શ્રીદત્તસ્તવસ્તોત્રમ્ · અધ્યાય 1

॥ શ્રીદત્તસ્તવસ્તોત્રમ્ ॥
ભૂતપ્રેતપિશાચાદ્યા યસ્ય સ્મરણમાત્રતઃ॥
દૂરાદેવ પલાયન્તે દત્તાત્રેયં નમામિ તમ્

યન્નામસ્મરણાદ્દૈન્યં પાપં તાપશ્ચ નશ્યતિ॥
ભીતિગ્રહાર્તિદુઃસ્વપ્નં દત્તાત્રેયં નમામિ તમ્

દદ્રુસ્ફોટકકુષ્ઠાદિ મહામારી વિષૂચિકા॥
નશ્યન્ત્યન્યેસ્પિ રોગાશ્ચ દત્તાત્રેયં નમામિ તમ્

સંગજા દેશકાલોત્થા અપિ સાંક્રમિકા ગદાઃ॥
શામ્યન્તિ યત્સ્મરણતો દત્તાત્રેયં નમામિ તમ્

સર્પવૃશ્ચિકદષ્ટાનાં વિષાર્તાનાં શરીરિણામ્॥
યન્નામ શાંતિદં શીઘ્રં દત્તાત્રેયં નમામિ તમ્

ત્રિવિધોત્પાતશમનં વિવિધારિષ્ટનાશનમ્॥
યન્નામ ક્રૂરભીતિઘ્નં દત્તાત્રેયં નમામિ તમ્

વૈર્યાદિકૃતમંત્રાદિપ્રયોગા યસ્ય કીર્તનાત્॥
નશ્યન્તિ દેવબાધાશ્ચ દત્તાત્રેયં નમામિ તમ્

યચ્છિષ્યસ્મરણાત્સદ્યો ગતનષ્ટાદિ લભ્યતે॥
ય ઈશઃ સર્વતસ્ત્રાતા દત્તાત્રેયં નમામિ તમ્

જયલાભયશઃકામદાતુર્દત્તસ્ય યઃ સ્તવમ્॥
ભોગમોક્ષપ્રદસ્યેમં પઠેદ્દત્તપ્રિયો ભવેત્

॥ ઇતિ શ્રી પ. પ. શ્રીવાસુદેવાનન્દસરસ્વતિવિરચિતં દત્તસ્તવસ્તોત્રં સંપૂર્ણમ્ ॥