શ્રીજ્ઞાનેશ્વરસ્તોત્રમ્ · અધ્યાય 1

સદ્ગુરું સચ્ચિદાનન્દં કેવલં કરુણાકરમ્ ।
જ્ઞાનયોગેશ્વરં વન્દે જ્ઞાનદેવં પુનઃ પુનઃ

વાઙ્મનોબુદ્ધિભાવાનામતીતં પરમેશ્વરમ્ ।
નિષ્કલં સગુણં વન્દે જ્ઞાનદેવં પુનઃ પુનઃ

નિર્મલં સદયં શાંતં પ્રણતાખિલમઙ્લમ્ ।
જ્ઞાનૈકરૂપિણં વન્દે જ્ઞાનદેવં પુનઃ પુનઃ

ભક્તિકલ્પતરોર્મૂલં બીજં સાધનસમ્પદઃ ।
સર્વલોકહિતં વન્દે જ્ઞાનદેવં પુનઃ પુનઃ

આવિર્ભૂતો હરિ: સાક્ષાત્ પાવને ગૌતમીતટે ।
રુપેણ યસ્ય તં વન્દે જ્ઞાનદેવં પુનઃ પુનઃ

નિવૃત્તિમાર્ગિણો મુક્તિ: સોપાનસુલભા કૃતા ।
કૃપયા યસ્ય તં વન્દે જ્ઞાનદેવં પુનઃ પુનઃ

જ્ઞાનં ભક્તિરસં યસ્ય યદ્ભક્તિર્જ્ઞાનભાસ્વતી ।
તમદ્વૈતપરં વન્દે જ્ઞાનદેવં પુનઃ પુનઃ

દૃષ્ટિ: કૃપાવતી યસ્ય નિત્યં પીયૂષવર્ષિણી
નતાશ્રયાંઘ્રિં તં વન્દે જ્ઞાનદેવં પુનઃ પુનઃ

સુધાવિજયિની તાપશમની લોકપાવની
ભારતી યસ્ય તં વન્દે જ્ઞાનદેવં પુનઃ પુનઃ

ભાવાર્થદીપિકા યસ્ય અનુભવામૃતજીવની
તં બુદ્ધિભાસ્કરં વન્દે જ્ઞાનદેવં પુનઃ પુનઃ

શરદિન્દુમનોજ્ઞાઙ્ગં કમલાયતલોચનમ્ ।
પદ્માસનસ્થિતં વન્દે જ્ઞાનદેવં પુનઃ પુનઃ

પ્રસન્નં પરમોદારં વરદં સુસ્મિતાનનમ્ ।
આલન્દિવલ્લભં વન્દે જ્ઞાનદેવં પુનઃ પુનઃ

સુહૃદં સર્વભૂતાનાં માતરં પિતરં પ્રભૂમ્ ।
પ્રેમલં વત્સલં વન્દે જ્ઞાનદેવં પુનઃ પુનઃ

બુદ્ધિનદ્યા: શરત્કાલં પ્રગ્રહં ચિત્તવાજિનઃ
પાપતાપહરં વન્દે જ્ઞાનદેવં પુનઃ પુનઃ

હે તાત ! ભવતૈવોક્તં શિશોર્માતા સ્વયં હિતા ।
ચિત્તવૃત્તે: સમાધાનં બુદ્ધે: સ્થૈર્યં સદાસ્સ્તુ મે