śrīrādhākavacam · Chapter 1

maheśvara uvāca /
śrījaganmaṅgalasyāsya kavacasya prajāpatiḥ

ṛṣiścando'sya gāyatrī devī rāseśvarī svayam / śrīkṛṣṇabhaktisamprāptau viniyogaḥ prakīrtitaḥ

śiṣyāya kṛṣṇabhaktāya brahmaṇāya prakāśyet / śaṭhāya paraśiṣyāya dattvā mṛtyumavāpnuyāt

rājyaṃ deyaṃ śiro deyaṃ na deyaṃ kavacaṃ priye / kaṇṭhe dhṛtamidaṃ bhaktyā kṛṣṇena paramātmanā

mayā dṛṣṭaṃ ca goloke brahmaṇā viṣṇunā purā / ॐ rādheti caturthyantaṃ vahnijāyāntameva ca

kṛṣṇenopāsito mantraḥ kalpavṛkṣaḥ śiro'vatu / ॐ hrīṃ śrīṃ rādhikāṅentaṃ vahnijāyāntameva ca

kapālaṃ netrayugmaṃ ca śrotrayugmaṃ sadāvatu / ॐ rāṃ hrīṃ śrīṃ rādhiketi ṅentaṃ vahni jāyāntameva ca

mastakaṃ keśasaṃghāṃśca mantrarājaḥ sadāvatu / ॐ rāṃ rādheti caturthyantaṃ vahnijāyāntameva ca

sarvasiddhipradaḥ pātu kapolaṃ nāsikāṃ mukham / klīṃ śrīṃ kṛṣṇapriyāṅentaṃ kaṇṭhaṃ pātu namo'ntakam

ॐ rāṃ rāseśvarīṅentaṃ skandhaṃ pātu namo'ntakam / ॐ rāṃ rāsavilāsinyai svāhā pṛṣṭhaṃ sadāvatu

vṛndāvanavilāsinyai svāhā vakṣaḥ sadāvatu / tulasīvanavāsinyai svāhā pātu nitambakam

kṛṣṇaprāṇādhikāṅentaṃ svāhāntaṃ praṇavādikam / pādayugmaṃ ca sarvāṅgaṃ saṃtataṃ pātu sarvataḥ

rādhā rakṣatu prācyāṃ ca vahnau kṛṣṇapriyāvatu / tulasīvanavāsinyai svāhā pātu nitambakam

paścime nirguṇā pātu vāyavye kṛṣṇapūjitā / uttare saṃtataṃ pātu mūlaprakṛtirīśvarī

sarveśvarī sadaiśānyāṃ pātu māṃ sarvapūjitā / jale sthale cāntarikṣe svapne jāgaraṇe tathā

mahāviṣṇośca jananī sarvataḥ pātu saṃtataṃ / kavacaṃ kathitaṃ durge śrījaganmaṅgalaṃ param

yasmai kasmai na dātavya guḍhād guḍhataraṃ param / tava snehānmayākhyātaṃ pravaktaṃ na kasyacit

gurumabhyarcya vidhivad vastrālaṃkāracandanaiḥ / kaṇṭhe vā dakṣiṇe bāhau dhṛtvā viṣṇosamo bhavet

śatalakṣajapenaiva siddhaṃ ca kavacaṃ bhavet / yadi syāt siddhakavaco na dagdho vahninā bhavet

etasmāt kavacād durge rājā duryodhanaḥ purā / viśārado jalastambhe vahnistambhe ca niścitam

mayā sanatkumārāya purā dattaṃ ca puṣkare / sūryaparvaṇi merau ca sa sāndīpanaye dadau

balāya tena dattaṃ ca dadau duryodhanāya saḥ / kavacasya prasādena jīvanmukto bhavennaraḥ

nityaṃ paṭhati bhaktyedaṃ tanmantropāsakaśca yaḥ / viṣṇutulyo bhavennityaṃ rājasūyaphalaṃ labhet

snānena sarvatīrthānāṃ sarvadānena yatphalam / sarvavratopavāse ca pṛthivyāśca pradakṣiṇe

sarvayajñeṣu dīkṣāyāṃ nityaṃ ca satyarakṣaṇe / nityaṃ śrīkṛṣṇasevāyāṃ kṛṣṇanaivedyabhakṣaṇe

pāṭhe caturṇāṃ vedānāṃ yatphalaṃ ca labhennaraḥ / yatphalaṃ labhate nūnaṃ paṭhanāt kavacasya ca

rājadvāre śmaśāne ca siṃhavyāghrānvite vane / dāvāgnau saṃkaṭe caiva dasyucaurānvite bhaye

kārāgāre vipadgraste ghore ca dṛḍhabandhane / vyādhiyukto bhavenmukto dhāraṇāt kavacasya ca

ityetatkathitaṃ durge tavaivedaṃ maheśvari / tvameva sarvarūpā māṃ māyā pṛcchasi māyayā

śrīnārāyaṇa uvāca /
ityuktvā rādhikākhyānaṃ smāraṃ ca mādhavam / pulakāṅkitasarvāṅgaḥ sāśrunetro babhuva saḥ

na kṛṣṇasadṛśo devo na gaṅgāsadṛśī sarit / na puṣkarasamaṃ tīrthaṃ nāśrāmo brāhmaṇāt para

paramāṇuparaṃ sūkṣmaṃ mahāviṣṇoḥ paro mahān / nabha paraṃ ca vistīrṇaṃ yathā nāstyeva nārada

tathā na vaiṣṇavād jñānī yigīndraḥ śaṃkarāt paraḥ / kāmakrodhalobhamohā jitāstenaiva nārada

svapne jāgaraṇe śaśvat kṛṣṇadhyānarataḥ śivaḥ / yathā kṛṣṇastathā śambhurna bhedo mādhaveśayoḥ

yathā śambhurvaiṣṇaveṣu yathā deveṣu mādhavaḥ / tathedaṃ kavacaṃ vatsa kavaceṣu praśastakam

iti śrībrahmavaivarte śrīrādhikākavacaṃ sampūrnam /