śrīśivaśatakam · Chapter 1

prabhuṃ prāṇanāthaṃ vibhuṃ viśvanāthaṃ jagannāthanāthaṃ sadānandabhājam /
bhavadbhavyabhūteśvaraṃ bhūtanāthaṃ, śivaṃ śaṅkaraṃ śambhumīśānamīḍe

gale ruṇḍamālaṃ tanau sarpajālaṃ mahākāla kālaṃ gaṇeśādi pālam /
jaṭājūṭa gaṅgottaraṅgai rviśālaṃ, śivaṃ śaṅkaraṃ śambhumīśānamīḍe

mudāmākaraṃ maṇḍanaṃ maṇḍayantaṃ mahā maṇḍalaṃ bhasma bhūṣādharaṃ tam /
anādiṃ hyapāraṃ mahāmohamāraṃ, śivaṃ śaṅkaraṃ śambhumīśānamīḍe

vaṭādho nivāsaṃ mahāṭṭāṭṭahāsaṃ mahāpāpa nāśaṃ sadā suprakāśam /
girīśaṃ gaṇeśaṃ sureśaṃ maheśaṃ, śivaṃ śaṅkaraṃ śambhumīśānamīḍe

girīndrātmajā saṅgṛhītārdhadaॆhaṃ girau saṃsthitaṃ sarvadāpanna geham /
parabrahma brahmādibhirvandyamānaṃ, śivaṃ śaṅkaraṃ śambhumīśānamīḍe

kapālaṃ triśūlaṃ karābhyāṃ dadhānaṃ padāmbhoja namrāya kāmaṃ dadānam /
balīvardhamānaṃ surāṇāṃ pradhānaṃ, śivaṃ śaṅkaraṃ śambhumīśānamīḍe

śaraccandra gātraṃ gaṇānandapātraṃ trinetraṃ pavitraṃ dhaneśasya mitram /
aparṇākalatraṃ sadā saccaritraṃ, śivaṃ śaṅkaraṃ śambhumīśānamīḍe

haraṃ sarpahāraṃ citā bhūvihāraṃ bhavaṃ vedasāraṃ sadā nirvikāraṃ/
śmaśānaॆ vasantaṃ manaॊjaṃ dahantaṃ, śivaṃ śaṅkaraṃ śambhumīśānamīḍe

svayaṃ yaḥ prabhāte naraśśūla pāne paṭhet stotraratnaṃ tvihaprāpyaratnam /
suputraṃ sudhānyaṃ sumitraṃ kalatraṃ vicitraissamārādhya mokṣaṃ prayāti