શ્રીસિદ્ધિવિનાયકસ્તોત્રમ્ · અધ્યાય 1

જયોઽસ્તુ તે ગણપતે દેહિ મે વિપુલાં મતિમ્.
સ્તવનમ્ તે સદા કર્તું સ્ફૂર્તિ યચ્છમમાનિશમ્ .. ૧..
પ્રભું મંગલમૂર્તિં ત્વાં ચન્દ્રેન્દ્રાવપિ ધ્યાયતઃ.
યજતસ્ત્વાં વિષ્ણુશિવૌ ધ્યાયતશ્ચાવ્યયં સદા .. ૨..
વિનાયકં ચ પ્રાહુસ્ત્વાં ગજાસ્યં શુભદાયકં.
ત્વન્નામ્ના વિલયં યાન્તિ દોષાઃ કલિમલાન્તક .. ૩..
ત્વત્પદાબ્જાંકિતશ્ચાહં નમામિ ચરણૌ તવ.
દેવેશસ્ત્વં ચૈકદન્તો મદ્વિજ્ઞપ્તિં શૃણુ પ્રભો .. ૪..
કુરુ ત્વં મયિ વાત્સલ્યં રક્ષ માં સકલાનિવ.
વિઘ્નેભ્યો રક્ષ માં નિત્યં કુરુ મે ચાખિલાઃ ક્રિયાઃ .. ૫..
ગૌરિસુતસ્ત્વં ગણેશઃ શૄણુ વિજ્ઞાપનં મમ.
ત્વત્પાદયોરનન્યાર્થી યાચે સર્વાર્થ રક્ષણમ્ .. ૬..
ત્વમેવ માતા ચ પિતા દેવસ્ત્વં ચ મમાવ્યયઃ.
અનાથનાથસ્ત્વં દેહિ વિભો મે વાંછિતં ફલમ્ .. ૭..
લંબોદરસ્વમ્ ગજાસ્યો વિભુઃ સિદ્ધિવિનાયકઃ.
હેરંબઃ શિવપુત્રસ્ત્વં વિઘ્નેશોઽનાથબાંધવઃ .. ૮..
નાગાનનો ભક્તપાલો વરદસ્ત્વં દયાં કુરુ.
સિંદૂરવર્ણઃ પરશુહસ્તસ્ત્વં વિઘ્નનાશકઃ .. ૯..
વિશ્વાસ્યં મંગલાધીશં વિઘ્નેશં પરશૂધરં.
દુરિતારિં દીનબન્ધૂં સર્વેશં ત્વાં જના જગુઃ .. ૧૦..
નમામિ વિઘ્નહર્તારં વન્દે શ્રીપ્રમથાધિપં.
નમામિ એકદન્તં ચ દીનબન્ધૂ નમામ્યહમ્ .. ૧૧..
નમનં શંભુતનયં નમનં કરુણાલયં.
નમસ્તેઽસ્તુ ગણેશાય સ્વામિને ચ નમોઽસ્તુ તે .. ૧૨..
નમોઽસ્તુ દેવરાજાય વન્દે ગૌરીસુતં પુનઃ.
નમામિ ચરણૌ ભક્ત્યા ભાલચન્દ્રગણેશયોઃ .. ૧૩..
નૈવાસ્ત્યાશા ચ મચ્ચિત્તે ત્વદ્ભક્તેસ્તવનસ્યચ.
ભવેત્યેવ તુ મચ્ચિત્તે હ્યાશા ચ તવ દર્શને .. ૧૪..
અજ્ઞાનશ્ચૈવ મૂઢોઽહં ધ્યાયામિ ચરણૌ તવ.
દર્શનં દેહિ મે શીઘ્રં જગદીશ કૃપાં કુરુ .. ૧૫..
બાલકશ્ચાહમલ્પજ્ઞઃ સર્વેષામસિ ચેશ્વરઃ.
પાલકઃ સર્વભક્તાનાં ભવસિ ત્વં ગજાનન .. ૧૬..
દરિદ્રોઽહં ભાગ્યહીનઃ મચ્ચિત્તં તેઽસ્તુ પાદયોઃ.
શરણ્યં મામનન્યં તે કૃપાલો દેહિ દર્શનમ્ .. ૧૭..
ઇદં ગણપતેસ્તોત્રં યઃ પઠેત્સુસમાહિતઃ.
ગણેશકૃપયા જ્ઞાનસિધ્ધિં સ લભતે ધનં .. ૧૮..
પઠેદ્યઃ સિદ્ધિદં સ્તોત્રં દેવં સંપૂજ્ય ભક્તિમાન્.
કદાપિ બાધ્યતે ભૂતપ્રેતાદીનાં ન પીડયા .. ૧૯..
પઠિત્વા સ્તૌતિ યઃ સ્તોત્રમિદં સિદ્ધિવિનાયકં.
ષણ્માસૈઃ સિદ્ધિમાપ્નોતિ ન ભવેદનૃતં વચઃ
ગણેશચરણૌ નત્વા બ્રૂતે ભક્તો દિવાકરઃ .. ૨૦..
ઇતિ શ્રી સિદ્ધિવિનાયક સ્તોત્રમ્ .