શ્રીસૂર્યાષ્ટકમ્ · અધ્યાય 1

આદિદેવ નમસ્તુભ્યં પ્રસીદ મમ ભાસ્કર ।
દિવાકર નમસ્તુભ્યં પ્રભાકર નમોઽસ્તુતે

સપ્તાશ્વરથમારૂઢં પ્રચણ્ડં કશ્યપાત્મજમ્ ।
શ્વેતપદ્મધરં દેવં તં સૂર્યં પ્રણમામ્યહમ્

લોહિતં રથમારૂઢં સર્વલોકપિતામહમ્ ।
મહાપાપહરં દેવં તં સૂર્યં પ્રણમામ્યહમ્

ત્રૈગુણ્યં ચ મહાશૂરં બ્રહ્મવિષ્ણુમહેશ્વરમ્ ।
મહાપાપહરં દેવં તં સૂર્યં પ્રણમામ્યહમ્

બૃંહિતં તેજસાં પુઞ્જં વાયુરાકાશમેવ ચ ।
પ્રભુસ્ત્વં સર્વલોકાનાં તં સૂર્યં પ્રણમામ્યહમ્

બન્ધૂકપુષ્પસઙ્કાશં હારકુણ્ડલભૂષિતમ્ ।
એકચક્રધરં દેવં તં સૂર્યં પ્રણમામ્યહમ્

વિશ્વેશં વિશ્વકર્તારં મહાતેજ: પ્રદીપનમ્ ।
મહાપાપહરં દેવં તં સૂર્યં પ્રણમામ્યહમ્

શ્રીવિષ્ણું જગતાં નાથં જ્ઞાનવિજ્ઞાનમોક્ષદમ્ ।
મહાપાપહરં દેવં તં સૂર્યં પ્રણમામ્યહમ્

સૂર્યાષ્ટકં પઠન્નિત્યં ગ્રહપીડાપ્રણાશનમ્ ।
અપુત્રો લભતે પુત્રં દરિદ્રો ધનવાન્ ભવેત્

॥ ઇતિ શ્રીશિવપ્રોક્તં સૂર્યાષ્ટકં સમ્પૂર્ણમ્ ॥