śrījñāneśvarastotram · Chapter 1

sadguruṃ saccidānandaṃ kevalaṃ karuṇākaram |
jñānayogeśvaraṃ vande jñānadevaṃ punaḥ punaḥ

vāṅmanobuddhibhāvānāmatītaṃ parameśvaram |
niṣkalaṃ saguṇaṃ vande jñānadevaṃ punaḥ punaḥ

nirmalaṃ sadayaṃ śāṃtaṃ praṇatākhilamaṅlam |
jñānaikarūpiṇaṃ vande jñānadevaṃ punaḥ punaḥ

bhaktikalpatarormūlaṃ bījaṃ sādhanasampadaḥ |
sarvalokahitaṃ vande jñānadevaṃ punaḥ punaḥ

āvirbhūto hari: sākṣāt pāvane gautamītaṭe |
rupeṇa yasya taṃ vande jñānadevaṃ punaḥ punaḥ

nivṛttimārgiṇo mukti: sopānasulabhā kṛtā |
kṛpayā yasya taṃ vande jñānadevaṃ punaḥ punaḥ

jñānaṃ bhaktirasaṃ yasya yadbhaktirjñānabhāsvatī |
tamadvaitaparaṃ vande jñānadevaṃ punaḥ punaḥ

dṛṣṭi: kṛpāvatī yasya nityaṃ pīyūṣavarṣiṇī
natāśrayāṃghriṃ taṃ vande jñānadevaṃ punaḥ punaḥ

sudhāvijayinī tāpaśamanī lokapāvanī
bhāratī yasya taṃ vande jñānadevaṃ punaḥ punaḥ

bhāvārthadīpikā yasya anubhavāmṛtajīvanī
taṃ buddhibhāskaraṃ vande jñānadevaṃ punaḥ punaḥ

śaradindumanojñāṅgaṃ kamalāyatalocanam |
padmāsanasthitaṃ vande jñānadevaṃ punaḥ punaḥ

prasannaṃ paramodāraṃ varadaṃ susmitānanam |
ālandivallabhaṃ vande jñānadevaṃ punaḥ punaḥ

suhṛdaṃ sarvabhūtānāṃ mātaraṃ pitaraṃ prabhūm |
premalaṃ vatsalaṃ vande jñānadevaṃ punaḥ punaḥ

buddhinadyā: śaratkālaṃ pragrahaṃ cittavājinaḥ
pāpatāpaharaṃ vande jñānadevaṃ punaḥ punaḥ

he tāta ! bhavataivoktaṃ śiśormātā svayaṃ hitā |
cittavṛtte: samādhānaṃ buddhe: sthairyaṃ sadāsstu me