શ્રીશિવશતકમ્ · અધ્યાય 1

પ્રભું પ્રાણનાથં વિભું વિશ્વનાથં જગન્નાથનાથં સદાનન્દભાજમ્ ।
ભવદ્ભવ્યભૂતેશ્વરં ભૂતનાથં, શિવં શઙ્કરં શમ્ભુમીશાનમીડે

ગલે રુણ્ડમાલં તનૌ સર્પજાલં મહાકાલ કાલં ગણેશાદિ પાલમ્ ।
જટાજૂટ ગઙ્ગોત્તરઙ્ગૈ ર્વિશાલં, શિવં શઙ્કરં શમ્ભુમીશાનમીડે

મુદામાકરં મણ્ડનં મણ્ડયન્તં મહા મણ્ડલં ભસ્મ ભૂષાધરં તમ્ ।
અનાદિં હ્યપારં મહામોહમારં, શિવં શઙ્કરં શમ્ભુમીશાનમીડે

વટાધો નિવાસં મહાટ્ટાટ્ટહાસં મહાપાપ નાશં સદા સુપ્રકાશમ્ ।
ગિરીશં ગણેશં સુરેશં મહેશં, શિવં શઙ્કરં શમ્ભુમીશાનમીડે

ગિરીન્દ્રાત્મજા સઙ્ગૃહીતાર્ધદ૆હં ગિરૌ સંસ્થિતં સર્વદાપન્ન ગેહમ્ ।
પરબ્રહ્મ બ્રહ્માદિભિર્વન્દ્યમાનં, શિવં શઙ્કરં શમ્ભુમીશાનમીડે

કપાલં ત્રિશૂલં કરાભ્યાં દધાનં પદામ્ભોજ નમ્રાય કામં દદાનમ્ ।
બલીવર્ધમાનં સુરાણાં પ્રધાનં, શિવં શઙ્કરં શમ્ભુમીશાનમીડે

શરચ્ચન્દ્ર ગાત્રં ગણાનન્દપાત્રં ત્રિનેત્રં પવિત્રં ધનેશસ્ય મિત્રમ્ ।
અપર્ણાકલત્રં સદા સચ્ચરિત્રં, શિવં શઙ્કરં શમ્ભુમીશાનમીડે

હરં સર્પહારં ચિતા ભૂવિહારં ભવં વેદસારં સદા નિર્વિકારં।
શ્મશાન૆ વસન્તં મન૊જં દહન્તં, શિવં શઙ્કરં શમ્ભુમીશાનમીડે

સ્વયં યઃ પ્રભાતે નરશ્શૂલ પાને પઠેત્ સ્તોત્રરત્નં ત્વિહપ્રાપ્યરત્નમ્ ।
સુપુત્રં સુધાન્યં સુમિત્રં કલત્રં વિચિત્રૈસ્સમારાધ્ય મોક્ષં પ્રયાતિ