શ્રીરાધાકવચમ્ · અધ્યાય 1

મહેશ્વર ઉવાચ ।
શ્રીજગન્મઙ્ગલસ્યાસ્ય કવચસ્ય પ્રજાપતિઃ

ઋષિશ્ચન્દોઽસ્ય ગાયત્રી દેવી રાસેશ્વરી સ્વયમ્ । શ્રીકૃષ્ણભક્તિસમ્પ્રાપ્તૌ વિનિયોગઃ પ્રકીર્તિતઃ

શિષ્યાય કૃષ્ણભક્તાય બ્રહ્મણાય પ્રકાશ્યેત્ । શઠાય પરશિષ્યાય દત્ત્વા મૃત્યુમવાપ્નુયાત્

રાજ્યં દેયં શિરો દેયં ન દેયં કવચં પ્રિયે । કણ્ઠે ધૃતમિદં ભક્ત્યા કૃષ્ણેન પરમાત્મના

મયા દૃષ્ટં ચ ગોલોકે બ્રહ્મણા વિષ્ણુના પુરા । ૐ રાધેતિ ચતુર્થ્યન્તં વહ્નિજાયાન્તમેવ ચ

કૃષ્ણેનોપાસિતો મન્ત્રઃ કલ્પવૃક્ષઃ શિરોઽવતુ । ૐ હ્રીં શ્રીં રાધિકાઙેન્તં વહ્નિજાયાન્તમેવ ચ

કપાલં નેત્રયુગ્મં ચ શ્રોત્રયુગ્મં સદાવતુ । ૐ રાં હ્રીં શ્રીં રાધિકેતિ ઙેન્તં વહ્નિ જાયાન્તમેવ ચ

મસ્તકં કેશસંઘાંશ્ચ મન્ત્રરાજઃ સદાવતુ । ૐ રાં રાધેતિ ચતુર્થ્યન્તં વહ્નિજાયાન્તમેવ ચ

સર્વસિદ્ધિપ્રદઃ પાતુ કપોલં નાસિકાં મુખમ્ । ક્લીં શ્રીં કૃષ્ણપ્રિયાઙેન્તં કણ્ઠં પાતુ નમોઽન્તકમ્

ૐ રાં રાસેશ્વરીઙેન્તં સ્કન્ધં પાતુ નમોઽન્તકમ્ । ૐ રાં રાસવિલાસિન્યૈ સ્વાહા પૃષ્ઠં સદાવતુ

વૃન્દાવનવિલાસિન્યૈ સ્વાહા વક્ષઃ સદાવતુ । તુલસીવનવાસિન્યૈ સ્વાહા પાતુ નિતમ્બકમ્

કૃષ્ણપ્રાણાધિકાઙેન્તં સ્વાહાન્તં પ્રણવાદિકમ્ । પાદયુગ્મં ચ સર્વાઙ્ગં સંતતં પાતુ સર્વતઃ

રાધા રક્ષતુ પ્રાચ્યાં ચ વહ્નૌ કૃષ્ણપ્રિયાવતુ । તુલસીવનવાસિન્યૈ સ્વાહા પાતુ નિતમ્બકમ્

પશ્ચિમે નિર્ગુણા પાતુ વાયવ્યે કૃષ્ણપૂજિતા । ઉત્તરે સંતતં પાતુ મૂલપ્રકૃતિરીશ્વરી

સર્વેશ્વરી સદૈશાન્યાં પાતુ માં સર્વપૂજિતા । જલે સ્થલે ચાન્તરિક્ષે સ્વપ્ને જાગરણે તથા

મહાવિષ્ણોશ્ચ જનની સર્વતઃ પાતુ સંતતં । કવચં કથિતં દુર્ગે શ્રીજગન્મઙ્ગલં પરમ્

યસ્મૈ કસ્મૈ ન દાતવ્ય ગુઢાદ્ ગુઢતરં પરમ્ । તવ સ્નેહાન્મયાખ્યાતં પ્રવક્તં ન કસ્યચિત્

ગુરુમભ્યર્ચ્ય વિધિવદ્ વસ્ત્રાલંકારચન્દનૈઃ । કણ્ઠે વા દક્ષિણે બાહૌ ધૃત્વા વિષ્ણોસમો ભવેત્

શતલક્ષજપેનૈવ સિદ્ધં ચ કવચં ભવેત્ । યદિ સ્યાત્ સિદ્ધકવચો ન દગ્ધો વહ્નિના ભવેત્

એતસ્માત્ કવચાદ્ દુર્ગે રાજા દુર્યોધનઃ પુરા । વિશારદો જલસ્તમ્ભે વહ્નિસ્તમ્ભે ચ નિશ્ચિતમ્

મયા સનત્કુમારાય પુરા દત્તં ચ પુષ્કરે । સૂર્યપર્વણિ મેરૌ ચ સ સાન્દીપનયે દદૌ

બલાય તેન દત્તં ચ દદૌ દુર્યોધનાય સઃ । કવચસ્ય પ્રસાદેન જીવન્મુક્તો ભવેન્નરઃ

નિત્યં પઠતિ ભક્ત્યેદં તન્મન્ત્રોપાસકશ્ચ યઃ । વિષ્ણુતુલ્યો ભવેન્નિત્યં રાજસૂયફલં લભેત્

સ્નાનેન સર્વતીર્થાનાં સર્વદાનેન યત્ફલમ્ । સર્વવ્રતોપવાસે ચ પૃથિવ્યાશ્ચ પ્રદક્ષિણે

સર્વયજ્ઞેષુ દીક્ષાયાં નિત્યં ચ સત્યરક્ષણે । નિત્યં શ્રીકૃષ્ણસેવાયાં કૃષ્ણનૈવેદ્યભક્ષણે

પાઠે ચતુર્ણાં વેદાનાં યત્ફલં ચ લભેન્નરઃ । યત્ફલં લભતે નૂનં પઠનાત્ કવચસ્ય ચ

રાજદ્વારે શ્મશાને ચ સિંહવ્યાઘ્રાન્વિતે વને । દાવાગ્નૌ સંકટે ચૈવ દસ્યુચૌરાન્વિતે ભયે

કારાગારે વિપદ્ગ્રસ્તે ઘોરે ચ દૃઢબન્ધને । વ્યાધિયુક્તો ભવેન્મુક્તો ધારણાત્ કવચસ્ય ચ

ઇત્યેતત્કથિતં દુર્ગે તવૈવેદં મહેશ્વરિ । ત્વમેવ સર્વરૂપા માં માયા પૃચ્છસિ માયયા

શ્રીનારાયણ ઉવાચ ।
ઇત્યુક્ત્વા રાધિકાખ્યાનં સ્મારં ચ માધવમ્ । પુલકાઙ્કિતસર્વાઙ્ગઃ સાશ્રુનેત્રો બભુવ સઃ

ન કૃષ્ણસદૃશો દેવો ન ગઙ્ગાસદૃશી સરિત્ । ન પુષ્કરસમં તીર્થં નાશ્રામો બ્રાહ્મણાત્ પર

પરમાણુપરં સૂક્ષ્મં મહાવિષ્ણોઃ પરો મહાન્ । નભ પરં ચ વિસ્તીર્ણં યથા નાસ્ત્યેવ નારદ

તથા ન વૈષ્ણવાદ્ જ્ઞાની યિગીન્દ્રઃ શંકરાત્ પરઃ । કામક્રોધલોભમોહા જિતાસ્તેનૈવ નારદ

સ્વપ્ને જાગરણે શશ્વત્ કૃષ્ણધ્યાનરતઃ શિવઃ । યથા કૃષ્ણસ્તથા શમ્ભુર્ન ભેદો માધવેશયોઃ

યથા શમ્ભુર્વૈષ્ણવેષુ યથા દેવેષુ માધવઃ । તથેદં કવચં વત્સ કવચેષુ પ્રશસ્તકમ્

ઇતિ શ્રીબ્રહ્મવૈવર્તે શ્રીરાધિકાકવચં સમ્પૂર્નમ્ ।