sra॒jāṃ praya॑ccha॒tyajā॑mitvāya / aṅgi॑rasassuva॒rgallom॒̐kayyam̐ntaḥ॑ / a॒phsu dīkṣāta॒pasī॒ prāve॑śayann / tatpu॒ṇḍarī॑kamabhavat / yatpu॑ṇḍarisra॒jāṃ pra॒yaccha॑ti / sā॒kṣāde॒va dīkṣāta॒pasī॒ ava॑rundhe / da॒śabhi॑rvatsata॒raissoma॑ṅkrīṇāti / daśākṣarā vi॒rāṭ

1.8.2.2
anna॑vvim॒̐rāṭ / vi॒rājai॒vānnādya॒mava॑ rundhe / mu॒ṣka॒rā bha॑vanti sendra॒tvāya॑ / da॒śa॒peyo॑ bhavati / a॒nnādya॒syāva॑ruddhyai / śa॒taṃ brāhma॒ṇā pi॑banti / śa॒tāyu॒ puru॑ṣaśśa॒tendri॑yaḥ / āyu॑ṣye॒vendri॒ye prati॑tiṣṭhati / sa॒pta॒da॒śa sto॒traṃ bha॑vati / sa॒pta॒da॒śa pra॒jāpa॑tiḥ

1.8.2.3
pra॒jāpa॑te॒rāptyai / prā॒kā॒śāva॑dhva॒ryave॑ dadāti / pra॒kā॒śame॒vaina॑ṅgamayati / sraja॑mudgā॒tre / vye॑vāsmai॑ vāsayati / ru॒kma hotre / ā॒di॒tyame॒vāsmā॒ unna॑yati / aśvaṃ॑ prastotṛpratiha॒rtṛbhyām / prā॒jā॒pa॒tyo vā aśvaḥ॑ / pra॒jāpa॑te॒rāptyai

1.8.2.4
dvāda॑śa paṣṭhau॒hīrbra॒hmaṇe / āyu॑re॒vāva॑rundhe / va॒śāṃ maitrāvaru॒ṇāya॑ / rā॒ṣṭrame॒va va॒śya॑kaḥ / ṛ॒ṣa॒bhaṃ brāhmaṇāccha॒॒sine / rā॒ṣṭrame॒vendri॑yā॒vya॑kaḥ / vāsa॑sī neṣṭāpo॒tṛbhyām / pa॒vitre॑ e॒vāsyai॒te / sthūri॑ yavāci॒tama॑cchāvā॒kāya॑ / a॒nta॒ta e॒va varu॑ṇa॒mava॑ yajate

1.8.2.5
a॒naḍvāha॑ma॒gnīdhe / vahni॒rvā a॑na॒ḍvān / vahni॑ra॒gnīt / vahni॑nai॒va vahni॑ ya॒jñasyāva॑rundhe / indra॑sya suṣuvā॒ṇasya॑ tre॒dhendri॒yavvīm॒̐ryaṃ॑ parā॑'patat / bhṛgu॒stṛtī॑yamabhavat / śrā॒ya॒ntīya॒ntṛtī॑yam / sara॑svatī॒ tṛtī॑yam / bhā॒rga॒vo hotā॑ bhavati / śrā॒ya॒ntīyaṃ॑ brahmasā॒maṃ bha॑vati / vā॒ra॒va॒ntīya॑magniṣṭomasā॒mam / sā॒ra॒sva॒tīra॒po gṛ॑hṇāti / i॒ndri॒yasya॑ vī॒rya॑syāva॑ruddhyai / śrā॒ya॒ntīyaṃ॑ brahmasā॒maṃ bha॑vati / i॒ndri॒yame॒vāsmi॑nvī॒rya॑ śrayati / vā॒ra॒va॒ntīya॑magniṣṭomasā॒mam / i॒ndri॒yame॒vāsmi॑nvī॒rya॑vvām̐rayati

1.8.3.0
a॒rdha॒ya॒ti॒ bha॒va॒tya॒ru॒ndha॒ta॒ ga॒ma॒ya॒nti॒ dve ca॑

1.8.3.1
ī॒śva॒ro vā e॒ṣa diśo'nūnma॑ditoḥ / yandiśo'nu॑ vyāsthā॒paya॑nti / di॒śāmaveṣṭayo bhavanti / di॒kṣve॑va prati॑ tiṣṭha॒tyanu॑nmādāya / pañca॑ de॒vatā॑ yajati / pañca॒ diśaḥ॑ / di॒kṣve॑va prati॑ tiṣṭhati / ha॒viṣo॑haviṣa i॒ṣṭvā bā॑ऱhaspa॒tyama॒bhighā॑rayati / ya॒ja॒mā॒na॒de॒va॒tyo॑ vai bṛha॒spatiḥ॑ / yaja॑māname॒va teja॑sā॒ sama॑rdhayati

1.8.3.2
ā॒di॒tyāṃ ma॒l॒hāṅga॒rbhiṇī॒mā la॑bhate / mā॒ru॒tīṃ pṛśñiṃ॑ paṣṭhau॒hīm / viśa॑ñcaivāsmai॑ rā॒ṣṭrañca॑ sa॒mīcī॑ dadhāti / ā॒di॒tyayā॒ pūrva॑yā॒ praca॑rati / mā॒ru॒tyotta॑rayā / rā॒ṣṭra e॒va viśa॒manu॑badhnāti / u॒ccairā॑di॒tyāyā॒ āśrā॑vayati / u॒pā॒॒śu mā॑ru॒tyai / tasmādrā॒ṣṭravvim̐śa॒mati॑vadati / ga॒rbhiṇyā॑di॒tyā bha॑vati

1.8.3.3
i॒ndri॒yavvaim̐ garbhaḥ॑ / rā॒ṣṭrame॒vendri॑yā॒vya॑kaḥ / a॒ga॒rbhā mā॑ru॒tī / viḍvai ma॒rutaḥ॑ / viśa॑me॒va niri॑ndriyāmakaḥ / de॒vā॒su॒rāssayyam̐॑ttā āsann / te de॒vā a॒śvino pū॒ṣanvā॒cassa॒tya sa॑nni॒dhāya॑ / anṛ॑te॒nāsu॑rāna॒bhya॑bhavann / te'śvibhyāṃ pū॒ṣṇe pu॑ro॒ḍāśa॒ndvāda॑śakapāla॒nnira॑vapann / tato॒ vai te vā॒cassa॒tyamavā॑rundhata

1.8.3.4
yada॒śvibhyāṃ pū॒ṣṇe pu॑ro॒ḍāśa॒ndvāda॑śakapālanni॒rvapa॑ti / anṛ॑tenai॒va bhrātṛ॑vyānabhi॒bhūya॑ / vā॒cassa॒tyamava॑rundhe / sara॑svate satya॒vāce॑ ca॒rum / pūrva॑me॒vodi॒tam / utta॑reṇā॒bhi gṛ॑ṇāti / sa॒vi॒tre sa॒tyapra॑savāya puro॒ḍāśa॒ndvāda॑śakapālaṃ॒ prasūtyai / dū॒tānprahi॑ṇoti / ā॒vida॑ e॒tā bha॑vanti / ā॒vida॑me॒vaina॑ṅgamayanti / atho॑ dū॒tebhya॑ e॒va na chi॑dyate / ti॒sṛ॒dha॒nva śu॑ṣkadṛ॒tirdakṣi॑ṇā॒ samṛ॑ddhyai

1.8.4.0
tvā॒ṣṭrama॒ṣṭāka॑pālandadhate yuna॒ktyeka॑ñca

1.8.4.1
ā॒gne॒yama॒ṣṭāka॑pāla॒nnirva॑pati / tasmā॒cchiśi॑re kurupañcā॒lā prāñco॑ yānti / sau॒myañca॒rum / tasmādvasa॒ntavvyam̐॑va॒sāyā॑dayanti / sā॒vi॒trandvāda॑śakapālam / tasmātpu॒rastā॒dyavā॑nā savi॒trā viru॑ndhate / bā॒r॒ha॒spa॒tyañca॒rum / sa॒vi॒traiva vi॒rudhya॑ / brahma॑ṇā॒ yavā॒nāda॑dhate / tvā॒ṣṭrama॒ṣṭāka॑pālam

1.8.4.2
rū॒pāṇye॒va tena॑ kurvate / vai॒śvā॒na॒randvāda॑śakapālam / tasmājjagha॒nye॑ naidā॑ghe pra॒tyañca॑ kurupañcā॒lā yānti / sā॒ra॒sva॒tañca॒runnirva॑pati / tasmātprā॒vṛṣi॒ sarvā॒ vāco॑ vadanti / pau॒ṣṇena॒ vyava॑syanti / mai॒treṇa॑ kṛṣante / vā॒ru॒ṇena॒ vidhṛ॑tā āsate / kṣai॒tra॒pa॒tyena॑ pācayante / ā॒di॒tyenāda॑dhate

1.8.4.3
mā॒simāsye॒tāni॑ ha॒vīṣi॑ ni॒rupyā॒ṇītyā॑huḥ / tenai॒vartūnprayu॑ṅkta॒ iti॑ / atho॒ khalvā॑huḥ / kassa॑vvam̐tsa॒rañjī॑viṣya॒tīti॑ / ṣaḍe॒va pūrve॒dyurni॒rupyā॑ṇi / ṣaḍu॑ttare॒dyuḥ / tenai॒vartūnprayu॑ṅkte / dakṣi॑ṇo rathavāhanavā॒ha pūrve॑ṣā॒ndakṣi॑ṇā / utta॑ra॒ utta॑reṣām / sa॒vvam॒̐tsa॒rasyai॒vāntau॑ yunakti / su॒va॒rgasya॑ lo॒kasya॒ sama॑ṣṭyai

1.8.5.0
akṣyo॒rlomā॑ni॒ hira॑ṇyavvam̐sati gṛhṇāti bhiṣajya॒tyeka॑ñca

1.8.5.1
indra॑sya suṣuvā॒ṇasya॑ daśa॒dhendri॒yavvīm॒̐ryaṃ॑ parā॑'patat / sa yatpra॑tha॒manni॒raṣṭhī॑vat / tatkva॑lamabhavat / yaddvi॒tīyam / tadbada॑ram / yattṛ॒tīyam / tatka॒rkandhu॑ / yanna॒staḥ / sa si॒॒haḥ / yadakṣyoḥ

1.8.5.2
sa śārdū॒laḥ / yatkarṇa॑yoḥ / sa vṛkaḥ॑ / ya ū॒rdhvaḥ / sa somaḥ॑ / yā'vā॑cī / sā surā / tra॒yāssakta॑vo bhavanti / i॒ndri॒yasyāva॑ruddhyai / tra॒yāṇi॒ lomā॑ni

1.8.5.3
tviṣi॑me॒vāva॑rundhe / trayo॒ grahāḥ / vī॒rya॑me॒vāva॑rundhe / nāmnā॑ daśa॒mī / nava॒ vai puru॑ṣe prā॒ṇāḥ / nābhi॑rdaśa॒mī / prā॒ṇā i॑ndri॒yavvīm॒̐ryam / prā॒ṇāne॒vendri॒yavvīm॒̐rya॑yyam̐ja॑māna ā॒tmandha॑tte / sīse॑na klī॒bācchaṣpā॑ṇi krīṇāti / na vā e॒tadayo॒ na hira॑ṇyam

1.8.5.4
yatsīsam / na strī na pumān॑ / yatklī॒baḥ / na somo॒ na surā / yatsautrāma॒ṇī samṛ॑ddhyai / svā॒dvīntvā svā॒dunetyā॑ha / soma॑me॒vaināṅkaroti / somo'sya॒śvibhyāṃ pacyasva॒ sara॑svatyai pacya॒svendrā॑ya su॒trāmṇe॑ pacya॒svetyā॑ha / e॒tābhyo॒ hye॑ṣā de॒vatābhya॒ pacya॑te / ti॒srassasṛ॑ṣṭā vasati

1.8.5.5
ti॒sro hi rātrī krī॒tassomo॒ vasa॑ti / pu॒nātu॑ te pari॒sruta॒miti॒ yaju॑ṣā punāti॒ vyāvṛ॑ttyai / pa॒vitre॑ṇa punāti / pa॒vitre॑ṇa॒ hi somaṃ॑ pu॒nanti॑ / vāre॑ṇa॒ śaśva॑tā॒ tanetyā॑ha / vāre॑ṇa॒ hi somaṃ॑ pu॒nanti॑ / vā॒yu pū॒ta pa॒vitre॒ṇeti॒ naitayā॑ punīyāt / vyṛ॑ddhā॒ hye॑ṣā / a॒ti॒pa॒vi॒tasyai॒tayā॑ punī॒yāt / ku॒vida॒ṅgetyani॑ruktayā prājāpa॒tyayā॑ gṛhṇāti

1.8.5.6
ani॑rukta pra॒jāpa॑tiḥ / pra॒jāpa॑te॒rāptyai / eka॑ya॒rcā gṛ॑hṇāti / e॒ka॒dhaiva yaja॑māne vī॒rya॑ndadhāti / ā॒śvi॒nandhū॒mramāla॑bhate / a॒śvinau॒ vai de॒vānāṃ bhi॒ṣajau / tābhyā॑me॒vāsmai॑ bheṣa॒jaṅka॑roti / sā॒ra॒sva॒taṃ me॒ṣam / vāgvai sara॑svatī / vā॒caivainaṃ॑ bhiṣajyati / ai॒ndramṛ॑ṣa॒bha sendra॒tvāya॑

1.8.6.0
prī॒ṇā॒ti॒ pra॒tha॒mo dakṣi॑ṇā sa॒mava॑nayati dhā॒raya॑tīndri॒yāṇi॑ ca॒tvāri॑ ca

1.8.6.1
yattri॒ṣu yūpeṣvā॒labhe॑ta / ba॒hi॒rdhā'smā॑dindri॒yavvīm॒̐rya॑ndadhyāt / bhrātṛ॑vyamasmai janayet / e॒ka॒yū॒pa āla॑bhate / e॒ka॒dhaivāsmi॑nnindri॒yavvīm॒̐rya॑ndadhāti / nāsmai॒ bhrātṛ॑vyañjanayati / naiteṣāṃ paśū॒nāṃ pu॑ro॒ḍāśā॑ bhavanti / graha॑puroḍāśā॒ hye॑te / yu॒va su॒rāma॑maśvi॒neti॑ sarvadeva॒tye॑ yājyānuvā॒kye॑ bhavataḥ / sarvā॑ e॒va de॒vatā prīṇāti

1.8.6.2
brā॒hma॒ṇaṃ pari॑krīṇīyādu॒ccheṣa॑ṇasya pā॒tāram / brā॒hma॒ṇo hyāhu॑tyā u॒ccheṣa॑ṇasya pā॒tā / yadi॑ brāhma॒ṇanna vi॒ndet / va॒lmī॒ka॒va॒pāyā॒mava॑ nayet / saiva tata॒ prāya॑ścittiḥ / yadvai sautrāma॒ṇyai vyṛ॑ddham / tada॑syai॒ samṛ॑ddham / nā॒nā॒de॒va॒tyā pa॒śava॑śca puro॒ḍāśāśca bhavanti॒ samṛ॑ddhyai / ai॒ndra pa॑śū॒nāmu॑tta॒mo bha॑vati / ai॒ndra pu॑ro॒ḍāśā॑nāṃ pratha॒maḥ

1.8.6.3
i॒ndri॒ye e॒vāsmai॑ sa॒mīcī॑ dadhāti / pu॒rastā॑danūyā॒jānāṃ puro॒ḍāśai॒ praca॑rati / pa॒śavo॒ vai pu॑ro॒ḍāśāḥ / pa॒śūne॒vāva॑ rundhe / ai॒ndramekā॑daśakapāla॒nnirva॑pati / i॒ndri॒yame॒vāva॑ rundhe / sā॒vi॒trandvāda॑śakapālaṃ॒ prasūtyai / vā॒ru॒ṇandaśa॑kapālam / a॒nta॒ta e॒va varu॑ṇa॒mava॑ yajate / vaḍa॑bā॒ dakṣi॑ṇā

1.8.6.4
u॒ta vā e॒ṣā'śva॑ sū॒te / u॒tā'śva॑ta॒ram / u॒ta soma॑ u॒ta surā / yatsautrāma॒ṇī samṛ॑ddhyai / bā॒r॒ha॒spa॒tyaṃ pa॒śuñca॑tu॒rthama॑tipavi॒tasyā la॑bhate / brahma॒ vai de॒vānāṃ॒ bṛha॒spatiḥ॑ / brahma॑ṇai॒va ya॒jñasya॒ vyṛ॑ddha॒mapi॑ vapati / pu॒ro॒ḍāśa॑vāne॒ṣa pa॒śurbha॑vati / na hye॑tasya॒ graha॑ṅgṛ॒hṇanti॑ / soma॑pratīkā pitarastṛpṇu॒teti॑ śatātṛ॒ṇṇāyā॑ sa॒mava॑nayati

1.8.6.5
śa॒tāyu॒ puru॑ṣaśśa॒tendri॑yaḥ / āyu॑ṣye॒vendri॒ye prati॑tiṣṭhati / dakṣi॑ṇe॒'gnau ju॑hoti / pā॒pa॒va॒sya॒sasya॒ vyāvṛ॑ttyai / hira॑ṇyamanta॒rā dhā॑rayati / pū॒tāme॒vaināñjuhoti / śa॒tamā॑naṃ bhavati / śa॒tāyu॒ puru॑ṣaśśa॒tendri॑yaḥ / āyu॑ṣye॒vendri॒ye prati॑tiṣṭhati / yatrai॒va śa॑tātṛ॒ṇṇāndhā॒raya॑ti

1.8.6.6
tannida॑dhāti॒ prati॑ṣṭhityai / pi॒tṝn vā e॒tasyendri॒yavvīm॒̐rya॑ṅgacchati / ya somo॑'ti॒ pava॑te / pi॒tṛ॒ṇāyyām̐jyānuvā॒kyā॑bhi॒rupa॑ tiṣṭhate / yade॒vāsya॑ pi॒tṝni॑ndri॒yavvīm॒̐rya॑ṅgaccha॑ti / tade॒vāva॑ rundhe / ti॒sṛbhi॒rupa॑ tiṣṭhate / tṛ॒tīye॒ vā i॒to lo॒ke pi॒taraḥ॑ / tāne॒va prī॑ṇāti / atho॒ trīṇi॒ vai ya॒jñasyendri॒yāṇi॑ / a॒dhva॒ryur hotā bra॒hmā / ta upa॑tiṣṭhante / yānye॒va ya॒jñasyendri॒yāṇi॑ / taire॒vāsmai॑ bheṣa॒jaṅka॑roti

1.8.7.0
stomā pa॒śava॑ u॒kthānyeka॑ñca

1.8.7.1
a॒gni॒ṣṭo॒mamagra॒ āha॑rati / ya॒jña॒mu॒khavvām̐ a॑gniṣṭo॒maḥ / ya॒jña॒mu॒khame॒vārabhya॑ sa॒vamā kra॑mate / athai॒ṣo॑'bhiṣeca॒nīya॑ścatustri॒॒śapa॑vamāno bhavati / traya॑striśa॒dvai de॒vatāḥ / tā e॒vāpno॑ti / pra॒jāpa॑tiścatustri॒॒śaḥ / tame॒vāpno॑ti / sa॒॒śa॒ra e॒ṣa stomā॑nā॒maya॑thāpūrvam / yadviṣa॑mā॒sstomāḥ

1.8.7.2
e॒tāvā॒n vai ya॒jñaḥ / yāvā॒npava॑mānāḥ / a॒nta॒śśleṣa॑ṇa॒ntvā a॒nyat / yatsa॒mā pava॑mānāḥ / tenā'sa॑śaraḥ / tena॑ yathāpū॒rvam / ā॒tmanai॒vāgni॑ṣṭo॒mena॒rdhnoti॑ / ā॒tmanā॒ puṇyo॑ bhavati / pra॒jā vā u॒kthāni॑ / pa॒śava॑ u॒kthāni॑ / yadu॒kthyo॑ bhava॒tyanu॒ santa॑ttyai

1.8.8.0
akra॑nrāja॒nyo॑ bhava॑nti daśa॒peyo॑ mādye॒ttrīṇi॑ ca

1.8.8.1
upa॑ tvā jā॒mayo॒ gira॒ iti॑ prati॒padbha॑vati / vāgvai vā॒yuḥ / vā॒ca e॒vaiṣo॑'bhiṣe॒kaḥ / sarvā॑sāme॒va pra॒jānā॑ sūyate / sarvā॑ enaṃ pra॒jā rājeti॑ vadanti / e॒tamu॒ tyandaśa॒ kṣipa॒ ityā॑ha / ā॒di॒tyā vai pra॒jāḥ / pra॒jānā॑me॒vaitena॑ sūyate / yanti॒ vā e॒te ya॑jñamu॒khāt / ye sa॑mbhā॒ryā॑ akrann॑

1.8.8.2
yadāha॒ pava॑sva vā॒co a॑griya॒ iti॑ / tenai॒va ya॑jñamu॒khānnaya॑nti / a॒nu॒ṣṭukpra॑tha॒mā bha॑vati / a॒nu॒ṣṭugu॑tta॒mā / vāgvā a॑nu॒ṣṭuk / vā॒caiva pra॒yanti॑ / vā॒codya॑nti / udva॑tīrbhavanti / udva॒dvā a॑nu॒ṣṭubho॑ rū॒pam / ānu॑ṣṭubho rāja॒nyaḥ॑

1.8.8.3
tasmā॒dudva॑tīrbhavanti / sau॒rya॑nu॒ṣṭugu॑tta॒mā bha॑vati / su॒va॒rgasya॑ lo॒kasya॒ santa॑tyai / yo vai sa॒vādeti॑ / naina॑ sa॒va upa॑namati / yassāma॑bhya॒ eti॑ / pāpī॑yāntsuṣuvā॒ṇo bha॑vati / e॒tāni॒ khalu॒ vai sāmā॑ni / yatpṛ॒ṣṭhāni॑ / yatpṛ॒ṣṭhāni॒ bhava॑nti

1.8.8.4
taire॒va sa॒vānnaiti॑ / yāni॑ devarā॒jānā॒॒ sāmā॑ni / taira॒muṣmi॑llom॒̐ka ṛ॑dhnoti / yāni॑ manuṣyarā॒jānā॒॒ sāmā॑ni / taira॒smillom॒̐ka ṛ॑dhnoti / u॒bhayo॑re॒va lo॒kayor॑ ṛdhnoti / de॒va॒lo॒ke ca॑ manuṣyalo॒ke ca॑ / e॒ka॒vi॒॒śo॑'bhiṣeca॒nīya॑syotta॒mo bha॑vati / e॒ka॒vi॒॒śa ke॑śavapa॒nīya॑sya pratha॒maḥ / sa॒pta॒da॒śo da॑śa॒peyaḥ॑

1.8.8.5
viḍvā e॑kavi॒॒śaḥ / rā॒ṣṭra sa॑ptada॒śaḥ / viśa॑ e॒vaitanma॑dhya॒to॑'bhiṣi॑cyate / tasmā॒dvā e॒ṣa vi॒śāṃ pri॒yaḥ / vi॒śo hi ma॑dhya॒to॑'bhiṣi॒cyate / yadvā e॑nama॒do diśo'nu॑ vyāsthā॒paya॑nti / tatsu॑va॒rgallo॒kama॒bhyā ro॑hati / yadi॒mallom॒̐kanna pra॑tyava॒rohet / a॒ti॒ja॒navvem॒̐yāt / udvā॑ mādyet / yade॒ṣa pra॑tī॒cīna॑sstomo॒ bhava॑ti / i॒mame॒va tena॑ lo॒kaṃ pra॒tyava॑rohati / atho॑ a॒sminne॒va lo॒ke prati॑ tiṣṭha॒tyanu॑nmādāya

1.8.9.0
śa॒takṣa॑ro॒'ṣṭau ca॑

1.8.9.1
i॒yavvaim॒̐ ra॑ja॒tā / a॒sau hari॑ṇī / yadru॒kmau bhava॑taḥ / ā॒bhyāme॒vaina॑mubha॒yata॒ pari॑ gṛhṇāti / varu॑ṇasya॒ vā a॑bhiṣi॒cyamā॑na॒syāpaḥ॑ / i॒ndri॒yavvīm॒̐rya॑nnira॑ghnann / tatsu॒varṇa॒॒ hira॑ṇyamabhavat / yadru॒kmama॑nta॒rdadhā॑ti / i॒ndri॒yasya॑ vī॒rya॑syāni॑rghātāya / śa॒tamā॑no bhavati śa॒takṣa॑raḥ / śa॒tāyu॒ puru॑ṣaśśa॒tendri॑yaḥ / āyu॑ṣye॒vendri॒ye prati॑tiṣṭhati / āyu॒rvai hira॑ṇyam / ā॒yu॒ṣyā॑ e॒vaina॑ma॒bhyati॑ kṣaranti / tejo॒ vai hira॑ṇyam / te॒ja॒syā॑ e॒vaina॑ma॒bhyati॑ kṣaranti / varco॒ vai hira॑ṇyam / va॒rca॒syā॑ e॒vaina॑ma॒bhyati॑ kṣaranti

1.8.10.0
utta॑raṃ॒ prati॑ṣṭhityai paśa॒vya॑ssa॒pta ca॑

1.8.10.1
apra॑tiṣṭhito॒ vā e॒ṣa ityā॑huḥ / yo rā॑ja॒sūye॑na॒ yaja॑ta॒ iti॑ / ya॒dā vā e॒ṣa e॒tena॑ dvirā॒treṇa॒ yaja॑te / atha॑ prati॒ṣṭhā / atha॑ savvam̐tsa॒ramāpnoti / yāva॑nti savvam̐tsa॒rasyā॑horā॒trāṇi॑ / tāva॑tīre॒tasya॑ sto॒trīyāḥ / a॒ho॒rā॒treṣve॒va prati॑ tiṣṭhati / a॒gni॒ṣṭo॒ma pūrva॒maha॑rbhavati / a॒ti॒rā॒tra utta॑ram

1.8.10.2
nānai॒vāho॑rā॒trayo॒ prati॑ tiṣṭhati / pau॒rṇa॒mā॒syāṃ pūrva॒maha॑rbhavati / vya॑ṣṭakāyā॒mutta॑ram / nānai॒vārdha॑mā॒sayo॒ prati॑tiṣṭhati / a॒mā॒vā॒syā॑yāṃ॒ pūrva॒maha॑rbhavati / uddṛ॑ṣṭa॒ utta॑ram / nānai॒va māsa॑yo॒ prati॑tiṣṭhati / atho॒ khalu॑ / ye e॒va sa॑mānapa॒kṣe pu॑ṇyā॒he syātām / tayo kā॒ryaṃ॑ prati॑ṣṭhityai

1.8.10.3
a॒pa॒śa॒vyo dvi॑rā॒tra ityā॑huḥ / dve hye॑te chanda॑sī / gā॒ya॒trañca॒ traiṣṭu॑bhañca / jaga॑tīma॒ntarya॑nti / na tena॒ jaga॑tī kṛ॒tetyā॑huḥ / yade॑nāntṛtīyasava॒ne ku॒rvantīti॑ / ya॒dā vā e॒ṣā'hīna॒syāha॒rbhaja॑te / sā॒hnasya॑ vā॒ sava॑nam / athai॒va jaga॑tī kṛ॒tā / atha॑ paśa॒vyaḥ॑ / vyu॑ṣṭi॒rvā e॒ṣa dvi॑rā॒traḥ / ya e॒vavvim॒̐dvāndvi॑rā॒treṇa॒ yaja॑te / vye॑vāsmā॑ ucchati / atho॒ tama॑ e॒vāpa॑ hate / a॒gni॒ṣṭo॒mama॑nta॒ta ā ha॑rati / a॒gnissarvā॑ de॒vatāḥ / de॒vatāsve॒va prati॑ tiṣṭhati

2.1.0.0
kṛṣṇa yajurbrāhmaṇe dvitīyāṣṭake prathamaprapāṭhakaprārambhaḥ / hariḥ om //
2.1.0.0
aṅgi॑rasa pra॒jāpa॑tira॒gni ru॒dra u॑tta॒rāva॑tīṃ brahmavā॒dino'gniho॒traprā॑yaṇā ya॒jñā pra॒jāpa॑tirakāmayatātma॒nvadrau॒draṅgavi॑ dakṣiṇa॒tastrayo॒ vai yada॒gnimṛ॒tantvā॑ sa॒tyenaikā॑daśa

aṅgi॑rasa॒ praiva tena॑ pa॒śūne॒va yanni॒mārṣṭi॒ yo vā a॑gniho॒trasyo॑pa॒sado॑ dakṣiṇa॒taṣṣa॒ṣṭiḥ

aṅgi॑raso॒ ya u॑cainade॒vam̐vveda॑ // hariḥ॑ om // kṛṣṇayajurbrāhmaṇe dvitīyāṣṭake prathamaprapāṭhakassamāptaḥ //
2.1.1.0
a॒li॒mpa॒nveda॒ ghātu॑ka॒ eka॑ñca

2.1.1.1
aṅgi॑raso॒ vai sa॒ttramā॑sata / teṣāṃ॒ pṛśaश़ñi॑rgharma॒dhugā॑sīt / sarjī॒ṣeṇā॑jīvat / te'bruvann / kasmai॒ nu sa॒tramāsmahe / ye'syā oṣa॑dhī॒rna ja॒nayā॑ma॒ iti॑ / te di॒vo vṛṣṭi॑masṛjanta / yāva॑ntassto॒kā a॒vāpa॑dyanta / tāva॑tī॒roṣa॑dhayo'jāyanta / tā jā॒tā pi॒taro॑ vi॒ṣeṇā॑limpann

2.1.1.2
tāsāñja॒gdhvā rupya॒ntyait / te'bruvann / ka i॒dami॒tthama॑ka॒riti॑ / va॒yaṃ bhā॑ga॒dheya॑mi॒cchamā॑nā॒ iti॑ pi॒taro'bruvann / kivvom̐॑ bhāga॒dheya॒miti॑ / a॒gni॒ho॒tra e॒va no'pya॒stvitya॑bruvann / tebhya॑ e॒tadbhā॑ga॒dheyaṃ॒ prāya॑cchann / yaddhu॒tvā ni॒mārṣṭi॑ / tato॒ vai ta oṣa॑dhīrasvadayann / ya e॒vavvem̐da॑

2.1.1.3
svada॑nte'smā॒ oṣa॑dhayaḥ / te va॒tsamu॒pāvā॑sṛjann / i॒danno॑ ha॒vyaṃ pradā॑pa॒yeti॑ / so'bravī॒dvaraṃ॑ vṛṇai / daśa॑ mā॒ rātrīrjā॒tanna do॑hann / ā॒sa॒ṅga॒vaṃ mā॒trā sa॒ha ca॑rā॒ṇīti॑ / tasmādva॒tsañjā॒tandaśa॒ rātrī॒rna du॑hanti / ā॒sa॒ṅga॒vaṃ mā॒trā sa॒ha ca॑rati / vāre॑vṛta॒॒ hya॑sya / tasmādva॒tsa sa॑sṛṣṭadha॒ya ru॒dro ghātu॑kaḥ / ati॒ hi sa॒ndhāndhaya॑ti

2.1.2.0
a॒mṛ॒ṣṭa॒ vi॒ci॒kitsa॑ti॒ juhva॑tya॒jāma॑sṛjatāgniho॒tra sūryā॑ya prā॒tarju॒hoti॒ juhva॑ti saṃ॒padye॑te hūyate sthāpayati saṃpra॒ti dve ca॑

2.1.2.1
pra॒jāpa॑tira॒gnima॑sṛjata / taṃ pra॒jā anva॑sṛjyanta / tama॑bhā॒ga upāsta / so'sya pra॒jābhi॒rapākrāmat / tama॑va॒ruru॑tsamā॒no'nvait / tama॑va॒rudha॒nnāśa॑knot / sa tapo॑'tapyata / so'gnirupā॑rama॒tātā॑pi॒ vai sya pra॒jāpa॑ti॒riti॑ / sa ra॒rāṭā॒duda॑mṛṣṭa

2.1.2.2
tadghṛ॒tama॑bhavat / tasmā॒dyasya॑ dakṣiṇa॒ta keśā॒ unmṛ॑ṣṭāḥ / tāñjyeṣṭhala॒kṣmī prā॑jāpa॒tyetyā॑huḥ / yadra॒rāṭā॑du॒damṛ॑ṣṭa / tasmādra॒rāṭe॒ keśā॒ na sa॑nti / tada॒gnau prāgṛ॑hṇāt / tadvya॑cikitsat / ju॒havā॒nī ३ mā hau॒ṣā ३ miti॑ / tadvi॑ciki॒tsāyai॒ janma॑ / ya e॒vavvim॒̐dvān vi॑ci॒kitsa॑ti

2.1.2.3
vasī॑ya e॒va ce॑tayate / tavvām̐ga॒bhya॑vadajju॒hudhīti॑ / so'bravīt / kastvama॒sīti॑ / svaiva te॒ vāgitya॑bravīt / so॑'juho॒tsvāheti॑ / tatsvā॑hākā॒rasya॒ janma॑ / ya e॒vasvā॑hākā॒rasya॒ janma॒ veda॑ / ka॒roti॑ svāhākā॒reṇa॑ vī॒ryam / yasyai॒vam̐vvi॒duṣa॑ssvāhākā॒reṇa॒ juhva॑ti

2.1.2.4
bhogā॑yai॒vāsya॑ hu॒taṃ bha॑vati / tasyā॒ āhu॑tyai॒ puru॑ṣamasṛjata / dvi॒tīya॑majuhot / so'śva॑masṛjata / tṛ॒tīya॑majuhot / sa gāma॑sṛjata / ca॒tu॒rthama॑juhot / so'vi॑masṛjata / pa॒ñca॒mama॑juhot / so॑'jāma॑sṛjata

2.1.2.5
so'gnira॑bibhet / āhu॑tībhi॒rvai mā''pno॒tīti॑ / sa pra॒jāpa॑tiṃ॒ puna॒ prāvi॑śat / taṃ pra॒jāpa॑tirabravīt / jāya॒sveti॑ / so'bravīt / kiṃ bhā॑ga॒dheya॑ma॒bhi ja॑niṣya॒ iti॑ / tubhya॑me॒veda hū॑yātā॒ itya॑bravīt / sa e॒tadbhā॑ga॒dheya॑ma॒bhya॑jāyata / yada॑gniho॒tram

2.1.2.6
tasmā॑dagniho॒tramu॑cyate / taddhū॒yamā॑namādi॒tyo'bravīt / mā hau॑ṣīḥ / u॒bhayo॒rvai nā॑ve॒taditi॑ / so'gnira॑bravīt / ka॒thannau॑ hoṣya॒ntīti॑ / sā॒yame॒va tubhya॑ñju॒huvann॑ / prā॒tarmahya॒mitya॑bravīt / tasmā॑da॒gnaye॑ sā॒ya hū॑yate / sūryā॑ya prā॒taḥ

2.1.2.7
ā॒gne॒yī vai rātriḥ॑ / ai॒ndramahaḥ॑ / yadanu॑dite॒ sūrye prā॒tarju॑hu॒yāt / u॒bhaya॑me॒vāgne॒ya syāt / udi॑te॒ sūrye prā॒tarju॑hoti / tathā॒gnaye॑ sā॒ya hū॑yate / sūryā॑ya prā॒taḥ / rātri॒vvām̐ anu॑ pra॒jā pra jā॑yante / ahnā॒ prati॑ tiṣṭhanti / yatsā॒yañju॒hoti॑

2.1.2.8
praiva tena॑ jāyate / udi॑te॒ sūrye prā॒tarju॑hoti / pratye॒va tena॑ tiṣṭhati / pra॒jāpa॑tirakāmayata॒ prajā॑ye॒yeti॑ / sa e॒tada॑gniho॒traṃ mi॑thu॒nama॑paśyat / tadudi॑te॒ sūrye॑'juhot / yaju॑ṣā॒'nyat / tū॒ṣṇīma॒nyat / tato॒ vai sa prājā॑yata / yasyai॒vavvim॒̐duṣa॒ udi॑te॒ sūrye'gniho॒trañjuhva॑ti

2.1.2.9
praiva jā॑yate / atho॒ yathā॒ divā prajā॒nanneti॑ / tā॒dṛge॒va tat / atho॒ khalvā॑huḥ / yasya॒ vai dvau puṇyau॑ gṛ॒he vasa॑taḥ / yastayo॑ra॒nya rā॒dhaya॑tya॒nyanna / u॒bhau vāva sa tāvṛ॑ccha॒tīti॑ / a॒gnivvām̐vādi॒tyassā॒yaṃ pra vi॑śati / tasmā॑da॒gnirdū॒rānnakta॑ndadṛśe / u॒bhe hi teja॑sī saṃ॒ padye॑te

2.1.2.10
u॒dyanta॒vvām̐vādi॒tyama॒gniranu॑ sa॒māro॑hati / tasmāddhū॒ma e॒vāgnerdivā॑ dadṛśe / yada॒gnaye॑ sā॒yañju॑hu॒yāt / ā sūryā॑ya vṛścyeta / yatsūryā॑ya prā॒tarju॑hu॒yāt / ā'gnaye॑ vṛścyeta / de॒vatābhyassa॒mada॑ndadhyāt / a॒gnirjyoti॒rjyoti॒ssūrya॒ssvā- hetye॒va sā॒ya ho॑ta॒vyam / sūryo॒ jyoti॒rjyoti॑ra॒gnissvāheti॑ prā॒taḥ / tatho॒bhābhyā॑ sā॒ya hū॑yate

2.1.2.11
u॒bhābhyāṃ prā॒taḥ / na de॒vatābhyassa॒mada॑ndadhāti / a॒gnirjyoti॒rityā॑ha / a॒gnirvai re॑to॒dhāḥ / pra॒jā jyoti॒rityā॑ha / pra॒jā e॒vāsmai॒ pra ja॑nayati / sūryo॒ jyoti॒rityā॑ha / pra॒jāsve॒va prajā॑tāsu॒ reto॑ dadhāti / jyoti॑ra॒gnissvāhetyā॑ha / pra॒jā e॒va prajā॑tā a॒syāṃ prati॑ṣṭhāpayati

2.1.2.12
tū॒ṣṇīmutta॑rā॒māhu॑tiñjuhoti / mi॒thu॒na॒tvāya॒ prajātyai / yadudi॑te॒ sūrye prā॒tarju॑hu॒yāt / yathā'ti॑thaye॒ pradru॑tāya śū॒nyāyā॑vasa॒thāyā॑hā॒rya॑ hara॑nti / tā॒dṛge॒va tat / kvāha॒ tata॒stadbhava॒tītyā॑huḥ / yatsa na veda॑ / yasmai॒ taddhara॒ntīti॑ / tasmā॒dyadau॑ṣa॒sañju॒hoti॑ / tade॒va saṃ॑pra॒ti / atho॒ yathā॒ prārtha॑mauṣa॒saṃ pa॑ri॒veveṣṭi / tā॒dṛge॒va tat

2.1.3.0
bha॒va॒ti॒ pra॒ti॒ṣi॒ñcati॑ gamayati pra॒tyakpa॒śava॑ upani॒dhāyādhriya॒nteti॒ tacca॒tvāri॑ ca

2.1.3.1
ru॒dro vā e॒ṣaḥ / yada॒gniḥ / patnī sthā॒lī / yanmadhye॒'gnera॑dhi॒śrayet / ru॒drāya॒ patnī॒mapi॑ dadhyāt / pra॒māyu॑kā syāt / udī॒co'ṅgā॑rānni॒rūhyādhi॑ śrayati / patni॑yai gopī॒thāya॑ / vya॑ntānkaroti / tathā॒ patnyapra॑māyukā bhavati

2.1.3.2
gha॒rmo vā e॒ṣo'śāntaḥ / aha॑raha॒ pra vṛ॑jyate / yada॑gniho॒tram / prati॑ṣiñcetpa॒śukā॑masya / śā॒ntami॑va॒ hi pa॑śa॒vyam / na prati॑ṣiñcedbrahmavarca॒sakā॑masya / sami॑ddhamiva॒ hi bra॑hmavarca॒sam / atho॒ khalu॑ / pra॒ti॒ṣicya॑me॒va / yatpra॑tiṣi॒ñcati॑

2.1.3.3
tatpa॑śa॒vyam / yajju॒hoti॑ / tadbra॑hmavarca॒si / u॒bhaya॑me॒vākaḥ॑ / pracyu॑ta॒vvām̐ e॒tada॒smāllo॒kāt / aga॑tandevalo॒kam / yacchṛ॒ta ha॒virana॑bhighāritam / a॒bhi dyo॑tayati / a॒bhye॑vaina॑dghārayati / atho॑ deva॒traivaina॑dgamayati

2.1.3.4
parya॑gni karoti / rakṣa॑sā॒mapa॑hatyai / tri parya॑gni karoti / tryā॑vṛ॒ddhi ya॒jñaḥ / atho॑ medhya॒tvāya॑ / yatprā॒cīna॑mudvā॒sayet / yaja॑māna śu॒cā'rpa॑yet / yadda॑kṣi॒ṇā / pi॒tṛ॒de॒va॒tya॑ syāt / yatpra॒tyak

2.1.3.5
patnī॑ śu॒cā'rpa॑yet / u॒dī॒cīna॒mudvā॑sayati / e॒ṣā vai de॑vamanu॒ṣyāṇā॑ śā॒ntā dik / tāme॒vaina॒danūdvā॑sayati॒ śāntyai / vartma॑ karoti / ya॒jñasya॒ santa॑tyai / niṣṭa॑pati / upai॒va tatstṛ॑ṇāti / ca॒turunna॑yati / catu॑ṣpāda pa॒śavaḥ॑

2.1.3.6
pa॒śūne॒vāva॑rundhe / sarvānpū॒rṇānunna॑yati / sarve॒ hi puṇyā॑ rā॒ddhāḥ / a॒nūca॒ unna॑yati / pra॒jāyā॑ anūcīna॒tvāya॑ / a॒nūcye॒vāsya॑ pra॒jā'rdhu॑kā bhavati / saṃmṛ॑śati॒ vyāvṛ॑ttyai / nāhoṣya॒nnupa॑ sādayet / yadahoṣyannupasā॒dayet / yathā॒'nyasmā॑ upani॒dhāya॑

2.1.3.7
a॒nyasmai pra॒yaccha॑ti / tā॒dṛge॒va tat / ā'smai॑ vṛścyeta / yade॒va gāऱha॑patye'dhi॒ śraya॑ti / tena॒ gāऱha॑patyaṃ prīṇāti / a॒gnira॑bibhet / āhu॑tayo॒ mā'tyeṣya॒ntīti॑ / sa e॒tā sa॒midha॑mapaśyat / tāmā'dha॑tta / tato॒ vā a॒gnāvāhu॑tayo'dhriyanta

2.1.3.8
yade॑na sa॒maya॑cchat / tatsa॒midha॑ssami॒ttvam / sa॒midha॒mā da॑dhāti / same॒vaina॑yyam̐cchati / āhu॑tīnā॒ndhṛtyai / atho॑ agniho॒trame॒vedhmava॑tkaroti / āhu॑tīnāṃ॒ prati॑ṣṭhityai / bra॒hma॒vā॒dino॑ vadanti / yadekā॑ sa॒midha॑mā॒dhāya॒ dve āhu॑tī ju॒hoti॑ / atha॒ kasyā॑ sa॒midhi॑ dvi॒tīyā॒māhu॑tiñjuho॒tīti॑

2.1.3.9
yaddve sa॒midhā॑vā da॒dhyāt / bhrātṛ॑vyamasmai janayet / ekā॑ sa॒midha॑mā॒dhāya॑ / yaju॑ṣā॒'nyāmāhu॑tiñjuhoti / u॒bhe e॒va sa॒midva॑tī॒ āhu॑tī juhoti / nāsmai॒ bhrātṛ॑vyañjanayati / ādīptāyāñjuhoti / sami॑ddhamiva॒ hi bra॑hmavarca॒sam / atho॒ yathā'ti॑thi॒ñjyoti॑ṣkṛ॒tvā pa॑ri॒ veveṣṭi / tā॒dṛge॒va tat / ca॒turunna॑yati / dvirju॑hoti / tasmāddvi॒pāccatu॑ṣpādamatti / atho dvi॒padye॒va catu॑ṣpada॒ prati॑ ṣṭhāpayati

2.1.4.0
a॒bha॒va॒nbha॒va॒ti॒ ju॒hu॒yānna॑yati mārṣṭi॒ dviprāśñā॑ti prājāpa॒tyamācā॑matīndhe'kaḥ

2.1.4.1
u॒tta॒rāva॑tīm॒̐vvai de॒vā āhu॑ti॒maju॑havuḥ / avā॑cī॒masu॑rāḥ / tato॑ de॒vā abha॑vann / parā'su॑rāḥ / yaṅkā॒maye॑ta॒ vasī॑yāntsyā॒diti॑ / kanī॑ya॒stasya॒ pūrva॑ hu॒tvā / utta॑raṃ॒ bhūyo॑ juhuyāt / e॒ṣā vā u॑tta॒rāva॒tyāhu॑tiḥ / tānde॒vā a॑juhavuḥ / tata॒ste॑'bhavann

2.1.4.2
yasyai॒vañjuhva॑ti / bhava॑tye॒va / yaṅkā॒maye॑ta॒ pāpī॑yāntsyā॒diti॑ / bhūya॒stasya॒ pūrva॑ hu॒tvā / utta॑ra॒ṅkanī॑yo juhuyāt / e॒ṣā vā avā॒cyāhu॑tiḥ / tāmasu॑rā ajuhavuḥ / tata॒ste parā॑'bhavann / yasyai॒vañjuhva॑ti / parai॒va bha॑vati

2.1.4.3
hu॒tvopa॑ sādaya॒tyajā॑mitvāya / atho॒ vyāvṛ॑ttyai / gāऱha॑patyaṃ॒ pratīkṣate / ana॑nudhyāyiname॒vaina॑ṅkaroti / a॒gni॒ho॒trasya॒ vai sthā॒ṇura॑sti / tayyam̐ ṛ॒cchet / ya॒jña॒sthā॒ṇumṛ॑cchet / e॒ṣa vā a॑gniho॒trasya॑ sthā॒ṇuḥ / yatpūrvā''hu॑tiḥ / tāyyam̐dutta॑rayā॒'bhi ju॑hu॒yāt

2.1.4.4
ya॒jña॒sthā॒ṇumṛ॑cchet / a॒ti॒hāya॒ pūrvā॒māhu॑tiñjuhoti / ya॒jña॒sthā॒ṇume॒va pari॑ vṛṇakti / atho॒ bhrātṛ॑vyame॒vāptvā'ti॑ krāmati / a॒vā॒cīna॑ sā॒yamupa॑mārṣṭi / reta॑ e॒va tadda॑dhāti / ū॒rdhvaṃ prā॒taḥ / pra ja॑nayatye॒va tat / bra॒hma॒vā॒dino॑ vadanti / ca॒turunna॑yati

2.1.4.5
dvirju॑hoti / atha॒ kva॑ dve āhu॑tī bhavata॒ iti॑ / a॒gnau vaiśvāna॒ra iti॑ brūyāt / e॒ṣa vā a॒gnirvaiśvāna॒raḥ / yadbrāhma॒ṇaḥ / hu॒tvā dvi prāśñā॑ti / a॒gnāve॒va vaiśvāna॒re dve āhu॑tī juhoti / dvirju॒hoti॑ / dvirnimārṣṭi / dvi prāśñā॑ti

2.1.4.6
ṣaṭtsaṃpa॑dyante / ṣaḍvā ṛ॒tavaḥ॑ / ṛ॒tūne॒va prī॑ṇāti / bra॒hma॒vā॒dino॑ vadanti / ki॒nde॒va॒tya॑magniho॒tramiti॑ / vai॒śva॒de॒vamiti॑ brūyāt / yadyaju॑ṣā ju॒hoti॑ / tadaindrā॒gnam / yattū॒ṣṇīm / tatprā॑jāpa॒tyam

2.1.4.7
yanni॒mārṣṭi॑ / tadoṣa॑dhīnām / yaddvi॒tīyam / tatpi॑tṛ॒ṇām / yatprāśñā॑ti / tadgarbhā॑ṇām / tasmā॒dgarbhā॒ ana॑śñanto vardhante / yadā॒cāma॑ti / tanma॑nu॒ṣyā॑ṇām / uda॑ṅparyā॒vṛtyācā॑mati

2.1.4.8
ā॒tmano॑ gopī॒thāya॑ / nirṇe॑nekti॒ śuddhyai / niṣṭa॑pati sva॒gākṛ॑tyai / uddi॑śati / sa॒pta॒r॒ṣīne॒va prī॑ṇāti / da॒kṣi॒ṇā pa॒ryāva॑rtate / svame॒va vī॒rya॑manu॑ pa॒ryāva॑rtate / tasmā॒ddakṣi॒ṇo'rdha॑ ā॒tmano॑ vī॒ryā॑vattaraḥ / atho॑ ādi॒tyasyai॒vāvṛta॒manu॑ pa॒ryāva॑rtate / hu॒tvopa॒ sami॑ndhe

2.1.4.9
bra॒hma॒va॒rca॒sasya॒ sami॑ddhyai / na ba॒r॒hiranu॒ pra ha॑ret / asa॑sthito॒ vā e॒ṣa ya॒jñaḥ / yada॑gniho॒tram / yada॑nu pra॒haret / ya॒jñavvim̐cchi॑ndyāt / tasmā॒nnānu॑ pra॒hṛtyam / ya॒jñasya॒ santa॑tyai / a॒po ni na॑yati / a॒va॒bhṛ॒thasyai॒va rū॒pama॑kaḥ

2.1.5.0
ba॒r॒hi prā॒taऱhu॒tādyā॑ya jāyate rundhe'sā॒mā ka॑rotye॒tā vā a॑gniho॒trasyo॑pa॒sado॑ vaṣaṭkā॒raśca॑ prāta॒ryāvā॑ṇo॒ vajra॒strīṇi॑ ca

2.1.5.1
bra॒hma॒vā॒dino॑ vadanti / a॒gni॒ho॒traprā॑yaṇā ya॒jñāḥ / kiṃprā॑yaṇamagniho॒tramiti॑ / va॒tso vā a॑gniho॒trasya॒ prāya॑ṇam / a॒gni॒ho॒trayyam॒̐jñānām / tasya॑ pṛthi॒vī sadaḥ॑ / a॒ntari॑kṣa॒māgnīddhram / dyauऱha॑vi॒rdhānam / di॒vyā āpa॒ prokṣa॑ṇayaḥ / oṣa॑dhayo ba॒r॒hiḥ

2.1.5.2
vana॒spata॑ya i॒dhmaḥ / diśa॑ pari॒dhayaḥ॑ / ā॒di॒tyo yūpaḥ॑ / yaja॑māna pa॒śuḥ / sa॒mu॒dro॑'vabhṛ॒thaḥ / sa॒vvam॒̐tsa॒rassva॑gākā॒raḥ / tasmā॒dāhi॑tāgne॒ssarva॑me॒va ba॑ऱhi॒ṣya॑nda॒ttaṃ bha॑vati / yatsā॒yañju॒hoti॑ / rātri॑me॒va tena॑ dakṣi॒ṇyāṅkurute / yatprā॒taḥ

2.1.5.3
aha॑re॒va tena॑ dakṣi॒ṇya॑ṅkurute / yattato॒ dadā॑ti / sā dakṣi॑ṇā / yāva॑nto॒ vai de॒vā ahu॑ta॒mādann॑ / te parā॑'bhavann / ta e॒tada॑gniho॒tra sarva॑syai॒va sa॑mava॒dāyā॑juhavuḥ / tasmā॑dāhuḥ / a॒gni॒ho॒travvaim̐ de॒vā gṛ॒hāṇā॒nniṣkṛ॑timapaśya॒nniti॑ / yatsā॒yañju॒hoti॑ / rātri॑yā e॒va taddhu॒tādyā॑ya

2.1.5.4
yaja॑māna॒syāpa॑rābhāvāya / yatprā॒taḥ / ahna॑ e॒va taddhu॒tādyā॑ya / yaja॑māna॒syāpa॑rābhāvāya / yattato॒'śaश़ñāti॑ / hu॒tame॒va tat / dvayo॒ paya॑sā juhuyātpa॒śukā॑masya / e॒tadvā a॑gniho॒traṃ mi॑thu॒nam / ya e॒vavvem̐da॑ / pra pra॒jayā॑ pa॒śubhi॑rmithu॒nairjā॑yate

2.1.5.5
i॒māme॒va pūrva॑yā du॒he / a॒mūmutta॑rayā / a॒dhi॒śrityotta॑ra॒mā na॑yati / yonā॑ve॒va tadreta॑ssiñcati pra॒jana॑ne / ājye॑na juhuyā॒tteja॑skāmasya / tejo॒ vā ājyam / te॒ja॒svye॑va bha॑vati / paya॑sā pa॒śukā॑masya / e॒tadvai pa॑śū॒nā rū॒pam / rū॒peṇai॒vāsmai॑ pa॒śūnava॑rundhe

2.1.5.6
pa॒śu॒māne॒va bha॑vati / da॒dhnendri॒yakā॑masya / i॒ndri॒yavvaim̐ dadhi॑ / i॒ndri॒yā॒vye॑va bha॑vati / ya॒vā॒gvā grāma॑kāmasyauṣa॒dhā vai ma॑nu॒ṣyāḥ / bhā॒ga॒dheye॑nai॒vāsmai॑ sajā॒tānava॑ rundhe / grā॒mye॑va bha॑vati / aya॑jño॒ vā e॒ṣaḥ / yo॑'sā॒mā

2.1.5.7
ca॒turunna॑yati / catu॑rakṣara rathanta॒ram / ra॒tha॒nta॒rasyai॒ṣa varṇaḥ॑ / u॒parī॑va harati / a॒ntari॑kṣavvām̐made॒vyam / vā॒ma॒de॒vyasyai॒ṣa varṇaḥ॑ / dvirju॑hoti / dvya॑kṣaraṃ bṛ॒hat / bṛ॒ha॒ta e॒ṣa varṇaḥ॑ / a॒gni॒ho॒trame॒va tatsāma॑nvatkaroti

2.1.5.8
yo vā a॑gniho॒trasyo॑pa॒sado॒ veda॑ / upai॑namupa॒sado॑ namanti / vi॒ndata॑ upasa॒ttāram / u॒nnīyopa॑ sādayati / pṛ॒thi॒vīme॒va prī॑ṇāti / ho॒ṣyannupa॑sādayati / a॒ntari॑kṣame॒va prī॑ṇāti / hu॒tvopa॑ sādayati / diva॑me॒va prī॑ṇāti / e॒tā vā a॑gniho॒trasyo॑pa॒sadaḥ॑

2.1.5.9
ya e॒vavvem̐da॑ / upai॑namupa॒sado॑ namanti / vi॒ndata॑ upasa॒ttāram / yo vā a॑gniho॒trasyāśrā॑vitaṃ pra॒tyāśrā॑vita॒॒ hotā॑raṃ bra॒hmāṇa॑vvam̐ṣaṭkā॒ravvem̐da॑ / tasya॒ tve॑va hu॒tam / prā॒ṇo vā a॑gniho॒trasyāśrā॑vitam / a॒pā॒na pra॒tyāśrā॑vitam / mano॒ hotā / cakṣu॑rbra॒hmā / ni॒me॒ṣo va॑ṣaṭkā॒raḥ

2.1.5.10
ya e॒vavvem̐da॑ / tasya॒ tve॑va hu॒tam / sā॒ya॒yyām̐vā॑naśca॒ vai de॒vā prā॑ta॒ryāvā॑ṇaścāgniho॒triṇo॑ gṛ॒hamāga॑cchanti / tān yanna ta॒rpayet / pra॒jayā'sya pa॒śubhi॒rvi ti॑ṣṭherann / yatta॒rpayet / tṛ॒ptā e॑naṃ pra॒jayā॑ pa॒śubhi॑starpayeyuḥ / sa॒jūrde॒vaissā॒yayyām̐va॑bhi॒riti॑ sā॒ya saṃmṛ॑śati / sa॒jūrde॒vai prā॒taryāva॑bhi॒riti॑ prā॒taḥ / ye cai॒va de॒vāssā॑ya॒yyām̐vā॑no॒ ye ca॑ prāta॒ryāvā॑ṇaḥ

2.1.5.11
tāne॒vobhayā॑ starpayati / ta e॑nantṛ॒ptā pra॒jayā॑ pa॒śubhi॑starpayanti / a॒ru॒ṇo ha॑ smā॒haupa॑veśiḥ / a॒gni॒ho॒tra e॒vāha sā॒yaṃprā॑ta॒rvajraṃ॒ bhrātṛ॑vyebhya॒ pra ha॑rāmi / tasmā॒nmatpāpī॑yāso॒ bhrātṛ॑vyā॒ iti॑ / ca॒turunna॑yati / dvirju॑hoti / sa॒mitsa॑pta॒mī / sa॒ptapa॑dā॒ śakva॑rī / śā॒kva॒ro vajraḥ॑ / a॒gni॒ho॒tra e॒va tatsā॒yaṃprā॑ta॒rvajra॒yyam̐ja॑māno॒ bhrātṛ॑vyāya॒ pra ha॑rati / bhava॑tyā॒tmanā / parā'sya॒ bhrātṛ॑vyo bhavati

2.1.6.0
ta॒nuvai॑ vā॒yura॒gnirbha॑va॒tyavi॑tvā bhava॒tyeka॑ñca

2.1.6.1
pra॒jāpa॑tirakāmayatātma॒nvanme॑ jāye॒teti॑ / so॑'juhot / tasmātma॒nvada॑jāyata / a॒gnirvā॒yurā॑di॒tyaḥ / te'bruvann / pra॒jāpa॑tirahauṣīdātma॒nvanme॑ jāye॒teti॑ / tasya॑ va॒yama॑janiṣmahi / jāya॑tānna ātma॒nvaditi॒ te॑'juhavuḥ / prā॒ṇānā॑ma॒gniḥ / ta॒nuvai॑ vā॒yuḥ

2.1.6.2
cakṣu॑ṣa ādi॒tyaḥ / teṣā॑ hu॒tāda॑jāyata॒ gaure॒va / tasyai॒ paya॑si॒ vyāya॑cchanta / mama॑ hu॒tāda॑jani॒ mameti॑ / te pra॒jāpa॑tiṃ pra॒śñamā॑yann / sa ā॑di॒tyo'gnima॑bravīt / ya॒ta॒ro nau॒ jayāt / tannau॑ sa॒hāsa॒diti॑ / kasyai ko'hau॑ṣī॒diti॑ pra॒jāpa॑tirabravī॒tkasyai ka॒ iti॑ / prā॒ṇānā॑ma॒hamitya॒gniḥ

2.1.6.3
ta॒nuvā॑ a॒hamiti॑ vā॒yuḥ / cakṣu॑ṣo॒'hamityā॑di॒tyaḥ / ya e॒va prā॒ṇānā॒mahau॑ṣīt / tasya॑ hu॒tāda॑ja॒nīti॑ / a॒gneऱhu॒tāda॑ja॒nīti॑ / tada॑gniho॒trasyāgnihotra॒tvam / gaurvā a॑gniho॒tram / ya e॒vavvem̐da॒ gaura॑gniho॒tramiti॑ / prā॒ṇā॒pā॒nābhyā॑me॒vāgni sama॑rdhayati / avya॑rdhuka prāṇāpā॒nābhyāṃ bhavati

2.1.6.4
ya e॒vavvem̐da॑ / tau vā॒yura॑bravīt / anu॒ mā bha॑jata॒miti॑ / yade॒va gāऱha॑patye'dhi॒śrityā॑hava॒nīya॑ma॒bhyu॑ddravān॑ / tena॒ tvāṃ prī॑ṇā॒nitya॑brūtām / tasmā॒dyadgāऱha॑patye'dhi॒śrityā॑hava॒nīya॑ma॒bhyu॑ddrava॑ti / vā॒yume॒va tena॑ prīṇāti / pra॒jāpa॑tirde॒vatāssṛ॒jamā॑naḥ / a॒gnime॒va de॒vatā॑nāṃ pratha॒mama॑sṛjata / so'nyadā॑la॒mbhya॑mavi॑tvā

2.1.6.5
pra॒jāpa॑tima॒bhi pa॒ryāva॑rtata / sa mṛ॒tyora॑bibhet / so॑'mumā॑di॒tyamā॒tmano॒ nira॑mimīta / ta hu॒tvā parāṅpa॒ryāva॑rtata / tato॒ vai sa mṛ॒tyumapā॑jayat / apa॑ mṛ॒tyuñja॑yati / ya e॒vavvem̐da॑ / tasmā॒dyasyai॒vavvim॒̐duṣaḥ॑ / u॒taikā॒hamu॒ta dvya॒hanna juhva॑ti / hu॒tame॒vāsya॑ bhavati / a॒sau hyā॑di॒tyo'gniho॒tram

2.1.7.0
udvā॑sita sa॒pta ca॑

2.1.7.1
rau॒draṅgavi॑ / vā॒ya॒vya॑mupa॑sṛṣṭam / ā॒śvi॒nandu॒hyamā॑nam / sau॒myandu॒gdham / vā॒ru॒ṇamadhi॑ śritam / vai॒śva॒de॒vā bhi॒ndavaḥ॑ / pau॒ṣṇamuda॑ntam / sā॒ra॒sva॒tavvim॒̐ṣyanda॑mānam / mai॒tra śaraḥ॑ / dhā॒turudvā॑sitam / bṛha॒spate॒runnī॑tam / sa॒vi॒tu pra krāntam / dyā॒vā॒pṛ॒thi॒vya॑ hri॒yamā॑ṇam / ai॒ndrā॒gnamupa॑sannam / a॒gne pūrvā''hu॑tiḥ / pra॒jāpa॑te॒rutta॑rā / ai॒ndra hu॒tam

2.1.8.0
bubhū॑ṣeddhri॒yamā॑ṇañjāyate॒ dve ca॑

2.1.8.1
da॒kṣi॒ṇa॒ta upa॑ sṛjati / pi॒tṛ॒lo॒kame॒va tena॑ jayati / prācī॒mā va॑rtayati / de॒va॒lo॒kame॒va tena॑ jayati / udī॑cīmā॒vṛtya॑ dogdhi / ma॒nu॒ṣya॒lo॒kame॒va tena॑ jayati / pūrvau॑ duhyājjye॒ṣṭhasya॑ jyaiṣṭhine॒yasya॑ / yo vā॑ ga॒taśrī॒ssyāt / apa॑rau duhyātkani॒ṣṭhasya॑ kāniṣṭhine॒yasya॑ / yo vā॒ bubhū॑ṣet

2.1.8.2
na saṃ mṛ॑śati / pā॒pa॒va॒sya॒sasya॒ vyāvṛ॑ttyai / vā॒ya॒vya॑vvām̐ e॒tadupa॑sṛṣṭam / ā॒śvi॒nandu॒hyamā॑nam / mai॒trandu॒gdham / a॒rya॒mṇa u॑dvā॒syamā॑nam / tvā॒ṣṭramu॑nnī॒yamā॑nam / bṛha॒spate॒runnī॑tam / sa॒vi॒tu prakrāntam / dyā॒vā॒pṛ॒thi॒vya॑ hri॒yamā॑ṇam

2.1.8.3
ai॒ndrā॒gnamupa॑ sāditam / sarvābhyo॒ vā e॒ṣa de॒vatābhyo juhoti / yo'gniho॒trañju॒hoti॑ / yathā॒ khalu॒ vai dhe॒nuntī॒rthe ta॒rpaya॑ti / e॒vama॑gniho॒trī yaja॑mānantarpayati / tṛpya॑ti pra॒jayā॑ pa॒śubhiḥ॑ / pra su॑va॒rgallom॒̐kañjā॑nāti / paśya॑ti pu॒tram / paśya॑ti॒ pauttram / pra pra॒jayā॑ pa॒śubhi॑rmithu॒nairjā॑yate / yasyai॒vavvim॒̐duṣo'gniho॒trañjuhva॑ti / ya u॑ cainade॒vavvem̐da॑

2.1.9.0
tū॒ṣṇīñjā॑yate॒ yaja॑mānaḥ

2.1.9.1
trayo॒ vai prai॑yame॒dhā ā॑sann / teṣā॒ntrireko'gniho॒trama॑juhot / dvirekaḥ॑ / sa॒kṛdekaḥ॑ / teṣā॒yyam̐striraju॑hot / sa ṛ॒cā'ju॑hot / yo dviḥ / sa yaju॑ṣā / yassa॒kṛt / sa tū॒ṣṇīm

2.1.9.2
yaśca॒ yaju॒ṣā'ju॑ho॒dyaśca॑ tū॒ṣṇīm / tāvu॒bhāvārdhnutām / tasmā॒dyaju॒ṣā''hu॑ti॒ pūrvā॑ hota॒vyā / tū॒ṣṇīmutta॑rā / u॒bhe e॒vardhī ava॑rundhe / a॒gnirjyoti॒rjyoti॑ra॒gnissvāheti॑ sā॒yañju॑hoti / reta॑ e॒va tadda॑dhāti / sūryo॒ jyoti॒rjyoti॒- ssūrya॒ssvāheti॑ prā॒taḥ / reta॑ e॒va hi॒taṃ pra ja॑nayati / reto॒ vā e॒tasya॑ hi॒tanna pra jā॑yate

2.1.9.3
yasyāgniho॒tramahu॑ta॒॒ sūryo॒'bhyu॑deti॑ / yadyante॒ syāt / u॒nnīya॒ prāṅu॒dādra॑vet / sa u॑pa॒sādyātami॑torāsīta / sa ya॒dā tāmyet / atha॒ bhūssvāheti॑ juhuyāt / pra॒jāpa॑ti॒rvai bhū॒taḥ / tame॒vopā॑sarat / sa e॒vaina॒ntata॒ unna॑yati / nārti॒mārccha॑ti॒ yaja॑mānaḥ

2.1.10.0
ā॒di॒tyāstarhya॒gnirindra॑ e॒vāsyāgniho॒tra hu॒taṃ bha॑vati de॒veṣu॑ ca॒tvāri॑ ca

(yada॒gninnihi॑ta pratha॒ma sarva॑ e॒va ni॑ta॒rāmaṅgā॑rā॒śśaro'ṅgā॑rā॒ brahma॒ vasu॑ṣva॒ṣṭau // )
2.1.10.1
yada॒gnimu॒ddhara॑ti / vasa॑va॒starhya॒gniḥ / tasmi॒n॒ yasya॒ tathā॑vidhe॒ juhva॑ti / vasu॑ṣve॒vāsyāgniho॒tra hu॒taṃ bha॑vati / nihi॑to dhūpā॒yañche॑te / ru॒drāstarhya॒gniḥ / tasmi॒n॒ yasya॒ tathā॑vidhe॒ juhva॑ti / ru॒dre॒ṣve॒vāsyāgniho॒tra hu॒taṃ bha॑vati / pra॒tha॒mami॒dhmama॒rcirā la॑bhate / ā॒di॒tyāstarhya॒gniḥ

2.1.10.2
tasmi॒n॒ yasya॒ tathā॑vidhe॒ juhva॑ti / ā॒di॒tyeṣve॒vāsyāgniho॒tra hu॒taṃ bha॑vati / sarva॑ e॒va sa॑rva॒śa i॒dhma ādīpto bhavati / viśve॑ de॒vāstarhya॒gniḥ / tasmi॒n॒ yasya॒ tathā॑vidhe॒ juhva॑ti / viśveṣve॒vāsya॑ de॒veṣva॑gniho॒tra hu॒taṃ bha॑vati / ni॒ta॒rāma॒rciru॒pāvai॑ti lohi॒nīke॑va bhavati / indra॒starhya॒gniḥ / tasmi॒n॒ yasya॒ tathā॑vidhe॒ juhva॑ti / indra॑ e॒vāsyāgniho॒tra hu॒taṃ bha॑vati

2.1.10.3
aṅgā॑rā bhavanti / tebhyo'ṅgā॑rebhyo॒'rcirude॑ti / pra॒jāpa॑ti॒starhya॒gniḥ / tasmi॒n॒ yasya॒ tathā॑vidhe॒ juhva॑ti / pra॒jāpa॑tāve॒vāsyāgniho॒tra hu॒taṃ bha॑vati / śaro'ṅgā॑rā॒ adhyū॑hante / brahma॒ tarhya॒gniḥ / tasmi॒n॒ yasya॒ tathā॑vidhe॒ juhva॑ti / brahma॑nne॒vāsyāgniho॒tra hu॒taṃ bha॑vati / vasu॑ṣu ru॒dreṣvā॑di॒tyeṣu॒ viśve॑ṣu de॒veṣu॑ / indre pra॒jāpa॑tau॒ brahmann॑ / apa॑rivargame॒vāsyai॒tāsu॑ de॒vatā॑su hu॒taṃ bha॑vati / yasyai॒vavvim॒̐duṣo'gniho॒trañjuhva॑ti / ya u॑ cainade॒vavvem̐da॑

2.1.11.0
a॒sti॒ dve ca॑

2.1.11.1
ṛ॒tantvā॑ sa॒tyena॒ pari॑ṣiñcā॒mīti॑ sā॒yaṃ pari॑ṣiñcati / sa॒tyantva॒rtena॒ pari॑ṣiñcā॒mīti॑ prā॒taḥ / a॒gnirvā ṛ॒tam / a॒sāvā॑di॒tyassa॒tyam / a॒gnime॒va tadā॑di॒tyena॑ sā॒yaṃ pari॑ṣiñcati / a॒gninā॑''di॒tyaṃ prā॒tassaḥ / yāva॑dahorā॒tre bhava॑taḥ / tāva॑dasya lo॒kasya॑ / nārti॒rna riṣṭiḥ॑ / nānto॒ na pa॑rya॒nto'sti / yasyai॒vavvim॒̐duṣo'gniho॒trañjuhva॑ti / ya u॑cainade॒vavvem̐da॑

2.2.0.0
pra॒jāpa॑tirakāmayata pra॒jāssṛ॑je॒yeti॑ pra॒jāpa॑tirakāmayata dar‌śapūrṇamā॒sau sṛ॑je॒yeti॑ pra॒jāpa॑tirakāmayata॒ prajā॑ye॒yeti॒ sa tapa॒ssa tri॒vṛtaṃ॑ pra॒jāpa॑tirakāmayata॒ daśa॑hotāraṃ॒ tena॑ daśa॒dhā''tmāna॑nde॒vā vai varu॑ṇa॒manto॒ vai pra॒jāpa॑ti॒stāssṛ॒ṣṭā- ssama॑śliṣyande॒vā vai catu॑r‌hotṛbhiri॒davvām̐ agre pra॒jāpa॑ti॒rindraṃ॑ pra॒jāpa॑tirakāmayata ba॒horbhūyā॒nekā॑daśa

pra॒jāpa॑ti॒stadgraha॑sya pra॒jāpa॑tirakāmayatā॒nayai॒vaina॒ttasya॒ vā i॒yaṅkḷpti॒stasmāttepā॒nājjyoti॒ryada॒sminnā॑di॒tye sa ṣaḍḍho॑tussa॒ptaho॑tāra॒ntrisa॑ptatiḥ

pra॒jāpa॑tirakāmayata ni॒dāna॑vānbhavati // // hariḥ॑ om // dvitīya prapāṭhakassamāptaḥ
2.2.0.0
taittirīyabrāhmaṇe dvitīyāṣṭake dvitīyaprapāṭhaka prārambhaḥ / hariḥ om //
2.2.1.0
daśa॑hotā॒ sṛṣṭyā॑ ṛ॒cchedvyāca॑pṭe rundha e॒va ta॑nute॒ nir‌ṛ॑tigṛhītaṃ॒ pañca॑ ca

2.2.1.1
pra॒jāpa॑tirakāmayata pra॒jāssṛ॑je॒yeti॑ / sa e॒tandaśa॑hotāramapaśyat / taṃ mana॑sā'nu॒drutya॑ darbhasta॒mbe॑'juhot / tato॒ vai sa pra॒jā a॑sṛjata / tā a॑smātsṛ॒ṣṭā apākrāmann / tā grahe॑ṇāgṛhṇāt / tadgraha॑sya graha॒tvam / ya kā॒maye॑ta॒ prajā॑ye॒yeti॑ / sa daśa॑hotāraṃ॒ mana॑sā'nu॒drutya॑ darbhasta॒mbe ju॑huyāt / pra॒jāpa॑ti॒rvai daśa॑hotā

2.2.1.2
pra॒jāpa॑tire॒va bhū॒tvā prajā॑yate / mana॑sā juhoti / mana॑ iva॒ hi pra॒jāpa॑tiḥ / pra॒jāpa॑te॒rāptyai / pū॒rṇayā॑ juhoti / pū॒rṇa i॑va॒ hi pra॒jāpa॑tiḥ / pra॒jāpa॑te॒rāptyai / nyū॑nayā juhoti / nyū॑nā॒ddhi pra॒jāpa॑tiḥ pra॒jā asṛ॑jata / pra॒jānā॒॒ sṛṣṭyai

2.2.1.3
da॒rbha॒sta॒mbe ju॑hoti / e॒tasmā॒dvai yone pra॒jāpa॑ti pra॒jā a॑sṛjata / yasmā॑de॒va yone pra॒jāpa॑ti pra॒jā asṛ॑jata / tasmā॑de॒va yone॒ prajā॑yate / brā॒hma॒ṇo da॑kṣiṇa॒ta upāste / brā॒hma॒ṇo vai pra॒jānā॑mupadra॒ṣṭā / u॒pa॒dra॒ṣṭu॒matye॒va prajā॑yate / graho॑ bhavati / pra॒jānā॑ sṛ॒ṣṭānā॒ndhṛtyai / yaṃ brāhma॒ṇavvim॒̐dyāvvim॒̐dvāsa॒yyam̐śo॒ narcchet

2.2.1.4
so'ra॑ṇyaṃ pa॒retya॑ / da॒rbha॒sta॒mbamu॒dgrathya॑ / brā॒hma॒ṇanda॑kṣiṇa॒to ni॒ṣādya॑ / catu॑rhotṝ॒nvyāca॑kṣīta / e॒tadvai de॒vānāṃ para॒maṅguhyaṃ॒ brahma॑ / yaccatu॑r‌hotāraḥ / tade॒va pra॑kā॒śaṅga॑mayati / tade॑naṃ prakā॒śaṅga॒tam / pra॒kā॒śaṃ pra॒jānāṅgamayati / da॒rbha॒sta॒mbamu॒dgrathya॒ vyāca॑ṣṭe

2.2.1.5
a॒gni॒vān vai da॑rbhasta॒mbaḥ / a॒gni॒vatye॒va vyāca॑ṣṭe / brā॒hma॒ṇo da॑kṣiṇa॒ta upāste / brā॒hma॒ṇo vai pra॒jānā॑mupadra॒ṣṭā / u॒pa॒dra॒ṣṭu॒matye॒vaina॒yyam̐śa॑ ṛcchati / ī॒śva॒rantayyam̐śorto॒rityā॑huḥ / yasyānte vyā॒caṣṭa॒ iti॑ / vara॒stasmai॒ deyaḥ॑ / yade॒vaina॒ntatro॑pa॒nama॑ti / tade॒vāva॑ rundhe

2.2.1.6
a॒gnimā॒dadhā॑no॒ daśa॑hotrā॒'raṇi॒mava॑ dadhyāt / prajā॑tame॒vaina॒mā dha॑tte / tenai॒voddrutyāgniho॒trañju॑huyāt / prajā॑tame॒vaina॑jjuhoti / ha॒virni॑rva॒phsyandaśa॑hotāra॒vyyām̐ca॑kṣīta / prajā॑tame॒vaina॒nnirva॑pati / sā॒mi॒dhe॒nīra॑nuva॒kṣyandaśa॑hotāra॒- vvyām̐ca॑kṣīta / sā॒mi॒dhe॒nīre॒va sṛ॒ṣṭvā''rabhya॒ prata॑nute / atho॑ ya॒jño vai daśa॑hotā / ya॒jñame॒va ta॑nute

2.2.1.7
a॒bhi॒cara॒ndaśa॑hotārañjuhuyāt / nava॒ vai puru॑ṣe prā॒ṇāḥ / nābhi॑rdaśa॒mī / saprā॑ṇame॒vaina॑ma॒bhi ca॑rati / e॒tāva॒dvai puru॑ṣasya॒ svam / yāva॑tprā॒ṇāḥ / yāva॑de॒vāsyāsti॑ / tada॒bhi ca॑rati / svakṛ॑ta॒ iri॑ṇe juhoti prada॒re vā / e॒tadvā a॒syai nir‌ṛ॑tigṛhītam / nir‌ṛ॑tigṛhīta e॒vaina॒nnir‌ṛ॑tyā grāhayati / yadvā॒ca krū॒ram / tena॒ vaṣa॑ṭkaroti / vā॒ca e॒vaina॑ṅkrū॒reṇa॒ pra vṛ॑ścati / tā॒jagārti॒mārccha॑ti

2.2.2.0
ta॒nu॒ta॒ ā॒labha॑māno'gṛhṇādasṛjatābharañjāyera॒nthṣaṭca॑

2.2.2.1
pra॒jāpa॑tirakāmayata dar‌śapūrṇamā॒sau sṛ॑je॒yeti॑ / sa e॒tañcatu॑r‌hotāramapaśyat / taṃ mana॑sā'nu॒drutyā॑hava॒nīye॑'juhot / tato॒ vai sa da॑r‌śapūrṇamā॒sāva॑sṛjata / tāva॑smātsṛ॒ṣṭāvapākrāmatām / tau grahe॑ṇāgṛhṇāt / tadgraha॑sya graha॒tvam / da॒rśa॒pū॒rṇa॒mā॒sāvā॒labha॑mānaḥ / catu॑r‌hotāraṃ॒ mana॑sā'nu॒drutyā॑hava॒nīye॑ juhuyāt / da॒rśa॒pū॒rṇa॒mā॒sāve॒va sṛ॒ṣṭvā''rabhya॒ prata॑nute

2.2.2.2
graho॑ bhavati / da॒r‌śa॒pū॒rṇa॒mā॒sayossṛ॒ṣṭayo॒rdhṛtyai / so॑'kāmayata cāturmā॒syāni॑ sṛje॒yeti॑ / sa e॒taṃ pañca॑hotāramapaśyat / taṃ mana॑sā'nu॒drutyā॑hava॒nīye॑'juhot / tato॒ vai sa cā॑turmā॒syānya॑sṛjata / tānya॑smātsṛ॒ṣṭānyapākrāmann / tāni॒ grahe॑ṇāgṛhṇāt / tadgraha॑sya graha॒tvam / cā॒tu॒rmā॒syānyā॒labha॑mānaḥ

2.2.2.3
pañca॑hotāraṃ॒ mana॑sā'nu॒drutyā॑hava॒nīye॑ juhuyāt / cā॒tu॒rmā॒syānye॒va sṛ॒ṣṭvā''rabhya॒ prata॑nute / graho॑ bhavati / cā॒tu॒rmā॒syānā॑ sṛ॒ṣṭānā॒ndhṛtyai / so॑'kāmayata paśuba॒ndha sṛ॑je॒yeti॑ / sa e॒ta ṣaḍḍho॑tāramapaśyat / taṃ mana॑sā'nu॒drutyā॑hava॒nīye॑'juhot / tato॒ vai sa pa॑śuba॒ndhama॑sṛjata / sosmātsṛ॒ṣṭo'pākrāmat / taṅgrahe॑ṇāgṛhṇāt

2.2.2.4
tadgraha॑sya graha॒tvam / pa॒śu॒ba॒ndhena॑ ya॒kṣyamā॑ṇaḥ / ṣaḍḍho॑tāraṃ॒ mana॑sā'nu॒drutyā॑hava॒nīye॑ juhuyāt / pa॒śu॒ba॒ndhame॒va sṛ॒ṣṭvā''rabhya॒ pra ta॑nute / graho॑ bhavati / pa॒śu॒ba॒ndhasya॑ sṛ॒ṣṭasya॒ dhṛtyai / so॑'kāmayata sau॒myama॑dhva॒ra sṛ॑je॒yeti॑ / sa e॒ta sa॒ptaho॑tāramapaśyat / taṃ mana॑sā'nu॒drutyā॑hava॒nīye॑'juhot / tato॒ vai sa sau॒myama॑dhva॒rama॑sṛjata

2.2.2.5
so'smātsṛ॒ṣṭo'pākrāmat / taṅgrahe॑ṇāgṛhṇāt / tadgraha॑sya graha॒tvam / dī॒kṣi॒ṣyamā॑ṇaḥ / sa॒ptaho॑tāraṃ॒ mana॑sā'nu॒drutyā॑hava॒nīye॑ juhuyāt / sau॒myame॒vādhva॒ra sṛ॒ṣṭvā''rabhya॒ pra ta॑nute / graho॑ bhavati / sau॒myasyādhva॒rasya॑ sṛ॒ṣṭasya॒ dhṛtyai / de॒vebhyo॒ vai ya॒jño na prābha॑vat / tame॑tāva॒cchassama॑bharann

2.2.2.6
yatsaṃ॑bhā॒rāḥ / tato॒ vai tebhyo॑ ya॒jña prābha॑vat / yatsaṃ॑bhā॒rā bhava॑nti / ya॒jñasya॒ prabhūtyai / ā॒ti॒thyamā॒sādya॒ vyāca॑ṣṭe / ya॒jña॒mu॒khavvām̐ ā॑ti॒thyam / mu॒kha॒ta e॒va ya॒jña saṃ॒bhṛtya॒ pra ta॑nute / aya॑jño॒ vā e॒ṣaḥ / yo॑'pa॒tnīkaḥ॑ / na pra॒jā prajā॑yerann / patnī॒rvyāca॑ṣṭe / ya॒jñame॒vākaḥ॑ / pra॒jānāṃ pra॒jana॑nāya / u॒pa॒satsu॒ vyāca॑ṣṭe / e॒tadvai patnī॑nāmā॒yata॑nam / sva e॒vainā॑ ā॒yata॒ne'va॑kalpayati

2.2.3.0
syā॒diti॑ savvam̐tsa॒ro ja॑nayadhva॒mitītya॑bravī॒tpūrva॒ ityā॑di॒tyānṛ॒tava॒ṣṣaṭca॑

2.2.3.1
pra॒jāpa॑tirakāmayata॒ prajā॑ye॒yeti॑ / sa tapo॑'tapyata / sa tri॒vṛta॒॒ stoma॑masṛjata / taṃ pa॑ñcada॒śaḥ stomo॑ madhya॒ta uda॑tṛṇat / tau pūrvapa॒kṣaścā॑parapa॒kṣaścā॑bhavatām / pū॒rva॒pa॒kṣande॒vā anvasṛ॑jyanta / a॒pa॒ra॒pa॒kṣamanvasu॑rāḥ / tato॑ de॒vā abha॑vann / parā'su॑rāḥ / yaṅkā॒maye॑ta॒ vasī॑yāntsyā॒diti॑

2.2.3.2
taṃ pūrvapa॒kṣe yā॑jayet / vasī॑yāne॒va bha॑vati / yaṅkā॒maye॑ta॒ pāpī॑yāntsyā॒diti॑ / tama॑parapa॒kṣe yā॑jayet / pāpī॑yāne॒va bha॑vati / tasmātpūrvapa॒kṣo॑'parapa॒kṣātka॑ru॒ṇya॑taraḥ / pra॒jāpa॑ti॒rvai daśa॑hotā / catu॑r‌hotā॒ pañca॑hotā / ṣaḍḍho॑tā sa॒ptaho॑tā / ṛ॒tava॑ssavvam̐tsa॒raḥ

2.2.3.3
pra॒jā pa॒śava॑ i॒me lo॒kāḥ / ya e॒vaṃ pra॒jāpa॑tiṃ ba॒horbhūyā॑sa॒vvem̐da॑ / ba॒hore॒va bhūyānbhavati / pra॒jāpa॑tirdevāsu॒rāna॑sṛjata / sa indra॒mapi॒ nāsṛ॑jata / tande॒vā a॑bruvann / indra॑nno jana॒yeti॑ / so'bravīt / yathā॒'hayyum॒̐ṣmāstapa॒sā'sṛ॑kṣi / e॒vamindra॑ñjanayadhva॒miti॑

2.2.3.4
te tapo॑'tapyanta / ta ā॒tmannindra॑mapaśyann / tama॑bruvann / jāya॒sveti॑ / so'bravīt / kiṃ bhā॑ga॒dheya॑ma॒bhi ja॑niṣya॒ iti॑ / ṛ॒tūntsa॑vam̐tsa॒ram / pra॒jā pa॒śūn / i॒māllom॒̐kānitya॑bruvann / tavvaim̐ mā''hu॑tyā॒ pra ja॑naya॒tetya॑bravīt

2.2.3.5
tañcatu॑r‌hotrā॒ prāja॑nayann / ya kā॒maye॑ta vī॒ro ma॒ ājā॑ye॒teti॑ / sa catu॑r‌hotārañjuhuyāt / pra॒jāpa॑ti॒rvai catu॑rhotā / pra॒jāpa॑tire॒va bhū॒tvā prajā॑yate / ja॒jana॒dindra॑mindri॒yāya॒ svāheti॒ grahe॑ṇa juhoti / ā'sya॑ vī॒ro jā॑yate / vī॒ra hi de॒vā e॒tayā''hu॑tyā॒ prāja॑nayann / ā॒di॒tyāścāṅgi॑rasaśca suva॒rge lo॒ke'spardhanta / va॒yaṃ pūrve॑ suva॒rgallom॒̐kami॑yāma va॒yaṃ pūrva॒ iti॑

2.2.3.6
ta ā॑di॒tyā e॒taṃ pañca॑hotāramapaśyann / taṃ pu॒rā prā॑taranuvā॒kādāgnīdhre'juhavuḥ / tato॒ vai te pūrve॑ suva॒rgallom॒̐kamā॑yann / yassu॑va॒rgakā॑ma॒ssyāt / sa pañca॑hotāraṃ pu॒rā prā॑taranuvā॒kādāgnīdhre juhuyāt / sa॒vvam॒̐tsa॒ro vai pañca॑hotā / sa॒vvam॒̐tsa॒rassu॑va॒rgo lo॒kaḥ / sa॒vvam॒̐tsa॒ra e॒vartuṣu॑ prati॒ṣṭhāya॑ / su॒va॒rgallom॒̐kame॑ti / te'bruva॒nnaṅgi॑rasa ādi॒tyān

2.2.3.7
kva॑ stha / kva॑ vassa॒dbhyo ha॒vyavvam̐॑kṣyāma॒ iti॑ / chanda॒ssvitya॑bruvann / gā॒ya॒tri॒yāntri॒ṣṭubhi॒ jaga॑tyā॒miti॑ / tasmā॒cchanda॑ssu sa॒dbhya ā॑di॒tyebhyaḥ॑ / ā॒ṅgī॒ra॒sī pra॒jā ha॒vyavvam̐॑hanti / vaha॑ntyasmai pra॒jā ba॒lim / aina॒mapra॑tikhyātaṅgacchati / ya e॒vavvem̐da॑ / dvāda॑śa॒ māsā॒ pañca॒rtavaḥ॑ / traya॑ i॒me lo॒kāḥ / a॒sāvā॑di॒tya e॑kavi॒॒śaḥ / e॒tasmi॒nvā e॒ṣa śri॒taḥ / e॒tasmi॒nprati॑ṣṭhitaḥ / ya e॒vame॒ta śri॒taṃ prati॑ṣṭhita॒vvem̐da॑ / pratye॒va ti॑ṣṭhati

2.2.4.0
a॒na॒nda॒dbhuva॒ iti॒ vyāha॑ra॒dvedā॑sī॒dvedā॑dhatta॒ prajātyai

2.2.4.1
pra॒jāpa॑tirakāmayata॒ pra jā॑ye॒yeti॑ / sa e॒tandaśa॑hotāramapaśyat / tena॑ daśa॒dhā''tmāna॑vvim॒̐dhāya॑ / daśa॑hotrā'tapyata / tasya॒ citti॒ssrugāsīt / ci॒ttamājyam / tasyai॒tāva॑tye॒va vāgāsīt / e॒tāvān॑ yajñakra॒tuḥ / sa catu॑r‌hotāramasṛjata / so॑'nandat

2.2.4.2
asṛ॑kṣi॒ vā i॒mamiti॑ / tasya॒ sāmo॑ ha॒virāsīt / sa catu॑r‌hotrā'tapyata / so॑'tāmyat / sa bhūriti॒ vyāha॑rat / sa bhūmi॑masṛjata / a॒gni॒ho॒tranda॑r‌śapūrṇamā॒sau yajū॑ṣi / sa dvi॒tīya॑matapyata / so॑'tāmyat / sa bhuva॒ iti॒ vyāha॑rat

2.2.4.3
so'ntari॑kṣamasṛjata / cā॒tu॒rmā॒syāni॒ sāmā॑ni / sa tṛ॒tīya॑matapyata / so॑'tāmyat / sa suva॒riti॒ vyāha॑rat / sa diva॑masṛjata / a॒gni॒ṣṭo॒mamu॒kthya॑matirā॒tramṛcaḥ॑ / e॒tā vai vyāhṛ॑taya i॒me lo॒kāḥ / i॒mānkhalu॒ vai lo॒kānanu॑ pra॒jā pa॒śava॒śchandā॑si॒ prājā॑yanta / ya e॒vame॒tā pra॒jāpa॑te pratha॒mā vyāhṛ॑tī॒ prajā॑tā॒ veda॑

2.2.4.4
pra pra॒jayā॑ pa॒śubhi॑rmithu॒nairjā॑yate / sa pañca॑hotāramasṛjata / sa ha॒virnāvi॑ndata / tasmai॒ soma॑sta॒nuvaṃ॒ prāya॑cchat / e॒tatte॑ ha॒viriti॑ / sa pañca॑hotrā'tapyata / so॑'tāmyat / sa pra॒tyaṅṅa॑bādhata / so'su॑rānasṛjata / tada॒syāpri॑yamāsīt

2.2.4.5
taddu॒rvarṇa॒॒ hira॑ṇyamabhavat / taddu॒rvarṇa॑sya॒ hira॑ṇyasya॒ janma॑ / sa dvi॒tīya॑matapyata / so॑'tāmyat / sa prāṅa॑bādhata / sa de॒vāna॑sṛjata / tada॑sya pri॒yamā॑sīt / tatsu॒varṇa॒॒ hira॑ṇyamabhavat / tatsu॒varṇa॑sya॒ hira॑ṇyasya॒ janma॑ / ya e॒va su॒varṇa॑sya॒ hira॑ṇyasya॒ janma॒ veda॑

2.2.4.6
su॒varṇa॑ ā॒tmanā॑ bhavati / du॒rvarṇo'sya॒ bhrātṛ॑vyaḥ / tasmātsu॒varṇa॒॒ hira॑ṇyaṃ bhā॒ryam / su॒varṇa॑ e॒va bha॑vati / ainaṃ॑ pri॒yaṅga॑cchati॒ nāpri॑yam / sa sa॒ptaho॑tāramasṛjata / sa sa॒ptahotrai॒va su॑va॒rgallom॒̐kamait / tri॒ṇa॒vena॒ stome॑nai॒bhyo lo॒kebhyo'su॑rā॒nprāṇu॑data / tra॒ya॒stri॒॒śena॒ pratya॑tiṣṭhat / e॒ka॒vi॒॒śena॒ ruca॑madhatta

2.2.4.7
sa॒pta॒da॒śena॒ prājā॑yata / ya e॒vavvim॒̐dvāntsome॑na॒ yaja॑te / sa॒ptahotrai॒va su॑va॒rgallom॒̐kame॑ti / tri॒ṇa॒vena॒ stome॑nai॒bhyo lo॒kebhyo॒ bhrātṛ॑vyā॒npraṇu॑date / tra॒ya॒stri॒॒śena॒ prati॑tiṣṭhati / e॒ka॒vi॒॒śena॒ ruca॑ndhatte / sa॒pta॒da॒śena॒ pra jā॑yate / tasmātsaptada॒śa- sstomo॒ na ni॒r॒hṛtyaḥ॑ / pra॒jāpa॑ti॒rvai sa॑ptada॒śaḥ / pra॒jāpa॑time॒va ma॑dhya॒to dha॑tte॒ prajātyai

2.2.5.0
vlī॒nā॒tyaśva॒mityā॑hāṅgīra॒sa pra॑tigrahī॒tra ityā॑ha pratigrahī॒tetyā॑ha॒ dakṣi॒ṇetyā॑ha ca॒tvāri॑ ca

2.2.5.1
de॒vā vai varu॑ṇamayājayann / sa yasyai॑yasyai de॒vatā॑yai॒ dakṣi॑ṇā॒mana॑yat / tāma॑vlīnāt / te'bruvann / vyā॒vṛtya॒ prati॑ gṛhṇāma / tathā॑ no॒ dakṣi॑ṇā॒ na vleṣya॒tīti॑ / te vyā॒vṛtya॒ pratya॑gṛhṇann / tato॒ vai tāndakṣi॑ṇā॒ nāvlī॑nāt / ya e॒vavvim॒̐dvānvyā॒vṛtya॒ dakṣi॑ṇāṃ pratigṛ॒hṇāti॑ / naina॒ndakṣi॑ṇā vlīnāti

2.2.5.2
rājā tvā॒ varu॑ṇo nayatu devi dakṣiṇe॒'gnaye॒ hira॑ṇya॒mityā॑ha / ā॒gne॒yavvaim̐ hira॑ṇyam / svayai॒vaina॑dde॒vata॑yā॒ prati॑ gṛhṇāti / somā॑ya॒ vāsa॒ ityā॑ha / sau॒myavvaim̐ vāsaḥ॑ / svayai॒vaina॑dde॒vata॑yā॒ prati॑ gṛhṇāti / ru॒drāya॒ gāmityā॑ha / rau॒drī vai gauḥ / svayai॒vainānde॒vata॑yā॒ prati॑gṛhṇāti / varu॑ṇā॒yāśva॒mityā॑ha

2.2.5.3
vā॒ru॒ṇo vā aśvaḥ॑ / svayai॒vaina॑nde॒vata॑yā॒ prati॑gṛhṇāti / pra॒jāpa॑taye॒ puru॑ṣa॒mityā॑ha / prā॒jā॒pa॒tyo vai puru॑ṣaḥ / svayai॒vaina॑nde॒vata॑yā॒ prati॑ gṛhṇāti / mana॑ve॒ talpa॒mityā॑ha / mā॒na॒vo vai talpaḥ॑ / svayai॒vaina॑nde॒vata॑yā॒ prati॑ gṛhṇāti / u॒ttā॒nāyāṅgīra॒sāyāna॒ ityā॑ha / i॒yavvām̐ u॑ttā॒na āṅgīra॒saḥ

2.2.5.4
a॒nayai॒vaina॒tprati॑ gṛhṇāti / vai॒śvā॒na॒ryarcā rathaṃ॒ prati॑ gṛhṇāti / vai॒śvā॒na॒ro vai de॒vata॑yā॒ rathaḥ॑ / svayai॒vaina॑nde॒vata॑yā॒ prati॑ gṛhṇāti / tenā॑mṛta॒tvama॑śyā॒mityā॑ha / a॒mṛta॑me॒vātmandha॑tte / vayo॑ dā॒tra ityā॑ha / vaya॑ e॒vaina॑ṅkṛ॒tvā / su॒va॒rgallom॒̐kaṅga॑mayati / mayo॒ mahya॑mastu pratigrahī॒tra ityā॑ha

2.2.5.5
yadvai śi॒vam / tanmayaḥ॑ / ā॒tmana॑ e॒vaiṣā parīttiḥ / ka i॒daṅkasmā॑ adā॒dityā॑ha / pra॒jāpa॑ti॒rvai kaḥ / sa pra॒jāpa॑taye dadāti / kāma॒ kāmā॒yetyā॑ha / kāme॑na॒ hi dadā॑ti / kāme॑na pratigṛ॒hṇāti॑ / kāmo॑ dā॒tā kāma॑ pratigrahī॒tetyā॑ha

2.2.5.6
kāmo॒ hi dā॒tā / kāma॑ pratigrahī॒tā / kāma॑ samu॒dramāvi॒śetyā॑ha / sa॒mu॒dra i॑va॒ hi kāmaḥ॑ / neva॒ hi kāma॒syānto'sti॑ / na sa॑mu॒drasya॑ / kāme॑na tvā॒ prati॑gṛhṇā॒mītyā॑ha / yena॒ kāme॑na pratigṛ॒hṇāti॑ / sa e॒vaina॑ma॒muṣmi॑llom॒̐ke kāma॒ āga॑cchati / kāmai॒tatta॑ e॒ṣā te॑ kāma॒ dakṣi॒ṇetyā॑ha / kāma॑ e॒va tadyaja॑māno॒'muṣmi॑llom॒̐ke dakṣi॑ṇāmicchati / na pra॑tigrahī॒tari॑ / ya e॒vavvim॒̐dvāndakṣi॑ṇāṃ pratigṛ॒hṇāti॑ / a॒nṛ॒ṇāme॒vaināṃ॒ prati॑ gṛhṇāti

2.2.6.0
pṛśñi॑ tiṣṭhanti gamayati śiṣe॒tpañca॑ ca

2.2.6.1
anto॒ vā e॒ṣa ya॒jñasya॑ / yadda॑śa॒mamahaḥ॑ / da॒śa॒me'hantsarparā॒jñiyā॑ ṛ॒gbhisstu॑vanti / ya॒jñasyai॒vānta॑ṅga॒tvā / a॒nnādya॒mava॑ rundhate / ti॒sṛbhi॑sstuvanti / traya॑ i॒me lo॒kāḥ / e॒bhya e॒va lo॒kebhyo॒'nnādya॒mava॑ rundhate / pṛśñi॑vatīrbhavanti / anna॒vvaim̐ pṛśñi॑

2.2.6.2
anna॑me॒vāva॑ rundhate / mana॑sā॒ prastau॑ti / mana॒sodgā॑yati / mana॑sā॒ prati॑ harati / mana॑ iva॒ hi pra॒jāpa॑tiḥ / pra॒jāpa॑te॒rāptyai / de॒vā vai sa॒rpāḥ / teṣā॑mi॒ya rājñī / yatsa॑rparā॒jñiyā॑ ṛ॒gbhisstu॒vanti॑ / a॒syāme॒va prati॑ tiṣṭhanti

2.2.6.3
catu॑r‌hotṝ॒n॒ hotā॒ vyāca॑ṣṭe / stu॒tamanu॑śasati॒ śāntyai / anto॒ vā e॒ṣa ya॒jñasya॑ / yadda॑śa॒mamahaḥ॑ / e॒tatkhalu॒ vai de॒vānāṃ para॒maṅguhyaṃ॒ brahma॑ / yaccatu॑rhotāraḥ / da॒śa॒me'ha॒॒ ścatu॑r‌hotṝ॒nvyāca॑ṣṭe / ya॒jñasyai॒vānta॑ṅga॒tvā / pa॒ra॒mande॒vānā॒ṅguhyaṃ॒ brahmāva॑ rundhe / tade॒va pra॑kā॒śaṅga॑mayati

2.2.6.4
tade॑naṃ prakā॒śaṅga॒tam / pra॒kā॒śaṃ pra॒jānāṅgamayati / vāca॑yyam̐cchati / ya॒jñasya॒ dhṛtyai / ya॒ja॒mā॒na॒de॒va॒tya॑vvām̐ ahaḥ॑ / bhrā॒tṛ॒vya॒de॒va॒tyā॑ rātriḥ॑ / ahnā॒ rātri॑ndhyāyet / bhrātṛ॑vyasyai॒va tallo॒kavvṛm̐॑ṅkte / yaddivā॒ vāca॑vvim̐sṛ॒jet / aha॒rbhrātṛ॑vyā॒yocchi॑ṣet / yannakta॑vvim̐sṛ॒jet / rātriṃ॒ bhrātṛ॑vyā॒yocchi॑ṣet / a॒dhi॒vṛ॒kṣa॒sū॒rye vāca॒vvim̐sṛ॑jati / e॒tāva॑ntame॒vāsmai॑ lo॒kamucchi॑ṣati / yāva॑dādi॒tyo'sta॒meti॑

2.2.7.0
hvaye॑te abhavatkalpa॒yetīti॑ ca॒tvāri॑ ca

2.2.7.1
pra॒jāpa॑ti pra॒jā a॑sṛjata / tāssṛ॒ṣṭāssama॑śliṣyann / tā rū॒peṇānu॒prāvi॑śat / tasmā॑dāhuḥ / rū॒pavvaim̐ pra॒jāpa॑ti॒riti॑ / tā nāmnā'nu॒ prāvi॑śat / tasmā॑dāhuḥ / nāma॒ vai pra॒jāpa॑ti॒riti॑ / tasmā॒dapyā॑mi॒trau sa॒ṅgatya॑ / nāmnā॒ ceddhvaye॑te

2.2.7.2
mi॒trame॒va bha॑vataḥ / pra॒jāpa॑tirdevāsu॒rāna॑sṛjata / sa indra॒mapi॒ nāsṛ॑jata / tande॒vā a॑bruvann / indra॑nno jana॒yeti॑ / sa ā॒tmannindra॑mapaśyat / tama॑sṛjata / tantri॒ṣṭugvī॒ryaṃ॑ bhū॒tvā'nu॒ prāvi॑śat / tasya॒ vajra॑ pañcada॒śo hasta॒ āpa॑dyata / teno॒dayyāsu॑rāna॒bhya॑bhavat

2.2.7.3
ya e॒vavvem̐da॑ / a॒bhi bhrātṛ॑vyānbhavati / te de॒vā asu॑rairvi॒jitya॑ / su॒va॒rgallom॒̐kamā॑yann / te॑'muṣmi॑llom॒̐ke vya॑kṣudhyann / te'bruvann / a॒muta॑ pradāna॒vvām̐ upa॑jijīvi॒meti॑ / te sa॒ptaho॑tārayyam॒̐jñavvim॒̐dhāyā॒yāsyam / ā॒ṅgī॒ra॒saṃ prāhi॑ṇvann / e॒tenā॒mutra॑ kalpa॒yeti॑

2.2.7.4
tasya॒ vā i॒yaṅkḷptiḥ॑ / yadi॒daṅkiñca॑ / ya e॒vavvem̐da॑ / kalpa॑te'smai / sa vā a॒yaṃ ma॑nu॒ṣye॑ṣu ya॒jñassa॒ptaho॑tā / a॒mutra॑ sa॒dbhyo de॒vebhyo॑ ha॒vyavvam̐॑hati / ya e॒vavvem̐da॑ / upai॑nayyam॒̐jño na॑mati / so॑'manyata / a॒bhi vā i॒me'smāllo॒kāda॒mullom॒̐kaṅka॑miṣyanta॒ iti॑ / sa vāca॑spate॒ hṛditi॒ vyāha॑rat / tasmātpu॒ttro hṛda॑yam / tasmā॑da॒smāllo॒kāda॒mullom॒̐kannābhi kā॑mayante / pu॒ttro hi hṛda॑yam

2.2.8.0
a॒bhi॒ṣu॒ṇvanti॑ sa॒ptaho॑tā tarpayati॒ ṣaḍḍhotrā nivi॒ttvamabhūttiṣṭhati॒ prāheti॒ dve ca॑

2.2.8.1
de॒vā vai catu॑r‌hotṛbhirya॒jñama॑tanvata / te vi pā॒pmanā॒ bhrātṛ॑vye॒ṇāja॑yanta / a॒bhi su॑va॒rgallom॒̐kama॑jayann / ya e॒vavvim॒̐dvā ścatu॑rhotṛbhirya॒jñanta॑nu॒te / vi pā॒pmanā॒ bhrātṛ॑vyeṇa jayate / a॒bhi su॑va॒rgallom॒̐kañja॑yati / ṣaḍḍhotrā prāya॒ṇīya॒mā sā॑dayati / a॒muṣmai॒ vai lo॒kāya॒ ṣaḍḍho॑tā / ghnanti॒ khalu॒ vā e॒tatsomam / yada॑bhiṣu॒ṇvanti॑

2.2.8.2
ṛ॒ju॒dhaivaina॑ma॒mullom॒̐kaṅga॑mayati / catu॑r‌hotrā''ti॒thyam / yaśo॒ vai catu॑r‌hotā / yaśa॑ e॒vātmandha॑tte / pañca॑hotrā pa॒śumupa॑sādayati / su॒va॒rgyo॑ vai pañca॑hotā / yaja॑māna pa॒śuḥ / yaja॑māname॒va su॑va॒rgallom॒̐kaṅga॑mayati / grahāngṛhī॒tvā sa॒ptaho॑tārañjuhoti / i॒ndri॒yavvaim̐ sa॒ptaho॑tā

2.2.8.3
i॒ndri॒yame॒vātmandha॑tte / yo vai catu॑r‌hotṝnanusava॒nanta॒rpaya॑ti / tṛpya॑ti pra॒jayā॑ pa॒śubhiḥ॑ / upai॑na somapī॒tho na॑mati / ba॒hi॒ṣpa॒va॒mā॒ne daśa॑hotāra॒vvyām̐ca॑kṣīta / mādhya॑ndine॒ pava॑māne॒ catu॑r‌hotāram / ārbha॑ve॒ pava॑māne॒ pañca॑hotāram / pi॒tṛ॒ya॒jñe ṣaḍḍho॑tāram / ya॒jñā॒ya॒jñiya॑sya sto॒tre sa॒ptaho॑tāram / a॒nu॒sa॒va॒name॒vainā॑ starpayati

2.2.8.4
tṛpya॑ti pra॒jayā॑ pa॒śubhiḥ॑ / upai॑na somapī॒tho na॑mati / de॒vā vai catu॑r‌hotṛbhissa॒ttramā॑sata / ṛddhi॑parimita॒yyam̐śa॑skāmāḥ / te'bruvann / yanna॑ pratha॒mayyam̐śa॑ ṛ॒cchāt / sarve॑ṣānna॒statsa॒hāsa॒diti॑ / soma॒ścatu॑r‌hotrā / a॒gni pañca॑hotrā / dhā॒tā ṣaḍḍhotrā

2.2.8.5
indra॑ssa॒ptahotrā / pra॒jāpa॑ti॒rdaśa॑hotrā / teṣā॒॒ soma॒॒ rājā॑na॒yyam̐śa॑ ārcchat / tannya॑kāmayata / tenāpākrāmat / tena॑ pra॒lāya॑macarat / tande॒vā prai॒ṣai praiṣa॑maicchann / tatprai॒ṣāṇāṃ praiṣa॒tvam / ni॒vidbhi॒rnya॑vedayann / tanni॒vidānnivi॒ttvam

2.2.8.6
ā॒prībhi॑rāpnuvann / tadā॒prīṇā॑māpri॒tvam / tama॑ghnann / tasya॒ yaśo॒ vya॑gṛhṇata / te grahā॑ abhavann / tadgrahā॑ṇāṅgraha॒tvam / yasyai॒vavvim॒̐duṣo॒ grahā॑ gṛ॒hyante / tasya॒ tve॑va gṛ॑hī॒tāḥ / te'bruvann / yo vai naḥ॒ śreṣṭho'bhūt

2.2.8.7
tama॑vadhiṣma / puna॑ri॒ma su॑vāmahā॒ iti॑ / tañchando॑bhirasuvanta / tacchanda॑sāñchanda॒stvam / sāmnā॒ samāna॑yann / tatsāmna॑ssāma॒tvam / u॒kthairuda॑sthāpayann / tadu॒kthānā॑muktha॒tvam / ya e॒vavvem̐da॑ / pratye॒va ti॑ṣṭhati

2.2.8.8
sarva॒māyu॑reti / somo॒ vai yaśaḥ॑ / ya e॒vavvim॒̐dvāntsoma॑mā॒gaccha॑ti / yaśa॑ e॒vaina॑mṛcchati / tasmā॑dāhuḥ / yaścai॒vavvem̐da॒ yaśca॒ na / tāvu॒bhau soma॒māga॑cchataḥ / somo॒ hi yaśaḥ॑ / tantvā'va yaśa॑ ṛccha॒tītyā॑huḥ / yassome॒ somaṃ॒ prāheti॑ / tasmā॒tsome॒ soma॒ procyaḥ॑ / yaśa॑ e॒vaina॑mṛcchati

2.2.9.0
a॒gnira॑jāyata॒ tadbhūyo॑'tapyatābhinadarodītpra॒jāpa॑tīroda॒stvama॑sṛja॒tāsṛ॑jata ghṛ॒tama॑duha॒dyā'sya॒ sā ta॒nūrāsī॒daha॑rabhavadṛcchati॒ veda॑

(i॒daṃ dhū॒mo'gnirjyoti॑ra॒rcirmarī॑caya udā॒rāstada॒bbhra sa ja॒ghanā॒tsā tami॑srā॒ sa pra॒jana॑nā॒tsā jotsnā॒ sa u॑papa॒kṣābhyā॒॒ so॑'horā॒trayossa॒ndhissa mukhā॒ttadaha॑rde॒vavānmṛ॒nmaye॑ dāru॒maye॑ raja॒te hari॑te॒ tebhya॒stābhyo॒ dve te'nnaṃ॒ payo॑ ghṛ॒ta somam // )
2.2.9.1
i॒davvām̐ agre॒ naiva kiñca॒ nāsīt / na dyaurā॑sīt / na pṛ॑thi॒vī / nāntari॑kṣam / tadasa॑de॒va sanmano॑'kuruta॒ syāmiti॑ / tada॑tapyata / tasmāttepā॒nāddhū॒mo॑'jāyata / tadbhūyo॑'tapyata / tasmāttepā॒nāda॒gnira॑jāyata / tadbhūyo॑'tapyata

2.2.9.2
tasmāttepā॒nājjyoti॑rajāyata / tadbhūyo॑'tapyata / tanmāttepā॒nāda॒rcira॑jāyata / tadbhūyo॑'tapyata / tasmāttepā॒nānmarī॑cayo'jāyanta / tadbhūyo॑'tapyata / tasmāttepā॒nādu॑dā॒rā a॑jāyanta / tadbhūyo॑'tapyata / tada॒bhrami॑va॒ sama॑hanyata / tadva॒stima॑bhinat

2.2.9.3
sa sa॑mu॒dro॑'bhavat / tasmātsamu॒drasya॒ na pi॑banti / pra॒jana॑namiva॒ hi manya॑nte / tasmātpa॒śorjāya॑mānā॒dāpa॑ pu॒rastādyanti / taddaśa॑ho॒tā'nva॑sṛjyata / pra॒jāpa॑ti॒rvai daśa॑hotā / ya e॒vantapa॑so vī॒rya॑vvim॒̐dvā stapya॑te / bhava॑tye॒va / tadvā i॒damāpa॑ssali॒lamā॑sīt / so॑'rodītpra॒jāpa॑tiḥ

2.2.9.4
sa kasmā॑ ajñi / yadya॒syā apra॑tiṣṭhāyā॒ iti॑ / yada॒phsva॑vāpa॑dyata / sā pṛ॑thi॒vya॑bhavat / yadvyamṛ॑ṣṭa / tada॒ntari॑kṣamabhavat / yadū॒rdhvamu॒damṛ॑ṣṭa / sā dyaura॑bhavat / yadaro॑dīt / tada॒nayo॑ roda॒stvam

2.2.9.5
ya e॒vavvem̐da॑ / nāsya॑ gṛ॒he ru॑danti / e॒tadvā e॒ṣāllom॒̐kānā॒ñjanma॑ / ya e॒vame॒ṣāllom॒̐kānā॒ñjanma॒ veda॑ / naiṣu lo॒keṣvārti॒mārccha॑ti / sa i॒māṃ pra॑ti॒ṣṭhāma॑vindata / sa i॒māṃ pra॑ti॒ṣṭhāvvim॒̐tvā'kā॑mayata॒ prajā॑ye॒yeti॑ / sa tapo॑'tapyata / so'ntarvā॑nabhavat / sa ja॒ghanā॒dasu॑rānasṛjata

2.2.9.6
tebhyo॑ mṛ॒nmaye॒ pātre'nna॑maduhat / yā'sya॒ sā ta॒nūrāsīt / tāmapā॑hata / sā tami॑srā'bhavat / so॑kāmayata॒ prajā॑ye॒yeti॑ / sa tapo॑'tapyata / sontarvā॑nabhavat / sa pra॒jana॑nāde॒va pra॒jā a॑sṛjata / tasmā॑di॒mā bhūyi॑ṣṭhāḥ / pra॒jana॑nā॒ddhye॑nā॒ asṛ॑jata

2.2.9.7
tābhyo॑ dāru॒maye॒ pātre॒ payo॑'duhat / yā'sya॒ sā ta॒nūrāsīt / tāmapā॑hata / sā jotsnā॑'bhavat / so॑'kāmayata॒ prajā॑ye॒yeti॑ / sa tapo॑'tapyata / so'ntarvā॑nabhavat / sa u॑papa॒kṣābhyā॑me॒vartūna॑sṛjata / tebhyo॑ raja॒te pātre॑ ghṛ॒tama॑duhat / yā'sya॒ sā ta॒nūrāsīt

2.2.9.8
tāmapā॑hata / so॑'horā॒trayossa॒ndhira॑bhavat / so॑'kāmayata॒ prajā॑ye॒yeti॑ / sa tapo॑'tapyata / so'ntarvā॑nabhavat / sa mukhādde॒vāna॑sṛjata / tebhyo॒ hari॑te॒ pātre॒ soma॑maduhat / yā'sya॒ sā ta॒nūrāsīt / tāmapā॑hata / tadaha॑rabhavat

2.2.9.9
e॒te vai pra॒jāpa॑te॒rdohāḥ / ya e॒vavvem̐da॑ / du॒ha e॒va pra॒jāḥ / divā॒ vai no॑'bhū॒diti॑ / tadde॒vānāndeva॒tvam / ya e॒vande॒vānāndeva॒tvavvem̐da॑ / de॒vavā॑ne॒va bha॑vati / e॒tadvā a॑horā॒trāṇā॒ñjanma॑ / ya e॒vama॑horā॒trāṇā॒ñjanma॒ veda॑ / nāho॑rā॒treṣvārti॒mārccha॑ti

2.2.9.10
asa॒to'dhi॒ mano॑'sṛjyata / manaḥ॑ pra॒jāpa॑timasṛjata / pra॒jāpa॑ti pra॒jā a॑sṛjata / tadvā i॒daṃ mana॑sye॒va pa॑ra॒maṃ prati॑ṣṭhitam / yadi॒daṅkiñca॑ / tade॒tacchvo॑vasya॒sannāma॒ brahma॑ / vyu॒cchantīvyucchantyasmai॒ vasya॑sīvasyasī॒ vyu॑cchati / prajā॑yate pra॒jayā॑ pa॒śubhiḥ॑ / pra pa॑rame॒ṣṭhino॒ mātrā॑māpnoti / ya e॒vavvem̐da॑

2.2.10.0
ā॒sī॒dveda॑ candrama॒stvayyam̐ e॒vavvem̐dendriyā॒vye॑va bha॑vati pra॒tyañcaṃ॒ mukha॑ndakṣiṇa॒to mukhaṃ॑ pa॒ścānnava॑ ca

2.2.10.1
pra॒jāpa॑ti॒rindra॑masṛjatānujāva॒rande॒vānām / taṃ prāhi॑ṇot / pare॑hi / e॒teṣānde॒vānā॒madhi॑patire॒dhīti॑ / tande॒vā a॑bruvann / kastvamasi॑ / va॒yavvaim̐ tvacchreyā॑saḥ sma॒ iti॑ / so'bravīt / kastvamasi॑ va॒yavvaim̐ tvacchreyā॑saḥ sma॒ iti॑ mā de॒vā a॑voca॒nniti॑ / atha॒ vā i॒dantar‌hi॑ pra॒jāpa॑tau॒ hara॑ āsīt

2.2.10.2
yada॒sminnā॑di॒tye / tade॑namabravīt / e॒tanme॒ praya॑ccha / athā॒hame॒teṣānde॒vānā॒madhi॑patirbhaviṣyā॒mīti॑ / ko॑'ha syā॒mitya॑bravīt / e॒tatpra॒dāyeti॑ / e॒tatsyā॒ itya॑bravīt / yade॒tadbravī॒ṣīti॑ / ko ha॒ vai nāma॑ pra॒jāpa॑tiḥ / ya e॒vavvem̐da॑

2.2.10.3
vi॒dure॑na॒nnāmnā / tada॑smai ru॒kmaṅkṛ॒tvā pratya॑muñcat / tato॒ vā indro॑ de॒vānā॒madhi॑patirabhavat / ya e॒vavvem̐da॑ / adhi॑patire॒va sa॑mā॒nānāṃ bhavati / so॑'manyata / kiṅki॒vvām̐ a॑kara॒miti॑ / sa ca॒ndraṃ ma॒ āha॒reti॒ prāla॑pat / tacca॒ndrama॑saścandrama॒stvam / ya e॒vavvem̐da॑

2.2.10.4
ca॒ndravā॑ne॒va bha॑vati / tande॒vā a॑bruvann / su॒vīryo॑ maryā॒ yathā॑ gopā॒yata॒ iti॑ / tatsūrya॑sya sūrya॒tvam / ya e॒vavvem̐da॑ / naina॑ndabhnoti / kaśca॒ nāsmi॒nvā i॒dami॑ndri॒yaṃ pratya॑sthā॒diti॑ / tadindra॑syendra॒tvam / ya e॒vavvem̐da॑ / i॒ndri॒yā॒vye॑va bha॑vati

2.2.10.5
a॒yavvām̐ i॒daṃ pa॑ra॒mo॑'bhū॒diti॑ / tatpa॑rame॒ṣṭhina॑ parameṣṭhi॒tvam / ya e॒vavvem̐da॑ / pa॒ra॒māme॒va kāṣṭhāṅgacchati / tande॒vāssa॑ma॒ntaṃ parya॑viśann / vasa॑va pu॒rastāt / ru॒drā da॑kṣiṇa॒taḥ / ā॒di॒tyā pa॒ścāt / viśve॑ de॒vā u॑ttara॒taḥ / aṅgi॑rasa pra॒tyañcam

2.2.10.6
sā॒dhyā parāñcam / ya e॒vavvem̐da॑ / upai॑na samā॒nāssavvim̐॑śanti / sa pra॒jāpa॑tire॒va bhū॒tvā pra॒jā āva॑yat / tā a॑smai॒ nāti॑ṣṭhantā॒nnādyā॑ya / tā mukhaṃ॑ pu॒rastā॒tpaśya॑ntīḥ / da॒kṣi॒ṇa॒ta paryā॑yann / sa da॑kṣiṇa॒ta parya॑vartayata / tā mukhaṃ॑ pu॒rastā॒tpaśya॑ntīḥ / mukha॑ndakṣiṇa॒taḥ

2.2.10.7
pa॒ścātparyā॑yann / sa pa॒ścātparya॑vartayata / tā mukhaṃ॑ pu॒rastā॒tpaśya॑ntīḥ / mukha॑ndakṣiṇa॒taḥ / mukhaṃ॑ pa॒ścāt / u॒tta॒ra॒ta paryā॑yann / sa u॑ttara॒ta parya॑vartayata / tā mukhaṃ॑ pu॒rastā॒tpaśya॑ntīḥ / mukha॑ndaṣkhiṇa॒taḥ / mukhaṃ॑ pa॒ścāt

2.2.10.8
mukha॑muttara॒taḥ / ū॒rdhvā udā॑yann / sa u॒pari॑ṣṭā॒nnya॑vartayata / tāssa॒rvato॑mukho bhū॒tvā''va॑yat / tato॒ vai tasmai pra॒jā ati॑ṣṭhantā॒nnādyā॑ya / ya e॒vavvim॒̐dvānpari॑ ca va॒rtaya॑te॒ ni ca॑ / pra॒jāpa॑tire॒va bhū॒tvā pra॒jā a॑tti / tiṣṭha॑nte'smai pra॒jā a॒nnādyā॑ya / a॒nnā॒da e॒va bhava॑ti

2.2.11.0
a॒mi॒mī॒ta॒ taṃ prāyu॑ṅkta॒ pañca॑hotāraṃ॒ pra yu॑ñjīta jāye॒teti॑ tiṣṭhati॒ kḷpti॒rdaśa॑hoturni॒dāna॑ sa॒pta ca॑

2.2.11.1
pra॒jāpa॑tirakāmayata ba॒horbhūyāntsyā॒miti॑ / sa e॒tandaśa॑hotāramapaśyat / taṃ prāyu॑ṅkta / tasya॒ prayu॑kti ba॒horbhūyā॑nabhavat / ya kā॒maye॑ta ba॒horbhūyāntsyā॒miti॑ / sa daśa॑hotāraṃ॒ prayu॑ñjīta / ba॒hore॒va bhūyānbhavati / so॑'kāmayata vī॒ro ma॒ ājā॑ye॒teti॑ / sa daśa॑hotu॒ścatu॑r‌hotāra॒nnira॑mimīta / taṃ prāyu॑ṅkta

2.2.11.2
tasya॒ prayu॒ktīndro॑'jāyata / ya kā॒maye॑ta vī॒ro ma॒ ājā॑ye॒teti॑ / sa catu॑r‌hotāraṃ॒ prayu॑ñjīta / ā'sya॑ vī॒ro jā॑yate / so॑'kāmayata paśu॒māntsyā॒miti॑ / sa catu॑r‌hotu॒ pañca॑hotāra॒nnira॑mimīta / taṃ prāyu॑ṅkta / tasya॒ prayu॑kti paśu॒māna॑bhavat / ya kā॒maye॑ta paśu॒māntsyā॒miti॑ / sa pañca॑hotāraṃ॒ prayu॑ñjīta

2.2.11.3
pa॒śu॒māne॒va bha॑vati / so॑'kāmayata॒rtavo॑ me kalpera॒nniti॑ / sa pañca॑hotu॒ṣṣaḍḍho॑tāra॒nnira॑mimīta / taṃ prāyu॑ṅkta / tasya॒ prayu॑ktyṛ॒tavo'smā akalpanta / yaḥ kā॒maye॑ta॒rtavo॑ me kalpera॒nniti॑ / sa ṣaḍḍho॑tāraṃ॒ prayu॑ñjīta / kalpa॑nte'smā ṛ॒tavaḥ॑ / so॑'kāmayata soma॒passo॑mayā॒jī syām / ā me॑ soma॒passo॑mayā॒jī jā॑ye॒teti॑

2.2.11.4
sa ṣaḍḍho॑tussa॒ptaho॑tāra॒nnira॑mimīta / taṃ prāyu॑ṅkta / tasya॒ prayu॑kti soma॒passo॑mayā॒jya॑bhavat / ā'sya॑ soma॒passo॑mayā॒jya॑jāyata / yaḥ kā॒maye॑ta soma॒passo॑mayā॒jī syām / ā me॑ soma॒passo॑mayā॒jī jā॑ye॒teti॑ / sa sa॒ptaho॑tāraṃ॒ prayu॑ñjīta / so॒ma॒pa e॒va so॑mayā॒jī bha॑vati / ā'sya॑ soma॒passo॑mayā॒jī jā॑yate / sa vā e॒ṣa pa॒śu pa॑ñca॒dhā prati॑tiṣṭhati

2.2.11.5
pa॒dbhirmukhe॑na / te de॒vā pa॒śūn vi॒tvā / su॒va॒rgallom॒̐kamā॑yann / te॑'muṣmi॑llom॒̐ke vya॑kṣudhyann / te'bruvann / a॒muta॑pradāna॒vvām̐ upa॑jijīvi॒meti॑ / te sa॒ptaho॑tārayyam॒̐jñavvim॒̐dhāyā॒yāsyam / ā॒ṅgī॒ra॒saṃ prāhi॑ṇvann / e॒tenā॒mutra॑ kalpa॒yeti॑ / tasya॒ vā i॒yaṅkḷptiḥ॑

2.2.11.6
yadi॒daṅkiñca॑ / ya e॒vavvem̐da॑ / kalpa॑te'smai / sa vā a॒yaṃ ma॑nu॒ṣye॑ṣu ya॒jñassa॒ptaho॑tā / a॒mutra॑ sa॒dbhyo de॒vebhyo॑ ha॒vyavvam̐॑hati / ya e॒vavvem̐da॑ / upai॑nayyam॒̐jño na॑mati / yo vai catu॑r‌hotṛṇānni॒dāna॒vvem̐da॑ / ni॒dāna॑vānbhavati / a॒gni॒ho॒travvaim̐ daśa॑hoturni॒dānam / da॒r‌śa॒pū॒rṇa॒māsau catu॑r‌hotuḥ / cā॒tu॒rmā॒syāni॒ pañca॑hotuḥ / pa॒śu॒ba॒ndhaṣṣaḍḍho॑tuḥ / sau॒myo'dhva॒rassa॒ptaho॑tuḥ / e॒tadvai catu॑r‌hotṛṇānni॒dānam / ya e॒vavvem̐da॑ / ni॒dāna॑vānbhavati

2.3.0.0
bra॒hma॒vā॒dina॒ kindakṣi॑ṇā॒yyom̐ vā avi॑dvā॒ntasya॒ vai bra॑hmavā॒dino॒ yaddaśa॑hotāra pra॒jāpa॑ti॒rvya॑sraṃ pra॒jāpa॑ti॒ puru॑ṣaṃ pra॒jāpa॑tirakāmayata॒ sa tapa॒sso'ntarvānbrahmavā॒dino॒ yo vā i॒mavvim॒̐dyātpra॒jāpa॑ti॒ssoma॒॒ rājā॑naṃ॒ brahmātma॒nvadekā॑daśa

bra॒hma॒vā॒dina॒stasya॒ vā a॒gneryadvā i॒daṅkiñca॑ pra॒jāpa॑tirakāmayata॒ ya e॒vāsya॑ dakṣiṇa॒ta pa॑ñcā॒śat

bra॒hma॒vā॒dino॒ ya e॒vavvem̐da॑ // hariḥ॑ om // tṛtīyaprapāṭhakassamāptaḥ /
2.3.0.0
taittirīyabrāhmaṇe dvitīyāṣṭake tṛtīya prapāṭhaka prārambhaḥ // hariḥ om //
2.3.1.0
sa॒ptaho॑tā prati॒ṣṭhāvvem̐da॑ budhyante॒ ṣaṭca॑

2.3.1.1
bra॒hma॒vā॒dino॑ vadanti / kiñcatu॑r‌hotṛṇāñcatur‌hotṛ॒tvamiti॑ / yade॒vaiṣu ca॑tu॒rdhā hotā॑raḥ / tena॒ catu॑r‌hotāraḥ / tasmā॒ccatu॑r‌hotāra ucyante / taccatur॑hotṛṇāñcatur‌hotṛ॒tvam / somo॒ vai catu॑r‌hotā / a॒gni pañca॑hotā / dhā॒tā ṣaḍḍho॑tā / indra॑ssa॒ptaho॑tā

2.3.1.2
pra॒jāpa॑ti॒rdaśa॑hotā / ya e॒vañcatu॑r‌hotṛṇā॒mṛddhiṃ॒ veda॑ / ṛ॒dhnotye॒va / ya e॑ṣāme॒vaṃ ba॒ndhutā॒vvem̐da॑ / bandhu॑mānbhavati / ya e॑ṣāme॒vaṃ kḷpti॒vvem̐da॑ / kalpa॑te'smai / ya e॑ṣāme॒vamā॒yata॑na॒vvem̐da॑ / ā॒yata॑navānbhavati / ya e॑ṣāme॒vaṃ pra॑ti॒ṣṭhāvvem̐da॑

2.3.1.3
pratye॒va ti॑ṣṭhati / bra॒hma॒vā॒dino॑ vadanti / daśa॑hotā॒ catu॑r‌hotā / pañca॑hotā॒ ṣaḍḍho॑tā sa॒ptaho॑tā / atha॒ kasmā॒ccatu॑r‌hotāra ucyanta॒ iti॑ / indro॒ vai catu॑r‌hotā / indra॒ khalu॒ vai śreṣṭho॑ de॒vatā॑nāmupa॒deśa॑nāt / ya e॒vamindra॒॒ śreṣṭha॑nde॒vatā॑nāmupa॒deśa॑nā॒dveda॑ / vasi॑ṣṭhassamā॒nānāṃ bhavati / tasmā॒cchreṣṭha॑mā॒yantaṃ॑ pratha॒menai॒vānu॑ budhyante / a॒yamāgann॑ / a॒yamavā॑sā॒diti॑ / kī॒rtira॑sya॒ pūrvā''ga॑cchati ja॒natā॑māya॒taḥ / atho॑ enaṃ pratha॒menai॒vānu॑ budhyante / a॒yamāgann॑ / a॒yamavā॑sā॒diti॑

2.3.2.0
vi॒grāha॑mṛ॒tava॒stadā'la॑bha॒tendra॑ṅgṛhṇīyā॒thṣaṭca॑

2.3.2.1
dakṣi॑ṇāṃ pratigrahī॒ṣyantsa॒ptada॑śa॒kṛtvo'pānyāt / ā॒tmāna॑me॒va sami॑ndhe / teja॑se vī॒ryā॑ya / atho pra॒jāpa॑tire॒vaināṃ bhū॒tvā prati॑ gṛhṇāti / ā॒tmano'nārtyai / yadye॑na॒mārtvi॑jyādvṛ॒ta santa॑nni॒r‌hare॑rann / āgnīdhre juhuyā॒ddaśa॑hotāram / ca॒tu॒rgṛ॒hī॒tenājye॑na / pu॒rastātpra॒tyaṅtiṣṭhann॑ / pra॒ti॒lo॒mavvim॒̐grāham

2.3.2.2
prā॒ṇāne॒vāsyopa॑ dāsayati / yadye॑naṃ॒ puna॑rupa॒ śikṣe॑yuḥ / āgnīdhra e॒va ju॑huyā॒ddaśa॑hotāram / ca॒tu॒rgṛ॒hī॒tenājye॑na / pa॒ścātprāṅāsī॑naḥ / a॒nu॒lo॒mamavi॑grāham / prā॒ṇāne॒vāsmai॑ kalpayati / prāya॑ścittī॒ vāgghotetyṛ॑tumu॒khaṛ॑tumukhe juhoti / ṛ॒tūne॒vāsmai॑ kalpayati / kalpa॑nte'smā ṛ॒tavaḥ॑

2.3.2.3
kḷ॒ptā a॑smā ṛ॒tava॒ āya॑nti / ṣaḍḍho॑tā॒ vai bhū॒tvā pra॒jāpa॑tiri॒da sarva॑masṛjata / sa mano॑'sṛjata / mana॒so'dhi॑ gāya॒trīma॑sṛjata / tadgā॑ya॒trīyyam̐śa॑ ārcchat / tāmā'la॑bhata / gā॒ya॒tri॒yā adhi॒ chandā॑syasṛjata / chando॒bhyo'dhi॒ sāma॑ / tatsāma॒ yaśa॑ ārcchat / tadā'la॑bhata

2.3.2.4
sāmno'dhi॒ yajū॑ṣyasṛjata / yaju॒rbhyo'dhi॒ viṣṇum / tadviṣṇu॒yyam̐śa॑ ārcchat / tamā'la॑bhata / viṣṇo॒radhyoṣa॑dhīrasṛjata / oṣa॑dhī॒bhyo'dhi॒ somam / tatsoma॒yyam̐śa॑ ārcchat / tamā'la॑bhata / somā॒dadhi॑ pa॒śūna॑sṛjata / pa॒śubhyo'dhīndram

2.3.2.5
tadindra॒yyam̐śa॑ ārcchat / tade॑na॒nnāti॒ prācya॑vata / indra॑ iva yaśa॒svī bha॑vati / ya e॒vavvem̐da॑ / naina॒yyam̐śo'ti॒ pracya॑vate / yadvā i॒daṅkiñca॑ / tatsarva॑muttā॒na e॒vāṅgī॑ra॒sa pratya॑gṛhṇāt / tade॑naṃ॒ prati॑gṛhīta॒nnāhi॑nat / yatkiñca॑ pratigṛhṇī॒yāt / tatsarva॑muttā॒nastvāṅgīra॒sa prati॑gṛhṇā॒tvitye॒va prati॑gṛhṇīyāt / i॒yavvām̐ u॑ttā॒na āṅgīra॒saḥ / a॒nayai॒vaina॒tprati॑ gṛhṇāti / naina॑ hinasti / ba॒r॒hiṣā॒ pratī॑yā॒dgāvvām̐'śvaṃ॑ vā / e॒tadvai pa॑śū॒nāṃ pri॒yaṃ dhāma॑ / pri॒yeṇai॒vainaṃ॒ dhāmnā॒ pratye॑ti

2.3.3.0
a॒pu॒ṣya॒nnakṣa॑ttrairapuṣya॒tpañca॑ ca

2.3.3.1
yo vā avi॑dvānniva॒rtaya॑te / viśī॑r‌ṣā॒ sapāpmā॒'muṣmi॑llom॒̐ke bha॑vati / atha॒ yo vi॒dvānni॑va॒rtaya॑te / saśī॑r‌ṣā॒ vipāpmā॒'muṣmi॑llom॒̐ke bha॑vati / de॒vatā॒ vai sa॒pta puṣṭi॑kāmā॒ nya॑vartayanta / a॒gniśca॑ pṛthi॒vī ca॑ / vā॒yuścā॒ntari॑kṣañca / ā॒di॒tyaśca॒ dyauśca॑ ca॒ndramāḥ / a॒gnirnya॑vartayata / sa sā॑ha॒srama॑puṣyat

2.3.3.2
pṛ॒thi॒vī nya॑vartayata / sauṣa॑dhībhi॒rvana॒spati॑bhirapuṣyat / vā॒yurnya॑vartayata / sa marī॑cībhirapuṣyat / a॒ntari॑kṣa॒nnya॑vartayata / tadvayo॑bhirapuṣyat / ā॒di॒tyo nya॑vartayata / sa ra॒śmibhi॑rapuṣyat / dyaurnya॑vartayata / sā nakṣa॑trairapuṣyat / ca॒ndramā॒ nya॑vartayata / sau॑'horā॒traira॑rdhamā॒sairmāsair॑ṛ॒tubhi॑ssavvam̐tsa॒reṇā॑puṣyat / tānpoṣānpuṣyati / yāste'pu॑ṣyann / ya e॒vavvim॒̐dvānni ca॑ va॒rtaya॑te॒ pari॑ ca

2.3.4.0
tṛtī॑yamindri॒yasyāpākrāmaccatu॒rthami॑ndri॒yasyā॒tmannu॒pādha॒ttāśvaṃ॑ pratigṛ॒hṇāti॑ ṣa॒ṣṭhama॑syendri॒yasyāpa॑krāmatyaṣṭa॒mami॑ndri॒yasyāpākrāmatpratigṛhṇī॒yācca॒tvāri॑ ca

(tasya॒ vā a॒gner‌hira॑ṇya॒॒ soma॑sya॒ vāsa॒stade॒tena॑ ru॒drasya॒ gāntāme॒tena॒ varu॑ṇa॒syāśvaṃ॑ pra॒jāpa॑te॒ puru॑ṣaṃ॒ mano॒stalpa॒ntame॒tenottā॒nasya॒ tade॒tenāprā॑ṇa॒dyadvai / a॒rdhaṃ tṛtī॑yamaṣṭa॒maṃ tacca॑tu॒rthaṃ tāṃ pa॑ñca॒ma ṣa॒ṣṭha sa॑pta॒mantam / tade॒tena॒ dve tāme॒tenaikaṃ॒ tame॒tena॒ trīṇi॒ tade॒tenaikam // )
2.3.4.1
tasya॒ vā a॒gner‌hira॑ṇyaṃ pratijagra॒huṣaḥ॑ / a॒rdhami॑ndri॒yasyāpākrāmat / tade॒tenai॒va pratya॑gṛhṇāt / tena॒ vai so'rdhami॑ndri॒yasyā॒tmannu॒pādha॑tta / a॒rdhami॑ndri॒yasyā॒tmannu॒pādha॑tte / ya e॒vavvim॒̐dvān hira॑ṇyaṃ pratigṛ॒hṇāti॑ / atha॒ yo'vi॑dvānprati gṛ॒hṇāti॑ / a॒rdhama॑syendri॒yasyāpa॑ krāmati / tasya॒ vai soma॑sya॒ vāsa॑ pratijagra॒huṣaḥ॑ / tṛtī॑yamindri॒yasyāpākrāmat

2.3.4.2
tade॒tenai॒va pratya॑gṛhṇāt / tena॒ vai sa tṛtī॑yamindri॒yasyā॒tmannu॒pādha॑tta / tṛtī॑yamindri॒yasyā॒tmannu॒pādha॑tte / ya e॒vavvim॒̐dvān vāsa॑pratigṛ॒hṇāti॑ / atha॒ yo'vi॑dvānprati gṛ॒hṇāti॑ / tṛtī॑yamasyendri॒yasyāpa॑ krāmati / tasya॒ vai ru॒drasya॒ gāṃ pra॑tijagra॒huṣaḥ॑ / ca॒tu॒rthami॑ndri॒yasyāpākrāmat / tāme॒tenai॒va pratya॑gṛhṇāt / tena॒ vai sa ca॑tu॒rthami॑ndri॒yasyā॒tmannu॒pādha॑tta

2.3.4.3
ca॒tu॒rthami॑ndri॒yasyā॒tmannu॒pādha॑tte / ya e॒vavvim॒̐dvāngāṃ pra॑tigṛ॒hṇāti॑ / atha॒ yo'vi॑dvānpratigṛ॒hṇāti॑ / ca॒tu॒rthama॑syendri॒yasyāpa॑ krāmati / tasya॒ vai varu॑ṇa॒syāśvaṃ॑ pratijagra॒huṣaḥ॑ / pa॒ñca॒mami॑ndri॒yasyāpākrāmat / tame॒tenai॒va pratya॑gṛhṇāt / tena॒ vai sa pa॑ñca॒mami॑ndri॒yasyā॒tmannu॒pādha॑tta / pa॒ñca॒mami॑ndri॒yasyā॒tmannu॒pādha॑tte / ya e॒vavvim॒̐dvānaśvaṃ॑ pratigṛ॒hṇāti॑

2.3.4.4
atha॒ yo'vi॑dvānpratigṛ॒hṇāti॑ / pa॒ñca॒mama॑syendri॒yasyāpa॑ krāmati / tasya॒ vai pra॒jāpa॑te॒ puru॑ṣaṃ pratijagra॒huṣaḥ॑ / ṣa॒ṣṭhami॑ndri॒yasyāpākrāmat / tame॒tenai॒va pratya॑gṛhṇāt / tena॒ vai sa ṣa॒ṣṭhami॑ndri॒yasyā॒tmannu॒pādha॑tta / ṣa॒ṣṭhami॑ndri॒yasyā॒tmannu॒pādha॑tte / ya e॒vavvim॒̐dvānpuru॑ṣaṃ pratigṛ॒hṇāti॑ / atha॒ yo'vi॑dvānpratigṛ॒hṇāti॑ / ṣa॒ṣṭhama॑syendri॒yasyāpa॑ krāmati

2.3.4.5
tasya॒ vai mano॒stalpaṃ॑ pratijagra॒huṣaḥ॑ / sa॒pta॒mami॑ndri॒yasyāpākrāmat / tame॒tenai॒va pratya॑gṛhṇāt / tena॒ vai sa sa॑pta॒mami॑ndri॒yasyā॒tmannu॒pādha॑tta / sa॒pta॒mami॑ndri॒yasyā॒tmannu॒pādha॑tte / ya e॒vavvim॒̐dvāstalpaṃ॑ prati gṛ॒hṇāti॑ / atha॒ yo'vi॑dvānprati gṛ॒hṇāti॑ / sa॒pta॒mama॑syendri॒yasyāpa॑ krāmati / tasya॒ vā u॑ttā॒nasyāṅgīra॒sasyāprā॑ṇatpratijagra॒huṣaḥ॑ / a॒ṣṭa॒mami॑ndri॒yasyāpākrāmat

2.3.4.6
tade॒tenai॒va pratya॑gṛhṇāt / tena॒ vai so'ṣṭa॒mami॑ndri॒yasyā॒tmannu॒pādha॑tta / a॒ṣṭa॒mami॑ndri॒yasyā॒tmannu॒pādha॑tte / ya e॒vavvim॒̐dvānaprā॑ṇatpratigṛ॒hṇāti॑ / atha॒ yo'vi॑dvānpratigṛ॒hṇāti॑ / a॒ṣṭa॒mama॑syendri॒yasyāpa॑ krāmati / yadvā i॒daṅkiñca॑ / tatsarva॑muttā॒na e॒vāṅgī॑ra॒sa pratya॑gṛhṇāt / tade॑naṃ॒ prati॑gṛhīta॒nnāhi॑nat / yatkiñca॑ pratigṛhṇī॒yāt / tatsarva॑muttā॒nastvāṅgīra॒sa prati॑gṛhṇā॒tvitye॒va prati॑gṛhṇīyāt / i॒yavvām̐ u॑ttā॒na āṅgīra॒saḥ / a॒nayai॒vaina॒tprati॑ gṛhṇāti / naina॑ hinasti

2.3.5.0
ā॒rdhnu॒va॒nnā॒rdhnu॒va॒nnitye॒vavvem̐dātti sarvā॒ diśo॒'bhi ja॑yati

(vai tena॑ sa॒traṅkena॑ // )
2.3.5.1
bra॒hma॒vā॒dino॑ vadanti / yaddaśa॑hotārassa॒tramāsa॑ta / kena॒ te gṛ॒hapa॑tinā''rdhnuvann / kena॑ pra॒jā a॑sṛja॒nteti॑ / pra॒jāpa॑tinā॒ vai te gṛ॒hapa॑tinā''rdhnuvann / tena॑ pra॒jā a॑sṛjanta / yaccatu॑r‌hotārassa॒tramāsa॑ta / kena॒ te gṛ॒hapa॑tinā''rdhnuvann / kenauṣa॑dhīrasṛja॒nteti॑ / some॑na॒ vai te gṛ॒hapa॑tinā''rdhnuvann

2.3.5.2
tenauṣa॑dhīrasṛjanta / yatpañca॑hotārassa॒tramāsa॑ta / kena॒ te gṛ॒hapa॑tinā''rdhnuvann / kenai॒bhyo lo॒kebhyo'su॑rā॒nprāṇu॑danta / kenai॑ṣāṃ pa॒śūna॑vṛñja॒teti॑ / a॒gninā॒ vai te gṛ॒hapa॑tinā''rdhnuvann / tenai॒bhyo lo॒kebhyo'su॑rā॒nprāṇu॑danta / tenai॑ṣāṃ pa॒śūna॑vṛñjata / yathṣaḍḍho॑tārassa॒tramāsa॑ta / kena॒ te gṛ॒hapa॑tinā''rdhnuvann

2.3.5.3
kena॒rtūna॑kalpaya॒nteti॑ / dhā॒trā vai te gṛ॒hapa॑tinā''rdhnuvann / tena॒rtūna॑kalpayanta / yatsa॒ptaho॑tārassa॒tramāsa॑ta / kena॒ te gṛ॒hapa॑tinā''rdhnuvann / kena॒ suva॑rāyann / kene॒māllom॒̐kāntsama॑tanva॒nniti॑ / a॒rya॒mṇā vai te gṛ॒hapa॑tinā''rdhnuvann / tena॒ suva॑rāyann / tene॒māllom॒̐kāntsama॑tanva॒nniti॑

2.3.5.4
e॒te vai de॒vā gṛ॒hapa॑tayaḥ / tān ya e॒vavvim॒̐dvān / apya॒nyasya॑ gār‌hapa॒te dīkṣa॑te / a॒vā॒nta॒rame॒va sa॒triṇā॑mṛdhnoti / yo vā a॑rya॒maṇa॒vvem̐da॑ / dāna॑kāmā asmai pra॒jā bha॑vanti / ya॒jño vā a॑rya॒mā / āryā॑vasa॒tiriti॒ vai tamā॑hu॒ryaṃ pra॒śasa॑nti / āryā॑vasa॒tirbha॑vati / ya e॒vavvem̐da॑

2.3.5.5
yadvā i॒daṅkiñca॑ / tatsarva॒ñcatu॑ऱhotāraḥ / catu॑r‌hotṛ॒bhyo'dhi॑ ya॒jño nirmi॑taḥ / sa ya e॒vavvim॒̐dvān‌ vi॒vade॑ta / a॒hame॒va bhūyo॑ veda / yaścatu॑r‌hotṝ॒n vedeti॑ / sa hye॑va bhūyo॒ veda॑ / yaścatu॑r‌hotṝ॒n veda॑ / yo vai catu॑r‌hotṛṇā॒॒ hotṝ॒n veda॑ / sarvā॑su pra॒jāsvanna॑matti

2.3.5.6
sarvā॒ diśo॒'bhi ja॑yati / pra॒jāpa॑ti॒rvai daśa॑hotṛṇā॒॒ hotā / soma॒ścatu॑r‌hotṛṇā॒॒ hotā / a॒gni pañca॑hotṛṇā॒॒ hotā / dhā॒tā ṣaḍḍho॑tṛṇā॒॒ hotā / a॒rya॒mā sa॒ptaho॑tṛṇā॒॒ hotā / e॒te vai catu॑ऱhotṛṇā॒॒ hotā॑raḥ / tān ya e॒vavvem̐da॑ / sarvā॑su pra॒jāsvanna॑matti / sarvā॒ diśo॒'bhi ja॑yati

2.3.6.0
ca॒ndramāścāturmā॒syānāyyam̐jñakra॒tora॑dhva॒reṇa॑ yajñakra॒tunopa॑ pa॒ryāva॑rtanta sa॒ptaho॑tā ca॒tvāri॑ ca

2.3.6.1
pra॒jāpa॑ti pra॒jāssṛ॒ṣṭvā vya॑srasata / sa hṛda॑yaṃ bhū॒to॑'śayat / ātma॒n॒ hā ३ ityahva॑yat / āpa॒ pratya॑śṛṇvann / tā a॑gniho॒treṇai॒va ya॑jñakra॒tunopa॑ pa॒ryāva॑rtanta / tā kusi॑ndha॒mupau॑hann / tasmā॑dagniho॒trasya॑ yajñakra॒toḥ / eka॑ ṛ॒tvik / ca॒tu॒ṣkṛtvo'hva॑yat / a॒gnirvā॒yurā॑di॒tyaśca॒ndramāḥ

2.3.6.2
te pratya॑śṛṇvann / te da॑r‌śapūrṇamā॒sābhyā॑me॒va ya॑jñakra॒tunopa॑ pa॒ryāva॑rtanta / ta upau॑haśca॒tvāryaṅgā॑ni / tasmāddar‌śapūrṇamā॒sayoryajñakra॒toḥ / ca॒tvāra॑ ṛ॒tvijaḥ॑ / pa॒ñca॒kṛtvo'hva॑yat / pa॒śava॒ pratya॑śṛṇvann / te cā॑turmā॒syaire॒va ya॑jñakra॒tunopa॑ pa॒ryāva॑rtanta / ta upau॑ha॒llom̐ma॑ cha॒vīṃ mā॒॒samasthi॑ ma॒jjānam / tasmāccāturmā॒syānāyyam̐jñakra॒toḥ

2.3.6.3
pañca॒rtvijaḥ॑ / ṣa॒ṭkṛtvo'hva॑yat / ṛ॒tavaḥ॒ pratya॑śṛṇvann / te pa॑śuba॒ndhenai॒va ya॑jñakra॒tunopa॑pa॒ryāva॑rtanta / ta upau॑ha॒ntstanā॑vā॒ṇḍau śi॒śñamavāñcaṃ prā॒ṇam / tasmātpaśuba॒ndhasya॑ yajñakra॒toḥ / ṣaḍṛ॒tvijaḥ॑ / sa॒pta॒kṛtvo'hva॑yat / hotrā॒ pratya॑śṛṇvann / tāssau॒myenai॒vādhva॒reṇa॑ yajñakra॒tunopa॑pa॒ryāva॑rtanta

2.3.6.4
tā upau॑hantsa॒pta śī॑r‌ṣa॒ṇyānprā॒ṇān / tasmātsau॒myasyādhva॒rasya॑ yajñakra॒toḥ / sa॒pta hotrā॒ prācī॒rvaṣa॑ṭkurvanti / da॒śa॒kṛtvo'hva॑yat / tapa॒ pratya॑śṛṇot / tatkarma॑ṇai॒va sa॑vvam̐tsa॒reṇa॒ sarvairyajñakra॒tubhi॒rupa॑ pa॒ryāva॑rtata / tatsarva॑mā॒tmāna॒mapa॑rivarga॒mupau॑hat / tasmātsavvam̐tsa॒re sarve॑ yajñakra॒tavo'va॑rudhyante / tasmā॒ddaśa॑hotā॒ catu॑r‌hotā / pañca॑hotā॒ ṣaḍḍho॑tā sa॒ptaho॑tā / eka॑hotre ba॒li ha॑ranti / hara॑ntyasmai pra॒jā ba॒lim / aina॒mapra॑tikhyātaṅgacchati / ya e॒vavvem̐da॑

2.3.7.0
a॒gni॒ho॒traṃ ma॒jjāna॒ndvirju॑ho॒tyapa॑rivarga spṛ॒ṇotyeka॑ñca

2.3.7.1
pra॒jāpa॑ti॒ puru॑ṣamasṛjata / so'gnira॑bravīt / mamā॒yamanna॑ma॒stviti॑ / so॑'bibhet / sarva॒vvaim̐ mā॒'yaṃ pra dha॑kṣya॒tīti॑ / sa e॒tāścatu॑ऱhotṝnātma॒spara॑ṇānapaśyat / tāna॑juhot / tairvai sa ā॒tmāna॑maspṛṇot / yada॑gniho॒trañju॒hoti॑ / eka॑hotārame॒va tadya॑jñakra॒tumāpnotyagniho॒tram

2.3.7.2
kusi॑ndhañcā॒tmana॑sspṛ॒ṇoti॑ / ā॒di॒tyasya॑ ca॒ sā॑yujyaṅgacchati / ca॒turunna॑yati / catu॑r‌hotārame॒va tadya॑jñakra॒tumāpnoti dar‌śapūrṇamā॒sau / ca॒tvāri॑ cā॒tmano'ṅgā॑ni spṛ॒ṇoti॑ / ā॒di॒tyasya॑ ca॒ sāyu॑jyaṅgacchati / ca॒turunna॑yati / sa॒mitpa॑ñca॒mī / pañca॑hotārame॒va tadya॑jñakra॒tumāpnoti cāturmā॒syāni॑ / loma॑ cha॒vīṃ mā॒॒samasthi॑ ma॒jjānam

2.3.7.3
tāni॑ cā॒tmana॑sspṛ॒ṇoti॑ / ā॒di॒tyasya॑ ca॒ sāyu॑jyaṅgacchati / ca॒turunna॑yati / dvirju॑hoti / ṣaḍḍho॑tārame॒va tadya॑jñakra॒tumāpnoti paśuba॒ndham / stanā॑vā॒ṇḍau śi॒śñamavāñcaṃ prā॒ṇam / tāni॑ cā॒tmana॑sspṛ॒ṇoti॑ / ā॒di॒tyasya॑ ca॒ sāyu॑jyaṅgacchati / ca॒turunna॑yati / dvirju॑hoti

2.3.7.4
sa॒mitsa॑pta॒mī / sa॒ptaho॑tārame॒va tadya॑jñakra॒tumāpnoti sau॒myama॑dhva॒ram / sa॒pta cā॒tmana॑śśīऱṣa॒ṇyānprā॒ṇāntspṛ॒ṇoti॑ / ā॒di॒tyasya॑ ca॒ sāyu॑jyaṅgacchati / ca॒turunna॑yati / dvirju॒hoti॑ / dvirnimārṣṭi / dvi prāśñā॑ti / daśa॑hotārame॒va tadya॑jñakra॒tumāpnoti savvam̐tsa॒ram / sarva॑ñcā॒tmāna॒mapa॑rivarga spṛ॒ṇoti॑ / ā॒di॒tyasya॑ ca॒ sāyu॑jyaṅgacchati

2.3.8.0
a॒jī॒va॒tsvānāṃ bhavati de॒vāna॑sṛjata sa॒pta ca॑

2.3.8.1
pra॒jāpa॑tirakāmayata॒ pra jā॑ye॒yeti॑ / sa tapo॑'tapyata / so'ntarvā॑nabhavat / sa hari॑taśśyā॒vo॑'bhavat / tasmā॒tstrya॑ntarva॑tnī / hari॑ṇī sa॒tī śyā॒vā bha॑vati / sa vi॒jāya॑māno॒ garbhe॑ṇātāmyat / sa tā॒nta kṛ॒ṣṇaśśyā॒vo॑'bhavat / tasmāttā॒nta kṛ॒ṣṇaśśyā॒vo bha॑vati / tasyāsu॑re॒vājī॑vat

2.3.8.2
tenāsu॒nā'su॑rānasṛjata / tadasu॑rāṇāmasura॒tvam / ya e॒vamasu॑rāṇāmasura॒tvavvem̐da॑ / asu॑māne॒va bha॑vati / naina॒masu॑rjahāti / so'su॑rāntsṛ॒ṣṭvā pi॒tevā॑manyata / tadanu॑ pi॒tṝna॑sṛjata / tatpi॑tṛ॒ṇāṃ pi॑tṛ॒tvam / ya e॒vaṃ pi॑tṛ॒ṇāṃ pi॑tṛ॒tvavvem̐da॑ / pi॒tevai॒va svānāṃ bhavati

2.3.8.3
yantya॑sya pi॒taro॒ havam / sa pi॒tṝntsṛ॒ṣṭvā''ma॑nasyat / tadanu॑ manu॒ṣyā॑nasṛjata / tanma॑nu॒ṣyā॑ṇāṃ manuṣya॒tvam / ya e॒vaṃ ma॑nu॒ṣyā॑ṇāṃ manuṣya॒tvavvem̐da॑ / ma॒na॒svye॑va bha॑vati / nainaṃ॒ manu॑rjahāti / tasmai॑ manu॒ṣyāntsasṛjā॒nāya॑ / divā॑ deva॒trā'bha॑vat / tadanu॑ de॒vāna॑sṛjata / tadde॒vānāndeva॒tvam / ya e॒vande॒vānāndeva॒tvavvem̐da॑ / divā॑ hai॒vāsya॑ deva॒trā bha॑vati / tāni॒ vā e॒tāni॑ ca॒tvāryambhā॑si / de॒vā ma॑nu॒ṣyā pi॒taro'su॑rāḥ / teṣu॒ sarve॒ṣvambho॒ nabha॑ iva bhavati / ya e॒vavvem̐da॑

2.3.9.0
veda॒ saṃ pa॑vata ādi॒tyātpa॑vate vā॒tyā vātye॒ṣa pava॑māna e॒va da॑kṣiṇa॒ta ā॒yanta॑mupa॒ vada॑ntyuttara॒ta pā॒pmāna॒stā stepa॑ ghna॒ntītya॒ṣṭau ca॑

2.3.9.1
bra॒hma॒vā॒dino॑ vadanti / yo vā i॒mavvim॒̐dyāt / yato॒'yaṃ pava॑te / yada॑bhi॒ pava॑te / yada॑bhi saṃ॒pava॑te / sarva॒māyu॑riyāt / na pu॒rā''yu॑ṣa॒ pra mī॑yeta / pa॒śu॒māntsyāt / vi॒ndeta॑ pra॒jām / yo vā i॒mavvem̐da॑

2.3.9.2
yato॒'yaṃ pava॑te / yada॑bhi॒ pava॑te / yada॑bhi saṃ॒pava॑te / sarva॒māyu॑reti / na pu॒rā''yu॑ṣa॒ pra mī॑yate / pa॒śu॒mānbha॑vati / vi॒ndate pra॒jām / a॒dbhya pa॑vate / a॒po॑'bhi pa॑vate / a॒po॑'bhi saṃpa॑vate

2.3.9.3
a॒syā pa॑vate / i॒māma॒bhi pa॑vate / i॒māma॒bhi saṃpa॑vate / a॒gne pa॑vate / a॒gnima॒bhi pa॑vate / a॒gnima॒bhi saṃ pa॑vate / a॒ntari॑kṣātpavate / a॒ntari॑kṣama॒bhi pa॑vate / a॒ntari॑kṣama॒bhi saṃ pa॑vate / ā॒di॒tyātpa॑vate

2.3.9.4
ā॒di॒tyama॒bhi pa॑vate / ā॒di॒tyama॒bhi saṃ pa॑vate / dyo pa॑vate / diva॑ma॒bhi pa॑vate / diva॑ma॒bhi saṃ pa॑vate / di॒gbhya pa॑vate / diśo॒'bhi pa॑vate / diśo॒'bhi saṃpa॑vate / sa yatpu॒rastā॒dvāti॑ / prā॒ṇa e॒va bhū॒tvā pu॒rastādvāti

2.3.9.5
tasmātpu॒rastā॒dvāntam / sarvā pra॒jā prati॑ nandanti / prā॒ṇo hi pri॒ya pra॒jānām / prā॒ṇa i॑va pri॒ya pra॒jānāṃ bhavati / ya e॒vavvem̐da॑ / sa vā e॒ṣa prā॒ṇa e॒va / atha॒ yadda॑kṣiṇa॒to vāti॑ / mā॒ta॒riśvai॒va bhū॒tvā da॑kṣiṇa॒to vā॑ti / tasmāddakṣiṇa॒to vānta॑vvim॒̐dyāt / sarvā॒ diśa॒ ā vā॑ti

2.3.9.6
sarvā॒ diśo'nu॒ vi vā॑ti / sarvā॒ diśo'nu॒ savvām॒̐tīti॑ / sa vā e॒ṣa mā॑ta॒riśvai॒va / atha॒ yatpa॒ścādvāti॑ / pava॑māna e॒va bhū॒tvā pa॒ścādvā॑ti / pū॒tama॑smā॒ āha॑ranti / pū॒tamupa॑haranti / pū॒tama॑śñāti / ya e॒vavvem̐da॑ / sa vā e॒ṣa pava॑māna e॒va

2.3.9.7
atha॒ yadu॑ttara॒to vāti॑ / sa॒vi॒taiva bhū॒ttvotta॑ra॒to vā॑ti / sa॒vi॒teva॒ svānāṃ bhavati / ya e॒vavvem̐da॑ / sa vā e॒ṣa sa॑vi॒taiva / te ya e॑naṃ pu॒rastā॑dā॒yanta॑mupa॒vada॑nti / ya e॒vāsya॑ pu॒rastātpā॒pmānaḥ॑ / tāste'pa॑ ghnanti / pu॒rastā॒dita॑rānpā॒pmana॑ssacante / atha॒ ya e॑nandakṣiṇa॒ta ā॒yanta॑mupa॒vada॑nti

2.3.9.8
ya e॒vāsya॑ dakṣiṇa॒ta pā॒pmānaḥ॑ / tāste'pa॑ ghnanti / da॒kṣi॒ṇa॒ta ita॑rānpā॒pmana॑ssacante / atha॒ ya e॑naṃ pa॒ścādā॒yanta॑mupa॒ vada॑nti / ya e॒vāsya॑ pa॒ścātpā॒pmānaḥ॑ / tāste'pa॑ ghnanti / pa॒ścādita॑rānpā॒pmana॑ssacante / atha॒ ya e॑namuttara॒ta ā॒yanta॑mupa॒ vada॑nti / ya e॒vāsyottara॒ta pā॒pmānaḥ॑ / tāste'pa॑ ghnanti

2.3.9.9
u॒tta॒ra॒ta ita॑rānpā॒pmana॑ssacante / tasmā॑de॒vavvim॒̐dvān / vīva॑ nṛtyet / preva॑ calet / vyasye॑vā॒kṣyau bhā॑ṣeta / ma॒ṇṭaye॑diva / krā॒thaye॑diva / śṛ॒ṅgā॒yete॑va / u॒ta mopa॑ vadeyuḥ / u॒ta me॑ pā॒pmāna॒mapa॑ hanyu॒riti॑ / sa yāndiśa॑ sa॒nime॒ṣyantsyāt / ya॒dā tāndiśa॒vvām̐to॑ vā॒yāt / atha॒ prave॒yāt / pra vā॑ dhāvayet / sā॒tame॒va ra॑di॒tavvyūm̐॑ḍhaṅga॒ndhama॒bhi pracya॑vate / ā'sya॒ tañja॑napa॒daṃ pūrvā॑ kī॒rtirga॑cchati / dāna॑kāmā asmai pra॒jā bha॑vanti / ya e॒vavvem̐da॑

2.3.10.0
a॒yā॒nya॒la॒ṅkṛtya॑ syā॒miti॑ bhavati

2.3.10.1
pra॒jāpa॑ti॒ssoma॒॒ rājā॑namasṛjata / tantrayo॒ vedā॒ anva॑sṛjyanta / tān haste॑'kuruta / atha॒ ha sītā॑ sāvi॒trī / soma॒॒ rājā॑nañcakame / śra॒ddhāmu॒ sa ca॑kame / sā''ha॑ pi॒taraṃ॑ pra॒jāpa॑ti॒mupa॑sasāra / ta ho॑vāca / nama॑ste astu bhagavaḥ / upa॑ tvā'yāni

2.3.10.2
pra tvā॑ padye / soma॒vvaim̐ rājā॑naṅkāmaye / śra॒ddhāmu॒ sa kā॑mayata॒ iti॑ / tasyā॑ u॒ ha sthā॑ga॒rama॑laṅkā॒raṅka॑lpayi॒tvā / daśa॑hotāraṃ pu॒rastādvyā॒khyāya॑ / catu॑ऱhotārandakṣiṇa॒taḥ / pañca॑hotāraṃ pa॒ścāt / ṣaḍḍho॑tāramuttara॒taḥ / sa॒ptaho॑tāramu॒pari॑ṣṭāt / sa॒mbhā॒raiśca॒ patni॑bhiśca॒ mukhe॑'la॒ṅkṛtya॑

2.3.10.3
ā'syārdhavvam̐॑vrāja / tā ho॒dīkṣyo॑vāca / upa॒ mā va॑rta॒sveti॑ / ta ho॑vāca / bhoga॒ntu ma॒ āca॑kṣva / e॒tanma॒ āca॑kṣva / yatte॑ pā॒ṇāviti॑ / tasyā॑ u॒ ha trīn vedā॒nprada॑dau / tasmā॒duha॒ striyo॒ bhoga॒maiva hā॑rayante / sa ya kā॒maye॑ta pri॒yassyā॒miti॑

2.3.10.4
yavvām̐ kā॒maye॑ta pri॒yassyā॒diti॑ / tasmā॑ e॒ta sthā॑ga॒rama॑laṅkā॒raṅka॑lpayi॒tvā / daśa॑hotāraṃ pu॒rastādvyā॒khyāya॑ / catu॑ऱhotārandakṣiṇa॒taḥ / pañca॑hotāraṃ pa॒ścāt / ṣaḍḍho॑tāramuttara॒taḥ / sa॒ptaho॑tāramu॒pari॑ṣṭāt / saṃ॒bhā॒raiśca॒ patni॑bhiśca॒ mukhe॑'la॒ṅkṛtya॑ / āsyārdhavvram̐॑jet / pri॒yo hai॒va bha॑vati

2.3.11.0
de॒vāṣṣaḍḍhū॑to'bhava॒tpañca॑ho॒tetyāca॑kṣate pa॒rokṣe॑ṇāśrauṣī॒ṣṣaṭca॑

2.3.11.1
brahmātma॒nvada॑sṛjata / tada॑kāmayata / samā॒tmanā॑ padye॒yeti॑ / ātma॒nnātma॒nnityāma॑ntrayata / tasmai॑ daśa॒ma hū॒ta pratya॑śṛṇot / sa daśa॑hūto'bhavat / daśa॑hūto ha॒ vai nāmai॒ṣaḥ / tavvām̐ e॒tandaśa॑hūta॒॒ santam / daśa॑ho॒tetyāca॑kṣate pa॒rokṣe॑ṇa / pa॒rokṣa॑priyā iva॒ hi de॒vāḥ

2.3.11.2
ātma॒nnātma॒nnityāma॑ntrayata / tasmai॑ sapta॒ma hū॒ta pratya॑śṛṇot / sa sa॒ptahū॑to'bhavat / sa॒ptahū॑to ha॒ vai nāmai॒ṣaḥ / tavvām̐ e॒ta sa॒ptahū॑ta॒॒ santam / sa॒ptaho॒tetyāca॑kṣate pa॒rokṣe॑ṇa / pa॒rokṣa॑priyā iva॒ hi de॒vāḥ / ātma॒nnātma॒nnityāma॑ntrayata / tasmai॑ ṣa॒ṣṭha hū॒ta pratya॑śṛṇot / sa ṣaḍḍhū॑to'bhavat

2.3.11.3
ṣaḍḍhū॑to ha॒ vai nāmai॒ṣaḥ / tavvām̐ e॒ta ṣaḍḍhū॑ta॒॒ santam / ṣaḍḍho॒tetyāca॑kṣate pa॒rokṣe॑ṇa / pa॒rokṣa॑priyā iva॒ hi de॒vāḥ / ātma॒nnātma॒nnityāma॑ntrayata / tasmai॑ pañca॒ma hū॒ta pratya॑śṛṇot / sa pañca॑hūto'bhavat / pañca॑hūto ha॒ vai nāmai॒ṣaḥ / tavvām̐ e॒taṃ pañca॑hūta॒॒ santam / pañca॑ho॒tetyāca॑kṣate pa॒rokṣe॑ṇa

2.3.11.4
pa॒rokṣa॑priyā iva॒ hi de॒vāḥ / ātma॒nnātma॒nnityāma॑ntrayata / tasmai॑ catu॒rtha hū॒ta pratya॑śṛṇot / sa catu॑ऱhūto'bhavat / catu॑r‌hūto ha॒ vai nāmai॒ṣaḥ / tavvām̐ e॒tañcatu॑r‌hūta॒॒ santam / catu॑rho॒tetyāca॑kṣate pa॒rokṣe॑ṇa / pa॒rokṣa॑priyā iva॒ hi de॒vāḥ / tama॑bravīt / tvavvaim̐ me॒ nedi॑ṣṭha hū॒ta pratya॑śrauṣīḥ / tvayai॑nānākhyā॒tāra॒ iti॑ / tasmā॒nnu hai॑nā॒॒ścatu॑r‌hotāra॒ ityāca॑kṣate / tasmācchuśrū॒ṣu pu॒trāṇā॒॒ hṛdya॑tamaḥ / nedi॑ṣṭho॒ hṛdya॑tamaḥ / nedi॑ṣṭho॒ brahma॑ṇo bhavati / ya e॒vavvem̐da॑

2.4.0.0
juṣṭa॒ścakṣu॑ṣo॒ juṣṭī॑naro naktañjā॒tā vṛṣā॒sa u॒ta no॒ vṛṣā'sya॒॒śussapra॑tna॒vada॒ṣṭau

juṣṭo॑ ma॒nyurbhago॒ juṣṭī॑ naro॒ hari॑varpasa॒ṅgira॒śśipri॑nvājānāmu॒ta naḥ॑ pri॒yā yadvāgvada॑ntī॒ viśvā॒ āśā॒ aśī॑tiḥ

juṣṭa॑ssu॒dāna॑vaḥ // hariḥ॑ om // caturthaprapāṭhakassamāptaḥ //
2.4.0.0
taittirīyabrāhmaṇe dvitīyāṣṭake caturthaprapāṭhaka prārambhaḥ / hariḥ om //
2.4.1.0
jighā॑satya॒mitrāñjagha॒nvānī॑ḍate॒ sarvā॒ aha॑so vāto hṛ॒de rā॑jatya॒gnirū॑pāssuvidā॒no a॑gna॒ eka॑ñca

2.4.1.1
juṣṭo॒ damū॑nā॒ ati॑thirduro॒ṇe / i॒manno॑ ya॒jñamupa॑ yāhi vi॒dvān / viśvā॑ agne'bhi॒yujo॑ vi॒hatya॑ / śa॒trū॒ya॒tāmā bha॑rā॒ bhoja॑nāni / agne॒ śardha॑ maha॒te saubha॑gāya / tava॑ dyu॒mnānyu॑tta॒māni॑ santu / sañjāspa॒tya su॒yama॒mā kṛ॑ṇuṣva / śa॒trū॒ya॒tāma॒bhi ti॑ṣṭhā॒ mahā॑ si / agne॒ yo no॒'bhito॒ janaḥ॑ / vṛko॒ vāro॒ jighā॑sati

2.4.1.2
tāstvavvṛm̐॑trahañjahi / vasva॒smabhya॒mā bha॑ra / agne॒ yo no॑'bhi॒dāsa॑ti / sa॒mā॒no yaśca॒ niṣṭyaḥ॑ / i॒dhmasye॑va pra॒kṣāya॑taḥ / mā tasyocche॑ṣi॒ kiñca॒na / tvami॑ndrābhi॒bhūra॑si / de॒vo vijñā॑tavīryaḥ / vṛ॒tra॒hā pu॑ru॒ceta॑naḥ / apa॒ prāca॑ indra॒ viśvā॑ a॒mitrān॑

2.4.1.3
apāpā॑co abhibhūte nudasva / apodī॑co॒ apa॑śūrādha॒rā ca॑ ū॒rau / yathā॒ tava॒ śarma॒nmade॑ma / tamindra॑vvām̐jayāmasi / ma॒he vṛ॒trāya॒ hanta॑ve / sa vṛṣā॑ vṛṣa॒bho bhu॑vat / yu॒je ratha॑ṅga॒veṣa॑ṇa॒॒ hari॑bhyām / upa॒ brahmā॑ṇi jujuṣā॒ṇama॑sthuḥ / vibā॑dhiṣṭā॒sya roda॑sī mahi॒tvā / indro॑ vṛ॒trāṇya॑pra॒tīja॑gha॒nvān

2.4.1.4
ha॒vya॒vāha॑mabhimāti॒ṣāham / ra॒kṣo॒haṇaṃ॒ pṛta॑nāsu ji॒ṣṇum / jyoti॑ṣmanta॒ndīdya॑taṃ॒ pura॑ndhim / a॒gni svi॑ṣṭa॒kṛta॒mā hu॑vema / svi॑ṣṭamagne a॒bhi tatpṛ॑ṇāhi / viśvā॑ deva॒ pṛta॑nā a॒bhi ṣya / u॒runna॒ panthāṃ pradi॒śanvibhā॑hi / jyoti॑ṣmaddhehya॒jara॑nna॒ āyuḥ॑ / tvāma॑gne ha॒viṣma॑ntaḥ / de॒vaṃ martā॑sa īḍate

2.4.1.5
manye tvā jā॒tave॑dasam / sa ha॒vyā va॑kṣyānu॒ṣak / viśvā॑ni no du॒rgahā॑ jātavedaḥ / sindhu॒nna nā॒vā du॑ri॒tā'ti॑ par‌ṣi / agne॑ atri॒vanmana॑sā gṛṇā॒naḥ / a॒smākaṃ॑ bodhyavi॒tā ta॒nūnām / pū॒ṣā gā anve॑tu naḥ / pū॒ṣā ra॑kṣa॒tvarva॑taḥ / pū॒ṣā vāja॑ sanotu naḥ / pū॒ṣemā āśā॒ anu॑veda॒ sarvāḥ

2.4.1.6
so a॒smā abha॑yatamena neṣat / sva॒sti॒dā aghṛ॑ṇi॒ssarva॑vīraḥ / apra॑yucchanpu॒ra e॑tu॒ prajā॒nann / tvama॑gne sa॒prathā॑ asi / juṣṭo॒ hotā॒ vareṇyaḥ / tvayā॑ ya॒jñavvim̐ta॑nvate / a॒gnī rakṣā॑si sedhati / śu॒kraśo॑ci॒rama॑rtyaḥ / śuci॑ pāva॒ka īḍyaḥ॑ / agne॒ rakṣā॑ ṇo॒ aha॑saḥ

2.4.1.7
prati॑ ṣma deva॒ rīṣa॑taḥ / tapi॑ṣṭhaira॒jaro॑ daha / agne॒ hasi॒ nya॑triṇam / dīdya॒nmartye॒ṣvā / sve kṣaye॑ śucivrata / ā vā॑ta vāhi bheṣa॒jam / vi vā॑ta vāhi॒ yadrapaḥ॑ / tva hi vi॒śvabhe॑ṣajaḥ / de॒vānāndū॒ta īya॑se / dvāvi॒mau vātau॑ vātaḥ

2.4.1.8
ā sindho॒rā pa॑rā॒vataḥ॑ / dakṣaṃ॑ me a॒nya ā॒vātu॑ / parā॒nyo vā॑tu॒ yadrapaḥ॑ / yada॒do vā॑ta te gṛ॒he / a॒mṛta॑sya ni॒dhiऱhi॒taḥ / tato॑ no dehi jī॒vase / tato॑ no dhehi bheṣa॒jam / tato॑ no॒ maha॒ āva॑ha / vāta॒ āvā॑tu bheṣa॒jam / śa॒mbhūrma॑yo॒bhūrno॑ hṛ॒de

2.4.1.9
pra ṇa॒ āyū॑ṣi tāriṣat / tvama॑gne a॒yāsi॑ / a॒yā sanmana॑sā hi॒taḥ / a॒yā san ha॒vyamū॑hiṣe / a॒yā no॑ dhehi bheṣa॒jam / i॒ṣṭo a॒gnirāhu॑taḥ / svāhā॑kṛta pipartu naḥ / sva॒gā de॒vebhya॑ i॒dannamaḥ॑ / kāmo॑ bhū॒tasya॒ bhavya॑sya / sa॒mrāḍeko॒ virā॑jati

2.4.1.10
sa i॒daṃ prati॑ paprathe / ṛ॒tūnutsṛ॑jate va॒śī / kāma॒stadagre॒ sama॑varta॒tādhi॑ / mana॑so॒ reta॑ pratha॒mayyam̐dāsīt / sa॒to bandhu॒masa॑ti॒ nira॑vindann / hṛ॒di pra॒tīṣyā॑ ka॒vayo॑ manī॒ṣā / tvayā॑ manyo sa॒ratha॑māru॒jantaḥ॑ / har‌ṣa॑māṇāso dhṛṣa॒tā ma॑rutvaḥ / ti॒gmeṣa॑va॒ āyu॑dhā sa॒॒śiśā॑nāḥ / upa॒ praya॑nti॒ naro॑ a॒gnirū॑pāḥ

2.4.1.11
ma॒nyurbhago॑ ma॒nyure॒vāsa॑ de॒vaḥ / ma॒nyur‌hotā॒ varu॑ṇo vi॒śvave॑dāḥ / ma॒nyuvvim̐śa॑ īḍate deva॒yantīḥ / pā॒hi no॑ manyo॒ tapa॑sā॒ śrame॑ṇa / tvama॑gne vrata॒bhṛcchuciḥ॑ / de॒vā āsā॑dayā i॒ha / agne॑ ha॒vyāya॒ voḍha॑ve / vra॒tānubibhra॑dvrata॒pā adābhyaḥ / yajā॑ no de॒vā a॒jara॑ssu॒vīraḥ॑ / dadha॒dratnā॑ni suvidā॒no a॑gne / go॒pā॒ya no॑ jī॒vase॑ jātavedaḥ

2.4.2.0
ha॒virbhi॑rā॒sya॑mabhi॒ dāsa॑to vipa॒ścita॒mapra॑yāvañjī॒vase॒ dadā॑nā vyathiṣṭhā brava॒nneka॑ñca

2.4.2.1
cakṣu॑ṣo hete॒ mana॑so hete / vāco॑ hete॒ brahma॑ṇo hete / yo mā॑'ghā॒yura॑bhi॒dāsa॑ti / tama॑gne me॒nyā me॒niṅkṛ॑ṇu / yo mā॒ cakṣu॑ṣā॒ yo mana॑sā / yo vā॒cā brahma॑ṇā'ghā॒yura॑bhi॒dāsa॑ti / tayā'gne॒ tvaṃ me॒nyā / a॒muma॑me॒niṅkṛ॑ṇu / yatkiñcā॒sau mana॑sā॒ yacca॑ vā॒cā / ya॒jñairju॒hoti॒ yaju॑ṣā ha॒virbhiḥ॑

2.4.2.2
tanmṛ॒tyurniऱṛ॑tyā savvim̐dā॒naḥ / pu॒rādi॒ṣṭādāhu॑tīrasya hantu / yā॒tu॒dhānā॒ niऱṛ॑ti॒rādu॒rakṣaḥ॑ / te a॑sya ghna॒ntvanṛ॑tena sa॒tyam / indre॑ṣitā॒ ājya॑masya mathnantu / mā tatsamṛ॑ddhi॒ yada॒sau ka॒roti॑ / hanmi॑ te॒'haṅkṛ॒ta ha॒viḥ / yo me॑ gho॒ramacī॑kṛtaḥ / apāñcau ta u॒bhau bā॒hū / apa॑nahyāmyā॒syam

2.4.2.3
apa॑ nahyāmi te bā॒hū / apa॑ nahyāmyā॒syam / a॒gnerde॒vasya॒ brahma॑ṇā / sarva॑nte'vadhiṣaṅkṛ॒tam / pu॒rā'muṣya॑ vaṣaṭkā॒rāt / ya॒jñande॒veṣu॑ naskṛdhi / svi॑ṣṭama॒smākaṃ॑ bhūyāt / mā'smānprāpa॒nnarā॑tayaḥ / anti॑ dū॒re sa॒to a॑gne / bhrātṛ॑vyasyābhi॒dāsa॑taḥ

2.4.2.4
va॒ṣa॒ṭkā॒reṇa॒ vajre॑ṇa / kṛ॒tyā ha॑nmi kṛ॒tāma॒ham / yo mā॒ nakta॒ndivā॑ sā॒yam / prā॒taścāhno॑ ni॒pīya॑ti / a॒dyā tami॑ndra॒ vajre॑ṇa / bhātṛ॑vyaṃ pādayāmasi / indra॑sya gṛ॒ho॑'si॒ tantvā / prapa॑dye॒ sagu॒ssāśvaḥ॑ / sa॒ha yanme॒ asti॒ tena॑ / īḍe॑ a॒gnivvim̐॑pa॒ścitam

2.4.2.5
gi॒rā ya॒jñasya॒ sādha॑nam / śru॒ṣṭī॒vāna॑ndhi॒tāvā॑nam / agne॑ śa॒kema॑ te va॒yam / yama॑nde॒vasya॑ vā॒jinaḥ॑ / ati॒ dveṣā॑si tarema / ava॑taṃ mā॒ sama॑nasau॒ samo॑kasau / sace॑tasau॒ sare॑tasau / u॒bhau māma॑vatañjātavedasau / śi॒vau bha॑vatama॒dya naḥ॑ / sva॒yaṅkṛ॑ṇvā॒nassu॒gamapra॑yāvam

2.4.2.6
ti॒gmaśṛ॑ṅgo vṛṣa॒bhaśśośu॑cānaḥ / pra॒tna sa॒dhastha॒manu॒ paśya॑mānaḥ / ā tantu॑ma॒gnirdi॒vyanta॑tāna / tvanna॒stantu॑ru॒ta setu॑ragne / tvaṃ panthā॑ bhavasi deva॒yānaḥ॑ / tvayā'gne pṛ॒ṣṭhavvam॒̐yamāru॑hema / athā॑ de॒vaissa॑dha॒mādaṃ॑ madema / udu॑tta॒maṃ mu॑mugdhi naḥ / vi pāśaṃ॑ madhya॒mañcṛ॑ta / avā॑dha॒māni॑ jī॒vase

2.4.2.7
va॒ya so॑ma vra॒te tava॑ / mana॑sta॒nūṣu॒ bibhra॑taḥ / pra॒jāva॑nto aśīmahi / i॒ndrā॒ṇī de॒vī su॒bhagā॑ su॒patnī / udaśe॑na pati॒vidye॑ jigāya / tri॒॒śada॑syā ja॒ghana॒yyom̐ja॑nāni / u॒pastha॒ indra॒॒ sthavi॑raṃ bibharti / senā॑ ha॒ nāma॑ pṛthi॒vī dha॑nañja॒yā / vi॒śvavya॑cā॒ adi॑ti॒ssūrya॑tvak / i॒ndrā॒ṇī de॒vī prā॒sahā॒ dadā॑nā

2.4.2.8
sā no॑ de॒vī su॒havā॒ śarma॑ yacchatu / ātvā॑'hār‌ṣama॒ntara॑bhūḥ / dhru॒vasti॒ṣṭhāvi॑cācaliḥ / viśa॑stvā॒ sarvā॑ vāñchantu / mā tvadrā॒ṣṭramadhi॑ bhraśat / dhru॒vā dyaurdhru॒vā pṛ॑thi॒vī / dhru॒vavvim̐śva॑mi॒dañjaga॑t / dhru॒vā ha॒ parva॑tā i॒me / dhru॒vo rājā॑ vi॒śāma॒yam / i॒haivaidhi॒ mā vya॑thiṣṭhāḥ

2.4.2.9
parva॑ta i॒vāvi॑cācaliḥ / indra॑ ive॒ha dhru॒vasti॑ṣṭha / i॒ha rā॒ṣṭramu॑ dhāraya / a॒bhiti॑ṣṭha pṛtanya॒taḥ / adha॑re santu॒ śatra॑vaḥ / indra॑ iva vṛtra॒hā ti॑ṣṭha / a॒paḥ kṣetrā॑ṇi sa॒ñjayann॑ / indra॑ eṇamadīdharat / dhru॒vandhru॒veṇa॑ ha॒viṣā / tasmai॑ de॒vā adhi॑bravann / a॒yañca॒ brahma॑ṇa॒spatiḥ॑

2.4.3.0
cā॒śva॒jidyo ga॑cchatanno॒ dāśa॒nnāmā॑bhi॒śrīrga॑mema sa॒prathā॑ bhajāmahe viśantu yā॒hya॑rvāṅaccha॑ pibātha॒ṣṣaṭca॑

2.4.3.1
juṣṭī॑ naro॒ brahma॑ṇā va pitṛ॒ṇām / akṣa॑mavyaya॒nna kilā॑riṣātha / yacchakva॑rīṣu bṛha॒tā rave॑ṇa / indre॒ śuṣma॒mada॑dhāthā vasiṣṭhāḥ / pā॒va॒kā na॒ssara॑svatī / vāje॑bhirvā॒jinī॑vatī / ya॒jñavvam̐॑ṣṭu dhi॒yā va॑suḥ / sara॑svatya॒bhino॑ neṣi॒ vasyaḥ॑ / mā pa॑spharī॒ paya॑sā॒ mā na॒ ādha॑k / ju॒ṣasva॑ nassa॒khyā॑ ve॒śyā॑ ca

2.4.3.2
mā tvakṣetrā॒ṇyara॑ṇāni ganma / vṛ॒ñje ha॒virnama॑sā ba॒r॒hira॒gnau / ayā॑mi॒ srugghṛ॒tava॑tī suvṛ॒ktiḥ / amya॑kṣi॒ sadma॒ sada॑ne pṛthi॒vyāḥ / aśrā॑yi ya॒jñassūrye॒ na cakṣuḥ॑ / i॒hārvāñca॒mati॑ hvaye / indra॒ñjaitrā॑ya॒ jeta॑ve / a॒smāka॑mastu॒ keva॑laḥ / a॒rvāñca॒mindra॑ma॒muto॑ havāmahe / yo go॒jiddha॑na॒jida॑śva॒jidyaḥ

2.4.3.3
i॒manno॑ ya॒jñavvim̐॑ha॒ve ju॑ṣasva / a॒sya ku॑rmo harivo me॒dina॑ntvā / asaṃ॑mṛṣṭo jāyase mātṛ॒vośśuciḥ॑ / ma॒ndra ka॒viruda॑tiṣṭho॒ viva॑svataḥ / ghṛ॒tena॑ tvā vardhayannagna āhuta / dhū॒maste॑ ke॒tura॑bhavaddi॒vi śri॒taḥ / a॒gniragre pratha॒mo de॒vatā॑nām / sayyām̐॑tānāmutta॒mo viṣṇu॑rāsīt / yaja॑mānāya pari॒gṛhya॑ de॒vān / dī॒kṣaye॒da ha॒virā ga॑cchatannaḥ

2.4.3.4
a॒gniśca॑ viṣṇo॒ tapa॑ utta॒maṃ ma॒haḥ / dī॒kṣā॒pā॒lebhyo॒'vana॑ta॒॒ hi śa॑krā / viśvairde॒vairya॒jñiyaissavvim̐dā॒nau / dī॒kṣāma॒smai yaja॑mānāya dhattam / pra tadviṣṇu॑sstavate vī॒ryā॑ya / mṛ॒go na bhī॒ma ku॑ca॒ro gi॑ri॒ṣṭhāḥ / yasyo॒ruṣu॑ tri॒ṣu vi॒krama॑ṇeṣu / adhi॑ kṣi॒yanti॒ bhuva॑nāni॒ viśvā / nūmarto॑ dayate sani॒ṣyan yaḥ / viṣṇa॑va urugā॒yāya॒ dāśa॑t

2.4.3.5
pra yassa॒trācā॒ mana॑sā॒ yajā॑tai / e॒tāva॑nta॒nnarya॑mā॒ vivā॑sāt / vica॑krame pṛthi॒vīme॒ṣa e॒tām / kṣetrā॑ya॒ viṣṇu॒rmanu॑ṣe daśa॒syann / dhru॒vāso॑ asya kī॒rayo॒ janā॑saḥ / u॒ru॒kṣi॒ti su॒jani॑mā cakāra / trirde॒va pṛ॑thi॒vīme॒ṣa e॒tām / vica॑krame śa॒tarca॑saṃ mahi॒tvā / pra viṣṇu॑rastu ta॒vasa॒stavī॑yān / tve॒ṣa hya॑sya॒ sthavi॑rasya॒ nāma॑

2.4.3.6
hotā॑rañci॒trara॑thamadhva॒rasya॑ / ya॒jñasya॑yajñasya ke॒tu ruśa॑ntam / pratya॑rdhinde॒vasya॑devasya ma॒hnā / śri॒yā tva॑gnimati॑thi॒ñjanā॑nām / ā no॒ viśvā॑bhirū॒tibhi॑ssa॒joṣāḥ / brahma॑ juṣā॒ṇo ha॑ryaśva yāhi / varī॑vṛja॒tsthavi॑rebhissuśipra / a॒sme dadha॒dvṛṣa॑ṇa॒॒ śuṣma॑mindra / indra॑ssuva॒r॒ṣā ja॒naya॒nnahā॑ni / ji॒gāyo॒śigbhi॒ pṛta॑nā abhi॒ śrīḥ

2.4.3.7
prāro॑caya॒nmana॑ve ke॒tumahnām / avi॑nda॒jjyoti॑rbṛha॒te raṇā॑ya / aśvi॑nā॒vava॑se॒ nihva॑ye vām / ā nū॒nayyām̐॑ta sukṛ॒tāya॑ viprā / prā॒ta॒ryu॒ktena॑ su॒vṛtā॒ rathe॑na / u॒pāga॑cchata॒mava॒sāga॑tannaḥ / a॒vi॒ṣṭandhī॒ṣvaśvi॑nā na ā॒su / pra॒jāva॒dreto॒ ahra॑yanno astu / āvānto॒ke tana॑ye॒ tūtu॑jānāḥ / su॒ratnā॑so de॒vavī॑tiṅgamema

2.4.3.8
tva so॑ma॒ kratu॑bhissu॒kratu॑rbhūḥ / tvadandakṣaissu॒dakṣo॑ vi॒śvave॑dāḥ / tvavvṛm̐ṣā॑ vṛṣa॒tvebhi॑rmahi॒tvā / dyu॒mnebhi॑rdyu॒mnya॑bhavo nṛ॒cakṣāḥ / aṣā॑ḍhayyum॒̐tsu pṛta॑nāsu॒ paprim / su॒va॒r॒ṣāma॒psvāvvṛm॒̐jana॑sya go॒pām / bha॒re॒ṣu॒jā su॑kṣi॒ti su॒śrava॑sam / jaya॑nta॒ntvāmanu॑ madema soma / bhavā॑ mi॒tro na śevyo॑ ghṛ॒tāsu॑tiḥ / vibhū॑tadyumna eva॒ yā u॑ sa॒prathāḥ

2.4.3.9
adhā॑ te viṣṇo vi॒duṣā॑ ci॒dṛdhyaḥ॑ / stomo॑ ya॒jñasya॒ rādhyo॑ ha॒viṣma॑taḥ / ya pū॒rvyāya॑ ve॒dhase॒ navī॑yase / su॒majjā॑naye॒ viṣṇa॑ve॒ dadā॑śati / yo jā॒tama॒sya ma॑ha॒to ma॒hi bravāt / sedu॒ śravo॑bhiryu॒jya॑ñcida॒bhya॑sat / tamu॑ stotāra pū॒rvyayyam̐thā॑ vi॒da ṛ॒tasya॑ / garbha॑ ha॒viṣā॑ pipartana / ā'sya॑ jā॒nanto॒ nāma॑ cidvivaktana / bṛ॒hatte॑ viṣṇo suma॒tiṃ bha॑jāmahe

2.4.3.10
i॒mā dhā॒nā ghṛ॑ta॒snuvaḥ॑ / harī॑ i॒hopa॑vakṣataḥ / indra॑ su॒khata॑me॒ rathe / e॒ṣa bra॒hmā prate॑ma॒he / vi॒dathe॑ śasiṣa॒॒ harī / ya ṛ॒tviya॒ prate॑ vanve / va॒nuṣo॑ harya॒taṃ madam / indro॒ nāma॑ ghṛ॒tannayaḥ / hari॑bhi॒ścāru॒ seca॑te / śru॒to ga॒ṇa ā tvā॑ viśantu

2.4.3.11
hari॑varpasa॒ṅgiraḥ॑ / āca॑r‌ṣaṇi॒prā vṛ॑ṣa॒bho janā॑nām / rājā॑ kṛṣṭī॒nāṃ pu॑ruhū॒ta indraḥ॑ / stu॒taśra॑va॒syannava॒sopa॑ma॒drik / yu॒ktvā harī॒ vṛṣa॒ṇāyāhya॒rvāṅ / pra yatsindha॑va prasa॒vayyam̐dāyann॑ / āpa॑ssamu॒dra ra॒thye॑va jagmuḥ / ata॑ści॒dindra॒ssada॑so॒ varī॑yān / yadī॒॒ soma॑ pṛ॒ṇati॑ du॒gdho a॒॒śuḥ / hvayā॑masi॒ tvendra॑ yā॒hya॑rvāṅ

2.4.3.12
ara॑nte॒ soma॑sta॒nuve॑ bhavāti / śata॑krato mā॒daya॑svā su॒teṣu॑ / prāsmā a॑va॒ pṛta॑nāsu॒ prayu॒tsu / indrā॑ya॒ somā pra॒divo॒ vidā॑nāḥ / ṛ॒bhuryebhi॒rvṛṣa॑parvā॒ vihā॑yāḥ / pra॒ya॒myamā॑ṇā॒nprati॒ ṣū gṛ॑bhāya / indra॒ piba॒ vṛṣa॑dhūtasya॒ vṛṣṇaḥ॑ / ahe॑ḍamāna॒ upa॑yāhi ya॒jñam / tubhyaṃ॑ pavanta॒ inda॑vassu॒tāsaḥ॑ / gāvo॒ na va॑jrintsva॒moko॒ accha॑

2.4.3.13
indrā ga॑hi pratha॒mo ya॒jñiyā॑nām / yā te॑ kā॒kutsukṛ॑tā॒ yā vari॑ṣṭhā / yayā॒ śaśva॒tpiba॑si॒ madhva॑ ū॒rmim / tayā॑ pāhi॒ pra te॑ adhva॒ryura॑sthāt / sante॒ vajro॑ vartatāmindra ga॒vyuḥ / prā॒ta॒ryujā॒ vi bo॑dhaya / aśvi॑nā॒veha ga॑cchatam / a॒sya soma॑sya pī॒taye / prā॒ta॒ryāvā॑ṇā pratha॒mā ya॑jadhvam / pu॒rā gṛdhrā॒dara॑ruṣa pibāthaḥ / prā॒taऱhi ya॒jñama॒śvinā॒ dadhā॑te / praśa॑santi ka॒vaya॑ pūrva॒bhājaḥ॑ / prā॒tarya॑jadhvama॒śvinā॑ hinota / na sā॒yama॑sti deva॒yā aju॑ṣṭam / u॒tānyo a॒smadya॑jate॒ vicā॑yaḥ / pūrva॑ pūrvo॒ yaja॑māno॒ vanī॑yān

2.4.4.0
tava॑ kṛdhi॒ vana॒spatīñjānatā॒masa॑ti va॒yaṃ bha॑rādityāśca॒ nava॑ ca

2.4.4.1
na॒kta॒ñjā॒tā'syo॑ṣadhe / rāme॒ kṛṣṇe॒ asi॑kni ca / i॒da ra॑jani rajaya / ki॒lāsaṃ॑ pali॒tañca॒ yat / ki॒lāsa॑ñca pali॒tañca॑ / niri॒to nā॑śayā॒ pṛṣa॑t / ā na॒ssvo a॑śñutā॒vvam̐rṇaḥ॑ / parā śve॒tāni॑ pātaya / asi॑tante ni॒laya॑nam / ā॒sthāna॒masi॑ta॒ntava॑

2.4.4.2
asi॑kniyasyoṣadhe / niri॒to nā॑śayā॒ pṛṣa॑t / a॒sthi॒jasya॑ ki॒lāsa॑sya / ta॒nū॒jasya॑ ca॒ yattva॒ci / kṛ॒tyayā॑ kṛ॒tasya॒ brahma॑ṇā / lakṣma॑ śve॒tama॑nīnaśam / sarū॑pā॒ nāma॑ te mā॒tā / sarū॑po॒ nāma॑ te pi॒tā / sarū॑pā'syoṣadhe॒ sā / sarū॑pami॒daṅkṛ॑dhi

2.4.4.3
śu॒na hu॑vema ma॒ghavā॑na॒mindram / a॒sminbhare॒ nṛta॑ma॒vvām̐ja॑sātau / śṛ॒ṇvanta॑mu॒gramū॒taye॑ sa॒matsu॑ / ghnanta॑vvṛm॒̐trāṇi॑ sa॒ñjita॒ndhanā॑nām / dhū॒nu॒tha dyāṃ parva॑tāndā॒śuṣe॒ vasu॑ / ni vo॒ vanā॑ jihate॒ yāma॑ no bhi॒yā / ko॒paya॑tha pṛthi॒vīṃ pṛ॑śñimātaraḥ / yu॒dhe yadu॑grāḥ॒ pṛṣa॑tī॒rayu॑gdhvam / prave॑payanti॒ parva॑tān / vivi॑ñcanti॒ vana॒spatīn॑

2.4.4.4
provā॑rata maruto du॒rmadā॑ iva / devā॑sa॒ssarva॑yā vi॒śā / pu॒ru॒trā hi sa॒dṛṅṅasi॑ / viśo॒ viśvā॒ anu॑ pra॒bhu / sa॒matsu॑ tvā havāmahe / sa॒matsva॒gnimava॑se / vā॒ja॒yanto॑ havāmahe / vāje॑ṣu ci॒trarā॑dhasam / saṅga॑cchadhva॒॒ savvam̐॑dadhvam / savvom॒̐ manā॑si jānatām

2.4.4.5
de॒vā bhā॒gayyam̐thā॒ pūrve / sa॒ñjā॒nā॒nā u॒pāsa॑ta / sa॒mā॒no mantra॒ssami॑tissamā॒nī / sa॒mā॒naṃ mana॑ssa॒ha ci॒ttame॑ṣām / sa॒mā॒naṅketo॑ a॒bhi sa ra॑bhadhvam / saṃ॒jñāne॑na vo ha॒viṣā॑ yajāmaḥ / sa॒mā॒nī va॒ ākū॑tiḥ / sa॒mā॒nā hṛda॑yāni vaḥ / sa॒mā॒nama॑stu vo॒ manaḥ॑ / yathā॑ va॒ssusa॒hāsa॑ti

2.4.4.6
saṃ॒jñāna॑nna॒ssvaiḥ / saṃ॒jñāna॒mara॑ṇaiḥ / saṃ॒jñāna॑maśvinā yu॒vam / i॒hāsmāsu॒ niya॑cchatam / saṃ॒jñānaṃ॑ me॒ bṛha॒spatiḥ॑ / saṃ॒jñāna॑ savi॒tā ka॑rat / saṃ॒jñāna॑maśvinā yu॒vam / i॒ha mahya॒nni ya॑cchatam / upa॑ cchā॒yāmi॑va॒ ghṛṇeḥ / aga॑nma॒ śarma॑ te va॒yam

2.4.4.7
agne॒ hira॑ṇyasandṛśaḥ / ada॑bdhebhissavita pā॒yubhi॒ṣṭvam / śi॒vebhi॑ra॒dya pari॑pāhi no॒ gayam / hira॑ṇyajihvassuvi॒tāya॒ navya॑se / rakṣā॒ māki॑rno a॒ghaśa॑sa īśata / made॑made॒ hi no॑ da॒duḥ / yū॒thā gavā॑mṛju॒kratuḥ॑ / saṅgṛ॑bhāya pu॒rūśa॒tā / u॒bha॒yā ha॒styā vasu॑ / śi॒śī॒hi rā॒ya ā bha॑ra

2.4.4.8
śipri॑nvājānāṃ pate / śacī॑va॒stava॑ da॒॒sanā / ā tū na॑ indra bhājaya / goṣvaśve॑ṣu śu॒bhruṣu॑ / sa॒hasre॑ṣu tuvīmagha / yadde॑vā deva॒heḍa॑nam / devā॑saścakṛ॒mā va॒yam / ādi॑tyā॒stasmānmā yū॒yam / ṛ॒tasya॒rtena॑ muñcata / ṛ॒tasya॒rtenā॑dityāḥ

2.4.4.9
yaja॑trā mu॒ñcate॒ha mā / ya॒jñairvo॑ yajñavāhasaḥ / ā॒śikṣa॑nto॒ na śe॑kima / meda॑svatā॒ yaja॑mānāḥ / sru॒cā''jye॑na॒ juhva॑taḥ / a॒kā॒mā vo॑ viśvedevāḥ / śikṣa॑nto॒ nopa॑ śekima / yadi॒ divā॒ yadi॒ naktam / ena॑ ena॒syoka॑rat / bhū॒taṃ mā॒ tasmā॒dbhavya॑ñca

2.4.4.10
dru॒pa॒dādi॑va muñcatu / dru॒pa॒dādi॒venmu॑mucā॒naḥ / svi॒nnassnā॒tvī malā॑diva / pū॒taṃ pa॒vitre॑ṇe॒vājyam / viśve॑ muñcantu॒ maina॑saḥ / udva॒yantama॑sa॒spari॑ / paśya॑nto॒ jyoti॒rutta॑ram / de॒vande॑va॒trā sūryam / aga॑nma॒ jyoti॑rutta॒mam

2.4.5.0
mana॒ indro॒ gavi॑ṣṭiṣu॒ tantu॒ṅgarbha॒॒ sujā॑tā॒ssakhā॑ sa॒pta ca॑

2.4.5.1
vṛṣā॒so a॒॒śu pa॑vate ha॒viṣmā॒ntsomaḥ॑ / indra॑sya bhā॒ga ṛ॑ta॒yuśśa॒tāyuḥ॑ / sa mā॒ vṛṣā॑ṇavvṛm̐ṣa॒bhaṅkṛ॑ṇotu / pri॒yavvim॒̐śā sarva॑vīra su॒vīram / kasya॒ vṛṣā॑ su॒te sacā / ni॒yutvānvṛṣa॒bho ra॑ṇat / vṛ॒tra॒hā soma॑pītaye / yaste॑ śṛṅga vṛṣonapāt / praṇa॑pātkuṇḍa॒pāyyaḥ॑ / nya॑smindadhra॒ ā manaḥ॑

2.4.5.2
ta sa॒dhrīcī॑rū॒tayo॒ vṛṣṇi॑yāni / pausyā॑ni ni॒yuta॑ssaścu॒rindram / sa॒mu॒dranna sindha॑va u॒kthaśu॑ṣmāḥ / u॒ru॒vyaca॑sa॒ṅgira॒ ā vi॑śanti / indrā॑ya॒ giro॒ ani॑śitasargāḥ / a॒pa praira॑ya॒ntsaga॑rasya bu॒dhnāt / yo akṣe॑ṇeva ca॒kriyā॒ śacī॑bhiḥ / viṣva॑kta॒stambha॑ pṛthi॒vīmu॒ta dyām / akṣo॑daya॒cchava॑sā॒ kṣāma॑bu॒dhnam / vārṇavā॑ta॒stavi॑ṣībhi॒rindraḥ॑

2.4.5.3
dṛ॒ḍhānyaughnādu॒śamā॑na॒ ojaḥ॑ / avā॑bhinatka॒kubha॒ parva॑tānām / ā no॑ agne suke॒tunā / ra॒yivvim॒̐śvāyu॑poṣasam / mā॒rḍī॒kandhe॑hi jī॒vase / tva so॑ma ma॒he bhagam / tvayyūm̐na॑ ṛtāya॒te / dakṣa॑ndadhāsi jī॒vase / ratha॑yyum̐ñjate ma॒ruta॑śśu॒bhe su॒gam / sūro॒ na mi॑trāvaruṇā॒ gavi॑ṣṭiṣu

2.4.5.4
rajā॑si ci॒trā vica॑ranti ta॒nyavaḥ॑ / di॒vassa॑mrājā॒ paya॑sā na ukṣatam / vāca॒॒ sumi॑trāvaruṇā॒virā॑vatīm / pa॒rjanya॑ści॒trāvvam̐॑dati॒ tviṣī॑matīm / a॒bhrā va॑sata marutassumā॒yayā / dyāvvam̐॑r‌ṣayatamaru॒ṇāma॑re॒pasam / ayu॑kta sa॒pta śu॒ndhyuvaḥ॑ / sūro॒ ratha॑sya na॒ptriyaḥ॑ / tābhi॑ryāti॒ svayu॑ktibhiḥ / vahi॑ṣṭhebhiऱvi॒hara॑n yāsi॒ tantum

2.4.5.5
a॒va॒vyaya॒nnasi॑tandeva॒ vasvaḥ॑ / davi॑dhvato ra॒śmaya॒ssūrya॑sya / carme॒vāvā॑dhu॒stamo॑ a॒phsva॑ntaḥ / pa॒rjanyā॑ya॒ pra gā॑yata / di॒vaspu॒trāya॑ mī॒ḍhuṣe / sa no॑ ya॒vasa॑micchatu / acchā॑ vada ta॒vasa॑ṅgī॒rbhirā॒bhiḥ / stu॒hi pa॒rjanya॒nnama॒sā''vi॑vāsa / kani॑kradadvṛṣa॒bho jī॒radā॑nuḥ / reto॑ dadhā॒tvoṣa॑dhīṣu॒ garbham

2.4.5.6
yo garbha॒moṣa॑dhīnām / gavāṅkṛ॒ṇotyarva॑tām / pa॒rjanya॑ puru॒ṣīṇām / tasmā॒ idā॒sye॑ ha॒viḥ / jū॒hotā॒ madhu॑mattamam / iḍānnassa॒yyam̐ta॑ṅkarat / ti॒sro yada॑gne śa॒rada॒stvāmit / śuci॑ṅghṛ॒tena॒ śuca॑yassapa॒ryann / nāmā॑ni ciddadhire ya॒jñiyā॑ni / asū॑dayanta ta॒nuva॒ssujā॑tāḥ

2.4.5.7
indra॑śca naśśunāsīrau / i॒mayyam॒̐jñaṃ mi॑mikṣatam / garbha॑ndhatta sva॒staye / yayo॑ri॒davvim̐śvaṃ॒ bhuva॑namā vi॒veśa॑ / yayo॑rāna॒ndo nihi॑to॒ maha॑śca / śunā॑sīrāvṛ॒tubhi॑ssavvim̐dā॒nau / indra॑vantau ha॒viri॒dañju॑ṣethām / āghā॒ye a॒gnimi॑ndha॒te / stṛ॒ṇanti॑ ba॒r॒hirā॑nu॒ṣak / yeṣā॒mindro॒ yuvā॒ sakhā / agna॒ indra॑śca me॒dinā / ha॒tho vṛ॒trāṇya॑pra॒ti / yu॒va hi vṛ॑tra॒hanta॑mā / yābhyā॒॒ suva॒raja॑ya॒nnagra॑ e॒va / yāvā॑tastha॒turbhuva॑nasya॒ madhye / praca॑r‌ṣa॒ṇī vṛ॑ṣaṇā॒ vajra॑bāhū / a॒gnī indrā॑vṛtra॒haṇā॑ huve vām

2.4.6.0
dhā॒raya॑npuro॒ḍāśaṃ॒ bṛha॒spati॑ñja॒ghana॑cyutimāna॒ndo bhaga॑sya tṛpyāṇya॒gne pṛ॑thi॒vī yajva॑na etu pra॒diśa॒ścata॑sro॒ vāja॑sātau ca॒tvāri॑ ca

2.4.6.1
u॒ta na॑ pri॒yā pri॒yāsu॑ / sa॒ptasvasā॒ suju॑ṣṭā / sara॑svatī॒ stomyā॑'bhūt / i॒mā juhvā॑nāyu॒ṣmadā namo॑bhiḥ / prati॒ stoma॑ sarasvati juṣasva / tava॒ śarma॑npri॒yata॑me॒ dadhā॑nāḥ / upa॑stheyāma śara॒ṇanna vṛ॒kṣam / triṇi॑ pa॒dā vica॑krame / viṣṇu॑rgo॒pā adābhyaḥ / tato॒ dharmā॑ṇi dhā॒rayann॑

2.4.6.2
tada॑sya pri॒yama॒bhi pātho॑ aśyām / naro॒ yatra॑ deva॒yavo॒ mada॑nti / u॒ru॒kra॒masya॒ sa hi bandhu॑ri॒tthā / viṣṇo pa॒de pa॑ra॒me madhva॒ utsaḥ॑ / kra॒tvā॒dā a॑sthu॒ śreṣṭhaḥ॑ / a॒dya tvā॑ va॒nvantsu॒rekṇāḥ / marta॑ ānāśa suvṛ॒ktim / i॒mā bra॑hma brahmavāha / pri॒yā ta॒ ā ba॒r॒hissī॑da / vī॒hi sū॑ra puro॒ḍāśam

2.4.6.3
upa॑ nassū॒navo॒ giraḥ॑ / śṛ॒ṇvantva॒mṛta॑sya॒ ye / su॒mṛ॒ḍī॒kā bha॑vantu naḥ / a॒dyā no॑ deva savitaḥ / pra॒jāva॑tsāvī॒ssaubha॑gam / parā॑ du॒ṣvapni॑ya suva / viśvā॑ni deva savitaḥ / du॒ri॒tāni॒ parā॑ suva / yadbha॒drantanma॒ ā su॑va / śuci॑ma॒rkairbṛha॒spatim

2.4.6.4
a॒dhva॒reṣu॑ namasyata / a॒nā॒myoja॒ ā ca॑ke / yā dhā॒raya॑nta de॒vā su॒dakṣā॒ dakṣa॑pitārā / a॒su॒ryā॑ya॒ prama॑hasā / sa it kṣeti॒ sudhi॑ta॒ oka॑si॒ sve / tasmā॒ iḍā॑ pinvate viśva॒dānī / tasmai॒ viśa॑ssva॒yame॒vāna॑manti / yasmi॑nbra॒hmā rāja॑ni॒ pūrva॒ eti॑ / sakū॑timindra॒ sacyu॑tim / sacyu॑tiñja॒ghana॑cyutim

2.4.6.5
ka॒nātkā॒bhānna॒ ā bha॑ra / pra॒ya॒phsyanni॑va sa॒kthyau / vi na॑ indra॒ mṛdho॑ jahi / kanī॑khunadiva sā॒payann॑ / a॒bhi na॒ssuṣṭu॑tinnaya / pra॒jāpa॑tisstri॒yāyyam̐śaḥ॑ / mu॒ṣkayo॑radadhā॒tsapam / kāma॑sya॒ tṛpti॑māna॒ndam / tasyāgne bhājaye॒ha mā / moda॑ pramo॒da ā॑na॒ndaḥ

2.4.6.6
mu॒ṣkayo॒rnihi॑ta॒ssapaḥ॑ / sṛ॒tveva॒ kāma॑sya tṛpyāṇi / dakṣi॑ṇānāṃ pratigra॒he / mana॑saści॒ttamākū॑tim / vā॒cassa॒tyama॑śīmahi / pa॒śū॒nā rū॒pamanna॑sya / yaśa॒śśrīśśra॑yatāṃ॒ mayi॑ / yathā॒'hama॒syā atṛ॑pa stri॒yai pumān॑ / yathā॒ strī tṛpya॑ti pu॒॒si pri॒ye pri॒yā / e॒vaṃ bhaga॑sya tṛpyāṇi

2.4.6.7
ya॒jñasya॒ kāmya॑ pri॒yaḥ / dadā॒mītya॒gnirva॑dati / tatheti॑ vā॒yurā॑ha॒ tat / hanteti॑ sa॒tyañca॒ndramāḥ / ā॒di॒tyassa॒tyamomiti॑ / āpa॒statsa॒tyamā bha॑rann / yaśo॑ ya॒jñasya॒ dakṣi॑ṇām / a॒sau me॒ kāma॒ssamṛ॑ddhyatām / na hi spaśa॒mavi॑danna॒nyama॒smāt / vai॒śvā॒na॒rātpu॑rae॒tāra॑ma॒gneḥ

2.4.6.8
athe॑mamanthanna॒mṛta॒mamū॑rāḥ / vai॒śvā॒na॒raṅkṣetra॒jityā॑ya de॒vāḥ / yeṣā॑mi॒me pūrve॒ armā॑sa॒ āsann॑ / a॒yū॒pāssadma॒ vibhṛ॑tā pu॒rūṇi॑ / vaiśvā॑nara॒ tvayā॒ te nu॒ttāḥ / pṛ॒thi॒vīma॒nyāma॒bhita॑sthu॒rjanā॑saḥ / pṛ॒thi॒vīṃ mā॒taraṃ॑ ma॒hīm / a॒ntari॑kṣa॒mupa॑ bruve / bṛ॒ha॒tīmū॒taye॒ divam / viśvaṃ॑ bibharti pṛthi॒vī

2.4.6.9
a॒ntari॑kṣa॒vvim̐ pa॑prathe / du॒he dyaurbṛ॑ha॒tī payaḥ॑ / na tā na॑śanti॒ na da॑bhāti॒ taska॑raḥ / nainā॑ ami॒tro vyathi॒rāda॑dhar‌ṣati / de॒vāśca॒ yābhi॒ryaja॑te॒ dadā॑ti ca / jyogittābhi॑ssacate॒ gopa॑tissa॒ha / na tā arvā॑ re॒ṇuka॑kāṭo aśñute / na sa॑skṛta॒tramupa॑ yanti॒ tā a॒bhi / u॒ru॒gā॒yamabha॑ya॒ntasya॒ tā anu॑ / gāvo॒ martya॑sya॒ vi ca॑ranti॒ yajva॑naḥ

2.4.6.10
rātrī॒ vya॑khyadāya॒tī / pu॒ru॒trā de॒vya॑kṣabhiḥ॑ / viśvā॒ adhi॒ śriyo॑'dhita / upa॑ te॒ gā i॒vāka॑ram / vṛ॒ṇī॒ṣva du॑hitardivaḥ / rātrī॒ stoma॒nna ji॒gyuṣī / de॒vīvvām̐ca॑majanayanta de॒vāḥ / tāvvim॒̐śvarū॑pā pa॒śavo॑ vadanti / sā no॑ ma॒ndreṣa॒mūrja॒nduhā॑nā / dhe॒nurvāga॒smānupa॒ suṣṭu॒taitu॑

2.4.6.11
yadvāgvada॑ntyaviceta॒nāni॑ / rāṣṭrī॑ de॒vānānniṣa॒sāda॑ ma॒ndrā / cata॑sra॒ ūrja॑nduduhe॒ payā॑si / kva॑ svidasyā para॒mañja॑gāma / gau॒rī mi॑māya sali॒lāni॒ takṣa॑tī / eka॑padī dvi॒padī॒ sā catu॑ṣpadī / a॒ṣṭāpa॑dī॒ nava॑padī babhū॒vuṣī / sa॒hasrākṣarā para॒me vyo॑mann / tasyā॑ samu॒drā adhi॒ vikṣa॑ranti / tena॑ jīvanti pra॒diśa॒ścata॑sraḥ

2.4.6.12
tataḥ॑ kṣaratya॒kṣaram / tadviśva॒mupa॑ jīvati / indrā॒sūrā॑ ja॒naya॑nvi॒śvaka॑rmā / ma॒rutvā॑ astu ga॒ṇavāntsajā॒tavān॑ / a॒sya snu॒ṣā śvaśu॑rasya॒ praśi॑ṣṭim / sa॒patnā॒ vācaṃ॒ mana॑sā॒ upā॑satām / indra॒ssūro॑ atara॒drajā॑si / snu॒ṣā sa॒patnā॒ śvaśu॑ro॒'yama॑stu / a॒ya śatrūñjayatu॒ jar‌hṛ॑ṣāṇaḥ / a॒yavvām̐ja॑ñjayatu॒ vāja॑sātau / a॒gniḥ kṣa॑tra॒bhṛdani॑bhṛṣṭa॒mojaḥ॑ / sa॒ha॒sriyo॑ dīpyatā॒mapra॑yucchann / vi॒bhrāja॑mānassamidhā॒na u॒graḥ / ā'ntari॑kṣamaruha॒daga॒ndyām

2.4.7.0
vi॒śāñja॑yāmasi jīradāno॒ haryā॒ viśvā॒ divi॑ṣṭiṣu॒ vasū॑ni jigī॒vāntsaho॑bhirmi॒tā na॑śca॒tvāri॑ ca

2.4.7.1
vṛṣā'sya॒॒śurvṛ॑ṣa॒bhāya॑ gṛhyase / vṛṣā॒'yamu॒gro nṛ॒cakṣa॑se / di॒vya ka॑rma॒ṇyo॑ hi॒to bṛ॒hannāma॑ / vṛ॒ṣa॒bhasya॒ yā ka॒kut / vi॒ṣū॒vān vi॑ṣṇo bhavatu / a॒yayyom̐ mā॑ma॒ko vṛṣā / atho॒ indra॑ iva de॒vebhyaḥ॑ / vi bra॑vītu॒ janebhyaḥ / āyu॑ṣmanta॒vvam̐rca॑svantam / atho॒ adhi॑pativvim॒̐śām

2.4.7.2
a॒syā pṛ॑thi॒vyā adhya॑kṣam / i॒mami॑ndra vṛṣa॒bhaṅkṛ॑ṇu / yassu॒śṛṅga॑ssuvṛṣa॒bhaḥ / ka॒lyāṇo॒ droṇa॒ āhi॑taḥ / kār‌ṣī॑vala pragāṇena / vṛ॒ṣa॒bheṇa॑ yajāmahe / vṛ॒ṣa॒bheṇa॒ yaja॑mānāḥ / akrū॑reṇeva sa॒rpiṣā / mṛdha॑śca॒ sarvā॒ indre॑ṇa / pṛta॑nāśca jayāmasi

2.4.7.3
yasyā॒yamṛ॑ṣa॒bho ha॒viḥ / indrā॑ya pariṇī॒yate / jayā॑ti॒ śatru॑mā॒yantam / atho॑ hanti pṛtanya॒taḥ / nṛ॒ṇāmaha॑ pra॒ṇīrasa॑t / agra॑ udbhinda॒tāma॑sat / indra॒ śuṣma॑nta॒nuvā॒ mera॑yasva / nī॒cā viśvā॑ a॒bhiti॑ṣṭhā॒bhimā॑tīḥ / ni śṛ॑ṇīhyābā॒dhayyom॒̐ no॒ asti॑ / u॒runno॑ lo॒kaṅkṛ॑ṇuhi jīradāno

2.4.7.4
prehya॒bhi prehi॒ pra bha॑rā॒ saha॑sva / mā vive॑no॒ vi śṛ॑ṇuṣvā॒ jane॑ṣu / udī॑ḍi॒to vṛ॑ṣabha॒ tiṣṭha॒ śuṣmaiḥ / indra॒ śatrūnpu॒ro a॒smāka॑ yudhya / agne॒ jetā॒ tvañja॑ya / śatrūntsahasa॒ oja॑sā / vi śatrū॒n॒ vimṛdho॑ nuda / e॒tante॒ stoma॑ntuvijāta॒ vipraḥ॑ / ratha॒nna dhīra॒ssvapā॑ atakṣam / yadīda॑gne॒ prati॒tvande॑va॒ haryāḥ

2.4.7.5
suva॑rvatīra॒pa e॑nā jayema / yo ghṛ॒tenā॒bhimā॑nitaḥ / indra॒ jaitrā॑ya jajñiṣe / sa na॒ssaṅkā॑su pāraya / pṛ॒ta॒nā॒sāhye॑ṣu ca / indro॑ jigāya pṛthi॒vīm / a॒ntari॑kṣa॒॒ suva॑rma॒hat / vṛ॒tra॒hā pu॑ru॒ceta॑naḥ / indro॑ jigāya॒ saha॑sā॒ sahā॑si / indro॑ jigāya॒ pṛta॑nāni॒ viśvā

2.4.7.6
indro॑ jā॒to vi puro॑ ruroja / sa na॑ para॒spā vari॑va kṛṇotu / a॒yaṅkṛ॒tnuragṛ॑bhītaḥ / vi॒śva॒jidu॒dbhiditsomaḥ॑ / ṛṣi॒rvipra॒ kāvye॑na / vā॒yura॑gre॒gā ya॑jña॒prīḥ / sā॒kaṅga॒nmana॑sā ya॒jñam / śi॒vo ni॒yudbhi॑śśi॒vābhiḥ॑ / vāyo॑ śu॒kro a॑yāmi te / madhvo॒ agra॒ndivi॑ṣṭiṣu

2.4.7.7
ā yā॑hi॒ soma॑ pītaye / svā॒ru॒ho de॑va ni॒yutva॑tā / i॒mami॑ndra vardhaya kṣa॒triyā॑ṇām / a॒yavvim॒̐śāvvim॒̐śpati॑rastu॒ rājā / a॒smā i॑ndra॒ mahi॒ varcā॑si dhehi / a॒va॒rcasa॑ṅkaṇuhi॒ śatru॑masya / i॒mamā bha॑ja॒ grāme॒ aśve॑ṣu॒ goṣu॑ / nira॒muṃ bha॑ja॒ yo॑'mitro॑ asya / varṣma॑n kṣa॒trasya॑ ka॒kubhi॑ śrayasva / tato॑ na u॒gro vi bha॑jā॒ vasū॑ni

2.4.7.8
a॒sme dyā॑vāpṛthivī॒ bhūri॑ vā॒mam / sandu॑hāthāṅgharma॒dughe॑va dhe॒nuḥ / a॒ya rājā pri॒ya indra॑sya bhūyāt / pri॒yo gavā॒moṣa॑dhīnāmu॒tāpām / yu॒najmi॑ ta utta॒rāva॑nta॒mindram / yena॒ jayā॑si॒ na parā॒ jayā॑sai / sa tvā॑'karekavṛṣa॒bha svānām / atho॑ rājannutta॒maṃ mā॑na॒vānām / utta॑ra॒stvamadha॑re te sa॒patnāḥ / eka॑vṛṣā॒ indra॑sakhā jigī॒vān

2.4.7.9
viśvā॒ āśā॒ pṛta॑nāssa॒ñjaya॒ñjayann॑ / a॒bhi ti॑ṣṭha śatrūya॒tassa॑hasva / tubhyaṃ॑ bharanti kṣi॒tayo॑ yaviṣṭha / ba॒lima॑gne॒ anti॑ta॒ ota dū॒rāt / ā bhandi॑ṣṭhasya suma॒tiñci॑kiddhi / bṛ॒hatte॑ agne॒ mahi॒ śarma॑ bha॒dram / yo de॒hyo ana॑mayadvadha॒snaiḥ / yo arya॑patnīru॒ṣasa॑śca॒kāra॑ / sa ni॒rudhyā॒ nahu॑ṣo ya॒hvo a॒gniḥ / viśa॑ścakre bali॒hṛta॒ssaho॑bhiḥ

2.4.7.10
pra sa॒dyo a॑gne॒ atyeṣya॒nyān / ā॒viryasmai॒ cāru॑taro ba॒bhūtha॑ / ī॒ḍenyo॑ vapu॒ṣyo॑ vi॒bhāvā / pri॒yo vi॒śāmati॑thi॒rmānu॑ṣīṇām / brahma॑jyeṣṭhā vī॒ryā॑ saṃbhṛ॑tāni / brahmāgre॒ jyeṣṭha॒ndiva॒mā ta॑tāna / ṛ॒tasya॒ brahma॑ pratha॒mota ja॑jñe / tenā॑r‌hati॒ brahma॑ṇā॒ spardhi॑tu॒ṅkaḥ / brahma॒ sruco॑ ghṛ॒tava॑tīḥ / brahma॑ṇā॒ svara॑vo mi॒tāḥ

2.4.7.11
brahma॑ ya॒jñasya॒ tanta॑vaḥ / ṛ॒tvijo॒ ye ha॑vi॒ṣkṛtaḥ॑ / śṛṅgā॑ṇī॒vecchṛ॒ṅgiṇā॒॒ sanda॑dṛśrire / ca॒ṣāla॑vanta॒ssvara॑va pṛthi॒vyām / te de॒vāsa॒ssvara॑vastasthi॒vāsaḥ॑ / nama॒ssakhi॑bhyassa॒nnānmā'va॑gāta / a॒bhi॒bhūra॒gnira॑tara॒drajā॑si / spṛdho॑ vi॒hatya॒ pṛta॑nā abhi॒śrīḥ / ju॒ṣā॒ṇo ma॒ āhu॑tiṃ māmahiṣṭa / ha॒tvā sa॒patnā॒n॒ vari॑vaskarannaḥ / īśā॑nantvā॒ bhuva॑nānāmabhi॒śriyam / staumya॑gna uru॒kṛta॑ su॒vīram / ha॒virju॑ṣā॒ṇassa॒patnā॑ abhi॒bhūra॑si / ja॒hi śatrū॒॒ rapa॒ mṛdho॑ nudasva

2.4.8.0
pu॒ra॒e॒tā vṛ॑ṇīmahe ju॒ṣethāntarpayatā॒mṛta॒nnave॑na mīyase syo॒naśca॒tvāri॑ ca

2.4.8.1
sa pra॑tna॒vannavī॑yasā / agne dyu॒mnena॑ sa॒yyam̐tā / bṛ॒hatta॑tantha bhā॒nunā / nava॒nnu stoma॑ma॒gnaye / di॒vaśśye॒nāya॑ jījanam / vaso ku॒vidva॒nāti॑ naḥ / svā॒ru॒hā yasya॒ śriyo॑ dṛ॒śe / ra॒yirvī॒rava॑to yathā / agre॑ ya॒jñasya॒ ceta॑taḥ / adābhya purae॒tā

2.4.8.2
a॒gnirvi॒śāṃ mānu॑ṣīṇām / tūrṇī॒ ratha॒ssadā॒ navaḥ॑ / nava॒॒ somā॑ya vā॒jine / ājyaṃ॒ paya॑so'jani / juṣṭa॒॒ śuci॑tama॒vvam̐su॑ / nava॑ soma juṣasva naḥ / pī॒yūṣa॑sye॒ha tṛ॑pṇuhi / yaste॑ bhā॒ga ṛ॒tā va॒yam / nava॑sya soma te va॒yam / ā su॑ma॒tivvṛm̐॑ṇīmahe

2.4.8.3
sa no॑ rāsva saha॒sriṇaḥ॑ / nava॑ ha॒virju॑ṣasva naḥ / ṛ॒tubhi॑ssoma॒ bhūta॑mam / tada॒ṅga prati॑harya naḥ / rājantsoma sva॒staye / nava॒॒stoma॒nnava॑ ha॒viḥ / i॒ndrā॒gnibhyā॒nni ve॑daya / tajju॑ṣetā॒॒ sace॑tasā / śuci॒nnu stoma॒nnava॑jātama॒dya / indrāgnī vṛtrahaṇā ju॒ṣethām

2.4.8.4
u॒bhā hi vā॑ su॒havā॒ joha॑vīmi / tā vāja॑ sa॒dya u॑śa॒te dheṣṭhā / a॒gnirindro॒ nava॑sya naḥ / a॒sya ha॒vyasya॑ tṛpyatām / i॒ha de॒vau sa॑ha॒sriṇau / ya॒jñanna॒ ā hi gaccha॑tām / vasu॑manta suva॒rvidam / a॒sya ha॒vyasya॑ tṛpyatām / a॒gnirindro॒ nava॑sya naḥ / viśvānde॒vāsta॑rpayata

2.4.8.5
ha॒viṣo॒'sya nava॑sya naḥ / su॒va॒rvido॒ hi ja॑jñi॒re / edaṃ ba॒r॒hissu॒ṣṭarī॑mā॒ nave॑na / a॒yayyam॒̐jño yaja॑mānasya bhā॒gaḥ / a॒yaṃ ba॑bhūva॒ bhuva॑nasya॒ garbhaḥ॑ / viśve॑ de॒vā i॒dama॒dyāga॑miṣṭhāḥ / i॒me nu dyāvā॑pṛthi॒vī sa॒mīcī / ta॒nvā॒ne ya॒jñaṃ pu॑ru॒peśa॑sandhi॒yā / ā'smai॑ pṛṇītāṃ॒ bhuva॑nāni॒ viśvā / pra॒jāṃ puṣṭi॑ma॒mṛta॒nnave॑na

2.4.8.6
i॒me dhe॒nū a॒mṛta॒yyem̐ du॒hāte / paya॑svatyutta॒rāme॑tu॒ puṣṭiḥ॑ / i॒mayyam॒̐jñañju॒ṣamā॑ṇe॒ nave॑na / sa॒mīcī॒ dyāvā॑pṛthi॒vī ghṛ॒tācī / yavi॑ṣṭho havya॒vāha॑naḥ / ci॒trabhā॑nurghu॒tāsu॑tiḥ / nava॑jāto॒ vi ro॑case / agne॒ tatte॑ mahitva॒nam / tvama॑gne de॒vatābhyaḥ / bhā॒ge de॑va॒ na mī॑yase

2.4.8.7
sa e॑nā vi॒dvān ya॑kṣyasi / nava॒॒ stoma॑ñjuṣasva naḥ / a॒gni pra॑tha॒ma prāśñā॑tu / sa hi veda॒ yathā॑ ha॒viḥ / śi॒vā a॒smabhya॒moṣa॑dhīḥ / kṛ॒ṇotu॑ vi॒śvaca॑r‌ṣaṇiḥ / bha॒drānna॒śśreya॒ssama॑naiṣṭa devāḥ / tvayā॑'va॒sena॒ sama॑śīmahi tvā / sa no॑ mayo॒bhū pi॑to॒ ā vi॑śasva / śanto॒kāya॑ ta॒nuve syo॒naḥ / e॒tamu॒ tyaṃ madhu॑nā॒ sayyum̐॑ta॒yyam̐vam / sara॑svatyā॒ adhi॑ma॒nāva॑carkṛṣuḥ / indra॑ āsī॒tsīra॑patiśśa॒takra॑tuḥ / kī॒nāśā॑ āsanma॒ruta॑ssu॒dāna॑vaḥ

2.5.0.0
prā॒ṇa u॒dehi॒ puna॒rā no॑ bhara ya॒jño rā॒yo vārtra॑hatyāya॒ vasū॑nā॒॒ sa īṃ pāhya॒ṣṭau

prā॒ṇo ra॑kṣa॒tyagṛ॑bhītā dhārāva॒rā ma॒ruto॑ dīrghāyu॒tvāya॒ jyoti॑ṣā tvā॒ pañca॑catvāriśat

prā॒ṇaśśu॒na hu॑vema / hariḥ॑ om // pañcamaprapāṭhakassamāptaḥ

taittirīyabrāhmaṇe dvitīyāṣṭake pañcama prapāṭhaka prārambhaḥ // hariḥ om //
2.5.1.0
a॒gri॒yamana॑pasphurantī sa॒tya sa॒pta ca॑

2.5.1.1
prā॒ṇo ra॑kṣati॒ viśva॒meja॑t / iryo॑ bhū॒tvā ba॑hu॒dhā ba॒hūni॑ / sa itsarva॒vvyām̐॑naśe / yo de॒vo de॒veṣu॑ vi॒bhūra॒ntaḥ / āvṛ॑dū॒dāt kṣetriya॑dhva॒gadvṛṣā / tamitprā॒ṇaṃ mana॒sopa॑ śikṣata / agra॑nde॒vānā॑mi॒dama॑ttu no ha॒viḥ / mana॑sa॒ścitte॒dam / bhū॒taṃ bhavya॑ñca gupyate / taddhi de॒veṣva॑gri॒yam

2.5.1.2
ā na॑ etu puraśca॒ram / sa॒ha de॒vairi॒ma havam / mana॒śśreya॑siśreyasi / karma॑n ya॒jñapa॑ti॒ndadha॑t / ju॒ṣatāṃ me॒ vāgi॒da ha॒viḥ / vi॒rāḍde॒vī pu॒rohi॑tā / ha॒vya॒vāा़ḍana॑pāyinī / yayā॑ rū॒pāṇi॑ bahu॒dhā vada॑nti / peśā॑si de॒vā pa॑ra॒me ja॒nitre / sā no॑ vi॒rāḍana॑pasphurantī

2.5.1.3
vāgde॒vī ju॑ṣatāmi॒da ha॒viḥ / cakṣu॑rde॒vānā॒ñjyoti॑ra॒mṛte॒ nya॑ktam / a॒sya vi॒jñānā॑ya bahu॒dhā nidhī॑yate / tasya॑ su॒mnama॑śīmahi / mā no॑ hāsīdvicakṣa॒ṇam / āyu॒rinna॒ pratīryatām / ana॑ndhā॒ścakṣu॑ṣā va॒yam / jī॒vā jyoti॑raśīmahi / suva॒rjyoti॑ru॒tāmṛtam / śrotre॑ṇa bha॒dramu॒ta śṛ॑ṇvanti sa॒tyam / śrotre॑ṇa॒ vācaṃ॑ bahu॒dhodyamā॑nām / śrotre॑ṇa॒ moda॑śca॒ maha॑śca śrūyate / śrotre॑ṇa॒ sarvā॒ diśa॒ ā śṛ॑ṇomi / yena॒ prācyā॑ u॒ta da॑kṣi॒ṇā / pra॒tīcyai॑ di॒śaśśṛ॒ṇvantyu॑tta॒rāt / tadicchrotraṃ॑ bahu॒dhodyamā॑nam / a॒rānna ne॒mi pari॒ sarvaṃ॑ babhūva

2.5.2.0
a॒stve॒tu॒ rohi॑to॒ nāko॒ mahā॑si

2.5.2.1
u॒dehi॑ vāji॒nyo a॑sya॒phsva॑ntaḥ / i॒da rā॒ṣṭramā vi॑śa sū॒nṛtā॑vat / yo rohi॑to॒ viśva॑mi॒dañja॒jāna॑ / sa no॑ rā॒ṣṭreṣu॒ sudhi॑tāndadhātu / roha॑roha॒॒ rohi॑ta॒ āru॑roha / pra॒jābhi॒rvṛddhi॑ñja॒nuṣā॑mu॒pastham / tābhi॒ssara॑bdho avida॒thṣaḍu॒rvīḥ / gā॒tuṃ pra॒paśya॑nni॒ha rā॒ṣṭramā'hāḥ / ā'hā॑ऱṣīdrā॒ṣṭrami॒ha rohi॑taḥ / mṛdho॒ vyāstha॒dabha॑yanno astu

2.5.2.2
a॒smabhya॑ndyāvāpṛthivī॒ śakva॑rībhiḥ / rā॒ṣṭrandu॑hāthāmi॒ha re॒vatī॑bhiḥ / vima॑maऱśa॒ rohi॑to vi॒śvarū॑paḥ / sa॒mā॒ca॒krā॒ṇa pra॒ruho॒ ruha॑śca / diva॑ṅga॒tvāya॑ maha॒tā ma॑hi॒mnā / vi no॑ rā॒ṣṭramu॑nattu॒ paya॑sā॒ svena॑ / yāste॒ viśa॒stapa॑sā saṃ babhū॒vuḥ / gā॒ya॒travvam॒̐tsamanu॒ tāsta॒ ā'guḥ॑ / tāstvā vi॑śantu॒ maha॑sā॒ svena॑ / saṃ mā॑tā pu॒tro a॒bhye॑tu॒ rohi॑taḥ

2.5.2.3
yū॒yamu॑grā maruta pṛśñimātaraḥ / indre॑ṇa sa॒yujā॒ pramṛ॑ṇītha॒ śatrūn॑ / ā vo॒ rohi॑to aśṛṇodabhidyavaḥ / trisa॑ptāso marutassvādusammudaḥ / rohi॑to॒ dyāvā॑pṛthi॒vī ja॑jāna / tasmi॒॒stantuṃ॑ parame॒ṣṭhī ta॑tāna / tasmi॑ñchiśriye a॒ja eka॑pāt / adṛ॑ha॒ddyāvā॑pṛthi॒vī bale॑na / rohi॑to॒ dyāvā॑pṛthi॒vī a॑dṛhat / tena॒ suva॑sstabhi॒tantena॒ nākaḥ॑

2.5.2.4
so a॒ntari॑kṣe॒ raja॑so vi॒mānaḥ॑ / tena॑ de॒vāssuva॒ranva॑vindann / su॒śeva॑ntvā bhā॒navo॑ dīdi॒vāsam / sama॑grāso ju॒hvo॑ jātavedaḥ / u॒kṣanti॑ tvā vā॒jina॒mā ghṛ॒tena॑ / sasa॑magne yuvase॒ bhoja॑nāni / agne॒ śardha॑ maha॒te saubha॑gāya / tava॑ dyu॒mnānyu॑tta॒māni॑ santu / sañjāspa॒tya su॒yama॒mā kṛ॑ṇuṣva / śa॒trū॒ya॒tāma॒bhi ti॑ṣṭhā॒ mahā॑si

2.5.3.0
ka॒ra॒nnivi॑ṣṭamasyatā॒nnava॑ ca

2.5.3.1
puna॑rna॒ indro॑ ma॒ghavā॑ dadātu / dhanā॑ni śa॒kro dhanya॑ssu॒rādhāḥ / a॒rvā॒cīna॑ṅkṛṇutāyyām̐ci॒to manaḥ॑ / śru॒ṣṭī no॑ a॒sya ha॒viṣo॑ juṣā॒ṇaḥ / yāni॑ no'ji॒nandhanā॑ni / ja॒hartha॑ śūra ma॒nyunā / indrānu॑vinda na॒stāni॑ / a॒nena॑ ha॒viṣā॒ punaḥ॑ / indra॒ āśābhya॒ pari॑ / sarvā॒bhyo'bha॑yaṅkarat

2.5.3.2
jetā॒ śatrū॒n॒ vica॑ऱṣaṇiḥ / ākūtyai tvā॒ kāmā॑ya tvā sa॒mṛdhe tvā / pu॒ro da॑dhe amṛta॒tvāya॑ jī॒vase / ākū॑tima॒syāva॑se / kāma॑masya॒ samṛ॑ddhyai / indra॑sya yuñjate॒ dhiyaḥ॑ / ākū॑tinde॒vīṃ mana॑sa pu॒ro da॑dhe / ya॒jñasya॑ mā॒tā su॒havā॑ me astu / yadi॒cchāmi॒ mana॑sā॒ sakā॑maḥ / vi॒deya॑mena॒ddhṛda॑ye॒ nivi॑ṣṭam

2.5.3.3
seda॒gnira॒gnīratyetya॒nyān / yatra॑ vā॒jī tana॑yo vī॒ḍupā॑ṇiḥ / sa॒hasra॑pāthā a॒kṣarā॑ sa॒meti॑ / āśā॑nāntvā''śāpā॒lebhyaḥ॑ / ca॒turbhyo॑ a॒mṛtebhyaḥ / i॒daṃ bhū॒tasyādhya॑kṣebhyaḥ / vi॒dhema॑ ha॒viṣā॑ va॒yam / viśvā॒ āśā॒ madhu॑nā॒ sa sṛ॑jāmi / a॒na॒mī॒vā āpa॒ oṣa॑dhayo bhavantu / a॒yayyam̐ja॑māno॒ mṛdho॒ vya॑syatām

2.5.3.4
agṛ॑bhītā pa॒śava॑ssantu॒ sarve / a॒gnissomo॒ varu॑ṇo mi॒tra indraḥ॑ / bṛha॒spati॑ssavi॒tā yassa॑ha॒srī / pū॒ṣā no॒ gobhi॒rava॑sā॒ sara॑svatī / tvaṣṭā॑ rū॒pāṇi॒ sama॑naktu ya॒jñaiḥ / tvaṣṭā॑ rū॒pāṇi॒ dadha॑tī॒ sara॑svatī / pū॒ṣā bhaga॑ savi॒tā no॑ dadātu / bṛha॒spati॒rdada॒dindra॑ssa॒hasram / mi॒tro dā॒tā varu॑ṇa॒ssomo॑ a॒gniḥ

2.5.4.0
va॒jryahī॑nāmṛjī॒ṣaṃ vyṛ॑ṇvati rakṣatu no ra॒yi saubha॑gā॒nyeka॑ñca

2.5.4.1
ā no॑ bhara॒ bhaga॑mindra dyu॒mantam / ni te॑ de॒ṣṇasya॑ dhīmahi prare॒ke / u॒rva i॑va paprathe॒ kāmo॑ a॒sme / tamāpṛ॑ṇā vasupate॒ vasū॑nām / i॒maṅkāmaṃ॑ mandayā॒ gobhi॒raśvaiḥ / ca॒ndrava॑tā॒ rādha॑sā pa॒pratha॑śca / su॒va॒ryavo॑ ma॒tibhi॒stubhyaṃ॒ viprāḥ / indrā॑ya॒ vāha॑ kuśi॒kāso॑ akrann / indra॑sya॒ nu vī॒ryā॑ṇi॒ pravo॑cam / yāni॑ ca॒kāra॑ pratha॒māni॑ va॒jrī

2.5.4.2
aha॒nnahi॒manva॒pasta॑tarda / prava॒kṣaṇā॑ abhina॒tparva॑tānām / aha॒nnahiṃ॒ parva॑te śiśriyā॒ṇam / tvaṣṭā'smai॒ vajra॑ sva॒rya॑ntatakṣa / vā॒śrā i॑va dhe॒nava॒ssyanda॑mānāḥ / añja॑ssamu॒dramava॑ jagmu॒rāpaḥ॑ / vṛ॒ṣā॒yamā॑ṇo'vṛṇīta॒ somam / trika॑drukeṣvapibatsu॒tasya॑ / ā sāya॑kaṃ ma॒ghavā॑ datta॒ vajram / aha॑nnenaṃ prathama॒jā mahī॑nām

2.5.4.3
yadindrāha॑nprathama॒jā mahī॑nām / ānmā॒yinā॒mami॑nā॒ prota mā॒yāḥ / ātsūrya॑ñja॒naya॒ndyāmu॒ṣāsam / tā॒dīknā॒ śatrū॒nna kilā॑vivitse / aha॑nvṛ॒travvṛm̐॑tra॒taraṃ॒ vyasam / indro॒ vajre॑ṇa maha॒tā va॒dhena॑ / skandhā॑sīva॒ kuli॑śenā॒vivṛ॑kṇā / ahi॑śśayata upa॒pṛkpṛ॑thi॒vyām / a॒yo॒dhyeva du॒rmada॒ ā hi ju॒hve / ma॒hā॒vī॒rantu॑vibā॒dhamṛ॑jī॒ṣam

2.5.4.4
nātā॑rīrasya॒ samṛ॑tiṃ va॒dhānām / sa ru॒jānāḥ pipiṣa॒ indra॑śatruḥ / viśvo॒ vihā॑yā ara॒tiḥ / vasu॑rdadhe॒ haste॒ dakṣi॑ṇe / ta॒raṇi॒rna śi॑śrathat / śra॒va॒sya॑yā॒ na śi॑śrathat / viśva॑smā॒ idi॑ṣudhya॒se / de॒va॒trā ha॒vyamūhi॑ṣe / viśva॑smā॒ itsu॒kṛte॒ vāra॑mṛṇvati / a॒gnirdvārā॒ vyṛ॑ṇvati

2.5.4.5
udu॒jjihā॑no a॒bhi kāma॑mī॒rayann॑ / pra॒pṛ॒ñcanviśvā॒ bhuva॑nāni pū॒rvathā / ā ke॒tunā॒ suṣa॑middho॒ yaji॑ṣṭhaḥ / kāma॑nno agne a॒bhiha॑rya di॒gbhyaḥ / ju॒ṣā॒ṇo ha॒vyama॒mṛte॑ṣu dū॒ḍhyaḥ॑ / ā no॑ ra॒yiṃ ba॑hu॒lāṅgoma॑tī॒miṣam / ni dhe॑hi॒ yakṣa॑da॒mṛte॑ṣu॒ bhūṣann॑ / aśvi॑nā ya॒jñamāga॑tam / dā॒śuṣa॒ puru॑dasasā / pū॒ṣā ra॑kṣatu no ra॒yim

2.5.4.6
i॒mayyam॒̐jñama॒śvinā॑ va॒rdhaya॑ntā / i॒mau ra॒yiyyam̐ja॑mānāya dhattam / i॒mau pa॒śūnra॑kṣatāvvim॒̐śvato॑ naḥ / pū॒ṣā na॑ pātu॒ sada॒mapra॑yacchann / prate॑ ma॒he sa॑rasvati / subha॑ge॒ vāji॑nīvati / sa॒tya॒vāce॑ bhare ma॒tim / i॒danno॑ ha॒vyaṅghṛ॒tava॑tsarasvati / sa॒tya॒vāce॒ prabha॑remā ha॒vīṣi॑ / i॒māni॑ te duri॒tā saubha॑gāni / tebhi॑rva॒ya su॒bhagā॑sassyāma

2.5.5.0
syā॒ma॒ ru॒ro॒ha॒ yu॒vā॒na॒śśu॒ndhyūri॒cchamā॑no dṛśyate॒ nipa॑dyate ca॒tvāri॑ ca

2.5.5.1
ya॒jño rā॒yo ya॒jña ī॑śe॒ vasū॑nām / ya॒jñassa॒syānā॑mu॒ta su॑kṣitī॒nām / ya॒jña i॒ṣṭa pū॒rvaci॑ttindadhātu / ya॒jño bra॑hma॒ṇvā apye॑tu de॒vān / a॒yayyam॒̐jño va॑rdhatā॒ṅgobhi॒raśvaiḥ / i॒yavvem̐di॑ssvapa॒tyā su॒vīrā / i॒daṃ ba॒r॒hirati॑ ba॒r॒hīṣya॒nyā / i॒mayyam॒̐jñavvim̐śve॑ avantu de॒vāḥ / bhaga॑ e॒va bhaga॑vā astu devāḥ / tena॑ va॒yaṃ bhaga॑vantassyāma

2.5.5.2
tantvā॑ bhaga॒ sarva॒ ijjo॑havīmi / sa no॑ bhaga purae॒tā bha॑ve॒ha / bhaga॒ praṇe॑ta॒rbhaga॒ satya॑rādhaḥ / bhage॒māndhiya॒muda॑va॒ dada॑nnaḥ / bhaga॒ pra ṇo॑ janaya॒ gobhi॒raśvaiḥ / bhaga॒ pra nṛbhi॑rnṛ॒vanta॑ssyāma / śaśva॑tī॒ssamā॒ upa॑yanti lo॒kāḥ / śaśva॑tī॒ssamā॒ upa॑ya॒ntyāpaḥ॑ / i॒ṣṭaṃ pū॒rta śaśva॑tīnā॒॒ samā॑nā śāśva॒tena॑ / ha॒viṣe॒ṣṭvā'na॒ntallom॒̐kaṃ para॒mā ru॑roha

2.5.5.3
i॒yame॒va sā yā pra॑tha॒mā vyauccha॑t / sā rū॒pāṇi॑ kurute॒ pañca॑ de॒vī / dve svasā॑rau vayata॒stantra॑me॒tat / sa॒nā॒tana॒vvim̐ta॑ta॒॒ ṣaṇma॑yūkham / avā॒nyāstantūnki॒rato॑ dha॒tto a॒nyān / nāva॑pṛ॒jyāte॒ na ga॑māte॒ antam / ā vo॑ yantūdavā॒hāso॑ a॒dya / vṛṣṭi॒yyem̐ viśve॑ ma॒ruto॑ ju॒nanti॑ / a॒yayyom̐ a॒gnirma॑ruta॒ssami॑ddhaḥ / e॒tañju॑ṣadhvaṅkavayo yuvānaḥ

2.5.5.4
dhā॒rā॒va॒rā ma॒ruto॑ dhṛ॒ṣṇuvo॑jasaḥ / mṛ॒gā na bhī॒māsta॑vi॒ṣebhi॑rū॒rmibhiḥ॑ / a॒gnayo॒ na śu॑śucā॒nā ṛ॑jī॒ṣiṇaḥ॑ / bhrumi॒ndhama॑nta॒ upa॒ gā a॑vṛṇvata / vi ca॑krame॒ trirde॒vaḥ / ā ve॒dhasa॒nnīla॑pṛṣṭhaṃ bṛ॒hantam / bṛha॒spati॒॒ sada॑ne sādayadhvam / sā॒dadyo॑ni॒ndama॒ ā dī॑di॒vāsam / hira॑ṇyavarṇamaru॒ṣa sa॑pema / sa hi śuci॑śśa॒tapa॑tra॒ssa śu॒ndhyūḥ

2.5.5.5
hira॑ṇyavāśīriṣi॒rassu॑va॒r॒ṣāḥ / bṛha॒spati॒ssa svā॑ve॒śa ṛ॒ṣvāḥ / pū॒rū sakhi॑bhya āsu॒tiṅka॑riṣṭhaḥ / pūṣa॒॒ stava॑ vra॒te va॒yam / nari॑ṣyema ka॒dāca॒na / sto॒tāra॑sta i॒ha sma॑si / yāste॑ pūṣa॒nnā vo॑ a॒ntassa॑mu॒dre / hi॒ra॒ṇyayī॑ra॒ntari॑kṣe॒ cara॑nti / yābhi॑ryāsi dū॒tyā sūrya॑sya / kāme॑na kṛ॒taśrava॑ i॒cchamā॑naḥ

2.5.5.6
ara॑ṇyā॒nyara॑ṇyānya॒sau / yā preva॒ naśya॑si / ka॒thā grāma॒nna pṛ॑cchasi / na tvā॒bhīri॑va vindatī ३ / vṛ॒ṣā॒ra॒vāya॒ vada॑te / yadu॒pāva॑ti cicci॒kaḥ / ā॒ghā॒ṭībhi॑riva dhā॒vayann॑ / a॒ra॒ṇyā॒nirma॑hīyate / u॒ta gāva॑ ivādann / u॒to veśme॑va dṛśyate

2.5.5.7
u॒to a॑raṇyā॒nissā॒yam / śa॒ka॒ṭīri॑va sarjati / gāma॒ṅgaiṣa॒ ā hva॑yati / dārva॒ṅgaiṣa॒ upā॑vadhīt / vasa॑nnaraṇyā॒nyā sā॒yam / akru॑kṣa॒diti॑ manyate / na vā a॑raṇyā॒niऱha॑nti / a॒nyaścennābhi॒gaccha॑ti / svā॒do phala॑sya ja॒gdhvā / yatra॒ kāmaṃ॒ ni pa॑dyate / āñja॑nagandhī sura॒bhīm / ba॒hva॒nnāmakṛ॑ṣīvalām / prāhaṃ mṛ॒gāṇāṃ mā॒taram / a॒ra॒ṇyā॒nīma॑śasiṣam

2.5.6.0
ka॒ro॒myava॑rtyai cicchubhre'śñavāmahai ca॒tvāri॑ ca

2.5.6.1
vārtra॑hatyāya॒ śava॑se / pṛ॒ta॒nā॒sāhyā॑ya ca / indra॒ tvā va॑rtayāmasi / su॒brahmā॑ṇaṃ vī॒rava॑ntaṃ bṛ॒hantam / u॒ruṃ ga॑bhī॒raṃ pṛ॒thubu॑dhnamindra / śru॒taऱṣi॑mu॒grama॑bhimāti॒ṣāham / a॒smabhyaṃ॑ ci॒traṃ vṛṣa॑ṇa ra॒yiṃ dāḥ / kṣe॒tri॒yai tvā॒ niऱṛ॑tyai tvā / dru॒ho mu॑ñcāmi॒ varu॑ṇasya॒ pāśāt / a॒nā॒gasaṃ॒ brahma॑ṇe tvā karomi

2.5.6.2
śi॒ve te॒ dyāvā॑pṛthi॒vī u॒bhe i॒me / śaṃ te॑ a॒gnissa॒hādbhira॑stu / śaṃ dyāvā॑pṛthi॒vī sa॒hauṣa॑dhībhiḥ / śama॒ntari॑kṣa sa॒ha vāte॑na te / śaṃ te॒ cata॑sra pra॒diśo॑ bhavantu / yā daivī॒ścata॑sra pra॒diśaḥ॑ / vāta॑patnīra॒bhi sūryo॑ vica॒ṣṭe / tāsāntvā ja॒rasa॒ ā da॑dhāmi / pra yakṣma॑ etu॒ niऱṛ॑tiṃ parā॒caiḥ / amo॑ci॒ yakṣmādduri॒tādava॑rtyai

2.5.6.3
dru॒ha pāśā॒nniऱṛ॑tyai॒ coda॑moci / ahā॒ ava॑rti॒mavi॑datsyo॒nam / apya॑bhūdbha॒dre su॑kṛ॒tasya॑ lo॒ke / sūrya॑mṛ॒taṃ tama॑so॒ grāhyā॒ yat / de॒vā amu॑ñca॒nnasṛ॑ja॒nvye॑nasaḥ / e॒vama॒hami॒maṃ kṣetri॒yājjā॑miśa॒॒sāt / dru॒ho mu॑ñcāmi॒ varu॑ṇasya॒ pāśāt / bṛha॑spate yu॒vamindra॑śca॒ vasvaḥ॑ / di॒vyasye॑śāthe u॒ta pārthi॑vasya / dha॒tta ra॒yi stu॑va॒te kī॒raye॑cit

2.5.6.4
yū॒yaṃ pā॑ta sva॒stibhi॒ssadā॑ naḥ / de॒vā॒yudha॒mindra॒mā johu॑vānāḥ / vi॒śvā॒vṛdha॑ma॒bhi ye rakṣa॑māṇāḥ / yena॑ ha॒tā dī॒rghamadhvā॑na॒māyann॑ / a॒na॒ntamartha॒mani॑vartsyamānāḥ / yatte॑ sujāte hi॒mava॑tsu bheṣa॒jam / ma॒yo॒bhūśśanta॑mā॒ yaddhṛ॒dosi॑ / tato॑ no dehi sībale / a॒do gi॒ribhyo॒ adhi॒ yatpra॒dhāva॑si / sa॒॒śobha॑mānā ka॒nye॑va śubhre

2.5.6.5
tāṃ tvā॒ mudga॑lā ha॒viṣā॑ vardhayanti / sā na॑ssībale ra॒yimā bhā॑jaye॒ha / pūrvaṃ॑ devā॒ apa॑reṇānu॒paśya॒ñjanma॑bhiḥ / janmā॒nyava॑rai॒ parā॑ṇi / vedā॑ni devā a॒yama॒smīti॒ mām / a॒ha hi॒tvā śarī॑raṃ ja॒rasa॑ pa॒rastāt / prā॒ṇā॒pā॒nau cakṣu॒śśrotram / vācaṃ॒ mana॑si॒ saṃbhṛ॑tām / hi॒tvā śarī॑raṃ ja॒rasa॑ pa॒rastāt / ā bhūtiṃ॒bhūtiṃ॑ va॒yama॑śñavāmahai / i॒mā e॒va tā u॒ṣaso॒ yā pra॑tha॒mā vyaucchann॑ / tā de॒vya॑ kurvate॒ pañca॑rū॒pā / śaśva॑tī॒rnāva॑pṛjyanti / na ga॑ma॒ntyantam

2.5.7.0
ca॒ svāhā॒ sāmrājyama॒smin ya॒jñe yaja॑mānāya dadātu॒ svāhā॒ viśa॑ma॒smin ya॒jñe yaja॑mānāya dadātu॒ svāhā॑ ca॒tvāri॑ ca

(a॒gnissomo॒ varu॑ṇo mi॒tra indro॒ bṛha॒spati॑ssavi॒tā pū॒ṣā sara॑svatī॒ tvaṣṭā॒ daśa॑ // )
2.5.7.1
vasū॑nāṃ॒ tvā'dhī॑tena / ru॒drāṇā॑mū॒rmyā / ā॒di॒tyānāṃ॒ teja॑sā / viśve॑ṣāṃ de॒vānāṃ॒ kratu॑nā / ma॒rutā॒memnā॑ juhomi॒ svāhā / a॒bhibhū॑tira॒hamāga॑mam / indra॑sakhā svā॒yudhaḥ॑ / āsvāśā॑su du॒ṣṣahaḥ॑ / i॒daṃ varco॑ a॒gninā॑ da॒ttamāgāt / yaśo॒ bharga॒ssaha॒ ojo॒ balaṃ॑ ca

2.5.7.2
dī॒rghā॒yu॒tvāya॑ śa॒taśā॑radāya / prati॑gṛbhṇāmi maha॒te vī॒ryā॑ya / āyu॑rasi vi॒śvāyu॑rasi / sa॒rvāyu॑rasi॒ sarva॒māyu॑rasi / sarva॑mma॒ āyu॑rbhūyāt / sarva॒māyu॑rgeṣam / bhūrbhuva॒ssuvaḥ॑ / a॒gnirdharme॑ṇānnā॒daḥ / mṛ॒tyurdharme॒ṇānna॑patiḥ / brahma॑ kṣa॒tra svāhā

2.5.7.3
pra॒jāpa॑ti praṇe॒tā / bṛha॒spatiḥ॑ purae॒tā / ya॒ma panthāḥ / ca॒ndramāḥ punara॒sussvāhā / a॒gnira॑nnā॒do'nna॑patiḥ / a॒nnādya॑ma॒smin ya॒jñe yaja॑mānāya dadātu॒ svāhā / somo॒ rājā॒ rāja॑patiḥ / rā॒jyama॒smin ya॒jñe yaja॑mānāya dadātu॒ svāhā / varu॑ṇassa॒mrāṭtsa॒mrāṭpa॑tiḥ / sāmrājyama॒smin ya॒jñe yaja॑mānāya dadātu॒ svāhā

2.5.7.4
mi॒traḥ kṣa॒traṃ kṣa॒trapa॑tiḥ / kṣa॒trama॒smin ya॒jñe yaja॑mānāya dadātu॒ svāhā / indro॒ balaṃ॒ bala॑patiḥ / bala॑ma॒smin ya॒jñe yaja॑mānāya dadātu॒ svāhā / bṛha॒spati॒rbrahma॒ brahma॑patiḥ / brahmā॒smin ya॒jñe yaja॑mānāya dadātu॒ svāhā / sa॒vi॒tā rā॒ṣṭra rā॒ṣṭrapa॑tiḥ / rā॒ṣṭrama॒smin ya॒jñe yaja॑mānāya dadātu॒ svāhā / pū॒ṣā vi॒śāṃ viṭpa॑tiḥ / viśa॑ma॒smin ya॒jñe yaja॑mānāya dadātu॒ svāhā / sara॑svatī॒ puṣṭi॒ puṣṭi॑patnī / puṣṭi॑ma॒smin ya॒jñe yaja॑mānāya dadātu॒ svāhā / tvaṣṭā॑ paśū॒nāṃ mi॑thu॒nānā॑ rūpa॒kṛdrū॒papa॑tiḥ / ru॒peṇā॒smin ya॒jñe yaja॑mānāya pa॒śūnda॑dātu॒ svāhā

2.5.8.0
a॒rca॒ta॒ ha॒virgā॑yata yasaccaऱṣaṇī॒nāṃ vai॑śambha॒lyā hā॑sī॒ttvamu॒ruṃ de॒vahū॑tau na॒stmanā॒ ṣaṭca॑

2.5.8.1
sa īṃ pāhi॒ ya ṛ॑jī॒ṣī taru॑traḥ / yaśśipra॑vānvṛṣa॒bho yo ma॑tī॒nām / yo gotra॒bhidva॑jra॒bhṛdyo ha॑ri॒ṣṭhāḥ / sa i॑ndra ci॒trā a॒bhi tṛ॑ndhi॒ vājān॑ / ā te॒ śuṣmo॑ vṛṣa॒bha e॑tu pa॒ścāt / otta॒rāda॑dha॒rāgā pu॒rastāt / ā vi॒śvato॑ a॒bhisametva॒rvāṅ / indra॑ dyu॒mna suva॑rvaddhehya॒sme / proṣva॑smai purora॒tham / indrā॑ya śū॒ṣama॑rcata

2.5.8.2
a॒bhīke॑ cidu loka॒kṛt / sa॒ṅge sa॒matsu॑ vṛtra॒hā / a॒smākaṃ॑ bodhi codi॒tā / nabha॑ntāmanya॒keṣām / jyā॒kā adhi॒ dhanva॑su / indraṃ॑ va॒ya śu॑nā॒sīram / a॒smin ya॒jñe ha॑vāmahe / ā vājai॒rupa॑ no gamat / indrā॑ya॒ śunā॒sīrā॑ya / sru॒cā ju॑huta no ha॒viḥ

2.5.8.3
ju॒ṣatāṃ॒ prati॒ medhi॑raḥ / pra ha॒vyāni॑ ghṛ॒tava॑ntyasmai / harya॑śvāya bharatā sa॒joṣāḥ / indra॒rtubhi॒rbrahma॑ṇā vāvṛdhā॒naḥ / śu॒nā॒sī॒rī ha॒viri॒daṃ ju॑ṣasva / vaya॑ssupa॒rṇā upa॑sedu॒rindram / pri॒yame॑dhā॒ ṛṣa॑yo॒ nādha॑mānāḥ / apa॑ dhvā॒ntamūrṇu॒hi pū॒rdhi cakṣuḥ॑ / mu॒mu॒gdhya॑smānni॒dhaye॑'va ba॒ddhān / bṛ॒hadindrā॑ya gāyata

2.5.8.4
maru॑to vṛtra॒hanta॑mam / yena॒ jyoti॒raja॑nayannṛtā॒vṛdhaḥ॑ / de॒vaṃ de॒vāya॒ jāgṛ॑vi / kāmi॒haikā॒ ka i॒me pa॑ta॒ṅgāḥ / mā॒nthā॒lā kuli॒pari॑māpatanti / anā॑vṛtainā॒npradha॑mantu de॒vāḥ / saupa॑rṇaṃ॒ cakṣu॑sta॒nuvā॑ videya / e॒vā va॑ndasva॒ varu॑ṇaṃ bṛ॒hantam / na॒ma॒syādhīra॑ma॒mṛta॑sya go॒pām / sa na॒śśarma॑ tri॒varū॑thaṃ॒ viya॑sat

2.5.8.5
yū॒yaṃ pā॑ta sva॒stibhi॒ssadā॑ naḥ / nāke॑ supa॒rṇamupa॒ yatpata॑ntam / hṛ॒dā vena॑nto a॒bhyaca॑kṣata tvā / hira॑ṇyapakṣaṃ॒ varu॑ṇasya dū॒tam / ya॒masya॒ yonau॑ śaku॒naṃ bhu॑ra॒ṇyum / śaṃ no॑ de॒vīra॒bhiṣṭa॑ye / āpo॑ bhavantu pī॒taye / śayyom̐ra॒bhi sra॑vantu naḥ / īśā॑nā॒ vāryā॑ṇām / kṣaya॑ntīścaऱṣaṇī॒nām

2.5.8.6
a॒po yā॑cāmi bheṣa॒jam / a॒phsu me॒ somo॑ abravīt / a॒ntarviśvā॑ni bheṣa॒jā / a॒gniṃ ca॑ vi॒śvaśa॑mbhuvam / āpa॑śca vi॒śvabhe॑ṣajīḥ / yada॒phsu te॑ sarasvati / goṣvaśve॑ṣu॒ yanmadhu॑ / tena॑ me vājinīvati / mukha॑maṅgdhi sarasvati / yā sara॑svatī vaiśambha॒lyā

2.5.8.7
tasyāṃ me rāsva / tasyāste bhakṣīya / tasyāste bhūyiṣṭha॒bhājo॑ bhūyāsma / a॒haṃ tvada॑smi॒ mada॑si॒ tvame॒tat / mamā॑si॒ yoni॒stava॒ yoni॑rasmi / mamai॒va sanvaha॑ ha॒vyānya॑gne / pu॒tra pi॒tre lo॑ka॒kṛjjā॑tavedaḥ / i॒haiva santatra॒ santaṃ॑ tvā'gne / prā॒ṇena॑ vā॒cā mana॑sā bibharmi / ti॒ro mā॒ santa॒māyu॒rmā prahā॑sīt

2.5.8.8
jyoti॑ṣā tvā vaiśvāna॒reṇopa॑tiṣṭhe / a॒yaṃ te॒ yoni॑r ṛ॒tviyaḥ॑ / yato॑ jā॒to aro॑cathāḥ / taṃ jā॒nanna॑gna॒ āro॑ha / athā॑ no vardhayā ra॒yim / yā te॑ agne ya॒jñiyā॑ ta॒nūstayehyāro॑hā॒tmā''tmānam / acchā॒ vasū॑ni kṛ॒ṇvanna॒sme naryā॑ pu॒rūṇi॑ / ya॒jño bhū॒tvā ya॒jñamā sī॑da॒ svāṃ yonim / jāta॑vedo॒ bhuva॒ ā jāya॑māna॒ssakṣa॑ya॒ ehi॑ / u॒pāva॑roha jātaveda॒ puna॒stvam

2.5.8.9
de॒vebhyo॑ ha॒vyaṃ va॑ha na prajā॒nann / āyu॑ pra॒jā ra॒yima॒smāsu॑ dhehi / aja॑sro dīdihi no duro॒ṇe / tamindraṃ॑ johavīmi ma॒ghavā॑namu॒gram / sa॒trā dadhā॑na॒mapra॑tiṣkuta॒॒ śavā॑si / mahi॑ṣṭho gī॒rbhirā ca॑ ya॒jñiyo॑'va॒varta॑t / rā॒ye no॒ viśvā॑ su॒pathā॑ kṛṇotu va॒jrī / trika॑drukeṣu mahi॒ṣo yavā॑śiraṃ tuvi॒śuṣma॑stṛ॒pat / soma॑mapiba॒dviṣṇu॑nā su॒taṃ yathā'va॑śat / sa īṃ mamāda॒ mahi॒ karma॒ karta॑ve ma॒hāmu॒rum

2.5.8.10
saina॑ saścadde॒vaṃ de॒vassa॒tyamindu॑ sa॒tya indraḥ॑ / vi॒dadyatī॑ sa॒ramā॑ ru॒gṇamadreḥ / mahi॒ pātha॑ pū॒rvya sa॒ddhriya॑kkaḥ / agraṃ॑ nayatsu॒padyakṣa॑rāṇām / acchā॒ ravaṃ॑ pratha॒mā jā॑na॒tīgāt / vi॒dadgavya॑ sa॒ramā॑ dṛ॒ḍhamū॒rvam / yenā॒nukaṃ॒ mānu॑ṣī॒ bhoja॑te॒ viṭ / ā ye viśvāssvapa॒tyāni॑ ca॒kruḥ / kṛ॒ṇvā॒nāso॑ amṛta॒tvāya॑ gā॒tum / tvaṃ nṛbhi॑rnṛpate de॒vahū॑tau

2.5.8.11
bhūrī॑ṇi vṛ॒tvā ha॑ryaśva hasi / tvannida॑syu॒ñcumu॑rim / dhuniṃ॒ cāsvā॑payo da॒bhīta॑ye su॒hantu॑ / e॒vā pā॑hi pra॒tnathā॒ manda॑tu tvā / śru॒dhi brahma॑ vāvṛdhasvo॒ta gī॒rbhiḥ / ā॒vissuryaṃ॑ kṛṇu॒hi pī॒pihī॒ṣaḥ / ja॒hi śatrū॑ ra॒bhi gā i॑ndra tṛndhi / agne॒ bādha॑sva॒ vi mṛdho॑ nudasva / apāmī॑vā॒ apa॒ rakṣā॑si sedha / a॒smātsa॑mu॒drādbṛ॑ha॒to di॒vo naḥ॑

2.5.8.12
a॒pāṃ bhū॒māna॒mupa॑ nassṛje॒ha / yajña॒ prati॑tiṣṭha suma॒tau su॒śevā॒ ā tvā / vasū॑ni puru॒dhā vi॑śantu / dī॒rghamāyu॒ryaja॑mānāya kṛ॒ṇvann / adhā॒mṛte॑na jari॒tāra॑maṅgdhi / indra॑śśu॒nāva॒dvita॑noti॒ sīram / saṃ॒va॒tsa॒rasya॑ prati॒māṇa॑me॒tat / a॒rkasya॒ jyoti॒stadidā॑sa॒ jyeṣṭham / saṃ॒va॒tsa॒ra śu॒nava॒tsīra॑me॒tat / indra॑sya॒ rādha॒ praya॑taṃ pu॒ru tmanā / tada॑rkarū॒paṃ vi॒mimā॑nameti / dvāda॑śāre॒ prati॑tiṣṭha॒tīdvṛṣā / a॒śvā॒yanto॑ ga॒vyanto॑ vā॒jaya॑ntaḥ / havā॑mahe॒ tvopa॑ganta॒vā u॑ / ā॒bhūṣa॑ntastvā suma॒tau navā॑yām / va॒yami॑ndra tvā śu॒na hu॑vema

2.6.0.0
svā॒dvīntvā॒ soma॒ssurā॑vanta॒ sīse॑na mi॒tro॑'si॒ yadde॑vā॒ hotā॑ yakṣatsa॒midhendra॒॒ sami॑ddha॒ indra॒ āca॑r‌ṣaṇi॒prā de॒vaṃ ba॒r॒hir‌hotā॑ yakṣatsa॒midhā॒'gni sami॑ddho a॒gnira॑śvinā॒'śvinā॑ ha॒viri॑ndri॒yande॒vaṃ ba॒r॒hissara॑svatya॒gnima॒dyośanto॒ hotā॑ yakṣadi॒ḍaspa॒de sami॑ddho a॒gnissa॒midhā॑ vasa॒ntena॒rtunā॑ de॒vaṃ ba॒r॒hirindra॑vvam̐yo॒dhasaṃ॑ viśa॒tiḥ

svā॒dvīntvā'mī॑madanta pi॒tara॒ssāmrājyāya pū॒taṃ pa॒vitre॑ṇo॒ṣāsā॒naktā॒ bada॑rai॒radhā॑tānde॒va indro॒ vana॒spati॑ paṣṭha॒vāha॒ṅgānde॒vī de॒vavvam̐॑yo॒dhasa॒ñcatu॑rnavatiḥ

svā॒dvīntvā॑ vetu॒ yaja॑ // hariḥ॑ om // ṣaṣṭha prapāṭhakassamāptaḥ
2.6.0.0
// taittirīyabrāhmaṇe dvitīyāṣṭake ṣaṣṭha prapāṭhaka prārambhaḥ // hariḥ om //
2.6.1.0
ha॒vi pra॒tyaṅkhsomo॒ ati॑druto gṛhṇāmyāvi॒śanviṣū॑cikā॒ pañca॑ ca

2.6.1.1
svā॒dvīṃ tvā svā॒dunā / tī॒vrāṃ tī॒vreṇa॑ / a॒mṛtā॑ma॒mṛte॑na / madhu॑matīṃ॒ madhu॑matā / sṛ॒jāmi॒ sa some॑na / somo'sya॒śvibhyāṃ pacyasva / sara॑svatyai pacyasva / indrā॑ya su॒trāmṇe॑ pacyasva / parī॒to ṣi॑ñcatā su॒tam / somo॒ ya u॑tta॒ma ha॒viḥ

2.6.1.2
da॒dha॒nvā yo naryo॑ a॒psva॑ntarā / su॒ṣāva॒ soma॒madri॑bhiḥ / pu॒nātu॑ te pari॒srutam / soma॒॒ sūrya॑sya duhi॒tā / vāre॑ṇa॒ śaśva॑tā॒ tanā / vā॒yu pū॒ta pa॒vitre॑ṇa / prāṅkhsomo॒ ati॑drutaḥ / indra॑sya॒ yujya॒ssakhā / vā॒yu pū॒ta pa॒vitre॑ṇa / pra॒tyaṅkhsomo॒ ati॑drutaḥ

2.6.1.3
indra॑sya॒ yujya॒ssakhā / brahma॑ kṣa॒traṃ pa॑vate॒ teja॑ indri॒yam / sura॑yā॒ soma॑ssu॒ta āsu॑to॒ madā॑ya / śu॒kreṇa॑ deva de॒vatā pipṛgdhi / rase॒nānnaṃ॒ yaja॑mānāya dhehi / ku॒vida॒ṅga yava॑manto॒ yavaṃ॑cit / yathā॒ dāntya॑nupū॒rvaṃ vi॒yūya॑ / i॒hehai॑ṣāṃ kṛṇuta॒ bhoja॑nāni / ye ba॒r‌hiṣo॒ namo॑vṛktiṃ॒ na ja॒gmuḥ / u॒pa॒yā॒magṛ॑hīto'sya॒śvibhyāṃ tvā॒ juṣṭaṃ॑ gṛhṇāmi

2.6.1.4
sara॑svatyā॒ indrā॑ya su॒trāmṇe / e॒ṣa te॒ yoni॒steja॑se tvā / vī॒ryā॑ya tvā॒ balā॑ya tvā / tejo॑'si॒ tejo॒ mayi॑ dhehi / vī॒rya॑masi vī॒ryaṃ॑ mayi॑ dhehi / bala॑masi॒ balaṃ॒ mayi॑ dhehi / nānā॒ hi vāṃ de॒vahi॑ta॒॒ sada॑ kṛ॒tam / mā sasṛ॑kṣāthāṃ para॒me vyo॑mann / surā॒ tvamasi॑ śu॒ṣmiṇī॒ soma॑ e॒ṣaḥ / mā mā॑ hisī॒ssvāṃ yoni॑māvi॒śann

2.6.1.5
u॒pa॒yā॒magṛ॑hīto'syāśvi॒naṃ tejaḥ॑ / sā॒ra॒sva॒taṃ vī॒ryam / ai॒ndraṃ balam / e॒ṣa te॒ yoni॒rmodā॑ya tvā / ā॒na॒ndāya॑ tvā॒ maha॑se tvā / ojo॒'syojo॒ mayi॑ dhehi / ma॒nyura॑si ma॒nyuṃ mayi॑ dhehi / maho॑'si॒ maho॒ mayi॑ dhehi / saho॑'si॒ saho॒ mayi॑ dhehi / yā vyā॒ghraṃ viṣū॑cikā / u॒bhau vṛkaṃ॑ ca॒ rakṣa॑ti / śye॒naṃ pa॑ta॒triṇa॑ si॒॒ham / semaṃ pā॒tvaha॑saḥ / saṃ॒pṛca॑sstha॒ saṃ mā॑ bha॒dreṇa॑ pṛṅkta / vi॒pṛca॑sstha॒ vi mā॑ pā॒pmanā॑ pṛṅkta

2.6.2.0
a॒dbhyaḥ kṣī॒ravvyam̐॑piba॒jjanma॑na॒rtena॑ sa॒tyami॑ndri॒ya śra॒ddhā sa॒tye pra॒jāpa॑tira॒ṣṭau ca॑

2.6.2.1
somo॒ rājā॒'mṛta॑ su॒taḥ / ṛ॒jī॒ṣeṇā॑jahānmṛ॒tyum / ṛ॒tena॑ sa॒tyami॑ndri॒yam / vipāna॑ śu॒kramandha॑saḥ / indra॑syendri॒yam / i॒daṃ payo॒'mṛtaṃ॒ madhu॑ / soma॑ma॒dbhyo vya॑pibat / chanda॑sā ha॒॒saśśu॑ci॒ṣat / ṛ॒tena॑ sa॒tyami॑ndri॒yam / a॒dbhyaḥ kṣī॒ravvyam̐॑pibat

2.6.2.2
kruṅṅāṅgira॒so dhi॒yā / ṛ॒tena॑ sa॒tyami॑ndri॒yam / annātpari॒sruto॒ rasam / brahma॑ṇā॒ vya॑pibat kṣa॒tram / ṛ॒tena॑ sa॒tyami॑ndri॒yam / reto॒ mūtra॒vvim̐ja॑hāti / yoniṃ॑ pravi॒śadi॑ndri॒yam / garbho॑ ja॒rāyu॒ṇā''vṛ॑taḥ / ulba॑ñjahāti॒ janma॑nā / ṛ॒tena॑ sa॒tyami॑ndri॒yam

2.6.2.3
vede॑na rū॒pe vya॑karot / sa॒tā॒sa॒tī pra॒jāpa॑tiḥ / ṛ॒tena॑ sa॒tyami॑ndri॒yam / some॑na॒ somau॒ vya॑pibat / su॒tā॒su॒tau pra॒jāpa॑tiḥ / ṛ॒tena॑ sa॒tyami॑ndri॒yam / dṛ॒ṣṭvā rū॒pe vyāka॑rot / sa॒tyā॒nṛ॒te pra॒jāpa॑tiḥ / aśra॑ddhā॒manṛ॒te'da॑dhāt / śra॒ddhā sa॒tye pra॒jāpa॑tiḥ / ṛ॒tena॑ sa॒tyami॑ndri॒yam / dṛ॒ṣṭvā pa॑ri॒sruto॒ rasam / śu॒kreṇa॑ śu॒kravvyam̐॑pibat / paya॒ssomaṃ॑ pra॒jāpa॑tiḥ / ṛ॒tena॑ sa॒tyami॑ndri॒yam / vipāna॑ śu॒kramandha॑saḥ / indra॑syendri॒yam / i॒daṃ payo॒'mṛtaṃ॒ madhu॑

2.6.3.0
i॒ndri॒yāya॑ pi॒tara॑śśa॒tāyu॑ṣā pu॒nantu॑ mā pitāma॒hā pu॒nantu॒ prapi॑tāmahā kalpatā sva॒staye॒ pañca॑ ca

2.6.3.1
surā॑vantaṃ bar‌hi॒ṣada॑ su॒vīram / ya॒jña hi॑nvanti mahi॒ṣā namo॑bhiḥ / dadhā॑nā॒ssoma॑ndi॒vi de॒vatā॑su / made॒mendra॒yyam̐ja॑mānāssva॒rkāḥ / yaste॒ rasa॒ssambhṛ॑ta॒ oṣa॑dhīṣu / soma॑sya॒ śuṣma॒ssura॑yā su॒tasya॑ / tena॑ jinva॒ yaja॑mānaṃ॒ made॑na / sara॑svatīma॒śvinā॒vindra॑ma॒gnim / yama॒śvinā॒ namu॑cerāsu॒rādadhi॑ / sara॑sva॒tyasa॑nodindri॒yāya॑

2.6.3.2
i॒manta śu॒kraṃ madhu॑manta॒mindum / soma॒॒ rājā॑nami॒ha bha॑kṣayāmi / yadatra॑ ri॒pta ra॒sina॑ssu॒tasya॑ / yadindro॒ api॑ba॒cchacī॑bhiḥ / a॒hantada॑sya॒ mana॑sā śi॒vena॑ / soma॒॒ rājā॑nami॒ha bha॑kṣayāmi / pi॒tṛbhya॑ssvadhā॒vibhya॑ssva॒dhā namaḥ॑ / pi॒tā॒ma॒hebhya॑ssvadhā॒vibhya॑ssva॒dhā namaḥ॑ / prapi॑tāmahebhyassvadhā॒vibhya॑ssva॒dhā namaḥ॑ / akṣa॑npi॒taraḥ॑

2.6.3.3
amī॑madanta pi॒taraḥ॑ / atī॑tṛpanta pi॒taraḥ॑ / amī॑mṛjanta pi॒taraḥ॑ / pita॑ra॒śśundha॑dhvam / pu॒nantu॑ mā pi॒tara॑sso॒myāsaḥ॑ / pu॒nantu॑ mā pitāma॒hāḥ / pu॒nantu॒ prapi॑tāmahāḥ / pa॒vitre॑ṇa śa॒tāyu॑ṣā / pu॒nantu॑ mā pitāma॒hāḥ / pu॒nantu॒ prapi॑tāmahāḥ

2.6.3.4
pa॒vitre॑ṇa śa॒tāyu॑ṣā / viśva॒māyu॒rvya॑śñavai / agna॒ āyū॑ṣi pava॒se'gne॒ pava॑sva / pava॑māna॒ssuva॒rjana॑ pu॒nantu॑ mā devaja॒nāḥ / jāta॑veda pa॒vitra॑va॒dyatte॑ pa॒vitra॑ma॒rciṣi॑ / u॒bhābhyāndeva savitarvaiśvade॒vī pu॑na॒tī / ye sa॑mā॒nāssama॑nasaḥ / pi॒taro॑ yama॒rājye / teṣāllom॒̐kassva॒dhā namaḥ॑ / ya॒jño de॒veṣu॑ kalpatām

2.6.3.5
ye sa॑jā॒tāssama॑nasaḥ / jī॒vā jī॒veṣu॑ māma॒kāḥ / teṣā॒॒ śrīrmayi॑ kalpatām / a॒smillom॒̐ke śa॒ta samāḥ / dve sru॒tī a॑śṛṇavaṃ pitṛ॒ṇām / a॒hande॒vānā॑mu॒ta martyā॑nām / yābhyā॑mi॒davvim̐śva॒meja॒tsame॑ti / yada॑nta॒rā pi॒taraṃ॑ mā॒tara॑ñca / i॒da ha॒vi pra॒jana॑naṃ me astu / daśa॑vīra sa॒rvaga॑ṇa sva॒staye / ā॒tma॒sani॑ prajā॒sani॑ / pa॒śu॒sanya॑bhaya॒sani॑ loka॒sani॑ / a॒gni pra॒jāṃ ba॑hu॒lāṃ me॑ karotu / annaṃ॒ payo॒ reto॑ a॒smāsu॑ dhatta / rā॒yaspoṣa॒miṣa॒mūrja॑ma॒smāsu॑ dīdhara॒tsvāhā

2.6.4.0
anta॑ra ā॒rāda॒ntarva॑sāte vyāghralo॒ma rājā॑ ca॒tvāri॑ ca

2.6.4.1
sīse॑na॒ tantraṃ॒ mana॑sā manī॒ṣiṇaḥ॑ / ū॒rṇā॒sū॒treṇa॑ ka॒vayo॑ vayanti / a॒śvinā॑ ya॒jña sa॑vi॒tā sara॑svatī / indra॑sya rū॒paṃ varu॑ṇo bhiṣa॒jyann / tada॑sya rū॒pama॒mṛta॒॒ śacī॑bhiḥ / ti॒sro'da॑dhurde॒vatāssararā॒ṇāḥ / lomā॑ni॒ śaṣpairbahu॒dhā na tokma॑bhiḥ / tvaga॑sya mā॒॒sama॑bhava॒nna lā॒jāḥ / tada॒śvinā॑ bhi॒ṣajā॑ ru॒drava॑rtanī / sara॑svatī vayati॒ peśo॒ anta॑raḥ

2.6.4.2
asthi॑ ma॒jjānaṃ॒ māsa॑raiḥ / kā॒ro॒ta॒reṇa॒ dadha॑to॒ gavāntva॒ci / sara॑svatī॒ mana॑sā peśa॒lavvam̐su॑ / nāsa॑tyābhyāṃ vayati dar‌śa॒tavvam̐puḥ॑ / rasaṃ॑ pari॒srutā॒ na rohi॑tam / na॒gnahu॒rdhīra॒stasa॑ra॒nna vema॑ / paya॑sā śu॒krama॒mṛta॑ñja॒nitram / sura॑yā॒ mūtrājjanayanti॒ retaḥ॑ / apāma॑tindurma॒tiṃ bādha॑mānāḥ / ūva॑dhya॒vvām̐ta॑ sa॒buva॒ntadā॒rāt

2.6.4.3
indra॑ssu॒trāmā॒ hṛda॑yena sa॒tyam / pu॒ro॒ḍāśe॑na savi॒tā ja॑jāna / yakṛ॑tklo॒māna॒vvam̐ru॑ṇo bhiṣa॒jyann / mata॑sne vāya॒vyairna mi॑nāti pi॒ttam / ā॒ntrāṇi॑ sthā॒lī madhu॒ pinva॑mānā / gudā॒ pātrā॑ṇi su॒dughā॒ na dhe॒nuḥ / śye॒nasya॒ patra॒nna plī॒hā śacī॑bhiḥ / ā॒sa॒ndī nābhi॑ru॒dara॒nna mā॒tā / ku॒mbho va॑ni॒ṣṭhurja॑ni॒tā śacī॑bhiḥ / yasmi॒nnagre॒ yonyā॒ṅgarbho॑ a॒ntaḥ

2.6.4.4
plā॒śīrvya॑ktaśśa॒tadhā॑ra॒ utsaḥ॑ / du॒he na ku॒mbhī sva॒dhāṃ pi॒tṛbhyaḥ॑ / mukha॒॒ sada॑sya॒ śira॒ itsade॑na / ji॒hvā pa॒vitra॑ma॒śvinā॒ sa sara॑svatī / cappa॒nna pā॒yurbhi॒ṣaga॑sya॒ vālaḥ॑ / va॒stirna śepo॒ hara॑sā tara॒svī / a॒śvibhyā॒ñcakṣu॑ra॒mṛtaṃ॒ grahābhyām / chāge॑na॒ tejo॑ ha॒viṣā॑ śṛ॒tena॑ / pakṣmā॑ṇi go॒dhūmai॒ kva॑lairu॒tāni॑ / peśo॒ na śu॒klamasi॑tavvam̐sāte

2.6.4.5
avi॒rna me॒ṣo na॒si vī॒ryā॑ya / prā॒ṇasya॒ panthā॑ a॒mṛto॒ grahābhyām / sara॑sva॒tyupa॒vākairvyā॒nam / nasyā॑ni ba॒r॒hirbada॑rairjajāna / indra॑sya rū॒pamṛ॑ṣa॒bho balā॑ya / karṇābhyā॒ śrotra॑ma॒mṛta॒ṅgrahābhyām / yavā॒ na ba॒r॒hirbhru॒vi kesa॑rāṇi / ka॒rkandhu॑ jajñe॒ madhu॑ sāra॒ghaṃ mukhāt / ā॒tmannu॒pasthe॒ na vṛka॑sya॒ loma॑ / mukhe॒ śmaśrū॑ṇi॒ na vyāghralo॒mam

2.6.4.6
keśā॒ na śī॒r॒ṣan‌ yaśa॑se śri॒yai śikhā / si॒॒hasya॒ loma॒ tviṣi॑rindri॒yāṇi॑ / aṅgānyā॒tmanbhi॒ṣajā॒ tada॒śvinā / ā॒tmāna॒maṅgai॒ssama॑dhā॒tsara॑svatī / indra॑sya rū॒pa śa॒tamā॑na॒māyuḥ॑ / ca॒ndreṇa॒ jyoti॑ra॒mṛta॒ndadhā॑nā / sara॑svatī॒ yonyā॒ṅgarbha॑ma॒ntaḥ / a॒śvibhyāṃ॒ patnī॒ sukṛ॑taṃ bibharti / a॒pā rase॑na॒ varu॑ṇo॒ na sāmnā / indra॑ śri॒yai ja॒naya॑nna॒psu rājā / teja॑ paśū॒nā ha॒viri॑ndri॒yāva॑t / pa॒ri॒srutā॒ paya॑sā sāra॒ghaṃ madhu॑ / a॒śvibhyāndu॒gdhaṃ bhi॒ṣajā॒ sara॑svatyā sutāsu॒tābhyām / a॒mṛta॒ssoma॒ induḥ॑

2.6.5.0
pa॒styāsvā sara॑svatyai॒ bhaiṣa॑jyena॒ śrīraṅgā॑ni bha॒sadya॒jñe ya॒jño yaju॑rbhi॒rupa॑nati॒rdve ca॑

2.6.5.1
mi॒tro॑'si॒ varu॑ṇo'si / sama॒haṃ viśvairde॒vaiḥ / kṣa॒trasya॒ nābhi॑rasi / kṣa॒trasya॒ yoni॑rasi / syo॒nāmā sī॑da / su॒ṣadā॒mā sī॑da / mā tvā॑ hisīt / mā mā॑ hisīt / niṣa॑sāda dhṛ॒tavra॑to॒ varu॑ṇaḥ / pa॒styāsvā

2.6.5.2
sāmrājyāya su॒kratuḥ॑ / de॒vasya॑ tvā savi॒tu pra॑sa॒ve / a॒śvinorbā॒hubhyām / pū॒ṣṇo hastābhyām / a॒śvino॒rbhaiṣa॑jyena / teja॑se brahmavarca॒sāyā॒bhiṣi॑ñcāmi / de॒vasya॑ tvā savi॒tu pra॑sa॒ve / a॒śvinorbā॒hubhyām / pū॒ṣṇo hastābhyām / sara॑svatyai॒ bhaiṣa॑jyena

2.6.5.3
vī॒ryā॑yā॒nnādyā॑yā॒bhiṣi॑ñcāmi / de॒vasya॑ tvā savi॒tu pra॑sa॒ve / a॒śvinorbā॒hubhyām / pū॒ṣṇo hastābhyām / indra॑syendri॒yeṇa॑ / śri॒yai yaśa॑se॒ balā॑yā॒bhiṣi॑ñcāmi / ko॑'si kata॒mo॑'si / kasmai tvā॒ kāya॑ tvā / suślo॒kām̐ (4) suma॑ṅga॒lām̐ (4) satya॑rā॒jā (३) n / śiro॑ me॒ śrīḥ

2.6.5.4
yaśo॒ mukham / tviṣi॒ keśāśca॒ śmaśrū॑ṇi / rājā॑ me prā॒ṇo॑'mṛtam / sa॒mrāṭcakṣuḥ॑ / vi॒rāṭchrotram / ji॒hvā me॑ bha॒dram / vāṅmahaḥ॑ / mano॑ ma॒nyuḥ / sva॒rāḍbhāmaḥ॑ / modā pramo॒dā a॒ṅgulī॒raṅgā॑ni

2.6.5.5
ci॒ttaṃ me॒ sahaḥ॑ / bā॒hū me॒ bala॑mindri॒yam / hastau॑ me॒ karma॑ vī॒ryam / ā॒tmā kṣa॒tramuro॒ mama॑ / pṛ॒ṣṭīrme॑ rā॒ṣṭramu॒dara॒masau / grī॒vāśca॒ śroṇyau / ū॒rū a॑ra॒tnī jānu॑nī / viśo॒ me'ṅgā॑ni sa॒rvataḥ॑ / nābhi॑rme ci॒ttavvim॒̐jñānam / pā॒yurme'pa॑citirbha॒sat

2.6.5.6
ā॒na॒nda॒na॒ndāvā॒ṇḍau me / bhaga॒ssaubhāgyaṃ॒ pasaḥ॑ / jaṅghābhyāṃ pa॒dbhyāṃ dharmo'smi / vi॒śi rājā॒ prati॑ṣṭhitaḥ / prati॑ kṣa॒tre prati॑tiṣṭhāmi rā॒ṣṭre / pratyaśve॑ṣu॒ prati॑tiṣṭhāmi॒ goṣu॑ / pratyaṅge॑ṣu॒ prati॑tiṣṭhāmyā॒tmann / prati॑ prā॒ṇeṣu॒ prati॑tiṣṭhāmi pu॒ṣṭe / prati॒ dyāvā॑pṛthi॒vyoḥ / prati॑tiṣṭhāmi ya॒jñe

2.6.5.7
tra॒yā de॒vā ekā॑daśa / tra॒ya॒stri॒॒śāssu॒rādha॑saḥ / bṛha॒spati॑purohitāḥ / de॒vasya॑ savi॒tussa॒ve / de॒vā de॒vaira॑vantu mā / pra॒tha॒mā dvi॒tīyaiḥ / dvi॒tīyāstṛ॒tīyaiḥ / tṛ॒tīyāssa॒tyena॑ / sa॒tyayyam॒̐jñena॑ / ya॒jño yaju॑rbhiḥ

2.6.5.8
yajū॑ṣi॒ sāma॑bhiḥ / sāmānyṛ॒gbhiḥ / ṛco॑ yā॒jyā॑bhiḥ / yā॒jyā॑ vaṣaṭkā॒raiḥ / va॒ṣa॒ṭkā॒rā āhu॑tibhiḥ / āhu॑tayo me॒ kāmā॒ntsama॑rdhayantu / bhūssvāhā / lomā॑ni॒ praya॑ti॒rmama॑ / tvaṅma॒ āna॑ti॒rāga॑tiḥ / mā॒॒saṃ ma॒ upa॑natiḥ / vasvasthi॑ / ma॒jjā ma॒ āna॑tiḥ

2.6.6.0
svapna॒ enā॑si cakṛ॒mā va॒yaṃ mu॑ñca॒ malā॑diva sa॒mida॑si॒ jaga॒ttrīṇi॑ ca

2.6.6.1
yadde॑vā deva॒heḍa॑nam / devā॑saścakṛ॒mā va॒yam / a॒gnirmā॒ tasmā॒dena॑saḥ / viśvānmuñca॒tvaha॑saḥ / yadi॒ divā॒ yadi॒ naktam / enā॑si cakṛ॒mā va॒yam / vā॒yurmā॒ tasmā॒dena॑saḥ / viśvānmuñca॒tvaha॑saḥ / yadi॒ jāgra॒dyadi॒ svapne / enā॑si cakṛ॒mā va॒yam

2.6.6.2
sūryo॑ mā॒ tasmā॒dena॑saḥ / viśvānmuñca॒tvaha॑saḥ / yadgrāme॒ yadara॑ṇye / yatsa॒bhāyā॒yyam̐di॑ndri॒ye / yacchū॒dre yada॒rye / ena॑ścakṛ॒mā va॒yam / yadeka॒syādhi॒ dharma॑ṇi / tasyā॑va॒yaja॑namasi / yadāpo॒ aghni॑yā॒ varu॒ṇeti॒ śapā॑mahe / tato॑ varuṇa no muñca

2.6.6.3
ava॑bhṛtha nicaṅkuṇa nice॒rura॑si nicaṅkuṇa / ava॑ de॒vairde॒vakṛ॑ta॒meno॑'yāṭ / ava॒ martyai॒rmartya॑kṛtam / u॒rorā no॑ deva ri॒ṣaspā॑hi / su॒mi॒trā na॒ āpa॒ oṣa॑dhayassantu / du॒rmi॒trāstasmai॑ bhūyāsuḥ / yo'smāndveṣṭi॑ / yañca॑ va॒yandvi॒ṣmaḥ / dru॒pa॒dādi॒venmu॑mucā॒naḥ / svi॒nnassnā॒tvī malā॑diva

2.6.6.4
pū॒taṃ pa॒vitre॑ṇe॒vājyam / āpa॑śśundhantu॒ maina॑saḥ / udva॒yantama॑sa॒spari॑ / paśya॑nto॒ jyoti॒rutta॑ram / de॒vande॑va॒trā sūryam / aga॑nma॒ jyoti॑rutta॒mam / prati॑yuto॒ varu॑ṇasya॒ pāśaḥ॑ / pratya॑sto॒ varu॑ṇasya॒ pāśaḥ॑ / edho'syedhiṣī॒mahi॑ / sa॒mida॑si

2.6.6.5
tejo॑'si॒ tejo॒ mayi॑ dhehi / a॒po anva॑cāriṣam / rase॑na॒ sama॑sṛkṣmahi / paya॑svā agna॒ āga॑mam / taṃ mā॒ sasṛ॑ja॒ varca॑sā / pra॒jayā॑ ca॒ dhane॑na ca / sa॒māva॑varti pṛthi॒vī / samu॒ṣāḥ / samu॒ sūryaḥ॑ / samu॒ viśva॑mi॒dañjaga॑t / vai॒śvā॒na॒rajyo॑tirbhūyāsam / vi॒bhuṅkāma॒vvyam̐॑śñavai / bhūssvāhā

2.6.7.0
teja॑sā''sadadavardhatāṃ॒ bhāra॑tīndri॒yañju॑ṣā॒ṇā dve ca॑

(sa॒midhendra॒ntanū॒napā॑ta॒miḍā॑bhirba॒r॒hiṣyoja॑ u॒ṣe daivyā॑ ti॒srastvaṣṭā॑ra॒vvam̐na॒spati॒mindram // sa॒midhendra॑ñca॒turvetveko॑ vi॒yantu॒ dvirvī॒tāmeko॑ vi॒yantu॒ dvirvetveko॑ vi॒yantu॒ hota॒ryaja॑ // )
2.6.7.1
hotā॑ yakṣatsa॒midhendra॑mi॒ḍaspa॒de / nābhā॑ pṛthi॒vyā adhi॑ / di॒vo varṣma॒ntsami॑dhyate / oji॑ṣṭhaścar‌ṣaṇī॒ sahān॑ / vetvājya॑sya॒ hota॒ryaja॑ / hotā॑ yakṣa॒ttanū॒napā॑tam / ū॒tibhi॒rjetā॑ra॒mapa॑rājitam / indra॑nde॒va su॑va॒rvidam / pa॒thibhi॒rmadhu॑mattamaiḥ / narā॒śase॑na॒ teja॑sā

2.6.7.2
vetvājya॑sya॒ hota॒ryaja॑ / hotā॑ yakṣa॒diḍā॑bhi॒rindra॑mīḍi॒tam / ā॒juhvā॑na॒mama॑rtyam / de॒vo de॒vaissavīryaḥ / vajra॑hasta puranda॒raḥ / vetvājya॑sya॒ hota॒ryaja॑ / hotā॑yakṣadba॒r॒hiṣīndra॑nniṣadva॒ram / vṛ॒ṣa॒bhannaryā॑pasam / vasu॑bhīru॒drairā॑di॒tyaiḥ / sa॒yugbhi॑rba॒r॒hirāsa॑dat

2.6.7.3
vetvājya॑sya॒ hota॒ryaja॑ / hotā॑ yakṣa॒dojo॒ na vī॒ryam / saho॒ dvāra॒ indra॑mavardhayann / su॒prā॒ya॒ṇā viśra॑yantāmṛtā॒vṛdhaḥ॑ / dvāra॒ indrā॑ya mī॒ḍhuṣe / vi॒yantvājya॑sya॒ hota॒ryaja॑ / hotā॑ yakṣadu॒ṣe indra॑sya dhe॒nū / su॒dughe॑ mā॒tarau॑ ma॒hī / savā॒tarau॒ na teja॑sī / va॒tsamindra॑mavardhatām

2.6.7.4
vī॒tāmājya॑sya॒ hota॒ryaja॑ / hotā॑ yakṣa॒ddaivyā॒ hotā॑rā / bhi॒ṣajā॒ sakhā॑yā / ha॒viṣendraṃ॑ bhiṣajyataḥ / ka॒vī de॒vau prace॑tasau / indrā॑ya dhatta indri॒yam / vī॒tāmājya॑sya॒ hota॒ryaja॑ / hotā॑ yakṣatti॒sro de॒vīḥ / traya॑stri॒dhāta॑vo॒pasaḥ॑ / iḍā॒ sara॑svatī॒ bhāra॑tī

2.6.7.5
ma॒hīndra॑patnīr‌ha॒viṣma॑tīḥ / vi॒yantvājya॑sya॒ hota॒ryaja॑ / hotā॑ yakṣa॒ttvaṣṭā॑ra॒mindra॑nde॒vam / bhi॒ṣaja॑ su॒yaja॑ṅghṛta॒śriyam / pu॒ru॒rūpa॑ su॒reta॑saṃ ma॒ghonim / indrā॑ya॒ tvaṣṭā॒ dadha॑dindri॒yāṇi॑ / vetvājya॑sya॒ hota॒ryaja॑ / hotā॑ yakṣa॒dvana॒spatim / śa॒mi॒tāra॑ śa॒takra॑tum / dhi॒yo jo॒ṣṭāra॑mindri॒yam

2.6.7.6
madhvā॑ sama॒ñjanpa॒thibhi॑ssu॒gebhiḥ॑ / svadā॑ti ha॒vyaṃ madhu॑nā ghṛ॒tena॑ / vetvājya॑sya॒ hota॒ryaja॑ / hotā॑ yakṣa॒dindra॒॒ svāhā''jya॑sya / svāhā॒ meda॑saḥ / svāhā sto॒kānām / svāhā॒ svāhā॑kṛtīnām / svāhā॑ ha॒vyasūktīnām / svāhā॑ de॒vā ājya॒pān / svāhendra॑ ho॒trājju॑ṣā॒ṇāḥ / indra॒ ājya॑sya viyantu / hota॒ryaja॑

2.6.8.0
śardha॑māno॒ maho॑bhi॒ patnīrghṛ॒tena॑ ca॒tvāri॑ ca

2.6.8.1
sami॑ddha॒ indra॑ u॒ṣasā॒manī॑ke / pu॒ro॒rucā॑ pūrva॒kṛdvā॑vṛdhā॒naḥ / tri॒bhirde॒vaistri॒॒śatā॒ vajra॑bāhuḥ / ja॒ghāna॑ vṛ॒travvim̐ duro॑ vavāra / narā॒śasa॒ prati॒śūro॒ mimā॑naḥ / tanū॒napā॒tprati॑ ya॒jñasya॒ dhāma॑ / gobhi॑rva॒pāvā॒nmadhu॑nā sama॒ñjann / hira॑ṇyaiśca॒ndrī ya॑jati॒ prace॑tāḥ / ī॒ḍi॒to de॒vair‌hari॑vā abhi॒ṣṭiḥ / ā॒juhvā॑no ha॒viṣā॒ śardha॑mānaḥ

2.6.8.2
pu॒ra॒nda॒ro ma॒ghavā॒n vajra॑bāhuḥ / āyā॑tu ya॒jñamupa॑no juṣā॒ṇaḥ / ju॒ṣā॒ṇo ba॒r‌hirhari॑vānna॒ indraḥ॑ / prā॒cīna॑ sīdatpra॒diśā॑ pṛthi॒vyāḥ / u॒ru॒vyacā॒ pratha॑māna syo॒nam / ā॒di॒tyaira॒ktavvam̐su॑bhissa॒joṣāḥ / indra॒ndura॑ kava॒ṣyo॑ dhāva॑mānāḥ / vṛṣā॑ṇayyam̐ntu॒ jana॑yassu॒patnīḥ / dvāro॑ de॒vīra॒bhito॒ viśra॑yantām / su॒vīrā॑ vī॒raṃ pratha॑mānā॒ maho॑bhiḥ

2.6.8.3
u॒ṣāsā॒naktā॑ bṛha॒tī bṛ॒hantam / paya॑svatī su॒dughe॒ śūra॒mindram / peśa॑svatī॒ tantu॑nā sa॒vvyam̐ya॑ntī / dai॒vānānde॒vayyam̐॑jataḥ suru॒kme / daivyā॒ mimā॑nā॒ mana॑sā puru॒trā / hotā॑rā॒vindraṃ॑ pratha॒mā su॒vācā / mū॒rdhan ya॒jñasya॒ madhu॑nā॒ dadhā॑nā / prā॒cīna॒ñjyoti॑r ha॒viṣā॑ vṛdhātaḥ / ti॒sro de॒vīr‌ ha॒viṣā॒ vardha॑mānāḥ / indra॑ñjuṣā॒ṇā vṛṣa॑ṇa॒nna patnīḥ

2.6.8.4
acchi॑nna॒ntantuṃ॒ paya॑sā॒ sara॑svatī / iḍā॑ de॒vī bhāra॑tī vi॒śvatūrtiḥ / tvaṣṭā॒ dadha॒dindrā॑ya॒ śuṣmam / apā॒koci॑ṣṭurya॒śase॑ pu॒rūṇi॑ / vṛṣā॒ yaja॒nvṛṣa॑ṇaṃ॒ bhūri॑retāḥ / mū॒rdhan ya॒jñasya॒ sama॑naktu de॒vān / vana॒spati॒rava॑sṛṣṭo॒ na pāśaiḥ / tmanyā॑ sama॒ñjañcha॑mi॒tā na de॒vaḥ / indra॑sya ha॒vyairja॒ṭharaṃ॑ pṛṇā॒naḥ / svadā॑ti ha॒vyaṃ madhu॑nā ghṛ॒tena॑ / sto॒kānā॒minduṃ॒ prati॒ śūra॒ indraḥ॑ / vṛ॒ṣā॒yamā॑ṇo vṛṣa॒bhastu॑rā॒ṣāṭ / ghṛ॒ta॒pruṣā॒ madhu॑nā ha॒vyamu॒ndann / mū॒rdhan ya॒jñasya॑ juṣatā॒॒ svāhā

2.6.9.0
re॒vatī॑nāñca॒tvāri॑ ca

2.6.9.1
āca॑r‌ṣaṇi॒prā vi॒veṣa॒ yanmā / ta sa॒dhrīcīḥ / sa॒tyamittanna tvāvā॑ a॒nyo asti॑ / indra॑ de॒vo na martyo॒ jyāyān॑ / aha॒nnahiṃ॑ pari॒śayā॑na॒marṇaḥ॑ / avā॑sṛjo॒'po acchā॑ samu॒dram / prasa॑sāhiṣe puruhūta॒ śatrūn॑ / jyeṣṭha॑ste॒ śuṣma॑ i॒ha rā॒tira॑stu / indrā bha॑ra॒ dakṣi॑ṇenā॒ vasū॑ni / pati॒ssindhū॑nāmasi re॒vatī॑nām / sa śevṛ॑dha॒madhi॑ dhāddyu॒mnama॒sme / mahi॑ kṣa॒trañja॑nā॒ṣāḍi॑ndra॒ tavyam / rakṣā॑ ca no ma॒ghona॑ pā॒hi sū॒rīn / rā॒ye ca॑ naḥ svapa॒tyā i॒ṣe dhāḥ

2.6.10.0
vi॒ya॒ntu॒ yaja॑ śikṣi॒te śi॑kṣi॒te va॑su॒vane॑ vasu॒dheya॑sya vītām॒̐yyaja॑ gṛ॒hān ve॑tu॒ yajā॑bhū॒thṣaṭca॑

(de॒vaṃ ba॒r॒hirde॒vīrdvāro॑ de॒vī u॒ṣāsā॒naktā॑ de॒vī joṣṭrī॑ de॒vī ū॒rjāhu॑tī de॒vā daivyā॒ hotā॑rā śikṣi॒tau de॒vīsti॒srasti॒sro de॒vīrde॒va indro॒ narā॒śaso॑ de॒va indro॒ vana॒spati॑rde॒vaṃ ba॒r॒hirvāri॑tīnānde॒vo a॒gniḥ svi॑ṣṭa॒kṛdde॒vam / ve॒tu॒ vi॒ya॒ntu॒ ca॒turvī॑tā॒meko॑ viyantu ca॒turvetvavardhayadavardhaya॒ntrira॑vardhatā॒meko॑' vardhayaśca॒tura॑vardhayat / vasto॒rā va॒tsena॒ daivī॒rayā॒vīṣa॑ha॒tā'spṛ॑kṣaccha॒tena॒ diva॑ svāsa॒stha svi॑ṣṭa śikṣi॒te śi॑kṣi॒te śi॑kṣi॒tau // )
2.6.10.1
de॒vaṃ ba॒r॒hirindra॑ sude॒vande॒vaiḥ / vī॒rava॑tstī॒rṇavvem̐dyā॑mavardhayat / vastorvṛ॒taṃ prāktorbhṛ॒tam / rā॒yā ba॒r॒hiṣma॒to'tya॑gāt / va॒su॒vane॑ vasu॒dheya॑sya vetu॒ yaja॑ / de॒vīrdvāra॒ indra॑ saṅghā॒te / vi॒ḍvīryāma॑nnavardhayann / ā va॒tsena॒ taru॑ṇena kumā॒reṇa॑ camīvi॒tā apārvā॑ṇam / re॒ṇuka॑kāṭannudantām / va॒su॒vane॑ vasu॒dheya॑sya viyantu॒ yaja॑

2.6.10.2
de॒vī u॒ṣāsā॒naktā / indra॑yyam॒̐jñe pra॑ya॒tya॑hvetām / daivī॒rviśa॒ prāyā॑siṣṭām / suprī॑te॒ sudhi॑te abhūtām / va॒su॒vane॑ vasu॒dheya॑sya vītā॒yyam̐ja॑ / de॒vī joṣṭrī॒ vasu॑dhitī / de॒vamindra॑mavardhatām / ayāvya॒nyāghā dveṣā॑si / ānyāvākṣī॒dvasu॒ vāryā॑ṇi / yaja॑mānāya śikṣi॒te

2.6.10.3
va॒su॒vane॑ vasu॒dheya॑sya vītā॒yyam̐ja॑ / de॒vī ū॒rjāhu॑tī॒ dughe॑ su॒dughe / paya॒sendra॑mavardhatām / iṣa॒mūrja॑ma॒nyā'vākṣīt / sagdhi॒॒ sapī॑tima॒nyā / nave॑na॒ pūrva॒ndaya॑māne / pu॒rā॒ṇena॒ navam / adhā॑tā॒mūrja॑mū॒rjāhu॑tī॒ vasu॒ vāryā॑ṇi / yaja॑mānāya śikṣi॒te / va॒su॒vane॑ vasu॒dheya॑sya vītā॒yyam̐ja॑

2.6.10.4
de॒vā daivyā॒ hotā॑rā / de॒vamindra॑mavardhatām / ha॒tāgha॑śasā॒vābhārṣṭā॒vvam̐su॒vāryā॑ṇi / yaja॑mānāya śikṣi॒tau / va॒su॒vane॑ vasu॒dheya॑sya vītā॒yyam̐ja॑ / de॒vīsti॒srasti॒sro de॒vīḥ / pati॒mindra॑mavardhayann / aspṛ॑kṣa॒dbhāra॑tī॒ divam / ru॒drairya॒jña sara॑svatī / iḍā॒ vasu॑matī gṛ॒hān

2.6.10.5
va॒su॒vane॑ vasu॒dheya॑sya viyantu॒ yaja॑ / de॒va indro॒ narā॒śasaḥ॑ / tri॒va॒rū॒thastri॑vandhu॒raḥ / de॒vamindra॑mavardhayat / śa॒tena॑ śitipṛ॒ṣṭhānā॒māhi॑taḥ / sa॒hasre॑ṇa॒ prava॑rtate / mi॒trāvaru॒ṇeda॑sya ho॒tramar‌ha॑taḥ / bṛha॒spatiḥ॑ sto॒tram / a॒śvinā''dhva॑ryavam / va॒su॒vane॑ vasu॒dheya॑sya vetu॒ yaja॑

2.6.10.6
de॒va indro॒ vana॒spatiḥ॑ / hira॑ṇyavarṇo॒ madhu॑śākhassupippa॒laḥ / de॒vamindra॑mavardhayat / diva॒magre॑ṇāprāt / ā'ntari॑kṣaṃ pṛthi॒vīma॑dṛhīt / va॒su॒vane॑ vasu॒dheya॑sya vetu॒ yaja॑ / de॒vaṃ ba॒r॒hirvāri॑tīnām / de॒vamindra॑mavardhayat / svā॒sa॒sthamindre॒ṇāsa॑nnam / a॒nyā ba॒r॒hīṣya॒bhya॑bhūt / va॒su॒vane॑ vasu॒dheyasya॑ vetu॒ yaja॑ / de॒vo a॒gnissvi॑ṣṭa॒kṛt / de॒vamindra॑mavardhayat / svi॑ṣṭaṅku॒rvantsvi॑ṣṭa॒kṛt / svi॑ṣṭama॒dya ka॑rotu naḥ / va॒su॒vane॑ vasu॒dheya॑sya vetu॒ yaja॑

2.6.11.0
vī॒rya॑vvim॒̐yantvājya॑sya॒ hota॒ryaja॒ nāsa॑tyā॒ sara॑svatī॒ madhu॑ hira॒ṇyayaṃ॑ bheṣa॒javvim॒̐yantvājya॑sya॒ hota॒ryajājya॒pāna॒mṛtā॒ pañca॑ ca

(sa॒midhā॒'gni ṣaṭ / tanū॒napātsa॒pta / narā॒śasa॒mṛṣiḥ॑ / i॒ḍeḍi॒to yavai॑ra॒ṣṭau / ba॒r‌hi॒ssa॒pta / duro॒'śvinā॒ nava॑ / su॒peśa॒sar‌ṣiḥ॑ / daivyā॒ hotā॑rā॒ sīse॑na॒ rasaḥ॑ / ti॒srastvaṣṭā॑rama॒ṣṭāva॑ṣṭau / vana॒spati॒mṛṣiḥ॑ / a॒gnintrayo॑daśa / a॒śvinā॒ dvāda॑śa trayodaśa / sa॒midhā॒'gniṃ bada॑rai॒rbada॑rai॒ryavai॑ra॒śvinā॒ tviṣi॑ma॒śvinā॒ na bhe॑ṣa॒ja rū॒pama॒śvinā॑ bhī॒maṃ bhāmam // )
2.6.11.1
hotā॑ yakṣatsa॒midhā॒'gnimi॒ḍaspa॒de / a॒śvinendra॒॒ sara॑svatīm / a॒jo dhū॒mro na go॒dhūmai॒ kva॑lairbheṣa॒jam / madhu॒ śaṣpai॒rna teja॑ indri॒yam / paya॒ssoma॑ pari॒srutā॑ ghṛ॒taṃ madhu॑ / vi॒yantvājya॑sya॒ hota॒ryaja॑ / hotā॑ yakṣa॒ttanū॒napā॒tsara॑svatī / avi॑rme॒ṣo na bhe॑ṣa॒jam / pa॒thā madhu॑ma॒tābha॑rann / a॒śvinendrā॑ya vī॒ryam

2.6.11.2
bada॑rairupa॒vākā॑bhirbheṣa॒jantokma॑bhiḥ / paya॒ssoma॑ pari॒srutā॑ ghṛ॒taṃ madhu॑ / vi॒yantvājya॑sya॒ hota॒ryaja॑ / hotā॑ yakṣa॒nnarā॒śasaṃ॒ na na॒gnahum / pati॒॒ surā॑yai bheṣa॒jam / me॒ṣassara॑svatī bhi॒ṣak / ratho॒ na ca॒ndrya॑śvinorva॒pā indra॑sya vī॒ryam / bada॑rairupa॒vākā॑bhirbheṣa॒jantokma॑bhiḥ / paya॒ssoma॑ pari॒srutā॑ ghṛ॒taṃ madhu॑ / vi॒yantvājya॑sya॒ hota॒ryaja॑

2.6.11.3
hotā॑ yakṣadi॒ḍeḍi॒ta ā॒juhvā॑na॒ssara॑svatīm / indraṃ॒ bale॑na va॒rdhayann॑ / ṛ॒ṣa॒bheṇa॒ gavendri॒yam / a॒śvinendrā॑ya vī॒ryam / yavai ka॒rkandhu॑bhiḥ / madhu॑ lā॒jairna māsa॑ram / paya॒ssoma॑ pari॒srutā॑ ghṛ॒taṃ madhu॑ / vi॒yantvājya॑sya॒ hota॒ryaja॑ / hotā॑ yakṣadba॒r॒hissu॒ṣṭarī॒morṇa॑mradāḥ / bhi॒ṣaṅnāsa॑tyā

2.6.11.4
bhi॒ṣajā॒'śvinā'śvā॒ śiśu॑matī / bhi॒ṣagdhe॒nussara॑svatī / bhi॒ṣagdu॒ha indrā॑ya bheṣa॒jam / paya॒ssoma॑ pari॒srutā॑ ghṛ॒taṃ madhu॑ / vi॒yantvājya॑sya॒ hota॒ryaja॑ / hotā॑ yakṣa॒dduro॒ diśaḥ॑ / ka॒va॒ṣyo॑ na vyaca॑svatīḥ / a॒śvibhyā॒nna duro॒ diśaḥ॑ / indro॒ na roda॑sī॒ dughe / du॒he kāmā॒ntsara॑svatī

2.6.11.5
a॒śvinendrā॑ya bheṣa॒jam / śu॒kranna jyoti॑rindri॒yam / paya॒ssoma॑ pari॒srutā॑ ghṛ॒taṃ madhu॑ / vi॒yantvājya॑sya॒ hota॒ryaja॑ / hotā॑ yakṣatsu॒peśa॑so॒ṣe nakta॒ndivā / a॒śvinā॑ sañjānā॒ne / sama॑ñjāte॒ sara॑svatyā / tviṣi॒mindre॒ na bhe॑ṣa॒jam / śye॒no na raja॑sā hṛ॒dā / paya॒ssoma॑ pari॒srutā॑ ghṛ॒taṃ madhu॑

2.6.11.6
vi॒yantvājya॑sya॒ hota॒ryaja॑ / hotā॑ yakṣa॒ddaivyā॒ hotā॑rā bhi॒ṣajā॒'śvinā / indra॒nna jāgṛ॑vī॒ divā॒ nakta॒nna bhe॑ṣa॒jaiḥ / śūṣa॒॒ sara॑svatī bhi॒ṣak / sīse॑na duha indri॒yam / paya॒ssoma॑ pari॒srutā॑ ghṛ॒taṃ madhu॑ / vi॒yantvājya॑sya॒ hota॒ryaja॑ / hotā॑ yakṣatti॒sro de॒vīrna bhe॑ṣa॒jam / traya॑stri॒dhāta॑vo॒'pasaḥ॑ / rū॒pamindre॑ hira॒ṇyayam

2.6.11.7
a॒śvineḍā॒ na bhāra॑tī / vā॒cā sara॑svatī / maha॒ indrā॑ya dadhurindri॒yam / paya॒ssoma॑ pari॒srutā॑ ghṛ॒taṃ madhu॑ / vi॒yantvājya॑sya॒ hota॒ryaja॑ / hotā॑ yakṣa॒ttvaṣṭā॑ra॒mindra॑ma॒śvinā / bhi॒ṣaja॒nna sara॑svatīm / ojo॒ na jū॒tiri॑ndri॒yam / vṛko॒ na ra॑bha॒so bhi॒ṣak / yaśa॒ssura॑yā bheṣa॒jam

2.6.11.8
śri॒yā na māsa॑ram / paya॒ssoma॑ pari॒srutā॑ ghṛ॒taṃ madhu॑ / vi॒yantvājya॑sya॒ hota॒ryaja॑ / hotā॑ yakṣa॒dvana॒spatim / śa॒mi॒tāra॑ śa॒takra॑tum / bhī॒manna ma॒nyu rājā॑navvyām॒̐ghrannama॑sā॒'śvinā॒ bhāmam / sara॑svatī bhi॒ṣak / indā॑ya duha indri॒yam / paya॒ssoma॑ pari॒srutā॑ ghṛ॒taṃ madhu॑ / vi॒yantvājya॑sya॒ hota॒ryaja॑

2.6.11.9
hotā॑ yakṣada॒gni svāhā''jya॑sya sto॒kānām / svāhā॒ meda॑sāṃ॒ pṛtha॑k / svāhā॒ chāga॑ma॒śvibhyām / svāhā॑ me॒ṣa sara॑svatyai / svāha॑r‌ṣa॒bhamindrā॑ya si॒॒hāya॒ saha॑sendri॒yam / svāhā॒'gninna bhe॑ṣa॒jam / svāhā॒ soma॑mindri॒yam / svāhendra॑ su॒trāmā॑ṇa savi॒tāra॒vvam̐ru॑ṇaṃ bhi॒ṣajāṃ॒ patim / svāhā॒ vana॒spatiṃ॑ pri॒yaṃ pātho॒ na bhe॑ṣa॒jam / svāhā॑ de॒vā ājya॒pān

2.6.11.10
svāhā॒'gni ho॒trājju॑ṣā॒ṇo a॒gnirbhe॑ṣa॒jam / paya॒ssoma॑ pari॒srutā॑ ghṛ॒taṃ madhu॑ / vi॒yantvājya॑sya॒ hota॒ryaja॑ / hotā॑ yakṣada॒śvinā॒ sara॑svatī॒mindra॑ su॒trāmā॑ṇam / i॒me somāssu॒rāmā॑ṇaḥ / chāgai॒rna me॒ṣaiऱṛ॑ṣa॒bhaissu॒tāḥ / śaṣpai॒rna tokma॑bhiḥ / lā॒jairmaha॑svantaḥ / madā॒ māsa॑reṇa॒ pari॑ṣkṛtāḥ / śu॒krā paya॑svanto॒'mṛtāḥ / prasthi॑tā vo madhu॒ścutaḥ॑ / tāna॒śvinā॒ sara॑sva॒tīndra॑ssu॒trāmā॑ vṛtra॒hā / ju॒ṣantā॑ sau॒myaṃ madhu॑ / piba॑ntu॒ mada॑ntu vi॒yantu॒ somam / hota॒ryaja॑

2.6.12.0
na॒gnahu॒ pāta॑ve sarasvatyadhussu॒te'ṣṭau ca॑

2.6.12.1
sami॑ddho a॒gnira॑śvinā / ta॒pto gha॒rmo vi॒rāṭtsu॒taḥ / du॒he dhe॒nussara॑svatī / soma॑ śu॒krami॒hendri॒yam / ta॒nū॒pā bhi॒ṣajā॑ su॒te / a॒śvino॒bhā sara॑svatī / madhvā॒ rajā॑sīndri॒yam / indrā॑ya pa॒thibhi॑rvahān / indrā॒yendu॒॒ sara॑svatī / narā॒śase॑na na॒gnahuḥ॑

2.6.12.2
adhā॑tāma॒śvinā॒ madhu॑ / bhe॒ṣa॒jaṃ bhi॒ṣajā॑ su॒te / ā॒juhvā॑nā॒ sara॑svatī / indrā॑yendri॒yāṇi॑ vī॒ryam / iḍā॑bhira॒śvinā॒viṣam / samūrja॒ sa ra॒yinda॑dhuḥ / aśvi॑nā॒ namu॑cessu॒tam / soma॑ śu॒kraṃ pa॑ri॒srutā / sara॑svatī॒ tamābha॑rat / ba॒r॒hiṣendrā॑ya॒ pāta॑ve

2.6.12.3
ka॒va॒ṣyo॑ na vyaca॑svatīḥ / a॒śvibhyāṃ॒ na du॒ro diśaḥ॑ / indro॒ na roda॑sī॒ dughe / du॒he kāmā॒ntsara॑svatī / u॒ṣāsā॒ nakta॑maśvinā / divendra॑ sā॒yami॑ndri॒yaiḥ / sa॒ñjā॒nā॒ne su॒peśa॑sā / sama॑ñjāte॒ sara॑svatyā / pā॒tanno॑ aśvinā॒ divā / pā॒hi nakta॑ sarasvati

2.6.12.4
daivyā॑ hotārā bhiṣajā / pā॒tamindra॒॒ sacā॑ su॒te / ti॒srastre॒dhā sara॑svatī / a॒śvinā॒ bhāra॒tīḍā / tī॒vraṃ pa॑ri॒srutā॒ somam / indrā॑ya suṣavu॒rmadam / aśvi॑nā bheṣa॒jaṃ madhu॑ / bhe॒ṣa॒janna॒ssara॑svatī / indre॒ tvaṣṭā॒ yaśa॒śśriyam / rū॒pa rū॑pamadhussu॒te / ṛ॒tu॒thendro॒ vana॒spatiḥ॑ / śa॒śa॒mā॒na pa॑ri॒srutā / kī॒lāla॑ma॒śvibhyāṃ॒ madhu॑ / du॒he dhe॒nussara॑svatī / gobhi॒rna soma॑maśvinā / māsa॑reṇa pari॒ṣkṛtā / sama॑dhātā॒॒ sara॑svatyā / svāhendre॑ su॒taṃ madhu॑

2.6.13.0
u॒bhā sara॑svatī॒ bala॑mindri॒yannarā॒ ṣaṭca॑

2.6.13.1
a॒śvinā॑ ha॒viri॑ndri॒yam / namu॑cerdhi॒yā sara॑svatī / ā śu॒kramā॑su॒rādva॒su / ma॒ghamindrā॑ya jabhrire / yama॒śvinā॒ sara॑svatī / ha॒viṣendra॒mava॑rdhayann / sa bi॑bheda va॒laṃ ma॒gham / namu॑cāvāsu॒re sacā / tamindraṃ॑ pa॒śava॒ssacā / a॒śvino॒bhā sara॑svatī

2.6.13.2
dadhā॑nā a॒bhya॑nūṣata / ha॒viṣā॑ ya॒jñami॑ndri॒yam / ya indra॑ indri॒yanda॒dhuḥ / sa॒vi॒tā varu॑ṇo॒ bhagaḥ॑ / sa su॒trāmā॑ ha॒viṣpa॑tiḥ / yaja॑mānāya saścata / sa॒vi॒tā varu॑ṇo॒'dadha॑t / yaja॑mānāya dā॒śuṣe / āda॑tta॒ namu॑ce॒rvasu॑ / su॒trāmā॒ bala॑mindri॒yam

2.6.13.3
varu॑ṇaḥ kṣa॒trami॑ndri॒yam / bhage॑na savi॒tā śriyam / su॒trāmā॒ yaśa॑sā॒ balam / dadhā॑nā ya॒jñamā॑śata / aśvi॑nā॒ gobhi॑rindri॒yam / aśve॑bhirvī॒ryaṃ॑ balam / ha॒viṣendra॒॒ sara॑svatī / yaja॑mānamavardhayann / tā nāsa॑tyā su॒peśa॑sā / hira॑ṇyavartanī॒ narā / sara॑svatī ha॒viṣma॑tī / indra॒ karma॑su no'vata / tā bhi॒ṣajā॑ su॒karma॑ṇā / sā su॒dughā॒ sara॑svatī / sa vṛ॑tra॒hā śa॒takra॑tuḥ / indrā॑ya dadhurindri॒yam

2.6.14.0
dvāro॑ dadhurindri॒yavvam̐॑su॒vane॑ vasu॒dheya॑sya viyantu॒ yaja॒ joṣṭrībhyāndadhurindri॒yavvam̐॑su॒vane॑ vasu॒dheya॑sya viyantu॒ yaja॒ hotṛ॑bhyāndadhurindri॒yavvam̐॑su॒vane॑ vasu॒dheya॑sya viyantu॒ yajendri॒yāṇi॑ vasu॒vane॑ vasu॒dheya॑sya viyantu॒ yaja॒ sara॑svatyā॒ vana॒spati॒ṣṣaṭca॑

(de॒vaṃ ba॒r॒hirde॒vīrdvāro॑ de॒vī u॒ṣāsā॑va॒śvinā॑ de॒vī joṣṭrī॑ de॒vī ū॒rjāhu॑tī de॒vā de॒vānāṃ bhi॒ṣajā॑ vaṣaṭkā॒rairde॒vīsti॒srasti॒sro de॒vīrde॒va indro॒ narā॒śaso॑ de॒va indro॒ vana॒spati॑rde॒vaṃ ba॒r॒hirvāri॑tīnānde॒vo a॒gnissvi॑ṣṭa॒kṛdde॒vān / sa॒midhā॒'gninde॒vaṃ ba॒r॒hissara॑svatya॒śvinā॒ sarva॑ viyantu / dvāra॑sti॒srassarva॑viyantu / a॒ja indra॒mojo॒'gniṃ para॒ssara॑svatīm / naktaṃ॒ pūrva॒ssara॑svati / a॒nyatra॒ sara॑svatī / bhi॒ṣakpūrva॑nduha indri॒yam / a॒nyatra॑ dadhurindri॒yam / sau॒trā॒ma॒ṇyā su॑tāsu॒tī / a॒ñjantya॒yayyam̐ja॑mānaḥ // )
2.6.14.1
de॒vaṃ ba॒r॒hissa॑rasvatī / su॒de॒vamindre॑ a॒śvinā / tejo॒ na cakṣu॑ra॒kṣyoḥ / ba॒r॒hiṣā॑ dadhurindri॒yam / va॒su॒vane॑ vasu॒dheya॑sya viyantu॒ yaja॑ / de॒vīrdvāro॑ a॒śvinā / bhi॒ṣajendre॒ sara॑svatī / prā॒ṇanna vī॒rya॑nna॒si / dvāro॑ dadhurindri॒yam / va॒su॒vane॑ vasu॒dheya॑sya viyantu॒ yaja॑

2.6.14.2
de॒vī u॒ṣāsā॑va॒śvinā / bhi॒ṣajendre॒ sara॑svatī / bala॒nna vāca॑mā॒sye / u॒ṣābhyāndadhurindri॒yam / va॒su॒vane॑ vasu॒dheya॑sya viyantu॒ yaja॑ / de॒vī joṣṭrī॑ a॒śvinā / su॒trāmendre॒ sara॑svatī / śrotra॒nna karṇa॑yo॒ryaśaḥ॑ / joṣṭrībhyāndadhurindri॒yam / va॒su॒vane॑ vasu॒dheya॑sya viyantu॒ yaja॑

2.6.14.3
de॒vī ū॒rjāhu॑tī॒ dughe॑ su॒dughe / paya॒sendra॒॒ sara॑svatya॒śvinā॑ bhi॒ṣajā॑vata / śu॒kranna jyoti॒sstana॑yo॒rāhu॑tī dhatta indri॒yam / va॒su॒vane॑ vasu॒dheya॑sya viyantu॒ yaja॑ / de॒vā de॒vānāṃ bhi॒ṣajā / hotā॑rā॒vindra॑ma॒śvinā / va॒ṣa॒ṭkā॒raissara॑svatī / tviṣi॒nna hṛda॑ye ma॒tim / hotṛ॑bhyāndadhurindri॒yam / va॒su॒vane॑ vasu॒dheya॑sya viyantu॒ yaja॑

2.6.14.4
de॒vīsti॒srasti॒sro de॒vīḥ / sara॑svatya॒śvinā॒ bhāra॒tīḍā / śūṣa॒nna madhye॒ nābhyām / indrā॑ya dadhurindri॒yam / va॒su॒vane॑ vasu॒dheya॑sya viyantu॒ yaja॑ / de॒va indro॒ narā॒śasaḥ॑ / tri॒va॒rū॒thassara॑svatyā॒'śvibhyā॑mīyate॒ rathaḥ॑ / reto॒ na rū॒pama॒mṛta॑ñja॒nitram / indrā॑ya॒ tvaṣṭā॒ dadha॑dindri॒yāṇi॑ / va॒su॒vane॑ vasu॒dheya॑sya viyantu॒ yaja॑

2.6.14.5
de॒va indro॒ vana॒spatiḥ॑ / hira॑ṇyaparṇo a॒śvibhyām / sara॑svatyāssupippa॒laḥ / indrā॑ya pacyate॒ madhu॑ / ojo॒ na jū॒timṛ॑ṣa॒bho na bhāmam / vana॒spati॑rno॒ dadha॑dindri॒yāṇi॑ / va॒su॒vane॑ vasu॒dheya॑sya viyantu॒ yaja॑ / de॒vaṃ ba॒r॒hirvāri॑tīnām / a॒dhva॒re stī॒rṇama॒śvibhyām / ūrṇa॑mradā॒ssara॑svatyāḥ

2.6.14.6
syo॒nami॑ndra te॒ sadaḥ॑ / ī॒śāyai॑ ma॒nyu rājā॑naṃ ba॒r॒hiṣā॑ dadhurindri॒yam / va॒su॒vane॑ vasu॒dheya॑sya viyantu॒ yaja॑ / de॒vo a॒gnissvi॑ṣṭa॒kṛt / de॒vān ya॑kṣadyathāya॒tham / hotā॑rā॒vindra॑ma॒śvinā / vā॒cā vāca॒॒ sara॑svatīm / a॒gni soma॑ sviṣṭa॒kṛt / svi॑ṣṭa॒ indra॑ssu॒trāmā॑ savi॒tā varu॑ṇo bhi॒ṣak / i॒ṣṭo de॒vo vana॒spatiḥ॑ / svi॑ṣṭā de॒vā ājya॒pāḥ / i॒ṣṭo a॒gnira॒gninā / hotā॑ ho॒tre svi॑ṣṭa॒kṛt / yaśo॒ na dadha॑dindri॒yam / ūrja॒mapa॑citi sva॒dhām / va॒su॒vane॑ vasu॒dheya॑sya viyantu॒ yaja॑

2.6.15.0
indrā॑ya॒ yaja॑mānassa॒pta ca॑

2.6.15.1
a॒gnima॒dya hotā॑ramavṛṇīta / a॒ya su॑tāsu॒tī yaja॑mānaḥ / paca॑npa॒ktīḥ / paca॑npuro॒ḍāśān॑ / gṛ॒hṇangrahān॑ / ba॒dhnanna॒śvibhyā॒ñchāga॒॒ sara॑svatyā॒ indrā॑ya / ba॒dhnantsara॑svatyai me॒ṣamindrā॑yā॒śvibhyām / ba॒dhnannindrā॑yar‌ṣa॒bhama॒śvibhyā॒॒ sara॑svatyai / sū॒pa॒sthā a॒dya de॒vo vana॒spati॑rabhavat / a॒śvibhyā॒ñchāge॑na॒ sara॑svatyā॒ indrā॑ya

2.6.15.2
sara॑svatyai me॒ṣeṇendrā॑yā॒śvibhyām / indrā॑yar‌ṣa॒bheṇā॒śvibhyā॒॒ sara॑svatyai / akṣa॒॒ stānme॑da॒sta prati॑paca॒tāgra॑bhīṣuḥ / avī॑vṛdhanta॒ grahaiḥ / apā॑tāma॒śvinā॒ sara॑sva॒tīndra॑ssu॒trāmā॑ vṛtra॒hā / somāntsu॒rāmṇaḥ॑ / upo॑ ukthāma॒dāḥ śrau॒dvimadā॑ adann / avī॑vṛdhantāṅgū॒ṣaiḥ / tvāma॒dyar‌ṣa॑ ār‌ṣeyar‌ṣīṇānnapādavṛṇīta / a॒ya su॑tāsu॒tī yaja॑mānaḥ / ba॒hubhya॒ ā saṅga॑tebhyaḥ / e॒ṣa me॑ de॒veṣu॒ vasu॒ vāryā ya॑kṣyata॒ iti॑ / tā yā de॒vā de॑va॒dānā॒nyaduḥ॑ / tānya॑smā॒ ā ca॒ śāsva॑ / ā ca॑ gurasva / i॒ṣi॒taśca॑ hota॒rasi॑ bhadra॒vācyā॑ya॒ preṣi॑to॒ mānu॑ṣaḥ / sū॒kta॒vā॒kāya॑ sū॒ktā brū॑hi

2.6.16.0
ana॑gniṣvāttā॒ jeha॑mānāssa॒pta ca॑

2.6.16.1
u॒śanta॑stvā havāmaha॒ ā no॑ agne suke॒tunā / tva so॑ma ma॒he bhaga॒ntva so॑ma॒ praci॑kito manī॒ṣā / tvayā॒ hi na॑ pi॒tara॑ssoma॒ pūrve॒ tva so॑ma pi॒tṛbhi॑ssavvim̐dā॒naḥ / bar‌hi॑ṣada pitara॒ ā'haṃ pi॒tṝn / upa॑hūtā pi॒taro'gni॑ṣvāttā pitaraḥ / a॒gniṣvā॒ttānṛ॑tu॒mato॑ havāmahe / narā॒śase॑ somapī॒thayyam̐ ā॒śuḥ / te no॒ arva॑ntassu॒havā॑ bhavantu / śanno॑ bhavantu dvi॒pade॒ śañcatu॑ṣpade / ye a॑gniṣvā॒ttā ye'na॑gniṣvāttāḥ

2.6.16.2
a॒॒ho॒muca॑ pi॒tara॑sso॒myāsaḥ॑ / pare'va॑re॒'mṛtā॑so॒ bhava॑ntaḥ / adhi॑ bruvantu॒ te a॑vantva॒smān / vā॒nyā॑yai du॒gdhe ju॒ṣamā॑ṇā kara॒mbham / u॒dīrā॑ṇā॒ ava॑re॒ pare॑ ca / a॒gni॒ṣvā॒ttā ṛ॒tubhi॑ssavvim̐dā॒nāḥ / indra॑vanto ha॒viri॒dañju॑ṣantām / yada॑gne kavyavāhana॒ tvama॑gna īḍi॒to jā॑tavedaḥ / māta॑lī ka॒vyaiḥ / ye tā॑tṛ॒purde॑va॒trā jeha॑mānāḥ / ho॒trā॒vṛdha॒sstoma॑taṣṭāso a॒rkaiḥ / ā'gne॑ yāhi suvi॒datre॑bhira॒rvāṅ / sa॒tyai ka॒vyai pi॒tṛbhi॑rgharma॒sadbhiḥ॑ / ha॒vya॒vāha॑ma॒jaraṃ॑ purupri॒yam / a॒gniṅghṛ॒tena॑ ha॒viṣā॑ sapa॒ryann / upā॑sadaṅkavya॒vāhaṃ॑ pitṛ॒ṇām / sa na॑ pra॒jāvvīm॒̐rava॑tī॒॒ samṛ॑ṇvatu

2.6.17.0
da॒dhe dadha॑dṛtā॒vṛdha॑ indri॒yaṃ peśa॑svatīrvayo॒dhasaṃ॒ vetvājya॑sya॒ hota॒ryaja॑ sa॒pta ca॑

(i॒ḍaspa॒de'gniṅgā॑ya॒trīntryavim / śuci॑vrata॒॒ śuci॑mu॒ṣṇiha॑nditya॒vāham / ī॒ḍenya॒॒ soma॑manu॒ṣṭubha॑ntriva॒tsam / su॒ba॒r॒hi॒ṣada॑ma॒mṛtendraṃ॑ bṛha॒tīṃ pañcā॑vim / vyaca॑svatīssuprāya॒ṇā dvāro bra॒hmāṇa॑ pa॒ṅktimi॒ha tu॑rya॒vāham / su॒peśa॑se॒ viśva॒mindra॑ntri॒ṣṭubhaṃ॑ paṣṭha॒vāham / prace॑tasā sa॒yujendra॒ñjaga॑tīmi॒hāna॒ḍvāham / peśa॑svatīsti॒sra patim̐॑vvi॒rāja॑mi॒ha dhe॒nunna / su॒reta॑sa॒ntvaṣṭā॑raṃ॒ puṣṭi॒mindra॑ndvi॒pada॑mi॒hokṣāṇa॒nna / śa॒takra॑tuṃ॒ bhaga॒mindra॑ṅka॒kubha॑mi॒ha va॒śānna / svāhā॑kṛtīḥ kṣa॒tramati॑cchandasaṃ bṛ॒hadṛ॑ṣa॒bhaṅgāvvam̐yo॒ dadha॑dindri॒yamṛṣi॑ vasu॒ nava॑ da॒śehendri॒yamaṣṭa॑ nava daśa॒ gānna vayo॒ dadha॑di॒ḍaspa॒de sarva॑ vetu // )
2.6.17.1
hotā॑ yakṣadi॒ḍaspa॒de / sa॒mi॒dhā॒naṃ ma॒hadyaśaḥ॑ / suṣa॑middha॒vvam̐reṇyam / a॒gnimindra॑vvam̐yo॒dhasam / gā॒ya॒trīñchanda॑ indri॒yam / tryavi॒ṅgāvvam̐yo॒ dadha॑t / vetvājya॑sya॒ hota॒ryaja॑ / hotā॑ yakṣa॒cchuci॑vratam / tanū॒napā॑tamu॒dbhidam / yaṅgarbha॒madi॑tirda॒dhe

2.6.17.2
śuci॒mindra॑vvam̐yo॒dhasam / u॒ṣṇiha॒ñchanda॑ indri॒yam / di॒tya॒vāha॒ṅgāvvam̐yo॒ dadha॑t / vetvājya॑sya॒ hota॒ryaja॑ / hotā॑ yakṣadī॒ḍenyam / ī॒ḍi॒tavvṛm̐॑tra॒hanta॑mam / iḍā॑bhi॒rīḍya॒॒ sahaḥ॑ / soma॒mindra॑vvam̐yo॒dhasam / a॒nu॒ṣṭubha॒ñchanda॑ indri॒yam / tri॒va॒tsaṅgāvvam̐yo॒ dadha॑t

2.6.17.3
vetvājya॑sya॒ hota॒ryaja॑ / hotā॑ yakṣatsubaऱhi॒ṣadam / pū॒ṣa॒ṇvanta॒mama॑rtyam / sīda॑ntaṃ ba॒r॒hiṣi॑ pri॒ye / a॒mṛtendra॑vvam̐yo॒dhasam / bṛ॒ha॒tīñchanda॑ indri॒yam / pañcā॑vi॒ṅgāvvam̐yo॒ dadha॑t / vetvājya॑sya॒ hota॒ryaja॑ / hotā॑yakṣa॒dvyaca॑svatīḥ / su॒prā॒ya॒ṇā ṛ॑tā॒vṛdhaḥ॑

2.6.17.4
dvāro॑ de॒vīr‌hi॑ra॒ṇyayīḥ / bra॒hmāṇa॒ indra॑vvam̐yo॒dhasam / pa॒ṅktiñchanda॑ i॒hendri॒yam / tu॒rya॒vāha॒ṅgāvvam̐yo॒ dadha॑t / vetvājya॑sya॒ hota॒ryaja॑ / hotā॑ yakṣatsu॒peśa॑se / su॒śi॒lpe bṛ॑ha॒tī u॒bhe / nakto॒ṣāsā॒ na da॑r‌śa॒te / viśva॒mindra॑vvam̐yo॒dhasam / tri॒ṣṭubha॒ñchanda॑ indri॒yam

2.6.17.5
pa॒ṣṭha॒vāha॒ṅgāvvam̐yo॒ dadha॑t / vetvājya॑sya॒ hota॒ryaja॑ / hotā॑ yakṣa॒tprace॑tasā / de॒vānā॑mutta॒mayyam̐śaḥ॑ / hotā॑rā॒ daivyā॑ ka॒vī / sa॒yujendra॑vvam̐yo॒dhasam / jaga॑tī॒ñchanda॑ i॒hendri॒yam / a॒na॒ḍvāha॒ṅgāvvam̐yo॒ dadha॑t / vetvājya॑sya॒ hota॒ryaja॑ / hotā॑ yakṣa॒tpeśa॑svatīḥ

2.6.17.6
ti॒sro de॒vīr‌hi॑ra॒ṇyayīḥ / bhāra॑tīrbṛha॒tīrma॒hīḥ / pati॒mindra॑vvam̐yo॒dhasam / vi॒rāja॒ñchanda॑ i॒hendri॒yam / dhe॒nuṅgānna vayo॒ dadha॑t / vetvājya॑sya॒ hota॒ryaja॑ / hotā॑ yakṣatsu॒reta॑sam / tvaṣṭā॑raṃ puṣṭi॒vardha॑nam / rū॒pāṇi॒ bibhra॑taṃ॒ pṛtha॑k / puṣṭi॒mindra॑vvam̐yo॒dhasam

2.6.17.7
dvi॒pada॒ñchanda॑ i॒hendri॒yam / u॒kṣāṇa॒ṅgānna vayo॒ dadha॑t / vetvājya॑sya॒ hota॒ryaja॑ / hotā॑ yakṣaccha॒takra॑tum / hira॑ṇyaparṇamu॒kthinam / ra॒śa॒nāṃ bibhra॑tavvam॒̐śim / bhaga॒mindra॑vvam̐yo॒dhasam / ka॒kubha॒ñchanda॑ i॒hendri॒yam / va॒śāvvem॒̐hata॒ṅgānna vayo॒ dadha॑t / vetvājya॑sya॒ hota॒ryaja॑ / hotā॑ yakṣa॒tsvāhā॑kṛtīḥ / a॒gniṅgṛ॒hapa॑tiṃ॒ pṛtha॑k / varu॑ṇaṃ bheṣa॒jaṅka॒vim / kṣa॒tramindra॑vvam̐yo॒dhasam / ati॑cchandasa॒ñchanda॑ indri॒yam / bṛ॒hadṛ॑ṣa॒bhaṅgāvvam̐yo॒ dadha॑t / vetvājya॑sya॒ hota॒ryaja॑

2.6.18.0
ama॑rtyasturya॒vāḍgaurvayo॑ dadhu॒rviśo॑ va॒śā ve॒hadgaurna vayo॑ dadhuśca॒tvāri॑ ca

2.6.18.1
sami॑ddho a॒gnissa॒midhā / suṣa॑middho॒ vareṇyaḥ / gā॒ya॒trī chanda॑ indri॒yam / tryavi॒rgaurvayo॑ dadhuḥ / tanū॒napā॒cchuci॑vrataḥ / ta॒nū॒pācca॒ sara॑svatī / u॒ṣṇikchanda॑ indri॒yam / di॒tya॒vāḍgaurvayo॑ dadhuḥ / iḍā॑bhira॒gnirīḍyaḥ॑ / somo॑ de॒vo ama॑rtyaḥ

2.6.18.2
a॒nu॒ṣṭupchanda॑ indri॒yam / tri॒va॒tso gaurvayo॑ dadhuḥ / su॒ba॒r॒hira॒gni pū॑ṣa॒ṇvān / stī॒rṇaba॑r‌hi॒rama॑rtyaḥ / bṛ॒ha॒tī chanda॑ indri॒yam / pañcā॑vi॒rgaurvayo॑ dadhuḥ / duro॑ de॒vīrdiśo॑ ma॒hīḥ / bra॒hmā de॒vo bṛha॒spatiḥ॑ / pa॒ṅktiśchanda॑ i॒hendri॒yam / tu॒rya॒vāḍgaurvayo॑ dadhuḥ

2.6.18.3
u॒ṣe ya॒hvī su॒peśa॑sā / viśve॑ de॒vā ama॑rtyāḥ / tri॒ṣṭupchanda॑ indri॒yam / pa॒ṣṭha॒vādgaurvayo॑ dadhuḥ / daivyā॑ hotārā bhiṣajā / indre॑ṇa sa॒yujā॑ yu॒jā / jaga॑tī॒ chanda॑ i॒hendri॒yam / a॒na॒ḍvāngaurvayo॑ dadhuḥ / ti॒sra iḍā॒ sara॑svatī / bhāra॑tī ma॒ruto॒ viśaḥ॑

2.6.18.4
vi॒rāṭchanda॑ i॒hendri॒yam / dhe॒nurgaurna vayo॑ dadhuḥ / tvaṣṭā॑ tu॒rīpo॒ adbhu॑taḥ / i॒ndrā॒gnī pu॑ṣṭi॒vardha॑nā / dvi॒pācchanda॑ i॒hendri॒yam / u॒kṣā gaurna vayo॑ dadhuḥ / śa॒mi॒tā no॒ vana॒spatiḥ॑ / sa॒vi॒tā pra॑su॒vanbhagam / ka॒kucchanda॑ i॒hendri॒yam / va॒śā ve॒hadgaurna vayo॑ dadhuḥ / svāhā॑ ya॒jñavvam̐ru॑ṇaḥ / su॒kṣa॒tro bhe॑ṣa॒jaṅka॑rat / ati॑cchandā॒śchanda॑ indri॒yam / bṛ॒hadṛ॑ṣa॒bho gaurvayo॑ dadhuḥ

2.6.19.0
stome॑ saptada॒śe stu॒ta saho॑ ha॒virindre॒ vayo॑ dadhuśca॒tvāri॑ ca

(va॒sa॒ntena॑ grī॒ṣmeṇa॑ va॒r‌ṣābhi॑śśāra॒dena॑ hema॒ntena॑ śaiśi॒reṇa॒ ṣaṭ // )
2.6.19.1
va॒sa॒ntena॒rtunā॑ de॒vāḥ / vasa॑vastri॒vṛtā stu॒tam / ra॒tha॒nta॒reṇa॒ teja॑sā / ha॒virindre॒ vayo॑ dadhuḥ / grī॒ṣmeṇa॑ de॒vā ṛ॒tunā / ru॒drā pa॑ñcada॒śe stu॒tam / bṛ॒ha॒tā yaśa॑sā॒ balam / ha॒virindre॒ vayo॑ dadhuḥ / va॒r॒ṣābhi॑ऱṛ॒tunā॑''di॒tyāḥ / stome॑ saptada॒śe stu॒tam

2.6.19.2
vai॒rū॒peṇa॑ vi॒śauja॑sā / ha॒virindre॒ vayo॑ dadhuḥ / śā॒ra॒dena॒rtunā॑ de॒vāḥ / e॒ka॒vi॒॒śa ṛ॒bhava॑sstu॒tam / vai॒rā॒jena॑ śri॒yā śriyam / ha॒virindre॒ vayo॑ dadhuḥ / he॒ma॒ntena॒rtunā॑ de॒vāḥ / ma॒ruta॑striṇa॒ve stu॒tam / bale॑na॒ śakva॑rī॒ssahaḥ॑ / ha॒virindre॒ vayo॑ dadhuḥ / śai॒śi॒reṇa॒rtunā॑ de॒vāḥ / tra॒ya॒stri॒॒śe॑'mṛta॑ stu॒tam / sa॒tyena॑ re॒vatīḥ kṣa॒tram / ha॒virindre॒ vayo॑ dadhuḥ

2.6.20.0
vi॒ya॒ntu॒ yaja॑ vītā॒yyam̐ja॑ vītā॒yyam̐ja॑ vetu॒ yaja॑ vetu॒ yaja॒ pañca॑ ca

(de॒vaṃ ba॒r॒hirgā॑yatri॒yā tejaḥ॑ / de॒vīrdvāra॑ u॒ṣṇihā prā॒ṇam / de॒vī de॒vamu॒ṣe a॑nu॒ṣṭubhā॒ vācam / de॒vī joṣṭrī॑ bṛha॒tyā śrotram / de॒vī ū॒rjāhu॑tī pa॒ṅktyā śu॒kram / de॒vā daivyā॒ hotā॑rā tri॒ṣṭubhā॒ tviṣim / de॒vīsti॒srasti॒sro de॒vī pati॒ñjaga॑tyā॒ balam / de॒vo narā॒śaso॑ vi॒rājā॒ retaḥ॑ / de॒vo vana॒spati॑rdvi॒padā॒ bhagam / de॒vaṃ ba॒r॒hirvāri॑tīnāṅka॒kubhā॒ yaśaḥ॑ / de॒vo a॒gnissvi॑ṣṭa॒kṛdati॑cchandasā kṣa॒tram / ve॒tu॒ vi॒ya॒ntu॒ ca॒turvī॑tā॒meko॑ viyantu ca॒turvetvavardhayadavardhayaśca॒tura॑vardhatā॒meko॑'vardhaya śca॒tura॑vardhayat // )
2.6.20.1
de॒vaṃ ba॒r॒hirindra॑vvam̐yo॒dhasam / de॒vande॒vama॑vardhayat / gā॒ya॒tri॒yā chanda॑sendri॒yam / teja॒ indre॒ vayo॒ dadha॑t / va॒su॒vane॑ vasu॒dheya॑sya vetu॒ yaja॑ / de॒vīrdvāro॑ de॒vamindra॑vvam̐yo॒dhasam / de॒vīrde॒vama॑vardhayann / u॒ṣṇihā॒ chanda॑sendri॒yam / prā॒ṇamindre॒ vayo॒ dadha॑t / va॒su॒vane॑ vasu॒dheya॑sya viyantu॒ yaja॑

2.6.20.2
de॒vī de॒vavvam̐॑yo॒dhasam / u॒ṣe indra॑mavardhatām / a॒nu॒ṣṭubhā॒ chanda॑sendri॒yam / vāca॒mindre॒ vayo॒ dadha॑t / va॒su॒vane॑ vasu॒dheya॑sya vītā॒yyam̐ja॑ / de॒vī joṣṭrī॑ de॒vamindra॑vvam̐yo॒dhasam / de॒vī de॒vama॑vardhatām / bṛ॒ha॒tyā chanda॑sendri॒yam / śrotra॒mindre॒ vayo॒ dadha॑t / va॒su॒vane॑ vasu॒dheya॑sya vītā॒yyam̐ja॑

2.6.20.3
de॒vī ū॒rjāhu॑tī de॒vamindra॑vvam̐yo॒dhasam / de॒vī de॒vama॑vardhatām / pa॒ṅktyā chanda॑sendri॒yam / śu॒kramindre॒ vayo॒ dadha॑t / va॒su॒vane॑ vasu॒dheya॑sya vītā॒yyam̐ja॑ / de॒vā daivyā॒ hotā॑rā de॒vamindra॑vvam̐yo॒dhasam / de॒vā de॒vama॑vardhatām / tri॒ṣṭubhā॒ chanda॑sendri॒yam / tviṣi॒mindre॒ vayo॒ dadha॑t / va॒su॒vane॑ vasu॒dheya॑sya vītā॒yyam̐ja॑

2.6.20.4
de॒vīsti॒srasti॒sro de॒vīrva॑yo॒dhasam / pati॒mindra॑mavardhayann / jaga॑tyā॒ chanda॑sendri॒yam / bala॒mindre॒ vayo॒ dadha॑t / va॒su॒va॒ne॑ vasu॒dheya॑sya viyantu॒ yaja॑ / de॒vo narā॒śaso॑ de॒vamindra॑vvam̐yo॒dhasam / de॒vo de॒vama॑vardhayat / vi॒rājā॒ chanda॑sendri॒yam / reta॒ indre॒ vayo॒ dadha॑t / va॒su॒vane॑ vasu॒dheya॑sya vetu॒ yaja॑

2.6.20.5
de॒vo vana॒spati॑rde॒vamindra॑vvam̐yo॒dhasam / de॒vo de॒vama॑vardhayat / dvi॒padā॒ chanda॑sendri॒yam / bhaga॒mindre॒ vayo॒ dadha॑t / va॒su॒vane॑ vasu॒dheya॑sya vetu॒ yaja॑ / de॒vaṃ ba॒r॒hirvāri॑tīnānde॒vamindra॑vvam̐yo॒dhasam / de॒vande॒vama॑vardhayat / ka॒kubhā॒ chanda॑sendri॒yam / yaśa॒ indre॒ vayo॒ dadha॑t / va॒su॒vane॑ vasu॒dheya॑sya vetu॒ yaja॑ / de॒vo a॒gnissvi॑ṣṭa॒kṛdde॒vamindra॑vvam̐yo॒dhasam / de॒vo de॒vama॑vardhayat / ati॑cchandasā॒ chanda॑sendri॒yam / kṣa॒tramindre॒ vayo॒ dadha॑t / va॒su॒vane॑ vasu॒dheya॑sya vetu॒ yaja॑

2.7.0.0
tri॒vṛdyadāgne॒yo'gnimu॑khā॒ hyṛddhi॒ryadāgne॒ya āgne॒yo na vai some॑na॒ yo vai some॑nai॒ṣa go॑sa॒vassi॒॒he॑'bhi prehi॑ mitra॒vardha॑naḥ pra॒jāpa॑ti॒stā o॑da॒naṃ pra॒jāpa॑tirakāmayata ba॒horbhūyā॑na॒gastyo॒syā jarā॑sa॒stiṣṭhā॒ harī pra॒jāpa॑tipa॒śūnvyā॒ghro॑'yama॒bhiprehi॑ vṛtra॒hanta॑mo॒ ye ke॒śina॒ indra॒vvām̐ a॒ṣṭāda॑śa // 18 / tri॒vṛdyo vai some॒nāyu॑rasi ba॒hurbha॑vati॒ tiṣṭhā॒ harī॒ratha॒ āyaṃ bhā॑tu॒ tebhyo॑ ni॒dhāna॒॒ ṣaṭthṣa॑ṣṭiḥ

tri॒vṛtpā॒pmano॑ nudate // hariḥ॑om // saptamappāṭhakassamāptaḥ /
2.7.0.0
// taittirīyabrāhmaṇe dvitīyāṣṭake saptama prapāṭhaka prārambhaḥ // hariḥom //
2.7.1.0
hotā॑ bhavati yajeta॒ vā aśvo॑ dadhāti

2.7.1.1
tri॒vṛtstomo॑ bhavati / bra॒hma॒va॒rca॒savvaim̐ tri॒vṛt / bra॒hma॒va॒rca॒same॒vāva॑ rundhe / a॒gni॒ṣṭo॒massomo॑ bhavati / bra॒hma॒va॒rca॒savvām̐ a॑gniṣṭo॒maḥ / bra॒hma॒va॒rca॒same॒vāva॑ rundhe / ra॒tha॒nta॒ra sāma॑ bhavati / bra॒hma॒va॒rca॒savvaim̐ ra॑thanta॒ram / bra॒hma॒va॒rca॒same॒vāva॑ rundhe / pa॒ri॒sra॒jī hotā॑ bhavati

2.7.1.2
a॒ru॒ṇo mi॑rmi॒rastriśu॑kraḥ / e॒tadvai bra॑hmavarca॒sasya॑ rū॒pam / rū॒peṇai॒va bra॑hmavarca॒samava॑ rundhe / bṛha॒spati॑rakāmayata de॒vānāṃ puro॒dhāṅga॑ccheya॒miti॑ / sa e॒taṃ bṛ॑haspatisa॒vama॑paśyat / tamā'ha॑rat / tenā॑yajata / tato॒ vai sa de॒vānāṃ puro॒dhāma॑gacchat / ya pu॑ro॒dhākā॑ma॒ssyāt / sa bṛ॑haspatisa॒vena॑ yajeta

2.7.1.3
pu॒ro॒dhāme॒va ga॑cchati / tasya॑ prātassava॒ne sa॒nneṣu॑ nārāśa॒॒seṣu॑ / ekā॑daśa॒ dakṣi॑ṇā nīyante / ekā॑daśa॒ mādhya॑ndine॒ sava॑ne sa॒nneṣu॑ nārāśa॒॒seṣu॑ / ekā॑daśa tṛtīyasava॒ne sa॒nneṣu॑ nārāśa॒॒seṣu॑ / traya॑striśa॒tsaṃpa॑dyante / traya॑striśa॒dvai de॒vatāḥ / de॒vatā॑ e॒vāva॑rundhe / aśva॑ścatustri॒॒śaḥ / prā॒jā॒pa॒tyo vā aśvaḥ॑

2.7.1.4
pra॒jāpa॑tiścatustri॒॒śo de॒vatā॑nām / yāva॑tīre॒va de॒vatāḥ / tā e॒vāva॑rundhe / kṛ॒ṣṇā॒ji॒ne॑'bhiṣi॑ñcati / brahma॑ṇo॒ vā e॒tadrū॒pam / yatkṛ॑ṣṇāji॒nam / bra॒hma॒va॒rca॒senai॒vaina॒॒ sama॑rdhayati / ājye॑nā॒bhiṣi॑ñcati / tejo॒ vā ājyam / teja॑ e॒vāsmi॑ndadhāti

2.7.2.0
vā॒ru॒ṇo viḍvai ma॒ruto॒'ṣṭau ca॑

2.7.2.1
yadāgne॒yo bhava॑ti / a॒gnimu॑khā॒ hyṛddhiḥ॑ / atha॒ yatpau॒ṣṇaḥ / puṣṭi॒rvai pū॒ṣā / puṣṭi॒rvaiśya॑sya / puṣṭi॑me॒vāva॑ rundhe / pra॒sa॒vāya॑ sāvi॒traḥ / atha॒ yattvā॒ṣṭraḥ / tvaṣṭā॒ hi rū॒pāṇi॑ vika॒roti॑ / ni॒rva॒ru॒ṇa॒tvāya॑ vāru॒ṇaḥ

2.7.2.2
atho॒ ya e॒va kaśca॒ santsū॒yate / sa hi vā॑ru॒ṇaḥ / atha॒ yadvaiśvade॒vaḥ / vai॒śva॒de॒vo hi vaiśyaḥ॑ / atha॒ yanmā॑ru॒taḥ / mā॒ru॒to hi vaiśyaḥ॑ / sa॒ptaitāni॑ ha॒vīṣi॑ bhavanti / sa॒ptaga॑ṇā॒ vai ma॒rutaḥ॑ / pṛśñi॑ paṣṭhau॒hī mā॑ru॒tyā la॑bhyate / viḍvai ma॒rutaḥ॑ / viśa॑ e॒vaitanma॑dhya॒to॑'bhiṣi॑cyate / tasmā॒dvā e॒ṣa vi॒śa pri॒yaḥ / vi॒śo hi ma॑dhya॒to॑'bhiṣi॒cyate / ṛ॒ṣa॒bha॒ca॒rme'dhya॒bhiṣi॑ñcati / sa hi pra॑janayi॒tā / da॒dhnā'bhiṣi॑ñcati / ūrgvā a॒nnādya॒ndadhi॑ / ū॒rjaivaina॑ma॒nnādye॑na॒ sama॑rdhayati

2.7.3.0
sa॒ṅgacche॑te bhāga॒dheye॒nānva॑manyetā rū॒pañca॒tvāri॑ ca

2.7.3.1
yadāgne॒yo bhava॑ti / ā॒gne॒yo vai brāhma॒ṇaḥ / atha॒ yatsau॒myaḥ / sau॒myo hi brāhma॒ṇaḥ / pra॒sa॒vāyai॒va sā॑vi॒traḥ / atha॒ yadbā॑ऱhaspa॒tyaḥ / e॒tadvai brāhma॒ṇasya॑ vākpa॒tīyam / atha॒ yada॑gnīṣo॒mīyaḥ॑ / ā॒gne॒yo vai brāhma॒ṇaḥ / tau ya॒dā sa॒ṅgacche॑te

2.7.3.2
atha॑ vī॒ryā॑vattaro bhavati / atha॒ yatsā॑rasva॒taḥ / e॒taddhi pra॒tyakṣaṃ॑ brāhma॒ṇasya॑ vākpa॒tīyam / ni॒rva॒ru॒ṇa॒tvāyai॒va vā॑ru॒ṇaḥ / atho॒ ya e॒va kaśca॒ santsū॒yate / sa hi vā॑ru॒ṇaḥ / atha॒ yaddyā॑vāpṛthi॒vyaḥ॑ / indro॑ vṛ॒trāya॒ vajra॒muda॑yacchat / tandyāvā॑pṛthi॒vī nānva॑manyetām / tame॒tenai॒va bhā॑ga॒dheye॒nānva॑manyetām

2.7.3.3
vajra॑sya॒ vā e॒ṣo॑'numā॒nāya॑ / anu॑matavajrassūyātā॒ iti॑ / a॒ṣṭāve॒tāni॑ ha॒vīṣi॑ bhavanti / a॒ṣṭākṣa॑rā gāya॒trī / gā॒ya॒trī bra॑hmavarca॒sam / gā॒ya॒tri॒yaiva ba॑hmavarca॒samava॑ rundhe / hira॑ṇyena ghṛ॒tamutpu॑nāti / teja॑sa e॒va ru॒ce / kṛ॒ṣṇā॒ji॒ne॑'bhiṣi॑ñcati / brahma॑ṇo॒ vā e॒tadṛ॑khsā॒mayo॑ rū॒pam / yatkṛ॑ṣṇāji॒nam / brahma॑nne॒vaina॑mṛkhsā॒mayo॒radhya॒bhiṣi॑ñcati / ghṛ॒tenā॒bhiṣi॑ñcati / tathā॑ vī॒ryā॑vattaro bhavati

2.7.4.0
reta॒ssoma॑ssa॒pta ca॑

2.7.4.1
na vai some॑na॒ soma॑sya sa॒vo'sti / ha॒to hye॑ṣaḥ / a॒bhiṣu॑to॒ hye॑ṣaḥ / na hi ha॒tassū॒yate / sau॒mī sū॒tava॑śā॒mā la॑bhate / somo॒ vai re॑to॒dhāḥ / reta॑ e॒va tadda॑dhāti / sau॒myarcā'bhiṣi॑ñcati / re॒to॒dhā hye॑ṣā / reta॒ssomaḥ॑ / reta॑ e॒vāsmi॑ndadhāti / yatkiñca॑ rāja॒sūya॑mṛ॒te somam / tatsarvaṃ॑ bhavati / aṣā॑ḍhayyum॒̐tsu pṛta॑nāsu॒ paprim / su॒va॒r॒ṣāma॒phsvāvvṛm॒̐jana॑sya go॒pām / bha॒re॒ṣu॒jā su॑kṣi॒ti su॒śrava॑sam / jaya॑nta॒ntvāmanu॑ madema soma

2.7.5.0
sū॒ya॒te॒ sa॒dhastu॑ti॒strīṇi॑ ca

2.7.5.1
yo vai some॑na sū॒yate / sa de॑vasa॒vaḥ / ya pa॒śunā॑ sū॒yate / sa de॑vasa॒vaḥ / ya iṣṭyā॑ sū॒yate / sa ma॑nuṣyasa॒vaḥ / e॒tavvaim̐ pṛtha॑ye de॒vā prāya॑cchann / tato॒ vai so'pyā॑ra॒ṇyānāṃ paśū॒nāma॑sūyata / yāva॑tī॒ kiya॑tīśca pra॒jā vāca॒vvam̐da॑nti / tāsā॒॒ sarvā॑sā sūyate

2.7.5.2
ya e॒tena॒ yaja॑te / ya u॑ cainame॒vavvem̐da॑ / nā॒rā॒śa॒syarcā'bhiṣi॑ñcati / ma॒nu॒ṣyā॑ vai narā॒śasaḥ॑ / ni॒hnutya॒ vāvaitat / athā॒bhiṣi॑ñcati / yatkiñca॑ rāja॒sūya॑manuttarave॒dīkam / tatsarvaṃ॑ bhavati / ye me॑ pañcā॒śata॑nda॒duḥ / aśvā॑nā sa॒dhastu॑tiḥ / dyu॒mada॑gne॒ mahi॒ śravaḥ॑ / bṛ॒hatkṛ॑dhi ma॒ghonām / nṛ॒vada॑mṛta nṛ॒ṇām

2.7.6.0
i॒va॒ bha॒va॒ti॒ ra॒tha॒nta॒ramā॒haika॑ñca

2.7.6.1
e॒ṣa go॑sa॒vaḥ / ṣa॒ṭtri॒॒śa u॒kthyo॑ bṛ॒hatsā॑mā / pava॑māne kaṇvarathanta॒raṃ bha॑vati / yo vai vā॑ja॒peyaḥ॑ / sa sa॑mrāṭtsa॒vaḥ / yo rā॑ja॒sūyaḥ॑ / sa va॑ruṇasa॒vaḥ / pra॒jāpa॑ti॒ssvārājyaṃ parame॒ṣṭhī / svārājya॒ṅgaure॒va / gauri॑va bhavati

2.7.6.2
ya e॒tena॒ yaja॑te / ya u॑ cainame॒vavvem̐da॑ / u॒bhe bṛ॑hadrathanta॒re bha॑vataḥ / taddhi svārājyam / a॒yuta॒ndakṣi॑ṇāḥ / taddhi svārājyam / pra॒ti॒dhuṣā॒'bhiṣi॑ñcati / taddhi svārājyam / anu॑ddhate॒ vedyai॑ dakṣiṇa॒ta ā॑hava॒nīya॑sya bṛha॒tassto॒traṃ pratya॒bhiṣi॑ñcati / i॒yavvām̐va ra॑thanta॒ram

2.7.6.3
a॒sau bṛ॒hat / a॒nayo॑re॒vaina॒mana॑ntaऱhitama॒bhiṣi॑ñcati / pa॒śu॒sto॒mo vā e॒ṣaḥ / tena॑ gosa॒vaḥ / ṣa॒ṭtri॒॒śassarvaḥ॑ / re॒vajjā॒tassaha॑sā vṛ॒ddhaḥ / kṣa॒trāṇāṅkhatra॒bhṛtta॑mo vayo॒dhāḥ / ma॒hānma॑hi॒tve ta॑stabhā॒naḥ / kṣa॒tre rā॒ṣṭre ca॑ jāgṛhi / pra॒jāpa॑testvā parame॒ṣṭhina॒ssvārājyenā॒bhiṣi॑ñcā॒mītyā॑ha / svārājyame॒vaina॑ṅgamayati

2.7.7.0
goṣvoja॑svanta śrīṇā॒myojo॑'si॒ tatte॒ praya॑cchāmi॒ paya॑sā॒ saṃpi॑pṛgdhi॒ mā'sa॑dvi॒bhūrya॒jñiyo॒ raso॒ dve ca॑

2.7.7.1
si॒॒he vyā॒ghra u॒ta yā pṛdā॑kau / tviṣi॑ra॒gnau brāhma॒ṇe sūrye॒ yā / indra॒yyām̐ de॒vī su॒bhagā॑ ja॒jāna॑ / sā na॒ āga॒nvarca॑sā savvim̐dā॒nā / yā rā॑ja॒nye॑ dundu॒bhāvāya॑tāyām / aśva॑sya॒ krandye॒ puru॑ṣasya mā॒yau / indra॒yyām̐ de॒vī su॒bhagā॑ ja॒jāna॑ / sā na॒ āga॒nvarca॑sā savvim̐dā॒nā / yā ha॒stini॑ dvī॒pini॒ yā hira॑ṇye / tviṣi॒raśve॑ṣu॒ puru॑ṣeṣu॒ goṣu॑

2.7.7.2
indra॒yyām̐ de॒vī su॒bhagā॑ ja॒jāna॑ / sā na॒ āga॒nvarca॑sā savvim̐dā॒nā / rathe॑ a॒kṣeṣu॑ vṛṣa॒bhasya॒ vāje / vāte॑ pa॒rjanye॒ varu॑ṇasya॒ śuṣme / indra॒yyām̐ de॒vī su॒bhagā॑ ja॒jāna॑ / sā na॒ āga॒nvarca॑sā savvim̐dā॒nā / rāḍa॑si vi॒rāḍa॑si / sa॒mrāḍa॑si sva॒rāḍa॑si / indrā॑ya tvā॒ teja॑svate॒ teja॑svanta śrīṇāmi / indrā॑ya॒ tvauja॑svata॒ oja॑svanta śrīṇāmi

2.7.7.3
indrā॑ya tvā॒ paya॑svate॒ paya॑svanta śrīṇāmi / indrā॑ya॒ tvā''yu॑ṣmata॒ āyu॑ṣmanta śrīṇāmi / tejo॑'si / tatte॒ pra ya॑cchāmi / teja॑svadastu me॒ mukham / teja॑sva॒cchiro॑ astu me / teja॑svān vi॒śvata॑ pra॒tyaṅṅ / teja॑sā॒ saṃpi॑pṛgdhi mā / ojo॑'si / tatte॒ pra ya॑cchāmi

2.7.7.4
oja॑svadastu me॒ mukham / oja॑sva॒cchiro॑ astu me / oja॑svān vi॒śvata॑ pra॒tyaṅṅ / oja॑sā॒ saṃ pi॑pṛgdhi mā / payo॑'si / tatte॒ pra ya॑cchāmi / paya॑svadastu me॒ mukham / paya॑sva॒cchiro॑ astu me / paya॑svān vi॒śvata॑ pra॒tyaṅṅ / paya॑sā॒ saṃ pi॑pṛgdhi mā

2.7.7.5
āyu॑rasi / tatte॒ pra ya॑cchāmi / āyu॑ṣmadastu me॒ mukham / āyu॑ṣma॒cchiro॑ astu me / āyu॑ṣmān vi॒śvata॑ pra॒tyaṅṅ / āyu॑ṣā॒ saṃ pi॑pṛgdhi mā / i॒mama॑gna॒ āyu॑ṣe॒ varca॑se kṛdhi / pri॒ya reto॑ varuṇa soma rājann / mā॒tevāsmā adite॒ śarma॑ yaccha / viśve॑ devā॒ jara॑daṣṭi॒ryathā'sa॑t

2.7.7.6
āyu॑rasi vi॒śvāyu॑rasi / sa॒rvāyu॑rasi॒ sarva॒māyu॑rasi / yato॒ vāto॒ mano॑javāḥ / yataḥ॒ kṣara॑nti॒ sindha॑vaḥ / tāsāntvā॒ sarvā॑sā ru॒cā / a॒bhiṣi॑ñcāmi॒ varca॑sā / sa॒mu॒dra i॑vāsi ga॒hmanā / soma॑ ivā॒syadābhyaḥ / a॒gniri॑va vi॒śvata॑ pra॒tyaṅṅ / sūrya॑ iva॒ jyoti॑ṣā vi॒bhūḥ

2.7.7.7
a॒pāyyom̐ drava॑ṇe॒ rasaḥ॑ / tama॒hama॒smā ā॑muṣyāya॒ṇāya॑ / teja॑se brahmavarca॒sāya॑ gṛhṇāmi / a॒pāyyam̐ ū॒rmau rasaḥ॑ / tama॒hama॒smā ā॑muṣyāya॒ṇāya॑ / oja॑se vī॒ryā॑ya gṛhṇāmi / a॒pāyyom̐ ma॑dhya॒to rasaḥ॑ / tama॒hama॒smā ā॑muṣyāya॒ṇāya॑ / puṣṭyai pra॒jana॑nāya gṛhṇāmi / a॒pāyyom̐ ya॒jñiyo॒ rasaḥ॑ / tama॒hama॒smā ā॑muṣyāya॒ṇāya॑ / āyu॑ṣe dīrghāyu॒tvāya॑ gṛhṇāmi

2.7.8.0
bṛha॒spati॒ssomo॑ a॒gnireka॑ñca

2.7.8.1
a॒bhiprehi॑ vī॒raya॑sva / u॒graścettā॑ sapatna॒hā / āti॑ṣṭha mitra॒vardha॑naḥ / tubhya॑nde॒vā adhi॑bravann / a॒ṅkau nya॒ṅkāva॒bhita॒ āti॑ṣṭha vṛtraha॒nratham / ā॒tiṣṭha॑ntaṃ॒ pari॒ viśve॑ abhūṣann / śriya॒vvam̐sā॑naścarati॒ svaro॑cāḥ / ma॒hattada॒syāsu॑rasya॒ nāma॑ / ā vi॒śvarū॑po a॒mṛtā॑ni tasthau / anu॒ tvendro॑ mada॒tvanu॒ bṛha॒spatiḥ॑

2.7.8.2
anu॒ somo॒ anva॒gnirā॑vīt / anu॑ tvā॒ viśve॑ de॒vā a॑vantu / anu॑ sa॒pta rājā॑no॒ ya u॒tābhiṣi॑ktāḥ / anu॑ tvā mi॒trāvaru॑ṇāvi॒hāva॑tam / anu॒ dyāvā॑pṛthi॒vī vi॒śvaśa॑mbhū / sūryo॒ aho॑bhi॒ranu॑ tvā'vatu / ca॒ndramā॒ nakṣa॑trai॒ranu॑ tvā'vatu / dyauśca॑ tvā pṛthi॒vī ca॒ prace॑tasā / śu॒kro bṛ॒haddakṣi॑ṇā tvā pipartu / anu॑ sva॒dhā ci॑kitā॒॒ somo॑ a॒gniḥ / ā'yaṃ pṛ॑ṇaktu॒ raja॑sī u॒pastham

2.7.9.0
bha॒va॒ntyaṣṭrā॑mava॒rudhya॑ vadanti da॒rbhā yadda॑rbhapuñjī॒lai pa॒vaya॒tyeka॑ñca

2.7.9.1
pra॒jāpa॑ti pra॒jā a॑sṛjata / tā a॑smātsṛ॒ṣṭā parā॑cīrāyann / sa e॒taṃ pra॒jāpa॑tiroda॒nama॑paśyat / so'nnaṃ॑ bhū॒to॑'tiṣṭhat / tā a॒nyatrā॒nnādya॒mavi॑tvā / pra॒jāpa॑tiṃ pra॒jā u॒pāva॑rtanta / anna॑me॒vainaṃ॑ bhū॒taṃ paśya॑ntī pra॒jā u॒pāva॑rtante / ya e॒tena॒ yaja॑te / ya u॑ cainame॒vavvem̐da॑ / sarvā॒ṇyannā॑ni bhavanti

2.7.9.2
sarve॒ puru॑ṣāḥ / sarvāṇye॒vānnā॒nyava॑ rundhe / sarvā॒npuru॑ṣān / rāḍa॑si vi॒rāḍa॒sītyā॑ha / svārājyame॒vaina॑ṅgamayati / yaddhira॑ṇya॒ndadā॑ti / teja॒stenāva॑rundhe / yatti॑sṛdha॒nvam / vī॒rya॑ntena॑ / yadaṣṭrām

2.7.9.3
puṣṭi॒ntena॑ / yatka॑ma॒ṇḍalum / āyu॒ṣṭena॑ / yaddhira॑ṇyamā ba॒dhnāti॑ / jyoti॒rvai hira॑ṇyam / jyoti॑re॒vāsmi॑ndadhāti / atho॒ tejo॒ vai hira॑ṇyam / teja॑ e॒vātmandha॑tte / yado॑da॒naṃ prā॒śñāti॑ / e॒tade॒va sarva॑mava॒rudhya॑

2.7.9.4
tada॑sminneka॒dhā'dhāt / ro॒hi॒ṇyāṅkā॒ryaḥ॑ / yadbrāhma॒ṇa e॒va ro॑hi॒ṇī / tasmā॑de॒va / atho॒ varṣmai॒vaina॑ samā॒nānāṅkaroti / u॒dya॒tā sūrye॑ṇa kā॒ryaḥ॑ / u॒dyanta॒vvām̐ e॒ta sarvā pra॒jā prati॑nandanti / di॒dṛ॒kṣeṇyo॑ daऱśa॒nīyo॑ bhavati / ya e॒vavvem̐da॑ / bra॒hma॒vā॒dino॑ vadanti

2.7.9.5
a॒vetyo॑'vabhṛ॒thā ३ nā ३ iti॑ / yadda॑rbhapuñjī॒lai pa॒vaya॑ti / tatsvi॑de॒vāvai॑ti / tannāvai॑ti / tri॒bhi pa॑vayati / traya॑ i॒me lo॒kāḥ / e॒bhire॒vaina॑llom॒̐kai pa॑vayati / atho॑ a॒pāvvām̐ e॒tattejo॒ varcaḥ॑ / yadda॒rbhāḥ / yadda॑rbhapuñjī॒lai pa॒vaya॑ti / a॒pāme॒vaina॒nteja॑sā॒ varca॑sā॒'bhiṣi॑ñcati

2.7.10.0
bhūyi॑ṣṭhā yanti॒ dve ca॑

2.7.10.1
pra॒jāpa॑tirakāmayata ba॒horbhūyāntsyā॒miti॑ / sa e॒taṃ pa॑ñcaśāra॒dīya॑mapaśyat / tamā'ha॑rat / tenā॑yajata / tato॒ vai sa ba॒horbhūyā॑nabhavat / ya kā॒maye॑ta ba॒horbhūyāntsyā॒miti॑ / sa pa॑ñcaśāra॒dīye॑na yajeta / ba॒hore॒va bhūyānbhavati / ma॒ru॒tsto॒mo vā e॒ṣaḥ / ma॒ruto॒ hi de॒vānāṃ॒ bhūyi॑ṣṭhāḥ

2.7.10.2
ba॒hurbha॑vati / ya e॒tena॒ yaja॑te / ya u॑cainame॒vavvem̐da॑ / pa॒ñca॒śā॒ra॒dīyo॑ bhavati / pañca॒ vā ṛ॒tava॑ssavvam̐tsa॒raḥ / ṛ॒tuṣve॒va sa॑vvam̐tsa॒re prati॑tiṣṭhati / atho॒ pañcākṣarā pa॒ṅktiḥ / pāṅkto॑ ya॒jñaḥ / ya॒jñame॒vāva॑ rundhe / sa॒pta॒da॒śa stomā॒ nāti॑ yanti / sa॒pta॒da॒śa pra॒jāpa॑tiḥ / pra॒jāpa॑te॒rāptyai

2.7.11.0
tṛ॒tīye॑ gacchati॒ ya e॒tena॒ yaja॑te'tti॒ ya e॒tena॒ yaja॑te॒ ya u॑ cainame॒vavvem̐da॒ trīṇi॑ ca

(a॒gastya॒ssvārājyaṃ māru॒ta pa॑ñcaśāra॒dīyo॒ vā e॒ṣa ya॒jñassa॑ptada॒śaṃ pra॒jāpa॑tere॒va naiti॑ // )
2.7.11.1
a॒gastyo॑ ma॒rudbhya॑ u॒kṣṇa praukṣa॑t / tānindra॒ āda॑tta / ta e॑na॒vvam̐jra॑mu॒dyatyā॒bhyā॑yanta / tāna॒gastya॑ścai॒vendra॑śca kayāśu॒bhīye॑nāśamayatām / tāñchā॒ntānupāhvayata / yatka॑yāśu॒bhīyaṃ॒ bhava॑ti॒ śāntyai / tasmā॑de॒ta aindrāmāru॒tā u॒kṣāṇa॑ssava॒nīyā॑ bhavanti / traya॑ pratha॒me'ha॒nnā la॑bhyante / e॒vandvi॒tīye / e॒vantṛ॒tīye

2.7.11.2
e॒vañca॑tu॒rthe / pañcotta॒me'ha॒nnā la॑bhyante / vaऱṣi॑ṣṭhamiva॒ hye॑tadahaḥ॑ / vaऱṣi॑ṣṭhassamā॒nānāṃ bhavati / ya e॒tena॒ yaja॑te / ya u॑cainame॒vavvem̐da॑ / svārājya॒vvām̐ e॒ṣa ya॒jñaḥ / e॒tena॒ vā eka॒yā vā॑ kānda॒massvārājyamagacchat / svarājyaṅgacchati / ya e॒tena॒ yaja॑te

2.7.11.3
ya u॑ cainame॒vavvem̐da॑ / mā॒ru॒to vā e॒ṣa stomaḥ॑ / e॒tena॒ vai ma॒ruto॑ de॒vānāṃ॒ bhūyi॑ṣṭhā abhavann / bhūyi॑ṣṭhassamā॒nānāṃ bhavati / ya e॒tena॒ yaja॑te / ya u॑ cainame॒vavvem̐da॑ / pa॒ñca॒śā॒ra॒dīyo॒ vā e॒ṣa ya॒jñaḥ / ā pa॑ñca॒mātpuru॑ṣā॒danna॑matti / ya e॒tena॒ yaja॑te / ya u॑ cainame॒vavvem̐da॑ / sa॒pta॒da॒śa stomā॒ nāti॑ yanti / sa॒pta॒da॒śa pra॒jāpa॑tiḥ / pra॒jāpa॑tere॒va naiti॑

2.7.12.0
ya॒jña॒vā॒ha॒sā॒sa॒pa॒rya॒nva॒yamṛ॑ddhyāṃ॒ bhikṣa॑māṇāḥ॒ prace॑tasa॒meka॑ñca

2.7.12.1
a॒syā jarā॑so da॒mā ma॒ritrāḥ / a॒rcaddhū॑māso a॒gnaya॑ pāva॒kāḥ / śvi॒cī॒caya॑śśvā॒trāso॑ bhura॒ṇyavaḥ॑ / va॒na॒r॒ṣado॑ vā॒yavo॒ na somāḥ / yajā॑ no mi॒trāvaru॑ṇā / yajā॑ de॒vā ṛ॒taṃ bṛ॒hat / agne॒ yakṣi॒ svandamam / aśvi॑nā॒ piba॑ta su॒tam / dīdya॑gnī śucivratā / ṛ॒tunā॑ yajñavāhasā

2.7.12.2
dve virū॑pe carata॒ssvarthe / a॒nyā'nyā॑ va॒tsamupa॑ dhāpayete / hari॑ra॒nyasyāṃ॒ bhava॑ti sva॒dhāvān॑ / śu॒kro a॒nyasyāndadṛśe su॒varcāḥ / pū॒rvā॒pa॒rañca॑rato mā॒yayai॒tau / śiśū॒ krīḍa॑ntau॒ pari॑ yāto adhva॒ram / viśvānya॒nyo bhuva॑nā'bhi॒ caṣṭe / ṛ॒tūna॒nyo vi॒dadha॑jjāyate॒ punaḥ॑ / trīṇi॑ śa॒tā trīṣa॒hasrāṇya॒gnim / tri॒॒śacca॑ de॒vā nava॑ cā'saparyann

2.7.12.3
aukṣa॑nghṛ॒tairāstṛ॑ṇanba॒r॒hira॑smai / ādiddhotā॑ra॒nnya॑ṣādayanta / a॒gninā॒'gnissami॑dhyate / ka॒virgṛ॒hapa॑ti॒ryuvā / ha॒vya॒vāḍju॒hvāsyaḥ / a॒gnirde॒vānāñja॒ṭharam / pū॒tada॑kṣa ka॒vikra॑tuḥ / de॒vo de॒vebhi॒rā ga॑mat / a॒gni॒śriyo॑ ma॒ruto॑ vi॒śvakṛ॑ṣṭayaḥ / ā tve॒ṣamu॒gramava॑ īmahe va॒yam

2.7.12.4
te svā॒nino॑ ru॒driyā॑ va॒r॒ṣani॑rṇijaḥ / si॒॒hā na he॒ṣakra॑tavassu॒dāna॑vaḥ / yadu॑tta॒me ma॑ruto madhya॒me vā / yadvā॑'va॒me su॑bhagāso di॒vi ṣṭha / tato॑ no rudrā u॒ta vā॒'nvasya॑ / agne॑ vi॒ttāddha॒viṣo॒ yadyajā॑maḥ / īḍe॑ a॒gni svava॑sa॒nnamo॑bhiḥ / i॒ha pra॑sa॒pto vi ca॑ yatkṛ॒tannaḥ॑ / rathai॑riva॒ prabha॑re vāja॒yadbhiḥ॑ / pra॒da॒kṣi॒ṇinma॒rutā॒॒ stoma॑mṛddhyām

2.7.12.5
śru॒dhi śru॑tkarṇa॒ vahni॑bhiḥ / de॒vaira॑gne sa॒yāva॑bhiḥ / āsī॑dantu ba॒r॒hiṣi॑ / mi॒tro varu॑ṇo arya॒mā / prā॒ta॒ryāvā॑ṇo adhva॒ram / viśve॑ṣā॒madi॑tirya॒jñiyā॑nām / viśve॑ṣā॒mati॑thi॒rmānu॑ṣāṇām / a॒gnirde॒vānā॒mava॑ āvṛṇā॒naḥ / su॒mṛ॒ḍī॒ko bhavatu vi॒śvave॑dāḥ / tve a॑gne suma॒tiṃ bhikṣa॑māṇāḥ

2.7.12.6
di॒vi śravo॑ dadhire ya॒jñiyā॑saḥ / naktā॑ ca ca॒kruru॒ṣasā॒ virū॑pe / kṛ॒ṣṇañca॒ varṇa॑maru॒ṇañca॒ sandhuḥ॑ / tvāma॑gna ādi॒tyāsa॑ ā॒syam / tvāñji॒hvā śuca॑yaścakrire kave / tvā rā॑ti॒ṣāco॑ adhva॒reṣu॑ saścire / tve de॒vā ha॒vira॑da॒ntyāhu॑tam / ni tvā॑ ya॒jñasya॒ sādha॑nam / agne॒ hotā॑ramṛ॒tvijam / va॒nu॒ṣvadde॑va dhīmahi॒ prace॑tasam / jī॒randū॒tamama॑rtyam

2.7.13.0
va॒jriṇa॑mayatsva॒sti jo॑jayurnassa॒pta ca॑

2.7.13.1
tiṣṭhā॒ harī॒ ratha॒ ā yu॒jyamā॑nā yā॒hi / vā॒yurna ni॒yuto॑ no॒ accha॑ / pibā॒syandho॑ a॒bhisṛ॑ṣṭo a॒sme / indra॒ssvāhā॑ rari॒mā te॒ madā॑ya / kasya॒ vṛṣā॑ su॒te sacā / ni॒yutvānvṛṣa॒bho ra॑ṇat / vṛ॒tra॒hā soma॑pītaye / indra॑vvam॒̐yamma॑hādha॒ne / indra॒marbhe॑ havāmahe / yuja॑vvṛm॒̐treṣu॑ va॒jriṇam

2.7.13.2
dvi॒tā yo vṛ॑tra॒hanta॑maḥ / vi॒da indra॑śśa॒takra॑tuḥ / upa॑ no॒ hari॑bhissu॒tam / sa sūra॒ āja॒naya॒ñjyoti॒rindram / a॒yā dhi॒yā ta॒raṇi॒radri॑baऱhāḥ / ṛ॒tena॑ śu॒ṣmī nava॑māno a॒rkaiḥ / vyu॑sridho॑ a॒sro adri॑rbibheda / u॒tatyadā॒śvaśvi॑yam / yadi॑ndra॒ nāhu॑ṣī॒ṣvā / agre॑ vi॒kṣu pratīda॑yat

2.7.13.3
bhare॒ṣvindra॑ su॒hava॑ havāmahe / a॒॒ho॒muca॑ su॒kṛta॒ndaivya॒ñjanam / a॒gnimmi॒travvam̐ru॑ṇa sā॒taye॒ bhagam / dyāvā॑pṛthi॒vī ma॒ruta॑ssva॒staye / ma॒hi kṣetraṃ॑ pu॒ruśca॒ndravvim̐ vi॒dvān / āditsakhi॑bhyaśca॒ratha॒॒ samai॑rat / indro॒ nṛbhi॑rajana॒ddīdyā॑nassā॒kam / sūrya॑mu॒ṣasa॑ṅgā॒tuma॒gnim / u॒runno॑ lo॒kamanu॑ neṣi vi॒dvān / suva॑rva॒jjyoti॒rabha॑ya sva॒sti

2.7.13.4
ṛ॒ṣvā ta॑ indra॒ sthavi॑rasya bā॒hū / upa॑stheyāma śara॒ṇā bṛ॒hantā / ā no॒ viśvā॑bhirū॒tibhi॑ssa॒joṣāḥ / brahma॑ juṣā॒ṇo ha॑ryaśva yāhi / varī॑vṛja॒tsthavi॑rebhissuśipra / a॒sme dadha॒dvṛṣa॑ṇa॒॒ śuṣma॑mindra / indrā॑ya॒ gāva॑ ā॒śiram / du॒du॒hre va॒jriṇe॒ madhu॑ / yatsī॑mupahva॒re vi॒dat / tāste॑ vajrindhe॒navo॑ jojayurnaḥ

2.7.13.5
gabha॑stayo ni॒yuto॑ vi॒śvavā॑rāḥ / aha॑raha॒rbhūya॒ ijjogu॑vānāḥ / pū॒rṇā i॑ndra kṣu॒mato॒ bhoja॑nasya / i॒mānte॒ dhiyaṃ॒ pra bha॑re ma॒ho ma॒hīm / a॒sya sto॒tre dhi॒ṣaṇā॒ yatta॑ āna॒je / tamu॑tsa॒ve ca॑ prasa॒ve ca॑ sāsa॒him / indra॑nde॒vāsa॒śśava॑sā mada॒nnanu॑

2.7.14.0
stome॑na॒ nāpno॑davārayata॒ nava॑ ca

2.7.14.1
pra॒jāpa॑ti pa॒śūna॑sṛjata / te'smātsṛ॒ṣṭā parāñca āyann / tāna॑gniṣṭo॒mena॒ nāpnot / tānu॒kthye॑na॒ nāpnot / tānthṣo॑ḍa॒śinā॒ nāpnot / tānrātri॑yā॒ nāpnot / tāntsa॒ndhinā॒ nāpnot / so'gnima॑bravīt / i॒mānma॑ ī॒pseti॑ / tāna॒gnistri॒vṛtā॒ stome॑na॒ nāpnot

2.7.14.2
sa indra॑mabravīt / i॒mānma॑ ī॒pseti॑ / tānindraḥ॑ pañcada॒śena॒ stome॑na॒ nāpnot / sa viśvānde॒vāna॑bravīt / i॒mānma॑ īpsa॒teti॑ / tān viśve॑de॒vāssa॑ptada॒śena॒ stome॑na॒ nāpnu॑vann / sa viṣṇu॑mabravīt / i॒mānma॑ ī॒pseti॑ / tāऩ viṣṇu॑rekavi॒॒śena॒ stome॑nāpnot / vā॒ra॒va॒ntīye॑nāvārayata

2.7.14.3
i॒davvim̐ṣṇu॒rvi ca॑krama॒ iti॒ vya॑kramata / yasmātpa॒śava॒ prapreva॒ bhraśe॑rann / sa e॒tena॑ yajeta / yadāpnot / tada॒ptoryāma॑syāptoryāma॒tvam / e॒tena॒ vai de॒vā jaitvā॑ni ji॒tvā / yaṅkāma॒makā॑mayanta॒ tamāpnuvann / yaṅkāma॑ṅkā॒maya॑te / tame॒tenāpnoti

2.7.15.0
ba॒bhū॒vāvya॑ya॒ttene॒mama॑gna i॒ha varca॑sā॒ sama॑ṅgdhi॒ vaiyā॒ghre'dhi॑ rāṣṭra॒vardha॑na॒pāṅkte॑na॒ chanda॑so॒pāva॑harāmi

2.7.15.1
vyā॒ghro॑'yama॒gnau ca॑rati॒ pravi॑ṣṭaḥ / ṛṣī॑ṇāṃ pu॒tro a॑bhiśasti॒pā a॒yam / na॒ma॒skā॒reṇa॒ nama॑sā te juhomi / mā de॒vānāmmithu॒yāka॑rma bhā॒gam / sāvī॒r॒hi de॑va prasa॒vāya॑ pitre / va॒rṣmāṇa॑masmai vari॒māṇa॑masmai / athā॒smabhya॑ savitassa॒rvatā॑tā / di॒vedi॑va॒ ā su॑vā॒ bhūri॑ pa॒śvaḥ / bhū॒to bhū॒teṣu॑ carati॒ pravi॑ṣṭaḥ / sa bhū॒tānā॒madhi॑patirbabhūva

2.7.15.2
tasya॑ mṛ॒tyau ca॑rati rāja॒sūyam / sa rājā॑ rā॒jyamanu॑ manyatāmi॒dam / yebhi॒śśilpai paprathā॒nāmadṛ॑hat / yebhi॒rdyāma॒bhyapi॑śatpra॒jāpa॑tiḥ / yebhi॒rvāca॑vvim॒̐śvarū॑pā sa॒mavya॑yat / tene॒mama॑gna i॒ha varca॑sā॒ sama॑ṅgdhi / yebhi॑rādi॒tyastapa॑ti॒ pra ke॒tubhiḥ॑ / yebhi॒ssūryo॑ dadṛ॒śe ci॒trabhā॑nuḥ / yebhi॒rvācaṃ॑ puṣka॒lebhi॒ravya॑yat / tene॒mama॑gna i॒ha varca॑sā॒ sama॑ṅgdhi

2.7.15.3
ā'yaṃ bhā॑tu॒ śava॑sā॒ pañca॑ kṛ॒ṣṭīḥ / indra॑ iva jye॒ṣṭho bha॑vatu pra॒jāvān॑ / a॒smā a॑stu puṣka॒lañci॒trabhā॑nu / ā'yaṃ pṛ॑ṇaktu॒ raja॑sī u॒pastham / yatte॒ śilpa॑ṅkaśyapa roca॒nāva॑t / i॒ndri॒yāva॑tpuṣka॒lañci॒trabhā॑nu / yasmi॒ntsūryā॒ arpi॑tāssa॒pta sā॒kam / tasmi॒nrājā॑na॒madhi॒ viśra॑ye॒mam / dyaura॑si pṛthi॒vya॑si / vyā॒ghro vaiyā॒ghre'dhi॑

2.7.15.4
viśra॑yasva॒ diśo॑ ma॒hīḥ / viśa॑stvā॒ sarvā॑ vāñchantu / mā tvadrā॒ṣṭramadhi॑ bhraśat / yā di॒vyā āpa॒ paya॑sā saṃbabhū॒vuḥ / yā a॒ntari॑kṣa u॒ta pārthi॑vī॒ryāḥ / tāsāntvā॒ sarvā॑sā ru॒cā / a॒bhiṣi॑ñcāmi॒ varca॑sā / a॒bhi tvā॒ varca॑sā'sicandi॒vyena॑ / paya॑sā sa॒ha / yathāsā॑ rāṣṭra॒vardha॑naḥ

2.7.15.5
tathā tvā savi॒tā ka॑rat / indra॒vvim̐śvā॑ avīvṛdhann / sa॒mu॒dravya॑casa॒ṅgiraḥ॑ / ra॒thīta॑ma rathī॒nām / vājā॑nā॒॒ satpa॑tiṃ॒ patim / vasa॑vastvā pu॒rastā॑da॒bhiṣi॑ñcantu gāya॒treṇa॒ chanda॑sā / ru॒drāstvā॑ dakṣiṇa॒to॑'bhiṣi॑ñcantu॒ traiṣṭu॑bhena॒ chanda॑sā / ā॒di॒tyāstvā॑ pa॒ścāda॒bhiṣi॑ñcantu॒ jāga॑tena॒ chanda॑sā / viśve tvā de॒vā u॑ttara॒to॑'bhiṣi॑ñca॒ntvānu॑ṣṭubhena॒ chanda॑sā / bṛha॒spati॑stvo॒pari॑ṣṭāda॒bhiṣi॑ñcatu॒ pāṅkte॑na॒ chanda॑sā

2.7.15.6
a॒ru॒ṇantvā॒ vṛka॑mu॒graṅkha॑jaṅka॒ram / roca॑mānaṃ ma॒rutā॒magre॑ a॒rciṣaḥ॑ / sūrya॑vantaṃ ma॒ghavā॑navvim̐ṣāsa॒him / indra॑mu॒ktheṣu॑ nāma॒hūta॑ma huvema / pra bā॒havā॑ sisṛtañjī॒vase॑ naḥ / ā no॒ gavyū॑timukṣataṅghṛ॒tena॑ / ā no॒ jane śravayatayyum̐vānā / śru॒taṃ me॑ mitrāvaruṇā॒ have॒mā / indra॑sya te vīrya॒kṛtaḥ॑ / bā॒hū u॒pāva॑ harāmi

2.7.16.0
sva॒dhāyai tvā sa॒vena॒ dyaussūrya sa॒pta ca॑

2.7.16.1
a॒bhi prehi॑ vī॒raya॑sva / u॒graścettā॑ sapatna॒hā / āti॑ṣṭha vṛtra॒hanta॑maḥ / tubhya॑nde॒vā adhi॑bravann / a॒ṅkau nya॒ṅkāva॒bhito॒ ratha॒yyaum̐ / dhvā॒ntavvām̐॑tā॒gramanu॑ sa॒ñcara॑ntau / dū॒rehe॑tirindri॒yāvānpata॒trī / te no॒'gnaya॒ papra॑ya pārayantu / nama॑sta ṛṣe gada / avya॑thāyai tvā sva॒dhāyai tvā

2.7.16.2
mā na॑ indrā॒bhita॒stvadṛ॒ṣvāri॑ṣṭāsaḥ / e॒vā bra॑hma॒ntaveda॑stu / tiṣṭhā॒ rathe॒ adhi॒ yadvajra॑hastaḥ / ā ra॒śmīnde॑va yuvase॒ svaśvaḥ॑ / ā ti॑ṣṭha vṛtrahannā॒tiṣṭha॑ntaṃ॒ pari॑ / anu॒ tvendro॑ mada॒tvanu॑ tvā mi॒trāvaru॑ṇau / dyauśca॑ tvā pṛthi॒vī ca॒ prace॑tasā / śu॒kro bṛ॒ddakṣi॑ṇā tvā pipartu / anu॑ sva॒dhā ci॑kitā॒॒ somo॑ a॒gniḥ / anu॑ tvā'vatu savi॒tā sa॒vena॑

2.7.16.3
indra॒vvim̐śvā॑ avīvṛdhann / sa॒mu॒dravya॑casa॒ṅgiraḥ॑ / ra॒thīta॑ma rathī॒nām / vājā॑nā॒॒ satpa॑tiṃ॒ patim / pari॑mā se॒nyā ghoṣāḥ / jyānāvvṛm̐ñjantu gṛ॒dhnavaḥ॑ / me॒thi॒ṣṭhā pinva॑mānā i॒ha / māṅgopa॑tima॒bhi savvim̐॑śantu / tanme'nu॑mati॒ranu॑ manyatām / tanmā॒tā pṛ॑thi॒vī tatpi॒tā dyauḥ

2.7.16.4
tadgrāvā॑ṇassoma॒suto॑ mayo॒bhuvaḥ॑ / tada॑śvinā śṛṇuta saubhagā yu॒vam / ava॑ te॒ heḍa॒ udu॑tta॒mam / e॒nā vyā॒ghraṃ pa॑riṣasvajā॒nāḥ / si॒॒ha hi॑nvanti maha॒te saubha॑gāya / sa॒mu॒dranna su॒hava॑ntasthi॒vāsam / ma॒rmṛ॒jyante dvī॒pina॑ma॒phsva॑ntaḥ / uda॒sāve॑tu॒ sūryaḥ॑ / udi॒daṃ mā॑ma॒kavvam̐caḥ॑ / udi॑hi deva sūrya / sa॒ha va॒gnunā॒ mama॑ / a॒havvām॒̐co vi॒vāca॑nam / mayi॒ vāga॑stu dharṇa॒siḥ / yantu॑ na॒dayo॒ vaऱṣa॑ntu pa॒rjanyāḥ / su॒pi॒ppa॒lā oṣa॑dhayo bhavantu / anna॑vatāmoda॒nava॑tāmā॒mikṣa॑vatām / e॒ṣā rājā॑ bhūyasām

2.7.17.0
avāsrāgdī॒kṣā va॒śinī॒ hyu॑grā'da॑dhādva॒varja॒ vapa॑ ste॒ dve ca॑

2.7.17.1
ye ke॒śina॑ pratha॒māssa॒tramāsa॑ta / yebhi॒rābhṛ॑ta॒yyam̐di॒davvim॒̐roca॑te / tebhyo॑ juhomi bahu॒dhā ghṛ॒tena॑ / rā॒yaspoṣe॑ṇe॒mavvam̐rca॑sā॒ sa sṛ॑jātha / narte brahma॑ṇa॒stapa॑so vimo॒kaḥ / dvi॒nāmnī॑ dī॒kṣā va॒śinī॒ hyu॑grā / pra keśāssu॒vate॑ kā॒ṇḍino॑ bhavanti / teṣāṃ bra॒hmedīśe॒ vapa॑nasya॒ nānyaḥ / ā ro॑ha॒ proṣṭha॒vvim̐ṣa॑hasva॒ śatrūn॑ / avāsrāgdī॒kṣā va॒śinī॒ hyu॑grā

2.7.17.2
de॒hi dakṣi॑ṇāṃ॒ prati॑ra॒svāyuḥ॑ / athā॑mucyasva॒ varu॑ṇasya॒ pāśāt / yenāva॑patsavi॒tā kṣu॒reṇa॑ / soma॑sya॒ rājño॒ varu॑ṇasya vi॒dvān / tena॑ brahmāṇo vapate॒dama॒syorjemam / ra॒yyā varca॑sā॒ sa sṛ॑jātha / mā te॒ keśā॒nanu॑ gā॒dvarca॑ e॒tat / tathā॑ dhā॒tā ka॑rotu te / tubhya॒mindro॒ bṛha॒spatiḥ॑ / sa॒vi॒tā varca॒ āda॑dhāt

2.7.17.3
tebhyo॑ ni॒dhānaṃ॑ bahu॒dhā vyaicchann॑ / a॒nta॒rā dyāvā॑pṛthi॒vī a॒passuvaḥ॑ / da॒rbha॒sta॒mbe vī॒rya॑kṛte ni॒dhāya॑ / pausye॑ne॒mavvam̐rca॑sā॒ sa sṛ॑jātha / bala॑nte bāhu॒vossa॑vi॒tā da॑dhātu / soma॑stvā'naktu॒ paya॑sā ghṛ॒tena॑ / strī॒ṣu rū॒pama॑śvinai॒tanni dha॑ttam / pausye॑ne॒mavvam̐rca॑sā॒ sasṛ॑jātha / yatsī॒manta॒ṅkaṅka॑taste li॒lekha॑ / yadvā kṣu॒ra pa॑riva॒varja॒ vapa॑ste / strī॒ṣu rū॒pama॑śvinai॒tanni dha॑ttam / pausye॑ne॒ma sa sṛ॑jātho vī॒rye॑ṇa

2.7.18.0
veda॒ hara॑ntyename॒vavvem̐dā॒bhyū॑ḍha pā॒pmabhi॒reka॑ñca

2.7.18.1
indra॒vvaim̐ svāviśo॑ ma॒ruto॒ nāpā॑cāyann / so'na॑pacāyyamāna e॒tavvim̐॑gha॒nama॑paśyat / tamā'ha॑rat / tenā॑yajata / tenai॒vāsā॒nta sa॑ sta॒mbhavvyam̐॑hann / yadvyahann॑ / tadvi॑gha॒nasya॑ vighana॒tvam / vi pā॒pmānaṃ॒ bhrātṛ॑vya hate / ya e॒tena॒ yaja॑te / ya u॑ cainame॒vavvem̐da॑

2.7.18.2
ya rājā॑na॒vvim̐śo॒ nāpa॒cāye॑yuḥ / yo vā brāhma॒ṇastama॑sā pā॒pmanā॒ prāvṛ॑ta॒ssyāt / sa e॒tena॑ yajeta / vi॒gha॒nenai॒vaina॑dvi॒hatya॑ / vi॒śāmādhi॑patyaṅgacchati / tasya॒ dve dvā॑da॒śe sto॒tre bhava॑taḥ / dve ca॑turvi॒॒śe / audbhi॑dyame॒va tat / e॒tadvai kṣa॒trasyaudbhi॑dyam / yada॑smai॒ svāviśo॑ ba॒li hara॑nti

2.7.18.3
hara॑ntyasmai॒ viśo॑ ba॒lim / aina॒mapra॑tikhyātaṅgacchati / ya e॒vavvem̐da॑ / pra॒bāhu॒gvā agre kṣa॒trāṇyāte॑puḥ / teṣā॒mindraḥ॑ kṣa॒trāṇyāda॑tta / na vā i॒māni॑ kṣa॒trāṇya॑bhūva॒nniti॑ / tannakṣa॑trāṇannakṣatra॒tvam / ā śreya॑so॒ bhrātṛ॑vyasya॒ teja॑ indri॒yanda॑tte / ya e॒tena॒ yaja॑te / ya u॑ cainame॒vavvem̐da॑

2.7.18.4
tadyathā॑ ha॒ vai sa॑ca॒kriṇau॒ kapla॑kāvu॒pāva॑hitau॒ syātām / e॒vame॒tau yu॒gmantau॒ stomau / a॒yukṣu॒ stome॑ṣu kriyete / pā॒pmano'pa॑hatyai / apa॑ pā॒pmānaṃ॒ bhrātṛ॑vya hate / ya e॒tena॒ yaja॑te / ya u॑ cainame॒vavvem̐da॑ / tadyathā॑ ha॒ vai sū॑tagrāma॒ṇyaḥ॑ / e॒vañchandā॑si / teṣva॒sāvā॑di॒tyo bṛ॑ha॒tīra॒bhyū॑ḍhaḥ

2.7.18.5
sa॒tobṛ॑hatīṣu stuvate sa॒to bṛ॑hann / pra॒jayā॑ pa॒śubhi॑rasā॒nītye॒va / vyati॑ṣaktābhisstuvate / vyati॑ṣakta॒vvaim̐ kṣa॒travvim॒̐śā / vi॒śaivaina॑ṅkṣa॒treṇa॒ vyati॑ṣajati / vyati॑ṣaktābhisstuvate / vyati॑ṣakto॒ vai grā॑ma॒ṇīssa॑jā॒taiḥ / sa॒jā॒taire॒vaina॒vvyam̐ti॑ṣajati / vyati॑ṣaktābhisstuvate / vyati॑ṣakto॒ vai puru॑ṣa pā॒pmabhiḥ॑ / vyati॑ṣaktābhire॒vāsya॑ pā॒pmano॑ nudate

2.8.0.0
pīvonnā॒nte śu॒krāsa॒ssomo॑ dhe॒numindra॒stara॑svā॒ñchuci॒mā de॒vo yā॑tu॒ sūryo॑ de॒vīma॒hama॑smi॒ tā sūryācandra॒masā॒ nava॑

pīvonnā॒magne॒ tvaṃ pā॑rayānādhṛ॒ṣyaśśuci॒nnu vi॒śraya॑māṇo di॒vo ru॒kmo'nnaṃ॑ prā॒ṇamanna॒ntā sūryācandra॒masā॒ nava॑saptatiḥ

pīvonnāyyūm॒̐yaṃ pā॑ta sva॒stibhi॒ssadā॑ naḥ // hariḥ॑ om // kṛṣṇayajurbrāhmaṇe dvitīyāṣṭake aṣṭama prapāṭhakaḥ dvitīyāṣṭakañca samāptam /
2.8.0.0
taittirīyabrāhmaṇe dvitīyāṣṭake aṣṭamaprapāṭhakaprārambhaḥ / hariḥ om //
2.8.1.0
ma॒nī॒ṣā'stu॑ ca॒rtasyā॒sme ki॑ta॒vāsa॑śca॒tvāri॑ ca

2.8.1.1
pīvonnā rayi॒vṛdha॑ssume॒dhāḥ / śve॒tassi॑ṣakti ni॒yutā॑mabhi॒śrīḥ / te vā॒yave॒ sama॑naso॒ vita॑sthuḥ / viśvennara॑ssvapa॒tyāni॑ cakruḥ / rā॒ye'nu yañja॒jñatū॒ roda॑sī u॒bhe / rā॒ye de॒vī dhi॒ṣaṇā॑ dhāti de॒vam / adhā॑ vā॒yunni॒yuta॑ssaścata॒ svāḥ / u॒ta śve॒tavvam̐su॑dhitinnire॒ke / ā vā॑yo॒ pra yābhiḥ॑ / pra vā॒yumacchā॑ bṛha॒tī ma॑nī॒ṣā

2.8.1.2
bṛ॒hadra॑yivvim॒̐śvavā॑rā ratha॒prām / dyu॒tadyā॑mā ni॒yuta॒ patya॑mānaḥ / ka॒vi ka॒vimi॑yakṣasi prayajyo / ā no॑ ni॒yudbhi॑śśa॒tinī॑bhiradhva॒ram / sa॒ha॒sriṇī॑bhi॒rupa॑ yāhi ya॒jñam / vāyo॑ a॒smin ha॒viṣi॑ mādayasva / yū॒yaṃ pā॑ta sva॒stibhi॒ssadā॑ naḥ / prajā॑pate॒ na tvade॒tānya॒nyaḥ / viśvā॑ jā॒tāni॒ pari॒ tā ba॑bhūva / yatkā॑māste juhu॒mastanno॑ astu

2.8.1.3
va॒ya syā॑ma॒ pata॑yo rayī॒ṇām / ra॒yī॒ṇāṃ pati॑yyam̐ja॒taṃ bṛ॒hantam / a॒sminbhare॒ nṛta॑ma॒vvām̐ja॑sātau / pra॒jāpa॑tiṃ prathama॒jāmṛ॒tasya॑ / yajā॑ma de॒vamadhi॑ no bravītu / prajā॑pate॒ tvanni॑dhi॒pā pu॑rā॒ṇaḥ / de॒vānāṃ pi॒tā ja॑ni॒tā pra॒jānām / pati॒rviśva॑sya॒ jaga॑ta para॒spāḥ / ha॒virno॑ deva viha॒ve ju॑ṣasva / tave॒me lo॒kā pra॒diśo॒ diśa॑śca

2.8.1.4
pa॒rā॒vato॑ ni॒vata॑ u॒dvata॑śca / prajā॑pate viśva॒sṛjjī॒vadha॑nya i॒danno॑ deva / prati॑harya ha॒vyam / pra॒jāpa॑tiṃ pratha॒mayyam॒̐jñiyā॑nām / de॒vānā॒magre॑ yaja॒tayyam̐॑jadhvam / sa no॑ dadātu॒ dravi॑ṇa su॒vīryam / rā॒yaspoṣa॒vvim̐ ṣya॑tu॒ nābhi॑ma॒sme / yo rā॒ya īśe॑ śatadā॒ya u॒kthyaḥ॑ / ya pa॑śū॒nā ra॑kṣi॒tā viṣṭhi॑tānām / pra॒jāpa॑ti prathama॒jā ṛ॒tasya॑

2.8.1.5
sa॒hasra॑dhāmā juṣatā ha॒virnaḥ॑ / somā॑pūṣaṇe॒mau de॒vau / somā॑pūṣaṇā॒ raja॑so vi॒mānam / sa॒ptaca॑kra॒॒ ratha॒mavi॑śvaminvam / vi॒ṣū॒vṛtaṃ॒ mana॑sā yu॒jyamā॑nam / tañji॑nvatho vṛṣaṇā॒ pañca॑raśmim / di॒vya॑nyassada॑nañca॒kra u॒ccā / pṛ॒thi॒vyāma॒nyo adhya॒ntari॑kṣe / tāva॒smabhyaṃ॑ puru॒vāraṃ॑ puru॒kṣum / rā॒yaspoṣa॒vvim̐ṣya॑tā॒nnābhi॑ma॒sme

2.8.1.6
dhiyaṃ॑ pū॒ṣā ji॑nvatu viśvami॒nvaḥ / ra॒yi somo॑ rayi॒pati॑rdadhātu / ava॑tu de॒vyadi॑tirana॒rvā / bṛ॒hadva॑dema vi॒dathe॑ su॒vīrāḥ / viśvānya॒nyo bhuva॑nā ja॒jāna॑ / viśva॑ma॒nyo a॑bhi॒cakṣā॑ṇa eti / somā॑pūṣaṇā॒vava॑ta॒ndhiyaṃ॑ me / yu॒vabhyā॒vvim̐śvā॒ pṛta॑nā jayema / udu॑tta॒mavvam̐॑ru॒ṇāsta॑bhnā॒ddyām / yatkiñce॒daṅki॑ta॒vāsaḥ॑ / ava॑ te॒ heḍa॒stattvā॑ yāmi / ā॒di॒tyānā॒mava॑sā॒ na da॑kṣi॒ṇā / dhā॒raya॑nta ādi॒tyāsa॑sti॒sro bhūmīrdhārayann / ya॒jño de॒vānā॒॒ śuci॑ra॒paḥ

2.8.2.0
de॒va॒yānairde॒vāssupū॑tayyam̐jatra॒ hasta॒masti॒ tamā॑syū॒rmibhi॒rdve ca॑

2.8.2.1
te śu॒krāsa॒śśuca॑yo raśmi॒vantaḥ॑ / sīda॑nnādi॒tyā adhi॑ ba॒r॒hiṣi॑ pri॒ye / kāme॑na de॒vāssa॒ratha॑ndi॒vo naḥ॑ / ā yāntu ya॒jñamupa॑ no juṣā॒ṇāḥ / te sū॒navo॒ adi॑te pīva॒sāmiṣam / ghṛ॒taṃ pinva॒tprati॑haryannṛte॒jāḥ / pra ya॒jñiyā॒ yaja॑mānāya yemure / ā॒di॒tyā kāmaṃ॑ pitu॒manta॑ma॒sme / ā na॑ pu॒trā adi॑teryāntu ya॒jñam / ā॒di॒tyāsa॑ pa॒thibhi॑rdeva॒yānaiḥ

2.8.2.2
a॒sme kāma॑ndā॒śuṣe॑ sa॒nnama॑ntaḥ / puro॒ḍāśa॑ṅghṛ॒tava॑ntañjuṣantām / ska॒bhā॒yata॒ niऱṛ॑ti॒॒ sedha॒tāma॑tim / pra ra॒śmibhi॒ryata॑mānā amṛdhrāḥ / ādi॑tyā॒ kāma॒ praya॑tā॒vvam̐ṣa॑ṭkṛtim / ju॒ṣadhva॑nno ha॒vyadā॑tiyyam̐jatrāḥ / ā॒di॒tyānkāma॒mava॑se huvema / ye bhū॒tāni॑ ja॒naya॑nto vici॒khyuḥ / sīda॑ntu pu॒trā adi॑teru॒pastham / stī॒rṇaṃ ba॒r॒hiऱha॑vi॒radyā॑ya de॒vāḥ

2.8.2.3
stī॒rṇaṃ ba॒r॒hissī॑datā ya॒jñe a॒sminn / dhrā॒jāssedha॑nto॒ ama॑tindu॒revām / a॒smabhyaṃ॑ putrā adite॒ pra ya॑sata / ādi॑tyā॒ kāma॑ ha॒viṣo॑ juṣā॒ṇāḥ / agne॒ naya॑ su॒pathā॑ rā॒ye a॒smān / viśvā॑ni deva va॒yunā॑ni vi॒dvān / yu॒yo॒dhya॑smajju॑hurā॒ṇamenaḥ॑ / bhūyi॑ṣṭhānte॒ nama॑ uktivvim̐dhema / pra va॑śśu॒krāya॑ bhā॒nave॑ bharadhvam / ha॒vyaṃ ma॒tiñcā॒gnaye॒ supū॑tam

2.8.2.4
yo daivyā॑ni॒ mānu॑ṣā ja॒nūṣi॑ / a॒ntarviśvā॑ni vi॒dmanā॒ jigā॑ti / acchā॒ giro॑ ma॒tayo॑ deva॒yantīḥ / a॒gniyyam̐॑nti॒ dravi॑ṇaṃ॒ bhikṣa॑māṇāḥ / su॒sa॒ndṛśa॑ su॒pratī॑ka॒॒ svañcam / ha॒vya॒vāha॑mara॒tiṃ mānu॑ṣāṇām / agne॒ tvama॒smadyu॑yo॒dhyamī॑vāḥ / ana॑gnitrā a॒bhya॑manta kṛ॒ṣṭīḥ / puna॑ra॒smabhya॑ suvi॒tāya॑ deva / kṣāvvim̐śve॑bhira॒jare॑bhiryajatra

2.8.2.5
agne॒ tvaṃ pā॑rayā॒ navyo॑ a॒smān / sva॒stibhi॒rati॑ du॒rgāṇi॒ viśvā / pūśca॑ pṛ॒thvī ba॑hu॒lā na॑ u॒rvī / bhavā॑ to॒kāya॒ tana॑yāya॒ śayyom̐ḥ / prakā॑ravo mana॒nā va॒cyamā॑nāḥ / de॒va॒drīcīnnayatha deva॒yantaḥ॑ / da॒kṣi॒ṇā॒vāḍvā॒jinī॒ prācye॑ti / ha॒virbhara॑ntya॒gnaye॑ ghṛ॒tācī / indra॒nnaro॑ yu॒je ratham / ja॒gṛ॒bhṇāte॒ dakṣi॑ṇamindra॒ hastam

2.8.2.6
va॒sū॒yavo॑ vasupate॒ vasū॑nām / vi॒dmā hi tvā॒ gopa॑ti śūra॒ gonām / a॒smabhya॑ñci॒travvṛm̐ṣa॑ṇa ra॒yindāḥ / tave॒davvim̐śva॑ma॒bhita॑ paśa॒vyam / yatpaśya॑si॒ cakṣa॑sā॒ sūrya॑sya / gavā॑masi॒ gopa॑ti॒reka॑ indra / bha॒kṣī॒mahi॑ te॒ praya॑tasya॒ vasvaḥ॑ / sami॑ndra ṇo॒ mana॑sā neṣi॒ gobhiḥ॑ / sa sū॒ribhi॑rmaghava॒ntsa sva॒styā / saṃ brahma॑ṇā de॒vakṛ॑ta॒yyam̐dasti॑

2.8.2.7
sande॒vānā॑ suma॒tyā ya॒jñiyā॑nām / ā॒rācchatru॒mapa॑ bādhasva dū॒ram / u॒gro yaśśamba॑ puruhūta॒ tena॑ / a॒sme dhe॑hi॒ yava॑ma॒dgoma॑dindra / kṛ॒dhīdhiya॑ñjari॒tre vāja॑ratnām / ā ve॒dhasa॒॒ sa hi śuciḥ॑ / bṛha॒spati॑ pratha॒mañjāya॑mānaḥ / ma॒ho jyoti॑ṣa para॒me vyo॑mann / sa॒ptāsya॑stuvijā॒to rave॑ṇa / vi sa॒ptara॑śmiradhama॒ttamā॑si

2.8.2.8
bṛha॒spati॒ssama॑jaya॒dvasū॑ni / ma॒ho vra॒jāngoma॑to de॒va e॒ṣaḥ / a॒passiṣā॑sa॒ntsuva॒rapra॑tīttaḥ / bṛha॒spati॒r॒hantya॒mitra॑ma॒rkaiḥ / bṛha॑spate॒ parye॒vā pi॒tre / ā no॑ di॒va pāvī॑ravī / i॒mā juhvā॑nā॒ yaste॒ stanaḥ॑ / sara॑svatya॒bhi no॑ neṣi / i॒ya śuṣme॑bhirbisa॒khā i॑vārujat / sānu॑ girī॒ṇānta॑vi॒ṣebhi॑rū॒rmibhiḥ॑ / pā॒rā॒va॒da॒ghnīmava॑se suvṛ॒ktibhiḥ॑ / sara॑svatī॒mā vi॑vāsema dhī॒tibhiḥ॑

2.8.3.0
va॒va॒rtha॒ vi॒tsa॒ indra॑stu॒rāyāstu vṛtra॒tūrye॒ vajra॑bāhu pṛthi॒vyāntrīṇi॑ ca

2.8.3.1
somo॑ dhe॒nu somo॒ arva॑ntamā॒śum / somo॑ vī॒raṅka॑rma॒ṇya॑ndadātu / sā॒da॒nya॑vvim̐da॒thya॑ sa॒bheyam / pi॒tu॒śśrava॑ṇa॒yyom̐ dadā॑śadasmai / aṣā॑ḍhayyum॒̐tsu tva so॑ma॒ kratu॑bhiḥ / yā te॒ dhāmā॑ni ha॒viṣā॒ yaja॑nti / tvami॒mā oṣa॑dhīssoma॒ viśvāḥ / tvama॒po a॑janaya॒stvaṅgāḥ / tvamāta॑tantho॒rva॑ntari॑kṣam / tvañjyoti॑ṣā॒ vi tamo॑ vavartha

2.8.3.2
yā te॒ dhāmā॑ni di॒vi yā pṛ॑thi॒vyām / yā parva॑te॒ṣvoṣa॑dhīṣva॒phsu / tebhi॑rno॒ viśvaissu॒manā॒ ahe॑ḍann / rājantsoma॒ prati॑ ha॒vyā gṛ॑bhāya / viṣṇo॒rnuka॒ntada॑sya pri॒yam / pra tadviṣṇuḥ॑ / pa॒ro mātra॑yā ta॒nuvā॑ vṛdhāna / na te॑ mahi॒tvamanva॑śñuvanti / u॒bhe te॑ vidma॒ raja॑sī pṛthi॒vyā viṣṇo॑ deva॒ tvam / pa॒ra॒masya॑ vitse

2.8.3.3
vica॑krame॒ trirde॒vaḥ / ā te॑ ma॒ho yo jā॒ta e॒va / a॒bhi go॒trāṇi॑ / ābhi॒sspṛdho॑ mitha॒tīrari॑ṣaṇyann / a॒mitra॑sya vyathayā ma॒nyumi॑ndra / ābhi॒rviśvā॑ abhi॒yujo॒ viṣū॑cīḥ / āryā॑ya॒ viśova॑tārī॒rdāsīḥ / a॒ya śṛ॑ṇve॒ adha॒ jaya॑nnu॒ta ghnann / a॒yamu॒ta pra kṛ॑ṇute yu॒dhā gāḥ / ya॒dā sa॒tyaṅkṛ॑ṇu॒te ma॒nyumindraḥ॑

2.8.3.4
viśva॑ndṛ॒ḍhaṃ bha॑yata॒ eja॑dasmāt / anu॑ sva॒dhāma॑kṣara॒nnāpo॑ asya / ava॑rdhata॒ madhya॒ ā nā॒vyā॑nām / sa॒dhrī॒cīne॑na॒ mana॑sā॒ tami॑ndra॒ oji॑ṣṭhena / hanma॑nāhanna॒bhidyūn / ma॒rutva॑ntavvṛm̐ṣa॒bhavvām̐॑vṛdhā॒nam / aka॑vārindi॒vya śā॒samindram / vi॒śvā॒sāha॒mava॑se॒ nūta॑nāya / u॒gra sa॑ho॒dāmi॒ha ta hu॑vema / jani॑ṣṭhā u॒grassaha॑se tu॒rāya॑

2.8.3.5
ma॒ndra oji॑ṣṭho bahu॒lābhi॑mānaḥ / ava॑rdha॒nnindraṃ॑ ma॒ruta॑ści॒datra॑ / mā॒tā yadvī॒randa॒dhana॒ddhani॑ṣṭhā / kva॑syāvo॑ marutassva॒dhā''sīt / yanmāmeka॑ sa॒madha॑ttāhi॒hatye / a॒ha hyu॑grasta॑vi॒ṣastuvi॑ṣmān / viśva॑sya॒ śatro॒rana॑mavvam̐dha॒snaiḥ / vṛ॒trasya॑ tvā śva॒sathā॒ dīṣa॑māṇāḥ / viśve॑ de॒vā a॑jahu॒rye sakhā॑yaḥ / ma॒rudbhi॑rindra sa॒khyante॑ astu

2.8.3.6
athe॒mā viśvā॒ pṛta॑nā jayāsi / vadhīvvṛm॒̐traṃ ma॑ruta indri॒yeṇa॑ / svena॒ bhāme॑na tavi॒ṣo ba॑bhū॒vān / a॒hame॒tā mana॑ve vi॒śvaśca॑ndrāḥ / su॒gā a॒paśca॑kara॒ vajra॑bāhuḥ / sa yo vṛṣā॒ vṛṣṇi॑yebhi॒ssamo॑kāḥ / ma॒ho di॒va pṛ॑thi॒vyāśca॑ sa॒mrāṭ / sa॒tī॒nasa॑tvā॒ havyo॒ bhare॑ṣu / ma॒rutvānno bhava॒tvindra॑ ū॒tī / indro॑ vṛ॒trama॑taradvṛtra॒tūrye

2.8.3.7
a॒nā॒dhṛ॒ṣyo ma॒ghavā॒ śūra॒ indraḥ॑ / anve॑na॒vvim̐śo॑ amadanta pū॒rvīḥ / a॒ya rājā॒ jaga॑taścaऱṣaṇī॒nām / sa e॒va vī॒rassa u॑ vī॒ryā॑vān / sa e॑karā॒jo jaga॑ta para॒spāḥ / ya॒dā vṛ॒tramata॑ra॒cchūra॒ indraḥ॑ / athā॑bhavaddami॒tābhikra॑tūnām / indro॑ ya॒jñavvam॒̐rdhaya॑nvi॒śvave॑dāḥ / pu॒ro॒ḍāśa॑sya juṣatā ha॒virnaḥ॑ / vṛ॒trantī॒rtvā dā॑na॒vavvam̐jra॑bāhuḥ

2.8.3.8
diśo॑'dṛhaddṛhi॒tā dṛha॑ṇena / i॒mayyam॒̐jñavvam॒̐rdhaya॑nvi॒śvave॑dāḥ / pu॒ro॒ḍāśaṃ॒ prati॑ gṛbhṇā॒tvindraḥ॑ / ya॒dā vṛ॒tramata॑ra॒cchūra॒ indraḥ॑ / athai॑karā॒jo a॑bhava॒jjanā॑nām / indro॑ de॒vāñcha॑mbara॒hatya॑ āvat / indro॑ de॒vānā॑mabhavatpuro॒gāḥ / indro॑ ya॒jñe ha॒viṣā॑ vāvṛdhā॒naḥ / vṛ॒tra॒tūrno॒ abha॑ya॒॒ śarma॑ yasat / yassa॒pta sindhū॒॒ rada॑dhātpṛthi॒vyām / yassa॒pta lo॒kānakṛ॑ṇo॒ddiśa॑śca / indro॑ ha॒viṣmā॒ntsaga॑ṇo ma॒rudbhiḥ॑ / vṛ॒tra॒tūrno॑ ya॒jñami॒hopa॑ yāsat

2.8.4.0
ha॒virno॑ dādbhabhūva rā॒tiṃ pū॒rvahū॑tāva॒rkairai॑rada॒sminpañca॑ ca

2.8.4.1
indra॒stara॑svānabhimāti॒hograḥ / hira॑ṇyavāśīriṣi॒rassu॑va॒r॒ṣāḥ / tasya॑ va॒ya su॑ma॒tau ya॒jñiya॑sya / api॑ bha॒dre sau॑mana॒se syā॑ma / hira॑ṇyavarṇo॒ abha॑yaṅkṛṇotu / a॒bhi॒mā॒ti॒hendra॒ pṛta॑nāsu ji॒ṣṇuḥ / sa na॒śśarma॑ tri॒varū॑tha॒vvim̐ ya॑sat / yū॒yaṃ pā॑ta sva॒stibhi॒ssadā॑ naḥ / indra॑ stuhi va॒jriṇa॒॒ stoma॑pṛṣṭham / pu॒ro॒ḍāśa॑sya juṣatā ha॒virnaḥ॑

2.8.4.2
ha॒tvābhimā॑tī॒ pṛta॑nā॒ssaha॑svān / athābha॑yaṅkṛṇuhi vi॒śvato॑ naḥ / stu॒hi śūra॑vvam॒̐jriṇa॒mapra॑tīttam / a॒bhi॒mā॒ti॒hanaṃ॑ puruhū॒tamindram / ya eka॒ iccha॒tapa॑ti॒rjane॑ṣu / tasmā॒ indrā॑ya ha॒virā ju॑hota / indro॑ de॒vānā॑madhi॒pā pu॒rohi॑taḥ / di॒śāṃ pati॑rabhavadvā॒jinī॑vān / a॒bhi॒mā॒ti॒hā ta॑vi॒ṣastuvi॑ṣmān / a॒smabhya॑ñci॒travvṛm̐ṣa॑ṇa ra॒yindāt

2.8.4.3
ya i॒me dyāvā॑pṛthi॒vī ma॑hi॒tvā / bale॒nādṛ॑hadabhimāti॒hendraḥ॑ / sa no॑ ha॒vi prati॑ gṛbhṇātu rā॒taye / de॒vānānde॒vo ni॑dhi॒pā no॑ avyāt / ana॑vaste॒ ratha॒vvṛm̐ṣṇe॒ yatte / indra॑sya॒ nu vī॒ryāṇyaha॒nnahim / indro॑ yā॒to'va॑sitasya॒ rājā / śama॑sya ca śṛ॒ṅgiṇo॒ vajra॑bāhuḥ / sedu॒ rājā kṣeti caऱṣaṇī॒nām / a॒rānna ne॒mi pari॒ tā ba॑bhūva

2.8.4.4
a॒bhi si॒dhmo a॑jigādasya॒ śatrūn॑ / viti॒gmena॑ vṛṣa॒bheṇā॒ puro॑bhet / savvam̐jre॑ṇāsṛjadvṛ॒tramindraḥ॑ / pra svāṃ ma॒tima॑tira॒cchāśa॑dānaḥ / viṣṇu॑nde॒vavvam̐ru॑ṇamū॒taye॒ bhagam / meda॑sā de॒vā va॒payā॑ yajadhvam / tā no॑ ya॒jñamāga॑tavvim॒̐śvadhe॑nā / pra॒jāva॑da॒sme dravi॑ṇe॒ha dha॑ttam / meda॑sā de॒vā va॒payā॑ yajadhvam / viṣṇu॑ñca de॒vavvam̐ru॑ṇañca rā॒tim

2.8.4.5
tā no॒ amī॑vā apa॒ bādha॑mānau / i॒mayyam॒̐jñañju॒ṣamā॑ṇā॒vupetam / viṣṇū॑varuṇā yu॒vama॑dhva॒rāya॑ naḥ / vi॒śe janā॑ya॒ mahi॒ śarma॑ yacchatam / dī॒rghapra॑yajjyū ha॒viṣā॑ vṛdhā॒nā / jyoti॒ṣā'rā॑tīrdahata॒ntamā॑si / yayo॒roja॑sā skabhi॒tā rajā॑si / vī॒rye॑bhirvī॒rata॑mā॒ śavi॑ṣṭhā / yā'patye॑ te॒ apra॑tīttā॒ saho॑bhiḥ / viṣṇū॑ aga॒nvaru॑ṇā pū॒rvahū॑tau

2.8.4.6
viṣṇū॑varuṇāvabhiśasti॒pāvām / de॒vā ya॑janta ha॒viṣā॑ ghṛ॒tena॑ / apāmī॑vā sedhata ra॒kṣasa॑śca / athā॑dhatta॒yyam̐ja॑mānāya॒ śayyom̐ḥ / a॒॒ho॒mucā॑ vṛṣa॒bhā su॒pratūrtī / de॒vānānde॒vata॑mā॒ śaci॑ṣṭhā / viṣṇū॑varuṇā॒ prati॑haryatannaḥ / i॒dannarā॒ praya॑tamū॒taye॑ ha॒viḥ / ma॒hī nu dyāvā॑pṛthi॒vī i॒ha jyeṣṭhe / ru॒cā bha॑vatā śu॒caya॑dbhira॒rkaiḥ

2.8.4.7
yatsī॒vvam̐ri॑ṣṭhe bṛha॒tī vi॑mi॒nvann / nṛ॒vadbhyo॒kṣā pa॑prathā॒nebhi॒revaiḥ / prapūrva॒je pi॒tarā॒ navya॑sībhiḥ / gī॒rbhi kṛ॑ṇudhva॒॒ sada॑ne ṛ॒tasya॑ / ā no dyāvāpṛthivī॒ daivye॑na / jane॑na yātaṃ॒ mahi॑ vā॒vvam̐rū॑tham / sa itsvapā॒ bhuva॑neṣvāsa / ya i॒me dyāvā॑pṛthi॒vī ja॒jāna॑ / u॒rvī ga॑bhī॒re raja॑sī su॒meke / a॒va॒॒śe dhīra॒śśacyā॒ samai॑rat

2.8.4.8
bhūri॒ndve aca॑rantī॒ cara॑ntam / pa॒dvanta॒ṅgarbha॑ma॒padī॑dadhāte / nitya॒nna sū॒nuṃ pi॒troru॒pasthe / taṃ pi॑pṛta rodasī satya॒vācam / i॒dandyā॑vāpṛthivī sa॒tyama॑stu / pita॒rmāta॒ryadi॒hopa॑ bru॒ve vām / bhū॒tande॒vānā॑mava॒me avo॑bhiḥ / vidyāme॒ṣavvṛm॒̐jana॑ñjī॒ra- dā॑num / u॒rvī pṛ॒thvī ba॑hu॒le dū॒re a॑nte / upa॑ bruve॒ nama॑sā ya॒jñe a॒sminn / dadhā॑te॒ ye su॒bhage॑ su॒pratūrtī / dyāvā॒ rakṣa॑taṃ pṛthi॒vī no॒ abhvāt / yā jā॒tā oṣa॑dha॒yo'ti॒ viśvā pari॒ṣṭhāḥ / yā oṣa॑dhaya॒ssoma॑rājñīraśvāva॒tī so॑mava॒tīm / oṣa॑dhī॒riti॑ mātaro॒'nyā vo॑ a॒nyāma॑vatu

2.8.5.0
va॒rāhairvi॒śvahā॑'janiṣṭa pū॒ṣodvarī॑vṛjatkhā॒dayo॑ va pā॒ntyastyā॒bhirnava॑ ca

2.8.5.1
śuci॒nnu stoma॒॒ śñatha॑dvṛ॒tram / u॒bhā vā॑mindrāgnī॒ pra ca॑ऱṣa॒ṇibhyaḥ॑ / ā vṛ॑trahaṇā gī॒rbhirvipraḥ॑ / brahma॑ṇaspate॒ tvama॒sya ya॒ntā / sū॒ktasya॑ bodhi॒ tana॑yañca jinva / viśva॒ntadbha॒drayyam̐da॒vanti॑ de॒vāḥ / bṛ॒hadva॑dema vi॒dathe॑ su॒vīrāḥ / sa ī॑ sa॒tyebhi॒ssakhi॑bhiśśu॒cadbhiḥ॑ / godhā॑yasa॒vvim̐dha॑na॒saira॑tardat / brahma॑ṇa॒spati॒rvṛṣa॑bhirva॒rāhaiḥ

2.8.5.2
gha॒rmasve॑debhi॒rdravi॑ṇa॒vvyām̐॑naṭ / brahma॑ṇa॒spate॑rabhavadyathāva॒śam / sa॒tyo ma॒nyurmahi॒ karmā॑ kariṣya॒taḥ / yo gā u॒dāja॒tsa di॒ve vi cā॑bhajat / ma॒hīva॑ rī॒tiśśava॑sā sara॒tpṛtha॑k / indhā॑no a॒gnim̐vva॑navadvanuṣya॒taḥ / kṛ॒tabra॑hmā śūśuvadrā॒taha॑vya॒ it / jā॒tena॑ jā॒tamati॒sṛtpra sṛ॑sate / yayyam॒̐yyum̐ja॑ṅkṛṇu॒te brahma॑ṇa॒spatiḥ॑ / brahma॑ṇaspate su॒yama॑sya vi॒śvahā

2.8.5.3
rā॒yassyā॑ma ra॒thyo॑ viva॑svataḥ / vī॒reṣu॑ vī॒rā upa॑pṛṅgdhi na॒stvam / yadīśā॑no॒ brahma॑ṇā॒ veṣi॑ me॒ havam / sa ijjane॑na॒ sa vi॒śā sa janma॑nā / sa pu॒trairvājaṃ॑ bharate॒ dhanā॒ nṛbhiḥ॑ / de॒vānā॒yyam̐ pi॒tara॑mā॒ vivā॑sati / śra॒ddhāma॑nā ha॒viṣā॒ brahma॑ṇa॒spatim / yāste॑ pūṣa॒nnāvo॑ a॒ntaḥ / śu॒krante॑ a॒nyatpū॒ṣemā āśāḥ / prapa॑the pa॒thāma॑janiṣṭa pū॒ṣā

2.8.5.4
prapa॑the di॒va prapa॑the pṛthi॒vyāḥ / u॒bhe a॒bhi pri॒yata॑me sa॒dhasthe / ā ca॒ parā॑ ca carati prajā॒nann / pū॒ṣā su॒bandhu॑rdi॒va ā pṛ॑thi॒vyāḥ / i॒ḍaspati॑rma॒ghavā॑ da॒smava॑rcāḥ / tande॒vāso॒ ada॑dussū॒ryāyai / kāme॑na kṛ॒tanta॒vasa॒॒ svañcam / a॒jā'śva॑ paśu॒pā vāja॑bastyaḥ / dhi॒ya॒ñji॒nvo viśve॒ bhuva॑ne॒ arpi॑taḥ / aṣṭrāṃ pū॒ṣā śi॑thi॒rāmu॒dvarī॑vṛjat

2.8.5.5
sa॒ñcakṣā॑ṇo॒ bhuva॑nā de॒va ī॑yate / śucī॑ vo ha॒vyā ma॑ruta॒śśucī॑nām / śuci॑ hinomyadhva॒ra śuci॑bhyaḥ / ṛ॒tena॑ sa॒tyamṛta॒sāpa॑ āyann / śuci॑janmāna॒śśuca॑ya pāva॒kāḥ / pra ci॒trama॒rkaṅgṛ॑ṇa॒te tu॒rāya॑ / māru॑tāya॒ svata॑vase bharadhvam / ye sahā॑si॒ saha॑sā॒ saha॑nte / reja॑te agne pṛthi॒vī ma॒khebhyaḥ॑ / ase॒ṣvā ma॑ruta khā॒dayo॑ vaḥ

2.8.5.6
vakṣa॑ssuru॒kmā upa॑ śiśriyā॒ṇāḥ / vi vi॒dyuto॒ na vṛ॒ṣṭibhī॑ rucā॒nāḥ / anu॑ sva॒dhāmāyu॑dhai॒ryaccha॑mānāḥ / yā va॒śśarma॑ śaśamā॒nāya॒ santi॑ / tri॒dhātū॑ni dā॒śuṣe॑ yaccha॒tādhi॑ / a॒smabhya॒ntāni॑ maruto॒ viya॑nta / ra॒yinno॑ dhatta vṛṣaṇassu॒vīram / i॒me tu॒raṃ ma॒ruto॑ rāmayanti / i॒me saha॒ssaha॑sa॒ ā na॑manti / i॒me śasa॑vvam̐nuṣya॒to ni pānti

2.8.5.7
gu॒rudveṣo॒ ara॑ruṣe dadhanti / a॒rā i॒vedaca॑ramā॒ ahe॑va / prapra॑ jāyante॒ aka॑vā॒ maho॑bhiḥ / pṛśñe pru॒trā u॑pa॒māso॒ rabhi॑ṣṭhāḥ / svayā॑ ma॒tyā ma॒ruta॒ssaṃ mi॑mikṣuḥ / anu॑ te dāyi ma॒ha i॑ndri॒yāya॑ / sa॒trā te॒ viśva॒manu॑ vṛtra॒hatye / anu॑ kṣa॒tramanu॒ saho॑ yajatra / indra॑ de॒vebhi॒ranu॑ te nṛ॒ṣahye / ya indra॒ śuṣmo॑ maghavante॒ asti॑

2.8.5.8
śikṣā॒ sakhi॑bhya puruhūta॒ nṛbhyaḥ॑ / tva hi dṛ॒ḍhā ma॑ghava॒nvice॑tāḥ / apā॑vṛdhi॒ pari॑vṛti॒nna rādhaḥ॑ / indro॒ rājā॒ jaga॑taścar‌ṣaṇī॒nām / a॒dhi॒kṣami॒ viṣu॑rūpa॒yyam̐dasti॑ / tato॑ dadātu dā॒śuṣe॒ vasū॑ni / coda॒drādha॒ upa॑stutaścida॒rvāk / tamu॑ṣṭuhi॒ yo a॒bhibhūtyojāḥ / va॒nvannavā॑ta puruhū॒ta indraḥ॑ / aṣā॑ḍhamu॒gra saha॑mānamā॒bhiḥ

2.8.5.9
gī॒rbhirva॑rdha vṛṣa॒bhañca॑ऱṣaṇī॒nām / sthū॒rasya॑ rā॒yo bṛ॑ha॒to ya īśe / tamu॑ ṣṭavāma vi॒dathe॒ṣvindram / yo vā॒yunā॒ jaya॑ti॒ goma॑tīṣu / pra dhṛ॑ṣṇu॒yā na॑yati॒ vasyo॒ accha॑ / ā te॒ śuṣmo॑ vṛṣa॒bha e॑tu pa॒ścāt / otta॒rāda॑dha॒rāgā pu॒rastāt / ā vi॒śvato॑ a॒bhisametva॒rvāṅ / indra॑ dyu॒mna suva॑rvaddhehya॒sme

2.8.6.0
vasū॑ni tatānāstu॒ viśvān॑ vavṛtyāvvam̐varti ghṛ॒tena॒ viṣū॑cīśśru॒tandve ca॑

2.8.6.1
ā de॒vo yā॑tu savi॒tā su॒ratnaḥ॑ / a॒nta॒ri॒kṣa॒prā vaha॑māno॒ aśvaiḥ / haste॒ dadhā॑no॒ naryā॑ pu॒rūṇi॑ / ni॒ve॒śaya॑ñca prasu॒vañca॒ bhūma॑ / a॒bhīvṛ॑ta॒ṅkṛśa॑nairvi॒śvarū॑pam / hira॑ṇyaśamyayyam̐ja॒to bṛ॒hantam / āsthā॒dratha॑ savi॒tā ci॒trabhā॑nuḥ / kṛ॒ṣṇā rajā॑ si॒ tavi॑ṣī॒ndadhā॑naḥ / saghā॑ no de॒vassa॑vi॒tā sa॒vāya॑ / ā sā॑viṣa॒dvasu॑pati॒rvasū॑ni

2.8.6.2
vi॒śraya॑māṇo॒ ama॑timurū॒cīm / ma॒rta॒bhoja॑na॒madha॑rāsatena / vijanāñchyā॒vāśśi॑ti॒pādo॑ akhyann / ratha॒॒ hira॑ṇyaprauga॒vvam̐ha॑ntaḥ / śaśva॒ddiśa॑ssavi॒turdaivya॑sya / u॒pasthe॒ viśvā॒ bhuva॑nāni tasthuḥ / vi su॑pa॒rṇo a॒ntari॑kṣāṇyakhyat / ga॒bhī॒rave॑pā॒ asu॑rassunī॒thaḥ / kve॑dānī॒॒ sūrya॒ kaści॑keta / ka॒ta॒māndyā ra॒śmira॒syā ta॑tāna

2.8.6.3
bhaga॒ndhiya॑vvām॒̐jaya॑nta॒ pura॑ndhim / narā॒śaso॒ gnāspati॑rno avyāt / ā ye vā॒masya॑ saṅga॒the ra॑yī॒ṇām / pri॒yā de॒vasya॑ savi॒tussyā॑ma / ā no॒ viśve॒ askrā॑gamantu de॒vāḥ / mi॒tro a॑rya॒mā varu॑ṇassa॒joṣāḥ / bhuva॒n॒ yathā॑ no॒ viśve॑ vṛ॒dhāsaḥ॑ / karantsu॒ṣāhā॑ vithu॒ranna śavaḥ॑ / śanno॑ de॒vā vi॒śvade॑vā bhavantu / śa sara॑svatī sa॒ha dhī॒bhira॑stu

2.8.6.4
śama॑bhi॒ṣāca॒śśamu॑ rāti॒ṣācaḥ॑ / śanno॑ di॒vyā pārthi॑vā॒śśanno॒ apyāḥ / ye sa॑vi॒tussa॒tyasa॑vasya॒ viśve / mi॒trasya॑ vra॒te varu॑ṇasya de॒vāḥ / te saubha॑gam̐vvī॒rava॒dgoma॒dapnaḥ॑ / dadhā॑tana॒ dravi॑ṇañci॒trama॒sme / agne॑ yā॒hi dū॒tya॑vvām̐ri॑ṣeṇyaḥ / de॒vā acchā brahma॒kṛtā॑ ga॒ṇena॑ / sara॑svatīṃ ma॒ruto॑ a॒śvinā॒paḥ / ya॒kṣi॒ de॒vānra॑tna॒dheyā॑ya॒ viśvān॑

2.8.6.5
dyau pi॑ta॒ pṛthi॑vi॒ māta॒radhru॑k / agne bhrātarvasavo mṛ॒ḍatā॑ naḥ / viśva॑ ādityā adite sa॒joṣāḥ / a॒smabhya॒॒ śarma॑ bahu॒lavvim̐ ya॑nta / viśve॑ devāśśṛṇu॒tema havaṃ॑ me / ye a॒ntari॑kṣe॒ ya upa॒ dyavi॒ ṣṭha / ye a॑gniji॒hvā u॒ta vā॒ yaja॑trāḥ / ā॒sadyā॒sminba॒r॒hiṣi॑ mādayadhvam / ā vāṃ mitrāvaruṇā ha॒vyaju॑ṣṭim / nama॑sā devā॒vava॑sāvavṛtyām

2.8.6.6
a॒smākaṃ॒ brahma॒ pṛta॑nāsu sahyā a॒smākam / vṛ॒ṣṭirdi॒vyā su॑pā॒rā / yu॒vavvam̐strā॑ṇi pīva॒sā va॑sāthe / yu॒voracchi॑drā॒ manta॑vo ha॒ sargāḥ / avā॑tirata॒manṛ॑tāni॒ viśvā / ṛ॒tena॑ mitrāvaruṇā sacethe / tatsu vāṃ mitrāvaruṇā mahi॒tvam / ī॒rmā ta॒sthuṣī॒raha॑bhirduduhre / viśvā pinvatha॒ svasa॑rasya॒ dhenāḥ / anu॑ vā॒meka॑ pa॒virā va॑varti

2.8.6.7
yadbahi॑ṣṭha॒nnāti॒ vide॑ sudānū / acchi॑dra॒॒ śarma॒ bhuva॑nasya gopā / tato॑ no mitrāvaruṇāvavīṣṭam / siṣā॑santo jī(ji?)gi॒vāsa॑ssyāma / ā no mitrāvaruṇā ha॒vyadā॑tim / ghṛ॒tairgavyū॑timukṣata॒miḍā॑bhiḥ / prati॑ vā॒matra॒ vara॒mā janā॑ya / pṛ॒ṇī॒tamu॒dno di॒vyasya॒ cāroḥ / pra bā॒havā॑ sisṛtañjī॒vase॑ naḥ / ā no॒ gavyū॑timukṣataṅghṛ॒tena॑

2.8.6.8
ā no॒ jane śravayatayyum̐vānā / śru॒taṃ me॑ mitrāvaruṇā॒ have॒mā / i॒mā ru॒drāya॑ sthi॒radha॑nvane॒ giraḥ॑ / kṣi॒preṣa॑ve de॒vāya॑ sva॒dhāmne / aṣā॑ḍhāya॒ saha॑mānāya mī॒ḍhuṣe / ti॒gmāyu॑dhāya bharatā śṛ॒ṇota॑na / tvāda॑ttebhī rudra॒ śanta॑mebhiḥ / śa॒ta himā॑ aśīya bheṣa॒jebhiḥ॑ / vya॑smaddveṣo॑ vita॒ravvyam̐haḥ॑ / vyamī॑vāścātayasvā॒ viṣū॑cīḥ

2.8.6.9
aऱha॑nbibhaऱṣi॒ mā na॑sto॒ke / ā te॑ pitarmarutā su॒mname॑tu / mā na॒ssūrya॑sya sa॒ndṛśo॑ yuyothāḥ / a॒bhi no॑ vī॒ro arva॑ti kṣameta / pra jā॑yemahi rudra pra॒jābhiḥ॑ / e॒vā ba॑bhro vṛṣabha cekitāna / yathā॑ deva॒ na hṛ॑ṇī॒ṣe na hasi॑ / hā॒va॒na॒śrūrno॑ rudre॒ha bo॑dhi / bṛ॒hadva॑dema vi॒dathe॑ su॒vīrāḥ / pari॑ ṇo ru॒drasya॑ he॒tisstu॒hi śru॒tam / mīḍhu॑ṣṭa॒māऱha॑nbibhaऱṣi / tvama॑gne ru॒dra ā vo॒ rājā॑nam

2.8.7.0
ja॒bhā॒ra॒ dyaura॒gneru॒pastha॑ upa॒kṣyanto॑ badbadhā॒no va॒dhvā॑ yāda॑mānassamu॒dre'ha॑sa॒ prasthi॑tasya

2.8.7.1
sūryo॑ de॒vīmu॒ṣasa॒॒ roca॑mānā॒maryaḥ॑ / na yoṣā॑ma॒bhye॑ti pa॒ścāt / yatrā॒ naro॑ deva॒yanto॑ yu॒gāni॑ / vi॒ta॒nvate॒ prati॑ bha॒drāya॑ bha॒dram / bha॒drā aśvā॑ ha॒rita॒ssūrya॑sya / ci॒trā eda॑gvā anu॒mādyā॑saḥ / na॒ma॒syanto॑ di॒va ā pṛ॒ṣṭhama॑sthuḥ / pari॒ dyāvā॑pṛthi॒vī ya॑nti sa॒dyaḥ / tatsūrya॑sya deva॒tvantanma॑hi॒tvam / ma॒dhyā karto॒rvita॑ta॒॒ sañja॑bhāra

2.8.7.2
ya॒dedayu॑kta ha॒rita॑ssa॒dhasthāt / ādrātrī॒ vāsa॑stanute si॒masmai / tanmi॒trasya॒ varu॑ṇasyābhi॒cakṣe / sūryo॑ rū॒paṅkṛ॑ṇute॒ dyoru॒pasthe / a॒na॒ntama॒nyadruśa॑dasya॒ pājaḥ॑ / kṛ॒ṣṇama॒nyaddha॒rita॒ssaṃ bha॑ranti / a॒dyā de॑vā॒ udi॑tā॒ sūrya॑sya / niraha॑sa pipṛ॒tānnira॑va॒dyāt / tanno॑ mi॒tro varu॑ṇo māmahantām / adi॑ti॒ssindhu॑ pṛthi॒vī u॒ta dyauḥ

2.8.7.3
di॒vo ru॒kma u॑ru॒cakṣā॒ ude॑ti / dū॒re a॑rthasta॒raṇi॒rbhrāja॑mānaḥ / nū॒nañjanā॒ssūrye॑ṇa॒ prasū॑tāḥ / āyannarthā॑ni kṛ॒ṇava॒nnapā॑si / śanno॑ bhava॒ cakṣa॑sā॒ śanno॒ ahnā / śaṃ bhā॒nunā॒ śa hi॒mā śaṅghṛ॒ṇena॑ / yathā॒ śama॒smai śamasa॑dduro॒ṇe / tatsūrya॒ dravi॑ṇandhe॒hi ci॒tram / ci॒trande॒vānā॒muda॑gā॒danī॑kam / cakṣu॑rmi॒trasya॒ varu॑ṇasyā॒gneḥ

2.8.7.4
āprā॒ dyāvā॑pṛthi॒vī a॒ntari॑kṣam / sūrya॑ ā॒tmā jaga॑tasta॒sthuṣa॑śca / tvaṣṭā॒ dadha॒ttanna॑stu॒rīpam / tvaṣṭā॑ vī॒raṃ pi॒śaṅga॑rūpaḥ / daśe॒mantvaṣṭu॑rjanayanta॒ garbham / ata॑ndrāso yuva॒tayo॒ bibha॑rtram / ti॒gmānī॑ka॒॒ svaya॑śasa॒ñjane॑ṣu / vi॒roca॑mānaṃ॒ pari॑ṣīnnayanti / āviṣṭyo॑ vardhate॒ cāru॑rāsu / ji॒hmānā॑mū॒rdhvasvaya॑śā u॒pasthe

2.8.7.5
u॒bhe tvaṣṭu॑rbibhyatu॒rjāya॑mānāt / pra॒tīcī॑ si॒॒haṃ prati॑joṣayete / mi॒tro janā॒npra sa mi॑tra / a॒yaṃ mi॒tro na॑ma॒sya॑ssu॒śevaḥ॑ / rājā॑ sukṣa॒tro a॑janiṣṭa ve॒dhāḥ / tasya॑ va॒ya su॑ma॒tau ya॒jñiya॑sya / api॑ bha॒dre sau॑mana॒se syā॑ma / a॒na॒mī॒vāsa॒ iḍa॑yā॒ mada॑ntaḥ / mi॒tajma॑vo॒ vari॑ma॒nnā pṛ॑thi॒vyāḥ / ā॒di॒tyasya॑ vra॒tamu॑pa॒kṣyantaḥ॑

2.8.7.6
va॒yaṃ mi॒trasya॑ suma॒tau syā॑ma / mi॒tranna ī śimyā॒ goṣu॑ ga॒vyava॑t / svā॒dhiyo॑ vi॒dathe॑ a॒phsvajī॑janann / are॑jayatā॒॒ roda॑sī॒ pāja॑sā gi॒rā / prati॑ pri॒yayyam̐॑ja॒tañja॒nuṣā॒mavaḥ॑ / ma॒hā ā॑di॒tyo nama॑sopa॒sadyaḥ॑ / yā॒ta॒yajja॑no gṛṇa॒te su॒śevaḥ॑ / tasmā॑ e॒tatpanya॑tamāya॒ juṣṭam / a॒gnau mi॒trāya॑ ha॒virā ju॑hota / ā vā॒॒ ratho॒ roda॑sī badbadhā॒naḥ

2.8.7.7
hi॒ra॒ṇyayo॒ vṛṣa॑bhiryā॒tvaśvaiḥ / ghṛ॒tava॑rtani pa॒vibhī॑rucā॒naḥ / i॒ṣāvvom॒̐ḍhā nṛ॒pati॑rvā॒jinī॑vān / sa pa॑prathā॒no a॒bhi pañca॒ bhūma॑ / tri॒va॒ndhu॒ro mana॒sāyā॑tu yu॒ktaḥ / viśo॒ yena॒ gaccha॑tho deva॒yantīḥ / kutrā॑ ci॒dyāma॑maśvinā॒ dadhā॑nā / svaśvā॑ ya॒śasā''yā॑tama॒rvāk / dasrā॑ ni॒dhiṃ madhu॑mantaṃ pibāthaḥ / vi vā॒॒ ratho॑ va॒dhvā॑ yāda॑mānaḥ

2.8.7.8
antāndi॒vo bā॑dhate varta॒nibhyām / yu॒vośśriyaṃ॒ pari॒ yoṣā॑vṛṇīta / sūro॑ duhi॒tā pari॑takmiyāyām / yadde॑va॒yanta॒mava॑tha॒śśacī॑bhiḥ / pari॑ghra॒॒ savāṃ॒ manā॑vā॒vvam̐yo॑gām / yo ha॒syavā॑ rathirā॒vasta॑ u॒srāḥ / ratho॑ yujā॒na pa॑ri॒yāti॑ va॒rtiḥ / tena॑ na॒śśam̐yyoru॒ṣaso॒ vyu॑ṣṭau / nya॑śvinā vahatayyam॒̐jñe a॒sminn / yu॒vaṃ bhu॒jyumava॑viddha samu॒dre

2.8.7.9
udū॑hathu॒rarṇa॑so॒ asri॑dhānaiḥ / pa॒ta॒tribhi॑raśra॒maira॑vya॒thibhiḥ॑ / da॒॒sanā॑bhiraśvinā pā॒raya॑ntā / agnī॑ṣomā॒ yo a॒dya vām / i॒davvam̐ca॑ssapa॒ryati॑ / tasmai॑ dhatta su॒vīryam / gavāṃ॒ poṣa॒॒ svaśvi॑yam / yo a॒gnīṣomā॑ ha॒viṣā॑ sapa॒ryāt / de॒va॒drīcā॒ mana॑sā॒ yo ghṛ॒tena॑ / tasya॑ vra॒ta ra॑kṣataṃ pā॒tamaha॑saḥ

2.8.7.10
vi॒śe janā॑ya॒ mahi॒ śarma॑ yacchatam / agnī॑ṣomā॒ ya āhu॑tim / yo vā॒ndāśāddha॒viṣkṛ॑tim / sa pra॒jayā॑ su॒vīryam / viśva॒māyu॒rvya॑śñavat / agnī॑ṣomā॒ ceti॒ tadvī॒rya॑vvām̐m / yadamu॑ṣṇītamava॒saṃ pa॒ṇiṅgoḥ / avā॑tirataṃ॒ pratha॑yasya॒ śeṣaḥ॑ / avi॑ndata॒ñjyoti॒rekaṃ॑ ba॒hubhyaḥ॑ / agnī॑ṣomāvi॒ma su me'gnī॑ṣomā ha॒viṣa॒ prasthi॑tasya

2.8.8.0
ca॒rā॒mi॒ kanī॑yo॒'nyānarpi॑tā pa॒dāni॒ yajva॑su havāmahe vi॒ṣṭhā lo॒kāssu॒vīra॒marvā॒ piba॑ntī॒ṣṣaṭca॑

2.8.8.1
a॒hama॑smi prathama॒jā ṛ॒tasya॑ / pūrva॑nde॒vebhyo॑ a॒mṛta॑sya॒ nābhiḥ॑ / yo mā॒ dadā॑ti॒ sa ide॒vamāvāḥ / a॒hamanna॒manna॑na॒danta॑madmi / pūrva॑ma॒gnerapi॑ daha॒tyannam / ya॒ttau hā॑sāte ahamutta॒reṣu॑ / vyātta॑masya pa॒śava॑ssu॒jambham / paśya॑nti॒ dhīrāḥ॒ praca॑ranti॒ pākāḥ / jahāmya॒nyanna ja॑hāmya॒nyam / a॒hamanna॒vvam̐śa॒micca॑rāmi

2.8.8.2
sa॒mā॒namarthaṃ॒ parye॑mi bhu॒ñjat / ko māmannaṃ॑ manu॒ṣyo॑ dayeta / parā॑ke॒ anna॒nnihi॑tallom॒̐ka e॒tat / viśvairde॒vai pi॒tṛbhi॑rgu॒ptamannam / yada॒dyate॑ lu॒pyate॒ yatpa॑ro॒pyate / śa॒ta॒ta॒mī sā ta॒nūrme॑ babhūva / ma॒hāntau॑ ca॒rū sa॑kṛddu॒gdhena॑ paprau / diva॑ñca॒ pṛśñi॑ pṛthi॒vīñca॑ sā॒kam / tatsaṃ॒piba॑nto॒ na mi॑nanti ve॒dhasaḥ॑ / naitadbhūyo॒ bhava॑ti॒ no kanī॑yaḥ

2.8.8.3
annaṃ॑ prā॒ṇamanna॑mapā॒namā॑huḥ / annaṃ॑ mṛ॒tyuntamu॑ jī॒vātu॑māhuḥ / annaṃ॑ bra॒hmāṇo॑ ja॒rasa॑vvam̐danti / anna॑māhu pra॒jana॑naṃ pra॒jānām / mogha॒manna॑vvim̐ndate॒ apra॑cetāḥ / sa॒tyaṃ bra॑vīmi va॒dha itsa tasya॑ / nārya॒maṇaṃ॒ puṣya॑ti॒ no sakhā॑yam / keva॑lāgho bhavati kevalā॒dī / a॒haṃ me॒ghassta॒naya॒nvaऱऱ़ṣa॑nnasmi / māma॑dantya॒hama॑dmya॒nyān

2.8.8.4
a॒ha sada॒mṛto॑ bhavāmi / madā॑di॒tyā adhi॒ sarve॑ tapanti / de॒vīvvām̐ca॑majanayanta॒ yadvāgvada॑ntī / a॒na॒ntāmantā॒dadhi॒ nirmi॑tāṃ ma॒hīm / yasyānde॒vā a॑dadhu॒rbhoja॑nāni / ekākṣarāndvi॒padā॒॒ ṣaṭpa॑dāñca / vāca॑nde॒vā upa॑ jīvanti॒ viśve / vāca॑nde॒vā upa॑ jīvanti॒ viśve / vāca॑ṅgandha॒rvā pa॒śavo॑ manu॒ṣyāḥ / vā॒cīmā viśvā॒ bhuva॑nā॒nyarpi॑tā

2.8.8.5
sā no॒ hava॑ñjuṣatā॒mindra॑patnī / vāga॒kṣaraṃ॑ prathama॒jā ṛ॒tasya॑ / vedā॑nāṃ mā॒tā'mṛta॑sya॒ nābhiḥ॑ / sā no॑ juṣā॒ṇopa॑ ya॒jñamāgāt / ava॑ntī de॒vī su॒havā॑ me astu / yāmṛṣa॑yo mantra॒kṛto॑ manī॒ṣiṇaḥ॑ / a॒nvaiccha॑nde॒vāstapa॑sā॒ śrame॑ṇa / tānde॒vīvvām̐ca॑ ha॒viṣā॑ yajāmahe / sā no॑ dadhātu sukṛ॒tasya॑ lo॒ke / ca॒tvāri॒ vākpari॑mitā pa॒dāni॑

2.8.8.6
tāni॑ vidurbrāhma॒ṇā ye ma॑nī॒ṣiṇaḥ॑ / guhā॒ trīṇi॒ nihi॑tā॒ neṅga॑yanti / tu॒rīya॑vvām॒̐co ma॑nu॒ṣyā॑ vadanti / śra॒ddhayā॒'gnissami॑dhyate / śra॒ddhayā॑ vindate ha॒viḥ / śra॒ddhāṃ bhaga॑sya mū॒rdhani॑ / vaca॒sā ve॑dayāmasi / pri॒ya śra॑ddhe॒ dada॑taḥ / pri॒ya śra॑ddhe॒ didā॑sataḥ / pri॒yaṃ bho॒jeṣu॒ yajva॑su

2.8.8.7
i॒daṃ ma॑ udi॒taṅkṛ॑dhi / yathā॑ de॒vā asu॑reṣu / śra॒ddhāmu॒greṣu॑ cakri॒re / e॒vaṃ bho॒jeṣu॒ yajva॑su / a॒smāka॑mudi॒taṅkṛ॑dhi / śra॒ddhānde॑vā॒ yaja॑mānāḥ / vā॒yugo॑pā॒ upā॑sate / śra॒ddhā hṛ॑da॒yya॑yā''kūtyā / śra॒ddhayā॑ hūyate ha॒viḥ / śra॒ddhāṃ prā॒taऱha॑vāmahe

2.8.8.8
śra॒ddhāṃ ma॒dhyandi॑naṃ॒ pari॑ / śra॒ddhā sūrya॑sya ni॒mruci॑ / śraddhe॒ śraddhā॑paye॒ha mā / śra॒ddhā de॒vānadhi॑ vaste / śra॒ddhā viśva॑mi॒dañjaga॑t / śra॒ddhāṅkāma॑sya mā॒taram / ha॒viṣā॑ vardhayāmasi / brahma॑ jajñā॒naṃ pra॑tha॒maṃ pu॒rastāt / vi sī॑ma॒tassu॒ruco॑ ve॒na ā॑vaḥ / sa bu॒dhniyā॑ upa॒ mā a॑sya vi॒ṣṭhāḥ

2.8.8.9
sa॒taśca॒ yoni॒masa॑taśca॒ vivaḥ॑ / pi॒tā vi॒rājā॑mṛṣa॒bho ra॑yī॒ṇām / a॒ntari॑kṣavvim॒̐śvarū॑pa॒ āvi॑veśa / tama॒rkaira॒bhya॑rcanti va॒tsam / brahma॒ santaṃ॒ brahma॑ṇā va॒rdhaya॑ntaḥ / brahma॑ de॒vāna॑janayat / brahma॒ viśva॑mi॒dañjaga॑t / brahma॑ṇaḥ kṣa॒trannirmi॑tam / brahma॑ brāhma॒ṇa ā॒tmanā / a॒ntara॑sminni॒me lo॒kāḥ

2.8.8.10
a॒ntarviśva॑mi॒dañjaga॑t / brahmai॒va bhū॒tānā॒ñjyeṣṭham / tena॒ ko॑'ऱhati॒ spardhi॑tum / brahma॑nde॒vāstraya॑striśat / brahma॑nnindraprajāpa॒tī / brahma॑n ha॒ viśvā॑ bhū॒tāni॑ / nā॒vīvā॒ntassa॒māhi॑tā / cata॑sra॒ āśā॒ praca॑rantva॒gnayaḥ॑ / i॒manno॑ ya॒jñanna॑yatu prajā॒nann / ghṛ॒taṃ pinva॑nna॒jara॑ su॒vīram

2.8.8.12
brahma॑ sa॒midbha॑va॒tyāhu॑tīnām / ā gāvo॑ agmannu॒ta bha॒drama॑krann / sīda॑ntu go॒ṣṭhe ra॒ṇaya॑ntva॒sme / pra॒jāva॑tī puru॒rūpā॑ i॒ha syuḥ / indrā॑ya pū॒rvīru॒ṣaso॒ duhā॑nāḥ / indro॒ yajva॑ne pṛṇa॒te ca॑ śikṣati / upedda॑dāti॒ na svaṃ mu॑ṣāyati / bhūyo॑bhūyo ra॒yamida॑sya va॒rdhayann॑ / abhi॑nne khi॒lle ni da॑dhāti deva॒yum / na tā na॑śanti॒ na tā arvā

2.8.8.13
gāvo॒ bhago॒ gāva॒ indro॑ me acchāt / gāva॒ssoma॑sya pratha॒masya॑ bha॒kṣaḥ / i॒mā yā gāva॒ssaja॑nāsa॒ indraḥ॑ / i॒cchāmīddhṛ॒dā mana॑sā ci॒dindram / yū॒yaṅgā॑vo medayathā kṛ॒śañci॑t / a॒ślī॒lañci॑tkṛṇuthā su॒pratī॑kam / bha॒draṅgṛ॒haṅkṛ॑ṇutha bhadravācaḥ / bṛ॒hadvo॒ vaya॑ ucyate sa॒bhāsu॑ / pra॒jāva॑tīssū॒yava॑sa ri॒śantīḥ / śu॒ddhā a॒passu॑prapā॒ṇe piba॑ntīḥ / mā va॑sste॒na ī॑śata॒ mā'ghaśa॑saḥ / pari॑ vo he॒tī ru॒drasya॑ vṛñjyāt / upe॒damu॑pa॒parca॑nam / ā॒su goṣūpa॑pṛcyatām / upa॑ऱṣa॒bhasya॒ reta॑si / upendra॒ tava॑ vī॒rye

2.8.9.0
vi॒ca॒kṣa॒ṇā vi॑cartu॒ra śarma॒nnadhi॑ vi॒sarja॑nāya॒ brahma॒ vanaṃ॒ brahma॒ sa vṛ॒kṣa ā॑sīttu॒raści॑ddevā॒ prapī॑nā॒ eka॑ñca

2.8.9.1
tā sūryācandra॒masā॑ viśva॒bhṛtta॑mā ma॒hat / tejo॒ vasu॑madrājato di॒vi / sāmātmānā caratassāmacā॒riṇā / yayorvra॒tanna ma॒me jātu॑ de॒vayoḥ / u॒bhāvantau॒ pari॑ yāta॒ armyā / di॒vo na ra॒śmī sta॑nu॒to vya॑rṇa॒ve / u॒bhā bhu॑va॒ntī bhuva॑nā ka॒vikra॑tū / sūryā॒ na ca॒ndrā ca॑rato ha॒tāma॑tī / patī dyu॒madvi॑śva॒vidā॑ u॒bhā di॒vaḥ / sūryā॑ u॒bhā ca॒ndrama॑sā vicakṣa॒ṇā

2.8.9.2
vi॒śvavā॑rā varivo॒bhā vareṇyā / tā no॑'vataṃ mati॒mantā॒ mahi॑vratā / vi॒śva॒vapa॑rī pra॒tara॑ṇā tara॒ntā / su॒va॒rvidā॑ dṛ॒śaye॒ bhūri॑raśmī / sūryā॒ hi ca॒ndrā vasu॑ tve॒ṣada॑rśatā / ma॒na॒svino॒bhānu॑cara॒tonu॒ sandivam / a॒sya śravo॑ na॒dya॑ssa॒pta bi॑bhrati / dyāvā॒ kṣāmā॑ pṛthi॒vī da॑ऱśa॒tavvam̐puḥ॑ / a॒sme sūryācandra॒masā॑'bhi॒cakṣe / śra॒ddhekami॑ndra carato vicartu॒ram

2.8.9.3
pū॒rvā॒pa॒rañca॑rato mā॒yayai॒tau / śiśū॒ krīḍa॑ntau॒ pari॑ yāto adhva॒ram / viśvānya॒nyo bhuva॑nā'bhi॒ caṣṭe / ṛ॒tūna॒nyo vi॒dadha॑jjāyate॒ punaḥ॑ / hira॑ṇyavarṇā॒śśuca॑ya pāva॒kā yāsā॒॒ rājā / yāsānde॒vāśśi॒vena॑ mā॒ cakṣu॑ṣā paśyata / āpo॑ bha॒drā āditpa॑śyāmi / nāsa॑dāsī॒nno sadā॑sītta॒dānīm / nāsī॒drajo॒ no vyo॑mā pa॒ro yat / kimāva॑rīvaḥ॒ kuha॒ kasya॒ śarmann॑

2.8.9.4
ambha॒ kimā॑sī॒dgaha॑naṅgabhī॒ram / na mṛ॒tyura॒mṛta॒ntaऱhi॒ na / rātri॑yā॒ ahna॑ āsītprake॒taḥ / ānī॑davā॒ta sva॒dhayā॒ tadekam / tasmāddhā॒nyanna pa॒ra kiñca॒nāsa॑ / tama॑ āsī॒ttama॑sā gū॒ḍhamagre prake॒tam / sa॒li॒la sarva॑mā i॒dam / tu॒cchenā॒bhvapi॑hita॒yyam̐dāsīt / tama॑sa॒stanma॑hi॒nā jā॑ya॒taikam / kāma॒stadagre॒ sama॑varta॒tādhi॑

2.8.9.5
mana॑so॒ reta॑ pratha॒mayyam̐dāsīt / sa॒to bandhu॒masa॑ti॒ nira॑vindann / hṛ॒di pra॒tīṣyā॑ ka॒vayo॑ manī॒ṣā / ti॒ra॒ścīno॒ vita॑to ra॒śmire॑ṣām / a॒dhassvi॑dā॒sī ३ du॒pari॑ svidāsī ३ t / re॒to॒dhā ā॑sanmahi॒māna॑ āsann / sva॒dhā a॒vastā॒tpraya॑ti pa॒rastāt / ko a॒ddhā ve॑da॒ ka i॒ha pra vo॑cat / kuta॒ ājā॑tā॒ kuta॑ i॒yavvim̐sṛ॑ṣṭiḥ / a॒rvāgde॒vā a॒sya vi॒sarja॑nāya

2.8.9.6
athā॒ ko ve॑da॒ yata॑ āba॒bhūva॑ / i॒yavvim̐sṛ॑ṣṭi॒ryata॑ āba॒bhūva॑ / yadi॑ vā da॒dhe yadi॑ vā॒ na / yo a॒syādhya॑kṣa para॒me vyo॑mann / so a॒ṅga ve॑da॒ yadi॑ vā॒ na veda॑ / kisvi॒dvana॒ṅka u॒ sa vṛ॒kṣa ā॑sīt / yato॒ dyāvā॑pṛthi॒vī ni॑ṣṭata॒kṣuḥ / manī॑ṣiṇo॒ mana॑sā pṛ॒cchatedu॒tat / yada॒dhyati॑ṣṭha॒dbhuva॑nāni dhā॒rayann॑ / brahma॒ vanaṃ॒ brahma॒ sa vṛ॒kṣa ā॑sīt

2.8.9.7
yato॒ dyāvā॑pṛthi॒vī ni॑ṣṭata॒kṣuḥ / manī॑ṣiṇo॒ mana॑sā॒ vibra॑vīmi vaḥ / brahmā॒dhyati॑ṣṭha॒dbhuva॑nāni dhā॒rayann॑ / prā॒tara॒gniṃ prā॒tarindra॑ havāmahe / prā॒tarmi॒trāvaru॑ṇā prā॒tara॒śvinā / prā॒tarbhagaṃ॑ pū॒ṣaṇaṃ॒ brahma॑ṇa॒spatim / prā॒tassoma॑mu॒ta ru॒dra hu॑vema / prā॒ta॒rjitaṃ॒ bhaga॑mu॒gra hu॑vema / va॒yaṃ pu॒tramadi॑te॒ryo vi॑dha॒rtā / ā॒dhraści॒dyaṃ manya॑mānastu॒raści॑t

2.8.9.8
rājā॑ ci॒dyaṃ bhagaṃ॑ bha॒kṣītyāha॑ / bhaga॒ praṇe॑ta॒rbhaga॒ satya॑rādhaḥ / bhage॒māndhiya॒muda॑va॒ dada॑nnaḥ / bhaga॒ pra ṇo॑ janaya॒ gobhi॒raśvaiḥ / bhaga॒ pra nṛbhi॑rnṛ॒vanta॑ssyāma / u॒tedānīṃ॒ bhaga॑vantassyāma / u॒ta prapi॒tva u॒ta madhye॒ ahnām / u॒todi॑tā maghava॒ntsūrya॑sya / va॒yande॒vānā॑ suma॒tau syā॑ma / bhaga॑ e॒va bhaga॑vā astu devāḥ

2.8.9.9
tena॑ va॒yaṃ bhaga॑vantaḥ syāma / tantvā॑ bhaga॒ sarva॒ ijjo॑havīmi / sa no॑ bhaga purae॒tā bha॑ve॒ha / sama॑dhva॒rāyo॒ṣaso॑ namanta / da॒dhi॒krāve॑va॒ śuca॑ye pa॒dāya॑ / a॒rvā॒cī॒navvam̐॑su॒vidaṃ॒ bhaga॑nnaḥ / ratha॑mi॒vāśvā॑ vā॒jina॒ āva॑hantu / aśvā॑vatī॒rgoma॑tīrna u॒ṣāsaḥ॑ / vī॒rava॑tī॒ssada॑mucchantu bha॒drāḥ / ghṛ॒tanduhā॑nā vi॒śvata॒ prapī॑nāḥ / yū॒yaṃ pā॑ta sva॒stibhi॒ssadā॑ naḥ

3.1.0.0
// śrīrastu // kṛṣṇayajurbrāhmaṇe tṛtīyāṣṭake prathama prapāṭhaka prārambhaḥ / hariḥom //
3.1.0.0
a॒gnirna॑ ṛ॒dhyāsma॒ navo॑navo॒'gnirmi॒traśca॒ndramā॒ṣṣaṭ

a॒gnirna॒stanno॑ vā॒yurahi॑rbu॒dhniya॑ ṛ॒kṣā vā i॒yamathai॒tatpaurṇamā॒syā a॒jo vā eka॑pā॒tsūrya॒striṣa॑ṣṭiḥ

a॒gnirna॑ pātu prati॒ṣṭhāyai॒ svāheti॑ // hariḥ॑om // kṛṣṇayajurbrāhmaṇe-tṛtīyāṣṭake prathamaprapāṭhakassamāptaḥ //
3.1.1.0
ci॒trabhā॑nu॒ryaja॑māne dadhātu ha॒virna॒ pātha॒śceto॑ juṣantā॒ñceto॑ madema॒ roca॑mānā॒marā॑tīrgo॒pau ya॒jñam

3.1.1.1
a॒gnirna॑ pātu॒ kṛtti॑kāḥ / nakṣa॑trande॒vami॑ndri॒yam / i॒damā॑sām̐vvicakṣa॒ṇam / ha॒virā॒sañju॑hotana / yasya॒ bhānti॑ ra॒śmayo॒ yasya ke॒tavaḥ॑ / yasye॒mā viśvā॒ bhuva॑nāni॒ sarvā / sa kṛtti॑kābhira॒bhi sa॒vvam̐sā॑naḥ / a॒gnirno॑ de॒vassu॑vi॒te da॑dhātu / pra॒jāpa॑te rohi॒ṇī ve॑tu॒ patnī / vi॒śvarū॑pā bṛha॒tī ci॒trabhā॑nuḥ

3.1.1.2
sā no॑ ya॒jñasya॑ suvi॒te da॑dhātu / yathā॒ jīve॑ma śa॒rada॒ssavī॑rāḥ / ro॒hi॒ṇī de॒vyuda॑gātpu॒rastāt / viśvā॑ rū॒pāṇi॑ prati॒moda॑mānā / pra॒jāpa॑ti ha॒viṣā॑ va॒rdhaya॑ntī / pri॒yā de॒vānā॒mupa॑yātu ya॒jñam / somo॒ rājā॑ mṛgaśī॒r॒ṣeṇa॒ āgann॑ / śi॒vannakṣa॑traṃ pri॒yama॑sya॒ dhāma॑ / ā॒pyāya॑māno bahu॒dhā jane॑ṣu / reta॑ pra॒jāyyam̐ja॑māne dadhātu

3.1.1.3
yatte॒ na॑kṣatraṃ mṛgaśī॒r‌ṣamasti॑ / pri॒ya rā॑janpri॒yata॑maṃ pri॒yāṇām / tasmai॑ te soma ha॒viṣā॑ vidhema / śanna॑ edhi dvi॒pade॒ śañcatu॑ṣpade / ā॒rdrayā॑ ru॒dra pratha॑māna eti / śreṣṭho॑ de॒vānāṃ॒ pati॑raghni॒yānām / nakṣa॑tramasya ha॒viṣā॑ vidhema / mā na॑ pra॒jā rī॑riṣa॒nmota vī॒rān / he॒tī ru॒drasya॒ pari॑ ṇo vṛṇaktu / ā॒rdrā nakṣa॑trañjuṣatā ha॒virnaḥ॑

3.1.1.4
pra॒mu॒ñcamā॑nau duri॒tāni॒ viśvā / apā॒ghaśa॑sannudatā॒marā॑tim / puna॑rno de॒vyadi॑tisspṛṇotu / puna॑rvasū naḥ॒ puna॒retām̐yya॒jñam / puna॑rno de॒vā a॒bhiya॑ntu॒ sarve / puna॑punarvo ha॒viṣā॑ yajāmaḥ / e॒vā na de॒vyadi॑tirana॒rvā / viśva॑sya bha॒rtrī jaga॑ta prati॒ṣṭhā / puna॑rvasū ha॒viṣā॑ va॒rdhaya॑ntī / pri॒yande॒vānā॒mapye॑tu॒ pāthaḥ॑

3.1.1.5
bṛha॒spati॑ pratha॒mañjāya॑mānaḥ / ti॒ṣya॑nnakṣa॑trama॒bhisaṃ ba॑bhūva / śreṣṭho॑ de॒vānāṃ॒ pṛta॑nāsu ji॒ṣṇuḥ / diśo'nu॒ sarvā॒ abha॑yanno astu / ti॒ṣya॑ pu॒rastā॑du॒ta ma॑dhya॒to naḥ॑ / bṛha॒spati॑rna॒ pari॑ pātu pa॒ścāt / bādhe॑tā॒ndveṣo॒ abha॑yaṅkṛṇutām / su॒vīrya॑sya॒ pata॑yassyāma / i॒da sa॒rpebhyo॑ ha॒vira॑stu॒ juṣṭam / ā॒śre॒ṣā yeṣā॑manu॒yanti॒ cetaḥ॑

3.1.1.6
ye a॒ntari॑kṣaṃ pṛthi॒vīṅkṣi॒yanti॑ / te na॑ssa॒rpāso॒ hava॒māga॑miṣṭhāḥ / ye ro॑ca॒ne sūrya॒syāpi॑ sa॒rpāḥ / ye diva॑nde॒vīmanu॑ sa॒ñcara॑nti / yeṣā॑māśre॒ṣā a॑nu॒yanti॒ kāmam / tebhya॑ssa॒rpebhyo॒ madhu॑majjuhomi / upa॑hūtā pi॒taro॒ ye ma॒ghāsu॑ / mano॑javasassu॒kṛta॑ssukṛ॒tyāḥ / te no॒ nakṣa॑tre॒ hava॒māga॑miṣṭhāḥ / sva॒dhābhi॑rya॒jñaṃ praya॑tañjuṣantām

3.1.1.7
ye a॑gnida॒gdhā ye'na॑gnidagdhāḥ / ye॑'mullom॒̐kaṃ pi॒taraḥ॑ kṣi॒yanti॑ / yāśca॑ vi॒dma yā u॑ ca॒ na pra॑vi॒dma / ma॒ghāsu॑ ya॒jña sukṛ॑tañjuṣantām / gavāṃ॒ pati॒ phalgu॑nīnāmasi॒ tvam / tada॑ryamanvaruṇa mitra॒ cāru॑ / tantvā॑ va॒ya sa॑ni॒tāra॑ sanī॒nām / jī॒vā jīva॑nta॒mupa॒ savvim̐॑śema / yene॒mā viśvā॒ bhuva॑nāni॒ sañji॑tā / yasya॑ de॒vā a॑nu sa॒yyam̐nti॒ cetaḥ॑

3.1.1.8
a॒rya॒mā rājā॒'jara॒stuvi॑ṣmān / phalgu॑nīnāmṛṣa॒bho ro॑ravīti / śreṣṭho॑ de॒vānāṃ bhagavo bhagāsi / tattvā॑ vidu॒ phalgu॑nī॒stasya॑ vittāt / a॒smabhya॑ṅkṣa॒trama॒jara॑ su॒vīryam / goma॒daśva॑va॒dupa॒ sannu॑de॒ha / bhago॑ ha dā॒tā bhaga॒ itpra॑dā॒tā / bhago॑ de॒vī phalgu॑nī॒rā vi॑veśa / bhaga॒syettaṃ pra॑sa॒vaṅga॑mema / yatra॑ de॒vaissa॑dha॒mādaṃ॑ madema

3.1.1.9
āyā॑tu de॒vassa॑vi॒topa॑yātu / hi॒ra॒ṇyaye॑na su॒vṛtā॒ rathe॑na / vaha॒n॒ hasta॑ su॒bhaga॑vvim̐dma॒nāpa॑sam / pra॒yaccha॑ntaṃ॒ papu॑riṃ॒ puṇya॒maccha॑ / hasta॒ praya॑cchatva॒mṛta॒vvam̐sī॑yaḥ / dakṣi॑ṇena॒ prati॑gṛbhṇīma enat / dā॒tāra॑ma॒dya sa॑vi॒tā vi॑deya / yo no॒ hastā॑ya prasu॒vāti॑ ya॒jñam / tvaṣṭā॒ nakṣa॑trama॒bhye॑ti ci॒trām / su॒bhasa॑sayyum̐va॒ti roca॑mānām

3.1.1.10
ni॒ve॒śaya॑nna॒mṛtā॒nmartyā॑śca / rū॒pāṇi॑ pi॒॒śanbhuva॑nāni॒ viśvā / tanna॒stvaṣṭā॒ tadu॑ ci॒trā vica॑ṣṭām / tannakṣa॑traṃ bhūri॒dā a॑stu॒ mahyam / tanna॑ pra॒jāvvīm॒̐rava॑tī sanotu / gobhi॑rno॒ aśvai॒ssama॑naktu ya॒jñam / vā॒yurnakṣa॑ttrama॒bhye॑ti॒ niṣṭyām / ti॒gmaśṛ॑ṅgo vṛṣa॒bho roru॑vāṇaḥ / sa॒mī॒raya॒nbhuva॑nā māta॒riśvā / apa॒ dveṣā॑si nudatā॒marā॑tīḥ

3.1.1.11
tanno॑ vā॒yustadu॒ niṣṭyā॑ śṛṇotu / tannakṣa॑traṃ bhūri॒dā a॑stu॒ mahyam / tanno॑ de॒vāso॒ anu॑jānantu॒ kāmam / yathā॒ tare॑ma duri॒tāni॒ viśvā / dū॒rama॒smacchatra॑vo yantu bhī॒tāḥ / tadi॑ndrā॒gnī kṛ॑ṇutā॒ntadviśā॑khe / tanno॑ de॒vā anu॑madantu ya॒jñam / pa॒ścātpu॒rastā॒dabha॑yanno astu / nakṣa॑trāṇā॒madhi॑patnī॒ viśā॑khe / śreṣṭhā॑vindrā॒gnī bhuva॑nasya go॒pau

3.1.1.12
viṣū॑ca॒śśatrū॑napa॒ bādha॑mānau / apa॒ kṣudha॑nnudatā॒marā॑tim / pū॒rṇā pa॒ścādu॒ta pū॒rṇā pu॒rastāt / unma॑dhya॒ta paurṇamā॒sī ji॑gāya / tasyānde॒vā adhi॑ sa॒vvam̐sa॑ntaḥ / u॒tta॒me nāka॑ i॒ha mā॑dayantām / pṛ॒thvī su॒varcā॑ yuva॒tissa॒joṣāḥ / pau॒rṇa॒mā॒syuda॑gā॒cchobha॑mānā / ā॒pyā॒yaya॑ntī duri॒tāni॒ viśvā / u॒runduhā॒yyam̐ja॑mānāya ya॒jñam

3.1.2.0
ta॒tāra॒ mahyaṃ॑ prāsa॒cīryā yāntu ya॒jñavvām̐ca॑ sva॒sti de॒vā anu॑yanti॒ sarve॒ vāja॑bastyau॒ sama॑ktau de॒vāstrīṇi॑ ca

3.1.2.1
ṛ॒ddhyāsma॑ ha॒vyairnama॑sopa॒sadya॑ / mi॒trande॒vaṃ mi॑tra॒dheya॑nno astu / a॒nū॒rā॒dhān ha॒viṣā॑ va॒rdhaya॑ntaḥ / śa॒tañjī॑vema śa॒rada॒ssavī॑rāḥ / ci॒trannakṣa॑tra॒muda॑gātpu॒rastāt / a॒nū॒rā॒dhāsa॒ iti॒ yadvada॑nti / tanmi॒tra e॑ti pa॒thibhi॑rdeva॒yānaiḥ / hi॒ra॒ṇyayai॒rvita॑taira॒ntari॑kṣe / indro jye॒ṣṭhāmanu॒ nakṣa॑trameti / yasmi॑nvṛ॒travvṛm̐॑tra॒tūrye॑ ta॒tāra॑

3.1.2.2
tasmi॑nva॒yama॒mṛta॒nduhā॑nāḥ / kṣudha॑ntarema॒ duri॑ti॒nduri॑ṣṭim / pu॒ra॒nda॒rāya॑ vṛṣa॒bhāya॑ dhṛ॒ṣṇave / aṣā॑ḍhāya॒ saha॑mānāya mī॒ḍhuṣe / indrā॑ya jye॒ṣṭhā madhu॑ma॒dduhā॑nā / u॒ruṅkṛ॑ṇotu॒ yaja॑mānāya lo॒kam / mūlaṃ॑ pra॒jāvvīm॒̐rava॑tīvvim̐deya / parācyetu॒ nir‌ṛ॑ti parā॒cā / gobhi॒rnakṣa॑traṃ pa॒śubhi॒ssama॑ktam / aha॑rbhūyā॒dyaja॑mānāya॒ mahyam

3.1.2.3
aha॑rno a॒dya su॑vi॒te da॑dhātu / mūla॒nnakṣa॑tra॒miti॒ yadvada॑nti / parā॑cīvvām॒̐cā nir‌ṛ॑tinnudāmi / śi॒vaṃ pra॒jāyai॑ śi॒vama॑stu॒ mahyam / yā di॒vyā āpa॒ paya॑sā saṃbabhū॒vuḥ / yā a॒ntari॑kṣa u॒ta pārthi॑vī॒ryāḥ / yāsā॑maṣā॒ḍhā a॑nu॒yanti॒ kāmam / tā na॒ āpa॒śśa syo॒nā bha॑vantu / yāśca॒ kūpyā॒ yāśca॑ nā॒dyāssamu॒driyāḥ / yāśca॑ vaiśa॒ntīru॒ta prā॑sa॒cīryāḥ

3.1.2.4
yāsā॑maṣā॒ḍhā madhu॑ bha॒kṣaya॑nti॒ / tā na॒ āpa॒śśa syo॒nā bha॑vantu / tanno॒ viśve॒ upa॑ śṛṇvantu de॒vāḥ / tada॑ṣā॒ḍhā a॒bhisayyam̐॑ntu ya॒jñam / tannakṣa॑ttraṃ prathatāṃ pa॒śubhyaḥ॑ / kṛ॒ṣirvṛ॒ṣṭiryaja॑mānāya kalpatām / śu॒bhrā ka॒nyā॑ yuva॒taya॑ssu॒peśa॑saḥ / ka॒rma॒kṛta॑ssu॒kṛto॑ vī॒ryā॑vatīḥ / viśvānde॒vān ha॒viṣā॑ va॒rdhaya॑ntīḥ / a॒ṣā॒ḍhākāma॒mupa॑ yāntu ya॒jñam

3.1.2.5
yasmi॒nbrahmā॒'bhyaja॑ya॒tsarva॑me॒tat / a॒muñca॑ lo॒kami॒damū॑ ca॒ sarvam / tanno॒ nakṣa॑tramabhi॒jidvi॒jitya॑ / śriya॑ndadhā॒tvahṛ॑ṇīyamānam / u॒bhau lo॒kau brahma॑ṇā॒ sañji॑te॒mau / tanno॒ nakṣa॑tramabhi॒jidvica॑ṣṭām / tasmi॑nva॒yaṃ pṛta॑nā॒ssañja॑yema / tanno॑ de॒vāso॒ anu॑jānantu॒ kāmam / śṛ॒ṇvanti॑ śro॒ṇāma॒mṛta॑sya go॒pām / puṇyā॑masyā॒ upa॑śṛṇomi॒ vācam

3.1.2.6
ma॒hīnde॒vīvvim̐ṣṇu॑patnīmajū॒ryām / pra॒tīcī॑menā ha॒viṣā॑ yajāmaḥ / tre॒dhā viṣṇu॑rurugā॒yo vica॑krame / ma॒hīndivaṃ॑ pṛthi॒vīma॒ntari॑kṣam / tacchro॒ṇaiti॒ śrava॑ i॒cchamā॑nā / puṇya॒॒ śloka॒yyam̐ja॑mānāya kṛṇva॒tī / a॒ṣṭau de॒vā vasa॑vasso॒myāsaḥ॑ / cata॑sro de॒vīra॒jarā॒śśravi॑ṣṭhāḥ / te ya॒jñaṃ pāntu॒ raja॑sa pa॒rastāt / sa॒vvam॒̐tsa॒rīṇa॑ma॒mṛta॑ sva॒sti

3.1.2.7
ya॒jñanna॑ pāntu॒ vasa॑va pu॒rastāt / da॒kṣi॒ṇa॒to॑'bhiya॑ntu॒ śravi॑ṣṭhāḥ / puṇya॒nnakṣa॑trama॒bhi savvim̐॑śāma / mā no॒ arā॑tira॒ghaśa॒॒sā'gann॑ / kṣa॒trasya॒ rājā॒ varu॑ṇo'dhirā॒jaḥ / nakṣa॑trāṇā śa॒tabhi॑ṣa॒gvasi॑ṣṭhaḥ / tau de॒vebhya॑ kṛṇuto dī॒rghamāyuḥ॑ / śa॒ta sa॒hasrā॑ bheṣa॒jāni॑ dhattaḥ / ya॒jñanno॒ rājā॒ varu॑ṇa॒ upa॑yātu / tanno॒ viśve॑ a॒bhi sayyam̐॑ntu de॒vāḥ

3.1.2.8
tanno॒ nakṣa॑tra śa॒tabhi॑ṣagjuṣā॒ṇam / dī॒rghamāyu॒ prati॑radbheṣa॒jāni॑ / a॒ja eka॑pā॒duda॑gātpu॒rastāt / viśvā॑ bhū॒tāni॑ prati॒moda॑mānaḥ / tasya॑ de॒vā pra॑sa॒vayyam̐॑nti॒ sarve / pro॒ṣṭha॒pa॒dāso॑ a॒mṛta॑sya go॒pāḥ / vi॒bhrāja॑mānassamidhā॒na u॒graḥ / ā'ntari॑kṣamaruha॒daga॒ndyām / ta sūrya॑nde॒vama॒jameka॑pādam / pro॒ṣṭha॒pa॒dāso॒ anu॑yanti॒ sarve

3.1.2.9
ahi॑rbu॒dhniya॒ pratha॑māna eti / śreṣṭho॑ de॒vānā॑mu॒ta mānu॑ṣāṇām / taṃ brāhma॒ṇāsso॑ma॒pāsso॒myāsaḥ॑ / pro॒ṣṭha॒pa॒dāso॑ a॒bhi ra॑kṣanti॒ sarve / ca॒tvāra॒ eka॑ma॒bhikarma॑ de॒vāḥ / pro॒ṣṭha॒pa॒dāsa॒ iti॒ yān vada॑nti / te bu॒dhniyaṃ॑ pari॒ṣadya॑ stu॒vantaḥ॑ / ahi॑ rakṣanti॒ nama॑sopa॒sadya॑ / pū॒ṣā re॒vatyanve॑ti॒ panthām / pu॒ṣṭi॒patī॑ paśu॒pā vāja॑bastyau

3.1.2.10
i॒māni॑ ha॒vyā praya॑tā juṣā॒ṇā / su॒gairno॒ yānai॒rupa॑yātāyyam॒̐jñam / kṣu॒drānpa॒śūnra॑kṣatu re॒vatī॑ naḥ / gāvo॑ no॒ aśvā॒॒ anve॑tu pū॒ṣā / anna॒॒ rakṣa॑ntau bahu॒dhā virū॑pam / vāja॑ sanutā॒yyam̐ja॑mānāya ya॒jñam / tada॒śvinā॑vaśva॒yujopa॑yātām / śubha॒ṅgami॑ṣṭhau su॒yame॑bhi॒raśvaiḥ / svannakṣa॑tra ha॒viṣā॒ yaja॑ntau / madhvā॒ saṃpṛ॑ktau॒ yaju॑ṣā॒ sama॑ktau

3.1.2.11
yau de॒vānāṃ bhi॒ṣajau॑ havyavā॒hau / viśva॑sya dū॒tāva॒mṛta॑sya go॒pau / tau nakṣa॑trañjujuṣā॒ṇopa॑yātām / namo॒'śvibhyāṅkṛṇumo'śva॒yugbhyām / apa॑ pā॒pmānaṃ॒ bhara॑ṇīrbharantu / tadya॒mo rājā॒ bhaga॑vā॒n॒ vica॑ṣṭām / lo॒kasya॒ rājā॑ maha॒to ma॒hān hi / su॒gannapanthā॒mabha॑yaṅkṛṇotu / yasmi॒nnakṣa॑tre ya॒ma eti॒ rājā / yasmi॑nnenama॒bhyaṣi॑ñcanta de॒vāḥ / tada॑sya ci॒tra ha॒viṣā॑ yajāma / apa॑ pā॒pmānaṃ॒ bhara॑ṇīrbharantu / ni॒veśa॑nī॒ yatte॑ de॒vā ada॑dhuḥ

3.1.3.0
ā॒ya॒tya॑gama॒tsvi॑ṣṭam

3.1.3.1
navo॑navo bhavati॒ jāya॑māno॒ yamā॑di॒tyā a॒॒śumāpyā॒yaya॑nti / ye virū॑pe॒ sama॑nasā sa॒vvyam̐ya॑ntī / sa॒mā॒nantantuṃ॑ paritāta॒nā te / vi॒bhū pra॒bhū a॑nu॒bhū vi॒śvato॑ huve / te no॒ nakṣa॑tre॒ hava॒māga॑metam / va॒yande॒vī brahma॑ṇā savvim̐dā॒nāḥ / su॒ratnā॑so de॒vavī॑ti॒ndadhā॑nāḥ / a॒ho॒rā॒tre ha॒viṣā॑ va॒rdhaya॑ntaḥ / ati॑ pā॒pmāna॒mati॑ muktyā gamema / pratyu॑vadṛśyāya॒tī

3.1.3.2
vyu॒cchantī॑ duhi॒tā di॒vaḥ / a॒po ma॒hī vṛ॑ṇute॒ cakṣu॑ṣā / tamo॒ jyoti॑ṣkṛṇoti sū॒narī / udu॒sriyāssacate॒ sūryaḥ॑ / sacā॑ u॒dyannakṣa॑tramarci॒mat / tavedu॑ṣo॒ vyuṣi॒ sūrya॑sya ca / saṃ bha॒ktena॑ gamemahi / tanno॒ nakṣa॑tramarci॒mat / bhā॒nu॒matteja॑ u॒ccara॑t / upa॑ya॒jñami॒hāga॑mat

3.1.3.3
pra nakṣa॑trāya de॒vāya॑ / indrā॒yendu॑ havāmahe / sana॑ssavi॒tā su॑vatsa॒nim / pu॒ṣṭi॒dāvvīm॒̐rava॑ttamam / udu॒tyañci॒tram / adi॑tirna uruṣyatu ma॒hīmū॒ ṣu mā॒taram / i॒davvim̐ṣṇu॒ pratadviṣṇuḥ॑ / a॒gnirmū॒rdhā bhuvaḥ॑ / anu॑no॒'dyānu॑mati॒ranvida॑numate॒ tvam / ha॒vya॒vāha॒॒ svi॑ṣṭam

3.1.4.0
a॒gniḥ pañca॑daśa pra॒jāpa॑ti॒ṣṣoḍa॑śa॒ soma॒ ekā॑daśa ru॒dro daśa॒rkṣaikā॑daśa॒ bṛha॒spati॒rdaśa॑ devāsu॒rā nava॑ pi॒tara॒ ekā॑daśārya॒mā bhago॒ daśa॑ daśa savi॒tā catu॑rdaśa॒ tvaṣṭā॑ vā॒yuri॑ndrā॒gnī daśa॑ da॒śāthai॒tatpaurṇamā॒syā a॒ṣṭau pañca॑daśa

3.1.4.1
a॒gnirvā a॑kāmayata / a॒nnā॒do de॒vānā॑ syā॒miti॑ / sa e॒tama॒gnaye॒ kṛtti॑kābhya puro॒ḍāśa॑ma॒ṣṭāka॑pāla॒nnira॑vapat / tato॒ vai so'nnā॒do de॒vānā॑mabhavat / a॒gnirvai de॒vānā॑mannā॒daḥ / yathā॑ ha॒ vā a॒gnirde॒vānā॑mannā॒daḥ / e॒va ha॒ vā e॒ṣa ma॑nu॒ṣyā॑ṇāṃ bhavati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / a॒gnaye॒ svāhā॒ kṛtti॑kābhya॒ssvāhā / a॒mbāyai॒ svāhā॑ du॒lāyai॒ svāhā / ni॒ta॒tnyai svāhā॒'bhraya॑ntyai॒ svāhā / me॒ghaya॑ntyai॒ svāhā॑ va॒r॒ṣaya॑ntyai॒ svāhā / cu॒pu॒ṇīkā॑yai॒ svāheti॑

3.1.4.2
pra॒jāpa॑ti pra॒jā a॑sṛjata / tā a॑smātsṛ॒ṣṭāḥ parā॑cīrāyann / tāsā॑ rohi॒ṇīma॒bhya॑dhyāyat / so॑'kāmayata / upa॒ mā va॑rteta / same॑nayā gacche॒yeti॑ / sa e॒taṃ pra॒jāpa॑taye rohi॒ṇyai ca॒runnira॑vapat / tato॒ vai sā tamu॒pāva॑rtata / same॑nayāgacchata / upa॑ ha॒ vā e॑naṃ pri॒yamāva॑rtate / saṃ pri॒yeṇa॑ gacchate / ya e॒tena॑ ha॒viṣā॒ yaja॑te / ya u॑cainade॒vavvem̐da॑ / so'tra॑ juhoti / pra॒jāpa॑taye॒ svāhā॑ rohi॒ṇyai svāhā / roca॑mānāyai॒ svāhā pra॒jābhya॒ssvāheti॑

3.1.4.3
somo॒ vā a॑kāmayata / oṣa॑dhīnā rā॒jyama॒bhija॑yeya॒miti॑ / sa e॒ta somā॑ya mṛgaśī॒r॒ṣāya॑ śyāmā॒kañca॒ruṃ paya॑si॒ nira॑vapat / tato॒ vai sa oṣa॑dhīnā rā॒jyama॒bhya॑jayat / sa॒mā॒nānā॑ ha॒ vai rā॒jyama॒bhija॑yati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / somā॑ya॒ svāhā॑ mṛgaśī॒r‌ṣāya॒ svāhā / i॒nva॒kābhya॒ssvāhauṣa॑dhībhya॒ssvāhā / rā॒jyāya॒ svāhā॒'bhiji॑tyai॒ svāheti॑

3.1.4.4
ru॒dro vā a॑kāmayata / pa॒śu॒māntsyā॒miti॑ / sa e॒ta ru॒drāyā॒rdrāyai॒ praiyya॑ṅgavañca॒ruṃ paya॑si॒ nira॑vapat / tato॒ vai sa pa॑śu॒māna॑bhavat / pa॒śu॒mān ha॒ vai bha॑vati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / ru॒drāya॒ svāhā॒'rdrāyai॒ svāhā / pinva॑mānāyai॒ svāhā॑ pa॒śubhya॒ssvāheti॑

3.1.4.5
ṛ॒kṣā vā i॒yama॑lo॒makā॑''sīt / sā'kā॑mayata / oṣa॑dhībhi॒rvana॒spati॑bhi॒ prajā॑ye॒yeti॑ / saitamadi॑tyai॒ puna॑rvasubhyāñca॒runnira॑vapat / tato॒ vā i॒yamoṣa॑dhībhi॒rvana॒spati॑bhi॒ prājā॑yata / prajā॑yate ha॒ vai pra॒jayā॑ pa॒śubhiḥ॑ / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / adi॑tyai॒ svāhā॒ puna॑rvasubhyām / svāhā bhūtyai॒ svāhā॒ prajātyai॒ svāheti॑

3.1.4.6
bṛha॒spati॒rvā a॑kāmayata / bra॒hma॒va॒rca॒sī syā॒miti॑ / sa e॒taṃ bṛha॒spata॑ye ti॒ṣyā॑ya naivā॒rañca॒ruṃ paya॑si॒ nira॑vapat / tato॒ vai sa bra॑hmavarca॒sya॑bhavat / bra॒hma॒va॒rca॒sī ha॒ vai bha॑vati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / bṛha॒spata॑ye॒ svāhā॑ ti॒ṣyā॑ya॒ svāhā / bra॒hma॒va॒rca॒sāya॒ svāheti॑

3.1.4.7
de॒vā॒su॒rāssayyam̐॑ttā āsann / te de॒vāssa॒rpebhya॑ āśre॒ṣābhya॒ ājye॑ kara॒mbhannira॑vapann / tāne॒tābhi॑re॒vade॒vatā॑bhi॒rupā॑nayann / e॒tābhi॑r‌ha॒ vai de॒vatā॑bhirdvi॒ṣantaṃ॒ bhrātṛ॑vya॒mupa॑nayati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / sa॒rpebhya॒ssvāhā''śre॒ṣābhya॒ssvāhā / da॒nda॒śūkebhya॒ssvāheti॑

3.1.4.8
pi॒taro॒ vā a॑kāmayanta / pi॒tṛ॒lo॒ka ṛ॑dhnuyā॒meti॑ / ta e॒taṃ pi॒tṛbhyo॑ ma॒ghābhyaḥ॑ puro॒ḍāśa॒॒ ṣaṭka॑pāla॒nnira॑vapann / tato॒ vai te pi॑tṛlo॒ka ārdhnuvann / pi॒tṛ॒lo॒ke ha॒ vā ṛ॑dhnoti / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / pi॒tṛbhya॒ssvāhā॑ ma॒ghābhyaḥ॑ / svāhā॑'na॒ghābhya॒ssvāhā॑ga॒dābhyaḥ॑ / svāhā॑'rundha॒tībhya॒ssvāheti॑

3.1.4.9
a॒rya॒mā vā a॑kāmayata / pa॒śu॒māntsyā॒miti॑ / sa e॒tama॑rya॒mṇe phalgu॑nībhyāñca॒runnira॑vapat / tato॒ vai sa pa॑śu॒māna॑bhavat / pa॒śumān ha॒ vai bha॑vati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / a॒rya॒mṇe svāhā॒ phalgu॑nībhyā॒॒ svāhā / pa॒śubhya॒ssvāheti॑

3.1.4.10
bhago॒ vā a॑kāmayata / bha॒gī śre॒ṣṭhī de॒vānā॑ syā॒miti॑ / sa e॒taṃ bhagā॑ya॒ phalgu॑nībhyāñca॒runnira॑vapat / tato॒ vai sa bha॒gī śre॒ṣṭhī de॒vānā॑mabhavat / bha॒gī ha॒ vai śre॒ṣṭhī sa॑mā॒nānāṃ bhavati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / bhagā॑ya॒ svāhā॒ phalgu॑nībhyā॒॒ svāhā / śraiṣṭhyā॑ya॒ svāheti॑

3.1.4.11
sa॒vi॒tā vā a॑kāmayata / śranme॑ de॒vā dadhī॑rann / sa॒vi॒tā syā॒miti॑ / sa e॒ta sa॑vi॒tre hastā॑ya puro॒ḍāśa॒ndvāda॑śakapāla॒nnira॑vapadāśū॒nāvvrīm̐॑hī॒ṇām / tato॒ vai tasmai॒ śradde॒vā ada॑dhata / sa॒vi॒tā'bha॑vat / śraddha॒vā a॑smai manu॒ṣyā॑ dadhate / sa॒vi॒tā sa॑mā॒nānāṃ bhavati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / sa॒vi॒tre svāhā॒ hastā॑ya / svāhā॑ dada॒te svāhā॑ pṛṇa॒te / svāhā pra॒yaccha॑te॒ svāhā pratigṛbhṇa॒te svāheti॑

3.1.4.12
tvaṣṭā॒ vā a॑kāmayata / ci॒traṃ pra॒jāvvim̐॑nde॒yeti॑ / sa e॒tantvaṣṭre॑ ci॒trāyai॑ puro॒ḍāśa॑ma॒ṣṭāka॑pāla॒nnira॑vapat / tato॒ vai sa ci॒traṃ pra॒jāma॑vindata / ci॒tra ha॒ vai pra॒jāvvim̐॑ndate / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / tvaṣṭre॒ svāhā॑ ci॒trāyai॒ svāhā / caitrā॑ya॒ svāhā pra॒jāyai॒ svāheti॑

3.1.4.13
vā॒yurvā a॑kāmayata / kā॒ma॒cāra॑me॒ṣu lo॒keṣva॒bhija॑yeya॒miti॑ / sa e॒tadvā॒yave॒ niṣṭyā॑yai gṛ॒ṣṭyai du॒gdhaṃ payo॒ nira॑vapat / tato॒ vai sa kā॑ma॒cāra॑me॒ṣu lo॒keṣva॒bhya॑jayat / kā॒ma॒cāra॑ ha॒ vā e॒ṣu lo॒keṣva॒bhija॑yati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / vā॒yave॒ svāhā॒ niṣṭyā॑yai॒ svāhā / kā॒ma॒cārā॑ya॒ svāhā॒'bhiji॑tyai॒ svāheti॑

3.1.4.14
i॒ndrā॒gnī vā a॑kāmayetām / śraiṣṭhya॑nde॒vānā॑ma॒bhija॑ye॒veti॑ / tāve॒tami॑ndrā॒gnibhyā॒vvim̐śā॑khābhyāṃ puro॒ḍāśa॒mekā॑daśakapāla॒nnira॑vapatām / tato॒ vai tau śraiṣṭhya॑nde॒vānā॑ma॒bhya॑jayatām / śraiṣṭhya॑ ha॒ vai sa॑mā॒nānā॑ma॒bhi ja॑yati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / i॒ndrā॒gnibhyā॒॒ svāhā॒ viśā॑khābhyā॒॒ svāhā / śraiṣṭhyā॑ya॒ svāhā॒'bhiji॑tyai॒ svāheti॑

3.1.4.15
athai॒tatpaurṇamā॒syā ājya॒nnirva॑pati / kāmo॒ vai paurṇamā॒sī / kāma॒ ājyam / kāme॑nai॒va kāma॒॒ sama॑rdhayati / kṣi॒prame॑na॒॒ sakāma॒ upa॑namati / yena॒ kāme॑na॒ yaja॑te / so'tra॑ juhoti / pau॒rṇa॒mā॒syai svāhā॒ kāmā॑ya॒ svāhā''ga॑tyai॒ svāheti॑

3.1.5.0
mi॒tra indra॑ pra॒jāpa॑ti॒rdaśa॑ da॒śāpa॒ ekā॑daśa॒ viśve॒ brahma॒ daśa॑daśa॒ viṣṇu॒strayo॑daśa॒ vasa॑va॒ indro॒'jo'hi॒rvai bu॒dhniya॑ pū॒ṣā'śvinau॑ ya॒mo daśa॑ da॒śāthai॒tada॑māvā॒syā॑yā a॒ṣṭau pañca॑daśa

3.1.5.1
mi॒tro vā a॑kāmayata / mi॒tra॒dheya॑me॒ṣu lo॒keṣva॒bhija॑yeya॒miti॑ / sa e॒taṃ mi॒trāyā॑nūrā॒dhebhya॑śca॒runnira॑vapat / tato॒ vai sa mi॑tra॒dheya॑me॒ṣulo॒keṣva॒bhya॑jayat / mi॒tra॒dheya॑ ha॒ vā e॒ṣu lo॒keṣva॒bhija॑yati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / mi॒trāya॒ svāhā॑'nūrā॒dhebhya॒ssvāhā / mi॒tra॒dheyā॑ya॒ svāhā॒'bhiji॑tyai॒ svāheti॑

3.1.5.2
indro॒ vā a॑kāmayata / jyaiṣṭhya॑nde॒vānā॑ma॒bhija॑yeya॒miti॑ / sa e॒tamindrā॑ya jye॒ṣṭhāyai॑ puro॒ḍāśa॒mekā॑daśakapāla॒- nnira॑vapanma॒hāvrī॑hīṇām / tato॒ vai sa jyaiṣṭhya॑nde॒vānā॑ma॒bhya॑jayat / jyaiṣṭhya॑ ha॒ vai sa॑mā॒nānā॑ma॒bhija॑yati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / indrā॑ya॒ svāhā jye॒ṣṭhāyai॒ svāhā / jyaiṣṭhyā॑ya॒ svāhā॒bhiji॑tyai॒ svāheti॑

3.1.5.3
pra॒jāpa॑ti॒rvā a॑kāmayata / mūlaṃ॑ pra॒jām̐vvi॑nde॒yeti॑ / sa e॒taṃ pra॒jāpa॑taye॒ mūlā॑ya ca॒runnira॑vapat / tato॒ vai sa mūlaṃ॑ pra॒jāma॑vindata / mūla॑ ha॒ vai pra॒jāvvim̐॑ndate / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / pra॒jāpa॑taye॒ svāhā॒ mūlā॑ya॒ svāhā / pra॒jāyai॒ svāheti॑

3.1.5.4
āpo॒ vā a॑kāmayanta / sa॒mu॒draṅkāma॑ma॒bhija॑ye॒meti॑ / tā e॒tama॒dbhyo॑'ṣā॒ḍhābhya॑śca॒runnira॑vapann / tato॒ vai tāssa॑mu॒draṅkāma॑ma॒bhya॑jayann / sa॒mu॒dra ha॒ vai kāma॑ma॒bhija॑yati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / a॒dbhyassvāhā॑'ṣā॒ḍhābhya॒ssvāhā / sa॒mu॒drāya॒ svāhā॒ kāmā॑ya॒ svāhā / a॒bhiji॑tyai॒ svāheti॑

3.1.5.5
viśve॒ vai de॒vā a॑kāmayanta / a॒na॒pa॒ja॒yyañja॑ye॒meti॑ / ta e॒tavvim̐śvebhyo de॒vebhyo॑'ṣā॒ḍhābhya॑śca॒runnira॑vapann / tato॒ vai te॑'napaja॒yyama॑jayann / a॒na॒pa॒ja॒yya ha॒ vai ja॑yati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / viśvebhyo de॒vebhya॒ssvāhā॑'ṣā॒ḍhābhya॒ssvāhā / a॒na॒pa॒ja॒yyāya॒ svāhā॒ jityai॒ svāheti॑

3.1.5.6
brahma॒ vā a॑kāmayata / bra॒hma॒lo॒kama॒bhija॑yeya॒miti॑ / tade॒taṃ brahma॑ṇe'bhi॒jite॑ ca॒runnira॑vapat / tato॒ vai tadbra॑hmalo॒kama॒bhya॑jayat / bra॒hma॒lo॒ka ha॒ vā a॒bhija॑yati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / brahma॑ṇe॒ svāhā॑'bhi॒jite॒ svāhā / bra॒hma॒lo॒kāya॒ svāhā॒'bhiji॑tyai॒ svāheti॑

3.1.5.7
viṣṇu॒rvā a॑kāmayata / puṇya॒ śloka॑ śṛṇvīya / na mā॑ pā॒pī kī॒rtirāga॑cche॒diti॑ / sa e॒tavvim̐ṣṇa॑ve śro॒ṇāyai॑ puro॒ḍāśa॑ntrikapā॒lannira॑vapat / tato॒ vai sa puṇya॒॒ śloka॑maśṛṇuta / nainaṃ॑ pā॒pī kī॒rtirāga॑cchat / puṇya॑ ha॒ vai śloka॑ śṛṇute / nainaṃ॑ pā॒pī kī॒rtirāga॑cchati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / viṣṇa॑ve॒ svāhā śro॒ṇāyai॒ svāhā / ślokā॑ya॒ svāhā śru॒tāya॒ svāheti॑

3.1.5.8
vasa॑vo॒ vā a॑kāmayanta / agra॑nde॒vatā॑nāṃ॒ parī॑yā॒meti॑ / ta e॒taṃ vasu॑bhya॒śśravi॑ṣṭhābhya puro॒ḍāśa॑ma॒ṣṭāka॑pāla॒nnira॑vapann / tato॒ vai te'gra॑nde॒vatā॑nāṃ॒ paryā॑yann / agra॑ ha॒ vai sa॑mā॒nānāṃ॒ parye॑ti / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / vasu॑bhya॒ssvāhā॒ śravi॑ṣṭhābhya॒ssvāhā / agrā॑ya॒ svāhā॒ parītyai॒ svāheti॑

3.1.5.9
indro॒ vā a॑kāmayata / dṛ॒ḍho'śi॑thilassyā॒miti॑ / sa e॒taṃ varu॑ṇāya śa॒tabhi॑ṣaje bheṣa॒jebhya॑ puro॒ḍāśa॒ndaśa॑kapāla॒nnira॑vapatkṛ॒ṣṇānām̐vvrīhī॒ṇām / tato॒ vai sa dṛ॒ḍho'śi॑thilo'bhavat / dṛ॒ḍho ha॒ vā aśi॑thilo bhavati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / varu॑ṇāya॒ svāhā॑ śa॒tabhi॑ṣaje॒ svāhā / bhe॒ṣa॒jebhya॒ssvāheti॑

3.1.5.10
a॒jo vā eka॑pādakāmayata / te॒ja॒svī bra॑hmavarca॒sī syā॒miti॑ / sa e॒tama॒jāyaika॑pade proṣṭhapa॒debhya॑śca॒runnira॑vapat / tato॒ vai sa te॑ja॒svī bra॑hmavarca॒sya॑bhavat / te॒ja॒svī ha॒ vai bra॑hmavarca॒sī bha॑vati / ya e॒tena॑ ha॒viṣā॒ yajate / ya u॑ cainade॒vavvem̐da॑ / so'tra॑ juhoti / a॒jāyaika॑pade॒ svāhā proṣṭhapa॒debhya॒ssvāhā / teja॑se॒ svāhā brahmavarca॒sāya॒ svāheti॑

3.1.5.11
ahi॒rvai bu॒dhniyo॑'kāmayata / i॒māṃ pra॑ti॒ṣṭhāvvim̐॑nde॒yeti॑ / sa e॒tamaha॑ye bu॒dhniyā॑ya proṣṭhapa॒debhya॑ puro॒ḍāśaṃ॒ bhūmi॑kapāla॒nnira॑vat / tato॒ vai sa i॒māṃ pra॑ti॒ṣṭhāma॑vindata / i॒mā ha॒ vai pra॑ti॒ṣṭhāvvim̐॑ndate / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / aha॑ye bu॒dhniyā॑ya॒ svāhā proṣṭhapa॒debhya॒ssvāhā / pra॒ti॒ṣṭhāyai॒ svāheti॑

3.1.5.12
pū॒ṣā vā a॑kāmayata / pa॒śu॒māntsyā॒miti॑ / sa e॒taṃ pū॒ṣṇe re॒vatyai॑ ca॒runnira॑vapat / tato॒ vai sa pa॑śu॒māna॑bhavat / pa॒śu॒mān ha॒ vai bha॑vati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / pū॒ṣṇe svāhā॑ re॒vatyai॒ svāhā / pa॒śubhya॒ssvāheti॑

3.1.5.13
a॒śvinau॒ vā a॑kāmayetām / śro॒tra॒svinā॒vaba॑dhirau syā॒veti॑ / tāve॒tama॒śvibhyā॑maśva॒yugbhyāṃ puro॒ḍāśa॑ndvikapā॒la- nnira॑vapatām / tato॒ vai tau śrotra॒svinā॒vaba॑dhirāvabhavatām / śro॒tra॒svī ha॒ vā aba॑dhiro bhavati / ya ete॒na॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / a॒śvibhyā॒॒ svāhā'śva॒yugbhyā॒॒ svāhā / śrotrā॑ya॒ svāhā॒ śrutyai॒ svāheti॑

3.1.5.14
ya॒mo vā a॑kāmayata / pi॒tṛ॒ṇā rā॒jyama॒bhija॑yeya॒miti॑ / sa e॒tayyam॒̐māyā॑pa॒bhara॑ṇībhyaśca॒runnira॑pavat / tato॒ vai sa pi॑tṛ॒ṇā rā॒jyama॒bhya॑jayat / sa॒mā॒nānā॑ ha॒ vai rā॒jyama॒bhi ja॑yati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / ya॒māya॒ svāhā॑'pa॒bhara॑ṇībhya॒ssvāhā / rā॒jyāya॒ svāhā॒bhiji॑tyai॒ svāheti॑

3.1.5.15
athai॒tada॑māvā॒syā॑yā॒ ājya॒nnirva॑pati / kāmo॒ vā a॑māvā॒syā / kāma॒ ājyam / kāme॑nai॒va kāma॒॒ sama॑rdhayati / kṣi॒prame॑na॒॒ sakāma॒ upa॑namati / yena॒ kāme॑na॒ yaja॑te / so'tra॑ juhoti / a॒mā॒vā॒syā॑yai॒ svāhā॒ kāmā॑ya॒ svāhā''ga॑tyai॒ svāheti॑

3.1.6.0
ca॒ndramā॒ pañca॑daśāhorā॒tre sa॒ptada॑śo॒ṣā ekā॑da॒śāthai॒tasmai॒ nakṣa॑ttrāya॒ trayo॑daśa॒ sūryo॒ daśāthai॒tamadi॑tyai॒ pañcāthai॒tavvim̐ṣṇa॑ve॒ ṣaṭtsa॒pta

(sa॒vi॒tā''śū॒nāvvrīm̐॑hī॒ṇāmindro॑ ma॒hāvrī॑hīṇā॒mindra॑kṛ॒ṣṇānāvvrīm̐hī॒ṇāma॑horā॒tre dva॒yānāvvrīm̐hī॒ṇām / pi॒tara॒ṣṣaṭka॑pāla savi॒tā dvāda॑śakapālamindrā॒gnī ekā॑daśakapāla॒mindra॒ ekā॑daśakapāla॒mindro॒ daśa॑kapāla॒vvim̐ṣṇu॑strikapā॒lamahi॒rbhūmi॑- kapālama॒śvinau dvikapā॒lañca॒ndramā॒ pañca॑daśakapālama॒gnistvaṣṭā॒ vasa॑vo॒'ṣṭāka॑pālama॒nyatra॑ ca॒rum / ru॒dro'rya॒mā pū॒ṣā pa॑śu॒māntsyā॒॒ somo॑ ru॒dro bṛha॒spati॒ paya॑si vā॒yu paya॒ssomo॑ vā॒yuri॑ndrā॒gnī mi॒tra indra॒ āpo॒ brahma॑ ya॒mo॑'bhiji॑tyai॒ tvaṣṭā pra॒jāpa॑tipra॒jāyai॑ paurṇamā॒syā a॑māvā॒syā॑yā॒ aga॑tyai॒ viśve॒ jityā॑ a॒śvinau॒ śrutyai / brahma॒ tade॒tavvim̐ṣṇu॒ssa e॒tavvām॒̐yussa e॒tadāpa॒stāḥ / pi॒taro॒ viśve॒ vasa॑vo'kāmayanta॒ meti॒ ta e॒tannira॑vapann / āpo॑'kāmayanta॒ meti॒ tā e॒tannira॑vapann / i॒ndrā॒gnī a॒śvinā॑vakāmayetā॒vvem̐ti॒ tāve॒tannira॑vapatām / a॒ho॒rā॒tre vā a॑kāmayetā॒miti॒ te e॒tannira॑vapatām / a॒nyatrā॑kāmaya॒teti॒ sa e॒tannira॑vapat / i॒ndrā॒gnī śraiṣṭhya॒mindro॒ jyaiṣṭhya॒mindro॑ dṛ॒ḍhaḥ / ahi॒ssūryo'di॑tyai॒ viṣṇa॑ve prati॒ṣṭhāyai / somo॑ ya॒massa॑mā॒nānām / a॒gnirno॑ rīriṣada॒nyatra॑ rīriṣaḥ // )
3.1.6.1
ca॒ndramā॒ vā a॑kāmayata / a॒horā॒trāna॑rdhamā॒sānmāsā॑nṛ॒tūntsa॑vvam̐tsa॒ramā॒ptvā / ca॒ndrama॑sa॒ssāyu॑jya salo॒katā॑māpnuyā॒miti॑ / sa e॒tañca॒ndrama॑se pratī॒dṛśyā॑yai puro॒ḍāśaṃ॒ pañca॑daśakapāla॒nnira॑vapat / tato॒ vai so॑'horā॒trāna॑rdhamā॒sānmāsā॑nṛ॒tūntsa॑vvam̐tsa॒ramā॒ptvā / ca॒ndrama॑sa॒ssāyu॑jya salo॒katā॑māpnot / a॒ho॒rā॒trān ha॒ vā a॑rdhamā॒sānmāsā॑nṛ॒tūntsa॑vvam̐tsa॒ramā॒ptvā / ca॒ndrama॑sa॒ssāyu॑jya salo॒katā॑māpnoti / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / ca॒ndrama॑se॒ svāhā pratī॒dṛśyā॑yai॒ svāhā / a॒ho॒rā॒trebhya॒ssvāhā'rdhamā॒sebhya॒ssvāhā / māsebhya॒ssvāha॒rtubhya॒ssvāhā / sa॒vvam॒̐tsa॒rāya॒ svāheti॑

3.1.6.2
a॒ho॒rā॒tre vā a॑kāmayetām / atya॑horā॒tre mu॑cyevahi / na nā॑vahorā॒tre āpnuyātā॒miti॑ / te e॒tama॑horā॒trābhyā- ñca॒runnira॑vapatām / dva॒yānāvvrīm̐hī॒ṇām / śu॒klānāñca kṛ॒ṣṇānāñca / sa॒vā॒tyordu॒gdhe / śve॒tāyai॑ ca kṛ॒ṣṇāyai॑ ca / tato॒ vai te atya॑horā॒tre a॑mucyete / naine॑ ahorā॒tre āpnutām / ati॑ ha॒ vā a॑horā॒tre mu॑cyate / naina॑mahorā॒tre āpnutaḥ / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / ahne॒ svāhā॒ rātri॑yai॒ svāhā / ati॑muktyai॒ svāheti॑

3.1.6.3
u॒ṣā vā a॑kāmayata / pri॒yā''di॒tyasya॑ su॒bhagā syā॒miti॑ / saitamu॒ṣase॑ ca॒runnira॑vapat / tato॒ vai sā pri॒yā''- di॒tyasya॑ su॒bhagā॑'bhavat / pri॒yo ha॒ vai sa॑mā॒nānā॑ su॒bhago॑ bhavati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / u॒ṣase॒ svāhā॒ vyu॑ṣṭyai॒ svāhā / vyū॒ṣuṣyai॒ svāhā vyu॒cchantyai॒ svāhā / vyu॑ṣṭāyai॒ svāheti॑

3.1.6.4
athai॒tasmai॒ nakṣa॑trāya ca॒runirva॑pati / yathā॒ tvande॒vānā॒masi॑ / e॒vama॒haṃ ma॑nu॒ṣyā॑ṇāṃ bhūyāsa॒miti॑ / yathā॑ ha॒ vā e॒tadde॒vānām / e॒va ha॒ vā e॒ṣa ma॑nu॒ṣyā॑ṇāṃ bhavati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / nakṣa॑trāya॒ svāho॑deṣya॒te svāhā / u॒dya॒te svāhodi॑tāya॒ svāhā / hara॑se॒ svāhā॒ bhara॑se॒ svāhā / bhrāja॑se॒ svāhā॒ teja॑se॒ svāhā / tapa॑se॒ svāhā brahmavarca॒sāya॒ svāheti॑

3.1.6.5
sūryo॒ vā a॑kāmayata / nakṣa॑trāṇāṃ prati॒ṣṭhā syā॒miti॑ / sa e॒ta sūryā॑ya॒ nakṣa॑trebhyaśca॒runnira॑vapat / tato॒ vai sa nakṣa॑trāṇāṃ prati॒ṣṭhā'bha॑vat / pra॒ti॒ṣṭhā ha॒ vai sa॑mā॒nānāṃ bhavati / ya e॒tena॑ ha॒viṣā॒ yaja॑te / ya u॑ cainade॒vavvem̐da॑ / so'tra॑ juhoti / sūryā॑ya॒ svāhā॒ nakṣa॑trebhya॒ssvāhā / pra॒ti॒ṣṭhāyai॒ svāheti॑

3.1.6.6
athai॒tamadi॑tyai ca॒runnirva॑pati / i॒yavvām̐ adi॑tiḥ / a॒syāme॒va prati॑tiṣṭhati / so'tra॑ juhoti / adi॑tyai॒ svāhā prati॒ṣṭhāyai॒ svāheti॑

3.1.6.7
athai॒tavvim̐ṣṇa॑ve ca॒runnirva॑pati / ya॒jño vai viṣṇuḥ॑ / ya॒jña e॒vānta॒ta prati॑tiṣṭhati / so'tra॑ juhoti / viṣṇa॑ve॒ svāhā॑ ya॒jñāya॒ svāhā / pra॒ti॒ṣṭhāyai॒ svāheti॑

3.2.0.0
tṛ॒tīya॑syāṃ de॒vasyāśvapa॒ऱśuṃ yo vai pūrve॒dyu karma॑ṇe vā॒mindro॑ vṛ॒trama॑ha॒ntso॑'po'va॑dhūta॒ndhṛṣṭi॑rde॒vasyetyā॑ha॒ savvam̐॑pāmi de॒vasya॒ sphyamā da॑de॒ vajro॒ vai sphyo daśa॑

tṛ॒tīya॑syāṃ ya॒jñasyāna॑tirekāya pa॒vitra॑vatyadhva॒ryuṃ cā॑dhi॒ṣava॑ṇamasya॒ntari॑kṣa e॒va rakṣa॑sāma॒ntaऱhi॑tyai॒ dvau vāva puru॑ṣau॒ yada॒daśca॒ndrama॑si॒ medhyaṃ॒ pañcāśī॑tiḥ

tṛ॒tīya॑syā॒yyam̐ja॑mānaḥ // hariḥ॑om // kṛṣṇayajurbrāhmaṇe tṛtīyāṣṭake dvitīyaprapāṭhakassamāptaḥ //
3.2.0.0
taittirīyabrāhmaṇe tṛtīyāṣṭake dvitīyaprapāṭhaka prārambhaḥ / hariḥ om //
3.2.1.0
pa॒śava॑ karoti pa॒śavo॑ devabhā॒gamityā॑ha karoti॒ nava॑ ca

3.2.1.1
tṛ॒tīya॑syāmi॒to di॒vi soma॑ āsīt / taṅgā॑ya॒tryā'ha॑rat / tasya॑ pa॒rṇama॑cchidyata / tatpa॒rṇo॑'bhavat / tatpa॒rṇasya॑ parṇa॒tvam / brahma॒ vai pa॒rṇaḥ / yatpa॑rṇaśā॒khayā॑ va॒tsāna॑pāka॒roti॑ / brahma॑ṇai॒vainā॑na॒pāka॑roti / gā॒ya॒tro vai pa॒rṇaḥ / gā॒ya॒trā pa॒śavaḥ॑

3.2.1.2
tasmā॒ttrīṇi॑trīṇi pa॒rṇasya॑ palā॒śāni॑ / tri॒padā॑ gāya॒trī / yatpa॑rṇaśā॒khayā॒ gā prā॒rpaya॑ti / svayai॒vainā॑ de॒vata॑yā॒ prārpa॑yati / yaṅkā॒maye॑tāpa॒śussyā॒diti॑ / a॒pa॒rṇāntasmai॒ śuṣkāgrā॒māha॑ret / a॒pa॒śure॒va bha॑vati / yaṅkā॒maye॑ta paśu॒māntsyā॒diti॑ / ba॒hu॒pa॒rṇāntasmai॑ bahuśā॒khāmāha॑ret / pa॒śu॒manta॑me॒vaina॑ṅkaroti // 2 /
3.2.1.3
yatprācī॑mā॒ haret / de॒va॒lo॒kama॒bhi ja॑yet / yadudī॑cīṃ manuṣyalo॒kam / prācī॒mudī॑cī॒mā ha॑rati / u॒bhayorlo॒kayo॑ra॒bhiji॑tyai / i॒ṣe tvo॒rje tvetyā॑ha / iṣa॑me॒vorja॒yyam̐ja॑māne dadhāti / vā॒yava॒ssthetyā॑ha / vā॒yurvā a॒ntari॑kṣa॒syādhya॑kṣāḥ / a॒nta॒ri॒kṣa॒de॒va॒tyā khalu॒ vai pa॒śavaḥ॑

3.2.1.4
vā॒yava॑ e॒vainā॒npari॑ dadāti / pra vā e॑nāne॒tadā ka॑roti / yadāha॑ / vā॒yava॒ssthetyu॑pā॒yava॒ssthetyā॑ha / yaja॑mānāyai॒va pa॒śūnupa॑ hvayate / de॒vo va॑ssavi॒tā prārpa॑ya॒tvityā॑ha॒ prasūtyai / śreṣṭha॑tamāya॒ karma॑ṇa॒ ityā॑ha / ya॒jño hi śreṣṭha॑tama॒ṅkarma॑ / tasmā॑de॒vamā॑ha / āpyā॑yadhvamaghniyā devabhā॒gamityā॑ha

3.2.1.5
va॒tsebhya॑śca॒ vā e॒tā pu॒rā ma॑nu॒ṣyebhya॒ścāpyā॑yanta / de॒vebhya॑ e॒vainā॒ indrā॒yāpyā॑yayati / ūrja॑svatī॒ paya॑svatī॒rityā॑ha / ūrja॒॒ hi paya॑ssa॒mbhara॑nti / pra॒jāva॑tīranamī॒vā a॑ya॒kṣmā ityā॑ha॒ prajātyai / mā va॑sste॒na ī॑śata॒ mā'ghaśa॑sa॒ ityā॑ha॒ guptyai / ru॒drasya॑ he॒tipari॑ vo vṛṇa॒ktvityā॑ha / ru॒drāde॒vaināstrāyate / dhru॒vā a॒smingopa॑tau syāta ba॒hvīrityā॑ha / dhru॒vā e॒vāsmi॑nba॒hvī ka॑roti

3.2.1.6
yaja॑mānasya pa॒śūnpā॒hītyā॑ha / pa॒śū॒nāṅgo॑pī॒thāya॑ / tanmātsā॒yaṃ pa॒śava॒ upa॑sa॒māva॑rtante / ana॑dhassādayati / garbhā॑ṇā॒ndhṛtyā॒ apra॑pādāya / tasmā॒dgarbhā pra॒jānā॒mapra॑pādukāḥ / u॒parī॑va॒ nida॑dhāti / u॒parī॑va॒ hi su॑va॒rgo lo॒kaḥ / su॒va॒rgasya॑ lo॒kasya॒ sama॑ṣṭyai

3.2.2.0
sa॒yo॒ni॒tvāya॑ sva॒dhākṛ॑tā॒'sītyā॑ha dāyā॒dveda॑ bharati jāyante॒ bṛha॒spati॒ssama॑ṣṭyai

3.2.2.1
de॒vasya॑ tvā savi॒tu pra॑sa॒va itya॑śvapa॒r॒śumāda॑tte॒ prasūtyai / a॒śvinorbā॒hubhyā॒mityā॑ha / a॒śvinau॒ hi de॒vānā॑madhva॒ryū āstām / pū॒ṣṇo hastābhyā॒mityā॑ha॒ yatyai / yo vā oṣa॑dhī parva॒śo veda॑ / nainā॒ssa hi॑nasti / pra॒jāpa॑ti॒rvā oṣa॑dhī parva॒śo ve॑da / sa e॑nā॒ na hi॑nasti / a॒śva॒pa॒rśvā ba॒r॒hiracchai॑ti / prā॒jā॒pa॒tyo vā aśva॑ssayoni॒tvāya॑

3.2.2.2
oṣa॑dhīnā॒mahi॑sāyai / ya॒jñasya॑ gho॒ṣada॒sītyā॑ha / yaja॑māna e॒va ra॒yinda॑dhāti / pratyu॑ṣṭa॒॒ rakṣa॒ pratyu॑ṣṭā॒ arā॑taya॒ ityā॑ha / rakṣa॑sā॒mapa॑hatyai / preyama॑gāddhi॒ṣaṇā॑ ba॒r॒hiracchetyā॑ha / vi॒dyā vai dhi॒ṣaṇā / vi॒dyayai॒vaina॒dacchai॑ti / manu॑nā kṛ॒tā sva॒dhayā॒ vita॒ṣṭetyā॑ha / mā॒na॒vī hi paऱśu॑ssva॒dhākṛ॑tā

3.2.2.3
ta āva॑hanti ka॒vaya॑ pu॒rastā॒dityā॑ha / śu॒śru॒vāso॒ vai ka॒vayaḥ॑ / ya॒jña pu॒rastāt / mu॒kha॒ta e॒va ya॒jñamā ra॑bhate / atho॒ yade॒tadu॒ktvā yata॒ kuta॑ścā॒ hara॑ti / tatprācyā॑ e॒va di॒śo bha॑vati / de॒vebhyo॒ juṣṭa॑mi॒ha ba॒r॒hirā॒sada॒ ityā॑ha / ba॒ऱhiṣa॒ssamṛ॑ddhyai / karma॒ṇo'na॑parādhāya / de॒vānāṃ pariṣū॒tama॒sītyā॑ha

3.2.2.4
yadvā i॒daṅkiñca॑ / tadde॒vānāṃ pariṣū॒tam / atho॒ yathā॒ vasya॑se prati॒procyāhe॒daṅka॑riṣyā॒mīti॑ / e॒vame॒va tada॑dhva॒ryurde॒vebhya॑ prati॒procya॑ ba॒r॒hirdā॑ti / ā॒tmano'hi॑sāyai / yāva॑tassta॒mbānpa॑ridi॒śet / yatteṣā॑mucchi॒॒ṣyāt / ati॒ tadya॒jñasya॑ recayet / eka॑ sta॒mbaṃ pari॑diśet / ta sarva॑ndāyāt

3.2.2.5
ya॒jñasyāna॑tirekāya / va॒r॒ṣavṛ॑ddhama॒sītyā॑ha / va॒r॒ṣavṛ॑ddhā॒ vā oṣa॑dhayaḥ / deva॑baऱhi॒rityā॑ha / de॒vebhya॑ e॒vaina॑tkaroti / mā tvā॒'nvaṅmā ti॒ryagityā॒hāhi॑sāyai / parva॑ te rādhyāsa॒mityā॒hardhyai / ā॒cche॒ttā te॒ mā ri॑ṣa॒mityā॑ha / nāsyā॒tmano॑ mīyate / ya e॒vavvem̐da॑

3.2.2.6
deva॑baऱhiśśa॒tava॑laल़śa॒vvim̐ro॒hetyā॑ha / pra॒jā vai ba॒r॒hiḥ / pra॒jānāṃ pra॒jana॑nāya / sa॒hasra॑val‌śā॒ vi va॒ya ru॑he॒metyā॑ha / ā॒śiṣa॑me॒vaitāmā śāste / pṛ॒thi॒vyāssaṃ॒pṛca॑ pā॒hītyā॑ha॒ prati॑ṣṭhityai / ayu॑ṅgāyuṅgānmu॒ṣṭīllum̐॑noti / mi॒thu॒na॒tvāya॒ prajātyai / su॒saṃ॒bhṛtā tvā॒ saṃbha॑rā॒mītyā॑ha / brahma॑ṇai॒vaina॒tsaṃbha॑rati

3.2.2.7
adi॑tyai॒ rāsnā॒'sītyā॑ha / i॒yavvām̐ adi॑tiḥ / a॒syā e॒vaina॒drāsnāṅkaroti / i॒ndrā॒ṇyai sa॒nnaha॑na॒mityā॑ha / i॒ndrā॒ṇī vā agre॑ de॒vatā॑nā॒॒ sama॑nahyata / sā''rdhnot / ṛddhyai॒ sanna॑hyati / pra॒jā vai ba॒r॒hiḥ / pra॒jānā॒mapa॑rāvāpāya / tasmā॒tsnāva॑santatā pra॒jā jā॑yante

3.2.2.8
pū॒ṣā te gra॒nthiṅgra॑thnā॒tvityā॑ha / puṣṭi॑me॒va yaja॑māne dadhāti / sa te॒ māsthā॒dityā॒hāhi॑sāyai / pa॒ścātprāñca॒mupa॑gūhati / pa॒ścādvai prā॒cīna॒॒ reto॑ dhīyate / pa॒ścāde॒vāsmai prā॒cīna॒॒ reto॑ dadhāti / indra॑sya tvā bā॒hubhyā॒mudya॑ccha॒ ityā॑ha / i॒ndri॒yame॒va yaja॑māne dadhāti / bṛha॒spatermū॒rdhnā ha॑rā॒mītyā॑ha / brahma॒ vai de॒vānāṃ॒ bṛha॒spatiḥ॑

3.2.2.9
brahma॑ṇai॒vaina॑ddharati / u॒rva॑ntari॑kṣa॒manvi॒hītyā॑ha॒ gatyai / de॒va॒ṅga॒mama॒sītyā॑ha / de॒vāne॒vaina॑dgamayati / ana॑dhassādayati / garbhā॑ṇā॒ndhṛtyā॒ apra॑pādāya / tasmā॒dgarbhā pra॒jānā॒mapra॑pādukāḥ / u॒parī॑va॒ ni da॑dhāti / u॒parī॑va॒ hi su॑va॒rgo lo॒kaḥ / su॒va॒rgasya॑ lo॒kasya॒ sama॑ṣṭyai

3.2.3.0
a॒sītyā॑ha॒ dhṛtyai॒ yaja॑māne dadhā॒tyajā॑mitvāya sthāpayati duhe duhanti du॒hyāddogdhīti॒ dadhītyā॑ha syātsādayati॒ pañca॑ ca

3.2.3.1
pū॒rve॒dyuri॒dhmāba॒r॒hi ka॑roti / ya॒jñame॒vārabhya॑ gṛhī॒tvopa॑vasati / pra॒jāpa॑tirya॒jñama॑sṛjata / tasyo॒khe a॑srasetām / ya॒jño vai pra॒jāpa॑tiḥ / yatsānnāyyo॒khe bhava॑taḥ / ya॒jñasyai॒va tadu॒khe upa॑dadhā॒tyapra॑srasāya / śundha॑dhva॒ndaivyā॑ya॒ karma॑ṇe devaya॒jyāyā॒ ityā॑ha / de॒va॒ya॒jyāyā॑ e॒vainā॑ni śundhati / mā॒ta॒riśva॑no gha॒rmo॑'sītyā॑ha

3.2.3.2
a॒ntari॑kṣa॒vvaim̐ mā॑ta॒riśva॑no gha॒rmaḥ / e॒ṣāllom॒̐kānā॒vvim̐dhṛ॑tyai / dyaura॑si pṛthi॒vya॑sītyā॑ha / di॒vaśca॒ hye॑ṣā pṛ॑thi॒vyāśca॒ saṃbhṛ॑tā / yadu॒khā / tasmā॑de॒vamā॑ha / vi॒śvadhā॑yā asi para॒meṇa॒ dhāmnetyā॑ha / vṛṣṭi॒rvai vi॒śvadhā॑yāḥ / vṛṣṭi॑me॒vāva॑rundhe / dṛha॑sva॒ mā hvā॒rityā॑ha॒ dhṛtyai

3.2.3.3
vasū॑nāṃ pa॒vitra॑ma॒sītyā॑ha / prā॒ṇā vai vasa॑vaḥ / teṣā॒vvām̐ e॒tadbhā॑ga॒dheyam / yatpa॒vitram / tebhya॑ e॒vaina॑tkaroti / śa॒tadhā॑ra sa॒hasra॑dhāra॒mityā॑ha / prā॒ṇeṣve॒vāyu॑rdadhāti sarva॒tvāya॑ / tri॒vṛtpa॑lāśaśā॒khāyāndarbha॒mayaṃ॑ bhavati / tri॒vṛdvai prā॒ṇaḥ / tri॒vṛta॑me॒va prā॒ṇaṃ ma॑dhya॒to yaja॑māne dadhāti

3.2.3.4
sau॒mya pa॒rṇassa॑yoni॒tvāya॑ / sā॒kṣātpa॒vitra॑nda॒rbhāḥ / prākhsā॒yamadhi॒ni da॑dhāti / tatprā॑ṇāpā॒nayo॑ rū॒pam / ti॒ryakprā॒taḥ / taddarśa॑sya rū॒pam / dā॒rśya hye॑tadahaḥ॑ / anna॒vvaim̐ ca॒ndramāḥ / annaṃ॑ prā॒ṇāḥ / u॒bhaya॑me॒vopai॒tyajā॑mitvāya

3.2.3.5
tasmā॑da॒ya sa॒rvata॑ pavate / hu॒tassto॒ko hu॒to dra॒psa ityā॑ha॒ prati॑ṣṭhityai / ha॒viṣo'ska॑ndāya / na hi hu॒ta svāhā॑kṛta॒ skanda॑ti / di॒vi nāko॒ nāmā॒gniḥ / tasya॑ vi॒pruṣo॑ bhāga॒dheyam / a॒gnaye॑ bṛha॒te nākā॒yetyā॑ha / nāka॑me॒vāgniṃ bhā॑ga॒dheye॑na॒ sama॑rdhayati / svāhā॒ dyāvā॑pṛthi॒vībhyā॒mityā॑ha / dyāvā॑pṛthi॒vyore॒vaina॒tprati॑ṣṭhāpayati

3.2.3.6
pa॒vitra॑va॒tyāna॑yati / a॒pāñcai॒vauṣa॑dhīnāñca॒ rasa॒॒ sasṛ॑jati / atho॒ oṣa॑dhīṣve॒va pa॒śūnprati॑ṣṭhāpayati / a॒nvā॒rabhya॒ vāca॑yyam̐cchati / ya॒jñasya॒ dhṛtyai / dhā॒raya॑nnāste / dhā॒raya॑nta iva॒ hi du॒hanti॑ / kāma॑dhukṣa॒ ityā॒hātṛ॒tīya॑syai / traya॑ i॒me lo॒kāḥ / i॒māne॒va lo॒kān‌yaja॑māno duhe

3.2.3.7
a॒mūmiti॒ nāma॑ gṛhṇāti / bha॒drame॒vāsā॒ṅkarmā॒ viṣka॑roti / sā vi॒śvāyu॒ssā vi॒śvavya॑cā॒ssā vi॒śvaka॒rmetyā॑ha / i॒yavvaim̐ vi॒śvāyuḥ॑ / a॒ntari॑kṣavvim॒̐śvavya॑cāḥ / a॒sau vi॒śvaka॑rmā / i॒māne॒vaitābhi॑rlo॒kān‌ ya॑thāpū॒rvandu॑he / atho॒ yathā pradā॒tre puṇya॑mā॒śāste / e॒vame॒vainā॑ e॒tadupa॑stauti / tasmā॒tprādā॒dityu॒nnīya॒ vanda॑mānā upastu॒vanta॑ pa॒śūndu॑hanti

3.2.3.8
ba॒hu du॒gdhīndrā॑ya de॒vebhyo॑ ha॒viriti॒ vāca॒vvim̐sṛ॑jate / ya॒thā॒de॒va॒tame॒va prasau॑ti / daivya॑sya ca mānu॒ṣasya॑ ca॒ vyāvṛ॑tyai / trirā॑ha / triṣa॑tyā॒ hi de॒vāḥ / avā॑cayyam॒̐mo'na॑nvāra॒bhyotta॑rāḥ / apa॑rimitame॒vāva॑ rundhe / na dā॑rupā॒treṇa॑ duhyāt / a॒gni॒vadvai dā॑rupā॒tram / yaddā॑rupā॒treṇa॑ du॒hyāt

3.2.3.9
yā॒tayāmnā ha॒viṣā॑ yajeta / atho॒ khalvā॑huḥ / pu॒ro॒ḍāśa॑mukhāni॒ vai ha॒vīṣi॑ / neta i॑ta puro॒ḍāśa॑ ha॒viṣo॒ yāmo॒'stīti॑ / kāma॑me॒va dā॑rupā॒treṇa॑ duhyāt / śū॒dra e॒va na du॑hyāt / asa॑to॒ vā e॒ṣa saṃbhū॑taḥ / yacchū॒draḥ / aha॑vire॒va tadityā॑huḥ / yacchū॒dro dogdhīti॑

3.2.3.10
a॒gni॒ho॒trame॒va na du॑hyācchū॒draḥ / taddhi notpu॒nanti॑ / ya॒dā khalu॒ vai pa॒vitra॑ma॒tyeti॑ / atha॒ taddha॒viriti॑ / saṃpṛ॑cyadhvamṛtāvarī॒rityā॑ha / a॒pāñcai॒vauṣa॑dhīnāñca॒ rasa॒॒ sa sṛ॑jati / tasmā॑da॒pāñcauṣa॑dhīnāñca॒ rasa॒mupa॑jīvāmaḥ / ma॒ndrā dhana॑sya sā॒taya॒ ityā॑ha / puṣṭi॑me॒va yaja॑māne dadhāti / some॑na॒ tvāta॑na॒cmīndrā॑ya॒ dadhītyā॑ha

3.2.3.11
soma॑me॒vaina॑tkaroti / yo vai somaṃ॑ bhakṣayi॒tvā / sa॒vvam॒̐tsa॒ra soma॒nna piba॑ti / pu॒na॒rbhakṣyo'sya somapī॒tho bha॑vati / soma॒ khalu॒ vai sānnā॒yyam / ya e॒vavvim॒̐dvāntsānnā॒yyaṃ piba॑ti / a॒pu॒na॒rbhakṣyo'sya sāmapī॒tho bha॑vati / na mṛ॒nmaye॒nāpi॑ dadhyāt / yanmṛ॒nmayo॑nāpida॒dhyāt / pi॒tṛ॒de॒va॒tya॑ syāt

3.2.3.12
a॒ya॒spā॒treṇa॑ vā dārupā॒treṇa॒ vā'pi॑ dadhāti / taddhi sade॑vam / u॒da॒nvadbha॑vati / āpo॒ vai ra॑kṣo॒ghnīḥ / rakṣa॑sā॒mapa॑hatyai / ada॑stamasi॒ viṣṇa॑ve॒ tve॒tyā॑ha / ya॒jño vai viṣṇuḥ॑ / ya॒jñāyai॒vaina॒dada॑staṅkaroti / viṣṇo॑ ha॒vya ra॑kṣa॒svetyā॑ha॒ guptyai / ana॑dhassādayati / garbhā॑ṇā॒ndhṛtyā॒ apra॑pādāya / tasmā॒dgarbhā pra॒jānā॒mapra॑pādukāḥ / u॒parī॑va॒ nida॑dhāti / u॒parī॑va॒ hi su॑va॒rgo lo॒kaḥ / su॒va॒rgasya॑ lo॒kasya॒ sama॑ṣṭyai

3.2.4.0
ya॒jño vā āpo॒ dhāma॑ pra॒ṇīya॒ praca॑ratyatī॒yāde॒tadbā॒hubhyā॒mityā॑ha ha॒vīṣi॒ nirva॑pati॒ gatyai॑ ca॒tvāri॑ ca

3.2.4.1
karma॑ṇe vānde॒vebhya॑śśakeya॒mityā॑ha॒ śaktyai / ya॒jñasya॒ vai santa॑ti॒manu॑ pra॒jā pa॒śavo॒ yaja॑mānasya॒ santā॑yante / ya॒jñasya॒ vicchi॑tti॒manu॑ pra॒jā pa॒śavo॒ yaja॑mānasya॒ vicchi॑dyante / ya॒jñasya॒ santa॑tirasi ya॒jñasya॑ tvā॒ santa॑tyai stṛṇāmi॒ santa॑tyai tvā ya॒jñasyetyāha॑va॒nīyā॒tsanta॑noti / yaja॑mānasya pra॒jāyai॑ paśū॒nā santa॑tyai / a॒pa praṇa॑yati / śra॒ddhā vā āpaḥ॑ / śra॒ddhāme॒vārabhya॑ pra॒ṇīya॒ praca॑rati / a॒pa praṇa॑yati / ya॒jño vā āpaḥ॑

3.2.4.2
ya॒jñame॒vārabhya॑ pra॒ṇīya॒ praca॑rati / a॒pa praṇa॑yati / vajro॒ vā āpaḥ॑ / vajra॑me॒va bhrātṛ॑vyebhya pra॒hṛtya॑ pra॒ṇīya॒ praca॑rati / a॒pa praṇa॑yati / āpo॒ vai ra॑kṣo॒ghnīḥ / rakṣa॑sā॒mapa॑hatyai / a॒pa praṇa॑yati / āpo॒ vai de॒vānāṃ pri॒yandhāma॑ / de॒vānā॑me॒va pri॒yandhāma॑ pra॒ṇīya॒ praca॑rati

3.2.4.3
a॒pa praṇa॑yati / āpo॒ vai sarvā॑ de॒vatāḥ / de॒vatā॑ e॒vārabhya॑ pra॒ṇīya॒ praca॑rati / veṣā॑ya॒ tvetyā॑ha / veṣā॑ya॒ hye॑nadāda॒tte / pratyu॑ṣṭa॒॒ rakṣa॒ pratyu॑ṣṭā॒ arā॑taya॒ ityā॑ha / rakṣa॑sā॒mapa॑hatyai / dhūra॒sītyā॑ha / e॒ṣa vai dhuryo॒'gniḥ / tayyam̐danu॑paspṛśyātī॒yāt

3.2.4.4
a॒dhva॒ryuñca॒ yaja॑mānañca॒ prada॑het / u॒pa॒spṛśyātye॑ti / a॒dhva॒ryośca॒ yaja॑mānasya॒ cāpra॑dāhāya / dhūrva॒ tayyom̐smāndhūrva॑ti॒ tandhūrva॒ yavvam॒̐yandhūrvā॑ma॒ ityā॑ha / dvau vāva puru॑ṣau / yañcai॒va dhūrva॑ti / yaśaश़cai॑na॒ndhūrva॑ti / tāvu॒bhau śu॒cā'rpa॑yati / tvande॒vānā॑masi॒ sasni॑tamaṃ॒ papri॑tama॒ñjuṣṭa॑tamaṃ॒ vahni॑tamandeva॒hūta॑ma॒mityā॑ha / ya॒thā॒ya॒jure॒vaitat

3.2.4.5
ahru॑tamasi havi॒rdhāna॒mityā॒hānārtyai / dṛha॑sva॒ mā hvā॒rityā॑ha॒ dhṛtyai / mi॒trasya॑ tvā॒ cakṣu॑ṣā॒ prekṣa॒ ityā॑ha mitra॒tvāya॑ / mā bhermā savvim̐॑kthā॒ mā tvā॑ hisiṣa॒mityā॒hāhi॑sāyai / yadvai kiñca॒ vāto॒ nābhi॒ vāti॑ / tatsarva॑vvam̐ruṇadeva॒tyam / u॒ru vātā॒yetyā॑ha / avā॑ruṇame॒vaina॑tkaroti / de॒vasya॑ tvā savi॒tu pra॑sa॒va ityā॑ha॒ prasūtyai / a॒śvinorbā॒hubhyā॒mityā॑ha

3.2.4.6
a॒śvinau॒ hi de॒vānā॑madhva॒ryū āstām / pū॒ṣṇo hastābhyā॒mityā॑ha॒ yatyai / a॒gnaye॒ juṣṭa॒nnirva॑pā॒mītyā॑ha / a॒gnaya॑ e॒vainā॒ñjuṣṭa॒nnirva॑pati / triryaju॑ṣā / traya॑ i॒me lo॒kāḥ / e॒ṣāllom॒̐kānā॒māptyai / tū॒ṣṇīñca॑tu॒rtham / apa॑rimitame॒vāva॑rundhe / sa e॒vame॒vānu॑pū॒rva ha॒vīṣi॒ nirva॑pati

3.2.4.7
i॒dande॒vānā॑mi॒damu॑ nassa॒hetyā॑ha॒ vyāvṛ॑tyai / sphā॒tyai tvā॒ nārātyā॒ ityā॑ha॒ guptyai / tama॑sīva॒ vā e॒ṣo'ntaśca॑rati / ya pa॑rī॒ṇahi॑ / suva॑ra॒bhi vi khye॑ṣavvaim̐śvāna॒rañjyoti॒rityā॑ha / suva॑re॒vābhi vi pa॑śyati vaiśvāna॒rañjyotiḥ॑ / dyāvā॑pṛthi॒vī ha॒viṣi॑ gṛhī॒ta uda॑vepetām / dṛha॑ntā॒nduryā॒ dyāvā॑pṛthi॒vyorityā॑ha / gṛ॒hāṇā॒ndyāvā॑pṛthi॒vyordhṛtyai / u॒rva॑ntari॑kṣa॒manvi॒hītyā॑ha॒ gatyai / adi॑tyāstvo॒pasthe॑ sādayā॒mītyā॑ha / i॒yavvām̐ adi॑tiḥ / a॒syā e॒vaina॑du॒pasthe॑ sādayati / agne॑ ha॒vya ra॑kṣa॒svetyā॑ha॒ guptyai

3.2.5.0
dvābhyā॒mutpu॑nāti ra॒śmayo॑ naya॒ntyagre॑ ya॒jñapa॑tiyyam॒̐jño'di॑ti॒raska॑ndāya gṛhṇā॒mītyā॑ha va॒detyā॑ha॒ viji॑tyā॒ apa॑hatyā॒ aska॑ndāya॒ trīṇi॑ ca

3.2.5.1
indro॑ vṛ॒trama॑hann / so॑'paḥ / a॒bhya॑mriyata / tāsā॒yyam̐nmedhya॑yyam॒̐jñiya॒॒ sade॑va॒māsīt / tadapoda॑krāmat / te da॒rbhā a॑bhavann / yadda॒rbhaira॒pa u॑tpu॒nāti॑ / yā e॒va medhyā॑ ya॒jñiyā॒ssade॑vā॒ āpaḥ॑ / tābhi॑re॒vainā॒ utpu॑nāti / dvābhyā॒mutpu॑nāti

3.2.5.2
dvi॒pādyaja॑māna॒ prati॑ṣṭhityai / de॒vo va॑ssavi॒totpu॑nā॒tvityā॑ha / sa॒vi॒tṛpra॑sūta e॒vainā॒ utpu॑nāti / acchi॑dreṇa pa॒vitre॒ṇetyā॑ha / a॒sau vā ā॑di॒tyo'cchi॑draṃ pa॒vitram / tenai॒vainā॒ utpu॑nāti / vaso॒ssūrya॑sya ra॒śmibhi॒rityā॑ha / prā॒ṇā vā āpaḥ॑ / prā॒ṇā vasa॑vaḥ / prā॒ṇā ra॒śmayaḥ॑

3.2.5.3
prā॒ṇaire॒va prā॒ṇāntsaṃ pṛ॑ṇakti / sā॒vi॒tri॒yarcā / sa॒vi॒tṛpra॑sūtaṃ me॒ karmā॑sa॒diti॑ / sa॒vi॒tṛpra॑sūtame॒vāsya॒ karma॑ bhavati / pa॒ccho gā॑yatri॒yā tri॑ṣṣamṛddha॒tvāya॑ / āpo॑ devīragrepuvo agreguva॒ ityā॑ha / rū॒pame॒vāsā॑me॒tanma॑hi॒mānaṃ॒ vyāca॑ṣṭe / agra॑ i॒maṃ ya॒jñaṃ na॑ya॒tāgre॑ ya॒jñapa॑ti॒mityā॑ha / agra॑ e॒va ya॒jñaṃ na॑yanti / agre॑ ya॒jñapa॑tim

3.2.5.4
yu॒ṣmānindro॑'vṛṇīta vṛtra॒tūrye॑ yū॒yamindra॑mavṛṇīdhvaṃ vṛtra॒tūrya॒ ityā॑ha / vṛ॒tra ha॑ hani॒ṣyannindra॒ āpo॑ vavre / āpo॒ hendraṃ॑ vavrire / saṃ॒jñāme॒vāsā॑me॒tatsāmā॑naṃ॒ vyāca॑ṣṭe / prokṣi॑tā॒ssthetyā॑ha / tenāpa॒ prokṣi॑tāḥ / a॒gnaye॑ vo॒ juṣṭaṃ॒ prokṣāmya॒gnīṣomābhyā॒mityā॑ha / ya॒thā॒de॒va॒tame॒vainā॒nprokṣa॑ti / tri prokṣa॑ti / tryā॑vṛ॒ddhi ya॒jñaḥ

3.2.5.5
atho॒ rakṣa॑sā॒mapa॑hatyai / śundha॑dhvaṃ॒ daivyā॑ya॒ karma॑ṇe devaya॒jyāyā॒ ityā॑ha / de॒va॒ya॒jyāyā॑ e॒vainā॑ni śundhati / tri prokṣa॑ti / tryā॑vṛ॒ddhi ya॒jñaḥ / atho॑ medhya॒tvāya॑ / ava॑dhūta॒॒ rakṣo'va॑dhūtā॒ ārā॑taya॒ ityā॑ha / rakṣa॑sā॒mapa॑hatyai / adi॑tyā॒stvaga॒sītyā॑ha / i॒yavvām̐ adi॑tiḥ

3.2.5.6
a॒syā e॒vaina॒ttvaca॑ṅkaroti / prati॑ tvā pṛthi॒vī ve॒ttvityā॑ha॒ prati॑ṣṭhityai / pu॒rastātpratī॒cīna॑grīva॒mutta॑ralo॒mopa॑stṛṇāti medhya॒tvāya॑ / tasmātpu॒rastātpra॒tyañca॑ pa॒śavo॒ medha॒mupa॑tiṣṭhante / tasmātpra॒jā mṛ॒gaṃ grāhu॑kāḥ / ya॒jño de॒vebhyo॒ nilā॑yata / kṛṣṇo॑ rū॒paṃ kṛ॒tvā / yatkṛ॑ṣṇāji॒ne ha॒vira॑dhyava॒hanti॑ / ya॒jñāde॒va tadya॒jñaṃ prayu॑ṅkte / ha॒viṣo'ska॑ndāya

3.2.5.7
a॒dhi॒ṣava॑ṇamasi vānaspa॒tyamityā॑ha / a॒dhi॒ṣava॑ṇame॒vaina॑tkaroti / prati॒ tvā'di॑tyā॒stvagve॒ttvityā॑ha saya॒tvāya॑ / a॒gnesta॒nūra॒sītyā॑ha / a॒gnervā e॒ṣā ta॒nūḥ / yadoṣa॑dhayaḥ / vā॒co vi॒sarja॑na॒mityā॑ha / ya॒dā hi pra॒jā oṣa॑dhīnāma॒śñanti॑ / atha॒ vācaṃ॒ visṛ॑jante / de॒vavī॑taye tvā gṛhṇā॒mītyā॑ha

3.2.5.8
de॒vatā॑bhire॒vaina॒tsama॑rdhayati / adri॑rasi vānaspa॒tya ityā॑ha / grāvā॑ṇame॒vaina॑tkaroti / sa i॒daṃ de॒vebhyo॑ ha॒vya su॒śami॑ śami॒ṣvetyā॑ha॒ śāntyai / havi॑ṣkṛ॒dehītyā॑ha / ya e॒va de॒vānā॑ havi॒ṣkṛtaḥ॑ / tān‌ hva॑yati / trirhva॑yati / triṣa॑tyā॒ hi de॒vāḥ / iṣa॒māva॒dorja॒māva॒detyā॑ha

3.2.5.9
iṣa॑me॒vorjaṃ॒ yaja॑māne dadhāti / dyu॒madva॑data va॒ya saṃ॑ghā॒taṃ je॒ṣmetyā॑ha॒ bhrātṛ॑vyābhibhūtyai / manośśra॒ddhāde॑vasya॒ yaja॑mānasyāsura॒ghnī vāk / ya॒jñā॒yu॒dheṣu॒ pravi॑ṣṭā''sīt / te'su॑rā॒ yāva॑nto yajñāyu॒dhānā॑mu॒dvada॑tāmu॒pāśṛ॑ṇvann / te parā॑bhavann / tasmā॒tsvānāṃ॒ madhye॑'va॒sāya॑ yajeta / yāva॑nto'sya॒ bhrātṛ॑vyā yajñāyu॒dhānā॑mu॒dvada॑tāmupaśṛ॒ṇvanti॑ / te parā॑ bhavanti / u॒ccaissa॒māha॑nta॒ vā ā॑ha॒ viji॑tyai

3.2.5.10
vṛ॒ṅkta e॑ṣāmindri॒yavvīm॒̐ryam / śreṣṭha॑ eṣāṃ bhavati / va॒ऱ॒ṣavṛ॑ddhamasi॒ prati॑ tvā va॒ऱ॒ṣavṛ॑ddhavvem॒̐ttvityā॑ha / va॒ऱ॒ṣavṛ॑ddhā॒ vā oṣa॑dhayaḥ / va॒ऱ॒ṣavṛ॑ddhā i॒ṣīkā॒ssamṛ॑ddhyai / ya॒jña rakṣā॒॒syanu॒ prāvi॑śann / tānya॒snā pa॒śubhyo॑ ni॒ravā॑dayanta / tuṣai॒roṣa॑dhībhyaḥ / parā॑pūta॒॒ rakṣa॒ parā॑pūtā॒ arā॑taya॒ ityā॑ha / rakṣa॑sā॒mapa॑hatyai

3.2.5.11
rakṣa॑sāṃ bhā॒go॑'sītyā॑ha / tuṣai॑re॒va rakṣā॑si ni॒rava॑dayate / a॒pa upa॑spṛśati medhya॒tvāya॑ / vā॒yurvo॒ vivi॑na॒ktvityā॑ha / pa॒vitra॒vvaim̐ vā॒yuḥ / pu॒nātye॒vainān॑ / a॒ntari॑kṣādiva॒ vā e॒te praska॑ndanti / ye śūrpāt / de॒vo va॑ssavi॒tā hira॑ṇyapāṇi॒ prati॑gṛhṇā॒tvityā॑ha॒ prati॑ṣṭhityai / ha॒viṣo'ska॑ndāya / triṣpha॒līka॑rta॒vā ā॑ha / tryā॑vṛ॒ddhi ya॒jñaḥ / atho॑ medhya॒tvāya॑

3.2.6.0
nilā॑yata॒ vidhṛ॑tyai vī॒rye॑ṇa skandanti ca॒tvāri॑ ca

3.2.6.1
ava॑dhūta॒॒ rakṣo'va॑dhūtā॒ arā॑taya॒ ityā॑ha / rakṣa॑sā॒mapa॑hatyai / adi॑tyā॒stvaga॒sītyā॑ha / i॒yavvām̐ adi॑tiḥ / a॒syā e॒vaina॒ttvaca॑ṅkaroti / prati॑ tvā pṛthi॒vī ve॒ttvityā॑ha॒ prati॑ṣṭhityai / pu॒rastātpratī॒cīna॑grīva॒mutta॑ralo॒mopa॑stṛṇāti medhya॒tvāya॑ / tasmātpu॒rastātpra॒tyañca॑ pa॒śavo॒ medha॒mupa॑tiṣṭhante / tasmātpra॒jā mṛ॒gaṃ grāhu॑kāḥ / ya॒jño de॒vebhyo॒ nilā॑yata

3.2.6.2
kṛṣṇo॑ rū॒paṃ kṛ॒tvā / yatkṛ॑ṣṇāji॒ne ha॒vira॑dhipi॒naṣṭi॑ / ya॒jñāde॒va tadya॒jñaṃ prayu॑ṅkte / ha॒viṣo'ska॑ndāya / dyāvā॑pṛthi॒vī sa॒hāstām / te śa॑myāmā॒trameka॒maha॒rvyaitā॑ śamyāmā॒trameka॒mahaḥ॑ / di॒vasska॑mbha॒nira॑si॒ prati॒ tvā'di॑tyā॒stvagve॒ttvityā॑ha / dyāvā॑pṛthi॒vyorvītyai / dhi॒ṣaṇā॑'si parva॒tyā prati॑ tvā di॒vasska॑mbha॒nirve॒ttvityā॑ha / dyāvā॑pṛthi॒vyorvidhṛ॑tyai

3.2.6.3
dhi॒ṣaṇā॑'si pārvate॒yī prati॑ tvā parva॒tirve॒ttvityā॑ha / dyāvā॑pṛthi॒vyordhṛtyai / de॒vasya॑ tvā savi॒tu pra॑sa॒va ityā॑ha॒ prasūtyai / a॒śvinorbā॒hubhyā॒mityā॑ha / a॒śvi॒nau hi de॒vānā॑madhva॒ryū āstām / pū॒ṣṇo hastābhyā॒mityā॑ha॒ yattye / adhi॑vapā॒mītyā॑ha / ya॒thā॒de॒va॒tame॒vainā॒nadhi॑ vapati / dhā॒nya॑masi dhinu॒hi de॒vānityā॑ha / e॒tasya॒ yaju॑ṣo vī॒rye॑ṇa

3.2.6.4
yāva॒dekā॑ de॒vatā॑ kā॒maya॑te॒ yāva॒dekā / tāva॒dāhu॑ti prathate / na hi tadasti॑ / yattāva॑de॒va syāt / yāva॑jju॒hoti॑ / prā॒ṇāya॑ tvā'pā॒nāya॒ tvetyā॑ha / prā॒ṇāne॒va yaja॑māne dadhāti / dī॒rghāmanu॒ prasi॑ti॒māyu॑ṣe dhā॒mityā॑ha / āyu॑re॒vāsmi॑ndadhāti / a॒ntari॑kṣādiva॒ vā e॒tāni॒ praska॑ndanti / yāni॑ dṛ॒ṣadaḥ॑ / de॒vo va॑ssavi॒tā hira॑ṇyapāṇi॒ prati॑gṛhṇā॒tvityā॑ha॒ prati॑ṣṭhityai / ha॒viṣo'ska॑ndāya / asa॑vvam̐pantī piṣā॒ṇūni॑ kurutā॒dityā॑ha medhya॒tvāya॑

3.2.7.0
va॒rta॒ya॒ti॒ diva॑me॒vaitena॑ dṛhati sa॒mbhava॑ti॒ ta saskṛ॑tamā॒tmāna॒ndvāda॑śa॒ sasthi॑te॒ trīṇi॑ ca

3.2.7.1
dhṛṣṭi॑rasi॒ brahma॑ ya॒cchetyā॑ha॒ dhṛtyai / apāgne॒'gnimā॒mādaṃ॑ jahi॒ niṣkra॒vyāda॑ se॒dhā de॑va॒yajaṃ॑ va॒hetyā॑ha / ya e॒vāmātkra॒vyāt / tama॑pa॒hatya॑ / medhye॒'gnau ka॒pāla॒mupa॑dadhāti / nirda॑gdha॒॒ rakṣo॒ nirda॑gdhā॒ arā॑taya॒ ityā॑ha / rakṣā॑sye॒va nirda॑hati / a॒gni॒vatyupa॑dadhāti / a॒sminne॒va lo॒ke jyoti॑rdhatte / aṅgā॑ra॒madhi॑ vartayati

3.2.7.2
a॒ntari॑kṣa e॒va jyoti॑rdhatte / ā॒di॒tyame॒vāmuṣmi॑llom॒̐ke jyoti॑rdhatte / jyoti॑ṣmanto'smā i॒me lo॒kā bha॑vanti / ya e॒vaṃ veda॑ / dhru॒vama॑si pṛthi॒vīṃ dṛ॒॒hetyā॑ha / pṛ॒thi॒vīme॒vaitena॑ dṛ॒hati / dha॒rtrama॑sya॒ntari॑kṣaṃ dṛ॒॒hetyā॑ha / a॒ntari॑kṣame॒vaitena॑ dṛhati / dha॒ruṇa॑masi॒ divaṃ॑ dṛ॒॒hetyā॑ha / diva॑me॒vaitena॑ dṛhati

3.2.7.3
dharmā॑si॒ diśo॑ dṛ॒॒hetyā॑ha / diśa॑ e॒vaitena॑ dṛhati / i॒māne॒vaitairlo॒kāndṛ॑hati / dṛha॑nte'smā i॒me lo॒kā pra॒jayā॑ pa॒śubhiḥ॑ / ya e॒vaṃ veda॑ / trīṇyagre॑ ka॒pālā॒nyupa॑dadhāti / traya॑ i॒me lo॒kāḥ / e॒ṣāṃ lo॒kānā॒māptyai / eka॒magre॑ ka॒pāla॒mupa॑ dadhāti / ekaṃ॒ vā agre॑ ka॒pālaṃ॒ puru॑ṣasya saṃ॒bhava॑ti

3.2.7.4
atha॒ dve / atha॒ trīṇi॑ / atha॑ ca॒tvāri॑ / athā॒ṣṭau / tasmā॑da॒ṣṭāka॑pālaṃ॒ puru॑ṣasya॒ śiraḥ॑ / yade॒vaṃ ka॒pālānyupa॒dadhā॑ti / ya॒jño vai pra॒jāpa॑tiḥ / ya॒jñame॒va pra॒jāpa॑ti॒॒ saska॑roti / ā॒tmāna॑me॒va tatsaska॑roti / ta saskṛ॑tamā॒tmānam

3.2.7.5
a॒muṣmi॑llom॒̐ke'nu॒ parai॑ti / yada॒ṣṭāvu॑pa॒dadhā॑ti / gā॒ya॒tri॒yā tatsaṃmi॑tam / yannava॑ / tri॒vṛtā॒ tat / yaddaśa॑ / vi॒rājā॒ tat / yadekā॑daśa / tri॒ṣṭubhā॒ tat / yaddvāda॑śa

3.2.7.6
jaga॑tyā॒ tat / chanda॑ssaṃmitāni॒ sa u॑pa॒dadha॑tka॒pālā॑ni / i॒māllom॒̐kāna॑nupū॒rvandiśo॒ vidhṛ॑tyai dṛhati / athāyu॑ prā॒ṇānpra॒jāṃ pa॒śūn yaja॑māne dadhāti / sa॒jā॒tāna॑smā a॒bhito॑ bahu॒lānka॑roti / cita॒ssthetyā॑ha / ya॒thā॒ya॒jure॒vaitat / bhṛgū॑ṇā॒maṅgi॑rasā॒ntapa॑sā tapyadhva॒mityā॑ha / de॒vatā॑nāme॒vainā॑ni॒ tapa॑sā tapati / tāni॒ tata॒ssasthi॑te / yāni॑ gha॒rme ka॒pālānyupaci॒nvanti॑ ve॒dhasa॒ iti॒ catu॑ṣpadaya॒rcā vi mu॑ñcati / catu॑ṣpāda pa॒śavaḥ॑ / pa॒śuṣve॒vopari॑ṣṭā॒tprati॑ tiṣṭhati

3.2.8.0
a॒nyā ji॑nvantyanu vi॒sṛtyai॒vamā॒hāśānta āha॒ guptyai॑ cha॒nnaṃ brahmābravīddvi॒tīya॑ma॒bhya॑pātaya॒tsūryā॑bhinimrukte de॒vāḥ

3.2.8.1
de॒vasya॑ tvā savi॒tu pra॑sa॒va ityā॑ha॒ prasūtyai / a॒śvinorbā॒hubhyā॒mityā॑ha / a॒śvinau॒ hi de॒vānā॑madhva॒ryū āstām / pū॒ṣṇo hastābhyā॒mityā॑ha॒ yatyai / savvam̐॑pā॒mītyā॑ha / ya॒thā॒de॒va॒tame॒vainā॑ni॒ savvam̐॑pati / samāpo॑ a॒dbhira॑gmata॒ samoṣa॑dhayo॒ rase॒netyā॑ha / āpo॒ vā oṣa॑dhīrjinvanti / oṣa॑dhayo॒'po ji॑nvanti / a॒nyā vā e॒tāsā॑ma॒nyā ji॑nvanti

3.2.8.2
tasmā॑de॒vamā॑ha / sa re॒vatī॒rjaga॑tībhi॒rmadhu॑matī॒rmadhu॑matībhissṛjyadhva॒mityā॑ha / āpo॒ vai re॒vatīḥ / pa॒śavo॒ jaga॑tīḥ / oṣa॑dhayo॒ madhu॑matīḥ / āpa॒ oṣa॑dhī pa॒śūn / tāne॒vāsmā॑ eka॒dhā sa॒॒sṛjya॑ / madhu॑mata karoti / a॒dbhya pari॒ prajā॑tāsstha॒ sama॒dbhi pṛ॑cyadhva॒miti॑ pa॒ryāplā॑vayati / yathā॒ suvṛ॑ṣṭa i॒māma॑nuvi॒sṛtya॑

3.2.8.3
āpa॒ oṣa॑dhīrma॒haya॑nti / tā॒dṛge॒va tat / jana॑yatyai tvā॒ saṃyau॒mītyā॑ha / pra॒jā e॒vaitena॑ dādhāra / a॒gnaye tvā॒'gnīṣomābhyā॒mityā॑ha॒ vyāvṛ॑ttyai / ma॒khasya॒ śiro॒'sītyā॑ha / ya॒jño vai ma॒khaḥ / tasyai॒tacchiraḥ॑ / yatpu॑ro॒ḍāśaḥ॑ / tasmā॑de॒vamā॑ha

3.2.8.4
gha॒rmo॑'si vi॒śvāyu॒rityā॑ha / viśva॑me॒vāyu॒ryaja॑māne dadhāti / u॒ru pra॑thasvo॒ru te॑ ya॒jñapa॑ti prathatā॒mityā॑ha / yaja॑māname॒va pra॒jayā॑ pa॒śubhi॑ prathayati / tvacaṃ॑ gṛhṇī॒ṣvetyā॑ha / sarva॑me॒vaina॒॒ sata॑nuṃ karoti / athā॒pa ā॒nīya॒ pari॑mārṣṭi / mā॒॒sa e॒va tattvacaṃ॑ dadhāti / tasmāttva॒cā mā॒॒saṃ cha॒nnam / gha॒rmo vā e॒ṣo'śāntaḥ

3.2.8.5
a॒rdha॒mā॒se'rdhamāse॒ pravṛ॑jyate / yatpu॑ro॒ḍāśaḥ॑ / sa īśva॒ro yaja॑māna śu॒cā pra॒dahaḥ॑ / parya॑gni karoti / pa॒śume॒vaina॑makaḥ / śāntyā॒ apra॑dāhāya / tri parya॑gni karoti / tryā॑vṛ॒ddhi ya॒jñaḥ / atho॒ rakṣa॑sā॒mapa॑hatyai / a॒ntari॑ta॒॒ rakṣo॒'ntari॑tā॒ arā॑taya॒ ityā॑ha

3.2.8.6
rakṣa॑sāma॒ntaऱhi॑tyai / pu॒ro॒ḍāśaṃ॒ vā adhi॑śrita॒॒ rakṣā॑syajighāsann / di॒vi nāko॒ nāmā॒gnī ra॑kṣo॒hā / sa e॒vāsmā॒drakṣā॒॒syapā॑hann / de॒vastvā॑ savi॒tā śra॑paya॒tvityā॑ha / sa॒vi॒tṛpra॑sūta e॒vaina॑ śrapayati / vaऱṣi॑ṣṭhe॒ adhi॒ nāka॒ ityā॑ha / rakṣa॑sā॒mapa॑hatyai / a॒gniste॑ ta॒nuvaṃ॒ mā'ti॑dhā॒gityā॒hā'na॑tidāhāya / agne॑ ha॒vya ra॑kṣa॒svetyā॑ha॒ guptyai

3.2.8.7
avi॑dahantaḥ śrapaya॒teti॒ vācaṃ॒ visṛ॑jate / ya॒jñame॒va ha॒vīṣya॑bhivyā॒hṛtya॒ prata॑nute / pu॒ro॒ruca॒mavi॑dāhāya॒ śṛttyai॑ karoti / ma॒stiṣko॒ vai pu॑ro॒ḍāśaḥ॑ / tayyam̐nnābhi॑ vā॒sayet / ā॒virma॒stiṣka॑ssyāt / a॒bhivā॑sayati / tasmā॒dguhā॑ ma॒stiṣkaḥ॑ / bhasma॑nā॒'bhivā॑sayati / tasmānmā॒॒senāsthi॑ cha॒nnam

3.2.8.8
ve॒denā॒bhivā॑sayati / tasmā॒tkeśai॒śśira॑ścha॒nnam / akha॑latibhāvuko bhavati / ya e॒vavvem̐da॑ / pa॒śorvai pra॑ti॒mā pu॑ro॒ḍāśaḥ॑ / sa nāya॒juṣka॑mabhi॒vāsyaḥ॑ / vṛthe॑va syāt / ī॒śva॒rā yaja॑mānasya pa॒śava॒ prame॑toḥ / saṃ brahma॑ṇā pṛcya॒svetyā॑ha / prā॒ṇā vai brahma॑

3.2.8.9
prā॒ṇā pa॒śavaḥ॑ / prā॒ṇaire॒va pa॒śūntsaṃpṛ॑ṇakti / na pra॒māyu॑kā bhavanti / yaja॑māno॒ vai pu॑ro॒ḍāśaḥ॑ / pra॒jā pa॒śava॒ purī॑ṣam / yade॒vama॑bhighā॒raya॑ti / yaja॑māname॒va pra॒jayā॑ pa॒śubhi॒ssama॑rdhayati / de॒vā vai ha॒virbhṛ॒tvā'bru॑vann / kasmi॑nni॒daṃ mra॑kṣyāmaha॒ iti॑ / so'gnira॑bravīt

3.2.8.10
mayi॑ ta॒nūssaṃ nidha॑dhvam / a॒haṃ va॒staṃ ja॑nayiṣyāmi / yasmi॑nmra॒kṣyadhva॒ iti॑ / te de॒vā a॒gnau ta॒nūssaṃnya॑dadhata / tasmā॑dāhuḥ / a॒gnissarvā॑ de॒vatā॒ iti॑ / so'ṅgā॑reṇā॒paḥ / a॒bhya॑pātayat / tata॑ eka॒to॑'jāyata / sa dvi॒tīya॑ma॒bhya॑pātayat

3.2.8.11
tato dvi॒to॑'jāyata / sa tṛ॒tīya॑ma॒bhya॑pātayat / tata॑stri॒to॑'jāyata / yada॒dbhyo'jā॑yanta / tadā॒pyānā॑māpya॒tvam / yadā॒tmabhyo'jā॑yanta / tadā॒tmyānā॑mātmya॒tvam / te de॒vā ā॒pyeṣva॑mṛjata / ā॒pyā a॑mṛjata॒ sūryābhyudite / sūryābhyudita॒ssūryā॑bhinimrukte

3.2.8.12
sūryā॑bhinimrukta kuna॒khini॑ / ku॒na॒khī śyā॒vada॑ti / śyā॒vada॑nnagradidhi॒ṣau / a॒gra॒di॒dhi॒ṣu pa॑rivi॒tte / pa॒ri॒vi॒tto vī॑ra॒haṇi॑ / vī॒ra॒hā bra॑hma॒haṇi॑ / tadbra॑hma॒haṇaṃ॒ nātya॑cyavata / a॒nta॒rve॒di nina॑ya॒tyava॑rudhyai / ulmu॑kenā॒bhi gṛ॑hṇāti śṛta॒tvāya॑ / śṛ॒takā॑mā iva॒ hi de॒vāḥ

3.2.9.0
vai vā॒yurā॑ha parā॒vatītyā॒hāha॑ dvi॒tīya॑ hara॒tīti॑ parigṛ॒hṇanti॑ deva॒yaja॑nīṃ karoti bhavanti khanatyakare॒tatkṛ॒tvā ra॑kṣo॒ghnīra॑rpayati

3.2.9.1
de॒vasya॑ tvā savi॒tu pra॑sa॒va iti॒ sphyamāda॑tte॒ prasūtyai / a॒śvinorbā॒hubhyā॒mityā॑ha / a॒śvinau॒ hi de॒vānā॑madhva॒ryū āstām / pū॒ṣṇo hastābhyā॒mityā॑ha॒ yatyai / āda॑da॒ indra॑sya bā॒hura॑si॒ dakṣi॑ṇa॒ ityā॑ha / i॒ndri॒yame॒va yaja॑māne dadhāti / sa॒hasra॑bhṛṣṭiśśa॒tate॑jā॒ ityā॑ha / rū॒pame॒vāsyai॒tanma॑hi॒mānaṃ॒ vyāca॑ṣṭe / vā॒yura॑si ti॒gmate॑jā॒ ityā॑ha / tejo॒ vai vā॒yuḥ

3.2.9.2
teja॑ e॒vāsmi॑ndadhāti / vi॒ṣādvai nāmā॑su॒ra ā॑sīt / so॑'bibhet / ya॒jñena॑ mā de॒vā a॒bhibha॑viṣya॒ntīti॑ / sa pṛ॑thi॒vīma॒bhya॑vamīt / sā me॒dhyā'bha॑vat / atho॒ yadindro॑ vṛ॒tramahann॑ / tasya॒ lohi॑taṃ pṛthi॒vīmanu॒ vya॑dhāvat / sā me॒dhyā'bha॑vat / pṛthi॑vi devayaja॒nītyā॑ha

3.2.9.3
medhyā॑me॒vaināṃ deva॒yaja॑nīṃ karoti / oṣa॑dhyāste॒ mūlaṃ॒ mā hi॑siṣa॒mityā॑ha / oṣa॑dhīnā॒mahi॑sāyai / vra॒jaṃ ga॑ccha go॒sthāna॒mityā॑ha / chandā॑si॒ vai vra॒jo go॒sthānaḥ॑ / chandā॑sye॒vāsmai vra॒jaṃ go॒sthānaṃ॑ karoti / vaऱṣa॑tu te॒ dyaurityā॑ha / vṛṣṭi॒rvai dyauḥ / vṛṣṭi॑me॒vāva॑ rundhe / ba॒dhā॒na de॑va savita para॒masyāṃ parā॒vatītyā॑ha

3.2.9.4
dvau vāva puru॑ṣau / yaṃ cai॒va dveṣṭi॑ / yaścai॑naṃ॒ dveṣṭi॑ / tāvu॒bhau ba॑dhnāti para॒masyāṃ parā॒vati॑ śa॒tena॒ pāśaiḥ / yo'smāndveṣṭi॒ yaṃ ca॑ va॒yaṃ dvi॒ṣmastamato॒ mā mau॒gityā॒hāni॑mruktye / a॒raru॒rvai nāmā॑su॒ra ā॑sīt / sa pṛ॑thi॒vyāmupa॑mlupto'śayat / taṃ de॒vā apa॑hato॒'raru॑ pṛthi॒vyā iti॑ pṛthi॒vyā apāghnann / bhrātṛ॑vyo॒ vā a॒raruḥ॑ / apa॑hato॒'raru॑ pṛthi॒vyā iti॒ yadāha॑

3.2.9.5
bhrātṛ॑vyame॒va pṛ॑thi॒vyā apa॑hanti / te॑'manyanta / diva॒vvām̐ a॒yami॒ta pa॑tiṣya॒tīti॑ / tama॒raru॑ste॒ divaṃ॒ mā'skā॒niti॑ di॒vaparya॑bādhanta / bhrātṛ॑vyo॒ vā a॒raruḥ॑ / a॒raru॑ste॒ divaṃ॒ mā skā॒niti॒ yadāha॑ / bhrātṛ॑vyame॒va di॒va pari॑bādhate / sta॒mba॒ya॒jur‌ha॑rati / pṛ॒thi॒vyā e॒va bhrātṛ॑vya॒mapa॑hanti / dvi॒tīya॑ harati

3.2.9.6
a॒ntari॑kṣāde॒vaina॒mapa॑hanti / tṛ॒tīya॑ harati / di॒va e॒vaina॒mapa॑hanti / tū॒ṣṇīṃ ca॑tu॒rtha ha॑rati / apa॑rimitāde॒vaina॒mapa॑hanti / asu॑rāṇā॒vvām̐ i॒yamagra॑ āsīt / yāva॒dāsī॑na parā॒paśya॑ti / tāva॑dde॒vānām / te de॒vā a॑bruvann / astve॒va no॒'syāmapīti॑

3.2.9.7
kya॑nno dāsya॒theti॑ / yāva॑tsva॒yaṃ pa॑rigṛhṇī॒theti॑ / te vasa॑va॒stveti॑ dakṣiṇa॒ta parya॑gṛhṇann / ru॒drāstveti॑ pa॒ścāt / ā॒di॒tyāstvetyu॑ttara॒taḥ / te'gninā॒ prāñco॑'jayann / vasu॑bhirdakṣi॒ṇā / ru॒drai pra॒tyañcaḥ॑ / ā॒di॒tyairuda॑ñcaḥ / yasyai॒vaṃ vi॒duṣo॒ vediṃ॑ parigṛ॒hṇanti॑

3.2.9.8
bhava॑tyā॒tmanā / parā'sya॒ bhrātṛ॑vyo bhavati / de॒vasya॑ savi॒tussa॒va ityā॑ha॒ prasūtyai / karma॑ kṛṇvanti ve॒dhasa॒ ityā॑ha / i॒ṣi॒ta hi karma॑ kri॒yate / pṛ॒thi॒vyai medhyaṃ॑ cāme॒dhyaṃ ca॒ vyuda॑krāmatām / prā॒cīna॑mudī॒cīnaṃ॒ medhyam / pra॒tī॒cīnaṃ॑ dakṣi॒ṇā'me॒dhyam / prācī॒mudī॑cīṃ prava॒ṇāṃ ka॑roti / medhyā॑me॒vaināṃ deva॒yaja॑nīṃ karoti

3.2.9.9
prāñcau॑ vedya॒॒sāvunna॑yati / ā॒ha॒va॒nīya॑sya॒ pari॑gṛhītyai / pra॒tīcī॒ śroṇī / gārha॑patyasya॒ pari॑gṛhītyai / atho॑ mithuna॒tvāya॑ / uddha॑nti / yade॒vāsyā॑ ame॒dhyam / tadapa॑hanti / uddha॑nti / tasmā॒doṣa॑dhaya॒ parā॑bhavanti

3.2.9.10
mūlaṃ॑ chinatti / bhrātṛ॑vyasyai॒va mūlaṃ॑ chinatti / mūla॒vvām̐ a॑ti॒tiṣṭha॒drakṣā॒॒syanūtpi॑pate / yaddhaste॑na chi॒ndyāt / ku॒na॒khinī pra॒jāssyuḥ॑ / sphyena॑ chinatti / vajro॒ vai sphyaḥ / vajre॑ṇai॒va ya॒jñādrakṣā॒॒syapa॑hanti / pi॒tṛ॒de॒va॒tyā'ti॑khātā / iya॑tīṃ khanati

3.2.9.11
pra॒jāpa॑tinā yajñamu॒khena॒ saṃmi॑tām / vedi॑rde॒vebhyo॒ nilā॑yata / tāṃ ca॑turaṅgu॒le'nva॑vindann / tasmāccaturaṅgu॒laṃ kheyā / ca॒tu॒ra॒ṅgu॒laṃ kha॑nati / ca॒tu॒ra॒ṅgu॒le hyoṣa॑dhaya prati॒tiṣṭha॑nti / ā pra॑ti॒ṣṭhāyai॑ khanati / yaja॑māname॒va pra॑ti॒ṣṭhāṃ ga॑mayati / da॒kṣi॒ṇa॒to vaऱṣī॑yasīṃ karoti / de॒va॒yaja॑nasyai॒va rū॒pama॑kaḥ

3.2.9.12
purī॑ṣavatīṃ karoti / pra॒jā vai pa॒śava॒ purī॑ṣam / pra॒jayai॒vainaṃ॑ pa॒śubhi॒ purī॑ṣavantaṃ karoti / utta॑raṃ parigrā॒haṃ pari॑gṛhṇāti / e॒tāva॑tī॒ vai pṛ॑thi॒vī / yāva॑tī॒ vediḥ॑ / tasyā॑ e॒tāvata॑ e॒va bhrātṛ॑vyaṃ ni॒rbhajya॑ / ā॒tmana॒ utta॑raṃ parigrā॒haṃ pari॑gṛhṇāti / ṛ॒tama॑syṛta॒sada॑namasyṛta॒śrīra॒sītyā॑ha / ya॒thā॒ya॒jure॒vaitat

3.2.9.13
krū॒rami॑va॒ vā e॒tatka॑roti / yadvediṃ॑ ka॒roti॑ / dhā a॑si sva॒dhā a॒sīti॑ yoyupyate॒ śāntyai / u॒rvī cāsi॒ vasvī॑ cā॒sītyā॑ha / u॒rvīme॒vainā॒vvam̐svīṃ karoti / pu॒rā krū॒rasya॑ vi॒sṛpo॑ virapśi॒nnityā॑ha medhya॒tvāya॑ / u॒dā॒dāya॑ pṛthi॒vīṃ jī॒radā॑nu॒ryāmaira॑yañca॒ndrama॑si sva॒dhābhi॒rityā॑ha / yade॒vāsyā॑ ame॒dhyam / tada॑pa॒hatya॑ / medhyāṃ deva॒yaja॑nīṃ kṛ॒tvā

3.2.9.14
yada॒daśca॒ndrama॑si॒ medhyam / tada॒syāmera॑yati / tāṃ dhīrā॑so anu॒dṛśya॑ yajanta॒ ityā॒hānu॑khyātyai / prokṣa॑ṇī॒rā sā॑daya / i॒dhmāba॒ऱhirupa॑sādaya / sru॒vaṃ ca॒ sruca॑śca॒ saṃmṛ॑ḍḍhi / patnī॒॒ saṃna॑hya / ājye॑no॒dehītyā॑hānupū॒rvatā॑yai / prokṣa॑ṇī॒rā sā॑dayati / āpo॒ vai ra॑kṣo॒ghnīḥ

3.2.9.15
rakṣa॑sā॒mapa॑hatyai / sphyasya॒ vartmantsādayati / ya॒jñasya॒ saṃta॑tyai / u॒vāca॒ hāsi॑to daiva॒laḥ / e॒tāva॑tī॒rvā a॒muṣmi॑llom॒̐ka āpa॑ āsann / yāva॑tī॒ prokṣa॑ṇī॒riti॑ / tasmādba॒hvīrā॒sādyāḥ / sphyamu॒dasyann॑ / yaṃ dvi॒ṣyāttaṃ dhyā॑yet / śu॒caivaina॑marpayati

3.2.10.0
vṛ॒śca॒ti॒ sā॒da॒ye॒di॒dhma pañca॑ ca

3.2.10.1
vajro॒ vai sphyaḥ / yada॒nvañcaṃ॑ dhā॒rayet / vajre'dhva॒ryuḥ kṣa॑ṇvīta / pu॒rastātti॒ryañcaṃ॑ dhārayati / vajro॒ vai sphyaḥ / vajre॑ṇai॒va ya॒jñasya॑ dakṣiṇa॒to rakṣā॒॒syapa॑hanti / a॒gnibhyāṃ॒ prāca॑śca pra॒tīca॑śca / sphyenodī॑caścādha॒rāca॑śca / sphyena॒ vā e॒ṣa vajre॑ṇā॒syai pā॒pmānaṃ॒ bhrātṛ॑vyamapa॒hatya॑ / u॒tka॒re'dhi॒ pravṛ॑ścati

3.2.10.2
yatho॑pa॒dhāya॑ vṛ॒ścantye॒vam / hastā॒vava॑ nenikte / ā॒tmāna॑me॒va pa॑vayate / sphyaṃ prakṣā॑layati medhya॒tvāya॑ / atho॑ pā॒pmana॑ e॒va bhrātṛ॑vyasya nya॒ṅgaṃ chi॑natti / i॒dhmāba॒ऱhirupa॑sādayati॒ yuktyai / ya॒jñasya॑ mithuna॒tvāya॑ / atho॑ puro॒ruca॑me॒vaitāṃ da॑dhāti / utta॑rasya॒ karma॒ṇo'nu॑khyātyai / na pu॒rastātpra॒tyagupa॑sādayet

3.2.10.3
yatpu॒rastātpra॒tyagu॑pasā॒dayet / a॒nyatrā॑hutipa॒thādi॒dhmaṃ prati॑pādayet / pra॒jā vai ba॒r॒hiḥ / apa॑rādhnuyādba॒r॒hiṣā pra॒jānāṃ pra॒jana॑nam / pa॒ścātprāgupa॑sādayati / ā॒hu॒ti॒pa॒thene॒dhmaṃ prati॑pādayati / saṃ॒pra॒tye॑va ba॒r॒hiṣā pra॒jānāṃ pra॒jana॑na॒mupai॑ti / dakṣi॑ṇami॒dhmam / utta॑raṃ ba॒r॒hiḥ / ā॒tmā vā i॒dhmaḥ / pra॒jā ba॒r॒hiḥ / pra॒jā hyātmana॒ utta॑ratarā tī॒rthe / tato॒ medha॑mupa॒nīya॑ / ya॒thā॒de॒va॒tame॒vaina॒tprati॑ṣṭhāpayati / prati॑tiṣṭhati pra॒jayā॑ pa॒śubhi॒ryaja॑mānaḥ

3.3.0.0
pratyu॑ṣṭandi॒vaśśilpa॒maya॑jño ghṛ॒tañca॑ devāsu॒rāssa e॒tamindra āpo॑ devīra॒gninā॒ dhiṣṇi॑yā॒ atha॒ srucau॒ yo vā aya॑thādevataṃ parive॒ṣo vā ekā॑daśa

pratyu॑ṣṭa॒maya॑jña e॒ṣā hi viśve॑ṣānde॒vānā॑mū॒rjā pṛ॑thi॒vīmatho॒ rakṣa॑sā॒ntāṃ prajā॑ti॒ndvābhyā॒ntaṅkā॒lekā॑le॒ nava॑saptatiḥ

pratyu॑ṣṭamarpayati // hariḥ॑ om // tṛtīyaprapāṭhakassamāptaḥ/
3.3.0.0
taittirīyabrāhmaṇe tṛtīyāṣṭake tṛtīya prapāṭhaka prārambhaḥ // hariḥ om //
3.3.1.0
ju॒hūrmṛ॑jyādbhava॒tīti॑ pra॒tyañcya॒dhastānmārṣṭi॒ pañca॑ ca

3.3.1.1
pratyu॑ṣṭa॒॒ rakṣa॒ pratyu॑ṣṭā॒ arā॑taya॒ ityā॑ha / rakṣa॑sā॒mapa॑hatyai / a॒gnerva॒steji॑ṣṭhena॒ teja॑sā॒ niṣṭa॑pā॒mītyā॑ha medhya॒tvāya॑ / sruca॒ssaṃmārṣṭi / sru॒vamagre / pumā॑same॒vābhya॒ssaśya॑ti mithuna॒tvāya॑ / atha॑ ju॒hūm / atho॑pa॒bhṛtam / atha॑ dhru॒vām / a॒sau vai ju॒hūḥ

3.3.1.2
a॒ntari॑kṣamupa॒bhṛt / pṛ॒thi॒vī dhru॒vā / i॒me vai lo॒kāssrucaḥ॑ / vṛṣṭi॑ssaṃ॒mārja॑nāni / vṛṣṭi॒rvā i॒māllom॒̐kāna॑nupū॒rvaṃ ka॑lpayati / te tata॑ kḷ॒ptāssame॑dhante / same॑dhante'smā i॒me lo॒kā pra॒jayā॑ pa॒śubhiḥ॑ / ya e॒vavvem̐da॑ / yadi॑ kā॒maye॑ta॒ var‌ṣu॑ka pa॒rjanya॑ssyā॒diti॑ / a॒gra॒tassaṃmṛ॑jyāt

3.3.1.3
vṛṣṭi॑me॒va ni ya॑cchati / a॒vā॒cīnāgrā॒ hi vṛṣṭiḥ॑ / yadi॑ kā॒maye॒tāva॑r‌ṣukassyā॒diti॑ / mū॒la॒tassaṃmṛ॑jyāt / vṛṣṭi॑me॒vodya॑cchati / tadu॒ vā ā॑huḥ / a॒gra॒ta e॒vopari॑ṣṭā॒tsaṃmṛ॑jyāt / mū॒la॒to॑'dhastāt / tada॑nupū॒rvaṃ ka॑lpate / var‌ṣu॑ko bhava॒tīti॑

3.3.1.4
prācī॑mabhyā॒kāram / agrai॑rantara॒taḥ / e॒vami॑va॒ hyanna॑ma॒dyate / atho॒ agrā॒dvā oṣa॑dhīnā॒mūrjaṃ॑ pra॒jā upa॑jīvanti / ū॒rja e॒vānnādya॒syāva॑ruddhyai / a॒dhastātpra॒tīcīm / da॒ṇḍamu॑ttama॒taḥ / mūle॑na॒ mūlaṃ॒ prati॑ṣṭhityai / tasmā॑dara॒tnau prāñcyu॒pari॑ṣṭā॒llomā॑ni / pra॒tyañcya॒dhastāt

3.3.1.5
srugghye॑ṣā / prā॒ṇo vai sru॒vaḥ / ju॒hūrdakṣi॑ṇo॒ hastaḥ॑ / u॒pa॒bhṛtsa॒vyaḥ / ā॒tmā dhru॒vā / anna॑ saṃ॒mārja॑nāni / mu॒kha॒to vai prā॒ṇo॑'pā॒no bhū॒tvā / ā॒tmāna॒mannaṃ॑ pra॒viśya॑ / bā॒hya॒tasta॒nuva॑ śubhayati / tasmātsru॒vame॒vāgre॒ saṃmārṣṭi / mu॒kha॒to hi prā॒ṇo॑'pā॒no bhū॒tvā / ā॒tmāna॒manna॑māvi॒śati॑ / tau prā॑ṇāpā॒nau / avya॑rdhuka prāṇāpā॒nābhyāṃ bhavati / ya e॒vaṃ veda॑

3.3.2.0
ve॒dasyāgra॑ srukhsaṃ॒mārja॑nāni vido॒ho ga॑mayati pa॒śavo॑ ramante hisī॒ṣṣaṭ ca॑

3.3.2.1
di॒vaśśilpa॒mava॑tatam / pṛ॒thi॒vyā ka॒kubhi॑ śri॒tam / tena॑ va॒ya sa॒hasra॑val‌śena / sa॒patnaṃ॑ nāśayāmasi॒ svāheti॑ srukhsaṃ॒mārja॑nānya॒gnau pra ha॑rati / āpo॒ vai da॒rbhāḥ / rū॒pame॒vaiṣā॑me॒tanma॑hi॒mānaṃ॒ vyāca॑ṣṭe / a॒nu॒ṣṭubha॒rcā / ānu॑ṣṭubha pra॒jāpa॑tiḥ / prā॒jā॒pa॒tyo ve॒daḥ / ve॒dasyāgra॑ srukhsaṃ॒mārja॑nāni

3.3.2.2
svenai॒vainā॑ni॒ chanda॑sā / svayā॑ de॒vata॑yā॒ sama॑rdhayati / atho॒ ṛgvāva yoṣā / da॒rbho vṛṣā / tanmi॑thu॒nam / mi॒thu॒name॒vāsya॒ tadya॒jñe ka॑roti pra॒jana॑nāya / prajā॑yate pra॒jayā॑ pa॒śubhi॒ryaja॑mānaḥ / tānyeke॒ vṛthai॒vāpāsyanti / tattathā॒ na kā॒ryam / āra॑bdhasya ya॒jñiya॑sya॒ karma॑ṇa॒ssavi॑do॒haḥ

3.3.2.3
yadye॑nāni pa॒śavo॑'bhi॒ tiṣṭhe॑yuḥ / na tatpa॒śubhya॒ kam / a॒dbhirmārjayi॒tvotka॒re nya॑syet / yadvai ya॒jñiya॑sya॒ karma॑ṇo॒'nyatrāhu॑tībhyassaṃ॒tiṣṭha॑te / u॒tka॒ro vāva tasya॑ prati॒ṣṭhā / e॒tā hi tasmai prati॒ṣṭhāṃ de॒vāssa॒mabha॑rann / yada॒dbhirmā॒rjaya॑ti / tena॑ śā॒ntam / yadu॑tka॒re nya॒syati॑ / pra॒ti॒ṣṭhāme॒vainā॑ni॒ tadga॑mayati

3.3.2.4
prati॑tiṣṭhati pra॒jayā॑ pa॒śubhi॒ryaja॑mānaḥ / atho sta॒mbasya॒ vā e॒tadrū॒pam / yatsru॑khsaṃ॒mārja॑nāni / sta॒mba॒śo vā oṣa॑dhayaḥ / tāsāṃ jaratka॒kṣe pa॒śavo॒ na ra॑mante / apri॑yo॒ hye॑ṣāṃ jaratka॒kṣaḥ / yāva॑dapriyo ha॒ vai ja॑ratka॒kṣa pa॑śū॒nām / tāva॑dapriya paśū॒nāṃ bha॑vati / yasyai॒tānya॒nyatrā॒gnerdadha॑ti / na॒va॒dāvyā॑su॒ vā oṣa॑dhīṣu pa॒śavo॑ ramante

3.3.2.5
na॒va॒dā॒vo hye॑ṣāṃ pri॒yaḥ / yāva॑tpriyo ha॒ vai na॑vadā॒va pa॑śū॒nām / tāva॑tpriya paśū॒nāṃ bha॑vati / yasyai॒tānya॒gnau pra॒hara॑nti / tasmā॑de॒tānya॒gnāve॒va praha॑ret / ya॒ta॒rasmintsaṃmṛ॒jyāt / pa॒śū॒nāṃ dhṛtyai / yo bhū॒tānā॒madhi॑patiḥ / ru॒drasta॑ntica॒ro vṛṣā / pa॒śūna॒smākaṃ॒ mā hi॑sīḥ / e॒tada॑stu hu॒taṃ tava॒ svāhetya॑gnisaṃ॒mārja॑nya॒gnau praha॑rati / e॒ṣā vā e॒teṣāṃ॒ yoniḥ॑ / e॒ṣā pra॑ti॒ṣṭhā / svāme॒vainā॑ni॒ yonim / svāṃ pra॑ti॒ṣṭhāṃ ga॑mayati / prati॑tiṣṭhati pra॒jayā॑ pa॒śubhi॒ryaja॑mānaḥ

3.3.3.0
ka॒roti॑ vratopa॒naya॑naṃ॒ kṣemo॒ yaja॑mānaśśāste

3.3.3.1
aya॑jño॒ vā e॒ṣaḥ / yo॑'pa॒tnīkaḥ॑ / na pra॒jā prajā॑yerann / patnyanvāste / ya॒jñame॒vākaḥ॑ / pra॒jānāṃ pra॒jana॑nāya / yattiṣṭha॑ntī sa॒nnahye॑ta / pri॒yaṃ jñā॒ti ru॑ndhyāt / āsī॑nā॒ sanna॑hyate / āsī॑nā॒ hye॑ṣā vī॒rya॑ṅka॒roti॑

3.3.3.2
yatpa॒ścātprācya॒nvāsī॑ta / a॒nayā॑ sa॒mada॑ndadhīta / de॒vānāṃ॒ patni॑yā sa॒mada॑ndadhīta / deśāddakṣiṇa॒ta udī॒cyanvāste / ā॒tmano॑ gopī॒thāya॑ / ā॒śāsā॑nā saumana॒samityā॑ha / medhyā॑me॒vainā॒ṅkeva॑līṅkṛ॒tvā / ā॒śiṣā॒ sama॑rdhayati / a॒gneranu॑vratā bhū॒tvā sanna॑hye sukṛ॒tāya॒ kamityā॑ha / e॒tadvai patni॑yai vratopa॒naya॑nam

3.3.3.3
tenai॒vaināṃ vra॒tamupa॑nayati / tasmā॑dāhuḥ / yaścai॒vavvem̐da॒ yaśca॒ na / yoktra॑me॒va yu॑te / yama॒nvāste / tasyā॒muṣmillom॒̐ke bha॑va॒tīti॒ yoktre॑ṇa / yadyoktram / sa yogaḥ॑ / yadāste / sa kṣemaḥ॑

3.3.3.4
yo॒ga॒kṣe॒masya॒ kḷptyai / yu॒ktaṅkri॑yātā ā॒śī kāme॑ yujyātā॒ iti॑ / ā॒śiṣa॒ssamṛ॑ddhyai / gra॒nthiṅgra॑thnāti / ā॒śiṣa॑ e॒vāsyāṃ॒ pari॑ gṛhṇāti / pumā॒n॒ vai gra॒nthiḥ / strī patnī / tanmi॑thu॒nam / mi॒thu॒name॒vāsya॒ tadya॒jñe ka॑roti pra॒jana॑nāya / pra jā॑yate pra॒jayā॑ pa॒śubhi॒ryaja॑mānaḥ

3.3.3.5
atho॑ a॒rdho vā e॒ṣa ā॒tmanaḥ॑ / yatpatnī / ya॒jñasya॒ dhṛtyā॒ aśi॑thilaṃbhāvāya / su॒pra॒jasa॑stvā va॒ya su॒patnī॒rupa॑ sedi॒metyā॑ha / ya॒jñame॒va tanmi॑thu॒nīka॑roti / ū॒ne'ti॑riktandhīyātā॒ iti॒ prajātyai / ma॒hī॒nāṃ payo॒'syoṣa॑dhīnā॒॒ rasa॒ ityā॑ha / rū॒pame॒vāsyai॒tanma॑hi॒mānaṃ॒ vyāca॑ṣṭe / tasya॒ te'kṣī॑yamāṇasya॒ nirva॑pāmi devaya॒jyāyā॒ ityā॑ha / ā॒śiṣa॑me॒vaitāmā śāste

3.3.4.0
ī॒kṣa॒ta॒ ā॒ha॒ śā॒ste॒ lo॒kā de॒vatā॑ bhavati॒ ṣaṭ ca॑

3.3.4.1
ghṛ॒taṃ ca॒ vai madhu॑ ca pra॒jāpa॑tirāsīt / yato॒ madhvā॑sīt / tata॑ pra॒jā a॑sṛjata / tasmā॒nmadhu॑ṣi pra॒jana॑namivāsti / tasmā॒nmadhu॑ṣā॒ na praca॑ranti / yā॒tayā॑ma॒ hi / ājye॑na॒ praca॑ranti / ya॒jño vā ājyam / ya॒jñenai॒va ya॒jñaṃ praca॑ra॒ntyayā॑tayāmatvāya / patnyavekṣate

3.3.4.2
mi॒thu॒na॒tvāya॒ prajātyai / yadvai patnī॑ ya॒jñasya॑ ka॒roti॑ / mi॒thu॒naṃ tat / atho॒ patni॑yā e॒vaiṣa ya॒jñasyānvāra॒mbho'na॑vacchittyai / a॒me॒dhyaṃ vā e॒tatka॑roti / yatpatnya॒vekṣa॑te / gār‌ha॑pa॒tye'dhi॑ śrayati medhya॒tvāya॑ / ā॒ha॒va॒nīya॑ma॒bhyuddra॑vati / ya॒jñasya॒ santa॑tyai / tejo॑'si॒ tejo'nu॒ prehītyā॑ha

3.3.4.3
tejo॒ vā a॒gniḥ / teja॒ ājyam / teja॑sai॒va teja॒ssama॑rdhayati / a॒gniste॒ tejo॒ mā vinai॒dityā॒hāhi॑sāyai / sphyasya॒ vartmantsādayati / ya॒jñasya॒ santa॑tyai / a॒gnerji॒hvā'si॑ su॒bhūrde॒vānā॒mityā॑ha / ya॒thā॒ya॒jure॒vaitat / dhāmne॑dhāmne de॒vebhyo॒ yaju॑ṣeyajuṣe bha॒vetyā॑ha / ā॒śiṣa॑me॒vaitāmā śāste

3.3.4.4
tadvā ata॑ pa॒vitrābhyāme॒votpu॑nāti / yaja॑māno॒ vā ājyam / prā॒ṇā॒pā॒nau pa॒vitre / yaja॑māna e॒va prā॑ṇāpā॒nau da॑dhāti / pu॒na॒rā॒hāram / e॒vami॑va॒ hi prā॑ṇāpā॒nau saṃ॒cara॑taḥ / śu॒krama॑si॒ jyoti॑rasi॒ tejo॒'sītyā॑ha / rū॒pame॒vāsyai॒tanma॑hi॒mānaṃ॒ vyāca॑ṣṭe / triryaju॑ṣā / traya॑ i॒me lo॒kāḥ

3.3.4.5
e॒ṣāṃ lo॒kānā॒māptyai / triḥ / tryā॑vṛ॒ddhi ya॒jñaḥ / atho॑ medhya॒tvāya॑ / athājya॑vatībhyāma॒paḥ / rū॒pame॒vāsā॑me॒tadvarṇaṃ॑ dadhāti / api॒ vā u॒tāhuḥ॑ / yathā॑ ha॒ vai yoṣā॑ su॒varṇa॒॒ hira॑ṇyaṃ peśa॒laṃ bibhra॑tī rū॒pāṇyāste / e॒vame॒tā e॒taऱhīti॑ / āpo॒ vai sarvā de॒vatāḥ

3.3.4.6
e॒ṣā hi viśve॑ṣāṃ de॒vānāṃ ta॒nūḥ / yadājyam / tatro॒bhayormīmā॒॒sā / jā॒mi syāt / yadyaju॒ṣā''jyaṃ॒ yaju॑ṣā॒'pa u॑tpunī॒yāt / chanda॑sā॒'pa utpu॑nā॒tyajā॑mitvāya / atho॑ mithuna॒tvāya॑ / sā॒vi॒tri॒yarcā / sa॒vi॒tṛpra॑sūtaṃ me॒ karmā॑sa॒diti॑ / sa॒vi॒tṛpra॑sūtame॒vāsya॒ karma॑ bhavati / pa॒ccho gā॑yatri॒yā tri॑ṣṣamṛddha॒tvāya॑ / a॒dbhire॒vauṣa॑dhī॒ssaṃ na॑yati / oṣa॑dhībhi pa॒śūn / pa॒śubhi॒ryaja॑mānam / śu॒kraṃ tvā॑ śu॒krāyāṃ॒ jyoti॑stvā॒ jyoti॑ṣya॒rcistvā॒'rciṣītyā॑ha sarva॒tvāya॑ / paryāptyā॒ ana॑ntarāyāya

3.3.5.0
a॒bhi॒ghā॒raya॑ti gṛhṇāti dhru॒vāyā॒ñcatu॑ṣpadī prayājānūyā॒jebhya॒staddve ca॑

3.3.5.1
de॒vā॒su॒rāssayyam̐॑ttā āsann / sa e॒tamindra॒ ājya॑syāvakā॒śama॑paśyat / tenāvaikṣata / tato॑ de॒vā abha॑vann / parā'su॑rāḥ / ya e॒vaṃ vi॒dvānājya॑ma॒vekṣa॑te / bhava॑tyā॒tmanā / parā'sya॒ bhrātṛ॑vyo bhavati / bra॒hma॒vā॒dino॑ vadanti / yadājye॑nā॒nyāni॑ ha॒vīṣya॑bhighā॒raya॑ti

3.3.5.2
atha॒ kenājya॒miti॑ / sa॒tyeneti॑ brūyāt / cakṣu॒rvai sa॒tyam / sa॒tyenai॒vaina॑da॒bhi ghā॑rayati / ī॒śva॒ro vā e॒ṣo'ndho bhavi॑toḥ / yaścakṣu॒ṣā''jya॑ma॒vekṣa॑te / ni॒mīlyāvekṣeta / dā॒dhārā॒tmañcakṣuḥ॑ / a॒bhyājya॑ṅghārayati / ājya॑ṅgṛhṇāti

3.3.5.3
chandā॑si॒ vā ājyam / chandā॑sye॒va prī॑ṇāti / ca॒turju॒hvāṅgṛ॑hṇāti / catu॑ṣpāda pa॒śavaḥ॑ / pa॒śūne॒vāva॑ rundhe / a॒ṣṭāvu॑pa॒bhṛti॑ / a॒ṣṭākṣa॑rā gāya॒trī / gā॒ya॒tra prā॒ṇaḥ / prā॒ṇame॒va pa॒śuṣu॑ dadhāti / ca॒turdhru॒vāyām

3.3.5.4
catu॑ṣpāda pa॒śavaḥ॑ / pa॒śuṣve॒vopari॑ṣṭā॒tprati॑ tiṣṭhati / ya॒ja॒mā॒na॒de॒va॒tyā॑ vai ju॒hūḥ / bhrā॒tṛ॒vya॒de॒va॒tyo॑pa॒bhṛt / ca॒turju॒hvāṅgṛ॒hṇanbhūyo॑ gṛhṇīyāt / a॒ṣṭāvu॑pa॒bhṛti॑ gṛ॒hṇankanī॑yaḥ / yaja॑mānāyai॒va bhrātṛ॑vya॒mupa॑stiṅkaroti / gaurvai srucaḥ॑ / ca॒turju॒hvāṅgṛ॑hṇāti / tasmā॒ccatu॑ṣpadī

3.3.5.5
a॒ṣṭāvu॑pa॒bhṛti॑ / tasmā॑da॒ṣṭāśa॑phā / ca॒turdhru॒vāyām / tasmā॒ccatu॑sstanā / gāme॒va tatsaska॑roti / sāsmai॒ saskṛ॒teṣa॒mūrja॑nduhe / yajju॒hvāṅgṛ॒hṇāti॑ / pra॒yā॒jebhya॒stat / yadu॑pa॒bhṛti॑ / pra॒yā॒jā॒nū॒yā॒jebhya॒stat / sarva॑smai॒ vā e॒tadya॒jñāya॑ gṛhyate / ya॒ddhru॒vāyā॒mājyam

3.3.6.0
sthetyā॑ha pṛthi॒vī vedi॒ryanti॑ kri॒yate॒ vīṇu॑rvī॒rya॑saṃmitaṅkarotyāha pāti॒ nāmnetyā॑ha lo॒ke sā॑dayati॒ ṣaṭ ca॑

3.3.6.1
āpo॑ devīragrepuvo agreguva॒ ityā॑ha / rū॒pame॒vāsā॑me॒tanma॑hi॒māna॒vvyām̐ca॑ṣṭe / agra॑ i॒mayyam॒̐jñanna॑ya॒tāgre॑ ya॒jñapa॑ti॒mityā॑ha / agra॑ e॒va ya॒jñanna॑yanti / agre॑ ya॒jñapa॑tim / yu॒ṣmānindro॑'vṛṇīta vṛtra॒tūrye॑ yū॒yamindra॑mavṛṇīdhvavvṛm̐tra॒tūrya॒ ityā॑ha / vṛ॒tra ha॑ hani॒ṣyannindra॒ āpo॑ vavre / āpo॒ hendra॑vvam̐vrire / saṃ॒jñāme॒vāsā॑me॒tatsāmā॑na॒vvyām̐ca॑ṣṭe / prokṣi॑tā॒ssthetyā॑ha

3.3.6.2
tenāpa॒ prokṣi॑tāḥ / a॒gnirde॒vebhyo॒ nilā॑yata / kṛṣṇo॑ rū॒paṅkṛ॒tvā / sa vana॒spatī॒nprāvi॑śat / kṛṣṇo'syākhare॒ṣṭho'gnaye tvā॒ svāhetyā॑ha / a॒gnaya॑ e॒vaina॒ñjuṣṭa॑ṅkaroti / atho॑ a॒gnere॒va medha॒mava॑ rundhe / vedi॑rasi ba॒r॒hiṣe tvā॒ svāhetyā॑ha / pra॒jā vai ba॒r॒hiḥ / pṛ॒thi॒vī vediḥ॑

3.3.6.3
pra॒jā e॒va pṛ॑thi॒vyāṃ prati॑ṣṭhāpayati / ba॒r॒hira॑si sru॒gbhyastvā॒ svāhetyā॑ha / pra॒jā vai ba॒r॒hiḥ / yaja॑māna॒ssrucaḥ॑ / yaja॑māname॒va pra॒jāsu॒ prati॑ṣṭhāpayati / di॒ve tvā॒'ntari॑kṣāya tvā pṛthi॒vyai tveti॑ ba॒r॒hirā॒sādya॒ prokṣa॑ti / e॒bhya e॒vaina॑llo॒kebhya॒ prokṣa॑ti / atha॒ tata॑ssa॒ha sru॒cā pu॒rastātpra॒tyañca॑ṅgra॒nthiṃ pratyu॑kṣati / pra॒jā vai ba॒r॒hiḥ / yathā॒ sūtyai॑ kā॒la āpa॑ pu॒rastā॒dyanti॑

3.3.6.4
tā॒dṛge॒va tat / sva॒dhā pi॒tṛbhya॒ ityā॑ha / sva॒dhā॒kā॒ro hi pi॑tṛ॒ṇām / ūrgbha॑va bar‌hi॒ṣadbhya॒ iti॒ dakṣi॑ṇāyai॒ śroṇe॒rotta॑rasyai॒ nina॑yati॒ santa॑tyai / māsā॒ vai pi॒taro॑ bar‌hi॒ṣadaḥ॑ / māsā॑ne॒va prī॑ṇāti / māsā॒ vā oṣa॑dhīrva॒rdhaya॑nti / māsā pacanti॒ samṛ॑ddhyai / ana॑tiskandan ha pa॒rjanyo॑ var‌ṣati / yatrai॒tade॒vaṅkri॒yate

3.3.6.5
ū॒rjā pṛ॑thi॒vīṅga॑ccha॒tetyā॑ha / pṛ॒thi॒vyāme॒vorja॑ndadhāti / tasmātpṛthi॒vyā ū॒rjā bhu॑ñjate / gra॒nthivvim̐ sra॑sayati / praja॑nayatye॒va tat / ū॒rdhvaṃ prāñca॒mudgū॑ḍhaṃ pra॒tyañca॒mā ya॑cchati / tasmātprā॒cīna॒॒ reto॑ dhīyate / pra॒tīcī pra॒jā jā॑yante / viṣṇo॒sstūpo॒'sītyā॑ha / ya॒jño vai viṣṇuḥ॑

3.3.6.6
ya॒jñasya॒ dhṛtyai / pu॒rastātprasta॒raṅgṛ॑hṇāti / mukhya॑me॒vaina॑ṅkaroti / iya॑ntaṅgṛhṇāti / pra॒jāpa॑tinā yajñamu॒khena॒ saṃmi॑tam / iya॑ntaṅgṛhṇāti / ya॒jña॒pa॒ruṣā॒ saṃmi॑tam / iya॑ntaṅgṛhṇāti / e॒tāva॒dvai puru॑ṣe vī॒ryam / vī॒rya॑saṃmitam

3.3.6.7
apa॑rimitaṅgṛhṇāti / apa॑rimita॒syāva॑ruddhyai / tasmi॑npa॒vitre॒ api॑ sṛjati / yaja॑māno॒ vai pra॑sta॒raḥ / prā॒ṇā॒pā॒nau pa॒vitre / yaja॑māna e॒va prā॑ṇāpā॒nau da॑dhāti / ūrṇāmradasantvā stṛṇā॒mītyā॑ha / ya॒thā॒ya॒jure॒vaitat / svā॒sa॒sthande॒vebhya॒ ityā॑ha / de॒vebhya॑ e॒vaina॑tsvāsa॒sthaṅka॑roti

3.3.6.8
ba॒r॒hisstṛ॑ṇāti / pra॒jā vai ba॒r॒hiḥ / pṛ॒thi॒vī vediḥ॑ / pra॒jā e॒va pṛ॑thi॒vyāṃ prati॑ṣṭhāpayati / ana॑tidṛśña stṛṇāti / pra॒jayai॒vainaṃ॑ pa॒śubhi॒rana॑tidṛśñaṅkaroti / dhā॒raya॑nprasta॒raṃ pa॑ri॒dhīnpari॑ dadhāti / yaja॑māno॒ vai pra॑sta॒raḥ / yaja॑māna e॒va tatsva॒yaṃ pa॑ri॒dhīnpari॑ dadhāti / ga॒ndha॒rvo॑'si vi॒śvāva॑su॒rityā॑ha

3.3.6.9
viśva॑me॒vāyu॒ryaja॑māne dadhāti / indra॑sya bā॒hura॑si॒ dakṣi॑ṇa॒ ityā॑ha / i॒ndri॒yame॒va yaja॑māne dadhāti / mi॒trāvaru॑ṇau tvottara॒ta pari॑dhattā॒mityā॑ha / prā॒ṇā॒pā॒nau mi॒trāvaru॑ṇau / prā॒ṇā॒pā॒nāve॒vāsmi॑ndadhāti / sūrya॑stvā pu॒rastāt pā॒tvityā॑ha / rakṣa॑sā॒mapa॑hatyai / kasyāścida॒bhiśa॑styā॒ ityā॑ha / apa॑rimitāde॒vainaṃ॑ pāti

3.3.6.10
vī॒tihotrantvā kava॒ ityā॑ha / a॒gnime॒va ho॒treṇa॒ sama॑rdhayati / dyu॒manta॒॒ sami॑dhīma॒hītyā॑ha॒ sami॑ddhyai / agne॑ bṛ॒hanta॑madhva॒ra ityā॑ha॒ vṛddhyai / vi॒śo ya॒ntre stha॒ ityā॑ha / vi॒śāyyam̐tyai / u॒dī॒cīnāgre॒ ni da॑dhāti॒ prati॑ṣṭhityai / vasū॑nā ru॒drāṇā॑mādi॒tyānā॒॒ sada॑si sī॒detyā॑ha / de॒vatā॑nāme॒va sada॑ne prasta॒ra sā॑dayati / ju॒hūra॑si ghṛ॒tācī॒ nāmnetyā॑ha

3.3.6.11
a॒sau vai ju॒hūḥ / a॒ntari॑kṣamupa॒bhṛt / pṛ॒thi॒vī dhru॒vā / tāsā॑me॒tade॒va pri॒yannāma॑ / yadghṛ॒tācīti॑ / yadghṛ॒tācītyāha॑ / pri॒yeṇai॒vainā॒ nāmnā॑ sādayati / e॒tā a॑sadantsukṛ॒tasya॑ lo॒ka ityā॑ha / sa॒tyavvaim̐ su॑kṛ॒tasya॑ lo॒kaḥ / sa॒tya e॒vaināssukṛ॒tasya॑ lo॒ke sā॑dayati / tā vi॑ṣṇo pā॒hītyā॑ha / ya॒jño vai viṣṇuḥ॑ / ya॒jñasya॒ dhṛtyai / pā॒hi ya॒jñaṃ pā॒hi ya॒jñapa॑tiṃ pā॒hi māyyam̐॑jña॒niya॒mityā॑ha / ya॒jñāya॒ yaja॑mānāyā॒tmane / tebhya॑ e॒vāśiṣa॒māśā॒ste'nārtyai

3.3.7.0
pari॑dadhāti prā॒ṇanda॑dhāti॒ hi ya॒jño ghā॑rayati॒ nama॒ ityā॑ha pa॒ścādvī॒ryā॑ṇītyā॑ha॒ bhā ityā॑ha bha॒jetyā॑ha dhru॒vaivāsmi॑ndadhāti॒ trīṇi॑ ca

3.3.7.1
a॒gninā॒ vai hotrā / de॒vā asu॑rāna॒bhya॑bhavann / a॒gnaye॑ sami॒dhyamā॑nā॒yānu॑brū॒hītyā॑ha॒ bhrātṛ॑vyābhibhūtyai / eka॑viśatimidhmadā॒rūṇi॑ bhavanti / e॒ka॒vi॒॒śo vai puru॑ṣaḥ / puru॑ṣa॒syāptyai / pañca॑daśedhmadā॒rūṇya॒bhyā da॑dhāti / pañca॑daśa॒ vā a॑rdhamā॒sasya॒ rātra॑yaḥ / a॒rdha॒mā॒sa॒śassa॑vvam̐tsa॒ra āpyate / trīnpa॑ri॒dhīnpari॑ dadhāti

3.3.7.2
ū॒rdhve sa॒midhā॒vā da॑dhāti / a॒nū॒yā॒jebhya॑ssa॒midha॒mati॑ śinaṣṭi / ṣaṭtsaṃpa॑dyante / ṣaḍvā ṛ॒tavaḥ॑ / ṛ॒tūne॒va prī॑ṇāti / ve॒denopa॑ vājayati / prā॒jā॒pa॒tyo vai ve॒daḥ / prā॒jā॒pa॒tya prā॒ṇaḥ / yaja॑māna āhava॒nīyaḥ॑ / yaja॑māna e॒va prā॒ṇanda॑dhāti

3.3.7.3
trirupa॑ vājayati / trayo॒ vai prā॒ṇāḥ / prā॒ṇāne॒vāsmi॑ndadhāti / ve॒deno॑pa॒yatya॑ sru॒veṇa॑ prājāpa॒tyamā॑ghā॒ramā ghā॑rayati / ya॒jño vai pra॒jāpa॑tiḥ / ya॒jñame॒va pra॒jāpa॑tiṃ mukha॒ta āra॑bhate / atho pra॒jāpa॑ti॒ssarvā॑ de॒vatāḥ / sarvā॑ e॒va de॒vatā prīṇāti / a॒gnima॑gnī॒ttristri॒ssaṃ mṛ॒ḍḍhītyā॑ha / tryā॑vṛ॒ddhi ya॒jñaḥ

3.3.7.4
atho॒ rakṣa॑sā॒mapa॑hatyai / pa॒ri॒dhīntsaṃ mārṣṭi / pu॒nātye॒vainān॑ / tristri॒ssaṃ mārṣṭi / tryā॑vṛ॒ddhi ya॒jñaḥ / atho॑ medhya॒tvāya॑ / atho॑ e॒te vai de॑vā॒śvāḥ / de॒vā॒śvāne॒va tatsaṃ mārṣṭi / su॒va॒rgasya॑ lo॒kasya॒ sama॑ṣṭyai / āsī॑no॒'nyamā॑ghā॒ramā ghā॑rayati

3.3.7.5
tiṣṭha॑nna॒nyam / yathā'no॑ vā॒ ratha॑vvām̐ yu॒ñjyāt / e॒vame॒va tada॑dhva॒ryurya॒jñayyum̐॑nakti / su॒va॒rgasya॑ lo॒kasyā॒bhyūḍhyai / vaha॑ntyenaṅgrā॒myā pa॒śavaḥ॑ / ya e॒vavvem̐da॑ / bhuva॑namasi॒ vi pra॑tha॒svetyā॑ha / ya॒jño vai bhuva॑nam / ya॒jña e॒va yaja॑mānaṃ pra॒jayā॑ pa॒śubhi॑ prathayati / agne॒ yaṣṭa॑ri॒dannama॒ ityā॑ha

3.3.7.6
a॒gnirvai de॒vānā॒yyam̐ṣṭā / ya e॒va de॒vānā॒yyam̐ṣṭā / tasmā॑ e॒va nama॑skaroti / juhvehya॒gnistvā hvayati devaya॒jyāyā॒ upa॑bhṛ॒dehi॑ de॒vastvā॑ savi॒tā hva॑yati devaya॒jyāyā॒ ityā॑ha / ā॒gne॒yī vai ju॒hūḥ / sā॒vi॒tryu॑pa॒bhṛt / tābhyā॑me॒vaine॒ prasū॑ta॒ āda॑tte / agnā॑viṣṇū॒ mā vā॒mava॑ kramiṣa॒mityā॑ha / a॒gni pu॒rastāt / viṣṇu॑rya॒jña pa॒ścāt

3.3.7.7
tābhyā॑me॒va pra॑ti॒procyā॒tyā krā॑mati / viji॑hāthāṃ॒ mā mā॒ santāpta॒mityā॒hāhi॑sāyai / lo॒kaṃ me॑ lokakṛtau kṛṇuta॒mityā॑ha / ā॒śiṣa॑me॒vaitāmā śāste / viṣṇo॒ssthāna॑ma॒sītyā॑ha / ya॒jño vai viṣṇuḥ॑ / e॒tatkhalu॒ vai de॒vānā॒mapa॑rājitamā॒yata॑nam / yadya॒jñaḥ / de॒vānā॑me॒vāpa॑rājita ā॒yata॑ne tiṣṭhati / i॒ta indro॑ akṛṇodvī॒ryā॑ṇītyā॑ha

3.3.7.8
i॒ndri॒yame॒va yaja॑māne dadhāti / sa॒mā॒rabhyo॒rdhvo a॑dhva॒ro di॑vi॒spṛśa॒mityā॑ha॒ vṛddhyai / ā॒ghā॒ramā॑ghā॒ryamā॑ṇa॒manu॑ samā॒rabhya॑ / e॒tasmi॑nkā॒le de॒vāssu॑va॒rgallom॒̐kamā॑yann / sā॒kṣāde॒va yaja॑mānassuva॒rgallom॒̐kame॑ti / atho॒ samṛ॑ddhenai॒va ya॒jñena॒ yaja॑mānassuva॒rgallom॒̐kame॑ti / ahru॑to ya॒jño ya॒jñapa॑te॒rityā॒hānārtyai / indrā॑vā॒ntsvāhetyā॑ha / i॒ndri॒yame॒va yaja॑māne dadhāti / bṛ॒hadbhā ityā॑ha

3.3.7.9
su॒va॒rgo vai lo॒ko bṛ॒hadbhāḥ / su॒va॒rgasya॑ lo॒kasya॒ sama॑ṣṭyai / ya॒ja॒mā॒na॒de॒va॒tyā॑ vai ju॒hūḥ / bhrā॒tṛ॒vya॒de॒va॒tyo॑pa॒bhṛt / prā॒ṇa ā॑ghā॒raḥ / yatsa॑spa॒r॒śayet / bhrātṛ॑vye'sya prā॒ṇanda॑dhyāt / asa॑spar‌śayanna॒tyā krā॑mati / yaja॑māna e॒va prā॒ṇanda॑dhāti / pā॒hi mā'gne॒ duśca॑ritā॒dā mā॒ suca॑rite bha॒jetyā॑ha

3.3.7.10
a॒gnirvāva pa॒vitram / vṛ॒ji॒namanṛ॑ta॒nduśca॑ritam / ṛ॒ju॒ka॒rma sa॒tya suca॑ritam / a॒gnire॒vaina॑vvṛm̐ji॒nādanṛ॑tā॒dduśca॑ritātpāti / ṛ॒ju॒ka॒rme sa॒tye suca॑rite bhajati / tasmā॑de॒vamā śāste / ā॒tmano॑ gopī॒thāya॑ / śiro॒ vā e॒tadya॒jñasya॑ / yadā॑ghā॒raḥ / ā॒tmā dhru॒vā

3.3.7.11
ā॒ghā॒ramā॒ghārya॑ dhru॒vā sama॑nakti / ā॒tmanne॒va ya॒jñasya॒ śira॒ prati॑ dadhāti / dvissama॑nakti / dvau hi prā॑ṇāpā॒nau / tadā॑huḥ / trire॒va sama॑ñjyāt / tridhā॑tu॒ hi śira॒ iti॑ / śira॑ ivai॒tadya॒jñasya॑ / atho॒ trayo॒ vai prā॒ṇāḥ / prā॒ṇāne॒vāsmi॑ndadhāti / ma॒khasya॒ śiro॑'si॒ sañjyoti॑ṣā॒ jyoti॑raṅktā॒mityā॑ha / jyoti॑re॒vāsmā॑ u॒pari॑ṣṭāddadhāti / su॒va॒rgasya॑ lo॒kasyānu॑khyātyai

3.3.8.0
ca॒ra॒tya॒dhva॒ryu prajā॑tirhvayate॒ vedābravīdbar‌hi॒ṣada॑ṅkarotyṛ॒tvijo॑ dadhāti bra॒hmā'nu॑karoti ca॒tvāri॑ ca

3.3.8.1
dhiṣṇi॑yā॒ vā e॒te nyu॑pyante / yadbra॒hmā / yaddhotā / yada॑dhva॒ryuḥ / yada॒gnīt / yadyaja॑mānaḥ / tān yada॑ntare॒yāt / yaja॑mānasya prā॒ṇāntsaṅka॑r‌ṣet / pra॒māyu॑kassyāt / pu॒ro॒ḍāśa॑mapa॒gṛhya॒ sañca॑ratyadhva॒ryuḥ

3.3.8.2
yaja॑mānāyai॒va tallo॒ka śi॑ṣati / nāsya॑ prā॒ṇāntsaṅka॑r‌ṣati / na pra॒māyu॑ko bhavati / pu॒rastāt pra॒tyaṅṅāsī॑naḥ / iḍā॑yā॒ iḍā॒mā da॑dhāti / hastyā॒॒ hotre / pa॒śavo॒ vā iḍā / pa॒śava॒ puru॑ṣaḥ / pa॒śuṣve॒va pa॒śūnprati॑ṣṭhāpayati / iḍā॑yai॒ vā e॒ṣā prajā॑tiḥ

3.3.8.3
tāṃ prajā॑ti॒yyam̐ja॑mā॒no'nu॒ pra jā॑yate / dvira॒ṅgulā॑vanakti॒ parva॑ṇoḥ / dvi॒pādyaja॑māna॒ prati॑ṣṭhityai / sa॒kṛdupa॑ stṛṇāti / dvirā da॑dhāti / sa॒kṛda॒bhi ghā॑rayati / ca॒tussaṃpa॑dyate / ca॒tvāri॒ vai pa॒śo pra॑ti॒ṣṭhānā॑ni / yāvā॑ne॒va pa॒śuḥ / tamupa॑hvayate

3.3.8.4
mukha॑miva॒ pratyupa॑hvayeta / saṃ॒mu॒khāne॒va pa॒śūnupa॑ hvayate / pa॒śavo॒ vā iḍā / tasmā॒tsā'nvā॒rabhyā / a॒dhva॒ryuṇā॑ ca॒ yaja॑mānena ca / upa॑hūta paśu॒māna॑sā॒nītyā॑ha / upa॒ hye॑nau॒ hvaya॑te॒ hotā / iḍā॑yai de॒vatā॑nāmupaha॒ve / upa॑hūta paśu॒mānbha॑vati / ya e॒vavvem̐da॑

3.3.8.5
yāvvaim̐ hastyā॒miḍā॑mā॒dadhā॑ti / vā॒cassā bhā॑ga॒dheyam / yāmu॑pa॒hvaya॑te / prā॒ṇānā॒॒ sā / vāca॑ñcai॒va prā॒ṇāścāva॑ rundhe / atha॒ vā e॒tarhyupa॑hūtāyā॒miḍā॑yām / pu॒ro॒ḍāśa॑syai॒va ba॑r‌hi॒ṣado॑ mīmā॒॒sā / yaja॑mānande॒vā a॑bruvann / ha॒virno॒ nirva॒peti॑ / nāhama॑bhā॒go nirva॑phsyā॒mītya॑bravīt

3.3.8.6
na mayā॑'bhā॒gayā'nu॑vakṣya॒theti॒ vāga॑bravīt / nāhama॑bhā॒gā pu॑ronuvā॒kyā॑ bhaviṣyā॒mīti॑ puronuvā॒kyā / nāhama॑bhā॒gā yā॒jyā॑ bhaviṣyā॒mīti॑ yā॒jyā / na mayā॑'bhā॒gena॒ vaṣa॑ṭkariṣya॒theti॑ vaṣaṭkā॒raḥ / yadya॑jamānabhā॒ganni॒dhāya॑ puro॒ḍāśaṃ॑ bar‌hi॒ṣada॑ṅka॒roti॑ / tāne॒va tadbhā॒gina॑ karoti / ca॒tu॒rdhā ka॑roti / cata॑sro॒ diśaḥ॑ / di॒kṣve॑va prati॑tiṣṭhati / ba॒r॒hi॒ṣada॑ṅkaroti

3.3.8.7
yaja॑māno॒ vai pu॑ro॒ḍāśaḥ॑ / pra॒jā ba॒r॒hiḥ / yaja॑māname॒va pra॒jāsu॒ prati॑ṣṭhāpayati / tasmā॑da॒sthnā'nyā pra॒jā pra॑ti॒tiṣṭha॑nti / mā॒॒senā॒nyāḥ / atho॒ khalvā॑huḥ / dakṣi॑ṇā॒ vā e॒tā ha॑virya॒jñasyāntarve॒dyava॑ rudhyante / yatpu॑ro॒ḍāśaṃ॑ bar‌hi॒ṣada॑ṅka॒rotīti॑ / ca॒tu॒rdhā ka॑roti / ca॒tvāro॒ hye॑te ha॑virya॒jñasya॒rtvijaḥ॑

3.3.8.8
bra॒hmā hotā'dhva॒ryura॒gnīt / tama॒bhi mṛ॑śet / i॒daṃ bra॒hmaṇaḥ॑ / i॒da hotuḥ॑ / i॒dama॑dhva॒ryoḥ / i॒dama॒gnīdha॒ iti॑ / yathai॒vādassau॒mye'dhva॒re / ā॒deśa॑mṛ॒tvigbhyo॒ dakṣi॑ṇā nī॒yante / tā॒dṛge॒va tat / a॒gnīdhe pratha॒māyā da॑dhāti

3.3.8.9
a॒gnimu॑khā॒ hyṛddhiḥ॑ / a॒gnimu॑khāme॒varddhi॒yyam̐ja॑māna ṛdhnoti / sa॒kṛdu॑pa॒stīrya॒ dvirā॒dadha॑t / u॒pa॒stīrya॒ dvira॒bhi ghā॑rayati / ṣaṭtsaṃpa॑dyante / ṣaḍvā ṛ॒tavaḥ॑ / ṛ॒tūne॒va prī॑ṇāti / ve॒dena॑ bra॒hmaṇe brahmabhā॒gaṃ pari॑harati / prā॒jā॒pa॒tyo vai ve॒daḥ / prā॒jā॒pa॒tyo bra॒hmā

3.3.8.10
sa॒vi॒tā ya॒jñasya॒ prasūtyai / atha॒ kāma॑ma॒nyena॑ / tato॒ hotre / madhya॒vvām̐ e॒tadya॒jñasya॑ / yaddhotā / ma॒dhya॒ta e॒va ya॒jñaṃ prī॑ṇāti / athādhva॒ryave / pra॒ti॒ṣṭhā vā e॒ṣā ya॒jñasya॑ / yada॑dhva॒ryuḥ / tasmāddhavirya॒jñasyai॒tāme॒vāvṛta॒manu॑

3.3.8.11
a॒nyā dakṣi॑ṇā nīyante / ya॒jñasya॒ prati॑ṣṭhityai / a॒gnima॑gnītsa॒kṛtsa॑kṛ॒tsaṃ mṛ॒ḍḍhītyā॑ha / parā॑ṅiva॒ hye॑tar‌hi॑ ya॒jñaḥ / i॒ṣi॒tā daivyā॒ hotā॑ra॒ ityā॑ha / i॒ṣi॒ta hi karma॑ kri॒yate / bha॒dra॒vācyā॑ya॒ preṣi॑to॒ mānu॑ṣassūktavā॒kāya॑ sū॒ktā brū॒hītyā॑ha / ā॒śiṣa॑me॒vaitāmā śāste / sva॒gā daivyā॒ hotṛ॑bhya॒ ityā॑ha / ya॒jñame॒va tatsva॒gā ka॑roti / sva॒stirmānu॑ṣebhya॒ ityā॑ha / ā॒śiṣa॑me॒vaitāmā śāste / śa॒yyom̐rbrū॒hītyā॑ha / śa॒yyum̐me॒va bā॑r‌haspa॒tyaṃ bhā॑ga॒dheye॑na॒ sama॑rdhayati

3.3.9.0
ti॒ṣṭha॒tī॒me lo॒kā ga॑mayati॒ dyaurvṛṣṭi॑me॒vāva॑rundhe pa॒ryadha॑tthā॒ ityā॑ha॒ sami॑ṣṭyai bhāga॒dheya॑ndhatta॒mityā॑ha॒ vā i॑dhmasa॒vvṛm̐śca॑nā॒nyanu॑vittyai labhate॒ yaja॑mānaḥ

3.3.9.1
atha॒ srucā॑vanu॒ṣṭugbhyā॒vvām̐ja॑vatībhyā॒vvyūm̐॑hati / pra॒ti॒ṣṭhā vā a॑nu॒ṣṭuk / anna॒vvām̐jaḥ॒ prati॑ṣṭhityai / a॒nnādya॒syāva॑ruddhyai / prācīñju॒hūmū॑hati / jā॒tāne॒va bhrātṛ॑vyā॒npraṇu॑date / pra॒tīcī॑mupa॒bhṛtam / ja॒ni॒ṣyamā॑ṇāne॒va prati॑nudate / saviṣū॑ca e॒vāpohya॑ sa॒patnā॒n॒ yaja॑mānaḥ / a॒smillom॒̐ke prati॑tiṣṭhati

3.3.9.2
dvābhyām / dvipra॑tiṣṭho॒ hi / vasu॑bhyastvā ru॒drebhya॑stvā''di॒tyebhya॒stvetyā॑ha / ya॒thā॒ya॒jure॒vaitat / sru॒kṣu pra॑sta॒rama॑nakti / i॒me vai lo॒kāssrucaḥ॑ / yaja॑māna prasta॒raḥ / yaja॑māname॒va teja॑sā'nakti / tre॒dhā'na॑kti / traya॑ i॒me lo॒kāḥ

3.3.9.3
e॒bhya e॒vaina॑llom॒̐kebhyo॑'nakti / a॒bhi॒pū॒rvama॑nakti / a॒bhi॒pū॒rvame॒va yaja॑māna॒nteja॑sā'nakti / a॒kta rihā॑ṇā॒ ityā॑ha / tejo॒ vā ājyam / yaja॑māna prasta॒raḥ / yaja॑māname॒va teja॑sā'nakti / vi॒yantu॒ vaya॒ ityā॑ha / vaya॑ e॒vaina॑ṅkṛ॒tvā / su॒va॒rgallom॒̐kaṅga॑mayati

3.3.9.4
pra॒jāyyom̐niṃ॒ mā nirmṛ॑kṣa॒mityā॑ha / pra॒jāyai॑ gopī॒thāya॑ / āpyā॑yantā॒māpa॒ oṣa॑dhaya॒ ityā॑ha / āpa॑ e॒vauṣa॑dhī॒rā pyā॑yayati / ma॒rutāṃ॒ pṛṣa॑taya॒ssthetyā॑ha / ma॒ruto॒ vai vṛṣṭyā॑ īśate / vṛṣṭi॑me॒vāva॑ rundhe / diva॑ṅgaccha॒ tato॑ no॒ vṛṣṭi॒mera॒yetyā॑ha / vṛṣṭi॒rvai dyauḥ / vṛṣṭi॑me॒vāva॑ rundhe

3.3.9.5
yāva॒dvā a॑dhva॒ryu pra॑sta॒raṃ pra॒hara॑ti / tāva॑da॒syāyu॑rmīyate / ā॒yu॒ṣpā a॑gne॒'syāyu॑rme pā॒hītyā॑ha / āyu॑re॒vātmandha॑tte / yāva॒dvā a॑dhva॒ryu pra॑sta॒raṃ pra॒hara॑ti / tāva॑dasya॒ cakṣu॑rmīyate / ca॒kṣu॒ṣpā a॑gne'si॒ cakṣu॑rme pā॒hītyā॑ha / cakṣu॑re॒vātmandha॑tte / dhru॒vā'sītyā॑ha॒ prati॑ṣṭhityai / yaṃ pa॑ri॒dhiṃ pa॒ryadha॑tthā॒ ityā॑ha

3.3.9.6
ya॒thā॒ya॒jure॒vaitat / agne॑ deva pa॒ṇibhi॑rvī॒yamā॑ṇa॒ ityā॑ha / a॒gnaya॑ e॒vaina॒ñjuṣṭa॑ṅkaroti / tanta॑ e॒tamanu॒ joṣaṃ॑ bharā॒mītyā॑ha / sa॒jā॒tāne॒vāsmā॒ anu॑kānkaroti / nede॒ṣa tvada॑pace॒tayā॑tā॒ ityā॒hānu॑khyātyai / ya॒jñasya॒ pātha॒ upa॒ sami॑ta॒mityā॑ha / bhū॒māna॑me॒vopai॑ti / pa॒ri॒dhīnpra ha॑rati / ya॒jñasya॒ sami॑ṣṭyai

3.3.9.7
srucau॒ saṃ prasrā॑vayati / yade॒va tatra॑ krū॒ram / tattena॑ śamayati / ju॒hvāmu॑pa॒bhṛtam / ya॒ja॒mā॒na॒de॒va॒tyā॑ vai ju॒hūḥ / bhrā॒tṛ॒vya॒de॒va॒tyo॑pa॒bhṛt / yaja॑mānāyai॒va bhrātṛ॑vya॒mupa॑stiṅkaroti / sa॒॒srā॒vabhā॑gā॒ssthetyā॑ha / vasa॑vo॒ vai ru॒drā ā॑di॒tyāssa॑srā॒vabhā॑gāḥ / teṣā॒ntadbhā॑ga॒dheyam

3.3.9.8
tāne॒va tena॑ prīṇāti / vai॒śva॒de॒vyarcā / e॒te hi viśve॑ de॒vāḥ / tri॒ṣṭugbha॑vati / i॒ndri॒yavvaim̐ tri॒ṣṭuk / i॒ndri॒yame॒va yaja॑māne dadhāti / a॒gnervā॒mapa॑nnagṛhasya॒ sada॑si sādayā॒mītyā॑ha / i॒yavvām̐ a॒gnirapa॑nnagṛhaḥ / a॒syā e॒vaine॒ sada॑ne sādayati / su॒mnāya॑ sumninī su॒mne mā॑ dhatta॒mityā॑ha

3.3.9.9
pra॒jā vai pa॒śava॑ssu॒mnam / pra॒jāme॒va pa॒śūnā॒tmandha॑tte / dhu॒ri dhu॒ryau॑ pāta॒mityā॑ha / jā॒yā॒pa॒tyorgo॑pī॒thāya॑ / agne॑'dabdhāyo'śītatano॒ ityā॑ha / ya॒thā॒ya॒jure॒vaitat / pā॒hi mā॒'dya di॒va pā॒hi prasi॑tyai pā॒hi duri॑ṣṭyai pā॒hi du॑radma॒nyai pā॒hi duśca॑ritā॒dityā॑ha / ā॒śiṣa॑me॒vaitāmā śāste / avi॑ṣanna pi॒tuṅkṛ॑ṇu su॒ṣadā॒ yoni॒॒ svāhetīdhmasa॒vvṛm̐śca॑nānyanvāhārya॒paca॑ne'bhyā॒dhāya॑ phalīkaraṇaho॒mañju॑hoti / ati॑riktāni॒ vā i॑dhmasa॒vvṛm̐śca॑nāni

3.3.9.10
ati॑riktā phalī॒kara॑ṇāḥ / ati॑riktamājyoccheṣa॒ṇam / ati॑rikta e॒vāti॑riktandadhāti / atho॒ ati॑riktenai॒vāti॑riktamā॒ptvā'va॑ rundhe / vedi॑rde॒vebhyo॒ nilā॑yata / tāvvem॒̐denānva॑vindann / ve॒dena॒ vedi॑vvim̐vidu pṛthi॒vīm / sā pa॑prathe pṛthi॒vī pārthi॑vāni / garbhaṃ॑ bibharti॒ bhuva॑neṣva॒ntaḥ / tato॑ ya॒jño jā॑yate viśva॒dāni॒riti॑ pu॒rastātstambaya॒juṣo॑ ve॒dena॒ vedi॒॒ saṃmā॒rṣṭyanu॑vittyai

3.3.9.11
atho॒ yadve॒daśca॒ vedi॑śca॒ bhava॑taḥ / mi॒thu॒na॒tvāya॒ prajātyai / pra॒jāpa॑te॒rvā e॒tāni॒ śmaśrū॑ṇi / yadve॒daḥ / patni॑yā u॒pastha॒ āsya॑ti / mi॒thu॒name॒va ka॑roti / vi॒ndate pra॒jām / ve॒da hotā''ha॑va॒nīyātstṛ॒ṇanne॑ti / ya॒jñame॒va tatsanta॑no॒tyotta॑rasmādardhamā॒sāt / ta santa॑ta॒mutta॑re'rdhamā॒sa āla॑bhate

3.3.9.12
taṅkā॒lekā॑la॒ āga॑te yajate / bra॒hma॒vā॒dino॑ vadanti / sa tvā a॑dhva॒ryussyāt / yo yato॑ ya॒jñaṃ pra॑yu॒ṅkte / tade॑naṃ pratiṣṭhā॒paya॒tīti॑ / vātā॒dvā a॑dhva॒ryurya॒jñaṃ prayu॑ṅkte / devā॑ gātuvido gā॒tuvvim॒̐tvā gā॒tumi॒tetyā॑ha / yata॑ e॒va ya॒jñaṃ pra॑yu॒ṅkte / tade॑naṃ॒ prati॑ṣṭhāpayati / prati॑ tiṣṭhati pra॒jayā॑ pa॒śubhi॒ryaja॑mānaḥ

3.3.10.0
sa॒vi॒tṛpra॑sūto yathādeva॒taṃ pra॒jayetyā॑ha si॒ñcanmṛ॑ṣṭa॒ eka॑ñca

3.3.10.1
yo vā aya॑thādevatayyam॒̐jñamu॑pa॒cara॑ti / ā de॒vatābhyo vṛścyate / pāpī॑yānbhavati / yo ya॑thādeva॒tam / na de॒vatābhya॒ āvṛ॑ścyate / vasī॑yānbhavati / vā॒ru॒ṇo vai pāśaḥ॑ / i॒mavvim̐ṣyā॑mi॒ varu॑ṇasya॒ pāśa॒mityā॑ha / va॒ru॒ṇa॒pā॒śāde॒vaināṃ muñcati / sa॒vi॒tṛpra॑sūto yathādeva॒tam

3.3.10.2
na de॒vatābhya॒ āvṛ॑ścyate / vasī॑yānbhavati / dhā॒tuśca॒ yonau॑ sukṛ॒tasya॑ lo॒ka ityā॑ha / a॒gnirvai dhā॒tā / puṇya॒ṅkarma॑ sukṛ॒tasya॑ lo॒kaḥ / a॒gnire॒vaināndhā॒tā / puṇye॒ karma॑ṇi sukṛ॒tasya॑ lo॒ke da॑dhāti / syo॒naṃ me॑ sa॒ha patyā॑ karo॒mītyā॑ha / ā॒tmana॑śca॒ yaja॑mānasya॒ cānātyai sa॒ntvāya॑ / samāyu॑ṣā॒ saṃ pra॒jayetyā॑ha

3.3.10.3
ā॒śiṣa॑me॒vaitāmā śāste pūrṇapā॒tre / a॒nta॒to॑'nu॒ṣṭubhā / catu॑ṣpa॒dvā e॒tacchanda॒ prati॑ṣṭhitaṃ॒ patni॑yai pūrṇapā॒tre bha॑vati / a॒smillom॒̐ke prati॑tiṣṭhā॒nīti॑ / a॒sminne॒va lo॒ke prati॑tiṣṭhati / atho॒ vāgvā a॑nu॒ṣṭuk / vāṅmi॑thu॒nam / āpo॒ reta॑ pra॒jana॑nam / e॒tasmā॒dvai mi॑thu॒nādvi॒dyota॑mānassta॒naya॑nvar‌ṣati / reta॑ssi॒ñcann

3.3.10.4
pra॒jā pra॑ja॒nayann॑ / yadvai ya॒jñasya॒ brahma॑ṇā yu॒jyate / brahma॑ṇā॒ vai tasya॑ vimo॒kaḥ / a॒dbhiśśāntiḥ॑ / vimu॑kta॒vvām̐ e॒tar‌hi॒ yoktraṃ॒ brahma॑ṇā / ā॒dāyai॑na॒tpatnī॑ sa॒hāpa upa॑gṛhṇīte॒ śāntyai / a॒ñja॒lau pūrṇapā॒tramā na॑yati / reta॑ e॒vāsyāṃ pra॒jānda॑dhāti / pra॒jayā॒ hi ma॑nu॒ṣya॑ pū॒rṇaḥ / mukha॒vvim̐ mṛ॑ṣṭe / a॒va॒bhṛ॒thasyai॒va rū॒paṅkṛ॒tvotti॑ṣṭhati

3.3.11.0
no॒ dvi॒ṣma iti॑ parā॒vata॑marpayati

3.3.11.1
pa॒ri॒ve॒ṣo vā e॒ṣa vana॒spatī॑nām / yadu॑pave॒ṣaḥ / ya e॒vavvem̐da॑ / vi॒ndate॑ parive॒ṣṭāram / tamu॑tka॒re / yande॒vā ma॑nu॒ṣye॑ṣu / u॒pa॒ve॒ṣamadhā॑rayann / ye a॒smadapa॑ cetasaḥ / tāna॒smabhya॑mi॒hā ku॑ru / upa॑ve॒ṣopa॑ viḍḍhi naḥ

3.3.11.2
pra॒jāṃ puṣṭi॒matho॒ dhanam / dvi॒pado॑ na॒ścatu॑ṣpadaḥ / dhru॒vānana॑pagānku॒rviti॑ pu॒rastātpra॒tyañca॒mupa॑ gūhati / tasmātpu॒rastātpra॒tyañca॑śśū॒drā ava॑syanti / stha॒vi॒ma॒ta upa॑gūhati / apra॑tivādina e॒vainānkurute / dhṛṣṭi॒rvā u॑pave॒ṣaḥ / śu॒carto vajro॒ brahma॑ṇā॒ saśi॑taḥ / yopa॑ve॒ṣe śuk / sā'mumṛ॑cchatu॒ yandvi॒ṣma iti॑

3.3.11.3
athāsmai nāma॒ gṛhya॒ praha॑rati / nira॒munnu॑da॒ oka॑saḥ / sa॒patno॒ ya pṛ॑ta॒nyati॑ / ni॒rbā॒dhye॑na ha॒viṣā / indra॑ eṇaṃ॒ parā॑śarīt / i॒hi ti॒sra pa॑rā॒vataḥ॑ / i॒hi pañca॒ janā॒॒ ati॑ / i॒hi ti॒sro'ti॑ roca॒nāyāva॑t / sūryo॒ asa॑ddi॒vi / pa॒ra॒māntvā॑ parā॒vatam

3.3.11.4
indro॑ nayatu vṛtra॒hā / yato॒ na puna॒rāya॑si / śa॒śva॒tībhya॒ssamābhya॒ iti॑ / tri॒vṛdvā e॒ṣa vajro॒ brahma॑ṇā॒ saśi॑taḥ / śu॒caivaina॑vvim॒̐dhvā / e॒bhyo lo॒kebhyo॑ ni॒rṇudya॑ / vajre॑ṇa॒ brahma॑ṇā stṛṇute / ha॒to॑'sāvava॑dhiṣmā॒mumityā॑ha॒ stṛtyai / yandvi॒ṣyāttandhyā॑yet / śu॒caivaina॑marpayati

3.4.0.0
brahma॑ṇe gī॒tāya॒ śramā॑ya sa॒ndhaye॑ na॒dībhya॑ utsā॒debhya॒ ṛtyai॒ bhāyā॒ armebhyo ma॒nyave॑ ya॒myai॑ daśa॑daśa॒ sarobhyo॒ dvāda॑śa prati॒śrutkā॑yai bībha॒tsāyai॒ daśa॑daśa॒ hasā॑ya sa॒ptākṣa॑rā॒jāya॒ trayo॑daśa॒ bhūmyai॒ daśa॑ vā॒ce ṣaḍatha॒ navaikā॒nnavi॑śatiḥ

brahma॑ṇe ya॒myai॑ nava॑daśa

brahma॑ṇe kumā॒rīm // hariḥ॑ om / caturthaprapāṭhakassamāptaḥ //
3.4.0.0
taittirīyabrāhmaṇe tṛtīyāṣṭake caturthaprapāṭhaka prārambhaḥ / hariḥ om //
3.4.1.1
brahma॑ṇe brāhma॒ṇamāla॑bhate / kṣa॒ttrāya॑ rāja॒nyam / ma॒rudbhyo॒ vaiśyam / tapa॑se śū॒dram / tama॑se॒ taska॑ram / nāra॑kāya vīra॒haṇam / pā॒pmane klī॒bam / ā॒kra॒yāyā॑yo॒gūm / kāmā॑ya puśca॒lūm / ati॑kruṣṭāya māga॒dham

3.4.2.1
gī॒tāya॑ sū॒tam / nṛ॒ttāya॑ śailū॒ṣam / dharmā॑ya sabhāca॒ram / na॒rmāya॑ re॒bham / nari॑ṣṭhāyai bhīma॒lam / hasā॑ya॒ kārim / ā॒na॒ndāya॑ strīṣa॒kham / pramude॑ kumārīpu॒tram / me॒dhāyai॑ rathakā॒ram / dhairyā॑ya॒ takṣā॑ṇam

3.4.3.1
śramā॑ya kaulā॒lam / mā॒yāyai॑ kārmā॒ram / rū॒pāya॑ maṇikā॒ram / śubhe॑ va॒pam / śa॒ra॒vyā॑yā iṣukā॒ram / he॒tyai dha॑nvakā॒ram / karma॑ṇe jyākā॒ram / di॒ṣṭāya॑ rajjusa॒rgam / mṛ॒tya॑ve mṛga॒yum / anta॑kāya śva॒nitam

3.4.4.1
sa॒ndhaye॑ jā॒ram / ge॒hāyo॑papa॒tim / niऱṛ॑tyai parivi॒ttam / ārtyai॑ parivividā॒nam / arādhyai didhiṣū॒patim / pa॒vitrā॑ya bhi॒ṣajam / pra॒jñānā॑ya nakṣatrada॒r॒śam / niṣkṛ॑tyai peśaskā॒rīm / balā॑yopa॒dām / varṇā॑yānū॒rudham

3.4.5.1
na॒dībhya॑ pauñji॒ṣṭam / ṛ॒kṣīkābhyo॒ naiṣā॑dam / pu॒ru॒ṣa॒vyā॒ghrāya॑ du॒rmadam / pra॒yudbhya॒ unma॑ttam / ga॒ndha॒rvā॒psa॒rābhyo॒ vrātyam / sa॒rpa॒de॒va॒ja॒nebhyo'pra॑tipadam / avebhya kita॒vam / i॒ryatā॑yā॒ aki॑tavam / pi॒śā॒cebhyo॑ bidalakā॒ram / yā॒tu॒dhānebhya kaṇṭakakā॒ram

3.4.6.1
u॒tsā॒debhya॑ ku॒bjam / pra॒mude॑ vāma॒nam / dvā॒rbhyassrā॒mam / svapnā॑yā॒ndham / adha॑rmāya badhi॒ram / saṃ॒jñānā॑ya smarakā॒rīm / pra॒kā॒modyā॑yopa॒sadam / ā॒śi॒kṣāyai pra॒śñinam / u॒pa॒śi॑kṣāyā॑ abhipra॒śñinam / ma॒ryādā॑yai praśñavivā॒kam

3.4.7.1
ṛtyai ste॒nahṛ॑dayam / vaira॑hatyāya॒ piśu॑nam / vivi॑ttyai kṣa॒ttāram / aupa॑draṣṭāya saṅgrahī॒tāram / balā॑yānuca॒ram / bhū॒mne pa॑riṣka॒ndam / pri॒yāya॑ priyavā॒dinam / ari॑ṣṭyā aśvasā॒dam / medhā॑ya vāsapalpū॒līm / pra॒kā॒māya॑ rajayi॒trīm

3.4.8.1
bhāyai॑ dārvāhā॒ram / pra॒bhāyā॑ āgne॒ndham / nāka॑sya pṛ॒ṣṭhāyā॑bhiṣe॒ktāram / bra॒dhnasya॑ vi॒ṣṭapā॑ya pātranirṇe॒gam / de॒va॒lo॒kāya॑ peśi॒tāram / ma॒nu॒ṣya॒lo॒kāya॑ prakari॒tāram / sarvebhyo lo॒kebhya॑ upase॒ktāram / ava॑rtyai va॒dhāyo॑pamanthi॒tāram / su॒va॒rgāya॑ lo॒kāya॑ bhāga॒dugham / vaऱṣi॑ṣṭhāya॒ nākā॑ya parive॒ṣṭāram

3.4.9.1
armebhyo hasti॒pam / ja॒vāyāśva॒pam / puṣṭyai॑ gopā॒lam / teja॑se'japā॒lam / vī॒ryā॑yāvipā॒lam / irā॑yai kī॒nāśam / kī॒lālā॑ya surākā॒ram / bha॒drāya॑ gṛha॒pam / śreya॑se vitta॒dham / adhya॑kṣāyānukṣa॒ttāram

3.4.10.1
ma॒nyave॑'yastā॒pam / krodhā॑ya nisa॒ram / śokā॑yābhisa॒ram / u॒tkū॒la॒vi॒kū॒lābhyāntri॒sthinam / yogā॑ya yo॒ktāram / kṣemā॑ya vimo॒ktāram / vapu॑ṣe mānaskṛ॒tam / śīlā॑yāñjanīkā॒ram / niऱṛ॑tyai kośakā॒rīm / ya॒māyā॒sūm

3.4.11.1
ya॒myai॑ yama॒sūm / atha॑rva॒bhyo'va॑tokām / sa॒vvam॒̐tsa॒rāya॑ paryā॒riṇīm / pa॒ri॒va॒tsa॒rāyāvi॑jātām / i॒dā॒va॒tsa॒rāyā॑pa॒skadva॑rīm / i॒dva॒tsa॒rāyā॒tītva॑varīm / va॒tsa॒rāya॒ vija॑rjarām / sa॒rva॒ntsa॒rāya॒ pali॑knīm / vanā॑ya vana॒pam / a॒nyato॑raṇyāya dāva॒pam

3.4.12.1
sarobhyo dhaiva॒ram / veśa॑ntābhyo॒ dāśam / u॒pa॒sthāva॑rībhyo॒ baindam / na॒ḍva॒lābhya॑śśauṣka॒lam / pā॒ryā॑ya kaiva॒rtam / a॒vā॒ryā॑ya mārgā॒ram / tī॒rthebhya॑ ā॒ndam / viṣa॑mebhyo mainā॒lam / svanebhya॒ parṇa॑kam / guhābhya॒ kirā॑tam / sānu॑bhyo॒ jambha॑kam / parva॑tebhya॒ kiṃpū॑ruṣam

3.4.13.1
pra॒ti॒śrutkā॑yā ṛtu॒lam / ghoṣā॑ya bha॒ṣam / antā॑ya bahuvā॒dinam / a॒na॒ntāya॒ mūkam / maha॑se vīṇāvā॒dam / krośā॑ya tūṇava॒dhmam / ā॒kra॒ndāya॑ dundubhyāghā॒tam / a॒va॒ra॒spa॒rāya॑ śaṅkha॒dhmam / ṛ॒bhubhyo॑jinasandhā॒yam / sā॒dhyebhya॑ścarma॒mṇam /

3.4.14.1
bī॒bha॒tsāyai॑ paulka॒sam / bhūtyai॑ jāgara॒ṇam / abhūtyai svapa॒nam / tu॒lāyai॑ vāṇi॒jam / varṇā॑ya hiraṇyakā॒ram / viśvebhyo de॒vebhya॑ssidhma॒lam / pa॒ścā॒ddo॒ṣāya॑ glā॒vam / ṛtyai॑ janavā॒dinam / vyṛ॑ddhyā apaga॒lbham / sa॒॒śa॒rāya॑ pra॒cchidam

3.4.15.1
hasā॑ya puśca॒lūmā la॑bhate / vī॒ṇā॒vā॒daṅgaṇa॑kaṅgī॒tāya॑ / yāda॑se śābu॒lyām / na॒rmāya॑ bhadrava॒tīm / tū॒ṇa॒va॒dhmaṅgrā॑ma॒ṇyaṃ॑ pāṇisaṅghā॒tannṛ॒ttāya॑ / modā॑yānu॒krośa॑kam / ā॒na॒ndāya॑ tala॒vam

3.4.16.1
a॒kṣa॒rā॒jāya॑ kita॒vam / kṛ॒tāya॑ sabhā॒vinam / tretā॑yā ādinavada॒r॒śam / dvā॒pa॒rāya॑ bahi॒ssadam / kala॑ye sabhāsthā॒ṇum / du॒ṣkṛ॒tāya॑ ca॒rakā॑cāryam / adhva॑ne brahmacā॒riṇam / pi॒śā॒cebhya॑ssaila॒gam / pi॒pā॒sāyai॑ govya॒ccham / niऱṛ॑tyai goghā॒tam / kṣu॒dhe go॑vika॒rtam / kṣu॒ttṛ॒ṣṇābhyā॒ntam / yo gāvvim॒̐kṛnta॑ntaṃ mā॒॒saṃ bhikṣa॑māṇa upa॒tiṣṭha॑te

3.4.17.1
bhūmyai॑ pīṭhasa॒rpiṇa॒mā la॑bhate / a॒gnaye'॑sa॒lam / vā॒yave॑ cāṇḍā॒lam / a॒ntari॑kṣāya vaśana॒rtinam / di॒ve kha॑la॒tim / sūryā॑ya harya॒kṣam / ca॒ndrama॑se mirmi॒ram / nakṣa॑trebhya ki॒lāsam / ahne॑ śu॒klaṃ pi॑ṅga॒lam / rātri॑yai kṛ॒ṣṇaṃ pi॑ṅgā॒kṣam

3.4.18.1
vā॒ce puru॑ṣa॒mā la॑bhate / prā॒ṇama॑pā॒navvyām॒̐namu॑dā॒na sa॑mā॒nantān vā॒yave / sūryā॑ya॒ cakṣu॒rā la॑bhate / mana॑śca॒ndrama॑se / di॒gbhyaśśrotram / pra॒jāpa॑taye॒ puru॑ṣam

3.4.19.1
athai॒tānarū॑pebhya॒ āla॑bhate / ati॑hrasva॒mati॑dīrgham / atikṛ॑śa॒matya॑salam / ati॑śukla॒mati॑kṛṣṇam / ati॑ślakṣṇa॒mati॑lomaśam / ati॑kiriṭa॒mati॑danturam / ati॑mirmira॒mati॑memiṣam / ā॒śāyai॑ jā॒mim / pra॒tī॒kṣāyai॑ kumā॒rīm

3.5.0.0
tṛtīyāṣṭake pañcama prapāṭhakaprārambhaḥ / hariḥom /
3.5.0.0
sa॒tyaṃ pravo'gne॑ ma॒hāna॒gnir hotā॑ sa॒midho॒'gnirvṛ॒trāṇya॒gnirmū॒rdhopa॑hūtande॒vaṃ ba॒r॒hiri॒dandyā॑vāpṛthivī॒ taccha॒yyom̐rā pyā॑ya॒svopa॑hūta॒ntrayo॑daśa

sa॒tyavvam॒̐ya syā॑ma vṛ॒ṣṭidyā॑vā tri॒॒śat / sa॒tyamupa॑hūtā

hariḥ॑ om // kṛṣṇayajurbrāhmaṇe tṛtīyāṣṭake pañcama prapāṭhakassamāptaḥ //
3.5.1.0
sa॒tyandaśa॑

3.5.1.1
sa॒tyaṃ prapa॑dye / ṛ॒taṃ prapa॑dye / a॒mṛtaṃ॒ prapa॑dye / pra॒jāpa॑te pri॒yānta॒nuva॒manārtāṃ॒ prapa॑dye / i॒dama॒haṃ pa॑ñcada॒śena॒ vajre॑ṇa / dvi॒ṣantaṃ॒ bhrātṛ॑vya॒mava॑ krāmāmi / yo'smāndveṣṭi॑ / yañca॑ va॒yandvi॒ṣmaḥ / bhūrbhuva॒ssuvaḥ॑ / him

3.5.2.0
śra॒vāyya॑midhīma॒hyasi॑ sa॒pta ca॑

3.5.2.1
pra vo॒ vājā॑ a॒bhidya॑vaḥ / ha॒viṣma॑nto ghṛ॒tācyā / de॒vāñji॑gāti sumna॒yuḥ / agna॒ āyā॑hi vī॒taye / gṛ॒ṇā॒no ha॒vyadā॑taye / ni hotā॑ satsi ba॒r॒hiṣi॑ / tantvā॑ sa॒midbhi॑raṅgiraḥ / ghṛ॒tena॑ vardhayāmasi / bṛ॒haccho॑cā yaviṣṭhya / sa na॑ pṛ॒thuśśra॒vāyyam

3.5.2.2
acchā॑ deva vivāsasi / bṛ॒hada॑gne su॒vīryam / ī॒ḍenyo॑ nama॒sya॑sti॒raḥ / tamā॑si dar‌śa॒taḥ / sama॒gniri॑dhyate॒ vṛṣā / vṛṣo॑ a॒gnissami॑dhyate / aśvo॒ na de॑va॒vāha॑naḥ / ta ha॒viṣma॑nta īḍate / vṛṣa॑ṇantvā va॒yavvṛm̐ṣann॑ / vṛṣā॑ṇa॒ssami॑dhīmahi

3.5.2.3
agne॒ dīdya॑taṃ bṛ॒hat / a॒gnindū॒tavvṛm̐॑ṇīmahe / hotā॑ravvim॒̐śvave॑dasam / a॒sya ya॒jñasya॑ su॒kratum / sa॒mi॒dhyamā॑no adhva॒re / a॒gni pā॑va॒ka īḍyaḥ॑ / śo॒ciṣke॑śa॒stamī॑mahe / sami॑ddho agna āhuta / de॒vān ya॑kṣi svadhvara / tva hi ha॑vya॒vāḍasi॑ / ā ju॑hota duva॒syata॑ / a॒gniṃ pra॑ya॒tya॑dhva॒re / vṛ॒ṇīdhva ha॑vya॒vāha॑nam / tvavvam̐ru॑ṇa u॒ta mi॒tro a॑gne / tvāvvam̐॑rdhanti ma॒tibhi॒rvasi॑ṣṭhāḥ / tve vasu॑ suṣaṇa॒nāni॑ santu / yū॒yaṃ pā॑ta sva॒stibhi॒ssadā॑ naḥ

3.5.3.0
de॒vānā॒mindra॒mā va॑ha॒ ṣaṭ ca॑

3.5.3.1
agne॑ ma॒hā a॑si brāhmaṇa bhārata / asā॒vasau / de॒veddho॒ manvi॑ddhaḥ / ṛṣi॑ṣṭuto॒ viprā॑numaditaḥ / ka॒vi॒śa॒sto brahma॑saśito ghṛ॒tāha॑vanaḥ / pra॒ṇīrya॒jñānām / ra॒thīra॑dhva॒rāṇām / a॒tūrto॒ hotā / tūrṇi॑r‌havya॒vāṭ / āspātra॑ñju॒hūrde॒vānām

3.5.3.2
ca॒ma॒so de॑va॒pānaḥ॑ / a॒rā i॑vāgne ne॒mirde॒vāstvaṃ pa॑ri॒bhūra॑si / ā va॑ha de॒vān yaja॑mānāya / a॒gnima॑gna॒ āva॑ha / soma॒māva॑ha / a॒gnimāva॑ha / pra॒jāpa॑ti॒māva॑ha / a॒gnīṣomā॒vāva॑ha / i॒ndrā॒gnī āva॑ha / indra॒māva॑ha / ma॒he॒ndramāva॑ha / de॒vā ājya॒pā āva॑ha / a॒gni ho॒trāyāva॑ha / svaṃ ma॑hi॒māna॒mā va॑ha / ā cāgne de॒vān vaha॑ / su॒yajā॑ ca yaja jātavedaḥ

3.5.4.0
a॒gnir‌hotā॒ nava॑

3.5.4.1
a॒gnir hotā॒ vetva॒gniḥ / ho॒travvem̐ttu prāvi॒tram / smo va॒yam / sā॒dhu te॑ yajamāna de॒vatā / ghṛ॒tava॑tīmadhvaryo॒ sruca॒māsya॑sva / de॒vā॒yuva॑vvim॒̐śvavā॑rām / īḍā॑mahai de॒vā ī॒ḍenyān॑ / na॒ma॒syāma॑ nama॒syān॑ / yajā॑ma ya॒jñiyān॑

3.5.5.0
i॒ndrā॒gnī pañca॑ ca

3.5.5.1
sa॒midho॑ agna॒ ājya॑sya viyantu / tanū॒napā॑dagna॒ ājya॑sya vetu / i॒ḍo a॑gna॒ ājya॑sya viyantu / ba॒r॒hira॑gna॒ ājya॑sya vetu / svāhā॒'gnim / svāhā॒ somam / svāhā॒'gnim / svāhā pra॒jāpa॑tim / svāhā॒'gnīṣomau / svāhendrā॒gnī / svāhendram / svāhā॑ mahe॒ndram / svāhā॑ de॒vā ājya॒pān / svāhā॒'gni ho॒trājju॑ṣā॒ṇāḥ / agna॒ ājya॑sya viyantu

3.5.6.0
svā ṣaṭ ca॑

3.5.6.1
a॒gnirvṛ॒trāṇi॑ jaṅghanat / dra॒vi॒ṇa॒syurvi॑pa॒nyayā / sami॑ddhaśśu॒kra āhu॑taḥ / ju॒ṣā॒ṇo a॒gnirājya॑sya vetu / tva so॑māsi॒ satpa॑tiḥ / tva rājo॒ta vṛ॑tra॒hā / tvaṃ bha॒dro a॑si॒ kratuḥ॑ / ju॒ṣā॒ṇassoma॒ ājya॑sya ha॒viṣo॑ vetu / a॒gni pra॒tnena॒ janma॑nā / śumbhā॑nasta॒nuva॒ svām / ka॒virvipre॑ṇa vāvṛdhe / ju॒ṣā॒ṇo a॒gnirājya॑sya vetu / soma॑ gī॒rbhiṣṭvā॑ va॒yam / va॒rdhayā॑mo vaco॒vidaḥ॑ / su॒mṛ॒ḍī॒ko na॒ āvi॑śa / ju॒ṣā॒ṇassoma॒ ājya॑sya ha॒viṣo॑ vetu

3.5.7.0
a॒stva॒dha॒tta॒॒ ra॒yiñca॑r‌ṣaṇi॒prāssoma॑sya pri॒yā dhāmā॒nīṣa॒ṣṣaṭca॑

3.5.7.1
a॒gnirmū॒rdhā di॒va ka॒kut / pati॑ pṛthi॒vyā a॒yam / a॒pā retā॑si jinvati / bhuvo॑ ya॒jñasya॒ raja॑saśca ne॒tā / yatrā॑ ni॒yudbhi॒ssaca॑se śi॒vābhiḥ॑ / di॒vi mū॒rdhāna॑ndadhiṣe suva॒r॒ṣām / ji॒hvāma॑gne cakṛṣe havya॒vāham / prajā॑pate॒ na tvade॒tānya॒nyaḥ / viśvā॑ jā॒tāni॒ pari॒ tā ba॑bhūva / yatkā॑māste jahu॒mastanno॑ astu

3.5.7.2
va॒ya syā॑ma॒ pata॑yo rayī॒ṇām / sa ve॑da pu॒tra pi॒tara॒॒ sa mā॒taram / sa sū॒nurbhu॑va॒tsa bhu॑va॒tpuna॑rmaghaḥ / sa dyāmaurṇo॑da॒ntari॑kṣa॒॒ sa suvaḥ॑ / sa viśvā॒ bhuvo॑ abhava॒tsa ābha॑vat / agnī॑ṣomā॒ save॑dasā / sahū॑tī vanata॒ṅgiraḥ॑ / sande॑va॒trā ba॑bhūvathuḥ / yu॒vame॒tāni॑ di॒vi ro॑ca॒nāni॑ / a॒gniśca॑ soma॒ sakra॑tū adhattam

3.5.7.3
yu॒va sindhū॑ ra॒bhiśa॑sterava॒dyāt / agnī॑ṣomā॒vamu॑ñcataṅgṛbhī॒tān / indrāgnī roca॒nā di॒vaḥ / pari॒ vāje॑ṣu bhūṣathaḥ / tadvāñceti॒ pravī॒ryam / śñatha॑dvṛ॒tramu॒ta sa॑noti॒ vājam / indrā॒ yo a॒gnī sahu॑rī sapa॒ryāt / i॒ra॒jyantā॑ vasa॒vya॑sya॒ bhūreḥ / saha॑stamā॒ saha॑sā vāja॒yantā / endra॑ sāna॒si ra॒yim

3.5.7.4
sa॒jitvā॑na sadā॒saham / var‌ṣi॑ṣṭhamū॒taye॑ bhara / prasa॑sāhiṣe puruhūta॒ śatrūn॑ / jyeṣṭha॑ste॒ śuṣma॑ i॒ha rā॒tira॑stu / indrā bha॑ra॒ dakṣi॑ṇenā॒ vasū॑ni / pati॒ssindhū॑nāmasi re॒vatī॑nām / ma॒hā indro॒ ya oja॑sā / pa॒rjanyo॑ vṛṣṭi॒mā i॑va / stomairva॒tsasya॑ vāvṛdhe / ma॒hā indro॑ nṛ॒vadāca॑r‌ṣaṇi॒prāḥ

3.5.7.5
u॒ta dvi॒bar‌hā॑ ami॒nassaho॑bhiḥ / a॒sma॒driya॑gvāvṛdhe vī॒ryā॑ya / u॒ru pṛ॒thussukṛ॑ta ka॒rtṛbhi॑rbhūt / pi॒prī॒hi de॒vā u॑śa॒to ya॑viṣṭha / vi॒dvā ṛ॒tūऱṛ॑tupate yaje॒ha / ye daivyā॑ ṛ॒tvija॒stebhi॑ragne / tva hotṝ॑ṇāma॒syāya॑jiṣṭhaḥ / a॒gni svi॑ṣṭa॒kṛtam / ayā॑ḍa॒gnira॒gne pri॒yā dhāmā॑ni / ayā॒ṭtsoma॑sya pri॒yā dhāmā॑ni

3.5.7.6
ayā॑ḍa॒gne pri॒yā dhāmā॑ni / ayāṭpra॒jāpa॑te pri॒yā dhāmā॑ni / ayā॑ḍa॒gnīṣoma॑yo pri॒yā dhāmā॑ni / ayā॑ḍindrāgni॒yoḥ pri॒yā dhāmā॑ni / ayā॒ḍindra॑sya pri॒yā dhāmā॑ni / ayāṇmahe॒ndrasya॑ pri॒yā dhāmā॑ni / ayāḍde॒vānā॑mājya॒pānāṃ pri॒yā dhāmā॑ni / yakṣa॑da॒gner‌hotu॑ pri॒yā dhāmā॑ni / yakṣa॒tsvaṃ ma॑hi॒mānam / āya॑jatā॒mejyā॒ iṣaḥ॑ / kṛ॒ṇotu॒ so a॑dhva॒rā jā॒tave॑dāḥ / ju॒ṣatā॑ ha॒viḥ / agne॒ yada॒dya vi॒śo a॑dhvarasya hotaḥ / pāva॑ka śoce॒ veṣṭva hi yajvā / ṛ॒tā ya॑jāsi mahi॒nā viyadbhūḥ / ha॒vyā va॑ha yaviṣṭha॒ yā te॑ a॒dya

3.5.8.0
sa॒har‌ṣa॑bhā hvayatā॒mupa॑hūta havi॒ṣkara॑ṇa॒ upa॑hūtaśca॒tvāri॑ ca

3.5.8.1
upa॑hūta rathanta॒ra sa॒ha pṛ॑thi॒vyā / upa॑ mā rathanta॒ra sa॒ha pṛ॑thi॒vyā hva॑yatām / upa॑hūtavvām̐made॒vya sa॒hāntari॑kṣeṇa / upa॑ mā vāmade॒vya sa॒hāntari॑kṣeṇa hvayatām / upa॑hūtaṃ bṛ॒hatsa॒ha di॒vā / upa॑ mā bṛ॒hatsa॒ha di॒vā hva॑yatām / upa॑hūtāssa॒pta hotrāḥ / upa॑ mā sa॒pta hotrā hvayantām / upa॑hūtā dhe॒nussa॒har‌ṣa॑bhā / upa॑ mā dhe॒nussa॒har‌ṣa॑bhā hvayatām

3.5.8.2
upa॑hūto bha॒kṣassakhā / upa॑ mā bha॒kṣassakhā hvayatām / upa॑hū॒tām̐(4)ho / iḍopa॑hūtā / upa॑hū॒teḍā / upo॑ a॒smā iḍā hvayatām / iḍopa॑hūtā / upa॑hū॒teḍā / mā॒na॒vī ghṛ॒tapa॑dī maitrāvaru॒ṇī / brahma॑ de॒vakṛ॑ta॒mupa॑hūtam

3.5.8.3
daivyā॑ adhva॒ryava॒ upa॑hūtāḥ / upa॑hūtā manu॒ṣyāḥ / ya i॒mayyam॒̐jñamavān॑ / ye ya॒jñapa॑ti॒vvam̐rdhān॑ / upa॑hūte॒ dyāvā॑pṛthi॒vī / pū॒rva॒je ṛ॒tāva॑rī / de॒vī de॒vapu॑tre / upa॑hūto॒'yayyam̐ja॑mānaḥ / utta॑rasyāndevaya॒jyāyā॒mupa॑hūtaḥ / bhūya॑si havi॒ṣkara॑ṇa॒ upa॑hūtaḥ / di॒vye dhāma॒nnupa॑hūtaḥ / i॒daṃ me॑ de॒vā ha॒virju॑ṣantā॒miti॒ tasmi॒nnupa॑hūtaḥ / viśva॑masya pri॒yamupa॑hūtam / viśva॑sya pri॒yasyopa॑hūta॒syopa॑hūtaḥ

3.5.9.0
api॑pre॒ pañca॑ ca

3.5.9.1
de॒vaṃ ba॒r‌hiḥ / va॒su॒vane॑ vasu॒dheya॑sya vetu / de॒vo narā॒śasaḥ॑ / va॒su॒vane॑ vasu॒dheya॑sya vetu / de॒vo a॒gnissvi॑ṣṭa॒kṛt / su॒dravi॑ṇā ma॒ndra ka॒viḥ / sa॒tyama॑nmāya॒jī hotā / hotu॑r‌hotu॒rāya॑jīyān / agne॒ yān de॒vānayāṭ / yā api॑preḥ / ye te॑ ho॒tre ama॑tsata / tā sa॑sa॒nuṣī॒॒ hotrāndevaṅga॒mām / di॒vi de॒veṣu॑ ya॒jñamera॑ye॒mam / svi॒ṣṭa॒kṛccāgne॒ hotā'bhūḥ / va॒su॒vane॑ vasu॒dheya॑sya namovā॒ke vīhi॑

3.5.10.0
a॒bha॒ya॒ṅkṛtā॑vakṛtā॒gniri॒da ha॒vira॑juṣata mahe॒ndra i॒da ha॒vira॑juṣata sajātavana॒syāmā śāste vī॒tañca॒ trīṇi॑ ca

3.5.10.1
i॒dandyā॑vāpṛthivī bha॒drama॑bhūt / ārdhma॑ sūktavā॒kam / u॒ta na॑movā॒kam / ṛ॒dhyāsma॑ sū॒ktocya॑magne / tva sūkta॒vāga॑si / upa॑śrito di॒va pṛ॑thi॒vyoḥ / oma॑nvatī te॒'smin ya॒jñe ya॑jamāna॒ dyāvā॑pṛthi॒vī stām / śa॒ṅga॒ye jī॒radā॑nū / atra॑snū॒ apra॑vede / u॒ruga॑vyūtī abhaya॒ṅkṛtau

3.5.10.2
vṛ॒ṣṭidyā॑vā rī॒tyā॑pā / śa॒mbhuvau॑ mayo॒bhuvau / ūrja॑svatī ca॒ paya॑svatī ca / sū॒pa॒ca॒ra॒ṇā ca॑ svadhicara॒ṇā ca॑ / tayo॑rā॒vidi॑ / a॒gniri॒da ha॒vira॑juṣata / avī॑vṛdhata॒ maho॒ jyāyo॑'kṛta / soma॑ i॒daha॒vira॑juṣata / avī॑vṛdhata॒ maho॒ jyāyo॑'kṛta / a॒gniri॒da ha॒vira॑juṣata

3.5.10.3
avī॑vṛdhata॒ maho॒ jyāyo॑'kṛta / pra॒jāpa॑tiri॒da ha॒vira॑juṣata / avī॑vṛdhata॒ maho॒ jyāyo॑'kṛta / a॒gnīṣomā॑vi॒da ha॒vira॑juṣetām / avī॑vṛdhetāṃ॒ maho॒ jyāyo'krātām / i॒ndrā॒gnī i॒da ha॒vira॑juṣetām / avī॑vṛdhetāṃ॒ maho॒ jyāyo'krātām / indra॑ i॒da ha॒vira॑juṣata / avī॑vṛdhata॒ maho॒ jyāyo॑'kṛta / ma॒he॒ndra i॒da ha॒vira॑juṣata

3.5.10.4
avī॑vṛdhata॒ maho॒ jyāyo॑'kṛta / de॒vā ājya॒pā ājya॑majuṣanta / avī॑vṛdhanta॒ maho॒ jyāyo'krata / a॒gnir‌ho॒treṇe॒da ha॒vira॑juṣata / avī॑vṛdhata॒ maho॒ jyāyo॑'kṛta / a॒syāmṛdha॒ddhotrā॑yāndevaṅga॒māyām / āśāste॒'yayyam̐ja॑māno॒'sau / āyu॒rā śāste / su॒pra॒jā॒stvamā śāste / sa॒jā॒ta॒va॒na॒syāmā śāste

3.5.10.5
utta॑rāndevaya॒jyāmā śāste / bhūyo॑ havi॒ṣkara॑ṇa॒mā śāste / di॒vyandhāmā śāste / viśvaṃ॑ pri॒yamā śāste / yada॒nena॑ ha॒viṣā''śāste / tada॑śyā॒ttadṛ॑dhyāt / tada॑smai de॒vā rā॑santām / tada॒gnirde॒vo de॒vebhyo॒ vana॑te / va॒yama॒gnermānu॑ṣāḥ / i॒ṣṭañca॑ vī॒tañca॑ / u॒bhe ca॑ no॒ dyāvā॑pṛthi॒vī aha॑saspātām / i॒ha gati॑rvā॒masye॒dañca॑ / namo॑ de॒vebhyaḥ॑

3.5.11.0
taccha॒yyom̐ra॒ṣṭau

3.5.11.1
taccha॒yyom̐rā vṛ॑ṇīmahe / gā॒tuyyam॒̐jñāya॑ / gā॒tuyyam॒̐jñapa॑taye / daivī sva॒stira॑stu naḥ / sva॒stirmānu॑ṣebhyaḥ / ū॒rdhvañji॑gātu bheṣa॒jam / śanno॑ astu dvi॒pade / śañcatu॑ṣpade

3.5.12.0
janī॑nāma॒ṣṭau ca॑

3.5.12.1
āpyā॑yasva॒ sante / i॒ha tvaṣṭā॑ramagri॒yantanna॑stu॒rīpam / de॒vānāṃ॒ patnī॑ruśa॒tīra॑vantu naḥ / prāva॑ntu nastu॒jaye॒ vāja॑sātaye / yā pārthi॑vāso॒ yā a॒pāmapi॑ vra॒te / tā no॑ devīssuhavā॒śśarma॑ yacchata / u॒ta gnā vi॑yantu de॒vapa॑tnīḥ / i॒ndrā॒ṇya॑gnāyya॒śvinī॒ rāṭ / ā roda॑sī varuṇā॒nī śṛ॑ṇotu / vi॒yantu॑ de॒vīrya ṛ॒turjanī॑nām

3.5.12.2
a॒gnir‌hotā॑ gṛ॒hapa॑ti॒ssa rājā / viśvā॑ veda॒ jani॑mā jā॒tave॑dāḥ / de॒vānā॑mu॒ta yo martyā॑nām / yaji॑ṣṭha॒ssa pra ya॑jatāmṛ॒tāvā / va॒yamu॑ tvā gṛhapate॒ janā॑nām / agne॒ aka॑rma sa॒midhā॑ bṛ॒hantam / a॒sthū॒ri ṇo॒ gār‌ha॑patyāni santu / ti॒gmena॑ na॒steja॑sā॒ saśi॑śādhi

3.5.13.0
sa॒haऱṣa॑bhā hvayatā॒mupa॑hūta supu॒trā ṣaṭca॑

3.5.13.1
upa॑hūta rathanta॒ra sa॒ha pṛ॑thi॒vyā / upa॑ mā rathanta॒ra sa॒ha pṛ॑thi॒vyā hva॑yatām / upa॑hūtavvām̐made॒vya sa॒hāntari॑kṣeṇa / upa॑ mā vāmade॒vya sa॒hāntari॑kṣeṇa hvayatām / upa॑hūtaṃ bṛ॒hatsa॒ha di॒vā / upa॑ mā bṛ॒hatsa॒ha di॒vā hva॑yatām / upa॑hūtāssa॒pta hotrāḥ / upa॑ mā sa॒pta hotrā hvayantām / upa॑hūtā dhe॒nussa॒harṣa॑bhā / upa॑ mā dhe॒nussa॒har‌ṣa॑bhā hvayatām

3.5.13.2
upa॑hūto bha॒kṣassakhā / upa॑ mā bha॒kṣassakhā hvayatām / upa॑hū॒tām̐(4)ho / iḍopa॑hūtā / upa॑hū॒teḍā / upo॑ a॒smā iḍā hvayatām / iḍopa॑hūtā / upa॑hū॒teḍā / mā॒na॒vī ghṛ॒tapa॑dī maitrāvaru॒ṇī / brahma॑ de॒vakṛ॑ta॒mupa॑hūtam

3.5.13.3
daivyā॑ adhva॒ryava॒ upa॑hūtāḥ / upa॑hūtā manu॒ṣyāḥ / ya i॒mayyam॒̐jñamavān॑ / ye ya॒jñapa॑tnī॒vvam̐rdhān॑ / upa॑hūte॒ dyāvā॑pṛthi॒vī / pū॒rva॒je ṛ॒tāva॑rī / de॒vī de॒vapu॑tre / upa॑hūte॒yayyam̐ja॑mānā / i॒ndrāṇīvā॑'vidha॒vā / adi॑tiriva supu॒trā / utta॑rasyāndevaya॒jyāyā॒mupa॑hūtā / bhūya॑si havi॒ṣkara॑ṇa॒ upa॑hūtā / di॒vye dhāma॒nnupa॑hūtā / i॒daṃ me॑ de॒vā ha॒virju॑ṣantā॒miti॒ tasmi॒nnupa॑hūtā / viśva॑masyā pri॒yamupa॑hūtam / viśva॑sya pri॒yasyopa॑hūta॒syopa॑hūtā

3.6.0.0
a॒ñjanti॒ hotā॑ yakṣa॒tsami॑ddho a॒dyāgnirajai॒ddaivyā॑ ju॒ṣasvā vṛ॑trahaṇā gī॒rbhistva hyābha॑rata॒mupo॑ha॒ yadde॒vaṃ ba॒r॒hissu॑de॒vande॒vaṃ ba॒r॒hira॒gnima॒dya pañca॑daśa

a॒ñjantya॒gniऱhotā॑ no gī॒rbhirupo॑ ha॒ yadvi॒dathaṃ॑ vā॒jina॑ssa॒ptatri॑śat

a॒ñjanti॑ sū॒ktābrū॑hi // hariḥ॑om // ṣaṣṭha prapāṭhakassamāptaḥ //
3.6.0.0
tṛtīyāṣṭake ṣaṣṭhaprapāṭhaka prārambhaḥ hariḥom //
3.6.1.0
su॒vīra॒nduva॒ssvā॑huto॒'ṣṭau ca॑

3.6.1.1
a॒ñjanti॒ tvāma॑dhva॒re de॑va॒yantaḥ॑ / vana॑spate॒ madhu॑nā॒ daivye॑na / yadū॒rdhvasti॑ṣṭhā॒ddravi॑ṇe॒ha dha॑ttāt / yadvā॒ kṣayo॑ mā॒tura॒syā u॒pasthe / ucchra॑yasva vanaspate / varṣma॑npṛthi॒vyā adhi॑ / sumi॑tī mī॒yamā॑naḥ / varco॑dhā ya॒jñavā॑hase / sami॑ddhasya॒ śraya॑māṇa pu॒rastāt / brahma॑ vanvā॒no a॒jara॑ su॒vīram

3.6.1.2
ā॒re a॒smadama॑tiṃ॒ bādha॑mānaḥ / ucchra॑yasva maha॒te saubha॑gāya / ū॒rdhva ū॒ṣuṇa॑ ū॒taye / tiṣṭhā॑ de॒vo na sa॑vi॒tā / ū॒rdhvo vāja॑sya॒ sani॑tā॒ yada॒ñjibhiḥ॑ / vā॒ghadbhi॑rvi॒hvayā॑mahe / ū॒rdhvo na॑ pā॒hyaha॑so॒ ni ke॒tunā / viśva॒॒ sama॒triṇa॑ndaha / kṛ॒dhī na॑ ū॒rdhvāñca॒ rathā॑ya jī॒vase / vi॒dā de॒veṣu॑ no॒ duvaḥ॑

3.6.1.3
jā॒to jā॑yate sudina॒tve ahnām / sama॒rya ā vi॒dathe॒ vardha॑mānaḥ / pu॒nanti॒ dhīrā॑ a॒paso॑ manī॒ṣā / de॒va॒yā vipra॒ udi॑yarti॒ vācam / yuvā॑ su॒vāsā॒ pari॑vīta॒ āgāt / sa u॒ śreyānbhavati॒ jāya॑mānaḥ / tandhīrā॑sa ka॒vaya॒ unna॑yanti / svā॒dhiyo॒ mana॑sā deva॒yantaḥ॑ / pṛ॒thu॒pājā॒ ama॑rtyaḥ / ghṛ॒tani॑rṇi॒khsvā॑hutaḥ / a॒gnirya॒jñasya॑ havya॒vāṭ / ta sa॒bādho॑ ya॒tassru॑caḥ / i॒tthā dhi॒yā ya॒jñava॑ntaḥ / āca॑krura॒gnimū॒taye / tvavvam̐ru॑ṇa u॒ta mi॒tro a॑gne / tvāvvam̐॑rdhanti ma॒tibhi॒rvasi॑ṣṭhāḥ / tve vasu॑ suṣaṇa॒nāni॑ santu / yū॒yaṃ pā॑ta sva॒stibhi॒ssadā॑ naḥ

3.6.2.0
pri॒yamindra॑syāstu॒ vetvājya॑sya॒ hota॒ryaja॑ su॒vīro॑ vī॒rairvetvājya॑sya॒ hota॒ryaja॑ ca॒tvāri॑ ca

(a॒gnintanū॒napā॑ta॒nnarā॒śasa॑ma॒gnimi॒ḍa ī॑ḍi॒to ba॒r‌hirdura॑ u॒ṣāsā॒naktā॒ daivyā॑ ti॒srastvaṣṭā॑ra॒vvam̐na॒spati॑ma॒gnim / pañca॒ vetveko॑ vi॒yantu॒ dvirvī॒tāmeko॑ vi॒yantu॒ dvirvetveko॑ viyantu॒ hota॒ryaja॑ // )
3.6.2.1
hotā॑ yakṣada॒gni sa॒midhā॑ suṣa॒midhā॒ sami॑ddhaṃ॒ nābhā॑ pṛthi॒vyāssa॑ṅga॒the vā॒masya॑ / varṣma॑ndi॒va i॒ḍaspa॒de vetvājya॑sya॒ hota॒ryaja॑ / hotā॑ yakṣa॒ttanū॒napā॑ta॒madi॑te॒rgarbhaṃ॒ bhuva॑nasya go॒pām / madhvā॒dya de॒vo de॒vebhyo॑ deva॒yānānpa॒tho a॑naktu॒ vetvājya॑sya॒ hota॒ryaja॑ / hotā॑ yakṣa॒nnarā॒śasaṃ॑ nṛśa॒straṃ nṝ pra॑ṇetram / gobhi॑rva॒pāvā॒ntsyādvī॒raiśśaktī॑vā॒nrathai prathama॒yā vā॒ hira॑ṇyaiśca॒ndrī vetvājya॑sya॒ hota॒ryaja॑ / hotā॑ yakṣada॒gnimi॒ḍa ī॑ḍi॒to de॒vo de॒vā āva॑kṣaddū॒to ha॑vya॒vāḍamū॑raḥ / upe॒mayyam॒̐jñamupe॒māṃ de॒vo de॒vahū॑timavatu॒ vetvājya॑sya॒ hota॒ryaja॑ / hotā॑ yakṣadba॒r‌hissu॒ṣṭarī॒morṇaṃ॑mradā a॒smin ya॒jñe vi ca॒ pra ca॑ prathatā svāsa॒sthaṃ de॒vebhyaḥ॑ / eme॑nada॒dya vasa॑vo ru॒drā ā॑di॒tyāssa॑dantu pri॒yamindra॑syāstu॒ vetyājya॑sya॒ hota॒ryaja॑

3.6.2.2
hotā॑ yakṣa॒ddura॑ ṛ॒ṣvā ka॑va॒ṣyo ko॑ṣadhāvanī॒rudātā॑bhī॒rjiha॑tā॒vvim̐pakṣo॑bhiḥ śrayantām / su॒prā॒ya॒ṇā a॒smin ya॒jñe viśra॑yantāmṛtā॒vṛdho॑ vi॒yantvājya॑sya॒ hota॒ryaja॑ / hotā॑ yakṣadu॒ṣāsā॒naktā॑ bṛha॒tī su॒peśa॑sā॒ nṝ pati॑bhyo॒ yoni॑ṅkṛṇvā॒ne / sa॒॒smaya॑māne॒ indre॑ṇa de॒vairedaṃ ba॒r॒hissī॑datāvvīm॒̐tāmājya॑sya॒ hota॒ryaja॑ / hotā॑ yakṣa॒ddaivyā॒ hotā॑rā ma॒ndrā potā॑rā ka॒vī prace॑tasā / svi॑ṣṭama॒dyānya ka॑radi॒ṣā sva॑bhigūrtama॒nya ū॒rjā sata॑vase॒mayyam॒̐jñaṃ di॒vi de॒veṣu॑ dhattāvvīm॒̐tāmājya॑sya॒ hota॒ryaja॑ / hotā॑ yakṣatti॒sro de॒vīra॒pasā॑ma॒pasta॑mā॒ acchi॑drama॒dyedamapa॑stanvatām / de॒vebhyo॑ de॒vīrde॒vamapo॑ vi॒yantvājya॑sya॒ hota॒ryaja॑ / hotā॑ yakṣa॒ttvaṣṭā॑ra॒maci॑ṣṭu॒mapā॑ka reto॒dhāṃ viśra॑vasayyam̐śo॒dhām / pu॒ru॒rūpa॒makā॑makar‌śana su॒poṣa॒ poṣai॒ssyātsu॒vīro॑ vī॒rairvetvājya॑sya॒ hota॒ryaja॑ / hotā॑ yakṣa॒dvana॒spati॑mu॒pāva॑srakṣaddhi॒yo jo॒ṣṭāra॑ śa॒śama॒nnaraḥ॑ / svadā॒tsvadhi॑tir ṛtu॒thādya de॒vo de॒vebhyo॑ ha॒vyāvā॒ḍvetvājya॑sya॒ hota॒ryaja॑ / hotā॑ yakṣada॒gni svāhā''jya॑sya॒ svāhā॒ meda॑sa॒ssvāhā sto॒kānā॒॒ svāhā॒ svāhā॑kṛtīnā॒॒ svāhā॑ ha॒vyasūktīnām / svāhā॑ de॒vā ājya॒pāntsvāhā॒'gni ho॒trājju॑ṣā॒ṇā agna॒ ājya॑sya viyantu॒ hota॒ryaja॑

3.6.3.0
ya॒jñaissyo॒naṃ yaja॑dhyai vi॒dvāna॒ṣṭau ca॑

3.6.3.1
sami॑ddho a॒dya manu॑ṣo duro॒ṇe / de॒vo de॒vān ya॑jasi jātavedaḥ / ā ca॒ vaha॑ mitramahaściki॒tvān / tvandū॒ta ka॒vira॑si॒ prace॑tāḥ / tanū॑napātpa॒tha ṛ॒tasya॒ yānān॑ / madhvā॑ sama॒ñjantsva॑dayā sujihva / manmā॑ni dhī॒bhiru॒ta ya॒jñamṛ॒ndhann / de॒va॒trā ca॑ kṛṇuhyadhva॒rannaḥ॑ / narā॒śasa॑sya mahi॒māna॑meṣām / upa॑ stoṣāma yaja॒tasya॑ ya॒jñaiḥ

3.6.3.2
te su॒krata॑va॒śśuca॑yo dhiya॒ndhāḥ / svada॑ntu de॒vā u॒bhayā॑ni ha॒vyā / ā॒juhvā॑na॒ īḍyo॒ vandya॑śca / āyāhyagne॒ vasu॑bhissa॒joṣāḥ / tvaṃ de॒vānā॑masi yahva॒ hotā / sa e॑nān yakṣīṣi॒to yajī॑yān / prā॒cīnaṃ॑ ba॒r‌hi pra॒diśā॑ pṛthi॒vyāḥ / vasto॑ra॒syā vṛ॑jyate॒ agre॒ ahnām / vyu॑ prathate vita॒ravvam̐rī॑yaḥ / de॒vebhyo॒ adi॑taye syo॒nam

3.6.3.3
vyaca॑svatīrurvi॒yā viśra॑yantām / pati॑bhyo॒ na jana॑ya॒śśumbha॑mānāḥ / devīrdvāro bṛhatīrviśvaminvāḥ / de॒vebhyo॑ bhavatha suprāya॒ṇāḥ / āsu॒ṣvaya॑ntī yaja॒te upā॑ke / u॒ṣāsā॒naktā॑ sadatā॒nni yonau / di॒vye yoṣa॑ṇe bṛha॒tī su॑ru॒kme / adhi॒ śriya॑ śukra॒piśa॒ndadhā॑ne / daivyā॒ hotā॑rā pratha॒mā su॒vācā / mimā॑nā ya॒jñaṃ manu॑ṣo॒ yaja॑dhyai

3.6.3.4
pra॒co॒daya॑ntā vi॒dathe॑ṣu kā॒rū / prā॒cīna॒ñjyoti॑ pra॒diśā॑ di॒śantā / ā no॑ ya॒jñaṃ bhāra॑tī॒ tūya॑metu / iḍā॑ manu॒ṣvadi॒ha ce॒taya॑ntī / ti॒sro de॒vīrba॒r‌hireda syo॒nam / sara॑svatī॒ svapa॑sassadantu / ya i॒me dyāvā॑pṛthi॒vī jani॑trī / rū॒pairapi॑śa॒dbhuva॑nāni॒ viśvā / tama॒dya ho॑tariṣi॒to yajī॑yān / de॒vantvaṣṭā॑rami॒ha ya॑kṣi vi॒dvān

3.6.3.5
u॒pāva॑sṛja॒tmanyā॑ sama॒ñjann / de॒vānāṃ॒ pātha॑ ṛtu॒thā ha॒vīṣi॑ / vana॒spati॑śśami॒tā de॒vo a॒gniḥ / svada॑ntu ha॒vyaṃ madhu॑nā ghṛ॒tena॑ / sa॒dyo jā॒to vya॑mimīta ya॒jñam / a॒gnirde॒vānā॑mabhavatpuro॒gāḥ / a॒sya hotu॑ pra॒diśyṛ॒tasya॑ vā॒ci / svāhā॑kṛta ha॒vira॑dantu de॒vāḥ

3.6.4.0
a॒gnir‌hotā॑ no॒ nava॑

3.6.4.1
a॒gnir‌hotā॑ no adhva॒re / vā॒jī sanpari॑ṇīyate / de॒vo de॒veṣu॑ ya॒jñiyaḥ॑ / pari॑trivi॒ṣṭya॑dhva॒ram / yātya॒gnī ra॒thīri॑va / ā de॒veṣu॒ prayo॒ dadha॑t / pari॒ vāja॑pati ka॒viḥ / a॒gnir‌ha॒vyānya॑kramīt / dadha॒dratnā॑ni dā॒śuṣe

3.6.5.0
ajai॑da॒ṣṭau

3.6.5.1
ajai॑da॒gniḥ / asa॑na॒dvāja॒nni / de॒vo de॒vebhyo॑ ha॒vyāvāṭ / prāñjo॑bhir‌hinvā॒naḥ / dhenā॑bhi॒ kalpa॑mānaḥ / ya॒jñasyāyu॑ prati॒rann / upa॒ preṣya॑ hotaḥ / ha॒vyā de॒vebhyaḥ॑

3.6.6.0
dha॒ttā॒dbā॒hū mā rā॑viṣṭa॒ tathā॑tathā

3.6.6.1
daivyāśśamitāra u॒ta ma॑nuṣyā॒ āra॑bhadhvam / upa॑nayata॒ medhyā॒ duraḥ॑ / ā॒śāsā॑nā॒ medha॑patibhyāṃ॒ medham / prāsmā॑ a॒gniṃ bha॑rata / stṛ॒ṇī॒ta ba॒r॒hiḥ / anve॑naṃ mā॒tā ma॑nyatām / anu॑ pi॒tā / anu॒ bhrātā॒ saga॑rbhyaḥ / anu॒ sakhā॒ sayūthyaḥ / u॒dī॒cīnā॑ asya pa॒do nidha॑ttāt

3.6.6.2
sūrya॒ñcakṣu॑rgamayatāt / vātaṃ॑ prā॒ṇama॒nvava॑sṛjatāt / diśa॒śśrotram / a॒ntari॑kṣa॒masum / pṛ॒thi॒vī śarī॑ram / e॒ka॒dhā'sya॒ tvaca॒mācchya॑tāt / pu॒rā nābhyā॑ api॒śaso॑ va॒pāmutkhi॑datāt / a॒ntare॒voṣmāṇa॑vvām̐rayatāt / śye॒nama॑sya॒ vakṣa॑ kṛṇutāt / pra॒śasā॑ bā॒hū

3.6.6.3
śa॒lā do॒ṣaṇī / ka॒śyape॒vāsā / acchi॑dre॒ śroṇī / ka॒vaṣo॒rū sre॒kapa॑rṇāṣṭhī॒vantā / ṣaḍvi॑śatirasya॒ vaṅkra॑yaḥ / tā a॑nu॒ṣṭhyoccyā॑vayatāt / gātra॑ṅgātrama॒syānū॑naṅkṛṇutāt / ū॒va॒dhya॒go॒haṃ pārthi॑vaṅkhanatāt / a॒snā rakṣa॒ssasṛ॑jatāt / va॒ni॒ṣṭhuma॑sya॒ mā rā॑viṣṭa

3.6.6.4
urū॑kaṃ॒ manya॑mānāḥ / nedva॑sto॒ke tana॑ye / ravi॑tā॒rava॑cchamitāraḥ / adhri॑go śamī॒dhvam / su॒śami॑ śamīdhvam / śa॒mī॒dhvama॑dhrigo / adhri॑gu॒ścāpā॑paśca / u॒bhau de॒vānā॑ śami॒tārau / tāvi॒maṃ pa॒śu śra॑payatāṃ pravi॒dvāsau / yathā॑yathā'sya॒ śrapa॑ṇa॒ntathā॑tathā

3.6.7.0
de॒vavī॑taya॒ udbhṛ॑ta॒ntrīṇi॑ ca

3.6.7.1
ju॒ṣasva॑ sa॒pratha॑stamam / vaco॑ de॒vaphsa॑rastamam / ha॒vyā juhvā॑na ā॒sani॑ / i॒manno॑ ya॒jñama॒mṛte॑ṣu dhehi / i॒mā ha॒vyā jā॑tavedo juṣasva / sto॒kānā॑magne॒ meda॑so ghṛ॒tasya॑ / hota॒ prāśā॑na pratha॒mo ni॒ṣadya॑ / ghṛ॒tava॑ntaḥ pāvaka te / sto॒kāśśco॑tanti॒ meda॑saḥ / svadha॑rmande॒vavī॑taye

3.6.7.2
śreṣṭha॑nno dhehi॒ vāryam / tubhya॑ sto॒kā ghṛ॑ta॒ścutaḥ॑ / agne॒ viprā॑ya santya / ṛṣi॒śśreṣṭha॒ssami॑dhyase / ya॒jñasya॑ prāvi॒tā bha॑va / tubhya॑ ścotantyadhrigo śacīvaḥ / sto॒kāso॑ agne॒ meda॑so ghṛ॒tasya॑ / ka॒vi॒śa॒sto bṛ॑ha॒tā bhā॒nunāgāḥ / ha॒vyā ju॑ṣasva medhira / oji॑ṣṭhante madhya॒to meda॒ udbhṛ॑tam / pra te॑ va॒yanda॑dāmahe / ścota॑nti te vaso sto॒kā adhi॑tva॒ci / prati॒ tānde॑va॒śovi॑hi

3.6.8.0
sa॒jā॒tāna॒gnindve ca॑

3.6.8.1
āvṛ॑trahaṇā vṛtra॒habhi॒śśuṣmaiḥ / indra॑ yā॒tannamo॑bhiragne a॒rvāk / yu॒va rādho॑bhi॒raka॑vebhirindra / agne॑ a॒sme bha॑vatamutta॒mebhiḥ॑ / hotā॑ yakṣadindrā॒gnī / chāga॑sya va॒pāyā॒ meda॑saḥ / ju॒ṣetā॑ ha॒viḥ / hota॒ryaja॑ / vihyakhya॒nmana॑sā॒ vasya॑ i॒cchann / indrāgnī jñā॒sa u॒ta vā॑ sajā॒tān

3.6.8.2
nānyā yu॒vatprama॑tirasti॒ mahyam / sa vā॒ndhiya॑vvām̐ja॒yantī॑matakṣam / hotā॑ yakṣadindrā॒gnī / pu॒ro॒ḍāśa॑sya ju॒ṣetā॑ ha॒viḥ / hota॒ryaja॑ / tvāmī॑ḍate aji॒randū॒tyā॑ya / ha॒viṣma॑nta॒ssada॒minmānu॑ṣāsaḥ / yasya॑ de॒vairāsa॑do ba॒r‌hi॒ra॑gne / ahānyasmai su॒dinā॑ bhavantu / hotā॑ yakṣada॒gnim / pu॒ro॒ḍāśa॑sya ju॒ṣatā॑ ha॒viḥ / hota॒ryaja॑

3.6.9.0
jā॒ta॒ve॒do॒ dve ca॑

3.6.9.1
gī॒rbhirvipra॒ prama॑timi॒cchamā॑naḥ / īṭṭe॑ ra॒yiyyam॒̐śasaṃ॑ pūrva॒bhājam / indrāgnī vṛtrahaṇā suvajrā / pra ṇo॒ navye॑bhistiratande॒ṣṇaiḥ / mācchedma ra॒śmīriti॒ nādha॑mānāḥ / pi॒tṛ॒ṇā śaktī॑ranu॒yaccha॑mānāḥ / i॒ndrā॒gnibhyā॒ṅkavvṛm̐ṣa॑ṇo madanti / tāhyadrī॑ dhi॒ṣaṇā॑yā u॒pasthe / a॒gni su॑dī॒ti su॒dṛśa॑ṅgṛ॒ṇantaḥ॑ / na॒ma॒syāma॒stveḍya॑ñjātavedaḥ / tvāndū॒tama॑ra॒ti ha॑vya॒vāham / de॒vā a॑kṛṇvanna॒mṛta॑sya॒ nābhim

3.6.10.0
jā॒gṛ॒vāso॒ anu॑gma॒nmānu॑ṣāṇāñcar‌ṣaṇī॒nāyyam̐॑temāśyā॒ndve ca॑

3.6.10.1
tva hya॑gne pratha॒mo ma॒notā / a॒syā dhi॒yo abha॑vo dasma॒hotā / tva sīvvṛm̐ṣannakṛṇordu॒ṣṭarī॑tu / saho॒ viśva॑smai॒ saha॑se॒ saha॑dhyai / adhā॒ hotā॒ nya॑sīdo॒ yajī॑yān / i॒ḍaspa॒da i॒ṣaya॒nnīḍya॒ssann / tantvā॒ nara॑ pratha॒mande॑va॒yantaḥ॑ / ma॒ho rā॒ye ci॒taya॑nto॒ anu॑gmann / vṛ॒teva॒ yantaṃ॑ ba॒hubhi॑rvasa॒vyaiḥ / tve ra॒yiñjā॑gṛ॒vāso॒ anu॑gmann

3.6.10.2
ruśa॑ntama॒gninda॑r‌śa॒tambṛ॒hantam / va॒pāva॑ntavvim॒̐śvahā॑ dīdi॒vāsam / pa॒dande॒vasya॒ nama॑sā vi॒yantaḥ॑ / śra॒va॒syava॒śśrava॑ āpa॒nnamṛ॑ktam / nāmā॑ni ciddadhire ya॒jñiyā॑ni / bha॒drāyānte raṇayanta॒ sandṛ॑ṣṭau / tvāvvam̐॑rdhanti kṣi॒taya॑ pṛthi॒vyām / tva rāya॑ u॒bhayā॑so॒ janā॑nām / tvantrā॒tā ta॑raṇe॒ cetyo॑bhūḥ / pi॒tā mā॒tā sada॒minmānu॑ṣāṇām

3.6.10.3
sapa॒ryeṇya॒ssa pri॒yo vi॒kṣva॑gniḥ / hotā॑ ma॒ndro niṣa॑sādā॒ yajī॑yān / tantvā॑ va॒yandama॒ ā dī॑di॒vāsam / upa॑jñu॒bādho॒ nama॑sā sadema / tantvā॑ va॒ya su॒dhiyo॒ navya॑magne / su॒mnā॒yava॑ īmahe deva॒yantaḥ॑ / tvavvim̐śo॑ anayo॒ dīdyā॑naḥ / di॒vo a॑gne bṛha॒tā ro॑ca॒nena॑ / vi॒śāṅka॒vivvim॒̐śpati॒॒ śaśva॑tīnām / ni॒tośa॑navvṛm̐ṣa॒bhañca॑r‌ṣaṇī॒nām

3.6.10.4
pretī॑ṣaṇi mi॒ṣaya॑ntaṃ pāva॒kam / rāja॑ntama॒gniyyam̐॑ja॒ta ra॑yī॒ṇām / so a॑gna īje śaśa॒me ca॒ martaḥ॑ / yasta॒ āna॑ṭtsa॒midhā॑ ha॒vyadā॑tim / ya āhu॑tiṃ॒ pari॒ vedā॒ namo॑bhiḥ / viśvetsavā॒mā da॑dhate॒ tvotaḥ॑ / a॒smā u॑ te॒ mahi॑ ma॒he vi॑dhema / namo॑bhiragne sa॒midho॒ta ha॒vyaiḥ / vedī॑sūno sahaso gī॒rbhiru॒kthaiḥ / ā te bha॒drāyā॑ suma॒tau ya॑tema

3.6.10.5
ā॒ yasta॒tantha॒ roda॑sī॒ vibhā॒sā / śravo॑bhiśca śrava॒sya॑staru॑traḥ / bṛ॒hadbhi॒rvājai॒ssthavi॑rebhira॒sme / re॒vadbhi॑ragne vita॒ravvim̐ bhā॑hi / nṛ॒vadva॑so॒ sada॒middhehya॒sme / bhūri॑to॒kāya॒ tana॑yāya pa॒śvaḥ / pū॒rvīriṣo॑ bṛha॒tīrā॒re a॑ghāḥ / a॒sme bha॒drā sauśrava॒sāni॑ santu / pu॒rūṇya॑gne puru॒dhā tvā॒yā / vasū॑ni rājanva॒sutā॑te aśyām / pu॒rūṇi॒ hi tve pu॑ruvāra॒ santi॑ / agne॒ vasu॑ vidha॒te rāja॑ni॒tve

3.6.11.0
nū॒namartha॑ṅkṛ॒tvī pāthā॑si sa॒pta ca॑

3.6.11.1
ābha॑rata śikṣatavvam̐jrabāhū / a॒smā i॑ndrāgnī avata॒॒ śacī॑bhiḥ / i॒me nu te ra॒śmaya॒ssūrya॑sya / yebhi॑ssapi॒tvaṃ pi॒taro॑ na॒ āyann॑ / hotā॑ yakṣadindrā॒gnī / chāga॑sya ha॒viṣa॒ āttā॑ma॒dya / ma॒dhya॒to meda॒ udbhṛ॑tam / pu॒rā dveṣobhyaḥ / pu॒rā pauru॑ṣeyyā gṛ॒bhaḥ / ghastānnū॒nam

3.6.11.2
ghā॒se a॑jrāṇā॒yyam̐va॑saprathamānām / su॒matkṣa॑rāṇā śa॒taru॑driyāṇām / a॒gni॒ṣvā॒ttānāṃ॒ pīvo॑pavasanānām / pā॒rśva॒taḥ śro॑ṇi॒taśśi॑tāma॒ta u॑tsāda॒taḥ / aṅgā॑daṅgā॒dava॑ttānām / kara॑ta e॒vendrā॒gnī / ju॒ṣetā॑ ha॒viḥ / hota॒ryaja॑ / de॒vebhyo॑ vanaspate ha॒vīṣi॑ / hira॑ṇyaparṇa pra॒diva॑ste॒ artham /

3.6.11.3
pra॒da॒kṣi॒ṇidra॑śa॒nayā॑ ni॒yūya॑ / ṛ॒tasya॑ vakṣi pa॒thibhī॒ raji॑ṣṭhaiḥ / hotā॑ yakṣadvana॒spati॑ma॒bhihi / pi॒ṣṭata॑mayā॒ rabhi॑ṣṭhayā raśa॒nayādhi॑ta / yatrendrāgni॒yośchāga॑sya ha॒viṣa॑ pri॒yā dhāmā॑ni / yatra॒ vana॒spate pri॒yā pāthā॑si / yatra॑ de॒vānā॑mājya॒pānāṃ pri॒yā dhāmā॑ni / yatrā॒gner‌hotu॑ pri॒yā dhāmā॑ni / tatrai॒taṃ pra॒stutye॑vopa॒stutye॑ vo॒pāva॑srakṣat / rabhī॑yāsamiva kṛ॒tvī

3.6.11.4
kara॑de॒vande॒vo vana॒spatiḥ॑ / ju॒ṣatā॑ ha॒viḥ / hota॒ryaja॑ / pi॒prī॒hi de॒vā u॑śa॒to ya॑viṣṭha / vi॒dvā ṛ॒tūऱṛ॑tupate yaje॒ha / ye daivyā॑ ṛ॒tvija॒stebhi॑ragne / tva hotṝ॑ṇāma॒syāya॑jiṣṭhaḥ / hotā॑ yakṣada॒gni svi॑ṣṭa॒kṛtam / ayā॑ḍa॒gniri॑ndrāgni॒yośchāga॑sya ha॒viṣa॑ pri॒yā dhāmā॑ni / ayā॒ḍvana॒spate pri॒yā pāthā॑si / ayāḍde॒vānā॑mājya॒pānāṃ pri॒yā dhāmā॑ni / yakṣa॑da॒gner‌hotu॑ pri॒yā dhāmā॑ni / yakṣa॒tsvaṃ ma॑hi॒mānam / āya॑jatā॒mejyā॒ iṣaḥ॑ / kṛ॒ṇotu॒ so a॑dhva॒rā jā॒tave॑dāḥ / ju॒ṣatā॑ ha॒viḥ / hota॒ryaja॑

3.6.12.0
dhāmā॑ni॒ bhūreka॑ñca

3.6.12.1
upo॑ ha॒ yadvi॒datha॑vvām॒̐jino॒ gūḥ / gī॒rbhirviprā॒ prama॑timi॒cchamā॑nāḥ / a॒rvanto॒ na kāṣṭhā॒nnakṣa॑māṇāḥ / i॒ndrā॒gnī johu॑vato॒ nara॒ste / vana॑spate raśa॒nayā॑'bhi॒dhāya॑ / pi॒ṣṭata॑mayā va॒yunā॑ni vi॒dvān / vaha॑ deva॒trā di॑dhiṣo ha॒vīṣi॑ / pra ca॑dā॒tāra॑ma॒mṛte॑ṣu vocaḥ / a॒gni svi॑ṣṭa॒kṛtam / ayā॑ḍa॒gniri॑ndrāgni॒yośchaga॑sya ha॒viṣa॑ pri॒yā dhāmā॑ni

3.6.12.2
ayā॒ḍvana॒spate pri॒yā pāthā॑si / ayāḍde॒vānā॑mājya॒pānāṃ pri॒yā dhāmā॑ni / yakṣa॑da॒gner‌hotu॑ pri॒yā dhāmā॑ni / yakṣa॒tsvaṃ ma॑hi॒mānam / āya॑jatā॒mejyā॒ iṣaḥ॑ / kṛ॒ṇotu॒ so a॑dhva॒rā jā॒tave॑dāḥ / ju॒ṣatā॑ ha॒viḥ / agne॒ yada॒dya vi॒śo a॑dhvarasya hotaḥ / pāva॑ka śoce॒ veṣṭva hi yajvā / ṛ॒tā ya॑jāsi mahi॒nā viyadbhūḥ / ha॒vyā va॑ha yaviṣṭha॒ yā te॑ a॒dya

3.6.13.0
yajaika॑ñca

3.6.13.1
de॒vaṃ ba॒r॒hissu॑de॒vande॒vaissyātsu॒vīra॑vvīm॒̐rairvastorvṛ॒jyetā॒kto prabhri॑ye॒tātya॒nyānrā॒yā ba॒r॒hiṣma॑to madema vasu॒vane॑ vasu॒dheya॑sya vetu॒ yaja॑ / de॒vīrdvāra॑ssaṅghā॒te vi॒ḍvīryāma॑ñchithi॒rā dhru॒vā de॒vahū॑tau va॒tsa ī॑menā॒staru॑ṇa॒ āmi॑mīyātkumā॒ro vā॒ nava॑jāto॒ mainā॒ arvā॑ re॒ṇuka॑kāṭa॒ pṛṇa॑gvasu॒vane॑ vasu॒dheya॑sya viyantu yaja॑ / de॒vī u॒ṣāsā॒naktā'dyā॒smin‌ya॒jñe pra॑ya॒tya॑hvetā॒mapi॑ nū॒nandaivī॒rviśa॒ prāyā॑siṣṭā॒॒ suprī॑te॒ sudhi॑te vasu॒vane॑ vasu॒dheya॑sya vītā॒yyam̐ja॑ / de॒vī joṣṭrī॒ vasu॑dhitī॒ yayo॑ra॒nyā'ghāddveṣā॑si yū॒yava॒dānyāva॑kṣa॒dvasu॒ vāryā॑ṇi॒ yaja॑mānāya vasu॒vane॑ vasu॒dheya॑sya vītā॒yyam̐ja॑ / de॒vī ū॒rjāhu॑tī॒ iṣa॒mūrja॑ma॒nyāva॑kṣa॒tsagdhi॒॒ sapī॑tima॒nyā nave॑na॒ pūrva॒ndaya॑mānā॒ssyāma॑ purā॒ṇena॒ nava॒ntāmūrja॑mū॒rjāhu॑tī ū॒rjaya॑māne adhātāvvam̐su॒vane॑ vasu॒dheya॑sya vītā॒yyam̐ja॑ / de॒vā daivyā॒ hotā॑rā॒ neṣṭā॑rā॒ potā॑rā ha॒tāgha॑śasāvābha॒radva॑sū vasu॒vane vasu॒dheya॑sya vītā॒yyam̐ja॑ / de॒vīsti॒srasti॒sro de॒vīriḍā॒ sara॑svatī॒ bhāra॑tī॒ dyāṃ bhāra॑tyādi॒tyaira॑spṛkṣa॒tsara॑svatī॒ma ru॒drairya॒jñamā॑vīdi॒haiveḍa॑yā॒ vasu॑matyā sadha॒mādaṃ॑ madema vasu॒vane॑ vasu॒dheya॑sya viyantu॒ yaja॑ / de॒vo narā॒śasa॑striśī॒r॒ṣā ṣa॑ḍa॒kṣaśśa॒tamide॑naśitipṛ॒ṣṭhā āda॑dhati sa॒hasra॑mīṃ॒ prava॑hanti mi॒trāvaru॒ṇeda॑sya ho॒tramaऱha॑to॒ bṛha॒spati॑ssto॒trama॒śvinā''- dhva॑ryavavvam̐su॒vane॑vasu॒dheyasya॑ vetu॒ yaja॑ / de॒vo vana॒spati॑rva॒r॒ṣaprā॑vā ghṛ॒tani॑rṇi॒gdyāmagre॒ṇāspṛ॑kṣa॒dāntari॑kṣaṃ॒ madhye॑nāprā pṛthi॒vīmupa॑reṇādṛhīdvasu॒vane॑ vasu॒dheya॑sya vetu॒ yaja॑ / de॒vaṃ ba॒r॒hirvāri॑tīnānni॒dhedhā॑'si॒ pracyu॑tīnā॒mapra॑cyutannikāma॒dhara॑ṇaṃ puruspā॒r॒hayyam̐śa॑svade॒nā ba॒r॒hiṣā॒'nyā ba॒r॒hīṣya॒bhi ṣyā॑ma vasu॒vane॑ vasu॒dheya॑sya vetu॒ yaja॑ / de॒vo a॒gnissvi॑ṣṭa॒kṛ- tsu॒dravi॑ṇā ma॒ndra ka॒vissa॒tyama॑nmā''ya॒jī hotā॒ hotu॑r॒hotu॒rāya॑jīyā॒nagne॒ yānde॒vānayā॒ḍyā api॑pre॒rye te॑ ho॒tre ama॑tsata॒ tā sa॑sa॒nuṣī॒॒ hotrāndevaṅga॒māndi॒vi de॒veṣu॑ ya॒jñamera॑ye॒ma svi॑ṣṭa॒kṛccāgne॒ hotā'bhūrvasu॒vane॑ vasu॒dheya॑sya namovā॒ke vīhi॒ yaja॑

3.6.14.0
vī॒tā॒vvem॒̐tvabhū॒reka॑ñca

3.6.14.1
de॒vaṃ ba॒r॒hiḥ / va॒su॒vane॑ vasu॒dheya॑sya vetu / de॒vīrdvāraḥ॑ / va॒su॒vane॑ vasu॒dheya॑sya viyantu / de॒vī u॒ṣāsā॒naktā / va॒su॒vane॑ vasu॒dheya॑sya vītām / de॒vī joṣṭrī / va॒su॒vane॑ vasu॒dheya॑sya vītām / de॒vī ū॒rjāhu॑tī / va॒su॒vane॑ vasu॒dheyasya॑ vītām

3.6.14.2
de॒vā daivyā॒ hotā॑rā / va॒su॒vane॑ vasu॒dheya॑sya vītām / de॒vīsti॒srasti॒sro de॒vīḥ / va॒su॒vane॑ vasu॒dheya॑sya viyantu / de॒vo narā॒śasaḥ॑ / va॒su॒vane॑ vasu॒dheya॑sya vetu / de॒vo vana॒spatiḥ॑ / va॒su॒vane॑ vasu॒dheya॑sya vetu / de॒vaṃ ba॒r॒hirvāri॑tīnām / va॒su॒vane॑ vasu॒dheya॑sya vetu

3.6.14.3
de॒vo a॒gnissvi॑ṣṭa॒kṛt / su॒dravi॑ṇā ma॒ndra ka॒viḥ / sa॒tyama॑nmāya॒jī hotā / hotu॑r‌hotu॒rāya॑jīyān / agne॒ yānde॒vānayāṭ / yā api॑preḥ / ye te॑ ho॒tre ama॑tsata / tā sa॑sa॒nuṣī॒॒ hotrāndevaṅga॒mām / di॒vi de॒veṣu॑ ya॒jñamera॑ye॒mam / svi॒ṣṭa॒kṛccāgne॒ hotā'bhūḥ / va॒su॒vane॑ vasu॒dheya॑sya namovā॒ke vīhi॑

3.6.15.0
a॒gnima॒dyaikam

3.6.15.1
a॒gnima॒dya hotā॑ramavṛṇītā॒yayyam̐ja॑māna॒ paca॑npa॒ktī paca॑npuro॒ḍāśaṃ॑ ba॒dhnanni॑ndrā॒gnibhyā॒ñchāga॑ sūpa॒sthā a॒dya de॒vo vana॒spati॑rabhavadindrā॒gnibhyā॒ñchāge॒nāgha॑stā॒ntaṃ me॑da॒sta prati॑paca॒tāgra॑bhīṣṭā॒mavī॑vṛdhetāṃ puro॒ḍāśe॑na॒ tvāma॒dyaऱṣa॑ āऱṣeya ṛṣīṇānnapādavṛṇītā॒yayyam̐ja॑māno ba॒hubhya॒ ā saṅga॑tebhya e॒ṣa me॑ de॒veṣu॒ vasu॒ vāryā ya॑kṣyata॒ iti॒ tā yā de॒vā de॑va॒dānā॒nyadu॒stānya॑smā॒ ā ca॒ śāsvā ca॑ gurasveṣi॒taśca॑ hota॒rasi॑ bhadra॒vācyā॑ya॒ preṣi॑to॒ mānu॑ṣassūktavā॒kāya॑ sū॒ktā brū॑hi

3.7.0.0
sarvā॒n॒ yadviṣṣa॑ṇṇena॒ vi vai yā pu॒rastā॒ddevā॑ de॒veṣu॒ pari॑stṛṇīta॒ sakṣe॒dayyam̐da॒sya pā॒re॑'nā॒gasa॒ uda॑stāṃphsī॒dbrahma॑ prati॒ṣṭhā yadde॑vā॒ yatte॒ grāvṇṇā॒ yaddi॑dī॒kṣe catu॑rdaśa

sarvā॒nbhūti॑me॒va yāme॒vāphsvāhu॑tivvram॒̐tānāṃ parṇava॒lkasso॒myānā॑ma॒smin‌ya॒jñe'gne॒ yo no॒ jyogjī॒vā pa॒rora॑jā॒ prate॑mahe॒ brahma॑ prati॒ṣṭhā gār‌ha॑patyastri॒॒śadu॑ttaraśa॒tam

sarvā॒ñchacī॒patiḥ॑ // // hariḥ॑om // saptama prapāṭhakassamāptaḥ //
3.7.0.0
taittirīyabrāhmaṇe tṛtīyāṣṭake saptama prapāṭhaka prārambhaḥ / hariḥom /
3.7.1.0
da॒dhā॒ti॒ ya॒jña u॑ta॒ eka॒ndhaya॑nti rundhe kuryādā॒rcchatya॒pāku॑ryātpṛthi॒vī tvama॒ṣṭau ca॑

(sarvā॒n॒ vi vai yadi॑ parasta॒rāmoṣa॑dhīranyata॒rānu॒bhayā॑na॒rdho vai // )
3.7.1.1
sarvā॒n॒ vā e॒ṣo'gnau kāmā॒nprave॑śayati / yo'gnīna॑nvā॒dhāya॑ vra॒tamu॒paiti॑ / sayadani॑ṣṭvā prayā॒yāt / akā॑maprītā ena॒ṅkāmā॒ nānu॒prayā॑yuḥ / a॒te॒jā a॑vī॒rya॑ssyāt / sa ju॑huyāt / tubhya॒ntā a॑ṅgirastama / viśvāssukṣi॒taya॒ pṛtha॑k / agne॒ kāmā॑ya yemira॒ iti॑ / kāmā॑ne॒vāsmi॑ndadhāti

3.7.1.2
kāma॑prītā ena॒ṅkāmā॒ anu॒ prayānti / te॒ja॒svī vī॒ryā॑vānbhavati / santa॑ti॒rvā e॒ṣā ya॒jñasya॑ / yo'gnīna॑nvā॒dhāya॑ vra॒tamu॒paiti॑ / sa yadu॒dvāya॑ti / vicchi॑ttire॒vāsya॒ sā / taṃ prāñca॑mu॒ddhṛtya॑ / mana॒sopa॑tiṣṭheta / mano॒ vai pra॒jāpa॑tiḥ / prā॒jā॒pa॒tyo ya॒jñaḥ

3.7.1.3
mana॑sai॒va ya॒jña santa॑noti / bhūrityā॑ha / bhū॒to vai pra॒jāpa॑tiḥ / bhūti॑me॒vopai॑ti / vi vā e॒ṣa i॑ndri॒yeṇa॑ vī॒rye॑ṇardhyate / yasyāhi॑tāgnera॒gnira॑pa॒kṣāya॑ti / yāva॒cchamya॑yā pra॒vidhyet / yadi॒ tāva॑dapa॒kṣāyet / ta saṃbha॑ret / i॒danta॒ ekaṃ॑ pa॒ra u॑ta॒ ekam

3.7.1.4
tṛ॒tīye॑na॒ jyoti॑ṣā॒ savvim̐॑śasva / sa॒vvem̐śa॑nasta॒nuvai॒ cāru॑redhi / pri॒ye de॒vānāṃ para॒me ja॒nitra॒ iti॑ / brahma॑ṇai॒vaina॒॒ saṃbha॑rati / saiva tata॒ prāya॑ścittiḥ / yadi॑ parasta॒rāma॑pa॒kṣāyet / a॒nu॒pra॒yāyāva॑syet / so e॒va tata॒ prāya॑ścittiḥ / oṣa॑dhī॒rvā e॒tasya॑ pa॒śūnpaya॒ pravi॑śati / yasya॑ ha॒viṣe॑ va॒tsā a॒pākṛ॑tā॒ dhaya॑nti

3.7.1.5
tān yaddu॒hyāt / yā॒tayāmnā ha॒viṣā॑ yajeta / yanna du॒hyāt / ya॒jña॒pa॒rura॒ntari॑yāt / vā॒ya॒vyāyyam̐vā॒gūnnirva॑pet / vā॒yurvai paya॑sa pradāpayi॒tā / sa e॒vāsmai॒ paya॒ pradā॑payati / payo॒ vā oṣa॑dhayaḥ / paya॒ payaḥ॑ / paya॑sai॒vāsmai॒ payo'va॑rundhe

3.7.1.6
athotta॑rasmai ha॒viṣe॑ va॒tsāna॒pāku॑ryāt / saiva tata॒ prāya॑ścittiḥ / a॒nya॒ta॒rān vā e॒ṣa de॒vānbhā॑ga॒dheye॑na॒ vya॑rdhayati / ye yaja॑mānasya sā॒yaṅgṛ॒hamā॒ gaccha॑nti / yasya॑ sāyandu॒gdha ha॒virārti॑mā॒rcchati॑ / indrā॑ya vrī॒hīnni॒rupyopa॑ vaset / payo॒ vā oṣa॑dhayaḥ / paya॑ e॒vārabhya॑ gṛhī॒tvopa॑ vasati / yatprā॒tassyāt / tacchṛ॒taṅku॑ryāt

3.7.1.7
atheta॑ra ai॒ndra pu॑ro॒ḍāśa॑ssyāt / i॒ndri॒ye e॒vāsmai॑ sa॒mīcī॑ dadhāti / payo॒ vā oṣa॑dhayaḥ / paya॒ payaḥ॑ / paya॑sai॒vāsmai॒ payo'va॑rundhe / athotta॑rasmai ha॒viṣe॑ va॒tsāna॒pāku॑ryāt / saiva tata॒ prāya॑ścittiḥ / u॒bhayā॒n॒ vā e॒ṣa de॒vānbhā॑ga॒dheye॑na॒ vya॑rdhayati / ye yaja॑mānasya sā॒yañca॑ prā॒taśca॑ gṛ॒hamā॒ gaccha॑nti / yasyo॒bhaya॑ ha॒virārti॑mā॒rcchati॑

3.7.1.8
ai॒ndraṃ pañca॑śarāvamoda॒nannirva॑pet / a॒gniṃ de॒vatā॑nāṃ pratha॒mayyam̐॑jet / a॒gnimu॑khā e॒va de॒vatā prīṇāti / a॒gnivvām̐ anva॒nyā de॒vatāḥ / indra॒manva॒nyāḥ / tā e॒vobhayī prīṇāti / payo॒ vā oṣa॑dhayaḥ / paya॒ payaḥ॑ / paya॑sai॒vāsmai॒ payo'va॑rundhe / athottara॑smai ha॒viṣe॑ va॒tsāna॒pāku॑ryāt

3.7.1.9
saiva tata॒ prāya॑ścittiḥ / a॒rdho vā e॒tasya॑ ya॒jñasya॑ mīyate / yasya॒ vratye'ha॒npatnya॑nālambhu॒kā bhava॑ti / tāma॑pa॒rudhya॑ yajeta / sarve॑ṇai॒va ya॒jñena॑ yajate / tāmi॒ṣṭvopa॑ hvayeta / amū॒hama॑smi / sā tvam / dyaura॒ham / pṛ॒thi॒vī tvam / sāmā॒ham / ṛktvam / tāvehi॒ saṃbha॑vāva / sa॒ha reto॑ dadhāvahai / pu॒॒se pu॒trāya॒ vetta॑vai / rā॒yaspoṣā॑ya suprajā॒stvāya॑ su॒vīryā॒yeti॑ / a॒rdha e॒vainā॒mupa॑ hvayate / saiva tata॒ prāya॑ścittiḥ

3.7.2.0
vai pra॒jāpa॑tissthāpayati prajā॒nanna॒bhi ju॑hu॒yātsyāddhriyeta॒ jahā॑ma॒ trīṇi॑ ca

(yadviṣṣa॑ṇṇena prājāpa॒tyayā॒ yatkī॒ṭā ma॑dhya॒mena॒ yadava॑vṛṣṭena॒ yatpūrva॑syā॒yyam̐tpu॒rā pra॑yā॒jebhya॒ prāṅaṅgā॑ro॒ yadda॑kṣi॒ṇā yatpra॒tyagyadudaṅṅ॑ // )
3.7.2.1
yadviṣṣa॑ṇṇena juhu॒yāt / apra॑jā apa॒śuryaja॑mānassyāt / yadanā॑yatane ni॒nayet / a॒nā॒ya॒ta॒nassyāt / prā॒jā॒pa॒tyaya॒rcā va॑lmīkava॒pāyā॒mava॑ nayet / prā॒jā॒pa॒tyo vai va॒lmīkaḥ॑ / ya॒jña pra॒jāpa॑tiḥ / pra॒jāpa॑tāve॒va ya॒jñaṃ prati॑ṣṭhāpayati / bhūrityā॑ha / bhū॒to vai pra॒jāpa॑tiḥ

3.7.2.2
bhūti॑me॒vopai॑ti / tatkṛ॒tvā / a॒nyāṃ du॒gdhvā puna॑r‌hota॒vyam / saiva tata॒ prāya॑ścittiḥ / yatkī॒ṭāva॑pannena juhu॒yāt / apra॑jā apa॒śuryaja॑mānassyāt / yadanā॑yatane ni॒nayet / a॒nā॒ya॒ta॒nassyāt / ma॒dhya॒mena॑ pa॒rṇena॑ dyāvāpṛthi॒vya॑ya॒rcā'nta॑ pari॒dhi nina॑yet / dyāvā॑pṛthi॒vyore॒vaina॒tprati॑ṣṭhāpayati

3.7.2.3
tatkṛ॒tvā / a॒nyāṃ du॒gdhvā puna॑ऱhota॒vyam / saiva tata॒ prāya॑ścittiḥ / yadava॑vṛṣṭena juhu॒yāt / apa॑rūpamasyā॒tmañjā॑yeta / ki॒lāso॑ vā॒syāda॑ऱśa॒so vā / yatpratye॒yāt / ya॒jñavvim̐cchi॑ndyāt / sa ju॑huyāt / mi॒tro janānkalpayati prajā॒nann

3.7.2.4
mi॒tro dā॑dhāra pṛthi॒vīmu॒ta dyām / mi॒tra kṛ॒ṣṭīrani॑miṣā॒'bhi ca॑ṣṭe / sa॒tyāya॑ ha॒vyaṅghṛ॒tava॑jjuho॒teti॑ / mi॒treṇai॒vaina॑tkalpayati / tatkṛ॒tvā / a॒nyāṃ du॒gdhvā puna॑ऱhota॒vyam / saiva tata॒ prāya॑ścittiḥ / yatpūrva॑syā॒māhu॑tyā hu॒tāyā॒mutta॒rā''hu॑tiḥ॒ skandet / dvi॒pādbhi॑ pa॒śubhi॒ryaja॑māno॒ vyṛ॑dhyeta / yadutta॑rayā॒'bhi ju॑hu॒yāt

3.7.2.5
catu॑ṣpādbhi pa॒śubhi॒ryaja॑māno॒ vyṛ॑dhaध़yeta / yatra॒ vettha॑ vanaspate de॒vānā॒ṅguhyā॒ nāmā॑ni / tatra॑ ha॒vyāni॑ gāma॒yeti॑ vānaspa॒tyaya॒rcā sa॒midha॑mā॒dhāya॑ / tū॒ṣṇīme॒va puna॑rjuhuyāt / vana॒spati॑nai॒va ya॒jñasyārtā॒ñcānārtā॒ñcāhu॑tī॒ vi dā॑dhāra / tatkṛ॒tvā / a॒nyāṃ du॒gdhvā puna॑ऱhota॒vyam / saiva tata॒ prāya॑ścittiḥ / yatpu॒rā pra॑yā॒jebhya॒ prāṅaṅgā॑ra॒sskandet / a॒dhva॒ryave॑ ca॒ yaja॑mānāya॒ cāka॑ syāt

3.7.2.6
yadda॑kṣi॒ṇā / bra॒hmaṇe॑ ca॒ yaja॑mānāya॒ cāka॑ syāt / yatpra॒tyak / hotre॑ ca॒ patni॑yai ca॒ yaja॑mānāya॒ cāka॑ syāt / yadudaṅṅ॑ / a॒gnīdhe॑ ca pa॒śubhya॑śca॒ yaja॑mānāya॒ cāka॑ syāt / yada॑bhijuhu॒yāt / ru॒drosya pa॒śūnghātu॑kassyāt / yannābhi॑juhu॒yāt / aśānta॒ prahri॑yeta

3.7.2.7
sru॒vasya॒ budhne॑nābhi॒nida॑dhyāt / mā ta॑mo॒ mā ya॒jñasta॑ma॒nmā yaja॑mānastamat / nama॑ste astvāya॒te / namo॑ rudra parāya॒te / namo॒ yatra॑ ni॒ṣīda॑si / a॒muṃ mā hi॑sīra॒muṃ mā hi॑sī॒riti॒ yena॒ skandet / taṃ praha॑ret / sa॒hasra॑śṛṅgo vṛṣa॒bho jā॒tave॑dāḥ / stoma॑pṛṣṭho ghṛ॒tavāntsu॒pratī॑kaḥ / mā no॑ hāsīnmetthi॒to nettvā॒ jahā॑ma / go॒po॒ṣanno॑ vīrapo॒ṣañca॑ ya॒ccheti॑ / brahma॑ṇai॒vainaṃ॒ pra ha॑rati / saiva tata॒ prāya॑ścittiḥ

3.7.3.0
a॒jā'gnāve॒vāsyāgniho॒tra hu॒taṃ bha॑vati bhavatyāsīta pari॒cakṣī॑ta lambhayati dadhāti de॒vānāṃ॒ bṛha॒spati॒ pañca॑ ca

(vi vai yadya॒nyama॒jāyāṃ brāhma॒ṇasya॑ darbhasta॒mbe'psu ho॑ta॒vyam // )
3.7.3.1
vi vā e॒ṣa i॑ndri॒yeṇa॑ vī॒rye॑ṇardhyate / yasyāhi॑tāgnera॒gnirma॒thyamā॑no॒ na jāya॑te / yatrā॒nyaṃ paśyet / tata॑ ā॒hṛtya॑ hota॒vyam / a॒gnāve॒vāsyāgniho॒tra hu॒taṃ bha॑vati / yadya॒nyanna vi॒ndet / a॒jāyā॑ hota॒vyam / ā॒gne॒yī vā e॒ṣā / yada॒jā / a॒gnāve॒vāsyāgniho॒tra hu॒taṃ bha॑vati

3.7.3.2
a॒jasya॒ tu nāśñī॑yāt / yada॒jasyāśñī॒yāt / yāme॒vāgnāvāhu॑tiñjuhu॒yāt / tāma॑dyāt / tasmā॑da॒jasya॒ nāśyam / yadya॒jānna vi॒ndet / brā॒hma॒ṇasya॒ dakṣi॑ṇe॒ haste॑ hota॒vyam / e॒ṣa vā a॒gnirvaiśvāna॒raḥ / yadbrāhma॒ṇaḥ / a॒gnāve॒vāsyāgniho॒tra hu॒taṃ bha॑vati

3.7.3.3
brā॒hma॒ṇantu va॑sa॒tyai॑ nāpa॑ rundhyāt / yadbrāhma॒ṇavvam̐॑sa॒tyā a॑paru॒ndhyāt / yasmi॑nne॒vāgnāvāhu॑tiñjuhu॒yāt / tambhā॑ga॒dheye॑na॒ vya॑rdhayet / tasmādbrāhma॒ṇo va॑sa॒tyai॑ nāpa॒rudhyaḥ॑ / yadi॑ brāhma॒ṇanna vi॒ndet / da॒rbha॒sta॒mbe ho॑ta॒vyam / a॒gni॒vāऩvai da॑rbhasta॒mbaḥ / a॒gnāve॒vāsyāgniho॒tra hu॒taṃ bha॑vati / da॒rbhāstu nādhyā॑sīta

3.7.3.4
yadda॒rbhāna॒dhyāsī॑ta / yāme॒vāgnāvāhu॑tiñjuhu॒yāt / tāmadhyā॑sīta / tasmādda॒rbhā nādhyā॑sita॒vyāḥ / yadi॑ da॒rbhānna vi॒ndet / a॒psu ho॑ta॒vyam / āpo॒ vai sarvā॑ de॒vatāḥ / de॒vatāsve॒vāsyāgniho॒tra hu॒taṃ bha॑vati / āpa॒stu na pari॑cakṣīta / yadāpa॑ pari॒cakṣī॑ta

3.7.3.5
yāme॒vāphsvāhu॑tiñjuhu॒yāt / tāṃ pari॑cakṣīta / tasmā॒dāpo॒ na pa॑ri॒cakṣyāḥ / medhyā॑ ca॒ vā e॒tasyā॑me॒dhyā ca॑ ta॒nuvau॒ sa sṛ॑jyete / yasyāhi॑tāgnera॒nyaira॒gnibhi॑ra॒gnaya॑ssasṛ॒jyante / a॒gnaye॒ vivi॑caye puro॒ḍāśa॑ma॒ṣṭāka॑pāla॒nnirva॑pet / medhyāñcai॒vāsyā॑me॒dhyāñca॑ ta॒nuvau॒ vyāva॑rtayati / a॒gnaye vra॒tapa॑taye pu॒ro॒ḍāśa॑ma॒ṣṭāka॑pāla॒nnirva॑pet / a॒gnime॒va vra॒tapa॑ti॒॒ svena॑ bhāga॒dheye॒nopa॑ dhāvati / sa e॒vaina॑vvram॒̐tamā la॑mbhayati

3.7.3.6
garbha॒॒ srava॑ntamaga॒dama॑kaḥ / a॒gnirindra॒stvaṣṭā॒ bṛha॒spatiḥ॑ / pṛ॒thi॒vyāmava॑ cuścotai॒tat / nābhiprāpno॑ti॒ nir‌ṛ॑tiṃ parā॒caiḥ / reto॒ vā e॒tadvāji॑na॒māhi॑tāgneḥ / yada॑gniho॒tram / tadyatsravet / reto'sya॒ vāji॑na sravet / garbha॒॒ srava॑ntamaga॒dama॑ka॒rityā॑ha / reta॑ e॒vāsmi॒nvāji॑nandadhāti

3.7.3.7
a॒gnirityā॑ha / a॒gnirvai re॑to॒dhāḥ / reta॑ e॒va tadda॑dhāti / indra॒ ityā॑ha / i॒ndri॒yame॒vāsmi॑ndadhāti / tvaṣṭetyā॑ha / tvaṣṭā॒ vai pa॑śū॒nāṃ mi॑thu॒nānā॑ rūpa॒kṛt / rū॒pame॒va pa॒śuṣu॑ dadhāti / bṛha॒spati॒rityā॑ha / brahma॒ vai de॒vānāṃ॒ bṛha॒spatiḥ॑ / brahma॑ṇai॒vāsmai pra॒jā pra ja॑nayati / pṛ॒thi॒vyāmava॑ cuścotai॒tadityā॑ha / a॒syāme॒vaina॒tprati॑ṣṭhāpayati / nābhiprāpno॑ti॒ nir‌ṛ॑tiṃ parācai॒rityā॑ha / rakṣa॑sā॒mapa॑hatyai

3.7.4.0
ābhṛ॑ta i॒maṅgṛ॑hṇāmi॒ pūrva॒stā pūrva॒ pari॑gṛhṇāmi sabhāpā॒lā indra॑jyeṣṭhebhya॒ ādi॑tya vratapate susaṃ॒bhṛtā॑ me sa॒ha pu॑nātu gahi no vi॒śvarū॑pā dadhātu॒ puna॑rgacchatu pa॒śūn

(yāpu॒rastā॑di॒māmūrja॑mi॒ha pra॒jā i॒ha pa॒śavo॒'yaṃ pi॑tṛ॒ṇāma॒gniḥ / )
3.7.4.1
yā pu॒rastātpra॒srava॑nti / u॒pari॑ṣṭātsa॒rvata॑śca॒ yāḥ / tābhī॑ ra॒śmipa॑vitrābhiḥ / śra॒ddhāyyam॒̐jñamā ra॑bhe / devā॑ gātuvidaḥ / gā॒tuyyam॒̐jñāya॑ vindata / mana॑sa॒spati॑nā de॒vena॑ / vātādya॒jña pra yu॑jyatām / tṛ॒tīya॑syai di॒vaḥ / gā॒ya॒tri॒yā soma॒ ābhṛ॑taḥ

3.7.4.2
so॒ma॒pī॒thāya॒ sanna॑yitum / vaka॑la॒manta॑ra॒mā da॑de / āpo॑ devīśśu॒ddhāsstha॑ / i॒mā pātrā॑ṇi śundhata / u॒pā॒ta॒ṅkyā॑ya de॒vānām / pa॒rṇa॒va॒lkamu॒ta śu॑ndhata / payo॑ gṛ॒heṣu॒ payo॑ aghni॒yāsu॑ / payo॑ va॒tseṣu॒ paya॒ indrā॑ya ha॒viṣe dhriyasva / gā॒ya॒trī pa॑rṇava॒lkena॑ / paya॒ssoma॑ṅkarotvi॒mam

3.7.4.3
a॒gniṅgṛ॑hṇāmi su॒ratha॒yyom̐ ma॑yo॒bhūḥ / ya u॒dyanta॑mā॒roha॑ti॒ sūrya॒mahne / ā॒di॒tyañjyoti॑ṣā॒ñjyoti॑rutta॒mam / śvo ya॒jñāya॑ ramatānde॒vatābhyaḥ / vasūnru॒drānā॑di॒tyān / indre॑ṇa sa॒ha de॒vatāḥ / tā pūrva॒ pari॑ gṛhṇāmi / sva ā॒yata॑ne manī॒ṣayā / i॒māmūrjaṃ॑ pañcada॒śīṃyyem̐ pravi॑ṣṭāḥ / tānde॒vānpari॑ gṛhṇāmi॒ pūrvaḥ॑

3.7.4.4
a॒gnir‌ha॑vya॒vāḍi॒ha tānā va॑hatu / pau॒rṇamā॒sa ha॒viri॒dame॑ṣāṃ॒ mayi॑ / ā॒mā॒vā॒sya॑ ha॒viri॒dame॑ṣāṃ॒ mayi॑ / a॒nta॒rā'gnī pa॒śavaḥ॑ / de॒va॒sa॒॒sada॒mā ga॑mann / tānpūrva॒ pari॑ gṛhṇāmi / sva ā॒yata॑ne manī॒ṣayā / i॒ha pra॒jā vi॒śvarū॑pā ramantām / a॒gniṅgṛ॒hapa॑tima॒bhi sa॒vvam̐sā॑nāḥ / tā pūrva॒ pari॑ gṛhṇāmi

3.7.4.5
sva ā॒yata॑ne manī॒ṣayā / i॒ha pa॒śavo॑ vi॒śvarū॑pā ramantām / a॒gniṅgṛ॒hapa॑tima॒bhi sa॒vvam̐sā॑nāḥ / tānpūrva॒ pari॑ gṛhṇāmi / sva ā॒yata॑ne manī॒ṣayā / a॒yaṃ pi॑tṛ॒ṇāma॒gniḥ / avāḍḍha॒vyā pi॒tṛbhya॒ ā / taṃ pūrva॒ pari॑ gṛhṇāmi / avi॑ṣanna pi॒tuṅka॑rat / aja॑sra॒ntvā sa॑bhāpā॒lāḥ

3.7.4.6
vi॒ja॒yabhā॑ga॒॒ sami॑ndhatām / agne॑ dī॒dā॑ya me sabhya / viji॑tyai śa॒rada॑śśa॒tam / anna॑māvasa॒thīyam / a॒bhi ha॑rāṇi śa॒rada॑śśa॒tam / ā॒va॒sa॒the śriyaṃ॒ mantram / ahi॑rbu॒dhniyo॒ ni ya॑cchatu / i॒dama॒hama॒gnijyeṣṭhebhyaḥ / vasu॑bhyo ya॒jñaṃ prabra॑vīmi / i॒dama॒hamindra॑jyeṣṭhebhyaḥ

3.7.4.7
ru॒drebhyo॑ ya॒jñaṃ pra bra॑vīmi / i॒dama॒haṃ varu॑ṇajyeṣṭhebhyaḥ / ā॒di॒tyebhyo॑ ya॒jñaṃ pra bra॑vīmi / paya॑svatī॒roṣa॑dhayaḥ / paya॑svadvī॒rudhāṃ॒ payaḥ॑ / a॒pāṃ paya॑so॒ yatpayaḥ॑ / tena॒ māmi॑ndra॒ sa sṛ॑ja / agne vratapate vra॒tañca॑riṣyāmi / taccha॑keya॒ntanme॑ rādhyatām / vāyo vratapata॒ ādi॑tya vratapate

3.7.4.8
vra॒tānāvvram̐tapate vra॒tañca॑riṣyāmi / taccha॑keya॒ntanme॑ rādhyatām / i॒māṃ prācī॒mudī॑cīm / iṣa॒mūrja॑ma॒bhi saskṛ॑tām / ba॒hu॒pa॒rṇāmaśu॑ṣkāgrām / harā॑mi paśu॒pāma॒ham / yatkṛṣṇo॑ rū॒paṅkṛ॒tvā / prāvi॑śa॒stvavvam̐na॒spatīn॑ / tata॒stvāme॑kaviśati॒dhā / saṃbha॑rāmi susaṃ॒bhṛtā

3.7.4.9
trīnpa॑ri॒dhī sti॒srassa॒midhaḥ॑ / ya॒jñāyu॑ranusañca॒rān / u॒pa॒ve॒ṣaṃ mekṣa॑ṇa॒ndhṛṣṭim / saṃ bha॑rāmi susaṃ॒bhṛtā / yā jā॒tā oṣa॑dhayaḥ / de॒vebhya॑striyu॒gaṃ pu॒rā / tāsāṃ॒ parva॑ rādhyāsam / pa॒ri॒sta॒ramā॒harann॑॑ / a॒pāṃ medhya॑yyam॒̐jñiyam / sade॑va śi॒vama॑stu me

3.7.4.10
ā॒cche॒ttā vo॒ mā ri॑ṣam / jīvā॑ni śa॒rada॑śśa॒tam / apa॑rimitānāṃ॒ pari॑mitāḥ / sanna॑hye sukṛ॒tāya॒ kam / eno॒ mā nigāṅkata॒macca॒nāham / puna॑ru॒tthāya॑ bahu॒lā bha॑vantu / sa॒kṛ॒dā॒cchi॒nnaṃ ba॒r॒hirūrṇā॑mṛdu / syo॒naṃ pi॒tṛbhya॑stvā bharāmya॒ham / a॒smintsī॑dantu me pi॒tara॑sso॒myāḥ / pi॒tā॒ma॒hā prapi॑tāmahāścānu॒gaissa॒ha

3.7.4.11
tri॒vṛtpa॑lā॒śe da॒rbhaḥ / iyānprāde॒śasa॑mmitaḥ / ya॒jñe pa॒vitraṃ॒ potṛ॑tamam / payo॑ ha॒vyaṅka॑rotu me / i॒mau prā॑ṇāpā॒nau / ya॒jñasyāṅgā॑ni sarva॒śaḥ / ā॒pyā॒yaya॑ntau॒ sañca॑ratām / pa॒vitre॑ havya॒śodha॑ne / pa॒vitre stho vaiṣṇa॒vī / vā॒yurvāṃ॒ mana॑sā punātu

3.7.4.12
a॒yaṃ prā॒ṇaścā॑pā॒naśca॑ / yaja॑māna॒mapi॑ gacchatām / ya॒jñe hyabhū॑tāṃ॒ potā॑rau / pa॒vitre॑ havya॒śodha॑ne / tvayā॒ vedi॑vvim̐vidu pṛthi॒vīm / tvayā॑ ya॒jño jā॑yate viśva॒dāniḥ॑ / acchi॑drayyam॒̐jñamanve॑ṣi vi॒dvān / tvayā॒ hotā॒ santa॑notyardhamā॒sān / tra॒ya॒stri॒॒śo॑'si॒ tantū॑nām / pa॒vitre॑ṇa sa॒hāga॑hi

3.7.4.13
śi॒veya rajju॑rabhi॒dhānī / a॒ghni॒yāmupa॑ sevatām / apra॑srasāya ya॒jñasya॑ / u॒khe upa॑dadhāmya॒ham / pa॒śubhi॒ssannī॑taṃ bibhṛtām / indrā॑ya śṛ॒tandadhi॑ / u॒pa॒ve॒ṣo॑'si ya॒jñāya॑ / tvāṃ pa॑rive॒ṣama॑dhārayann / indrā॑ya ha॒vi kṛ॒ṇvantaḥ॑ / śi॒vaśśa॒gmo bha॑vāsi naḥ

3.7.4.14
amṛ॑nmayandevapā॒tram / ya॒jñasyāyu॑ṣi॒ pra yu॑jyatām / ti॒ra॒pa॒vi॒tramati॑nītāḥ / āpo॑ dhāraya॒ māti॑guḥ / de॒vena॑ savi॒trotpū॑tāḥ / vaso॒ssūrya॑sya ra॒śmibhiḥ॑ / gāndo॑hapavi॒tre rajjum / sarvā॒ pātrā॑ṇi śundhata / e॒tā ā ca॑ranti॒ madhu॑ma॒dduhā॑nāḥ / pra॒jāva॑tīrya॒śaso॑ vi॒śvarū॑pāḥ

3.7.4.15
ba॒hvīrbhava॑ntī॒rupa॒jāya॑mānāḥ / i॒ha va॒ indro॑ ramayatu gāvaḥ / pū॒ṣā stha॑ / a॒ya॒kṣmā va॑ pra॒jayā॒ sa sṛ॑jāmi / rā॒yaspoṣe॑ṇa bahu॒lābhava॑ntīḥ / ūrjaṃ॒ paya॒ pinva॑mānā ghṛ॒tañca॑ / jī॒vo jīva॑ntī॒rupa॑vassadeyam / dyauśce॒mayyam॒̐jñaṃ pṛ॑thi॒vī ca॒ sandu॑hātām / dhā॒tā some॑na sa॒ha vāte॑na vā॒yuḥ / yaja॑mānāya॒ dravi॑ṇandadhātu

3.7.4.16
utsa॑nduhanti ka॒laśa॒ñcatu॑rbilam / iḍānde॒vīmmadhu॑matī suva॒rvidam / tadi॑ndrā॒gnī ji॑nvata sū॒nṛtā॑vat / tadyaja॑mānamamṛta॒tve da॑dhātu / kāma॑dhukṣa॒ pra ṇo brūhi / indrā॑ya ha॒viri॑ndri॒yam / a॒mūyyam̐syānde॒vānām / ma॒nu॒ṣyā॑ṇāṃ॒ payo॑ hi॒tam / ba॒hu du॒gdhīndrā॑ya de॒vebhyaḥ॑ / ha॒vyamā pyā॑yatāṃ॒ punaḥ॑

3.7.4.17
va॒tsebhyo॑ manu॒ṣyebhyaḥ / pu॒na॒rdo॒hāya॑ kalpatām / ya॒jñasya॒ santa॑tirasi / ya॒jñasya॑ tvā॒ santa॑ti॒manu॒ santa॑nomi / ada॑stamasi॒ viṣṇa॑ve tvā / ya॒jñāyāpi॑ dadhāmya॒ham / a॒dbhirari॑ktena॒ pātre॑ṇa / yā pū॒tā pa॑ri॒śera॑te / a॒yaṃ paya॒ssoma॑ṅkṛ॒tvā / svāyyom̐ni॒mapi॑ gacchatu

3.7.4.18
pa॒rṇa॒va॒lka pa॒vitram / sau॒myassomā॒ddhi nirmi॑taḥ / i॒mau pa॒rṇañca॑ da॒rbhañca॑ / de॒vānā॑ havya॒śodha॑nau / prā॒ta॒rve॒ṣāya॑ gopāya / viṣṇo॑ ha॒vya hi rakṣa॑si / u॒bhāva॒gnī u॑pastṛṇa॒te / de॒vatā॒ upa॑vasantu me / a॒haṅgrā॒myānupa॑ vasāmi / mahya॒ṅgopa॑taye pa॒śūn

3.7.5.0
a॒bhītva॑ryai karomi kramītpi॒tā''tmana॑ eka॒to mu॑khāṃ me॒ diśo'dhya॑kṣebhyo ha॒virgā॑r‌hapatyā kalpaya॒nnaśa॑sti॒ssā no॑ dohatā su॒vīrya॑ sa॒pta ca॑

3.7.5.1
devā॑ de॒veṣu॒ parākramadhvam / pratha॑mā dvi॒tīye॑ṣu / dvitī॑yāstṛ॒tīye॑ṣu / trire॑kādaśā i॒ha mā॑'vata / i॒da śa॑keya॒yyam̐di॒daṅka॒romi॑ / ā॒tmā ka॑rotvā॒tmane / i॒daṅka॑riṣye bheṣa॒jam / i॒damme॑ viśvabheṣajā / aśvi॑nā॒ prāva॑tayyum॒̐vam / i॒dama॒ha senā॑yā a॒bhītva॑ryai

3.7.5.2
mukha॒mapo॑hāmi / sūrya॑ jyoti॒rvi bhā॑hi / ma॒ha॒ta i॑ndri॒yāya॑ / ā pyā॑yatāṅghṛ॒tayo॑niḥ / a॒gnir‌ha॒vyā'nu॑ manyatām / khama॑ṅkṣva॒ tvaca॑maṅkṣva / su॒rū॒pantvā॑ vasu॒vidam / pa॒śū॒nānteja॑sā / a॒gnaye॒ juṣṭa॑ma॒bhi ghā॑rayāmi / syo॒nante॒ sada॑naṅkaromi

3.7.5.3
ghṛ॒tasya॒ dhāra॑yā su॒śeva॑ṅkalpayāmi / tasmintsīdā॒mṛte॒ prati॑tiṣṭha / vrī॒hī॒ṇāmme॑dha sumana॒syamā॑naḥ / ā॒rdra pra॑thasnu॒rbhuva॑nasya go॒pāḥ / śṛ॒ta utsnā॑ti jani॒tā ma॑tī॒nām / yasta॑ ā॒tmā pa॒śuṣu॒ pravi॑ṣṭaḥ / de॒vānāvvim॒̐ṣṭhāmanu॒ yo vi॑ta॒sthe / ā॒tma॒nvāntso॑ma ghṛ॒tavā॒n॒ hi bhū॒tvā / de॒vānga॑ccha॒ suva॑rvinda॒ yaja॑mānāya॒ mahyam / irā॒ bhūti॑ pṛthi॒vyai raso॒ motkra॑mīt

3.7.5.4
devā pitara॒ pita॑ro devāḥ / yo॑'hama॑smi॒ sa san ya॑je / yasyāsmi॒ na tama॒ntare॑mi / svaṃ ma॑ i॒ṣṭa svanda॒ttam / svaṃ pū॒rta sva śrā॒ntam / sva hu॒tam / tasya॑ me॒'gniru॑padra॒ṣṭā / vā॒yuru॑paśro॒tā / ā॒di॒tyo॑'nukhyā॒tā / dyau pi॒tā

3.7.5.5
pṛ॒thi॒vī mā॒tā / pra॒jāpa॑ti॒rbandhuḥ॑ / ya e॒vāsmi॒ sa san ya॑je / mā bhermā savvim̐॑kthā॒ mā tvā॑ hisiṣam / mā te॒ tejo'pa॑ kramīt / bha॒ra॒tamuddha॑re॒manu॑ ṣiñaञ़ca / a॒va॒dānā॑ni te pra॒tyava॑dāsyāmi / nama॑ste astu॒ mā mā॑ hisīḥ / yada॑va॒dānā॑ni te'va॒dyann / vilo॒mākā॑r‌ṣamā॒tmanaḥ॑

3.7.5.6
ājye॑na॒ pratya॑najmyenat / tatta॒ ā pyā॑yatāṃ॒ punaḥ॑ / ajyā॑yo yavamā॒trāt / ā॒vyā॒dhātkṛ॑tyatāmi॒dam / mā rū॑rupāma ya॒jñasya॑ / śu॒ddha svi॑ṣṭami॒da ha॒viḥ / manu॑nā dṛ॒ṣṭāṅghṛtapa॑dīm / mi॒trāvaru॑ṇasamīritām / da॒kṣi॒ṇā॒rdhādasaṃ॑bhindann / ava॑dyāmyeka॒tomu॑khām

3.7.5.7
iḍe॑ bhā॒gaṃ ju॑ṣasva naḥ / jinva॒ gā jinvārva॑taḥ / tasyāste bhakṣi॒vāṇa॑ssyāma / sa॒rvātmā॑nassa॒rvaga॑ṇāḥ / bradhna॒ pinva॑sva / dada॑to me॒ mā kṣā॑yi / ku॒rva॒to me॒ mopa॑dasat / di॒śāṅkḷpti॑rasi / diśo॑ me kalpantām / kalpa॑ntāmme॒ diśaḥ॑

3.7.5.8
daivīśca॒ mānu॑ṣīśca / a॒ho॒rā॒tre me॑ kalpetām / a॒rdha॒mā॒sā me॑ kalpantām / māsā॑ me kalpantām / ṛ॒tavo॑ me kalpantām / sa॒vvam॒̐tsa॒ro me॑ kalpatām / kḷpti॑rasi॒ kalpa॑tāṃ me / āśā॑nāṃ tvā''śāpā॒lebhyaḥ॑ / ca॒turbhyo॑ a॒mṛtebhyaḥ / i॒daṃ bhū॒tasyādhya॑kṣebhyaḥ

3.7.5.9
vi॒dhema॑ ha॒viṣā॑ va॒yam / bhaja॑tāṃ bhā॒gī bhā॒gam / mā bhā॒go'bha॑kta / nira॑bhā॒gaṃ bha॑jāmaḥ / a॒paspi॑nva / oṣa॑dhīrjinva / dvi॒pātpā॑hi / catu॑ṣpādava / di॒vo vṛṣṭi॒mera॑ya / brā॒hma॒ṇānā॑mi॒da ha॒viḥ

3.7.5.10
so॒myānā॑ somapī॒thinām / nirbha॒kto brāhmaṇaḥ / nehā brāhmaṇasyāsti / sama॑ṅktāṃ ba॒r॒hir‌ha॒viṣā॑ ghṛ॒tena॑ / samā॑di॒tyairvasu॑bhi॒ssamma॒rudbhiḥ॑ / samindre॑ṇa॒ viśve॑bhirde॒vebhi॑raṅktām / di॒vyaṃ nabho॑ gacchatu॒ yatsvāhā / i॒ndrā॒ṇīvā॑'vidha॒vā bhū॑yāsam / adi॑tiriva supu॒trā / a॒sthū॒ri tvā॑ gār‌hapatya

3.7.5.11
upa॒niṣa॑de suprajā॒stvāya॑ / saṃ patnī॒ patyā॑ sukṛ॒tena॑ gacchatām / ya॒jñasya॑ yu॒ktau dhuryā॑vabhūtām / saṃ॒jā॒nā॒nau vija॑hatā॒marā॑tīḥ / di॒vi jyoti॑ra॒jara॒mā ra॑bhetām / daśa॑te ta॒nuvo॑ yajña ya॒jñiyāḥ / tā prī॑ṇātu॒ yaja॑māno ghṛ॒tena॑ / nā॒ri॒ṣṭhayo pra॒śiṣa॒mīḍa॑mānaḥ / de॒vānāṃ॒ daivye'pi॒ yaja॑māno॒'mṛto॑'bhūt / yavvām̐nde॒vā a॑kalpayann

3.7.5.12
ū॒rjo bhā॒ga śa॑takratū / e॒tadvāṃ॒ tena॑ prīṇāni / tena॑ tṛpyatamahahau / a॒hande॒vānā॑ su॒kṛtā॑masmi lo॒ke / mame॒dami॒ṣṭanna mithu॑rbhavāti / a॒hannā॑ri॒ṣṭhāvanu॑ yajāmi vi॒dvān / yadābhyā॒mindro॒ ada॑dhādbhāga॒dheya॑m / adā॑rasṛdbhavata devasoma / a॒smin ya॒jñe ma॑ruto mṛḍatā naḥ / mā no॑ vidada॒bhibhā॒mo aśa॑stiḥ

3.7.5.13
mā no॑ vidadvṛ॒janā॒ dveṣyā॒ yā / ṛ॒ṣa॒bhavvām॒̐jina॑vvam॒̐yam / pū॒rṇamā॑sayyam̐jāmahe / sa no॑ dohatā su॒vīryam / rā॒yaspoṣa॑ saha॒sriṇam / prā॒ṇāya॑ su॒rādha॑se / pū॒rṇamā॑sāya॒ svāhā / a॒mā॒vā॒syā॑ su॒bhagā॑ su॒śevā / dhe॒nuri॑va॒ bhūya॑ ā॒pyāya॑mānā / sā no॑ dohatā su॒vīryam / rā॒yaspoṣa॑ saha॒sriṇam / a॒pā॒nāya॑ su॒rādha॑se / a॒mā॒vā॒syā॑yai॒ svāhā / a॒bhi stṛ॑ṇīhi॒ pari॑ dhehi॒ vedim / jā॒mimmā hi॑sīramu॒yā śayā॑nā / ho॒tṛ॒ṣada॑nā॒ hari॑tāssu॒varṇāḥ / ni॒ṣkā i॒me yaja॑mānasya bra॒dhne

3.7.6.0
pati॑ pra॒jāpa॑taye tapa॒svī vā॒cā saubha॑gāya pa॒śūnme॑ pinvasva durmarā॒yunde॑va॒yānā॑nagne॒'ntari॑kṣe॒'hamutta॑ro bhūyāsaṃ pra॒jāpa॑tirasi sa॒rvata॑śśri॒ta pravi॑ṣṭande॒vatā॑bhirvāja॒jitaṃ॑ pṛthi॒vī hva॑yatāma॒gnirāgnīdhrādvṛścata sasṛ॒vāsa॑ hu॒te syo॒nena॑ me॒ santi॑ṣṭhasve॒ta kṛ॑dhi dadhmasyūhatāma॒ṣṭau ca॑

3.7.6.1
pari॑stṛṇīta॒ pari॑dhattā॒gnim / pari॑hito॒'gniryaja॑mānaṃ bhunaktu / a॒pā rasa॒ oṣa॑dhīnā su॒varṇaḥ॑ / ni॒ṣkā i॒me yaja॑mānasya santu kāma॒dughāḥ / a॒mutrā॒muṣmi॑llom॒̐ke / bhūpa॑te॒ bhuva॑napate / ma॒ha॒to bhū॒tasya॑ pate / bra॒hmāṇa॑ntvā vṛṇīmahe / a॒haṃ bhūpa॑tira॒haṃ bhuva॑napatiḥ / a॒haṃ ma॑ha॒to bhū॒tasya॒ patiḥ॑

3.7.6.2
de॒vena॑ savi॒trā prasū॑ta॒ ārtvi॑jyaṅkariṣyāmi / deva॑ savitare॒tantvā॑ vṛṇate / bṛha॒spatiṃ॒ daivyaṃ॑ bra॒hmāṇam / tada॒haṃ mana॑se॒ pra bra॑vīmi / mano॑ gāyatri॒yai / gā॒ya॒trī tri॒ṣṭubhe / tri॒ṣṭubjaga॑tyai / jaga॑tyanu॒ṣṭubhe / a॒nu॒ṣṭukpa॒ṅktyai / pa॒ṅkti pra॒jāpa॑taye

3.7.6.3
pra॒jāpa॑ti॒rviśvebhyo de॒vebhyaḥ॑ / viśve॑ devā॒ bṛha॒spata॑ye / bṛha॒spati॒rbrahma॑ṇe / brahma॒ bhūrbhuva॒ssuvaḥ॑ / bṛha॒spati॑rde॒vānāṃ bra॒hmā / a॒haṃ ma॑nu॒ṣyā॑ṇām / bṛha॑spate ya॒jñaṅgo॑pāya / i॒daṃ tasmai॑ ha॒rmyaṅka॑romi / yo vo॑ devā॒ścara॑ti brahma॒caryam / me॒dhā॒vī di॒kṣu mana॑sā tapa॒svī

3.7.6.4
a॒ntardū॒taśca॑rati॒ mānu॑ṣīṣu / catu॑śśikhaṇḍā yuva॒tissu॒peśāḥ / ghṛ॒tapra॑tīkā॒ bhuva॑nasya॒ madhye / ma॒rmṛ॒jyamā॑nā maha॒te saubha॑gāya / mahya॑ndhukṣva॒ yaja॑mānāya॒ kāmān॑ / bhūmi॑rbhū॒tvā ma॑hi॒mānaṃ॑ pupoṣa / tato॑ de॒vī va॑rdhayate॒ payā॑si / ya॒jñiyā॑ ya॒jñavvim̐ ca॒ yanti॒ śañca॑ / oṣa॑dhī॒rāpa॑ i॒ha śakva॑rīśca / yo mā॑ hṛ॒dā mana॑sā॒ yaśca॑ vā॒cā

3.7.6.5
yo brahma॑ṇā॒ karma॑ṇā॒ dveṣṭi॑ devāḥ / yaśśru॒tena॒ hṛda॑yeneṣṇa॒tā ca॑ / tasyendra॒ vajre॑ṇa॒ śira॑śchinadmi / ūrṇā॑mṛdu॒ pratha॑māna syo॒nam / de॒vebhyo॒ juṣṭa॒॒ sada॑nāya ba॒r॒hiḥ / su॒va॒rge lo॒ke yaja॑māna॒ hi dhe॒hi / māṃ nāka॑sya pṛ॒ṣṭhe pa॑ra॒me vyo॑man / catu॑śśikhaṇḍā yuva॒tissu॒peśāḥ / ghṛ॒tapra॑tīkā va॒yunā॑ni vaste / sā''stī॒ryamā॑ṇā maha॒te saubha॑gāya

3.7.6.6
sā me॑ dhukṣva॒ yaja॑mānāya॒ kāmān॑ / śi॒vā ca॑ me śa॒gmā cai॑dhi / syo॒nā ca॑ me su॒ṣadā॑ caidhi / ūrja॑svatī ca me॒ paya॑svatī caidhi / iṣa॒mūrjaṃ॑ me pinvasva / brahma॒ tejo॑ me pinvasva / kṣa॒tramojo॑ me pinvasva / viśaṃ॒ puṣṭiṃ॑ me pinvasva / āyu॑ra॒nnādya॑mme pinvasva / pra॒jāṃ pa॒śūnme॑ pinvasva

3.7.6.7
a॒smin ya॒jña upa॒ bhūya॒ innu me / avi॑kṣobhāya pari॒dhīnda॑dhāmi / dha॒rtā dha॒ruṇo॒ dharī॑yān / a॒gnirdveṣā॑si॒ niri॒to nu॑dātai / vicchi॑nadmi॒ vidhṛ॑tībhyā sa॒patnān॑ / jā॒tānbhrātṛ॑vyā॒n॒ ye ca॑ jani॒ṣyamā॑ṇāḥ / vi॒śo ya॒ntrābhyā॒vvim̐dha॑māmyenān / a॒ha svānā॑mutta॒mo॑'sāni devāḥ / vi॒śo ya॒ntre nu॒damā॑ne॒ arā॑tim / viśvaṃ॑ pā॒pmāna॒mama॑tindurmarā॒yum

3.7.6.8
sīda॑ntī de॒vī su॑kṛ॒tasya॑ lo॒ke / dhṛtī stho॒ vidhṛ॑tī॒ svadhṛ॑tī / prā॒ṇānmayi॑ dhārayatam / pra॒jāmmayi॑ dhārayatam / pa॒śūnmayi॑ dhārayatam / a॒yaṃ pra॑sta॒ra u॒bhaya॑sya dha॒rtā / dha॒rtā pra॑yā॒jānā॑mu॒tānū॑yā॒jānām / sa dā॑dhāra sa॒midho॑ vi॒śvarū॑pāḥ / tasmi॒ntsruco॒ adhyā sā॑dayāmi / ā ro॑ha pa॒tho ju॑hu deva॒yānān॑

3.7.6.9
yatrar‌ṣa॑ya prathama॒jā ye pu॑rā॒ṇāḥ / hira॑ṇyapakṣā'ji॒rā sambhṛ॑tāṅgā / vahā॑si mā su॒kṛtā॒yyam̐tra॑ lo॒kāḥ / avā॒haṃ bā॑dha upa॒bhṛtā॑ sa॒patnān॑ / jā॒tānbhrātṛ॑vyā॒n॒ ye ca॑ jani॒ṣyamā॑ṇāḥ / dohai॑ ya॒jña su॒dughā॑miva dhe॒num / a॒hamutta॑ro bhūyāsam / adha॑re॒ matsa॒patnāḥ / yo mā॑ vā॒cā mana॑sā durmarā॒yuḥ / hṛ॒dā'rā॑tī॒yāda॑bhi॒dāsa॑dagne

3.7.6.10
i॒dama॑sya ci॒ttamadha॑randhru॒vāyāḥ / a॒hamutta॑ro bhūyāsam / adha॑re॒ matsa॒patnāḥ / ṛ॒ṣa॒bho॑'si śākva॒raḥ / ghṛ॒tācī॑nā sū॒nuḥ / pri॒yeṇa॒ nāmnā pri॒ye sada॑si sīda / syo॒no me॑ sīda su॒ṣada॑ pṛthi॒vyām / pratha॑yi pra॒jayā॑ pa॒śubhi॑ssuva॒rge lo॒ke / di॒vi sī॑da pṛthi॒vyāma॒ntari॑kṣe / a॒hamutta॑ro bhūyāsam

3.7.6.11
adha॑re॒ matsa॒patnāḥ / i॒ya sthā॒lī ghṛ॒tasya॑ pū॒rṇā / acchi॑nnapayāśśa॒tadhā॑ra॒ utsaḥ॑ / mā॒ru॒tena॒ śarma॑ṇā॒ daivye॑na / ya॒jño॑'si sa॒rvata॑śśri॒taḥ / sa॒rvato॒ māṃ bhū॒taṃ bha॑vi॒ṣyacchra॑yatām / śa॒tamme॑ santvā॒śiṣaḥ॑ / sa॒hasra॑mme santu sū॒nṛtāḥ / irā॑vatī paśu॒matīḥ / pra॒jāpa॑tirasi sa॒rvata॑śśri॒taḥ

3.7.6.12
sa॒rvato॒ māṃ bhū॒taṃ bha॑vi॒ṣyacchra॑yatām / śa॒taṃ me॑ santvā॒śiṣaḥ॑ / sa॒hasraṃ॑ me santu sū॒nṛtāḥ / irā॑vatī paśu॒matīḥ / i॒dami॑ndri॒yama॒mṛta॑vvīm॒̐ryam / a॒nenendrā॑ya pa॒śavo॑'cikitsann / tena॑ devā ava॒topa॒ mām / i॒heṣa॒mūrja॒yyam̐śa॒ssaha॒ oja॑ssaneyam / śṛ॒taṃ mayi॑ śrayatām / yatpṛ॑thi॒vīmaca॑ra॒ttatpravi॑ṣṭam

3.7.6.13
yenāsi॑ñca॒dbala॒mindre pra॒jāpa॑tiḥ / i॒dantacchu॒kraṃ madhu॑ vā॒jinī॑vat / yeno॒pari॑ṣṭā॒dadhi॑nonmahe॒ndram / dadhi॒ māndhi॑notu / a॒yavvem॒̐da pṛ॑thi॒vīmanva॑vindat / guhā॑ sa॒tīṅgaha॑ne॒ gahva॑reṣu / sa vi॑ndatu॒ yaja॑mānāya lo॒kam / acchi॑drayyam॒̐jñaṃ bhūri॑karmā karotu / a॒yayyam॒̐jñassama॑sadaddha॒viṣmān॑ / ṛ॒cā sāmnā॒ yaju॑ṣā de॒vatā॑bhiḥ

3.7.6.14
tena॑ lo॒kāntsūrya॑vato jayema / indra॑sya sa॒khyama॑mṛta॒tvama॑śyām / yo na॒ kanī॑ya i॒ha kā॒mayā॑tai / a॒smin ya॒jñe yaja॑mānāya॒ mahyam / apa॒ tami॑ndrā॒gnī bhuva॑nānnudetām / a॒haṃ pra॒jāvvīm॒̐rava॑tīvvim̐deya / agne॑ vājajit / vāja॑ntvā sari॒ṣyantam / vāja॑ñje॒ṣyantam / vā॒jina॑vvām̐ja॒jitam

3.7.6.15
vā॒ja॒ji॒tyāyai॒ saṃ mārjmi / a॒gnima॑nnā॒dama॒nnādyā॑ya / upa॑hūto॒ dyau pi॒tā / upa॒ māndyau pi॒tā hva॑yatām / a॒gnirāgnīdhrāt / āyu॑ṣe॒ varca॑se / jī॒vātvai puṇyā॑ya / upa॑hūtā pṛthi॒vī mā॒tā / upa॒ māṃ mā॒tā pṛ॑thi॒vī hva॑yatām / a॒gnirāgnīdhrāt

3.7.6.16
āyu॑ṣe॒ varca॑se / jī॒vātvai puṇyā॑ya / mano॒ jyoti॑rjuṣatā॒mājyam / vicchi॑nnayyam॒̐jña sami॒manda॑dhātu / bṛha॒spati॑stanutāmi॒mannaḥ॑ / viśve॑ de॒vā i॒ha mā॑dayantām / yante॑ agna āvṛ॒ścāmi॑ / a॒havvām̐ kṣipi॒taścarann॑ / pra॒jāñca॒ tasya॒ mūla॑ñca / nī॒cairde॑vā॒ ni vṛ॑ścata

3.7.6.17
agne॒ yo no॑'bhi॒dāsa॑ti / sa॒mā॒no yaśca॒ niṣṭyaḥ॑ / i॒dhmasye॑va pra॒kṣāya॑taḥ / mā tasyocche॑ṣi॒ kiñca॒na / yo māndveṣṭi॑ jātavedaḥ / yañcā॒handveṣmi॒ yaśca॒ mām / sarvā॒॒ stāna॑gne॒ sanda॑ha / yā ścā॒handveṣmi॒ ye ca॒ mām / agne॑ vājajit / vāja॑ntvā sasṛ॒vāsam

3.7.6.18
vāja॑ñjigi॒vāsam / vā॒jina॑vvām̐ja॒jitam / vā॒ja॒ji॒tyāyai॒ sammārjmi / a॒gnima॑nnā॒dama॒nnādyā॑ya / vedi॑rba॒r॒hiśśṛ॒ta ha॒viḥ / i॒dhma pa॑ri॒dhaya॒ssrucaḥ॑ / ājya॑yyam॒̐jña ṛco॒ yajuḥ॑ / yā॒jyāśca vaṣaṭkā॒rāḥ / samme॒ sanna॑tayo namantām / i॒dhma॒sa॒nnaha॑ne hu॒te

3.7.6.19
di॒va khīlo'va॑tataḥ / pṛ॒thi॒vyā adhyutthi॑taḥ / tenā॑ sa॒hasra॑kāṇḍena / dvi॒ṣanta॑ śocayāmasi / dvi॒ṣanme॑ ba॒hu śo॑catu / oṣa॑dhe॒ mo a॒ha śu॑cam / yajña॒ nama॑ste yajña / namo॒ nama॑śca te yajña / śi॒vena॑ me॒ santi॑ṣṭhasva / syo॒nena॑ me॒ santi॑ṣṭhasva

3.7.6.20
su॒bhū॒tena॑ me॒ santi॑ṣṭhasva / bra॒hma॒va॒rca॒sena॑ me॒ santi॑ṣṭhasva / ya॒jñasyarddhi॒manu॒ santi॑ṣṭhasva / upa॑ te yajña॒ namaḥ॑ / upa॑ te॒ namaḥ॑ / upa॑ te॒ namaḥ॑ / triṣpha॒līkri॒yamā॑ṇānām / yo nya॒ṅgo a॑va॒śiṣya॑te / rakṣa॑sāṃ bhāga॒dheyam / āpa॒statpra va॑hatādi॒taḥ

3.7.6.21
u॒lūkha॑le॒ musa॑le॒ yacca॒ śūrpe / ā॒śi॒śleṣa॑ dṛ॒ṣadi॒ yatka॒pāle / a॒va॒pruṣo॑ vi॒pruṣa॒ssayyam̐॑jāmi / viśve॑ de॒vā ha॒viri॒dañju॑ṣantām / ya॒jñe yā vi॒pruṣa॒ssanti॑ ba॒hvīḥ / a॒gnau tāssarvā॒ssvi॑ṣṭā॒ssuhu॑tā juhomi / u॒dyanna॒dyami॑tra mahaḥ / sa॒patnānme anīnaśaḥ / divai॑nān vi॒dyutā॑ jahi / ni॒mroca॒nnadha॑rānkṛdhi

3.7.6.22
u॒dyanna॒dya vi no॑ bhaja / pi॒tā pu॒trebhyo॒ yathā / dī॒rghā॒yu॒tvasya॑ heśiṣe / tasya॑ no dehi sūrya / u॒dyanna॒dya mi॑tramahaḥ / ā॒roha॒nnutta॑rā॒ndivam / hṛ॒dro॒gammama॑ sūrya / ha॒ri॒māṇa॑ñca nāśaya / śuke॑ṣu me hari॒māṇam / ro॒pa॒ṇākā॑su dadhmasi

3.7.6.23
atho॑ hāridra॒veṣu॑ me / ha॒ri॒māṇa॒nni da॑dhmasi / uda॑gāda॒yamā॑di॒tyaḥ / viśve॑na॒ saha॑sā sa॒ha / dvi॒ṣantaṃ॒ mama॑ ra॒ndhayann॑ / mo a॒handvi॑ṣa॒to ra॑dham / yo na॒śśapā॒daśa॑pataḥ / yaśca॑ na॒śśapa॑ta॒śśapāt / u॒ṣāśca॒ tasmai॑ ni॒mrukca॑ / sarvaṃ॑ pā॒pa samū॑hatām

3.7.6.24
yo na॑ssa॒patno॒ yo raṇaḥ॑ / marto॑'bhi॒dāsa॑ti devāḥ / i॒dhmasye॑va pra॒kṣāya॑taḥ / mā tasyocche॑ṣi॒ kiñca॒na / ava॑sṛṣṭa॒ parā॑pata / śa॒ro brahma॑saśitaḥ / gacchā॒'mitrā॒npra vi॑śa / maiṣā॒ṅkañca॒nocchi॑ṣaḥ

3.7.7.0
brahma॑ṇo॒ yoni॒raha॑sa pa॒ṅktiṃ prapa॑dye dī॒kṣā yayā॑''di॒tyo dī॒kṣayā॑ dīkṣi॒tastayā tvā dī॒kṣayā॑ dīkṣayā॒myoṣa॑dhayo dī॒kṣā dyaustvā॒ dīkṣa॑māṇa॒manu॑ dīkṣatā॒mapa॑citi॒ścākṣi॑ti॒rutta॑rasmingameya॒ndiśa॒ pāda॑ ādi॒tyava॑tīvvam̐rtaya॒ pañca॑ ca

3.7.7.1
sakṣe॒daṃ pa॑śya / vidha॑rtari॒daṃ pa॑śya / nāke॒daṃ pa॑śya / ra॒mati॒ pani॑ṣṭhā / ṛ॒tavvam̐r‌ṣi॑ṣṭham / a॒mṛtā॒yānyā॒huḥ / sūryo॒ vari॑ṣṭho a॒kṣabhi॒rvibhā॑ti / anu॒ dyāvā॑pṛthi॒vī de॒vapu॑tre / dī॒kṣā'si॒ tapa॑so॒ yoniḥ॑ / tapo॑'si॒ brahma॑ṇo॒ yoniḥ॑

3.7.7.2
brahmā॑si kṣa॒trasya॒ yoniḥ॑ / kṣa॒trama॑syṛ॒tasya॒ yoniḥ॑ / ṛ॒tama॑si॒ bhūrā ra॑bhe / śra॒ddhāṃ mana॑sā / dī॒kṣāntapa॑sā / viśva॑sya॒ bhuva॑na॒syādhi॑patnīm / sarve॒ kāmā॒ yaja॑mānasya santu / vātaṃ॑ prā॒ṇaṃ mana॑sā॒'nvā ra॑bhāmahe / pra॒jāpa॑ti॒yyom̐ bhuva॑nasya go॒pāḥ / sa no॑ mṛ॒tyostrā॑yatāṃ॒ pātvaha॑saḥ

3.7.7.3
jyogjī॒vā ja॒rāma॑śīmahi / indra॑ śākvara gāya॒trīṃ pra pa॑dye / tānte॑ yunajmi / indra॑ śākvara tri॒ṣṭubhaṃ॒ pra pa॑dye / tānte॑ yunajmi / indra॑ śākvara॒ jaga॑tīṃ॒ pra pa॑dye / tānte॑ yunajmi / indra॑ śākvarānu॒ṣṭubhaṃ॒ pra pa॑dye / tānte॑ yunajmi / indra॑ śākvara pa॒ṅktiṃ prapa॑dye

3.7.7.4
tānte॑ yunajmi / ā'handī॒kṣāma॑ruhamṛ॒tasya॒ patnīm / gā॒ya॒treṇa॒ chanda॑sā॒ brahma॑ṇā ca / ṛ॒ta sa॒tye॑'dhāyi / sa॒tyamṛ॒te॑'dhāyi / ṛ॒tañca॑ me sa॒tyañcā॑bhūtām / jyoti॑rabhūva॒॒ suva॑ragamam / su॒va॒rgallom॒̐kannāka॑sya pṛ॒ṣṭham / bra॒dhnasya॑ vi॒ṣṭapa॑magamam / pṛ॒thi॒vī dī॒kṣā

3.7.7.5
tayā॒'gnirdī॒kṣayā॑ dīkṣi॒taḥ / yayā॒'gnirdī॒kṣayā॑ dīkṣi॒taḥ / tayā tvā dī॒kṣayā॑ dīkṣayāmi / a॒ntari॑kṣandī॒kṣā / tayā॑ vā॒yurdī॒kṣayā॑ dīkṣi॒taḥ / yayā॑ vā॒yurdī॒kṣayā॑ dīkṣi॒taḥ / tayā tvā dī॒kṣayā॑ dīkṣayāmi / dyaurdī॒kṣā / tayā॑''di॒tyo dī॒kṣayā॑ dīkṣi॒taḥ / yayā॑''di॒tyo dī॒kṣayā॑ dīkṣi॒taḥ

3.7.7.6
tayā tvā dī॒kṣayā॑ dīkṣayāmi / diśo॑ dī॒kṣā / tayā॑ ca॒ndramā॑ dī॒kṣayā॑ dīkṣi॒taḥ / yayā॑ ca॒ndramā॑ dī॒kṣayā॑ dīkṣi॒taḥ / tayā tvā dī॒kṣayā॑ dīkṣayāmi / āpo॑ dī॒kṣā / tayā॒ varu॑ṇo॒ rājā॑ dī॒kṣayā॑ dīkṣi॒taḥ / yayā॒ varu॑ṇo॒ rājā॑ dī॒kṣayā॑ dīkṣi॒taḥ / tayā tvā dī॒kṣayā॑ dīkṣayāmi / oṣa॑dhayo dī॒kṣā

3.7.7.7
tayā॒ somo॒ rājā॑ dī॒kṣayā॑ dīkṣi॒taḥ / yayā॒ somo॒ rājā॑ dī॒kṣayā॑ dīkṣi॒taḥ / tayā tvā dī॒kṣayā॑ dīkṣayāmi / vāgdī॒kṣā / tayā prā॒ṇo dī॒kṣayā॑ dīkṣi॒taḥ / yayā prā॒ṇo dī॒kṣayā॑ dīkṣi॒taḥ / tayā tvā dī॒kṣayā॑ dīkṣayāmi / pṛ॒thi॒vī tvā॒ dīkṣa॑māṇa॒manu॑ dīkṣatām / a॒ntari॑kṣantvā॒ dīkṣa॑māṇa॒manu॑ dīkṣatām / dyaustvā॒ dīkṣa॑māṇa॒manu॑ dīkṣatām

3.7.7.8
diśa॑stvā॒ dīkṣa॑māṇa॒manu॑ dīkṣantām / āpa॑stvā॒ dīkṣa॑māṇa॒manu॑ dīkṣantām / oṣa॑dhayastvā॒ dīkṣa॑māṇa॒manu॑ dīkṣantām / vāktvā॒ dīkṣa॑māṇa॒manu॑ dīkṣatām / ṛca॑stvā॒ dīkṣa॑māṇa॒manu॑ dīkṣantām / sāmā॑ni tvā॒ dīkṣa॑māṇa॒manu॑ dīkṣantām / yajū॑ṣi tvā॒ dīkṣa॑māṇa॒manu॑ dīkṣantām / aha॑śca॒ rātri॑śca / kṛ॒ṣiśca॒ vṛṣṭi॑śca / tviṣi॒ścāpa॑citiśca

3.7.7.9
apa॒ścauṣa॑dhayaśca / ūrkca॑ sū॒nṛtā॑ ca / tāstvā॒ dīkṣa॑māṇa॒manu॑ dīkṣantām / sve dakṣe॒ dakṣa॑pite॒ha sī॑da / de॒vānā॑ su॒mno ma॑ha॒te raṇā॑ya / svā॒sa॒sthasta॒nuvā॒ savvim̐॑śasva / pi॒tevai॑dhi sū॒nava॒ ā su॒śevaḥ॑ / śi॒vo mā॑ śi॒vamā vi॑śa / sa॒tyamma॑ ā॒tmā / śra॒ddhā me'kṣi॑tiḥ

3.7.7.10
tapo॑ me prati॒ṣṭhā / sa॒vi॒tṛpra॑sūtā mā॒ diśo॑ dīkṣayantu / sa॒tyama॑smi / a॒hantvada॑smi॒ mada॑si॒ tvame॒tat / mamā॑si॒ yoni॒stava॒ yoni॑rasmi / mamai॒va sanvaha॑ ha॒vyānya॑gne / pu॒tra pi॒tre lo॑ka॒kṛjjā॑tavedaḥ / ā॒juhvā॑nassu॒pratī॑ka pu॒rastāt / agne॒ svāyyom̐ni॒mā sī॑da sā॒dhyā / a॒smintsa॒dhasthe॒ adhyutta॑rasminn

3.7.7.11
viśve॑ devā॒ yaja॑mānaśca sīdata / eka॑mi॒ṣe viṣṇu॒stvā'nve॑tu / dve ū॒rje viṣṇu॒stvā'nve॑tu / trīṇi॑ vra॒tāya॒ viṣṇu॒stvā'nve॑tu / ca॒tvāri॒ māyo॑bhavāya॒ viṣṇu॒stvā'nve॑tu / pañca॑ pa॒śubhyo॒ viṣṇu॒stvā'nve॑tu / ṣaḍrā॒yaspoṣā॑ya॒ viṣṇu॒stvā'nve॑tu / sa॒pta sa॒ptabhyo॒ hotrābhyo॒ viṣṇu॒stvā'nve॑tu / sakhā॑yassa॒ptapa॑dā abhūma / sa॒khyante॑ gameyam

3.7.7.12
sa॒khyātte॒ mā yo॑ṣam / sa॒khyānme॒ mā yoṣṭhāḥ / sā'si॑ subrahmaṇye / tasyāste pṛthi॒vī pādaḥ॑ / sā'si॑ subrahmaṇye / tasyāste॒'ntari॑kṣaṃ॒ pādaḥ॑ / sā'si॑ subrahmaṇye / tasyāste॒ dyau pādaḥ॑ / sā'si॑ subrahmaṇye / tasyāste॒ diśa॒ pādaḥ॑

3.7.7.13
pa॒rora॑jāste pañca॒ma pādaḥ॑ / sā na॒ iṣa॒mūrja॑ndhukṣva / teja॑ indri॒yam / bra॒hma॒va॒rca॒sama॒nnādyam / vi mi॑me tvā॒ paya॑svatīm / de॒vānāndhe॒nu su॒dughā॒mana॑pasphurantīm / indra॒ssomaṃ॑ pibatu / kṣemo॑ astu naḥ / i॒mānna॑rā kṛṇuta॒ vedi॒metya॑ / vasu॑matī ru॒drava॑tīmādi॒tyava॑tīm

3.7.7.14
varṣma॑ndi॒vaḥ / nābhā॑ pṛthi॒vyāḥ / yathā॒'yayyam̐ja॑māno॒ na riṣyet / de॒vasya॑ savi॒tussa॒ve / catu॑śśikhaṇḍā yuva॒tissu॒peśāḥ / ghṛ॒tapra॑tīkā॒ bhuva॑nasya॒ madhye / tasyā॑ supa॒rṇāvadhi॒ yau nivi॑ṣṭau / tayorde॒vānā॒madhi॑ bhāga॒dheyam / a॒pa janya॑mbha॒yannu॑da / apa॑ ca॒krāṇi॑ vartaya / gṛ॒ha soma॑sya gacchatam / na vā u॑ ve॒tanmri॑yase॒ na ri॑ṣyasi / de॒vā ide॑ṣi pa॒thibhi॑ssu॒gebhiḥ॑ / yatra॒ yanti॑ su॒kṛto॒ nāpi॑ du॒ṣkṛtaḥ॑ / tatra॑ tvā de॒vassa॑vi॒tā da॑dhātu

3.7.8.0
kṛ॒dhi॒ mī॒ḍhuṣe'hu॑tasya ca sa॒pta ca॑

3.7.8.1
yada॒sya pā॒re raja॑saḥ / śu॒krañjyoti॒rajā॑yata / tanna॑ par‌ṣa॒dati॒ dviṣaḥ॑ / agne॑ vaiśvānara॒ svāhā / yasmādbhī॒ṣā'vā॑śiṣṭhāḥ / tato॑ no॒ abha॑yaṅkṛdhi / pra॒jābhya॒ssarvābhyo mṛḍa / namo॑ ru॒drāya॑ mī॒ḍhuṣe / yasmādbhī॒ṣā nyaṣa॑daḥ / tato॑ no॒ abha॑yaṅkṛdhi

3.7.8.2
pra॒jābhya॒ssarvābhyo mṛḍa / namo॑ ru॒drāya॑ mī॒ḍhuṣe / udu॑sra tiṣṭha॒ prati॑tiṣṭha॒ māri॑ṣaḥ / memayyam॒̐jñayyam̐ja॑mānañca rīriṣaḥ / su॒va॒rge lo॒ke yaja॑māna॒॒ hi dhe॒hi / śanna॑ edhi dvi॒pade॒ śañcatu॑ṣpade / yasmādbhī॒ṣā've॑piṣṭhā pa॒lāyi॑ṣṭhāssa॒majñāsthāḥ / tato॑ no॒ abha॑yaṅkṛdhi / pra॒jābhya॒ssarvābhyo mṛḍa / namo॑ ru॒drāya॑ mī॒ḍhuṣe

3.7.8.3
ya i॒damakaḥ॑ / tasmai॒ namaḥ॑ / tasmai॒ svāhā / na vā u॑ve॒tanmri॑yase / āśā॑nāntvā॒ viśvā॒ āśāḥ / ya॒jñasya॒ hi stha ṛ॒tviyau / indrāgnī॒ ceta॑nasya ca / hu॒tā॒hu॒tasya॑ tṛpyatam / ahu॑tasya hu॒tasya॑ ca / hu॒tasya॒ cāhu॑tasya ca / ahu॑tasya hu॒tasya॑ ca / indrāgnī a॒sya soma॑sya / vī॒taṃ pi॑batañju॒ṣethām / mā yaja॑māna॒ntamo॑ vidat / martvijo॒ mo i॒mā pra॒jāḥ / mā yassoma॑mi॒maṃ pibāt / sasṛ॑ṣṭamu॒bhaya॑ṅkṛ॒tam

3.7.9.0
cā॒ta॒ya॒ta॒ śrī॒ṇī॒tā॒॒ sa॒tyamā॒hura॑śīmahi ga॒ṇe ku॑ru vi॒drava॑ṇe pitṛ॒yāṇā॑ a॒rko raja॑so vi॒māna॒strīṇi॑ ca

3.7.9.1
a॒nā॒gasa॑stvā va॒yam / indre॑ṇa॒ preṣi॑tā॒ upa॑ / vā॒yuṣṭe॑ astvaśa॒bhūḥ / mi॒traste॑ astvaśa॒bhūḥ / varu॑ṇaste astvaśa॒bhūḥ / apāṃkṣayā॒ ṛta॑sya garbhāḥ / bhuva॑nasya gopā॒śśyenā॑ atithayaḥ / parva॑tānāṅkakubha pra॒yuto॑ napātāraḥ / va॒gnunendra॑ hvayata / ghoṣe॒ṇāmī॑vā ścātayata

3.7.9.2
yu॒ktāsstha॒ vaha॑ta / de॒vā grāvā॑ṇa॒ indu॒rindra॒ itya॑vādiṣuḥ / endra॑macucyavu para॒masyā parā॒vataḥ॑ / ā'smātsa॒dhasthāt / orora॒ntari॑kṣāt / ā su॑bhū॒tama॑suṣavuḥ / bra॒hma॒va॒rca॒samma॒ āsu॑ṣavuḥ / sa॒ma॒re rakṣā॑syavadhiṣuḥ / apa॑hataṃ brahma॒jyasya॑ / vākca॑ tvā॒ mana॑śca śrīṇītām

3.7.9.3
prā॒ṇaśca॑ tvā'pā॒naśca॑ śrīṇītām / cakṣu॑śca tvā॒ śrotra॑ñca śrīṇītām / dakṣa॑ścatvā॒ bala॑ñca śrīṇītām / oja॑śca tvā॒ saha॑śca śrīṇītām / āyu॑śca tvā'ja॒rā ca॑ śrīṇītām / ā॒tmā ca॑ tvā ta॒nūśca॑ śrīṇītām / śṛ॒to॑'si śṛ॒taṅkṛ॑taḥ / śṛ॒tāya॑ tvā śṛ॒tebhya॑stvā / yamindra॑mā॒hurvaru॑ṇa॒yyam̐mā॒huḥ / yammi॒tramā॒huryamu॑ sa॒tyamā॒huḥ

3.7.9.4
yo de॒vānānde॒vata॑mastapo॒jāḥ / tasmai tvā॒ tebhya॑stvā / mayi॒ tyadi॑ndri॒yammaha॒t / mayi॒ dakṣo॒ mayi॒ kratuḥ॑ / mayi॑ dhāyi su॒vīryam / triśu॑ggha॒rmo vi bhā॑tu me / ākūtyā॒ mana॑sā sa॒ha / vi॒rājā॒ jyoti॑ṣā sa॒ha / ya॒jñena॒ paya॑sā sa॒ha / tasya॒ doha॑maśīmahi

3.7.9.5
tasya॑ su॒mnama॑śīmahi / tasya॑ bha॒kṣama॑śīmahi / vāgju॑ṣā॒ṇā soma॑sya tṛpyatu / mi॒tro janā॒npra sa mi॑tra / yasmā॒nna jā॒ta paro॑ a॒nyo asti॑ / ya ā॑vi॒veśa॒ bhuva॑nāni॒ viśvā / pra॒jāpa॑ti pra॒jayā॑ savvim̐dā॒naḥ / trīṇi॒ jyotī॑ṣi sacate॒ sa ṣo॑ḍa॒śī / e॒ṣa bra॒hmā ya ṛ॒tviyaḥ॑ / indro॒ nāma॑ śru॒to ga॒ṇe

3.7.9.6
pra te॑ ma॒he vi॒dathe॑ śasiṣa॒॒ harī / ya ṛ॒tviya॒ pra te॑ vanve / va॒nuṣo॑ harya॒tammadam / indro॒ nāma॑ ghṛ॒tannayaḥ / hari॑bhi॒ścāru॒ seca॑te / śru॒to ga॒ṇa ā tvā॑ viśantu / hari॑varpasa॒ṅgiraḥ॑ / indrādhi॑pa॒te'dhi॑pati॒stvande॒vānā॑masi / adhi॑pati॒mmām / āyu॑ṣmanta॒vvam̐rca॑svantammanu॒ṣye॑ṣu kuru

3.7.9.7
indra॑śca sa॒mrāḍvaru॑ṇaśca॒ rājā / tau te॑ bha॒kṣañca॑kratu॒ragra॑ e॒tam / tayo॒ranu॑ bha॒kṣaṃ bha॑kṣayāmi / vāgju॑ṣā॒ṇā soma॑sya tṛpyatu / pra॒jāpa॑tirvi॒śvaka॑rmā / tasya॒ mano॑ de॒vayyam॒̐jñena॑ rādhyāsam / a॒rthe॒gā a॒sya ja॑hitaḥ / a॒va॒sāna॑pate'va॒sāna॑mme vinda / namo॑ ru॒drāya॑ vāsto॒ṣpata॑ye / āya॑ne vi॒drava॑ṇe

3.7.9.8
u॒dyāne॒ yatpa॒rāya॑ṇe / ā॒varta॑ne vi॒varta॑ne / yo go॑pā॒yati॒ ta hu॑ve / yānya॑pā॒mityā॒nyapra॑tīttā॒nyasmi॑ / ya॒masya॑ ba॒linā॒ carā॑mi / i॒haiva santa॒ prati॒ tadyā॑tayāmaḥ / jī॒vā jī॒vebhyo॒ ni ha॑rāma enat / a॒nṛ॒ṇā a॒sminna॑nṛ॒ṇā para॑sminn / tṛ॒tīye॑ lo॒ke a॑nṛ॒ṇāssyā॑ma / ye de॑va॒yānā॑ u॒ta pi॑tṛ॒yāṇāḥ

3.7.9.9
sarvānpa॒tho a॑nṛ॒ṇā ākṣī॑yema / i॒damū॒nu śreyo॑'va॒sāna॒mā ga॑nma / śi॒ve no॒ dyāvā॑pṛthi॒vī u॒bhe i॒me / goma॒ddhana॑va॒daśva॑va॒dūrja॑svat / su॒vīrā॑ vī॒rairanu॒ sañca॑rema / a॒rka pa॒vi॒tra॒॒ raja॑so vi॒mānaḥ॑ / pu॒nāti॑ de॒vānā॒mbhuva॑nāni॒ viśvā / dyāvā॑pṛthi॒vī paya॑sā savvim̐dā॒ne / ghṛ॒tandu॑hāte a॒mṛtaṃ॒ prapī॑ne / pa॒vitra॑ma॒rko raja॑so vi॒mānaḥ॑ / pu॒nāti॑ de॒vānā॒mbhuva॑nāni॒ viśvā / suva॒rjyoti॒ryaśo॑ ma॒hat / a॒śī॒mahi॑ gā॒dhamu॒ta pra॑ti॒ṣṭhām

3.7.10.0
u॒da॒r॒ṣa i॑ndri॒yeṇa॒ gā ma॒tira॑ra॒pā a॑gā॒ttrīṇi॑ ca

3.7.10.1
uda॑stāṃphsītsavi॒tā mi॒tro a॑rya॒mā / sarvā॑na॒mitrā॑navadhīdyu॒gena॑ / bṛ॒hanta॒mmāma॑karadvī॒rava॑ntam / ra॒tha॒nta॒re śra॑yasva॒ svāhā॑ pṛthi॒vyām / vā॒ma॒de॒vye śra॑yasva॒ svāhā॒'ntari॑kṣe / bṛ॒ha॒ti śra॑yasva॒ svāhā॑ di॒vi / bṛ॒ha॒tā tvopa॑stabhnomi / ā tvā॑ dade॒ yaśa॑se vī॒ryā॑ya ca / a॒smāsva॑ghniyā yū॒yanda॑dhāthendri॒yaṃ payaḥ॑ / yaste dra॒phso yasta॑ uda॒r॒ṣaḥ

3.7.10.2
daivya॑ ke॒turviśva॒mbhuva॑namāvi॒veśa॑ / sa na॑ pā॒hyari॑ṣṭyai॒ svāhā / anu॑ mā॒ sarvo॑ ya॒jño॑'yame॑tu / viśve॑ de॒vā ma॒ruta॒ssāmā॒rkaḥ / ā॒priya॒śchandā॑si ni॒vido॒ yajū॑ṣi / a॒syai pṛ॑thi॒vyai yadya॒jñiyam / pra॒jāpa॑tervarta॒nimanu॑ vartasva / anu॑vī॒rairanu॑ rādhyāma॒ gobhiḥ॑ / anvaśvai॒ranu॒ sarvai॑ru pu॒ṣṭaiḥ / anu॑ pra॒jayā'nvi॑ndri॒yeṇa॑

3.7.10.3
de॒vā no॑ ya॒jñamṛ॑ju॒dhā na॑yantu / prati॑kṣa॒tre prati॑tiṣṭhāmi rā॒ṣṭre / pratyaśve॑ṣu॒ prati॑tiṣṭhāmi॒ goṣu॑ / prati॑ pra॒jāyāṃ॒ prati॑tiṣṭhāmi॒ bhavye / viśva॑ma॒nyā'bhi॑ vāvṛ॒dhe / tada॒nyasyā॒madhi॑śri॒tam / di॒ve ca॑ vi॒śvaka॑rmaṇe / pṛ॒thi॒vyai cā॑kara॒nnamaḥ॑ / askā॒ndyau pṛ॑thi॒vīm / askā॑nṛṣa॒bho yuvā॒gāḥ

3.7.10.4
ska॒nnemā viśvā॒ bhuva॑nā / ska॒nno ya॒jña pra ja॑nayatu / askā॒naja॑ni॒ prāja॑ni / ā ska॒nnājjā॑yate॒ vṛṣā / ska॒nnātpra ja॑niṣīmahi / ye de॒vā yeṣā॑mi॒dambhā॑ga॒dheya॑mba॒bhūva॑ / yeṣāṃ prayā॒jā u॒tānū॑yā॒jāḥ / indra॑jyeṣṭhebhyo॒ varu॑ṇarājabhyaḥ / a॒gniho॑tṛbhyo de॒vebhya॒ssvāhā / u॒ta tyā no॒ divā॑ ma॒tiḥ

3.7.10.5
adi॑tirū॒tyā ga॑mat / sā śantā॑cī॒ maya॑skarat / apa॒ sridhaḥ॑ / u॒ta tyā daivyā॑ bhi॒ṣajā / śanna॑skarato a॒śvinā / yū॒yātā॑ma॒smadrapaḥ॑ / apa॒ sridhaḥ॑ / śama॒gnira॒gnibhi॑skarat / śanna॑stapatu॒ sūryaḥ॑ / śavvām̐to॑ vātvara॒pāḥ

3.7.10.6
apa॒ sridhaḥ॑ / taditpa॒danna vici॑keta vi॒dvān / yanmṛ॒ta puna॑ra॒pyeti॑ jī॒vān / tri॒vṛdyadbhuva॑nasya ratha॒vṛt / jī॒vo garbho॒ na mṛ॒tassa jī॑vāt / pratya॑smai॒ pipī॑ṣate / viśvā॑ni vi॒duṣe॑ bhara / a॒ra॒ṅga॒māya॒ jagma॑ve / apa॑ścāddaghvane॒ nare / indu॒rindu॒mavā॑gāt / indo॒rindro॑'pāt / tasya॑ ta inda॒vindra॑pītasya॒ madhu॑mataḥ / upa॑hūta॒syopa॑hūto bhakṣayāmi

3.7.11.0
de॒vā ści॒traṃ ta॒nūbhya॒ssvāho॒naṃ puru॑ṣasammi॒to'gne॒ tada॑sya kalpaya॒ pañca॑ ca

3.7.11.1
brahma॑ prati॒ṣṭhā mana॑so॒ brahma॑ vā॒caḥ / brahma॑ ya॒jñānā॑ ha॒viṣā॒mājya॑sya / ati॑rikta॒ṅkarma॑ṇo॒ yacca॑ hī॒nam / ya॒jña parvā॑ṇi prati॒ranne॑ti ka॒lpayann॑ / svāhā॑kṛ॒tā''hu॑tiretu de॒vān / āśrā॑vitama॒tyāśrā॑vitam / vaṣa॑ṭkṛtama॒tyanūktañca ya॒jñe / ati॑rikta॒ṅkarma॑ṇo॒ yacca॑ hī॒nam / ya॒jña parvā॑ṇi prati॒ranne॑ti ka॒lpayann॑ / svāhā॑kṛ॒tā''hu॑tiretu de॒vān

3.7.11.2
yadvo॑ devā atipā॒dayā॑ni / vā॒cā ci॒tpraya॑tandeva॒heḍa॑nam / a॒rā॒yo a॒smā a॒bhidu॑cchunā॒yate / a॒nyatrā॒smanma॑ruta॒stannidhe॑tana / ta॒tamma॒ āpa॒stadu॑ tāyate॒ punaḥ॑ / svādi॑ṣṭhā dhī॒tiru॒cathā॑ya śasyate / a॒ya sa॑mu॒dra u॒ta vi॒śvabhe॑ṣajaḥ / svāhā॑kṛtasya॒ samu॑tṛpṇutarbhuvaḥ / udva॒yantama॑sa॒spari॑ / udu॒tyañci॒tram

3.7.11.3
i॒mamme॑ varuṇa॒ tattvā॑ yāmi / tvanno॑ agne॒ sa tvanno॑ agne / tvama॑gne a॒yāsi॒ prajā॑pate / i॒mañjī॒vebhya॑ pari॒dhinda॑dhāmi / maiṣānnu॑gā॒dapa॑ro॒ ardha॑me॒tam / śa॒tañjī॑vantu śa॒rada॑ purū॒cīḥ / ti॒ro mṛ॒tyunda॑dhatāṃ॒ parva॑tena / i॒ṣṭebhya॒ssvāhā॒ vaṣa॒ḍani॑ṣṭebhya॒ssvāhā / bhe॒ṣa॒janduri॑ṣṭyai॒ svāhā॒ niṣkṛ॑tyai॒ svāhā / daurārdhyai॒ svāhā॒ daivībhyasta॒nūbhya॒ssvāhā

3.7.11.4
ṛddhyai॒ svāhā॒ samṛ॑ddhyai॒ svāhā / yata॑ indra॒ bhayā॑mahe / tato॑ no॒ abha॑yaṅkṛdhi / magha॑vañcha॒gdhi tava॒ tanna॑ ū॒taye / vi dviṣo॒ vi mṛdho॑ jahi / sva॒sti॒dā vi॒śaspatiḥ॑ / vṛ॒tra॒hā vi mṛdho॑ va॒śī / vṛṣendra॑ pu॒ra e॑tu naḥ / sva॒sti॒dā a॑bhayaṅka॒raḥ / ā॒bhirgī॒rbhiryadato॑ na ū॒nam

3.7.11.5
āpyā॑yaya harivo॒ vardha॑mānaḥ / ya॒dā sto॒tṛbhyo॒ mahi॑ go॒trā ru॒jāsi॑ / bhū॒yi॒ṣṭha॒bhājo॒ adha॑ te syāma / anājñāta॒yyam̐dājñā॑tam / ya॒jñasya॑ kri॒yate॒ mithu॑ / agne॒ tada॑sya kalpaya / tva hi vettha॑ yathāta॒tham / puru॑ṣasammito ya॒jñaḥ / ya॒jña puru॑ṣasammitaḥ / agne॒ tada॑sya kalpaya / tva hi vettha॑ yathāta॒tham / yatpā॑ka॒trā mana॑sā dī॒nada॑kṣā॒ na / ya॒jñasya॑ ma॒nvate॒ martā॑saḥ / a॒gniṣṭaddhotā॑ kratu॒vidvi॑jā॒nann / yaji॑ṣṭho de॒vā ṛ॑tu॒śo ya॑jāti

3.7.12.0
a॒ne॒nasa॑maṣṭhī॒vadbhyā॑ sa॒ti pa॑rā॒śasā॑''na॒śe'gnirmā॒ tasmā॒dena॑sa punīta na॒strīṇi॑ ca

(yadde॑vā॒ devā॑ ṛ॒tena॑ sajātaśa॒॒sādyadvā॒cā yaddhastābhyā॒madīvya॒yyam̐nmayi॑ mā॒tā yadā॑ pi॒peṣa॒ yada॒ntari॑kṣa॒yyam̐dā॒śasā'ti॑ krāmāmi tri॒te de॒vā di॒vi jā॒tā a॒psu jā॒tā yadāpa॑ i॒mamme॑ varuṇa॒ tattvā॑ yāmi॒ tvanno॑ agne॒ sa tvanno॑ agne॒ tvama॑gne a॒yāsi॑ / )
3.7.12.1
yadde॑vā deva॒heḍa॑nam / devā॑saścakṛ॒mā va॒yam / ādi॑tyā॒stasmānmā muñcata / ṛ॒tasya॒rtena॒ māmu॒ta / devā॑ jīvanakā॒myā yat / vā॒cā'nṛ॑tamūdi॒ma / a॒gnirmā॒ tasmā॒dena॑saḥ / gār‌ha॑patya॒ pramu॑ñcatu / du॒ri॒tā yāni॑ cakṛ॒ma / ka॒rotu॒ māma॑ne॒nasam

3.7.12.2
ṛ॒tena॑ dyāvāpṛthivī / ṛ॒tena॒ tva sa॑rasvati / ṛ॒tānmā॑ muñca॒tāha॑saḥ / yada॒nyakṛ॑tamāri॒ma / sa॒jā॒ta॒śa॒॒sādu॒ta vā॑ jāmiśa॒॒sāt / jyāya॑sa॒śśasā॑du॒ta vā॒ kanī॑yasaḥ / anājñātande॒vakṛ॑ta॒yyam̐denaḥ॑ / tasmā॒ttvama॒smāñjā॑tavedo mumugdhi / yadvā॒cā yanmana॑sā / bā॒hubhyā॑mū॒rubhyā॑maṣṭhī॒vadbhyām

3.7.12.3
śi॒śñairyadanṛ॑tañcakṛ॒mā va॒yam / a॒gnirmā॒ tasmā॒dena॑saḥ / yaddhastābhyāñca॒kara॒ kilbi॑ṣāṇi / a॒kṣāṇāvvam॒̐gnumu॑pa॒jighna॑mānaḥ / dū॒re॒pa॒śyā ca॑ rāṣṭra॒bhṛcca॑ / tānya॑phsa॒rasā॒vanu॑dattāmṛ॒ṇāni॑ / adī॑vyannṛ॒ṇayyam̐da॒hañca॒kāra॑ / yadvādāsyantsañja॒gārā॒ janebhyaḥ / a॒gnirmā॒ tasmā॒dena॑saḥ / yanmayi॑ mā॒tā garbhe॑ sa॒ti

3.7.12.4
ena॑śca॒kāra॒ yatpi॒tā / a॒gnirmā॒ tasmā॒dena॑saḥ / yadā॑ pi॒peṣa॑ mā॒taraṃ॑ pi॒taram / pu॒tra pramu॑dito॒ dhayann॑ / ahi॑sitau pi॒tarau॒ mayā॒ tat / tada॑gne anṛ॒ṇo bha॑vāmi / yada॒ntari॑kṣaṃ pṛthi॒vīmu॒ta dyām / yanmā॒taraṃ॑ pi॒tara॑vvām̐ jihisi॒ma / a॒gnirmā॒ tasmā॒dena॑saḥ / yadā॒śasā॑ ni॒śasā॒ yatpa॑rā॒śasā

3.7.12.5
yadena॑ścakṛ॒mā nūta॑na॒yyam̐tpu॑rā॒ṇam / a॒gnirmā॒ tasmā॒dena॑saḥ / ati॑ krāmāmi duri॒tayyam̐denaḥ॑ / jahā॑mi ri॒praṃ pa॑ra॒me sa॒dhasthe / yatra॒ yanti॑ su॒kṛto॒ nāpi॑ du॒ṣkṛtaḥ॑ / tamā ro॑hāmi su॒kṛtā॒nnu lo॒kam / tri॒te de॒vā a॑mṛjatai॒tadenaḥ॑ / tri॒ta e॒tanma॑nu॒ṣye॑ṣu māmṛje / tato॑ mā॒ yadi॒ kiñci॑dāna॒śe / a॒gnirmā॒ tasmā॒dena॑saḥ

3.7.12.6
gār‌ha॑patya॒ pra mu॑ñcatu / du॒ri॒tā yāni॑ cakṛ॒ma / ka॒rotu॒ māma॑ne॒nasam / di॒vi jā॒tā a॒psu jā॒tāḥ / yā jā॒tā oṣa॑dhībhyaḥ / atho॒ yā a॑gni॒jā āpaḥ॑ / tā na॑śśundhantu॒ śundha॑nīḥ / yadāpo॒ nakta॑nduri॒tañcarā॑ma / yadvā॒ divā॒ nūta॑na॒yyam̐tpu॑rā॒ṇam / hira॑ṇyavarṇā॒stata॒ utpu॑nīta naḥ / i॒mamme॑ varuṇa॒ tattvā॑ yāmi / tvanno॑ agne॒ sa tvanno॑ agne / tvama॑gne a॒yāsi॑

3.7.13.0
tmanā॒ jāya॑māno'sya॒ dadha॒tpañca॑ ca

3.7.13.1
yatte॒ grāvṇṇā॑ cicchi॒dusso॑ma rājann / pri॒yāṇyaṅgā॑ni॒ svadhi॑tā॒ parū॑ṣi / tatsandha॒tsvājye॑no॒ta va॑rdhayasva / a॒nā॒gaso॒ adha॒mitsa॒ṅkṣaye॑ma / yatte॒ grāvā॑ bā॒hucyu॑to॒ acu॑cyavuḥ / naro॒ yatte॑ dudu॒hurdakṣi॑ṇena / tatta॒ āpyā॑yatā॒ntatte / niṣṭyā॑yatāndeva soma / yatte॒ tvaca॑mbibhi॒duryacca॒ yonim / yadā॒sthānā॒tpracyu॑to॒ vena॑si॒ tmanā

3.7.13.2
tvayā॒ tatso॑ma gu॒ptama॑stu naḥ / sā na॑ssa॒ndhāsa॑tpara॒me vyo॑mann / ahā॒ccharī॑raṃ॒ paya॑sā sa॒metya॑ / a॒nyonyo bhavati॒ varṇo॑ asya / tasmi॑nva॒yamupa॑hūtā॒stava॑ smaḥ / ā no॑ bhaja॒ sada॑si vi॒śvarū॑pe / nṛ॒cakṣā॒ssoma॑ u॒ta śu॒śruga॑stu / mā no॒ vi hā॑sī॒dgira॑ āvṛṇā॒naḥ / anā॑gāsta॒nuvo॑ vāvṛdhā॒naḥ / ā no॑ rū॒pavvam̐॑hatu॒ jāya॑mānaḥ

3.7.13.3
upa॑ kṣaranti ju॒hvo॑ ghṛ॒tena॑ / pri॒yāṇyaṅgā॑ni॒ tava॑ va॒rdhaya॑ntīḥ / tasmai॑ te soma॒ nama॒ idvaṣa॑ṭca / upa॑ mā rājantsukṛ॒te hva॑yasva / saṃ prā॑ṇāpā॒nābhyā॒॒ samu॒ cakṣu॑ṣā॒ tvam / sa śrotre॑ṇa gacchasva soma rājann / yatta॒ āsthi॑ta॒॒ śamu॒ tatte॑ astu / jā॒nī॒tānna॑ssa॒ṅgama॑ne pathī॒nām / e॒tañjā॑nītātpara॒me vyo॑mann / vṛkāssadhasthā vi॒da rū॒pama॑sya

3.7.13.4
yadā॒gacchātpa॒thibhi॑rdeva॒yānaiḥ / i॒ṣṭā॒pū॒rte kṛ॑ṇutādā॒vira॑smai / ari॑ṣṭo rājannaga॒da pare॑hi / nama॑ste astu॒ cakṣa॑se raghūya॒te / nāka॒māro॑ha sa॒ha yaja॑mānena / sūrya॑ṅgacchatātpara॒me vyo॑mann / abhūdde॒vassa॑vi॒tā vandyo॒nu naḥ॑ / i॒dānī॒mahna॑ upa॒vācyo॒ nṛbhiḥ॑ / vi yo ratnā॒ bhaja॑ti māna॒vebhyaḥ॑ / śreṣṭha॑nno॒ atra॒ dravi॑ṇa॒yyam̐thā॒ dadha॑t / upa॑ no mitrāvaruṇāvi॒hāva॑tam / a॒nvādīdhyāthāmi॒ha na॑ssakhāyā / ā॒di॒tyānāṃ॒ prasi॑tir he॒tiḥ / u॒grā śa॒tāpāṣṭhā gha॒viṣā॒ pari॑ ṇo vṛṇaktu / āpyā॑yasva॒ sante

3.7.14.0
vana॒spatā॑va॒dbhyo lo॒kā da॑dhire॒ teja॑ indri॒yandhāmā॑śīmahīvā॒bhina॑śśīyatā ra॒yireka॑ñca

3.7.14.1
yaddi॑dī॒kṣe mana॑sā॒ yacca॑ vā॒cā / yadvā prā॒ṇaiścakṣu॑ṣā॒ yacca॒ śrotre॑ṇa / yadreta॑sā mithu॒nenāpyā॒tmanā / a॒dbhyo lo॒kā da॑dhire॒ teja॑ indri॒yam / śu॒krā dī॒kṣāyai॒ tapa॑so vi॒moca॑nīḥ / āpo॑ vimo॒ktrīrmayi॒ teja॑ indri॒yam / yadṛ॒cā sāmnā॒ yaju॑ṣā / pa॒śū॒nāñcarma॑n ha॒viṣā॑ didī॒kṣe / yacchando॑bhi॒roṣa॑dhībhi॒rvana॒spatau / a॒dbhyo lo॒kā da॑dhire॒ teja॑ indri॒yam

3.7.14.2
śu॒krā dī॒kṣāyai॒ tapa॑so vi॒moca॑nīḥ / āpo॑ vimo॒ktrīrmayi॒ teja॑ indri॒yam / yena॒ brahma॒ yena॑ kṣa॒tram / yenendrā॒gnī pra॒jāpa॑ti॒ssomo॒ varu॑ṇo॒ yena॒ rājā / viśve॑ de॒vā ṛṣa॑yo॒ yena॑ prā॒ṇāḥ / a॒dbhyo lo॒kā da॑dhire॒ teja॑ indri॒yam / śu॒krā dī॒kṣāyai॒ tapa॑so vi॒moca॑nīḥ / āpo॑ vimo॒ktrīrmayi॒ teja॑ indri॒yam / a॒pāṃ puṣpa॑ma॒syoṣa॑dhīnā॒॒ rasaḥ॑ / soma॑sya pri॒yandhāma॑

3.7.14.3
a॒gne pri॒yata॑ma ha॒vissvāhā / a॒pāṃ puṣpa॑ma॒syoṣa॑dhīnā॒॒ rasaḥ॑ / soma॑sya pri॒yandhāma॑ / indra॑sya pri॒yata॑ma ha॒vissvāhā / a॒pāṃ puṣpa॑ma॒syoṣa॑dhīnā॒॒ rasaḥ॑ / soma॑sya pri॒yandhāma॑ / viśve॑ṣānde॒vānāṃ pri॒yata॑ma ha॒vissvāhā / va॒ya so॑ma vra॒te tava॑ / mana॑sta॒nūṣu॒ pipra॑taḥ / pra॒jāva॑nto aśīmahi

3.7.14.4
de॒vebhya॑ pi॒tṛbhya॒ssvāhā / so॒myebhya॑ pi॒tṛbhya॒ssvāhā / ka॒vyebhya॑ pi॒tṛbhya॒ssvāhā / devā॑sa i॒ha mā॑dayadhvam / somyā॑sa i॒ha mā॑dayadhvam / kavyā॑sa i॒ha mā॑dayadhvam / a॒na॑ntaritā pi॒tara॑sso॒myāsso॑mapī॒thāt / apai॑tu mṛ॒tyura॒mṛta॑nna॒ āgann॑ / vai॒va॒sva॒to no॒ abha॑yaṅkṛṇotu / pa॒rṇavvam̐na॒spate॑riva

3.7.14.5
a॒bhi na॑śśīyatā ra॒yiḥ / saca॑tānna॒śśacī॒patiḥ॑ / para॑mmṛtyo॒ anu॒ pare॑hi॒ panthām / yaste॒ sva ita॑ro deva॒yānāt / cakṣu॑ṣmate śṛṇva॒te te bravīmi / mā na॑ pra॒jā rī॑riṣo॒ mota vī॒rān / i॒damū॒nu śreyo॑va॒sāna॒māga॑nma / yadgo॒jiddha॑na॒jida॑śva॒jidyat / pa॒rṇavvam̐na॒spate॑riva / a॒bhi na॑śśīyatā ra॒yiḥ / saca॑tānna॒śśacī॒patiḥ॑

3.8.0.0
sā॒ṅgra॒ha॒ṇyā catu॑ṣṭayyo॒ yo vai ya pi॒tuśca॒tvāro॒ yathā॑ ni॒ktaṃ pra॒jāpa॑taye tvā॒ yathā॒ prokṣi॑tavvim॒̐bhūrā॑ha pra॒jāpa॑tirakāmayatāśvame॒dhena॑ pra॒jāpa॑ti॒rna kiñca॒na sā॑vi॒tramā brahma॑npra॒jāpa॑tirde॒vaibhya॑ pra॒jāpa॑tī॒ rakṣā॑si pra॒jāpa॑timīphsati vi॒bhūra॑śvanā॒mānyambhā॑syekayū॒po rājju॑dālamekavi॒॒śo de॒vā puru॑ṣa॒strayo॑viśatiḥ

sā॒ṅgraha॒ṇyā tasmā॑daśvamedhayā॒jī yatpari॑mitā॒ yadya॑jñamu॒khe yo dī॒kṣānde॒vāne॒va traya॑ i॒me si॒tāya॑ prāṇāpā॒nāve॒vāsmi॒ntasmādrāja॒nya॑ eka॑navatiḥ

sā॒ṅgra॒ha॒ṇyā saśra॑yanti // hariḥ॑ om // aṣṭamaprapāṭhakassamāptaḥ /
3.8.0.0
taittirīyabrāhmaṇe tṛtīyāṣṭake aṣṭama prapāṭhaka prārambhaḥ / hariḥ om //
3.8.1.0
karma॑ dhatte॒ pañca॑ ca

3.8.1.1
sā॒ṅgra॒ha॒ṇyeṣṭyā॑ yajate / i॒māñja॒natā॒॒ saṅgṛ॑hṇā॒nīti॑ / dvāda॑śāratnī raśa॒nā bha॑vati / dvāda॑śa॒ māsāssavvam̐tsa॒raḥ / sa॒vvam॒̐tsa॒rame॒vāva॑ rundhe / mau॒ñjī bha॑vati / ūrgvai muñjāḥ / ūrja॑me॒vāva॑ rundhe / ci॒trā nakṣa॑trambhavati / ci॒travvām̐ e॒tatkarma॑

3.8.1.2
yada॑śvame॒dhassamṛ॑ddhyai / puṇya॑nāma deva॒yaja॑nama॒dhyava॑syati / puṇyā॑me॒va tena॑ kī॒rtima॒bhi ja॑yati / apa॑dātīnṛ॒tvija॑ssa॒māva॑ha॒ntyā su॑brahma॒ṇyāyāḥ / su॒va॒rgasya॑ lo॒kasya॒ sama॑ṣṭyai / ke॒śa॒śma॒śru va॑pate / na॒khāni॒ ni kṛ॑ntate / da॒to dhā॑vate / snāti॑ / aha॑ta॒vvām̐sa॒ pari॑dhatte / pā॒pmano'pa॑hatyai / vāca॑yyam॒̐tvopa॑ vasati / su॒va॒rgasya॑ lo॒kasya॒ guptyai / rātri॑ñjāga॒raya॑nta āsate / su॒va॒rgasya॑ lo॒kasya॒ sama॑ṣṭyai

3.8.2.0
da॒dhā॒ti॒ ru॒ndhe॒ da॒rbhā a॑bhava॒thṣaṭ ca॑

3.8.2.1
catu॑ṣṭayya॒ āpo॑ bhavanti / catu॑śśapho॒ vā aśva॑ prājāpa॒tyassamṛ॑ddhyai / tā di॒gbhyassa॒mābhṛ॑tā bhavanti / di॒kṣu vā āpaḥ॑ / anna॒vvām̐ āpaḥ॑ / a॒dbhyo vā anna॑ñjāyate / yade॒vādbhyo'nna॒ñjāya॑te / tadava॑ rundhe / tāsu॑ brahmauda॒naṃ pa॑cati / reta॑ e॒va tadda॑dhāti

3.8.2.2
catu॑śśarāvo bhavati / di॒kṣve॑va prati॑tiṣṭhati / u॒bha॒yato॑ru॒kmau bha॑vataḥ / u॒bha॒yata॑ e॒vāsmi॒nruca॑ndadhāti / uddha॑rati śṛta॒tvāya॑ / sa॒rpiṣvānbhavati medhya॒tvāya॑ / ca॒tvāra॑ āऱṣe॒yā prāśña॑nti / di॒śāme॒va jyoti॑ṣi juhoti / ca॒tvāri॒ hira॑ṇyāni dadāti / di॒śāme॒va jyotī॒॒ṣyava॑ rundhe

3.8.2.3
yadājya॑mu॒cchiṣya॑te / tasmi॑nraśa॒nānyu॑natti / pra॒jāpa॑ti॒rvā o॑da॒naḥ / reta॒ ājyam / yadājye॑ raśa॒nānyu॒natti॑ / pra॒jāpa॑time॒va reta॑sā॒ sama॑rdhayati / da॒rbha॒mayī॑ raśa॒nā bha॑vati / ba॒hu vā e॒ṣa ku॑ca॒ro॑ me॒dhyamupa॑gacchati / yadaśvaḥ॑ / pa॒vitra॒vvaim̐ da॒rbhāḥ

3.8.2.4
yadda॑rbha॒mayī॑ raśa॒nā bhava॑ti / pu॒nātye॒vainam / pū॒tame॑na॒mmedhya॒mā la॑bhate / aśva॑sya॒ vā āla॑bdhasya mahi॒moda॑krāmat / sa ma॒hartvi॑ja॒ prāvi॑śat / tanma॒hartvi॑jāmmahartvi॒ktvam / yanma॒hartvi॑ja prā॒śñanti॑ / ma॒hi॒māna॑me॒vāsmi॒ntadda॑dhati / aśva॑sya॒ vā āla॑bdhasya॒ reta॒ uda॑krāmat / tatsu॒varṇa॒॒ hira॑ṇyamabhavat / yatsu॒varṇa॒॒ hira॑ṇya॒ndadā॑ti / reta॑ e॒va tadda॑dhāti / o॒da॒ne da॑dāti / reto॒ vā o॑da॒naḥ / reto॒ hira॑ṇyam / reta॑sai॒vāsmi॒nreto॑ dadhāti

3.8.3.0
ba॒dhnā॒ti॒ samṛ॑ddhyā u॒pāda॑dhātya॒sītyā॑ha॒ sapra॑thasa॒mityā॑ha de॒vebhya॒ ityā॑ha॒ pañca॑ ca

3.8.3.1
yo vai brahma॑ṇe de॒vebhya॑ pra॒jāpa॑ta॒ye'pra॑tipro॒cyāśva॒mmedhya॑mba॒dhnāti॑ / ā de॒vatābhyo vṛścyate / pāpī॑yānbhavati / ya pra॑ti॒procya॑ / na de॒vatābhya॒ āvṛ॑ścyate / vasī॑yānbhavati / yadāha॑ / brahma॒nnaśva॒mmedhya॑mbhantsyāmi de॒vebhya॑ pra॒jāpa॑taye॒ tena॑ rādhyāsa॒miti॑ / brahma॒ vai bra॒hmā / brahma॑ṇa e॒va de॒vebhya॑ pra॒jāpa॑taye prati॒procyāśva॒mmedhya॑mbadhnāti

3.8.3.2
na de॒vatābhya॒ ā vṛ॑ścyate / vasī॑yānbhavati / de॒vasya॑ tvā savi॒tu pra॑sa॒va iti॑ raśa॒nāmāda॑tte॒ prasūtyai / a॒śvinorbā॒hubhyā॒mityā॑ha / a॒śvinau॒ hi de॒vānā॑madhva॒ryū āstām / pū॒ṣṇo hastābhyā॒mityā॑ha॒ yatyai / vyṛ॑ddha॒vvām̐ e॒tadya॒jñasya॑ / yada॑ya॒juṣke॑ṇa kri॒yate / i॒māma॑gṛbhṇanraśa॒nāmṛ॒tasyetyadhi॑ vadati॒ yaju॑ṣkṛtyai / ya॒jñasya॒ samṛ॑ddhyai

3.8.3.3
tadā॑huḥ / dvāda॑śāratnī raśa॒nā ka॑rta॒vyā ३ trayo॑daśāra॒tnī ३ riti॑ / ṛ॒ṣa॒bho vā e॒ṣa ṛ॑tū॒nām / yatsa॑vvam̐tsa॒raḥ / tasya॑ trayoda॒śo māso॑ vi॒ṣṭapam / ṛ॒ṣa॒bha e॒ṣa ya॒jñānām / yada॑śvame॒dhaḥ / yathā॒ vā ṛ॑ṣa॒bhasya॑ vi॒ṣṭapam / e॒vame॒tasya॑ vi॒ṣṭapam / tra॒yo॒da॒śama॑ra॒tni ra॑śa॒nāyā॑mu॒pā da॑dhāti

3.8.3.4
yatha॑ऱṣa॒bhasya॑ vi॒ṣṭapa॑ saska॒roti॑ / tā॒dṛge॒va tat / pūrva॒ āyu॑ṣi vi॒dathe॑ṣu ka॒vyetyā॑ha / āyu॑re॒vāsmi॑ndadhāti / tayā॑ de॒vāssu॒tamā ba॑bhūvu॒rityā॑ha / bhūti॑me॒vopāva॑rtate / ṛ॒tasya॒ sāmantsa॒ramā॒rapa॒ntītyā॑ha / sa॒tyavvām̐ ṛ॒tam / sa॒tyenai॒vaina॑mṛ॒tenāra॑bhate / a॒bhi॒dhā a॒sītyā॑ha

3.8.3.5
tasmā॑daśvamedhayā॒jī sarvā॑ṇi bhū॒tānya॒bhi bha॑vati / bhuva॑nama॒sītyā॑ha / bhū॒māna॑me॒vopai॑ti / ya॒ntā'sītyā॑ha / ya॒ntāra॑me॒vaina॑ṅkaroti / dha॒rtāsītyā॑ha / dha॒rtāra॑me॒vaina॑ṅkaroti / so'gnivvaim̐śvāna॒ramityā॑ha / a॒gnāve॒vaina॑vvaim̐śvāna॒re ju॑hoti / sapra॑thasa॒mityā॑ha // / 11 //
3.8.3.6
pra॒jayai॒vainaṃ॑ pa॒śubhi॑ prathayati / svāhā॑kṛta॒ ityā॑ha / homa॑ e॒vāsyai॒ṣaḥ / pṛ॒thi॒vyāmityā॑ha / a॒syāme॒vainaṃ॒ prati॑ṣṭhāpayati / ya॒ntā rāḍya॒ntā'si॒ yama॑no dha॒rtāsi॑ dha॒ruṇa॒ ityā॑ha / rū॒pame॒vāsyai॒tanma॑hi॒māna॒vvyām̐ca॑ṣṭe / kṛ॒ṣyai tvā॒ kṣemā॑ya tvā ra॒yyai tvā॒ poṣā॑ya॒ tvetyā॑ha / ā॒śiṣa॑me॒vaitāmāśāste / sva॒gā tvā॑ de॒vebhya॒ ityā॑ha / de॒vebhya॑ e॒vaina॑ sva॒gā ka॑roti / svāhā tvā pra॒jāpa॑taya॒ ityā॑ha / prā॒jā॒pa॒tyo vā aśvaḥ॑ / yasyā॑ e॒va de॒vatā॑yā āla॒bhyate / tayai॒vaina॒॒ sama॑rdhayati

3.8.4.0
bha॒va॒ti॒ plā॒va॒ya॒ti॒ mi॒mī॒te॒ pañca॑ ca

3.8.4.1
ya pi॒tura॑nu॒jāyā pu॒traḥ / sa pu॒rastānnayati / yo mā॒tura॑nu॒jāyā pu॒traḥ / sa pa॒ścānna॑yati / viṣva॑ñcame॒vāsmātpā॒pmāna॒vvim̐vṛ॑hataḥ / yo arva॑nta॒ñjighā॑sati॒ tama॒bhya॑mīti॒ varu॑ṇa॒ iti॒ śvāna॑ñcatura॒kṣaṃ prasau॑ti / pa॒ro marta॑ pa॒raśśveti॒ śuna॑ścatura॒kṣasya॒ praha॑nti / śveva॒ vai pā॒pmā bhrātṛ॑vyaḥ / pā॒pmāna॑me॒vāsya॒ bhrātṛ॑vya hanti / sai॒dhra॒kammusa॑lambhavati

3.8.4.2
karma॑karmai॒vāsmai॑ sādhayati / pau॒॒śca॒le॒yo ha॑nti / pu॒॒śca॒lvāvvaim̐ de॒vāśśuca॒nnya॑dadhuḥ / śu॒caivāsya॒ śuca॑ hanti / pā॒pmā vā e॒tamīphsa॒tītyā॑huḥ / yo'śvame॒dhena॒ yaja॑ta॒ iti॑ / aśva॑syādhaspa॒damupāsyati / va॒jrī vā aśva॑ prājāpa॒tyaḥ / vajre॑ṇai॒va pā॒pmāna॒mbhrātṛ॑vya॒mava॑ krāmati / da॒kṣi॒ṇā'pa॑ plāvayati

3.8.4.3
pā॒pmāna॑me॒vāsmā॒cchama॑la॒mapa॑ plāvayati / ai॒ṣī॒ka u॑dū॒ho bha॑vati / āyu॒rvā i॒ṣīkāḥ / āyu॑re॒vāsmi॑ndadhati / a॒mṛta॒vvām̐ i॒ṣīkāḥ / a॒mṛta॑me॒vāsmi॑ndadhati / ve॒ta॒sa॒śā॒khopa॒samba॑ddhā bhavati / a॒phsuyo॑ni॒rvā aśvaḥ॑ / a॒phsu॒jo ve॑ta॒saḥ / svāde॒vaina॒yyom̐ne॒rnirmi॑mīte / pu॒rastātpra॒tyañca॑ma॒bhyudū॑hati / pu॒rastā॑de॒vāsmi॑npra॒tīcya॒mṛta॑ndadhāti / a॒hañca॒ tvañca॑ vṛtraha॒nniti॑ bra॒hmā yaja॑mānasya॒ hasta॑ṅgṛhṇāti / bra॒hma॒kṣa॒tre e॒va sanda॑dhāti / a॒bhikratvendra bhū॒radha॒jmannitya॑dhva॒ryuryaja॑mānavvām̐cayatya॒bhiji॑tyai

3.8.5.0
bra॒hmā vi॒śa u॑kṣati॒ diśa॒ eka॑ñca

3.8.5.1
ca॒tvāra॑ ṛ॒tvija॒ssamu॑kṣanti / ā॒bhya e॒vaina॑ñcata॒sṛbhyo॑ di॒gbhyo॑'bhi samī॑rayanti / śa॒tena॑ rājapu॒traissa॒hādhva॒ryuḥ / pu॒rastātpra॒tyaṅtiṣṭha॒nprokṣa॑ti / a॒nenāśve॑na॒ medhye॑ne॒ṣṭvā / a॒ya rājā॑ vṛ॒travvam̐॑dhyā॒diti॑ / rā॒jyavvām̐ a॑dhva॒ryuḥ / kṣa॒tra rā॑japu॒traḥ / rā॒jyenai॒vāsmi॑nkṣa॒tranda॑dhāti / śa॒tenā॑ rā॒jabhi॑ru॒graissa॒ha bra॒hmā

3.8.5.2
da॒kṣi॒ṇa॒ta uda॒ṅtiṣṭha॒nprokṣa॑ti / a॒nenāśve॑na॒ medhye॑ne॒ṣṭvā / a॒ya rājāpratidhṛ॒ṣyo'stviti॑ / bala॒vvaim̐ bra॒hmā / bala॑marā॒jograḥ / bale॑nai॒vāsmi॒nbala॑ndadhāti / śa॒tena॑ sūtagrāma॒ṇibhi॑ssa॒ha hotā / pa॒ścātprāṅtiṣṭha॒nprokṣa॑ti / a॒nenāśve॑na॒ medhye॑ne॒ṣṭvā / a॒ya rājā॒'syai vi॒śaḥ

3.8.5.3
ba॒hu॒gvai ba॑hva॒śvāyai॑ bahvajāvi॒kāyai / ba॒hu॒vrī॒hi॒ya॒vāyai॑ bahumāṣati॒lāyai / ba॒hu॒hi॒ra॒ṇyāyai॑ bahuha॒stikā॑yai / ba॒hu॒dā॒sa॒pū॒ru॒ṣāyai॑ rayi॒matyai॒ puṣṭi॑matyai / ba॒hu॒rā॒ya॒spo॒ṣāyai॒ rājā॒stviti॑ / bhū॒mā vai hotā / bhū॒mā sū॑tagrāma॒ṇyaḥ॑ / bhū॒mnaivāsmi॑nbhū॒māna॑ndadhāti / śa॒tena॑ kṣattasaṅgrahī॒tṛbhi॑ssa॒hodgā॒tā / u॒tta॒ra॒to da॑kṣi॒ṇā tiṣṭha॒nprokṣa॑ti

3.8.5.4
a॒nenāśve॑na॒ medhye॑ne॒ṣṭvā / a॒ya rājā॒ sarva॒māyu॑re॒tviti॑ / āyu॒rvā u॑dgā॒tā / āyuḥ॑ kṣattasaṅgrahī॒tāraḥ॑ / āyu॑ṣai॒vāsmi॒nnāyu॑rdadhāti / śa॒taśa॑tambhavanti / śa॒tāyu॒ puru॑ṣaśśa॒tendri॑yaḥ / āyu॑ṣye॒vendri॒ye prati॑tiṣṭhati / ca॒tu॒śśa॒tā bha॑vanti / cata॑sro॒ diśaḥ॑ / di॒kṣve॑va prati॑ tiṣṭhati

3.8.6.0
a॒bhiji॑tyai vaiśvāna॒rassa॑vi॒tra e॒vainaṃ॑ juhoti vā॒yava॑ e॒vainaṃ॑ juhoti cyavate॒ ṣaṭ ca॑

3.8.6.1
yathā॒ vai ha॒viṣo॑ gṛhī॒tasya॒ skanda॑ti / e॒vavvām̐ e॒tadaśva॑sya skandati / yanni॒ktamanā॑labdhamutsṛ॒janti॑ / yatstokyā॑ a॒nvāha॑ / sa॒rva॒huta॑me॒vaina॑ṅkaro॒tyaska॑ndāya / aska॑nna॒॒ hi tat / yaddhu॒tasya॒ skanda॑ti / sa॒hasra॒manvā॑ha / sa॒hasra॑sammitassuva॒rgo lo॒kaḥ / su॒va॒rgasya॑ lo॒kasyā॒bhiji॑tyai

3.8.6.2
yatpari॑mitā anubrū॒yāt / pari॑mita॒mava॑ rundhīta / apa॑rimitā॒ anvā॑ha / apa॑rimitassuva॒rgo lo॒kaḥ / su॒va॒rgasya॑ lo॒kasya॒ sama॑ṣṭyai / stokyā॑ juhoti / yā e॒va varṣyā॒ āpaḥ॑ / tā ava॑ rundhe / a॒syāñju॑hoti / i॒yavvām̐ a॒gnirvaiśvāna॒raḥ

3.8.6.3
a॒syāme॒vainā॒ prati॑ṣṭhāpayati / u॒vāca॑ ha pra॒jāpa॑tiḥ / stokyā॑su॒ vā a॒hama॑śvame॒dha sasthā॑payāmi / tena॒ tata॒ssasthi॑tena carā॒mīti॑ / a॒gnaye॒ svāhetyā॑ha / a॒gnaya॑ e॒vaina॑ñjuhoti / somā॑ya॒ svāhetyā॑ha / somā॑yai॒vaina॑ñjuhoti / sa॒vi॒tre svāhetyā॑ha / sa॒vi॒tra e॒vaina॑ñjuhoti

3.8.6.4
sara॑svatyai॒ svāhetyā॑ha / sara॑svatyā e॒vaina॑ñjuhoti / pū॒ṣṇe svāhetyā॑ha / pū॒ṣṇa e॒vaina॑ñjuhoti / bṛha॒spata॑ye॒ svāhetyā॑ha / bṛha॒spata॑ya e॒vaina॑ñjuhoti / a॒pāmmodā॑ya॒ svāhetyā॑ha / a॒dbhya e॒vaina॑ñjuhoti / vā॒yave॒ svāhetyā॑ha / vā॒yava॑ e॒vainaṃ॑ juhoti

3.8.6.5
mi॒trāya॒ svāhetyā॑ha / mi॒trāyai॒vainaṃ॑ juhoti / varu॑ṇāya॒ svāhetyā॑ha / varu॑ṇāyai॒vainaṃ॑ juhoti / e॒tābhya॑ e॒vaina॑nde॒vatābhyo juhoti / daśa॑daśa saṃ॒pādaṃ॑ juhoti / daśākṣarā vi॒rāṭ / anna॑vvim॒̐rāṭ / vi॒rājai॒vānnādya॒mava॑ rundhe / pra vā e॒ṣo'smāllo॒kāccya॑vate / ya parā॑cī॒rāhu॑tīrju॒hoti॑ / punaḥ॑punarabhyā॒vartaṃ॑ juhoti / a॒sminne॒va lo॒ke prati॑tiṣṭhati / e॒tā ha vāva so'śvame॒dhasya॒ sasthi॑timuvā॒cāska॑ndāya / aska॑nna॒ hi tat / yadya॒jñasya॒ sasthi॑tasya॒ skanda॑ti

3.8.7.0
sā॒ra॒sā॒rita॒mo'pa॑citatama prājāpa॒tyo'śva॒ pañca॑ ca

3.8.7.1
pra॒jāpa॑taye tvā॒ juṣṭaṃ॒ prokṣā॒mīti॑ pu॒rastātpra॒tyaṅtiṣṭha॒nprokṣa॑ti / pra॒jāpa॑ti॒rvai de॒vānā॑mannā॒do vī॒ryā॑vān / a॒nnādya॑me॒vāsmi॑nvī॒rya॑ndadhāti / tasmā॒daśva॑ paśū॒nāma॑nnā॒do vī॒ryā॑vattamaḥ / i॒ndrā॒gnibhyā॒ntveti॑ dakṣiṇa॒taḥ / i॒ndrā॒gnī vai de॒vānā॒moji॑ṣṭhau॒ bali॑ṣṭhau / oja॑ e॒vāsmi॒nbala॑ndadhāti / tasmā॒daśva॑ paśū॒nāmoji॑ṣṭho॒ bali॑ṣṭhaḥ / vā॒yave॒ tveti॑ pa॒ścāt / vā॒yurvai de॒vānā॑mā॒śussā॑rasā॒rita॑maḥ

3.8.7.2
ja॒vame॒vāsmi॑ndadhāti / tasmā॒daśva॑ paśū॒nāmā॒śussā॑rasā॒rita॑maḥ / viśvebhyastvā de॒vebhya॒ ityu॑ttara॒taḥ / viśve॒ vai de॒vā de॒vānāyyam̐śa॒svita॑māḥ / yaśa॑ e॒vāsmi॑ndadhāti / tasmā॒daśva॑ paśū॒nāyyam̐॑śa॒svita॑maḥ / de॒vebhya॒stvetya॒dhastāt / de॒vā vai de॒vānā॒mapa॑citatamāḥ / apa॑citime॒vāsmi॑ndadhāti / tasmā॒daśva॑ paśū॒nāmapa॑citatamaḥ

3.8.7.3
sarvebhyastvā de॒vebhya॒ ityu॒pari॑ṣṭāt / sarve॒ vai de॒vāstviṣi॑manto hara॒svinaḥ॑ / tviṣi॑me॒vāsmi॒n॒ haro॑ dadhāti / tasmā॒daśva॑ paśū॒nāntviṣi॑mān‌hara॒svita॑maḥ / di॒ve tvā॒'ntari॑kṣāya tvā pṛthi॒vyai tvetyā॑ha / e॒bhya e॒vaina॑llom॒̐kebhya॒ prokṣa॑ti / sa॒te tvā'sa॑te tvā॒'dbhyastvauṣa॑dhībhyastvā॒ viśvebhyastvā bhū॒tebhya॒ ityā॑ha / tasmā॑daśvamedhayā॒jina॒॒ sarvā॑ṇi bhū॒tānyupa॑jīvanti / bra॒hma॒vā॒dino॑ vadanti / yatprā॑jāpa॒tyo'śvaḥ॑ / atha॒ kasmā॑denama॒nyābhyo॑ de॒vatā॒bhyo'pi॒ prokṣa॒tīti॑ / aśve॒ vai sarvā॑ de॒vatā॑ a॒nvāya॑ttāḥ / tayyam̐dviśvebhyastvā bhū॒tebhya॒ iti॑ pro॒kṣati॑ / de॒vatā॑ e॒vāsmi॑nna॒nvā yā॑tayati / tasmā॒daśve॒ sarvā॑ de॒vatā॑ a॒nvāya॑ttāḥ

3.8.8.0
a॒rdha॒ya॒ti॒ ja॒na॒ya॒ti॒ khalvā॑hu॒rjaga॑tī॒ trīṇi॑ ca

3.8.8.1
yathā॒ vai ha॒viṣo॑ gṛhī॒tasya॒ skanda॑ti / e॒vavvām̐ e॒tadaśva॑sya skandati / yatprokṣi॑ta॒manā॑labdhamutsṛ॒janti॑ / yada॑śvacari॒tāni॑ ju॒hoti॑ / sa॒rva॒huta॑me॒vaina॑ṅkaro॒tyaska॑ndāya / aska॑nna॒॒ hi tat / yaddhu॒tasya॒ skanda॑ti / ī॒ṅkā॒rāya॒ svāheṅkṛ॑tāya॒ svāhetyā॑ha / e॒tāni॒ vā a॑śvacari॒tāni॑ / ca॒ri॒taire॒vaina॒॒ sama॑rdhayati

3.8.8.2
tadā॑huḥ / anā॑hutayo॒ vā a॑śvacari॒tāni॑ / naitā ho॑ta॒vyā॑ iti॑ / atho॒ khalvā॑huḥ / ho॒ta॒vyā॑ e॒va / atra॒ vāvaivavvim॒̐dvāna॑śvame॒dha sasthā॑payati / yada॑śvacari॒tāni॑ ju॒hoti॑ / tasmāddhota॒vyā॑ iti॑ / ba॒hi॒rdhā vā e॑name॒tadā॒yata॑nāddadhāti / bhrātṛ॑vyamasmai janayati

3.8.8.3
yasyā॑nāyata॒ne'nyatrā॒gnerāhu॑tīrju॒hoti॑ / sā॒vi॒tri॒yā iṣṭyā pu॒rastātsviṣṭa॒kṛtaḥ॑ / ā॒ha॒va॒nīye'śvacari॒tāni॑ juhoti / ā॒yata॑na e॒vāsyāhu॑tīrjuhoti / nāsmai॒ bhrātṛ॑vyañjanayati / tadā॑huḥ / ya॒jña॒mu॒kheya॑jñamukhe hota॒vyāḥ / ya॒jñasya॒ kḷptyai / su॒va॒rgasya॑ lo॒kasyānu॑khyātyā॒ iti॑ / atho॒ khalvā॑huḥ

3.8.8.4
yadya॑jñamu॒kheya॑jñamukhe juhu॒yāt / pa॒śubhi॒ryaja॑māna॒vvyam̐॑rdhayet / ava॑ suva॒rgāllo॒kātpa॑dyeta / pāpī॑yāntsyā॒diti॑ / sa॒kṛde॒va ho॑ta॒vyāḥ / na yaja॑mānaṃ pa॒śubhi॒rvya॑rdhayati / a॒bhi su॑va॒rgallom॒̐kañja॑yati / na pāpī॑yānbhavati / a॒ṣṭāca॑tvāriśatamaśvarū॒pāṇi॑ juhoti / a॒ṣṭāca॑tvāriśadakṣarā॒ jaga॑tī / jāga॒to'śva॑ prājāpa॒tyassamṛ॑ddhyai / e॒kamati॑riktañjuhoti / tasmā॒deka॑ pra॒jāsvardhu॑kaḥ

3.8.9.0
ga॒ccha॒ti॒ bha॒va॒taḥ॒ pa॒tsu ju॑hoti॒ na gaccha॑nti॒ nava॑ ca

3.8.9.1
vi॒bhūrmā॒trā pra॒bhū pi॒tretyā॑ha / i॒yavvaim̐ mā॒tā / a॒sau pi॒tā / ā॒bhyāme॒vainaṃ॒ pari॑dadāti / aśvo॑'si॒ hayo॒'sītyā॑ha / śāstye॒vaina॑me॒tat / tasmācchi॒ṣṭā pra॒jā jā॑yante / atyo॒'sītyā॑ha / tasmā॒daśva॒ssarvānpa॒śūnatye॑ti / tasmā॒daśva॒ssarve॑ṣāṃ paśū॒nā śraiṣṭhya॑ṅgacchati

3.8.9.2
pra yaśa॒śśraiṣṭhya॑māpnoti / ya e॒vavvem̐da॑ / naro॒'syarvā॑'si॒ sapti॑rasi vā॒jya॑sītyā॑ha / rū॒pame॒vāsyai॒tanma॑hi॒māna॒vvyām̐ca॑ṣṭe / yayu॒rnāmā॒'sītyā॑ha / e॒tadvā aśva॑sya pri॒yannā॑ma॒dheyam / pri॒yeṇai॒vaina॑nnāma॒dheye॑nā॒bhi va॑dati / tasmā॒dapyā॑mi॒trau sa॒ṅgatya॑ / nāmnā॒ ceddhvaye॑te / mi॒trame॒va bha॑vataḥ

3.8.9.3
ā॒di॒tyānāṃ॒ patvā'nvi॒hītyā॑ha / ā॒di॒tyāne॒vaina॑ṅgamayati / a॒gnaye॒ svāhā॒ svāhendrā॒gnibhyā॒miti॑ pūrvaho॒māñju॑hoti / pūrva॑ e॒va dvi॒ṣanta॒mbhrātṛ॑vya॒mati॑ krāmati / bhūra॑si bhu॒ve tvā॒ bhavyā॑ya tvā bhaviṣya॒te tvetyutsṛ॑jati sarva॒tvāya॑ / devā॑ āśāpālā e॒tande॒vebhyo'śva॒mmedhā॑ya॒ prokṣi॑taṅgopāya॒tetyā॑ha / śa॒tavvaim̐ talpyā॑ rājapu॒trā de॒vā ā॑śāpā॒lāḥ / tebhya॑ e॒vainaṃ॒ pari॑ dadāti / ī॒śva॒ro vā aśva॒ pramu॑kta॒ parāṃ parā॒vata॒ṅgantoḥ / i॒ha dhṛti॒ssvāhe॒ha vidhṛ॑ti॒ssvāhe॒ha ranti॒ssvāhe॒ha rama॑ti॒ssvāheti॑ catṛ॒ṣu pa॒tsu ju॑hoti

3.8.9.4
e॒tā vā aśva॑sya॒ bandha॑nam / tābhi॑re॒vaina॑mbadhnāti / tasmā॒daśva॒ pramu॑kto॒ bandha॑na॒mā ga॑cchati / tasmā॒daśva॒ pramu॑kto॒ bandha॑na॒nna ja॑hāti / rā॒ṣṭravvām̐ a॑śvame॒dhaḥ / rā॒ṣṭre khalu॒ vā e॒te vyāya॑cchante / ye'śva॒mmedhya॒॒ rakṣa॑nti / teṣā॒yyam̐ u॒dṛca॒ṅgaccha॑nti / rā॒ṣṭrāde॒va te rā॒ṣṭraṅga॑cchanti / atha॒ ya u॒dṛca॒nna gaccha॑nti

3.8.9.5
rā॒ṣṭrāde॒va te vyava॑cchidyante / parā॒ vā e॒ṣa si॑cyate / yo॑'ba॒lo'śvame॒dhena॒ yaja॑te / yada॒mitrā॒ aśva॑vvim॒̐nderann॑ / ha॒nyetāsya ya॒jñaḥ / ca॒tu॒śśa॒tā ra॑kṣanti / ya॒jñasyāghā॑tāya / athā॒nyamā॒nīya॒ prokṣe॑yuḥ / saiva tataḥ॒ prāya॑ścittiḥ

3.8.10.0
ru॒ndhe॒ prā॒ṇāndī॒kṣāmava॑ rundha ucyate krāmanti tiṣṭhati

3.8.10.1
pra॒jāpa॑tirakāmayatāśvame॒dhena॑ yaje॒yeti॑ / sa tapo॑'tapyata / tasya॑ tepā॒nasya॑ / sa॒ptātmano॑ de॒vatā॒ uda॑krāmann / sā dī॒kṣā'bha॑vat / sa e॒tāni॑ vaiśvade॒vānya॑paśyat / tānya॑juhot / tairvai sa dī॒kṣāmavā॑rundha / yadvaiśvade॒vāni॑ ju॒hoti॑ / dī॒kṣāme॒va tairyaja॑mā॒no'va॑ rundhe

3.8.10.2
sa॒pta ju॑hoti / sa॒pta hi tā de॒vatā॑ u॒dakrā॑mann / a॒nva॒hañju॑hoti / a॒nva॒hame॒va dī॒kṣāmava॑ rundhe / trīṇi॑ vaiśvade॒vāni॑ juhoti / ca॒tvāryaudgraha॒ṇāni॑ / sa॒pta saṃpa॑dyante / sa॒pta vai śī॑r‌ṣa॒ṇyā prā॒ṇāḥ / prā॒ṇā dī॒kṣā / prā॒ṇaire॒va prā॒ṇāndī॒kṣāmava॑ rundhe

3.8.10.3
eka॑viśativvaim̐śvade॒vāni॑ juhoti / eka॑viśati॒rvai de॑valo॒kāḥ / dvāda॑śa॒ māsā॒ pañca॒rtavaḥ॑ / traya॑ i॒me lo॒kāḥ / a॒sāvā॑di॒tya e॑kavi॒॒śaḥ / e॒ṣa su॑va॒rgo lo॒kaḥ / taddaivyaṃ॑ kṣa॒tram / sā śrīḥ / tadbra॒dhnasya॑ vi॒ṣṭapam / tatsvārājyamucyate

3.8.10.4
tri॒॒śata॑maudgraha॒ṇāni॑ juhoti / tri॒॒śada॑kṣarā vi॒rāṭ / annaṃ॑ vi॒rāṭ / vi॒rājai॒vānnādya॒mava॑ rundhe / tre॒dhā vi॒bhajya॑ de॒vatāṃ juhoti / tryā॑vṛto॒ vai de॒vāḥ / tryā॑vṛta i॒me lo॒kāḥ / e॒ṣāṃ lo॒kānā॒māptyai / e॒ṣāṃ lo॒kānāṃ॒ kḷptyai / apa॒ vā e॒tasmātprā॒ṇā krā॑manti

3.8.10.5
yo dī॒kṣāma॑tire॒caya॑ti / sa॒ptā॒haṃ praca॑ranti / sa॒pta vai śī॑ऱṣa॒ṇyā prā॒ṇāḥ / prā॒ṇā dī॒kṣā / prā॒ṇaire॒va prā॒ṇāndī॒kṣāmava॑ rundhe / pū॒rṇā॒hu॒timu॑tta॒māṃ ju॑hoti / sarvaṃ॒ vai pūrṇāhu॒tiḥ / sarva॑me॒vāpno॑ti / atho॑ i॒yaṃ vai pūrṇāhu॒tiḥ / a॒syāme॒va prati॑ tiṣṭhati

3.8.11.0
ya॒ccha॒te॒ pu॒ru॒rūpā॑ya॒ svāhetyā॑hā॒ṣṭau ca॑

3.8.11.1
pra॒jāpa॑tiraśvame॒dhama॑sṛjata / ta sṛ॒ṣṭaṃ na kiñca॒noda॑yacchat / taṃ vaiśvade॒vānye॒voda॑yacchann / yadvaiśvade॒vāni॑ ju॒hoti॑ / ya॒jñasyodya॑tyai / svāhā॒''dhimādhī॑tāya॒ svāhā / svāhā'dhī॑taṃ॒ mana॑se॒ svāhā / svāhā॒ mana॑ pra॒jāpa॑taye॒ svāhā / kāya॒ svāhā॒ kasmai॒ svāhā॑ kata॒masmai॒ svāheti॑ prājāpa॒tye mukhye॑ bhavataḥ / pra॒jāpa॑timukhābhire॒vainaṃ॑ de॒vatā॑bhi॒rudya॑cchate

3.8.11.2
adi॑tyai॒ svāhā'di॑tyai ma॒hyai svāhā'di॑tyai sumṛḍī॒kāyai॒ svāhetyā॑ha / i॒yaṃ vā adi॑tiḥ / a॒syā e॒vainaṃ॑ prati॒ṣṭhāyodya॑cchate / sara॑svatyai॒ svāhā॒ sara॑svatyai bṛha॒tyai svāhā॒ sara॑svatyai pāva॒kāyai॒ svāhetyā॑ha / vāgvai sara॑svatī / vā॒caivaina॒mudya॑cchate / pū॒ṣṇe svāhā॑ pū॒ṣṇe pra॑pa॒thyā॑ya॒ svāhā॑ pū॒ṣṇe na॒randhi॑ṣāya॒ svāhetyā॑ha / pa॒śavo॒ vai pū॒ṣā / pa॒śubhi॑re॒vaina॒mudya॑cchate / tvaṣṭre॒ svāhā॒ tvaṣṭre॑ tu॒rīpā॑ya॒ svāhā॒ tvaṣṭre॑ puru॒rūpā॑ya॒ svāhetyā॑ha / tvaṣṭā॒ vai pa॑śū॒nāṃ mi॑thu॒nānā॑ rūpa॒kṛt / rū॒pame॒va pa॒śuṣu॑ dadhāti / atho॑ rū॒paire॒vaina॒mudya॑cchate / viṣṇa॑ve॒ svāhā॒ viṣṇa॑ve nikhurya॒pāya॒ svāhā॒ viṣṇa॑ve nibhūya॒pāya॒ svāhetyā॑ha / ya॒jño vai viṣṇuḥ॑ / ya॒jñāyai॒vaina॒mudya॑cchate / pū॒rṇā॒hu॒timu॑tta॒māṃ ju॑hoti / pratyutta॑bdhyai saya॒tvāya॑

3.8.12.0
tri॒ṣṭubha॒śchanda॒so'dhi॒ nirmi॑mīte juhoti॒ nava॑ ca

3.8.12.1
sā॒vi॒trama॒ṣṭāka॑pālaṃ prā॒tarnirva॑pati / a॒ṣṭākṣa॑rā gāya॒trī / gā॒ya॒traṃ prā॑tassava॒nam / prā॒ta॒ssa॒va॒nāde॒vainaṃ॑ gāyatri॒yāśchanda॒so'dhi॒ nirmi॑mīte / atho prātassava॒name॒va tenāpnoti / gā॒ya॒trīṃ chandaḥ॑ / sa॒vi॒tre pra॑savi॒tra ekā॑daśakapālaṃ ma॒dhyandi॑ne / ekā॑daśākṣarā tri॒ṣṭup / traiṣṭu॑bhaṃ॒ mādhya॑ndina॒॒ sava॑nam / mādhya॑ndināde॒vaina॒॒ sava॑nāttri॒ṣṭubha॒śchanda॒so'dhi॒ nirmi॑mīte

3.8.12.2
atho॒ mādhya॑ndiname॒va sava॑naṃ॒ tenāpnoti / tri॒ṣṭubhaṃ॒ chandaḥ॑ / sa॒vi॒tra ā॑savi॒tre dvāda॑śakapālamaparā॒hṇe / dvāda॑śākṣarā॒ jaga॑tī / jāga॑taṃ tṛtīyasava॒nam / tṛ॒tī॒ya॒sa॒va॒nāde॒vainaṃ॒ jaga॑tyā॒śchanda॒so'dhi॒ nirmi॑mīte / atho॑ tṛtīyasava॒name॒va tenāpnoti / jaga॑tīṃ॒ chandaḥ॑ / ī॒śva॒ro vā aśva॒ pramu॑kta॒ parāṃ parā॒vataṃ॒ gantoḥ / i॒ha dhṛti॒ssvāhe॒ha vidhṛ॑ti॒ssvāhe॒ha ranti॒ssvāhe॒ha rama॑ti॒ssvāheti॒ cata॑sra॒ āhu॑tīrjuhoti

3.8.12.3
cata॑sro॒ diśaḥ॑ / di॒gbhire॒vainaṃ॒ pari॑gṛhṇāti / āśva॑ttho vra॒jo bha॑vati / pra॒jāpa॑tirde॒vebhyo॒ nilā॑yata / aśvo॑ rū॒paṃ kṛ॒tvā / so'śva॒tthe saṃ॑vatsa॒rama॑tiṣṭhat / tada॑śva॒tthasyāśvattha॒tvam / yadāśva॑ttho vra॒jo bhava॑ti / sva e॒vainaṃ॒ yonau॒ prati॑ṣṭhāpayati

3.8.13.0
a॒na॒ḍvānityā॑ha jāyate var‌ṣati sa॒pta ca॑

3.8.13.1
ā brahma॑nbrāhma॒ṇo bra॑hmavarca॒sī jā॑yatā॒mityā॑ha / brā॒hma॒ṇa e॒va bra॑hmavarca॒saṃ da॑dhāti / tasmātpu॒rā brāhma॒ṇo bra॑hmavarca॒sya॑jāyata / ā'sminrā॒ṣṭre rā॑ja॒nya॑ iṣa॒vya॑śśūro॑ mahāra॒tho jā॑yatā॒mityā॑ha / rā॒ja॒nya॑ e॒va śau॒ryaṃ ma॑hi॒mānaṃ॑ dadhāti / tasmātpu॒rā rā॑ja॒nya॑ iṣa॒vya॑śśūro॑ mahāra॒tho॑'jāyata / dogdhrī॑ dhe॒nurityā॑ha / dhe॒nvāme॒va payo॑ dadhāti / tasmātpu॒rā dogdhrī॑ dhe॒nura॑jāyata / voḍhā॑'na॒ḍvānityā॑ha

3.8.13.2
a॒na॒ḍuhye॒va vī॒ryaṃ॑ dadhāti / tasmātpu॒rā voḍhā॑'na॒ḍvāna॑jāyata / ā॒śussapti॒rityā॑ha / aśva॑ e॒va ja॒vaṃ da॑dhāti / tasmātpu॒rā''śuraśvo॑'jāyata / pura॑ndhi॒ryoṣetyā॑ha / yo॒ṣitye॒va rū॒paṃ da॑dhāti / tasmā॒tstrī yu॑va॒ti pri॒yā bhāvu॑kā / ji॒ṣṇū ra॑the॒ṣṭhā ityā॑ha / ā ha॒ vai tatra॑ ji॒ṣṇū ra॑the॒ṣṭhā jā॑yate

3.8.13.3
yatrai॒tena॑ ya॒jñena॒ yaja॑nte / sa॒bheyo॒ yuvetyā॑ha / yo vai pūrvavaya॒sī / sa sa॒bheyo॒ yuvā / tasmā॒dyuvā॒ pumānpri॒yo bhāvu॑kaḥ / ā'sya yaja॑mānasya vī॒ro jā॑yatā॒mityā॑ha / ā ha॒ vai tatra॒ yaja॑mānasya vī॒ro jā॑yate / yatrai॒tena॑ ya॒jñena॒ yaja॑nte / ni॒kā॒meni॑kāme na pa॒rjanyo॑ vaऱṣa॒tvityā॑ha / ni॒kā॒meni॑kāme ha॒ vai tatra॑ pa॒rjanyo॑ vaऱṣati / yatrai॒tena॑ ya॒jñena॒ yaja॑nte / pha॒linyo॑ na॒ oṣa॑dhaya pacyantā॒mityā॑ha / pha॒linyo॑ ha॒ vai tatrauṣa॑dhaya pacyante / yatrai॒tena॑ ya॒jñena॒ yaja॑nte / yo॒ga॒kṣe॒mo na॑ kalpatā॒mityā॑ha / kalpa॑te ha॒ vai tatra॑ pra॒jābhyo॑ yogakṣe॒maḥ / yatrai॒tena॑ ya॒jñena॒ yaja॑nte

3.8.14.0
ju॒hoti॒ madhu॑nā ju॒hoti॒ pṛthu॑kairju॒hoti॑ ka॒rambairju॒hoti॒ saktu॑bhirju॒hoti॑ priyaṅgutaṇḍu॒lairju॒hoti॑ ca॒tvāri॑ ca

(a॒nnaho॒mānājye॑nā॒gnermadhu॑nā taṇaण़ḍu॒lai pṛthu॑kairlā॒jai ka॒rambairdhā॒nābhi॒ssaktu॑bhirma॒sūsyai priyaṅgutaṇḍu॒lairda॒śānnā॑ni॒ dvāda॑śa / )
3.8.14.1
pra॒jāpa॑tirde॒vebhyo॑ ya॒jñānvyādi॑śat / sa ā॒tmanna॑śvame॒dhama॑dhatta / taṃ de॒vā a॑bruvann / e॒ṣa vāva ya॒jñaḥ / yada॑śvame॒dhaḥ / apye॒va notrā॒stviti॑ / tebhya॑ e॒tāna॑nnaho॒mānprāya॑cchat / tāna॑juhot / tairvai sa de॒vāna॑prīṇāt / yada॑nnaho॒māñju॒hoti॑

3.8.14.2
de॒vāne॒va tairyaja॑māna prīṇāti / ājye॑na juhoti / a॒gnervā e॒tadrū॒pam / yadājyam / yadājye॑na ju॒hoti॑ / a॒gnime॒va tatprī॑ṇāti / madhu॑nā juhoti / ma॒ha॒tyai vā e॒tadde॒vatā॑yai rū॒pam / yanmadhu॑ / yanmadhu॑nā ju॒hoti॑

3.8.14.3
ma॒ha॒tīme॒va tadde॒vatāṃ prīṇāti / ta॒ṇḍu॒lairju॑hoti / vasū॑nāṃ॒ vā e॒tadrū॒pam / yatta॑ṇḍu॒lāḥ / yatta॑ṇḍu॒lairju॒hoti॑ / vasū॑ne॒va tatprī॑ṇāti / pṛthu॑kairjuhoti / ru॒drāṇāṃ॒ vā e॒tadrū॒pam / yatpṛthu॑kāḥ / yatpṛthu॑kairju॒hoti॑ /

3.8.14.4
ru॒drāne॒va tatprī॑ṇāti / lā॒jairju॑hoti / ā॒di॒tyānāṃ॒ vā e॒tadrū॒pam / yallā॒jāḥ / yallā॒jairju॒hoti॑ / ā॒di॒tyāne॒va tatprī॑ṇāti / ka॒rambairjuhoti / viśve॑ṣāṃ॒ vā e॒tadde॒vānā॑ rū॒pam / yatka॒rambāḥ / yatka॒rambairju॒hoti॑

3.8.14.5
viśvā॑ne॒va tadde॒vānprī॑ṇāti / dhā॒nābhi॑rjuhoti / nakṣa॑ttrāṇāṃ॒ vā e॒tadrū॒pam / yaddhā॒nāḥ / yaddhā॒nābhi॑rju॒hoti॑ / nakṣa॑ttrāṇye॒va tatprī॑ṇāti / saktu॑bhirjuhoti / pra॒jāpa॑te॒rvā e॒tadrū॒pam / yatsakta॑vaḥ / yatsaktu॑bhirju॒hoti॑

3.8.14.6
pra॒jā॑patime॒va tatprī॑ṇāti / ma॒sūsyairjuhoti / sarvā॑sāṃ॒ vā e॒tadde॒vatā॑nā rū॒pam / yanma॒sūsyā॑ni / yanma॒sūsyairju॒hoti॑ / sarvā॑ e॒va tadde॒vatā prīṇāti / pri॒ya॒ṅgu॒ta॒ṇḍu॒lairju॑hoti / pri॒yāṅgā॑ ha॒ vai nāmai॒te / e॒tairvai de॒vā aśva॒syāṅgā॑ni॒ sama॑dadhuḥ / yatpri॑yaṅgutaṇḍu॒lairju॒hoti॑ / aśva॑syai॒vāṅgā॑ni॒ saṃda॑dhāti / daśānnā॑ni juhoti / daśākṣarā vi॒rāṭ / vi॒rāṭkṛ॒tsnasyā॒nnādya॒syāva॑rudhyai

3.8.15.0
e॒va ya॒jñādrakṣā॒॒syapa॑hantyanta॒to ju॑hoti śa॒tāya॒ svāhetyā॑ha sa॒pta ca॑

3.8.15.1
pra॒jāpa॑tiraśvame॒dhama॑sṛjata / ta sṛ॒ṣṭa rakṣā॑syajighāsann / sa e॒tānpra॒jāpa॑tirna॒kta ho॒māna॑paśyat / tāna॑juhot / tairvai sa ya॒jñādrakṣā॒॒syapā॑hann / yanna॑kta ho॒māñju॒hoti॑ / ya॒jñāde॒va tairyaja॑māno॒ rakṣā॒॒syapa॑ hanti / ājye॑na juhoti / vajro॒ vā ājyam / vajre॑ṇai॒va ya॒jñādrakṣā॒॒syapa॑ hanti

3.8.15.2
ājya॑sya prati॒padaṃ॑ karoti / prā॒ṇo vā ājyam / mu॒kha॒ta e॒vāsya॑ prā॒ṇaṃ da॑dhāti / a॒nna॒ho॒māñju॑hoti / śarī॑ravade॒vāva॑ rundhe / vya॒tyāsaṃ॑ juhoti / u॒bhaya॒syāva॑rudhyai / naktaṃ॑ juhoti / rakṣa॑sā॒mapa॑hatyai / ājye॑nānta॒to ju॑hoti

3.8.15.3
prā॒ṇo vā ājyam / u॒bha॒yata॑ e॒vāsya॑ prā॒ṇaṃ da॑dhāti / pu॒rastācco॒pari॑ṣṭācca / eka॑smai॒ svāhetyā॑ha / a॒sminne॒va lo॒ke prati॑tiṣṭhati / dvābhyā॒॒ svāhetyā॑ha / a॒muṣmi॑nne॒va lo॒ke prati॑ tiṣṭhati / u॒bhayo॑re॒va lo॒kayo॒ prati॑ tiṣṭhati / a॒smiścā॒muṣmi॑śca / śa॒tāya॒ svāhetyā॑ha / śa॒tāyu॒rvai puru॑ṣaśśa॒tavīryaḥ / āyu॑re॒va vī॒rya॑mava॑ rundhe / sa॒hasrā॑ya॒ svāhetyā॑ha / āyu॒rvai sa॒hasram / āyu॑re॒vāva॑ rundhe / sarva॑smai॒ svāhetyā॑ha / apa॑rimitame॒vāva॑ rundhe

3.8.16.0
e॒ko॒tta॒raṃ ju॑hoti pra॒yutā॑ya॒ svāhetyā॑ha samu॒drāya॒ svāhetyā॒hāha॒rvyu॑ṣṭissa॒pta ca॑

3.8.16.1
pra॒jāpa॑tiṃ॒ vā e॒ṣa īphsa॒tītyā॑huḥ / yo'śvame॒dhena॒ yaja॑ta॒ iti॑ / atho॑ āhuḥ / sarvā॑ṇi bhū॒tānīti॑ / eka॑smai॒ svāhetyā॑ha / pra॒jāpa॑ti॒rvā ekaḥ॑ / tame॒vāpno॑ti / eka॑smai॒ svāhā॒ dvābhyā॒॒ svāhetya॑bhipū॒rvamāhu॑tīrjuhoti / a॒bhi॒pū॒rvame॒va su॑va॒rgaṃ lo॒kame॑ti / e॒ko॒tta॒raṃ ju॑hoti

3.8.16.2
e॒ka॒vade॒va su॑va॒rgaṃ lo॒kame॑ti / santa॑taṃ juhoti / su॒va॒rgasya॑ lo॒kasya॒ santa॑tyai / śa॒tāya॒ svāhetyā॑ha / śa॒tāyu॒rvai puru॑ṣaśśa॒tavīryaḥ / āyu॑re॒va vī॒rya॑mava॑rundhe / sa॒hasrā॑ya॒ svāhetyā॑ha / āyu॒rvai sa॒hasram / āyu॑re॒vāva॑ rundhe / a॒yutā॑ya॒ svāhā॑ ni॒yutā॑ya॒ svāhā pra॒yutā॑ya॒ svāhetyā॑ha

3.8.16.3
traya॑ i॒me lo॒kāḥ / i॒māne॒va lo॒kānava॑ rundhe / arbu॑dāya॒ svāhetyā॑ha / vāgvā arbu॑dam / vāca॑me॒vāva॑ rundhe / nya॑rbudāya॒ svāhetyā॑ha / yo vai vā॒co bhū॒mā / tannya॑rbudam / vā॒ca e॒va bhū॒māna॒mava॑ rundhe / sa॒mu॒drāya॒ svāhetyā॑ha

3.8.16.4
sa॒mu॒drame॒vāpno॑ti / madhyā॑ya॒ svāhetyā॑ha / madhya॑me॒vāpno॑ti / antā॑ya॒ svāhetyā॑ha / anta॑me॒vāpno॑ti / pa॒rā॒rdhāya॒ svāhetyā॑ha / pa॒rā॒rdhame॒vāpno॑ti / u॒ṣase॒ svāhā॒ vyu॑ṣṭyai॒ svāhetyā॑ha / rātri॒rvā u॒ṣāḥ / aha॒rvyu॑ṣṭiḥ / a॒ho॒rā॒tre e॒vāva॑rundhe / atho॑ ahorā॒trayo॑re॒va prati॑tiṣṭhati / tā yadu॒bhayī॒rdivā॑ vā॒ naktaṃ॑ vā juhu॒yāt / a॒ho॒rā॒tre mo॑hayet / u॒ṣase॒ svāhā॒ vyu॑ṣṭyai॒ svāho॑deṣya॒te svāhodya॒te svāhetyanu॑dite juhoti / udi॑tāya॒ svāhā॑ suva॒rgāya॒ svāhā॑ lo॒kāya॒ svāhetyudi॑te juhoti / a॒ho॒rā॒trayo॒ravya॑timohāya

3.8.17.0
pū॒rva॒dī॒kṣā ju॑hoti॒ pūrva॑ e॒va dvi॒ṣantaṃ॒ bhrātṛ॑vya॒mati॑ krāma॒tyana॑ntarityai krāmati rundhe॒ jāya॑ta॒ ekaṃ॑ ca

3.8.17.1
vi॒bhūrmā॒trā pra॒bhū pi॒tretya॑śvanā॒māni॑ juhoti / u॒bhayo॑re॒vainaṃ॑ lo॒kayornāma॒dheyaṃ॑ gamayati / āya॑nāya॒ svāhā॒ prāya॑ṇāya॒ svāhetyu॑ddrā॒vāñju॑hoti / sarva॑me॒vaina॒maska॑nna suva॒rgaṃ lo॒kaṃ ga॑mayati / a॒gnaye॒ svāhā॒ somā॑ya॒ svāheti॑ pūrvaho॒māñju॑hoti / pūrva॑ e॒va dvi॒ṣantaṃ॒ bhrātṛ॑vya॒mati॑ krāmati / pṛ॒thi॒vyai svāhā॒'ntari॑kṣāya॒ svāhetyā॑ha / ya॒thā॒ya॒jure॒vaitat / a॒gnaye॒ svāhā॒ somā॑ya॒ svāheti॑ pūrvadī॒kṣā ju॑hoti / pūrva॑ e॒va dvi॒ṣantaṃ॒ bhrātṛ॑vya॒mati॑ krāmati

3.8.17.2
pṛ॒thi॒vyai svāhā॒'ntari॑kṣāya॒ svāhetye॑kavi॒॒śinīṃ dī॒kṣāṃ ju॑hoti / eka॑viśati॒rvai de॑valo॒kāḥ / dvāda॑śa॒ māsāḥ॒ pañca॒rtavaḥ॑ / traya॑ i॒me lo॒kāḥ / a॒sāvā॑di॒tya e॑kavi॒॒śaḥ / e॒ṣa su॑va॒rgo lo॒kaḥ / su॒va॒rgasya॑ lo॒kasya॒ sama॑ṣṭyai / bhuvo॑ de॒vānāṃ॒ karma॒ṇetyṛ॑tudī॒kṣā ju॑hoti / ṛ॒tūne॒vāsmai॑ kalpayati / a॒gnaye॒ svāhā॑ vā॒yave॒ svāheti॑ juho॒tyana॑ntarityai

3.8.17.3
a॒rvāṅya॒jñassaṃkrā॑ma॒tvityāptīrjuhoti / su॒va॒rgasya॑ lo॒kasyāptyai / bhū॒taṃ bhavyaṃ॑ bhavi॒ṣyaditi॒ paryāptīrjuhoti / su॒va॒rgasya॑ lo॒kasya॒ paryāptyai / ā me॑ gṛ॒hā bha॑va॒ntvityā॒bhūrju॑hoti / su॒va॒rgasya॑ lo॒kasyābhūtyai / a॒gninā॒ tapo'nva॑bhava॒ditya॑nu॒bhūrju॑hoti / su॒va॒rgasya॑ lo॒kasyānu॑bhūtyai / svāhā॒''dhimādhī॑tāya॒ svāheti॒ sama॑stāni vaiśvade॒vāni॑ juhoti / sama॑stame॒va dvi॒ṣantaṃ॒ bhrātṛ॑vya॒mati॑ krāmati

3.8.17.4
da॒dbhyassvāhā॒ hanūbhyā॒॒ svāhetya॑ṅgaho॒māñju॑hoti / aṅge॑aṅge॒ vai puru॑ṣasya pā॒pmopa॑śliṣṭaḥ / aṅgā॑daṅgāde॒vainaṃ॑ pā॒pmana॒stena॑ muñcati / a॒ñjye॒tāya॒ svāhā॑ kṛ॒ṣṇāya॒ svāhā śve॒tāya॒ svāhetya॑śvarū॒pāṇi॑ juhoti / rū॒paire॒vaina॒॒ sama॑rdhayati / oṣa॑dhībhya॒ssvāhā॒ mūlebhya॒ssvāhetyo॑ṣadhiho॒māñju॑hoti / dva॒yyo vā oṣa॑dhayaḥ / puṣpebhyo॒'nyā phalaṃ॑ gṛ॒hṇanti॑ / mūlebhyo॒'nyāḥ / tā e॒vobhayī॒rava॑ rundhe

3.8.17.5
vana॒spati॑bhya॒ssvāheti॑ vanaspatiho॒māñju॑hoti / ā॒ra॒ṇyasyā॒nnādya॒syāva॑rudhyai / me॒ṣastvā॑ paca॒taira॑va॒tvityapāvyāni juhoti / prā॒ṇā vai de॒vā apāvyāḥ / prā॒ṇāne॒vāva॑ rundhe / kūpyābhya॒ssvāhā॒dbhyassvāhetya॒pā homāñjuhoti / a॒psu vā āpaḥ॑ / annaṃ॒ vā āpaḥ॑ / a॒dbhyo vā annaṃ॑ jāyate / yade॒vādbhyo'nnaṃ॒ jāya॑te / tadava॑ rundhe

3.8.18.0
vai nabhā॑si॒ sūryo॒ jyoti॒ssanta॑tyai॒ sama॑ṣṭyai bhū॒taṃ yaja॑te॒ nava॑ ca

3.8.18.1
ambhā॑si juhoti / a॒yaṃ vai lo॒ko'mbhā॑si / tasya॒ vasa॒vo'dhi॑patayaḥ / a॒gnirjyotiḥ॑ / yadambhā॑si ju॒hoti॑ / i॒mame॒va lo॒kamava॑ rundhe / vasū॑nā॒॒ sāyu॑jyaṃ gacchati / a॒gniṃ jyoti॒rava॑ rundhe / nabhā॑si juhoti / a॒ntari॑kṣaṃ॒ vai nabhā॑si

3.8.18.2
tasya॑ ru॒drā adhi॑patayaḥ / vā॒yurjyotiḥ॑ / yannabhā॑si ju॒hoti॑ / a॒ntari॑kṣame॒vāva॑ rundhe / ru॒drāṇā॒॒ sāyu॑jyaṃ gacchati / vā॒yuṃ jyoti॒rava॑ rundhe / mahā॑si juhoti / a॒sau vai lo॒ko mahā॑si / tasyā॑di॒tyā adhi॑patayaḥ / sūryo॒ jyotiḥ॑

3.8.18.3
yanmahā॑si ju॒hoti॑ / a॒mume॒va lo॒kamava॑ rundhe / ā॒di॒tyānā॒॒ sāyu॑jyaṃ gacchati / sūryaṃ॒ jyoti॒rava॑ rundhe / namo॒ rājñe॒ namo॒ varu॑ṇā॒yeti॑ ya॒vyāni॑ juhoti / a॒nnādya॒syāva॑rudhyai / ma॒yo॒bhūrvāto॑ a॒bhi vā॑tū॒srā iti॑ ga॒vyāni॑ juhoti / pa॒śū॒nāmava॑rudhyai / prā॒ṇāya॒ svāhā vyā॒nāya॒ svāheti॑ saṃtatiho॒māñju॑hoti / su॒va॒rgasya॑ lo॒kasya॒ saṃta॑tyai

3.8.18.4
si॒tāya॒ svāhā'si॑tāya॒ svāheti॒ pramu॑ktīrjuhoti / su॒va॒rgasya॑ lo॒kasya॒ pramu॑ktyai / pṛ॒thi॒vyai svāhā॒'ntari॑kṣāya॒ svāhetyā॑ha / ya॒thā॒ya॒jure॒vaitat / da॒tvate॒ svāhā॑'da॒ntakā॑ya॒ svāheti॑ śarīraho॒māñju॑hoti / pi॒tṛ॒lo॒kame॒va tairyaja॑māno॒'va॑ rundhe / kastvā॑ yunakti॒ sa tvā॑ yuna॒ktviti॑ pari॒dhīn yu॑nakti / i॒me vai lo॒kā pa॑ri॒dhayaḥ॑ / i॒māne॒vāsmai॑ lo॒kān yu॑nakti / su॒va॒rgasya॑ lo॒kasya॒ sama॑ṣṭyai

3.8.18.5
ya prā॑ṇa॒to ya ātma॒dā iti॑ mahi॒mānau॑ juhoti / su॒va॒rgo vai lo॒ko mahaḥ॑ / su॒va॒rgame॒va tābhyāṃ lo॒kaṃ yaja॑mā॒no'va॑ rundhe / ā brahma॑nbrāhma॒ṇo bra॑hmavarca॒sī jā॑yatā॒miti॒ sama॑stāni brahmavarca॒sāni॑ juhoti / bra॒hma॒va॒rcasame॒va tairyaja॑mā॒no'va॑ rundhe / jajñi॒ bīja॒miti॑ juho॒tyana॑ntarityai / a॒gnaye॒ sama॑namatpṛthi॒vyai sama॑nama॒diti॑ sannatiho॒māñju॑hoti / su॒va॒rgasya॑ lo॒kasya॒ sanna॑tyai / bhū॒tāya॒ svāhā॑ bhaviṣya॒te svāheti॑ bhūtābha॒vyau homau॑ juhoti / a॒yaṃ vai lo॒ko bhū॒tam

3.8.18.6
a॒sau bha॑vi॒ṣyat / a॒nayo॑re॒va lo॒kayo॒ prati॑tiṣṭhati / sarva॒syāptyai / sarva॒syāva॑rudhyai / yadakra॑nda pratha॒maṃ jāya॑māna॒ itya॑śvasto॒mīyaṃ॑ juhoti / sarva॒syāptyai / sarva॑sya॒ jityai / sarva॑me॒va tenāpnoti / sarvaṃ॑ jayati / yo'śvame॒dhena॒ yaja॑te

3.8.18.7
ya u॑ cainame॒vaṃ veda॑ / ya॒jña rakṣā॑syajighāsann / sa e॒tānpra॒jāpa॑tirnaktaho॒māna॑paśyat / tāna॑juhot / tairvai sa ya॒jñādrakṣā॒॒syapā॑hann / yanna॑ktaho॒māñju॒hoti॑ / ya॒jñāde॒va tairyaja॑māno॒ rakṣā॒॒syapa॑hanti / u॒ṣase॒ svāhā॒ vyu॑ṣṭyai॒ svāhetya॑nta॒to ju॑hoti / su॒va॒rgasya॑ lo॒kasya॒ sama॑ṣṭyai

3.8.19.0
aśva॑sya॒ vyāvṛ॑ttyai॒ trīṇi॑ ca

3.8.19.1
e॒ka॒yū॒po vai॑kāda॒śinī॑ vā / a॒nyeṣāṃ ya॒jñānāṃ॒ yūpā॑ bhavanti / e॒ka॒vi॒॒śinya॑śvame॒dhasya॑ / su॒va॒rgasya॑ lo॒kasyā॒bhiji॑tyai / bai॒l॒vo vā॑ khādi॒ro vā॑ pālā॒śo vā / a॒nyeṣāṃ yajñakratū॒nāṃ yūpā॑ bhavanti / rājju॑dāla॒ eka॑viśatyaratniraśvame॒dhasya॑ / su॒va॒rgasya॑ lo॒kasya॒ sama॑ṣṭyai / nānyeṣāṃ paśū॒nāṃ te॑ja॒nyā a॑va॒dyanti॑ / ava॑dya॒ntyaśva॑sya

3.8.19.2
pā॒pmā vai te॑ja॒nī / pā॒pmano'pa॑hatyai / pla॒kṣa॒śā॒khāyā॑ma॒nyeṣāṃ paśū॒nāma॑va॒dyanti॑ / ve॒ta॒sa॒śā॒khāyā॒maśva॑sya / a॒psuyo॑ni॒rvā aśvaḥ॑ / a॒psu॒jo ve॑ta॒saḥ / sva e॒vāsya॒ yonā॒vava॑ dyati / yūpe॑ṣu grā॒myānpa॒śūnni॑yu॒ñjanti॑ / ā॒ro॒keṣvā॑ra॒ṇyāndhā॑rayanti / pa॒śū॒nāṃ vyāvṛ॑ttyai / ā grā॒myānpa॒śūllam̐bha॑nte / prāra॒ṇyāntsṛ॑janti / pā॒pmano'pa॑hatyai

3.8.20.0
teja॒so'va॑rudhyai bhava॒ntyaśvo॑ gomṛ॒gami॑lu॒varda॑śca॒tvāri॑ ca

3.8.20.1
rājju॑dālamagni॒ṣṭhaṃ mi॑noti / bhrū॒ṇa॒ha॒tyāyā॒ apa॑hatyai / pautu॑dravāva॒bhito॑ bhavataḥ / puṇya॑sya ga॒ndhasyāva॑rudhyai / bhrū॒ṇa॒ha॒tyāme॒vāsmā॑dapa॒hatya॑ / puṇye॑na ga॒ndheno॑bha॒yataḥ॒ pari॑ gṛhṇāti / ṣaḍbai॒l॒vā bha॑vanti / bra॒hma॒va॒rca॒sasyāva॑rudhyai / ṣaṭkhā॑di॒rāḥ / teja॒so'va॑rudhyai

3.8.20.2
ṣaṭpā॑lā॒śāḥ / so॒ma॒pī॒thasyāva॑rudhyai / eka॑viśati॒ssaṃpa॑dyante / eka॑viśati॒rvai de॑valo॒kāḥ / dvāda॑śa॒ māsāḥ॒ pañca॒rtavaḥ॑ / traya॑ i॒me lo॒kāḥ / a॒sāvā॑di॒tya eka॑vi॒॒śaḥ / e॒ṣa su॑va॒rgo lo॒kaḥ / su॒va॒rgasya॑ lo॒kasya॒ sama॑ṣṭyai / śa॒taṃ pa॒śavo॑ bhavanti

3.8.20.3
śa॒tāyu॒ puru॑ṣaśśa॒tendri॑yaḥ / āyu॑ṣye॒vendri॒ye prati॑ tiṣṭhati / sarvaṃ॒ vā a॑śvame॒dhyāpno॑ti / apa॑rimitā bhavanti / apa॑rimita॒syāva॑rudhyai / bra॒hma॒vā॒dino॑ vadanti / kasmātsa॒tyāt / da॒kṣi॒ṇa॒to'nyeṣāṃ paśū॒nāma॑va॒dyanti॑ / u॒tta॒ra॒to'śva॒syeti॑ / vā॒ruṇo॒ vā aśvaḥ॑

3.8.20.4
e॒ṣā vai varu॑ṇasya॒ dik / svāyā॑me॒vāsya॑ di॒śyava॑dyati / yadita॑reṣāṃ paśū॒nāma॑va॒dyati॑ / śa॒ta॒de॒va॒tyaṃ॑ tenāva॑ rundhe / ci॒te'gnāvadhi॑ vaita॒se kaṭe'śvaṃ॑ cinoti / a॒psuyo॑ni॒rvā aśvaḥ॑ / a॒psu॒jo ve॑ta॒saḥ / sva e॒vainaṃ॒ yonau॒ prati॑ṣṭhāpayati / pu॒rastātpra॒tyañcaṃ॑ tūpa॒raṃ ci॑noti / pa॒ścātprā॒cīnaṃ॑ gomṛ॒gam

3.8.20.5
prā॒ṇā॒pā॒nāve॒vāsmintsa॒myañcau॑ dadhāti / aśvaṃ॑ tūpa॒raṃ go॑mṛ॒gamiti॑ sarva॒huta॑ e॒tāñju॑hoti / e॒ṣāṃ lo॒kānā॑ma॒bhiji॑tyai / ā॒tmanā॒'bhi ju॑hoti / sātmā॑name॒vaina॒॒ sata॑nuṃ karoti / sātmā॒'muṣmi॑llom॒̐ke bha॑vati / ya e॒vaṃ veda॑ / atho॒ vaso॑re॒va dhārāṃ॒ tenāva॑ rundhe / i॒lu॒vardā॑ya॒ svāhā॑ bali॒vardā॑ya॒ svāhetyā॑ha / saṃ॒va॒tsa॒ro vā i॑lu॒vardaḥ॑ / pa॒ri॒va॒tsa॒ro ba॑li॒vardaḥ॑ / saṃ॒va॒tsa॒rāde॒va pa॑rivatsa॒rādāyu॒rava॑ rundhe / āyu॑re॒vāsmi॑ndadhāti / tasmā॑daśvamedhayā॒jī ja॒rasā॑ vi॒srasā॒muṃ lo॒kame॑ti

3.8.21.0
dvā॒da॒śasstoma॒ssa e॒va tacchiro॑ ha॒ rājñāṃ bhavati॒ ṣaṭ ca॑

3.8.21.1
e॒ka॒vi॒śo'gnirbha॑vati / e॒ka॒vi॒॒śasstomaḥ॑ / eka॑viśati॒ryūpāḥ / yathā॒ vā aśvā॑ vaऱṣa॒bhā vā॒ vṛṣā॑ṇassasphu॒rerann॑ / e॒vame॒va tatstomā॒ssasphu॑rante / yade॑kavi॒॒śāḥ / te yatsa॑mṛ॒ccherann॑ / ha॒nyetāsya ya॒jñaḥ / dvā॒da॒śa e॒vāgnissyā॒dityā॑huḥ / dvā॒da॒śasstomaḥ॑

3.8.21.2
ekā॑daśa॒ yūpāḥ / yaddvā॑da॒śo'gnirbhava॑ti / dvāda॑śa॒ māsāssaṃvatsa॒raḥ / saṃ॒va॒tsa॒reṇai॒vāsmā॒ anna॒mava॑ rundhe / yaddaśa॒ yūpā॒ bhava॑nti / daśākṣarā vi॒rāṭ / annaṃ॑ vi॒rāṭ / vi॒rājai॒vānnādya॒mava॑ rundhe / ya e॑kāda॒śaḥ / stana॑ e॒vāsyai॒ saḥ

3.8.21.3
du॒ha e॒vaināṃ॒ tena॑ / tadā॑huḥ / yaddvā॑da॒śo'gnissyāddvāda॒śasstoma॒ ekā॑daśa॒ yūpāḥ / yathā॒ sthūri॑ṇā yā॒yāt / tā॒dṛktat / e॒ka॒vi॒॒śa e॒vāgnissyā॒dityā॑huḥ / e॒ka॒vi॒॒śasstomaḥ॑ / eka॑viśati॒ryūpāḥ / yathā॒ praṣṭi॑bhi॒ryāti॑ / tā॒dṛge॒va tat

3.8.21.4
yo vā a॑śvame॒dhe ti॒sra ka॒kubho॒ veda॑ / ka॒kuddha॒ rājñāṃ bhavati / e॒ka॒vi॒॒śo'gnirbha॑vati / e॒ka॒vi॒॒śasstomaḥ॑ / eka॑viśati॒ryūpāḥ / e॒tā vā a॑śvame॒dhe ti॒sra ka॒kubhaḥ॑ / ya e॒vaṃ veda॑ / ka॒kuddha॒ rājñāṃ bhavati / yo vā aśva॑me॒dhe trīṇi॑ śī॒r॒ṣāṇi॒ veda॑ / śiro॑ ha॒ rājñāṃ bhavati / e॒ka॒vi॒॒śo'gnirbha॑vati / e॒ka॒vi॒॒śasstomaḥ॑ / eka॑viśati॒ryūpāḥ / e॒tāni॒ vā a॑śvame॒dhe trīṇi॑ śī॒r॒ṣāṇi॑ / ya e॒vaṃ veda॑ / śiro॑ ha॒ rājñāṃ bhavati

3.8.22.0
tatsa u॒pāka॑roti ca॒tvāri॑ ca

3.8.22.1
de॒vā vā a॑śvame॒dhe pava॑māne / su॒va॒rgaṃ lo॒kaṃ na prājā॑nann / tamaśva॒ prājā॑nāt / yada॑śvame॒dhe'śve॑na॒ medhye॒noda॑ñco bahiṣpavamā॒na sarpa॑nti / su॒va॒rgasya॑ lo॒kasya॒ prajñātyai / na vai ma॑nu॒ṣya॑ssuva॒rgaṃ lo॒kamañja॑sā veda / aśvo॒ vai su॑va॒rgaṃ lo॒kamañja॑sā veda / yadu॑dgā॒todgāyet / yathā kṣetrajño॒'nyena॑ pa॒thā pra॑tipā॒dayet / tā॒dṛktat

3.8.22.2
u॒dgā॒tāra॑mapa॒rudhya॑ / aśva॑mudgī॒thāya॑ vṛṇīte / yathā kṣetra॒jño'ñja॑sā॒ naya॑ti / e॒vame॒vaina॒maśva॑ssuva॒rgaṃ lo॒kamañja॑sā nayati / puccha॑ma॒nvā ra॑bhante / su॒va॒rgasya॑ lo॒kasya॒ sama॑ṣṭyai / hiṃ ka॑roti / sāmai॒vākaḥ॑ / hiṃ ka॑roti / u॒dgī॒tha e॒vāsya॒ saḥ

3.8.22.3
vaḍa॑bā॒ upa॑ rundhanti / mi॒thu॒na॒tvāya॒ prajātyai / atho॒ yatho॑pagā॒tāra॑ upa॒gāya॑nti / tā॒dṛge॒va tat / uda॑gāsī॒daśvo॒ medhya॒ ityā॑ha / prā॒jā॒pa॒tyo vā aśvaḥ॑ / pra॒jāpa॑tirudgī॒thaḥ / u॒dgī॒thame॒vāva॑ rundhe / atho॑ ṛksā॒mayo॑re॒va prati॑ tiṣṭhati / hira॑ṇyeno॒pāka॑roti / jyoti॒rvai hira॑ṇyam / jyoti॑re॒va mu॑kha॒to da॑dhāti / yaja॑māne ca pra॒jāsu॑ ca / atho॒ hira॑ṇyajyotire॒va yaja॑mānassuva॒rgaṃ lo॒kame॑ti

3.8.23.0
ku॒ru॒te॒ dha॒tte॒ ku॒ru॒te॒ pañca॑ ca

3.8.23.1
puru॑ṣo॒ vai ya॒jñaḥ / ya॒jña pra॒jāpa॑tiḥ / yadaśve॑ pa॒śūnni॑yu॒ñjanti॑ / ya॒jñāde॒va tadya॒jñaṃ prayu॑ṅkte / aśvaṃ॑ tūpa॒raṃ go॑mṛ॒gam / tāna॑gni॒ṣṭha āla॑bhate / se॒nā॒mu॒khame॒va tatsaśya॑ti / tasmādrājamu॒khaṃ bhī॒ṣmaṃ bhāvu॑kam / ā॒gne॒yaṃ kṛ॒ṣṇagrī॑vaṃ pu॒rastālla॒lāṭe / pū॒rvā॒gnime॒va taṃ ku॑rute

3.8.23.2
tasmātpūrvā॒gniṃ pu॒rastātsthāpayanti / pau॒ṣṇama॒nvañcam / annaṃ॒ vai pū॒ṣā / tasmātpūrvā॒gnāvā॑hā॒rya॑mā ha॑ranti / ai॒ndrā॒pau॒ṣṇamu॒pari॑ṣṭāt / ai॒ndro vai rā॑ja॒nyo'nnaṃ॑ pū॒ṣā / a॒nnādye॑nai॒vaina॑mubha॒yata॒ pari॑ gṛhṇāti / tasmādrāja॒nyo'nnā॒do bhāvu॑kaḥ / ā॒gne॒yau kṛ॒ṣṇagrī॑vau bāhu॒voḥ / bā॒hu॒vore॒va vī॒ryaṃ dhatte

3.8.23.3
tasmādrāja॒nyo॑ bāhuba॒lībhāvu॑kaḥ / tvā॒ṣṭrau lo॑maśasa॒kthau sa॒kthyoḥ / sa॒kthyore॒va vī॒ryaṃ॑ dhatte / tasmādrāja॒nya॑ ūruba॒lībhāvu॑kaḥ / śi॒ti॒pṛ॒ṣṭhau bā॑ऱhaspa॒tyau pṛ॒ṣṭhe / bra॒hma॒va॒rca॒same॒vopari॑ṣṭāddhatte / atho॑ ka॒vace॑ e॒vaite a॒bhita॒ paryū॑hate / tasmādrāja॒nya॑ssanna॑ddho vī॒ryaṃ॑ karoti / dhā॒tre pṛ॑ṣoda॒rama॒dhastāt / pra॒ti॒ṣṭhāme॒vaitāṃ ku॑rute / atho॑ i॒yaṃ vai dhā॒tā / a॒syāme॒va prati॑ tiṣṭhati / sau॒ryaṃ ba॒lakṣaṃ॒ pucche / u॒tse॒dhame॒va taṅku॑rute / tammā॑dutse॒dhambha॒ye pra॒jā a॒bhisaśra॑yanti

3.9.0.0
pra॒jāpa॑ti॒stama॑ṣṭādaśibhi॑ pra॒jāpa॑tirakāmayato॒bhāva॒smai yu॒ñjanti॒ teja॒sā'pa॑prāṇā apa॒śrīrū॒rdhvāṃ pra॒jāpa॑ti pre॒ṇā'nu॑ pratha॒mena॑ pra॒jāpa॑tirakāmayata ma॒hānvaiśvade॒vo vā aśvo'śva॑sya pra॒jāpa॑ti॒stayyam̐॑jñakra॒tubhi॒rapa॒śrīrbrāhma॒ṇau sarve॑ṣu vāru॒ṇo yadyaśva॒ntadā॑hure॒ṣa vai vi॒bhūstā॒rpyeṇā॑di॒tyā pra॒jāpa॑tiṃ pi॒tara॒yyom̐ vā aśva॑sya॒ medhya॑sya॒ loma॑nī॒ trayo॑viśatiḥ

pra॒jāpa॑tira॒smim̐llo॒ka u॑ttara॒taśśriya॑me॒va pra॒jāpa॑tirakāmayata ma॒hānyatprā॒ta pra vā e॒ṣa e॒bhyo lo॒kebhya॒ssarva॑ ha॒ vai tatra॒ paya॑ssva॒dya u॑ cainame॒vavvem̐da॑ ca॒tvāryaśī॑tiḥ

pra॒jāpa॑tiraśvame॒dhañju॑hvati // // hariḥ॑ om // kṛṣṇayajurbrāhmaṇe tṛtīyāṣṭake navamaprapāṭhakassamāptaḥ //
3.9.0.0
taittirīyabrāhmaṇe tṛtīyāṣṭake navamaprapāṭhaka prārambhaḥ / hariḥom //
3.9.1.0
ṛ॒tava॑ssyātāmutsṛ॒jetsya॑ta॒strīṇi॑ ca

3.9.1.1
pra॒jāpa॑tiraśvame॒dhama॑sṛjata / so'smātsṛ॒ṣṭo'pākrāmat / tama॑ṣṭāda॒śibhi॒ranu॒ prāyu॑ṅkta / tamāpnot / tamā॒ptvā'ṣṭā॑da॒śibhi॒ravā॑rundha / yada॑ṣṭāda॒śina॑ āla॒bhyante / ya॒jñame॒va tairā॒ptvā yaja॑mā॒no'va॑rundhe / sa॒vvam॒̐tsa॒rasya॒ vā e॒ṣā pra॑ti॒mā / yada॑ṣṭāda॒śinaḥ॑ / dvāda॑śa॒ māsā॒ pañca॒rtavaḥ॑

3.9.1.2
sa॒vvam॒̐tsa॒ro'ṣṭāda॒śaḥ / yada॑ṣṭāda॒śina॑ āla॒bhyante / sa॒vvam॒̐tsa॒rame॒va tairā॒ptvā yaja॑mā॒no'va॑rundhe / a॒gni॒ṣṭhe'nyānpa॒śūnu॑pāka॒roti॑ / ita॑reṣu॒ yūpeṣvaṣṭāda॒śino'jā॑mitvāya / nava॑na॒vāla॑bhyante savīrya॒tvāya॑ / yadā॑ra॒ṇyaissa॑sthā॒payet / vyava॑syetāṃ pitāpu॒trau / vyadhvā॑na krāmeyuḥ / vidū॑ra॒ṅgrāma॑yorgrāmā॒ntau syā॑tām

3.9.1.3
ṛ॒kṣīkā puruṣavyā॒ghrā pa॑rimo॒ṣiṇa॑ āvyā॒dhinī॒staska॑rā॒ ara॑ṇye॒ṣvājā॑yerann / tadā॑huḥ / apa॑śavo॒ vā e॒te / yadā॑ra॒ṇyāḥ / yadā॑ra॒ṇyaissa॑sthā॒payet / kṣi॒pre yaja॑māna॒mara॑ṇyaṃ mṛ॒ta ha॑reyuḥ / ara॑ṇyāyatanā॒ hyā॑ra॒ṇyā pa॒śava॒ iti॑ / yatpa॒śūnnālabhe॑ta / ana॑varuddhā asya pa॒śava॑ssyuḥ / yatparya॑gnikṛtānutsṛ॒jet

3.9.1.4
ya॒jña॒ve॒śa॒saṅku॑ryāt / yatpa॒śūnā॒labha॑te / tenai॒va pa॒śūnava॑rundhe / yatparya॑gnikṛtānutsṛ॒jatyaya॑jñaveśasāya / ava॑ruddhā asya pa॒śavo॒ bhava॑nti / na ya॑jñaveśa॒sambha॑vati / na yaja॑māna॒mara॑ṇyammṛ॒ta ha॑ranti / grā॒myaissa sthā॑payati / e॒te vai pa॒śavaḥ॒ kṣemo॒ nāma॑ / saṃ pi॑tāpu॒trāvava॑syataḥ / samadhvā॑na krāmanti / sa॒ma॒nti॒kaṅgrāma॑yorgrāmā॒ntau bha॑vataḥ / narkṣīkā puruṣavyā॒ghrā pa॑rimo॒ṣiṇa॑ āvyā॒dhinī॒staska॑rā॒ ara॑ṇye॒ṣvājā॑yante

3.9.2.0
ā॒ra॒ṇyāllom॒̐ko da॒śina॑ āla॒bhyante॒ nānā॑rūpā pa॒śavo॒ dve ca॑

3.9.2.1
pra॒jāpa॑tirakāmayato॒bhau lo॒kāvava॑ rundhī॒yeti॑ / sa e॒tānu॒bhayānpa॒śūna॑paśyat / grā॒myāścā॑ra॒ṇyāśca॑ / tānāla॑bhata / tairvai sa u॒bhau lo॒kāvavā॑rundha / grā॒myaire॒va pa॒śubhi॑ri॒mallom॒̐kamavā॑rundha / ā॒ra॒ṇyaira॒mum / yadgrā॒myānpa॒śūnā॒labha॑te / i॒mame॒va tairlo॒kamava॑ rundhe / yadā॑ra॒ṇyān

3.9.2.2
a॒muntaiḥ / ana॑varuddho॒ vā e॒tasya॑ savvam̐tsa॒ra ityā॑huḥ / ya i॒tai॑taścāturmā॒syāni॑ savvam̐tsa॒raṃ pra॑yu॒ṅkta iti॑ / e॒tāvā॒n॒ vai sa॑vvam̐tsa॒raḥ / yaccā॑turmā॒syāni॑ / yade॒te cā॑turmā॒syā pa॒śava॑ āla॒bhyante / pra॒tyakṣa॑me॒va taissa॑vvam̐tsa॒rayyam̐ja॑mā॒no'va॑rundhe / vi vā e॒ṣa pra॒jayā॑ pa॒śubhi॑r‌ṛdhyate / yassa॑vvam̐tsa॒raṃ pra॑yu॒ṅkte / sa॒vvam॒̐tsa॒rassu॑va॒rgo lo॒kaḥ

3.9.2.3
su॒va॒rgantu lo॒kannāpa॑rādhnoti / pra॒jā vai pa॒śava॑ ekāda॒śinī / yade॒ta ai॑kādaśi॒nā pa॒śava॑ āla॒bhyante / sā॒kṣāde॒va pra॒jāṃ pa॒śūn yaja॑mā॒no'va॑rundhe / pra॒jāpa॑tirvi॒rāja॑masṛjata / sā sṛ॒ṣṭā'śva॑me॒dhaṃ prāvi॑śat / tānda॒śibhi॒ranu॒ prāyu॑ṅkta / tāmāpnot / tāmā॒ptvā da॒śibhi॒ravā॑rundha / yadda॒śina॑ āla॒bhyante

3.9.2.4
vi॒rāja॑me॒va tairā॒ptvā yaja॑mā॒no'va॑rundhe / ekā॑daśa da॒śata॒ āla॑bhyante / ekā॑daśākṣarā tri॒ṣṭup / traiṣṭu॑bhā pa॒śavaḥ॑ / pa॒śūne॒vāva॑rundhe / vai॒śva॒de॒vo vā aśvaḥ॑ / nā॒nā॒de॒va॒tyāḥ pa॒śavo॑ bhavanti / aśva॑sya sarva॒tvāya॑ / nānā॑rūpā bhavanti / tasmā॒nnānā॑rūpā pa॒śavaḥ॑ / ba॒hu॒rū॒pā bha॑vanti / tasmādbahurū॒pā pa॒śava॒ssamṛ॑ddhyai

3.9.3.0
ava॑ruddhyā u॒bhayānpa॒śūnāla॑bhate sa॒tyādahi॑sāyai

3.9.3.1
a॒smai vai lo॒kāya॑ grā॒myā pa॒śava॒ āla॑bhyante / a॒muṣmā॑ āra॒ṇyāḥ / yadgrā॒myānpa॒śūnā॒labha॑te / i॒mame॒va tairlo॒kamava॑rundhe / yadā॑ra॒ṇyān / a॒muntaiḥ / u॒bhayānpa॒śūnāla॑bhate / gā॒myāścā॑ra॒ṇyāśca॑ / u॒bhayorlo॒kayo॒rava॑ruddhyai / u॒bhayānpa॒śūnāla॑bhate

3.9.3.2
grā॒myāścā॑ra॒ṇyāśca॑ / u॒bhaya॑syā॒nnādya॒syāva॑ruddhyai / u॒bhayānpa॒śūnāla॑bhate / grā॒myāścā॑ra॒ṇyāśca॑ / u॒bhaye॑ṣāṃ paśū॒nāmava॑ruddhyai / traya॑strayo bhavanti / traya॑ i॒me lo॒kāḥ / e॒ṣāllom॒̐kānā॒māptyai / bra॒hma॒vā॒dino॑ vadanti / kasmātsa॒tyāt

3.9.3.3
a॒smillom॒̐ke ba॒hava॒ kāmā॒ iti॑ / yatsa॑mā॒nībhyo॑ de॒vatābhyo॒'nye'nye pa॒śava॑ āla॒bhyante / a॒sminne॒va tallo॒ke kāmāndadhāti / tasmā॑da॒smillom॒̐ke ba॒hava॒ kāmāḥ / tra॒yā॒ṇāntra॑yāṇā sa॒ha va॒pā ju॑hoti / tryā॑vṛto॒ vai de॒vāḥ / tryā॑vṛta i॒me lo॒kāḥ / e॒ṣāllom॒̐kānā॒māptyai / e॒ṣāllom॒̐kānā॒ṅkḷptyai / parya॑gnikṛtānāra॒ṇyānutsṛ॑ja॒ntyahi॑sāyai

3.9.4.0
pari॑ta॒sthuṣa॒ ityā॑he॒me e॒vāsmai॑ yunaktya॒bhiji॑tyai bharantyaśvame॒dho ru॑ndhe rū॒pañji॑ghrati॒ trīṇi॑ ca

3.9.4.1
yu॒ñjanti॑ bra॒dhnamityā॑ha / a॒sau vā ā॑di॒tyo bra॒dhnaḥ / ā॒di॒tyame॒vāsmai॑ yunakti / a॒ru॒ṣamityā॑ha / a॒gnirvā a॑ru॒ṣaḥ / a॒gnime॒vāsmai॑ yunakti / cara॑nta॒mityā॑ha / vā॒yurvai carann॑ / vā॒yume॒vāsmai॑ yunakti / pari॑ta॒sthuṣa॒ ityā॑ha

3.9.4.2
i॒me vai lo॒kā pari॑ta॒sthuṣaḥ॑ / i॒māne॒vāsmai॑ lo॒kān yu॑nakti / roca॑nte roca॒nā di॒vītyā॑ha / nakṣa॑trāṇi॒ vai ro॑ca॒nā di॒vi / nakṣa॑trāṇye॒vāsmai॑ rocayati / yu॒ñjantya॑sya॒ kāmyetyā॑ha / kāmā॑ne॒vāsmai॑ yunakti / harī॒ vipa॑kṣa॒setyā॑ha / i॒me vai harī॒ vipa॑kṣasā / i॒me e॒vāsmai॑ yunakti

3.9.4.3
śoṇā॑ dhṛ॒ṣṇū nṛ॒vāha॒setyā॑ha / a॒ho॒rā॒tre vai nṛ॒vāha॑sā / a॒ho॒rā॒tre e॒vāsmai॑ yunakti / e॒tā e॒vāsmai॑ de॒vatā॑ yunakti / su॒va॒rgasya॑ lo॒kasya॒ sama॑ṣṭyai / ke॒tuṅkṛ॒ṇvanna॑ke॒tava॒ iti॑ dhva॒jaṃ prati॑muñcati / yaśa॑ e॒vaina॒॒ rājñāṅgamayati / jī॒mūta॑syeva bhavati॒ pratī॑ka॒mityā॑ha / ya॒thā॒ya॒jure॒vaitat / ye te॒ panthā॑nassavita pū॒rvyāsa॒ itya॑dhva॒ryuryaja॑mānavvām̐cayatya॒bhiji॑tyai

3.9.4.4
parā॒ vā e॒tasya॑ ya॒jña e॑ti / yasya॑ pa॒śuru॒pākṛ॑to॒'nyatra॒ vedyā॒ eti॑ / e॒tasto॑tare॒tena॑ pa॒thā puna॒raśva॒māva॑rtayāsi na॒ ityā॑ha / vā॒yurvai stotā / vā॒yume॒vāsya॑ pa॒rastāddadhā॒tyāvṛ॑ttyai / yathā॒ vai ha॒viṣo॑ gṛhī॒tasya॒ skanda॑ti / e॒vavvām̐ e॒tadaśva॑sya skandati / yada॑syo॒pākṛ॑tasya॒ lomā॑ni॒ śīya॑nte / yadvāle॑ṣu kā॒cānā॒vaya॑nti / lomānye॒vāsya॒ tatsambha॑ranti

3.9.4.5
bhūrbhuva॒ssuva॒riti॑ prājāpa॒tyābhi॒rāva॑yanti / prā॒jā॒pa॒tyo vā aśvaḥ॑ / svayai॒vaina॑nde॒vata॑yā॒ sama॑rdhayanti / bhūriti॒ mahi॑ṣī / bhuva॒ iti॑ vā॒vātā / suva॒riti॑ parivṛ॒ktī / e॒ṣāllom॒̐kānā॑ma॒bhiji॑tyai / hi॒ra॒ṇyayā kā॒cā bha॑vanti / jyoti॒rvai hira॑ṇyam / rā॒ṣṭrama॑śvame॒dhaḥ

3.9.4.6
jyoti॑ścai॒vāsmai॑ rā॒ṣṭrañca॑ sa॒mīcī॑ dadhāti / sa॒hasra॑mbhavanti / sa॒hasra॑sammitassuva॒rgo lo॒kaḥ / su॒va॒rgasya॑ lo॒kasyā॒bhiji॑tyai / apa॒ vā e॒tasmā॒tteja॑ indri॒yaṃ pa॒śava॒śśrī krā॑manti / yo'śvame॒dhena॒ yaja॑te / vasa॑vastvā'ñjantu gāya॒treṇa॒ chanda॒seti॒ mahi॑ṣya॒bhya॑nakti / tejo॒ vā ājyam / tejo॑ gāya॒trī / teja॑sai॒vāsmai॒ tejo'va॑rundhe

3.9.4.7
ru॒drāstvāñjantu॒ traiṣṭu॑bhena॒ chanda॒seti॑ vā॒vātā / tejo॒ vā ājyam / i॒ndri॒yantri॒ṣṭup / teja॑sai॒vāsmā॑ indri॒yamava॑rundhe / ā॒di॒tyāstvā'ñjantu॒ jāga॑tena॒ chanda॒seti॑ parivṛ॒ktī / tejo॒ vā ājyam / pa॒śavo॒ jaga॑tī / teja॑sai॒vāsme॑ pa॒śūnava॑rundhe / patna॑yo॒'bhya॑ñjanti / śri॒yā vā e॒tadrū॒pam

3.9.4.8
yatpatna॑yaḥ / śriya॑me॒vāsmi॒ntadda॑dhati / nāsmā॒tteja॑ indri॒yaṃ pa॒śava॒śśrīrapa॑ krāmanti / lājī ३ ñchācī ३ n yaśo॑ma॒mām̐ (4) ityati॑rikta॒manna॒maśvā॑yo॒pāha॑ranti / pra॒jāme॒vānnā॒dīṅku॑rvate / e॒tadde॑vā॒ anna॑mattai॒tadanna॑maddhi prajāpata॒ ityā॑ha / pra॒jāyā॑me॒vānnādya॑ndadhate / yadi॒ nāva॒jighret / a॒gni pa॒śurā॑sī॒dityava॑ghrāpayet / ava॑ hai॒va ji॑ghrati / ākrān॑ vā॒jī kramai॒ratya॑kramīdvā॒jī dyauste॑ pṛ॒ṣṭhaṃ pṛ॑thi॒vī sa॒dhastha॒mityaśva॒manu॑mantrayate / e॒ṣāllom॒̐kānā॑ma॒bhiji॑tyai / sami॑ddho a॒ñjankṛda॑raṃ matī॒nāmityaśva॑syā॒priyo॑ bhavanti sarūpa॒tyāya॑

3.9.5.0
hotā॑ bhavati॒ vai vṛṣṭi॑ pū॒rvaci॑ttira॒nnādya॑me॒vāva॑rundhe ma॒hadityā॑ha॒ somo॒ vai vṛṣṇo॒ aśva॑sya॒ reta॑śca॒tvāri॑ ca

3.9.5.1
teja॑sā॒ vā e॒ṣa bra॑hmavarca॒sena॒ vyṛ॑ddhyate / yo'śvame॒dhena॒ yaja॑te / hotā॑ ca bra॒hmā ca॑ bra॒hmodya॑vvam̐dataḥ / teja॑sā cai॒vainaṃ॑ brahmavarca॒sena॑ ca॒ sama॑rdhayataḥ / da॒kṣi॒ṇa॒to bra॒hmā bha॑vati / da॒kṣi॒ṇa॒taā॑yatano॒ vai bra॒hmā / bā॒r॒ha॒spa॒tyo vai bra॒hmā / bra॒hma॒va॒rca॒same॒vāsya॑ dakṣiṇa॒to da॑dhāti / tasmā॒ddakṣi॒ṇo'rdho brahmavarca॒sita॑raḥ / u॒tta॒ra॒to hotā॑ bhavati

3.9.5.2
u॒tta॒ra॒taā॑yatano॒ vai hotā / ā॒gne॒yo vai hotā / tejo॒ vā a॒gniḥ / teja॑ e॒vāsyottara॒to da॑dhāti / tasmā॒dutta॒ro'rdha॑steja॒svita॑raḥ / yūpa॑ma॒bhito॑ vadataḥ / ya॒ja॒mā॒na॒de॒va॒tyo॑ vai yūpaḥ॑ / yaja॑māname॒va teja॑sā ca brahmavarca॒sena॑ ca॒ sama॑rdhayataḥ / ki svi॑dāsītpū॒rvaci॑tti॒rityā॑ha / dyaurvai vṛṣṭi॑ pū॒rvaci॑ttiḥ

3.9.5.3
diva॑me॒va vṛṣṭi॒mava॑rundhe / ki svi॑dāsīdbṛ॒hadvaya॒ ityā॑ha / aśvo॒ vai bṛ॒hadvayaḥ॑ / aśva॑me॒vāva॑rundhe / ki svi॑dāsītpiśaṅgi॒letyā॑ha / rātri॒rvai pi॑śaṅgi॒lā / rātri॑me॒vāva॑rundhe / ki svi॑dāsītpilippi॒letyā॑ha / śrīrvai pi॑lippi॒lā / a॒nnādya॑me॒vāva॑rundhe

3.9.5.4
kassvi॑dekā॒kī ca॑ra॒tītyā॑ha / a॒sau vā ā॑di॒tya e॑kā॒kī ca॑rati / teja॑ e॒vāva॑rundhe / ka u॑svijjāyate॒ puna॒rityā॑ha / ca॒ndramā॒ vai jā॑yate॒ punaḥ॑ / āyu॑re॒vāva॑rundhe / ki svi॑ddhi॒masya॑ bheṣa॒jamityā॑ha / a॒gnirvai hi॒masya॑ bheṣa॒jam / bra॒hma॒va॒rca॒samevāva॑rundhe / ki svi॑dā॒vapa॑naṃ ma॒hadityā॑ha

3.9.5.5
a॒yavvaim̐ lo॒ka ā॒vapa॑namma॒hat / a॒sminne॒va lo॒ke prati॑tiṣṭhati / pṛ॒cchāmi॑ tvā॒ para॒mantaṃ॑ pṛthi॒vyā ityā॑ha / vedi॒rvai paro'nta॑ pṛthi॒vyāḥ / vedi॑me॒vāva॑rundhe / pṛ॒cchāmi॑ tvā॒ bhuva॑nasya॒ nābhi॒mityā॑ha / ya॒jño vai bhuva॑nasya॒ nābhiḥ॑ / ya॒jñame॒vāva॑rundhe / pṛ॒cchāmi॑ tvā॒ vṛṣṇo॒ aśva॑sya॒ reta॒ ityā॑ha / somo॒ vai vṛṣṇo॒ aśva॑sya॒ retaḥ॑ / so॒ma॒pī॒thame॒vāva॑rundhe / pṛ॒cchāmi॑ vā॒ca pa॑ra॒maṃ vyo॑metyā॑ha / brahma॒ vai vā॒ca pa॑ra॒maṃ vyo॑ma / bra॒hma॒va॒rca॒same॒vāva॑rundhe

3.9.6.0
hnu॒va॒te॒ krā॒ma॒ntyū॒rṇvā॒thā॒mityā॑ha॒ jaga॒tītyā॑ha kalpaya॒tyeka॑ñca

3.9.6.1
apa॒ vā e॒tasmātprā॒ṇā krā॑manti / yo'śvame॒dhena॒ yaja॑te / prā॒ṇāya॒ svāhā vyā॒nāya॒ svāheti॑ saṃjña॒pyamā॑na॒ āhu॑tīrjuhoti / prā॒ṇāne॒vāsmi॑ndadhāti / nāsmātprā॒ṇā apa॑krāmanti / ava॑ntī॒ssthāva॑ntīstvā'vantu / pri॒yantvā pri॒yāṇām / var‌ṣi॑ṣṭha॒māpyā॑nām / ni॒dhī॒nāntvā॑ nidhi॒pati॑ havāmahe vaso ma॒metyā॑ha / apai॒vāsmai॒ taddhnu॑vate

3.9.6.2
atho॑ dhu॒vantye॒vainam / atho॒ nye॑vāsmai hnuvate / tri pari॑yanti / traya॑ i॒me lo॒kāḥ / e॒bhya e॒vaina॑llom॒̐kebhyo॑ dhuvate / tri puna॒ pari॑yanti / ṣaṭtsaṃpa॑dyante / ṣaḍvā ṛ॒tavaḥ॑ / ṛ॒tubhi॑re॒vaina॑ndhuvate / apa॒ vā e॒tebhya॑ prā॒ṇā krā॑manti

3.9.6.3
ye ya॒jñe dhuva॑nanta॒nvate / na॒va॒kṛtva॒ pari॑yanti / nava॒ vai puru॑ṣe prā॒ṇāḥ / prā॒ṇāne॒vātmanda॑dhate / naibhya॑ prā॒ṇā apa॑krāmanti / ambe॒ ambā॒lyambi॑ka॒ iti॒ patnī॑mu॒dāna॑yati / ahva॑tai॒vainām / subha॑ge॒ kāmpī॑lavāsi॒nītyā॑ha / tapa॑ e॒vainā॒mupa॑nayati / su॒va॒rge lo॒ke saṃprorṇvā॑thā॒mityā॑ha

3.9.6.4
su॒va॒rgame॒vaināllom॒̐kaṅga॑mayati / ā'hama॑jāni garbha॒dhamā tvama॑jā'si garbha॒dhamityā॑ha / pra॒jā vai pa॒śavo॒ garbhaḥ॑ / pra॒jāme॒va pa॒śūnā॒tmandha॑tte / de॒vā vā a॑śvame॒dhe pava॑māne / su॒va॒rgallom॒̐kaṃ na prājā॑nann / tamaśva॒ prājā॑nāt / yatsū॒cībhi॑rasipa॒thānka॒lpaya॑nti / su॒va॒rgasya॑ lo॒kasya॒ prajñātyai / gā॒ya॒trī tri॒ṣṭubjaga॒tītyā॑ha

3.9.6.5
ya॒thā॒ya॒jure॒vaitat / tra॒yyassū॒cyo॑ bhavanti / a॒ya॒smayyo॑ raja॒tā hari॑ṇyaḥ / a॒sya vai lo॒kasya॑ rū॒pama॑ya॒smayyaḥ॑ / a॒ntari॑kṣasya raja॒tāḥ / di॒vo hari॑ṇyaḥ / diśo॒ vā a॑ya॒smayyaḥ॑ / a॒vā॒nta॒ra॒di॒śā ra॑ja॒tāḥ / ū॒rdhvā hari॑ṇyaḥ / diśa॑ e॒vāsmai॑ kalpayati / kastvā chyati॒ kastvā॒ viśā॒stītyā॒hāhi॑sāyai

3.9.7.0
rā॒ṣṭrasya॒ madhyaṃ॒ puṣya॑ti॒ gabho॑ rundhe dadhate ca॒tvāri॑ ca

3.9.7.1
apa॒ vā e॒tasmā॒cchrī rā॒ṣṭraṅkrā॑mati / yo'śvame॒dhena॒ yaja॑te / ū॒rdhvāme॑nā॒mucchra॑yatā॒dityā॑ha / śrīrvai rā॒ṣṭrama॑śvame॒dhaḥ / śriya॑me॒vāsmai॑ rā॒ṣṭramū॒rdhvamucchra॑yati / ve॒ṇu॒bhā॒raṅgi॒rāvi॒vetyā॑ha / rā॒ṣṭravvaim̐ bhā॒raḥ / rā॒ṣṭrame॒vāsmai॒ paryū॑hati / athāsyā॒ madhya॑medhatā॒mityā॑ha / śrīrvai rā॒ṣṭrasya॒ madhyam

3.9.7.2
śriya॑me॒vāva॑rundhe / śī॒te vāte॑ pu॒nanni॒vetyā॑ha / kṣemo॒ vai rā॒ṣṭrasya॑ śī॒to vātaḥ॑ / kṣema॑me॒vāva॑rundhe / yaddha॑ri॒ṇī yava॒mattītyā॑ha / viḍvai ha॑ri॒ṇī / rā॒ṣṭrayyam̐vaḥ॑ / viśa॑ñcai॒vāsmai॑ rā॒ṣṭrañca॑ sa॒mīcī॑ dadhāti / na pu॒ṣṭaṃ pa॒śu ma॑nyata॒ ityā॑ha / tasmā॒drājā॑ pa॒śūnna puṣya॑ti

3.9.7.3
śū॒drā yadarya॑jārā॒ na poṣā॑ya dhanāya॒tītyā॑ha / tasmādvaiśīpu॒trannābhiṣi॑ñcante / i॒yayyam॒̐kā śa॑kunti॒ketyā॑ha / viḍvai śa॑kunti॒kā / rā॒ṣṭrama॑śvame॒dhaḥ / viśa॑ñcai॒vāsmai॑ rā॒ṣṭrañca॑ sa॒mīcī॑ dadhāti / ā॒hala॒miti॒ sarpa॒tītyā॑ha / tasmādrā॒ṣṭrāya॒ viśa॑ssarpanti / āha॑taṅga॒bhe pasa॒ ityā॑ha / viḍvai gabhaḥ॑

3.9.7.4
rā॒ṣṭraṃ pasaḥ॑ / rā॒ṣṭrame॒va vi॒śyāha॑nti / tasmādrā॒ṣṭravvim̐śa॒ṅghātu॑kam / mā॒tā ca॑ te pi॒tā ca॑ ta॒ ityā॑ha / i॒yavvaim̐ mā॒tā / a॒sau pi॒tā / ā॒bhyāme॒vainaṃ॒ pari॑dadāti / agra॑vvṛm॒̐kṣasya॑ rohata॒ ityā॑ha / śrīrvai vṛ॒kṣasyāgram / śri॒yame॒vāva॑ rundhe

3.9.7.5
prasu॑lā॒mīti॑ te pi॒tā ga॒bhe mu॒ṣṭima॑tasaya॒dityā॑ha / viḍvai gabhaḥ॑ / rā॒ṣṭrammu॒ṣṭiḥ / rā॒ṣṭrame॒va vi॒śyāha॑nti / tasmādrā॒ṣṭravvim̐śa॒ṅghātu॑kam / apa॒ vā e॒tebhya॑ prā॒ṇā krā॑manti / ye ya॒jñe'pū॑ta॒vvam̐da॑nti / da॒dhi॒krāvṇṇo॑ akāriṣa॒miti॑ surabhi॒matī॒mṛca॑vvam̐danti / prā॒ṇā vai su॑ra॒bhayaḥ॑ / prā॒ṇāne॒vātmanda॑dhate / naibhya॑ prā॒ṇā apa॑krāmanti / āpo॒ hi ṣṭhā ma॑yo॒bhuva॒ itya॒dbhirmārjayante / āpo॒ vai sarvā॑ de॒vatāḥ / de॒vatā॑bhire॒vātmānaṃ॑ pavayante

3.9.8.0
la॒bha॒te॒ gāmāla॑bhate para॒mo'ṣṭau ca॑

3.9.8.1
pra॒jāpa॑ti pra॒jāssṛ॒ṣṭvā pre॒ṇā'nu॒ prāvi॑śat / tābhya॒ puna॒ssambha॑vitu॒nnāśa॑knot / so'bravīt / ṛ॒dhnava॒ditsaḥ / yo me॒ta puna॑ssa॒mbhara॒diti॑ / tande॒vā a॑śvame॒dhenai॒va sama॑bharann / tato॒ vai ta ārdhnuvann / yo'śvame॒dhena॒ yaja॑te / pra॒jāpa॑time॒va sambha॑ratyṛ॒dhnoti॑ / puru॑ṣa॒māla॑bhate

3.9.8.2
vai॒rā॒jo vai puru॑ṣaḥ / vi॒rāja॑me॒vāla॑bhate / atho॒ annaṃ॒ vai vi॒rāṭ / anna॑me॒vāva॑rundhe / aśva॒māla॑bhate / prā॒jā॒pa॒tyo vā aśvaḥ॑ / pra॒jāpa॑time॒vāla॑bhate / atho॒ śrīrvā eka॑śapham / śriya॑me॒vāva॑rundhe / gāmāla॑bhate

3.9.8.3
ya॒jño vai gauḥ / ya॒jñame॒vāla॑bhate / atho॒ anna॒vvaim̐ gauḥ / anna॑me॒vāva॑rundhe / a॒jā॒vī āla॑bhate bhū॒mne / atho॒ puṣṭi॒rvai bhū॒mā / puṣṭi॑me॒vāva॑rundhe / parya॑gnikṛtaṃ॒ puru॑ṣañcāra॒ṇyāścotsṛ॑ja॒ntyahi॑sāyai / u॒bhau vā e॒tau pa॒śū āla॑bhyete / yaścā॑va॒mo yaśca॑ para॒maḥ / te'syo॒bhaye॑ ya॒jñe ba॒ddhāḥ / a॒bhīṣṭā॑ a॒bhiprī॑tāḥ / a॒bhiji॑tā a॒bhihu॑tā bhavanti / naina॑nda॒ṅkṣṇava॑ pa॒śavo॑ ya॒jñe ba॒ddhāḥ / a॒bhīṣṭā॑ a॒bhiprī॑tāḥ / a॒bhiji॑tā a॒bhihu॑tā hisanti / yo'śvame॒dhena॒ yaja॑te / ya u॑ cainame॒vavvem̐da॑

3.9.9.0
la॒bhya॒nte॒ la॒bha॒te॒ tvā॒ṣṭrānpa॒śūnāla॑bhate॒'ṣṭau ca॑

3.9.9.1
pra॒tha॒mena॒ vā e॒ṣa stome॑na rā॒dhvā / ca॒tu॒ṣṭo॒mena॑ kṛ॒tenāyā॑nā॒mutta॒rehann॑ / e॒ka॒vi॒॒śe pra॑ti॒ṣṭhāyāṃ॒ prati॑ tiṣṭhati / e॒ka॒vi॒॒śātpra॑ti॒ṣṭhāyā॑ ṛ॒tūna॒nvāro॑hati / ṛ॒tavo॒ vai pṛ॒ṣṭhāni॑ / ṛ॒tava॑ssavvam̐tsa॒raḥ / ṛ॒tuṣve॒va sa॑vvam̐tsa॒re pra॑ti॒ṣṭhāya॑ / de॒vatā॑ a॒bhyāro॑hati / śakva॑raya pṛ॒ṣṭhambha॑vantya॒nyada॑nya॒cchandaḥ॑ / a॒nye'nye॒ vā e॒te pa॒śava॒ āla॑bhyante

3.9.9.2
u॒teva॑ grā॒myāḥ / u॒tevā॑ra॒ṇyāḥ / aha॑re॒va rū॒peṇa॒ sama॑rdhayati / atho॒ ahna॑ e॒vaiṣa ba॒lir‌hri॑yate / tadā॑huḥ / apa॑śavo॒ vā e॒te / yada॑jā॒vaya॑ścāra॒ṇyāśca॑ / e॒te vai sarve॑ pa॒śavaḥ॑ / yadga॒vyā iti॑ / ga॒vyānpa॒śūnu॑tta॒me'ha॒nnāla॑bhate

3.9.9.3
tenai॒vobhayānpa॒śūnava॑rundhe / prā॒jā॒pa॒tyā bha॑vanti / ana॑bhijitasyā॒bhiji॑tyai / sau॒rīrnava॑ śve॒tā va॒śā a॑nūba॒ndhyā॑ bhavanti / a॒nta॒ta e॒va bra॑hmavarca॒samava॑rundhe / somā॑ya sva॒rājñe॑'novā॒hāva॑na॒ḍvāhā॒viti॑ dva॒ndvina॑ pa॒śūnāla॑bhate / a॒ho॒rā॒trāṇā॑ma॒bhiji॑tyai / pa॒śubhi॒rvā e॒ṣa vyṛ॑dhyate / yo'śvame॒dhena॒ yaja॑te / cha॒ga॒laṅka॒lmāṣa॑ṅkikidī॒vivvim̐॑dī॒gaya॒miti॑ tvā॒ṣṭrānpa॒śūnā la॑bhate / pa॒śubhi॑re॒vātmāna॒॒ sama॑rdhayati / ṛ॒tubhi॒rvā e॒ṣa vyṛ॑dhyate / yo'śvame॒dhena॒ yaja॑te / pi॒śaṅgā॒strayo॑ vāsa॒ntā ityṛ॑tupa॒śūnāla॑bhate / ṛ॒tubhi॑re॒vātmāna॒॒ sama॑rdhayati / ā vā e॒ṣa pa॒śubhyo॑ vṛścyate / yo'śvame॒dhena॒ yaja॑te / parya॑gnikṛtā॒ utsṛ॑ja॒ntyanāvraskāya

3.9.10.0
pa॒ri॒yaja॑ti॒ ṣaṭca॑

3.9.10.1
pra॒jāpa॑tirakāmayata ma॒hāna॑nnā॒dassyā॒miti॑ / sa e॒tāva॑śvame॒dhe ma॑hi॒mānā॑vapaśyat / tāva॑gṛhṇīta / tato॒ vai sa ma॒hāna॑nnā॒do॑'bhavat / ya kā॒maye॑ta ma॒hāna॑nnā॒dassyā॒miti॑ / sa e॒tāva॑śvame॒dhe ma॑hi॒mānau॑ gṛhṇīta / ma॒hāne॒vānnā॒do bha॑vati / ya॒ja॒mā॒na॒de॒va॒tyā॑ vai va॒pā / rājā॑ mahi॒mā / yadva॒pāmma॑hi॒mnobha॒yata॑ pari॒yaja॑ti / yaja॑māname॒va rā॒jyeno॑bha॒yata॒ pari॑gṛhṇāti / pu॒rastātsvāhākārā॒ vā a॒nye de॒vāḥ / u॒pari॑ṣṭātsvāhākārā a॒nye / te vā e॒te'śva॑ e॒va medhya॑ u॒bhaye'va॑rudhyante / yadva॒pāmma॑hi॒mnobha॒yata॑ pari॒yaja॑ti / tāne॒vobhayānprīṇāti

3.9.11.0
da॒dhā॒tyabha॑vanmanyate pra॒jā a॒ntarda॑dhāti॒ dve ca॑

3.9.11.1
vai॒śva॒de॒vo vā aśvaḥ॑ / tayyam̐tprā॑jāpa॒tyaṅku॒ryāt / yā de॒vatā॒ api॑bhāgāḥ / tā bhā॑ga॒dheye॑na॒ vya॑rdhayet / de॒vatābhyassa॒mada॑ndadhyāt / ste॒gāndaṣṭrābhyāmma॒ṇḍūkā॒ñjambhye॑bhi॒riti॑ / ājya॑mava॒dāna॑ṅkṛ॒tvā pra॑tisa॒ṅkhyāya॒māhu॑tīrjuhoti / yā e॒va de॒vatā॒ api॑bhāgāḥ / tā bhā॑ga॒dheye॑na॒ sama॑rdhayati / na de॒vatābhyassa॒mada॑ndadhāti

3.9.11.2
catu॑rdaśai॒tāna॑nuvā॒kāñju॑ho॒tyana॑ntarityai / pra॒yā॒sāya॒ svāheti॑ pañcada॒śam / pañca॑daśa॒ vā a॑rdhamā॒sasya॒ rātra॑yaḥ / a॒rdha॒mā॒sa॒śassa॑vvam̐tsa॒ra āpyate / de॒vā॒su॒rāssayyam̐॑ttā āsann / te'bruvanna॒gnaya॑ssviṣṭa॒kṛtaḥ॑ / aśva॑sya॒ medhya॑sya va॒yamu॑ddhā॒ramuddha॑rāmahai / athai॒tāna॒bhi bha॑vā॒meti॑ / te lohi॑ta॒muda॑haranta / tato॑ de॒vā abha॑vann

3.9.11.3
parā'su॑rāḥ / yatsvi॑ṣṭa॒kṛdbhyo॒ lohi॑tañju॒hoti॒ bhrātṛ॑vyābhibhūtyai / bhava॑tyā॒tmanā / parā'sya॒ bhrātṛ॑vyo bhavati / go॒mṛ॒ga॒ka॒ṇṭhena॑ pratha॒māmāhu॑tiñjuhoti / pa॒śavo॒ vai go॑mṛ॒gaḥ / ru॒dro'gnissvi॑ṣṭa॒kṛt / ru॒drāde॒va pa॒śūna॒ntarda॑dhāti / atho॒ yatrai॒ṣā''hu॑tir‌hū॒yate / na tatra॑ ru॒dra pa॒śūna॒bhima॑nyate

3.9.11.4
a॒śva॒śa॒phena॑ dvi॒tīyā॒māhu॑tiñjuhoti / pa॒śavo॒ vā eka॑śapham / ru॒dro'gnissvi॑ṣṭa॒kṛt / ru॒drāde॒va pa॒śūna॒ntarda॑dhāti / atho॒ yatrai॒ṣā''hu॑tir‌hū॒yate / na tatra॑ ru॒dra pa॒śūna॒bhima॑nyate / a॒ya॒smaye॑na kama॒ṇḍalu॑nā tṛ॒tīyām / āhu॑tiñjuhotyāyā॒syo॑ vai pra॒jāḥ / ru॒dro'gnissvi॑ṣṭa॒kṛt / ru॒drāde॒va pra॒jā a॒ntarda॑dhāti / atho॒ yatrai॒ṣā''hu॑tir‌hū॒yate / na tatra॑ ru॒dra pra॒jā a॒bhima॑nyate

3.9.12.0
bṛ॒ha॒tya॑rdhayati sthāpayati॒ pañca॑ ca

3.9.12.1
aśva॑sya॒ vā āla॑bdhasya॒ medha॒ uda॑krāmat / tada॑śvasto॒mīya॑mabhavat / yada॑śvasto॒mīya॑ñju॒hoti॑ / same॑dhame॒vaina॒māla॑bhate / ājye॑na juhoti / medho॒ vā ājyam / medho'śvasto॒mīyam / medhe॑nai॒vāsmi॒nmedha॑ndadhāti / ṣaṭtri॑śatañjuhoti / ṣaṭtri॑śadakṣarā bṛha॒tī

3.9.12.2
bār‌ha॑tā pa॒śavaḥ॑ / sā pa॑śū॒nāmmātrā / pa॒śūne॒va mātra॑yā॒ sama॑rdhayati / tāyadbhūya॑sīrvā॒ kanī॑yasīrvā juhu॒yāt / pa॒śūnmātra॑yā॒ vya॑rdhayet / ṣaṭtri॑śatañjuhoti / ṣaṭtri॑śadakṣarā bṛha॒tī / bār‌ha॑tā pa॒śavaḥ॑ / sā pa॑śū॒nāmmātrā / pa॒śūne॒va mātra॑yā॒ sama॑rdhayati

3.9.12.3
a॒śva॒sto॒mīya॑ hu॒tvā dvi॒padā॑ juhoti / dvi॒pādvai puru॑ṣo॒ dvipra॑tiṣṭhaḥ / tade॑naṃ prati॒ṣṭhayā॒ sama॑rdhayati / tadā॑huḥ / a॒śva॒sto॒mīyaṃ॒ pūrva॑ hota॒vyām̐ ३ ndvi॒padām̐ ३ iti॑ / aśvo॒ vā a॑śvasto॒mīyam / puru॑ṣo dvi॒padāḥ / a॒śva॒sto॒mīya॑ hu॒tvā dvi॒padā॑ juhoti / tasmāddvi॒pāccatu॑ṣpādamatti / atho dvi॒padye॒va catu॑ṣpada॒ prati॑ṣṭhāyapati / dvi॒padā॑ hu॒tvā / nānyāmutta॑rā॒māhu॑tiñjuhuyāt / yada॒nyāmutta॑rā॒māhu॑tiñjuhu॒yāt / pra pra॑ti॒ṣṭhāyāścyaveta / dvi॒padā॑ anta॒to ju॑hoti॒ prati॑ṣṭhityai

3.9.13.0
bha॒va॒nti॒ dhṛtyā॑ ena॒manvi॑ccha॒tyeka॑ñca

3.9.13.1
pra॒jāpa॑tiraśvame॒dhama॑sṛjata / so'smātsṛ॒ṣṭo'pākrāmat / tayyam̐॑jñakra॒tubhi॒ranvaicchat / tayyam̐॑jñakra॒tubhi॒rnānva॑vindat / tamiṣṭi॑bhi॒ranvaicchat / tamiṣṭi॑bhi॒ranva॑vindat / tadiṣṭī॑nāmiṣṭi॒tvam / yatsa॑vvam̐tsa॒ramiṣṭi॑bhi॒ryaja॑te / aśva॑me॒va tadanvi॑cchati / sā॒vi॒triyo॑ bhavanti

3.9.13.2
i॒yavvaim̐ sa॑vi॒tā / yo vā a॒syānnaśya॑ti॒ yo ni॒laya॑te / a॒syāvvām̐va tavvim̐॑ndanti / na vā i॒māṅkaśca॒netyā॑huḥ / ti॒ryaṅnordhvotye॑tumarha॒tīti॑ / yatsā॑vi॒triyo॒ bhava॑nti / sa॒vi॒tṛpra॑sūta e॒vaina॑micchati / ī॒śva॒ro vā aśva॒ pramu॑kta॒ parāṃ parā॒vata॒ṅgantoḥ / yatsā॒yandhṛtīrju॒hoti॑ / aśva॑syai॒va yatyai॒ dhṛtyai

yatprā॒tariṣṭi॑bhi॒ryaja॑te / aśva॑me॒va tadanvi॑cchati / yatsā॒yandhṛtīrju॒hoti॑ / aśva॑syai॒va yatyai॒ dhṛtyai / tasmātsā॒yaṃ pra॒jā kṣe॒myā॑ bhavanti / yatprā॒tariṣṭi॑bhi॒ryaja॑te / aśva॑me॒va tadanvi॑cchati / tasmā॒ddivā॑ naṣṭai॒ṣa e॑ti / yatprā॒tariṣṭi॑bhi॒ryaja॑te sā॒yandhṛtīrju॒hoti॑ / a॒ho॒rā॒trābhyā॑me॒vaina॒manvi॑cchati / atho॑ ahorā॒trābhyā॑me॒vāsmai॑ yogakṣe॒maṅka॑lpayati

3.9.14.0
gāye॑tāṅkrāmedbrāhma॒ṇasya॑ kalpayataśca॒tvāri॑ ca

3.9.14.1
apa॒ vā e॒tasmā॒cchrī rā॒ṣṭraṅkrā॑mati / yo'śvame॒dhena॒ yaja॑te / brā॒hma॒ṇau vī॑ṇāgā॒thinau॑ gāyataḥ / śri॒yā vā e॒tadrū॒pam / yadvīṇā / śriya॑me॒vāsmi॒ntaddha॑ttaḥ / ya॒dā khalu॒ vai puru॑ṣa॒śśriya॑maśñu॒te / vīṇā'smai vādyate / tadā॑huḥ / yadu॒bhau brāhma॒ṇau gāye॑tām

3.9.14.2
pra॒bhraśu॑kāsmā॒cchrīssyāt / na vai brāhma॒ṇe śrī ra॑mata॒ iti॑ / brā॒hma॒ṇo'nyo gāyet / rā॒ja॒nyo'nyaḥ / brahma॒ vai brāhma॒ṇaḥ / kṣa॒tra rā॑ja॒nyaḥ॑ / tathā॑ hāsya॒ brahma॑ṇā ca kṣa॒treṇa॑ cobha॒yata॒śśrī pari॑gṛhītā bhavati / tadā॑huḥ / yadu॒bhau divā॒ gāye॑tām / apāsmādrā॒ṣṭraṅkrā॑met

3.9.14.3
na vai brā॑hma॒ṇe rā॒ṣṭra ra॑mata॒ iti॑ / ya॒dā khalu॒ vai rājā॑ kā॒maya॑te / atha॑ brāhma॒ṇañji॑nāti / divā brāhma॒ṇo gā॑yet / nakta॑ rāja॒nyaḥ॑ / brahma॑ṇo॒ vai rū॒pamahaḥ॑ / kṣa॒trasya॒ rātriḥ॑ / tathā॑ hāsya॒ brahma॑ṇā ca kṣa॒treṇa॑ cobha॒yato॑ rā॒ṣṭraṃ pari॑gṛhītambhavati / itya॑dadā॒ itya॑yajathā॒ itya॑paca॒ iti॑ brāhma॒ṇo gāyet / i॒ṣṭā॒pū॒rtavvaim̐ brāhma॒ṇasya॑

3.9.14.4
i॒ṣṭā॒pū॒rtenai॒vaina॒॒ sa sama॑rdhayati / itya॑jinā॒ itya॑yudhyathā॒ itya॒mu sa॑ṅgrā॒mama॑ha॒nniti॑ rāja॒nyaḥ॑ / yu॒ddhavvaim̐ rā॑ja॒nya॑sya / yu॒ddhenai॒vaina॒॒ sa sama॑rdhayati / akḷ॑ptā॒ vā e॒tasya॒rtava॒ ityā॑huḥ / yo'śvame॒dhena॒ yaja॑ta॒ iti॑ / ti॒sro'nyo gāya॑ti ti॒sro'nyaḥ / ṣaṭtsaṃpa॑dyante / ṣaḍvā ṛ॒tavaḥ॑ / ṛ॒tūne॒vāsmai॑ kalpayataḥ / tābhyā॑ sa॒॒sthāyām / a॒no॒yu॒kte ca॑ śa॒te ca॑ dadāti / śa॒tāyu॒ puru॑ṣaśśa॒tendri॑yaḥ / āyu॑ṣye॒vendri॒ye prati॑tiṣṭhati

3.9.15.0
lo॒ke mṛ॒tyurju॒hoti॑ mū॒rdhañju॑hoti॒ dve ca॑

3.9.15.1
sarve॑ṣu॒ vā e॒ṣu lo॒keṣu॑ mṛ॒tyavo॒'nvāya॑ttāḥ / tebhyo॒ yadāhu॑tī॒rna ju॑hu॒yāt / lo॒kelo॑ka enaṃ mṛ॒tyurvi॑ndet / mṛ॒tyave॒ svāhā॑ mṛ॒tyave॒ svāhetya॑bhipū॒rvamāhu॑tīrjuhoti / lo॒kāllo॑kāde॒va mṛ॒tyumava॑yajate / naina॑llom॒̐kelo॑ke mṛ॒tyurvi॑ndati / yada॒muṣmai॒ svāhā॒'muṣmai॒ svāheti॒ juhva॑tsa॒ñcakṣī॑ta / ba॒huṃ mṛ॒tyuma॒mitra॑ṅkurvīta / mṛ॒tyave॒ svāhetyeka॑smā e॒vaikāñjuhuyāt / eko॒ vā a॒muṣmi॑llom॒̐ke mṛ॒tyuḥ

3.9.15.2
a॒śa॒na॒yā॒ mṛ॒tyure॒va / tame॒vāmuṣmi॑llom॒̐ke'va॑yajate / bhrū॒ṇa॒ha॒tyāyai svāhetya॑vabhṛ॒tha āhu॑tiñjuhoti / bhrū॒ṇa॒ha॒tyāme॒vāva॑ yajate / tadā॑huḥ / yadbhrū॑ṇaha॒tyā pā॒tryā'tha॑ / kasmādya॒jñe'pi॑ kriyata॒ iti॑ / amṛ॑tyu॒rvā a॒nyo bhrū॑ṇaha॒tyāyā॒ ityā॑huḥ / bhrū॒ṇa॒ha॒tyā vāva mṛ॒tyuriti॑ / yadbhrū॑ṇaha॒tyāyai॒ svāhetya॑vabhṛ॒tha āhu॑tiñju॒hoti॑

3.9.15.3
mṛ॒tyume॒vāhu॑tyā tarpayi॒tvā pa॑ri॒pāṇa॑ṅkṛ॒tvā / bhrū॒ṇa॒ghne bhe॑ṣa॒jaṅka॑roti / e॒tā ha॒ vai mu॑ṇḍi॒bha au॑danya॒vaḥ / bhrū॒ṇa॒ha॒tyāyai॒ prāya॑ścittivvim॒̐dāñca॑kāra / yo hā॒syāpi॑ pra॒jāyāṃ brāhma॒ṇa hanti॑ / sarva॑smai॒ tasmai॑ bheṣa॒jaṅka॑roti / ju॒mba॒kāya॒ svāhetya॑vabhṛ॒tha u॑tta॒māmāhu॑tiñjuhoti / varu॑ṇo॒ vai ju॑mba॒kaḥ / a॒nta॒ta e॒va varu॑ṇa॒mava॑yajate / kha॒la॒tervi॑kli॒dhasya॑ śu॒klasya॑ piṅgā॒kṣasya॑ mū॒rdhañju॑hoti / e॒tadvai varu॑ṇasya rū॒pam / rū॒peṇai॒va varu॑ṇa॒mava॑yajate

3.9.16.0
adhi॑pataya॒ ityā॑hā॒bhi॑jityā aindrā॒gno bhava॑ti rundha॒ eka॑ñca

3.9.16.1
vā॒ru॒ṇo vā aśvaḥ॑ / tande॒vata॑yā॒ vya॑rdhayati / yatprā॑jāpa॒tyaṅka॒roti॑ / namo॒ rājñe॒ namo॒ varu॑ṇā॒yetyā॑ha / vā॒ru॒ṇo vā aśvaḥ॑ / svayai॒vaina॑nde॒vata॑yā॒ sama॑rdhayati / namo'śvā॑ya॒ namaḥ॑ pra॒jāpa॑taya॒ ityā॑ha / prā॒jā॒pa॒tyo vā aśvaḥ॑ / svayai॒vaina॑nde॒vata॑yā॒ sama॑rdhayati / namo'dhi॑pataya॒ ityā॑ha

3.9.16.2
dharmo॒ vā adhi॑patiḥ / dharma॑me॒vāva॑rundhe / adhi॑patira॒syadhi॑patimmā ku॒rvadhi॑patira॒haṃ pra॒jānāmbhūyāsa॒mityā॑ha / adhi॑patime॒vaina॑ samā॒nānāṅkaroti / māndhe॑hi॒ mayi॑ dhe॒hītyā॑ha / ā॒śiṣa॑me॒vaitāmāśāste / u॒pākṛ॑tāya॒ svāhetyu॒pākṛ॑te juhoti / āla॑bdhāya॒ svāheti॒ niyu॑kte juhoti / hu॒tāya॒ svāheti॑ hu॒te ju॑hoti / e॒ṣāllom॒̐kānā॑ma॒bhiji॑tyai

3.9.16.3
pra vā e॒ṣa e॒bhyo lo॒kebhya॑ścyavate / yo'śvame॒dhena॒ yaja॑te / ā॒gne॒yamaindrā॒gnamāśvi॒nam / tānpa॒śūla॑bhate॒ prati॑ṣṭhityai / yadāgne॒yo bhava॑ti / a॒gnissarvā॑ de॒vatāḥ / de॒vatā॑ e॒vāva॑rundhe / brahma॒ vā a॒gniḥ / kṣa॒tramindraḥ॑ / yadaindrā॒gno bhava॑ti

3.9.16.4
bra॒hma॒kṣa॒tre e॒vāva॑rundhe / yadāśvi॒no bhava॑ti / ā॒śiṣā॒mava॑ruddhyai / trayo॑ bhavanti / traya॑ i॒me lo॒kāḥ / e॒ṣve॑va lo॒keṣu॒ prati॑tiṣṭhati / a॒gnaye'॑ho॒muce॒'ṣṭāka॑pāla॒ iti॒ daśa॑haviṣa॒miṣṭi॒nnirva॑pati / daśākṣarā vi॒rāṭ / anna॑vvim॒̐rāṭ / vi॒rājai॒vānnādya॒mava॑rundhe / a॒gnerma॑nve pratha॒masya॒ prace॑tasa॒ iti॑ yājyānuvā॒kyā॑ bhavanti sarva॒tvāya॑

3.9.17.0
vi॒ndatyaślo॑ṇo hai॒va bha॑vatyadhī॒yādṛ॑dhyate॒ garbhai॑re॒vaina॒॒ sa sama॑rdhayati॒ dve ca॑

3.9.17.1
yadyaśva॑mupa॒tapa॑dvi॒ndet / ā॒gne॒yama॒ṣṭāka॑pāla॒nnirva॑pet / sau॒myañca॒rum / sā॒vi॒trama॒ṣṭāka॑pālam / yadāgne॒yo bhava॑ti / a॒gnissarvā॑ de॒vatāḥ / de॒vatā॑bhire॒vaina॑mbhiṣajyati / yatsau॒myo bhava॑ti / somo॒ vā oṣa॑dhīnā॒॒ rājā / yābhya॑ e॒vainavvim॒̐ndati॑

3.9.17.2
tābhi॑re॒vaina॑mbhiṣajyati / yatsā॑vi॒tro bhava॑ti / sa॒vi॒tṛpra॑sūta e॒vaina॑mbhiṣajyati / e॒tābhi॑re॒vaina॑nde॒vatā॑bhirbhiṣajyati / a॒ga॒do hai॒va bha॑vati / pau॒ṣṇañca॒runnirva॑pet / yadi॑ ślo॒ṇassyāt / pū॒ṣā vai ślauṇya॑sya bhi॒ṣak / sa e॒vaina॑mbhiṣajyati / aślo॑ṇo hai॒va bha॑vati

3.9.17.3
rau॒drañca॒runnirva॑pet / yadi॑ maha॒tī de॒vatā॑'bhi॒manye॑ta / e॒ta॒dde॒va॒tyo॑ vā aśvaḥ॑ / svayai॒vaina॑nde॒vata॑yā bhiṣajyati / a॒ga॒do hai॒va bha॑vati / vai॒śvā॒na॒randvāda॑śakapāla॒nnirva॑penmṛgākha॒re yadi॒ nāgacchet / i॒yavvām̐ a॒gnirvaiśvāna॒raḥ / i॒yame॒vaina॑ma॒rcibhyāṃ pari॒rodha॒māna॑yati / āhai॒va sutya॒maha॑rgacchati / yadya॑dhī॒yāt

3.9.17.4
a॒gnaye'॑ho॒muce॒'ṣṭāka॑pālaḥ / sau॒ryaṃ payaḥ॑ / vā॒ya॒vya॑ ājya॑bhāgaḥ / yaja॑māno॒ vā aśvaḥ॑ / aha॑sā॒ vā e॒ṣa gṛ॑hī॒taḥ / yasyāśvo॒ medhā॑ya॒ prokṣi॑to॒'dhyeti॑ / yada॑ho॒muce॑ ni॒rvapa॑ti / aha॑sa e॒va tena॑ mucyate / yaja॑māno॒ vā aśvaḥ॑ / reta॑sā॒ vā e॒ṣa vyṛ॑dhyate

3.9.17.5
yasyāśvo॒ medhā॑ya॒ prokṣi॑to॒'dhyeti॑ / sau॒rya retaḥ॑ / yatsau॒ryaṃ payo॒ bhava॑ti / reta॑sai॒vaina॒॒ sa sama॑rdhayati / yaja॑māno॒ vā aśvaḥ॑ / garbhai॒rvā e॒ṣa vyṛ॑dhyate / yasyāśvo॒ medhā॑ya॒ prokṣi॑to॒'dhyeti॑ / vā॒ya॒vyā॑ garbhāḥ / yadvā॑ya॒vya॑ ājya॑bhāgo॒ bhava॑ti / garbhai॑re॒vaina॒ sa sama॑rdhayati / atho॒ yasyai॒ṣā'śva॑me॒dhe prāya॑ścitti kri॒yate / i॒ṣṭvā vasī॑yānbhavati

3.9.18.0
ā॒pya॒te॒ sa॒vvam॒̐tsa॒ra eka॑ñca

3.9.18.1
tadā॑huḥ / dvāda॑śa brahmauda॒nāntsasthi॑te॒ nirva॑pet / dvā॒da॒śabhi॒rveṣṭi॑bhiryaje॒teti॑ / yadiṣṭi॑bhi॒ryaje॑ta / u॒pa॒nāmu॑ka enayyam॒̐jñassyāt / pāpī॑yā॒॒stu syāt / ā॒ptāni॒ vā e॒tasya॒ chandā॑si / ya ī॑jā॒naḥ / tāni॒ ka e॒tāva॑dāśu॒ puna॒ prayu॑ñjī॒teti॑ / sarvā॒ vai sasthi॑te ya॒jñe vāgāpyate

3.9.18.2
sāptā bha॑vati yā॒tayāmnī / krū॒rīkṛ॑teva॒ hi bhava॒tyaru॑ṣkṛtā / sā na puna॑ pra॒yujyetyā॑huḥ / dvāda॑śai॒va bra॑hmauda॒nāntsasthi॑te॒ nirva॑pet / pra॒jāpa॑ti॒rvā o॑da॒naḥ / ya॒jña pra॒jāpa॑tiḥ / u॒pa॒nāmu॑ka enayyam॒̐jño bha॑vati / na pāpī॑yānbhavati / dvāda॑śa bhavanti / dvāda॑śa॒māsāssavvam̐tsa॒raḥ / sa॒vvam॒̐tsa॒ra e॒va prati॑tiṣṭhati

3.9.19.0
paya॑svā॒nnāma॑ ya॒jñaḥ prati॑ṣṭhitambhavati॒ yatrai॒tena॑ ya॒jñena॒ yaja॑nte॒ ṣaṭca॑

(e॒ṣa vai vibhū pra॒bhūrūrja॑svā॒npaya॑svā॒n vidhṛ॑to॒ vyāvṛ॑tta॒prati॑ṣṭhitasteja॒svī bra॑hmavarca॒sya॑tivyā॒dhī dī॒rgha kḷ॒pto dvāda॑śa // )
3.9.19.1
e॒ṣa vai vi॒bhūrnāma॑ ya॒jñaḥ / sarva॑ ha॒ vai tatra॑ vi॒bhu bha॑vati / yatrai॒tena॑ ya॒jñena॒ yaja॑nte / e॒ṣa vai pra॒bhūrnāma॑ ya॒jñaḥ / sarva॑ ha॒ vai tatra॑ pra॒bhu bha॑vati / yatrai॒tena॑ ya॒jñena॒ yaja॑nte / e॒ṣa vā ūrja॑svā॒nnāma॑ ya॒jñaḥ / sarva॑ ha॒ vai tatrorja॑svadbhavati / yatrai॒tena॑ ya॒jñena॒ yaja॑nte / e॒ṣa vai paya॑svā॒nnāma॑ ya॒jñaḥ