śrīsūryāṣṭakam · Chapter 1

ādideva namastubhyaṃ prasīda mama bhāskara /
divākara namastubhyaṃ prabhākara namo'stute

saptāśvarathamārūḍhaṃ pracaṇḍaṃ kaśyapātmajam /
śvetapadmadharaṃ devaṃ taṃ sūryaṃ praṇamāmyaham

lohitaṃ rathamārūḍhaṃ sarvalokapitāmaham /
mahāpāpaharaṃ devaṃ taṃ sūryaṃ praṇamāmyaham

traiguṇyaṃ ca mahāśūraṃ brahmaviṣṇumaheśvaram /
mahāpāpaharaṃ devaṃ taṃ sūryaṃ praṇamāmyaham

bṛṃhitaṃ tejasāṃ puñjaṃ vāyurākāśameva ca /
prabhustvaṃ sarvalokānāṃ taṃ sūryaṃ praṇamāmyaham

bandhūkapuṣpasaṅkāśaṃ hārakuṇḍalabhūṣitam /
ekacakradharaṃ devaṃ taṃ sūryaṃ praṇamāmyaham

viśveśaṃ viśvakartāraṃ mahāteja: pradīpanam /
mahāpāpaharaṃ devaṃ taṃ sūryaṃ praṇamāmyaham

śrīviṣṇuṃ jagatāṃ nāthaṃ jñānavijñānamokṣadam /
mahāpāpaharaṃ devaṃ taṃ sūryaṃ praṇamāmyaham

sūryāṣṭakaṃ paṭhannityaṃ grahapīḍāpraṇāśanam /
aputro labhate putraṃ daridro dhanavān bhavet

// iti śrīśivaproktaṃ sūryāṣṭakaṃ sampūrṇam //