શ્રીકમલાકવચમ્ · અધ્યાય 1

॥ શ્રીકમલાકવચમ્ ॥
શ્રીગણેશાય નમઃ ।
ૐ અસ્યાશ્ચતુરક્ષરાવિષ્ણુવનિતાયાઃ
કવચસ્ય શ્રીભગવાન્ શિવ ઋષીઃ ।
અનુષ્ટુપ્છન્દઃ । વાગ્ભવા દેવતા ।
વાગ્ભવં બીજમ્ । લજ્જા શક્તિઃ ।
રમા કીલકમ્ । કામબીજાત્મકં કવચમ્ ।
મમ સુકવિત્વપાણ્ડિત્યસમૃદ્ધિસિદ્ધયે પાઠે વિનિયોગઃ ।
ઐઙ્કારો મસ્તકે પાતુ વાગ્ભવાં સર્વસિદ્ધિદા ।
હ્રીં પાતુ ચક્ષુષોર્મધ્યે ચક્ષુર્યુગ્મે ચ શાઙ્કરી

જિહ્વાયાં મુખવૃત્તે ચ કર્ણયોર્દન્તયોર્નસિ ।
ઓષ્ઠાધારે દન્તપઙ્ક્તૌ તાલુમૂલે હનૌ પુનઃ

પાતુ માં વિષ્ણુવનિતા લક્ષ્મીઃ શ્રીવર્ણરૂપિણી ॥
કર્ણયુગ્મે ભુજદ્વન્દ્વે સ્તનદ્વન્દ્વે ચ પાર્વતી

હૃદયે મણિબન્ધે ચ ગ્રીવાયાં પાર્શ્વર્યોદ્વયોઃ ।
પૃષ્ઠદેશે તથા ગુહ્યે વામે ચ દક્ષિણે તથા

ઉપસ્થે ચ નિતમ્બે ચ નાભૌ જંઘાદ્વયે પુનઃ ।
જાનુચક્રે પદદ્વન્દ્વે ઘુટિકેઽઙ્ગુલિમૂલકે

સ્વધા તુ પ્રાણશક્ત્યાં વા સીમન્યાં મસ્તકે તથા ।
સર્વાઙ્ગે પાતુ કામેશી મહાદેવી સમુન્નતિઃ

પુષ્ટિઃ પાતુ મહામાયા ઉત્કૃષ્ટિઃ સર્વદાઽવતુ ।
ઋદ્ધિઃ પાતુ સદા દેવી સર્વત્ર શમ્ભુવલ્લભા

વાગ્ભવા સર્વદા પાતુ પાતુ માં હરગેહિની ।
રમા પાતુ મહાદેવી પાતુ માયા સ્વરાટ્ સ્વયમ્

સર્વાઙ્ગે પાતુ માં લક્ષ્મીર્વિષ્ણુમાયા સુરેશ્વરી ।
વિજયા પાતુ ભવને જયા પાતુ સદા મમ

શિવદૂતી સદા પાતુ સુન્દરી પાતુ સર્વદા ।
ભૈરવી પાતુ સર્વત્ર ભેરુણ્ડા સર્વદાઽવતુ

ત્વરિતા પાતુ માં નિત્યમુગ્રતારા સદાઽવતુ ।
પાતુ માં કાલિકા નિત્યં કાલરાત્રિઃ સદાઽવતુ

નવદુર્ગાઃ સદા પાતુ કામાખ્યા સર્વદાઽવતુ ।
યોગિન્યઃ સર્વદા પાતુ મુદ્રાઃ પાતુ સદા સમ

માત્રાઃ પાતુ સદા દેવ્યશ્ચક્રસ્થા યોગિની ગણાઃ ।
સર્વત્ર સર્વકાર્યેષુ સર્વકર્મસુ સર્વદા

પાતુ માં દેવદેવી ચ લક્ષ્મીઃ સર્વસમૃદ્ધિદા ॥
॥ ઇતિ વિશ્વસારતન્ત્રે શ્રીકમલાકવચં સમ્પૂર્ણમ્ ॥