श्रीघनाचारसंग्रह · अध्याय 4

इति संघसेनेन संविहितोद्धारे श्रीघनाचारसंग्रहे श्रामणेरभावोपायो नाम तृतीयो ऽध्याय ॥
चतुर्थो ऽध्यायः
अन्ये चाचाराः
चम्पूकलहदन्तादकाष्ठो वृद्धान्तिको यतिः ।
स्नानपानाशनस्तोत्रव्यग्रो नग्नैकवस्त्र[कः]

मृत्कर्मव्यापृतस् तूर्णं गच्छन् [च] द्वित्रिभूमिकं ।
आशु व्रजन् पचन् पात्रं व्यग्रश् चीवरकर्मणा

चूर्णचैलक्रियासक्तो ऽक्ताक्षो[च] धूम्रमापिबन् ।
लिखन् यो पुस्तकं वापि यो वाचयति सो ऽपि न

विट्प्रस्रावकुटीं गच्छन् तिष्ठन् तमसि वोद्दिशन् ।
वासयन्नथ प्रावृण्वन न वन्द्यो यतिना यतिः

अवगुण्ठितशीर्षेण सोपानत्केन जानुनोः ।
मुण्डस्फोटं हि जंघायां न दद्यादविना यथा

समवस्थानिषण्णेन वन्द्यमानेन पद्युगे ।
गृहीत्वा कर्कटग्राहं वाच्यमारोग्यमस्त्विति

भिक्षुविनयसंक्षेपादाचारान्तरमुद्धृतं ।
श्रोतव्यो ऽन्यदुपाध्यायाद् भाव्यं सगौरवेण च

शतद्वयेन संहत्य श्रीघनाचार संग्रहं ।
सुकृतं कर्म यत्तेन जनो प्राप्नोत्वसंस्कृतं