śrīsiddhivināyakastotram · Chapter 1

jayo'stu te gaṇapate dehi me vipulāṃ matim.
stavanam te sadā kartuṃ sphūrti yacchamamāniśam .. १..
prabhuṃ maṃgalamūrtiṃ tvāṃ candrendrāvapi dhyāyataḥ.
yajatastvāṃ viṣṇuśivau dhyāyataścāvyayaṃ sadā .. २..
vināyakaṃ ca prāhustvāṃ gajāsyaṃ śubhadāyakaṃ.
tvannāmnā vilayaṃ yānti doṣāḥ kalimalāntaka .. ३..
tvatpadābjāṃkitaścāhaṃ namāmi caraṇau tava.
deveśastvaṃ caikadanto madvijñaptiṃ śṛṇu prabho .. ४..
kuru tvaṃ mayi vātsalyaṃ rakṣa māṃ sakalāniva.
vighnebhyo rakṣa māṃ nityaṃ kuru me cākhilāḥ kriyāḥ .. ५..
gaurisutastvaṃ gaṇeśaḥ śṝṇu vijñāpanaṃ mama.
tvatpādayorananyārthī yāce sarvārtha rakṣaṇam .. ६..
tvameva mātā ca pitā devastvaṃ ca mamāvyayaḥ.
anāthanāthastvaṃ dehi vibho me vāṃchitaṃ phalam .. ७..
laṃbodarasvam gajāsyo vibhuḥ siddhivināyakaḥ.
heraṃbaḥ śivaputrastvaṃ vighneśo'nāthabāṃdhavaḥ .. ८..
nāgānano bhaktapālo varadastvaṃ dayāṃ kuru.
siṃdūravarṇaḥ paraśuhastastvaṃ vighnanāśakaḥ .. ९..
viśvāsyaṃ maṃgalādhīśaṃ vighneśaṃ paraśūdharaṃ.
duritāriṃ dīnabandhūṃ sarveśaṃ tvāṃ janā jaguḥ .. १०..
namāmi vighnahartāraṃ vande śrīpramathādhipaṃ.
namāmi ekadantaṃ ca dīnabandhū namāmyaham .. ११..
namanaṃ śaṃbhutanayaṃ namanaṃ karuṇālayaṃ.
namaste'stu gaṇeśāya svāmine ca namo'stu te .. १२..
namo'stu devarājāya vande gaurīsutaṃ punaḥ.
namāmi caraṇau bhaktyā bhālacandragaṇeśayoḥ .. १३..
naivāstyāśā ca maccitte tvadbhaktestavanasyaca.
bhavetyeva tu maccitte hyāśā ca tava darśane .. १४..
ajñānaścaiva mūḍho'haṃ dhyāyāmi caraṇau tava.
darśanaṃ dehi me śīghraṃ jagadīśa kṛpāṃ kuru .. १५..
bālakaścāhamalpajñaḥ sarveṣāmasi ceśvaraḥ.
pālakaḥ sarvabhaktānāṃ bhavasi tvaṃ gajānana .. १६..
daridro'haṃ bhāgyahīnaḥ maccittaṃ te'stu pādayoḥ.
śaraṇyaṃ māmananyaṃ te kṛpālo dehi darśanam .. १७..
idaṃ gaṇapatestotraṃ yaḥ paṭhetsusamāhitaḥ.
gaṇeśakṛpayā jñānasidhdhiṃ sa labhate dhanaṃ .. १८..
paṭhedyaḥ siddhidaṃ stotraṃ devaṃ saṃpūjya bhaktimān.
kadāpi bādhyate bhūtapretādīnāṃ na pīḍayā .. १९..
paṭhitvā stauti yaḥ stotramidaṃ siddhivināyakaṃ.
ṣaṇmāsaiḥ siddhimāpnoti na bhavedanṛtaṃ vacaḥ
gaṇeśacaraṇau natvā brūte bhakto divākaraḥ .. २०..
iti śrī siddhivināyaka stotram .