śrīvyaṃkaṭeśastotram · Chapter 1

yo lokarakṣārthamihāvatīrya vaikuṃṭhalokātsuravaryavaryaḥ//
śeṣācale tiṣṭhati yosnavadye taṃ vyaṃkaṭeśaṃ śaraṇaṃ prapadye

padmāvatīmānasarājahaṃsaḥ kṛpākaṭākṣānugṛhītahaṃsaḥ//
haṃsātmanādiṣṭanijasvabhāvastaṃ vyaṃkaṭeśaṃ śaraṇaṃ prapadye

mahāvibhūtiḥ svayameva yasya padāraviṃdaṃ bhajate cirasya//
tathāpi yosrthaṃ bhuvi saṃcinoti taṃ vyaṃkaṭeśaṃ śaraṇaṃ prapadye

ya āśvine māsi mahotsavārthaṃ śeṣādrimāruhya mudātituṃgam//
yatpādamīkṣanti taranti te vai taṃ vyaṃkaṭeśaṃ śaraṇaṃ prapadye

prasīda lakṣmīramaṇa prasīda prasīda śeṣādriśaya prasīda//
dāridryaduḥkhādibhayaṃ harasva taṃ vyaṃkaṭeśaṃ śaraṇaṃ prapadye

yadi pramādena kṛtosparādhaḥ śrīvyaṃkaṭeśācchitalokabādhaḥ//
sa māmava tvaṃ praṇamāmi bhūyastaṃ vyaṃkaṭeśaṃ śaraṇaṃ prapadye

na matsamo yadyapi pātakīha na tvatsamaḥ kāruṇikospi ceha//
vijñāpitaṃ me śṛṇu śeṣaśāyin taṃ vyaṃkaṭeśaṃ śaraṇaṃ prapadye

vyaṃkaṭeśāṣṭakamidaṃ trikālaṃ yaḥ paṭhennaraḥ/
sa sarvapāpanirmukto vyaṃkaṭeśapriyo bhavet

iti śrī pa. pa. śrīvāsudevānandasarasvatīviracitaṃ śrīvyaṃkaṭeśastotraṃ saṃpūrṇam//