śrīkṛṣṇāṣṭakaṃ · Chapter 1

vasudevasutaṃ devaṃ kaṃsacāṇūra mardanaṃ |
devakīparamānaṃdaṃ kṛṣṇaṃ vaṃde jagadgurūṃ

atasīpuṣpasaṃkāśaṃ hāranūpura śobhitaṃ |
ratnakaṃkaṇa keyūraṃ kṛṣṇaṃ vaṃde jagadgurūṃ

kuṭilālaka saṃyuktaṃ pūrṇacaṃdra nibhānanaṃ |
vilasatkuṃḍaladharaṃ devaṃ kṛṣṇaṃ vaṃde jagadgurūṃ

maṃdāragaṃdha saṃyuktaṃ cāruhāsaṃ caturbhujaṃ |
bahirpiṃchāva cūḍāṃgaṃ kṛṣṇaṃ vaṃde jagadgurūṃ

utphullapadma patrākṣaṃ nīlajīmūta sannibhaṃ |
yādavānāṃ śiroratnaṃ kṛṣṇaṃ vaṃde jagadgurūṃ

rukmiṇīkeḻi saṃyuktaṃ pītāṃbaraṃ suśobhitaṃ |
avāpta tuḻasīgaṃdhaṃ kṛṣṇaṃ vaṃde jagadgurūṃ

gopikānāṃ kucadvaṃdaṃ kuṃkumāṃkita vakṣasaṃ |
śrīniketaṃ maheṣvāsaṃ kṛṣṇaṃ vaṃde jagadgurūṃ

śrīvatsāṃkaṃ mahoraskaṃ vanamālā virājitaṃ |
śaṃkhacakradharaṃ devaṃ kṛṣṇaṃ vaṃde jagadgurūṃ

kṛṣṇāṣṭakamidaṃ prātarutthāya yaḥ paṭhet |
koṭijanmakṛtaṃ pāpaṃ smaraṇena vinaśyati || phalaśruti ||