śrīdattastavastotram · Chapter 1

// śrīdattastavastotram //
bhūtapretapiśācādyā yasya smaraṇamātrataḥ//
dūrādeva palāyante dattātreyaṃ namāmi tam

yannāmasmaraṇāddainyaṃ pāpaṃ tāpaśca naśyati//
bhītigrahārtiduḥsvapnaṃ dattātreyaṃ namāmi tam

dadrusphoṭakakuṣṭhādi mahāmārī viṣūcikā//
naśyantyanyespi rogāśca dattātreyaṃ namāmi tam

saṃgajā deśakālotthā api sāṃkramikā gadāḥ//
śāmyanti yatsmaraṇato dattātreyaṃ namāmi tam

sarpavṛścikadaṣṭānāṃ viṣārtānāṃ śarīriṇām//
yannāma śāṃtidaṃ śīghraṃ dattātreyaṃ namāmi tam

trividhotpātaśamanaṃ vividhāriṣṭanāśanam//
yannāma krūrabhītighnaṃ dattātreyaṃ namāmi tam

vairyādikṛtamaṃtrādiprayogā yasya kīrtanāt//
naśyanti devabādhāśca dattātreyaṃ namāmi tam

yacchiṣyasmaraṇātsadyo gatanaṣṭādi labhyate//
ya īśaḥ sarvatastrātā dattātreyaṃ namāmi tam

jayalābhayaśaḥkāmadāturdattasya yaḥ stavam//
bhogamokṣapradasyemaṃ paṭheddattapriyo bhavet

// iti śrī pa. pa. śrīvāsudevānandasarasvativiracitaṃ dattastavastotraṃ saṃpūrṇam //