śrīkamalākavacam · Chapter 1

// śrīkamalākavacam //
śrīgaṇeśāya namaḥ /
ॐ asyāścaturakṣarāviṣṇuvanitāyāḥ
kavacasya śrībhagavān śiva ṛṣīḥ /
anuṣṭupchandaḥ / vāgbhavā devatā /
vāgbhavaṃ bījam / lajjā śaktiḥ /
ramā kīlakam / kāmabījātmakaṃ kavacam /
mama sukavitvapāṇḍityasamṛddhisiddhaye pāṭhe viniyogaḥ /
aiṅkāro mastake pātu vāgbhavāṃ sarvasiddhidā /
hrīṃ pātu cakṣuṣormadhye cakṣuryugme ca śāṅkarī

jihvāyāṃ mukhavṛtte ca karṇayordantayornasi /
oṣṭhādhāre dantapaṅktau tālumūle hanau punaḥ

pātu māṃ viṣṇuvanitā lakṣmīḥ śrīvarṇarūpiṇī //
karṇayugme bhujadvandve stanadvandve ca pārvatī

hṛdaye maṇibandhe ca grīvāyāṃ pārśvaryodvayoḥ /
pṛṣṭhadeśe tathā guhye vāme ca dakṣiṇe tathā

upasthe ca nitambe ca nābhau jaṃghādvaye punaḥ /
jānucakre padadvandve ghuṭike'ṅgulimūlake

svadhā tu prāṇaśaktyāṃ vā sīmanyāṃ mastake tathā /
sarvāṅge pātu kāmeśī mahādevī samunnatiḥ

puṣṭiḥ pātu mahāmāyā utkṛṣṭiḥ sarvadā'vatu /
ṛddhiḥ pātu sadā devī sarvatra śambhuvallabhā

vāgbhavā sarvadā pātu pātu māṃ haragehinī /
ramā pātu mahādevī pātu māyā svarāṭ svayam

sarvāṅge pātu māṃ lakṣmīrviṣṇumāyā sureśvarī /
vijayā pātu bhavane jayā pātu sadā mama

śivadūtī sadā pātu sundarī pātu sarvadā /
bhairavī pātu sarvatra bheruṇḍā sarvadā'vatu

tvaritā pātu māṃ nityamugratārā sadā'vatu /
pātu māṃ kālikā nityaṃ kālarātriḥ sadā'vatu

navadurgāḥ sadā pātu kāmākhyā sarvadā'vatu /
yoginyaḥ sarvadā pātu mudrāḥ pātu sadā sama

mātrāḥ pātu sadā devyaścakrasthā yoginī gaṇāḥ /
sarvatra sarvakāryeṣu sarvakarmasu sarvadā

pātu māṃ devadevī ca lakṣmīḥ sarvasamṛddhidā //
// iti viśvasāratantre śrīkamalākavacaṃ sampūrṇam //