Śrīghanācārasaṃgraha · Chapter 4
iti saṃghasenena saṃvihitoddhāre śrīghanācārasaṃgrahe śrāmaṇerabhāvopāyo nāma tṛtīyo 'dhyāya ||
caturtho 'dhyāyaḥ
anye cācārāḥ
campūkalahadantādakāṣṭho vṛddhāntiko yatiḥ |
snānapānāśanastotravyagro nagnaikavastra[kaḥ]
mṛtkarmavyāpṛtas tūrṇaṃ gacchan [ca] dvitribhūmikaṃ |
āśu vrajan pacan pātraṃ vyagraś cīvarakarmaṇā
cūrṇacailakriyāsakto 'ktākṣo[ca] dhūmramāpiban |
likhan yo pustakaṃ vāpi yo vācayati so 'pi na
viṭprasrāvakuṭīṃ gacchan tiṣṭhan tamasi voddiśan |
vāsayannatha prāvṛṇvana na vandyo yatinā yatiḥ
avaguṇṭhitaśīrṣeṇa sopānatkena jānunoḥ |
muṇḍasphoṭaṃ hi jaṃghāyāṃ na dadyādavinā yathā
samavasthāniṣaṇṇena vandyamānena padyuge |
gṛhītvā karkaṭagrāhaṃ vācyamārogyamastviti
bhikṣuvinayasaṃkṣepādācārāntaramuddhṛtaṃ |
śrotavyo 'nyadupādhyāyād bhāvyaṃ sagauraveṇa ca
śatadvayena saṃhatya śrīghanācāra saṃgrahaṃ |
sukṛtaṃ karma yattena jano prāpnotvasaṃskṛtaṃ
Original text: Śrīghanācārasaṃgraha · Edition: the reconstruction by Sanghasena Singh from Jayaraksita's Srighanacarasamgrahatika (see separate file) [cf. Sanghasena Singh: "On the restauration of the Śrighanācārasaṃgraha", in: Philosophy, Grammar and Indology, Essays in Honour of Professor Gustav Roth, ed. H.S. Prasad, Delhi 1992, pp. 283-301] · Data entry members of the Digital Sanskrit Buddhist Canon Input Project · GRETIL (Göttingen) · CC BY-NC-SA 4.0