śrī viṣṇu purāṇa meṃ kathita indra dvārā kṛta śrī lakṣmī stuti · Chapter 1

śrī lakṣmī stuti - śrī viṣṇu purāṇa meṃ kathita indra dvārā kṛta
namastasyai sarvabhūtānāṃ jananīmabjasambhavām
śriyamunindrapadmākṣīṃ viṣṇuvakṣaḥsthalasthitām//
padmālayāṃ padmakarāṃ padmapatranibhekṣaṇām
vande padmamukhīṃ devīṃ padmanābhapriyāmyaham//
tvaṃ siddhistvaṃ svadhā svāhā sudhā tvaṃ lokapāvanī
sandhayā rātriḥ prabhā bhūtirmedhā śraddhā sarasvatī//
yajñavidyā mahāvidyā guhyavidyā ca śobhane
ātmavidyā ca devi tvaṃ vimuktiphaladāyinī//
ānvīkṣikī trayīvārtā daṇḍanītistvameva ca
saumyāsaumyerjagadrūpaistvayaitaddevi pūritam//
kā tvanyā tvamṛte devi sarvayajñamayaṃ vapuḥ
adhyāste devadevasya yogicintyaṃ gadābhṛtaḥ//
tvayā devi parityaktaṃ sakalaṃ bhuvanatrayam
vinaṣṭaprāyamabhavattvayedānīṃ samedhitam//
dārāḥ putrāstathā''gāraṃ suhṛddhānyadhanādikam
bhavatyetanmahābhāge nityaṃ tvadvīkṣaṇānnṛṇām//
śarīrārogyamaiśvaryamaripakṣakṣayaḥ sukham
devi tvadṛṣṭidṛṣṭānāṃ puruṣāṇāṃ na durlabham//
tvamambā sarvabhūtānāṃ devadevo hariḥ pitā
tvayaitadviṣṇunā cāmba jagadvayāptaṃ carācaram//
manaḥkośastathā goṣṭhaṃ mā gṛhaṃ mā paricchadam
mā śarīraṃ kalatraṃ ca tyajethāḥ sarvapāvani//
mā putrānmā suhṛdvargānmā paśūnmā vibhūṣaṇam
tyajethā mama devasya viṣṇorvakṣaḥsthalāśraye//
sattvena satyaśaucābhyāṃ tathā śīlādibhirguṇaiḥ
tyajyante te narāḥ sadyaḥ santyaktā ye tvayā'male//
tvayā'valokitāḥ sadyaḥ śīlādyairakhilairguṇaiḥ
kulaiśvaryaiśca yujyante puruṣā nirguṇā api//
saślāghyaḥ saguṇī dhanyaḥ sa kulīnaḥ sa buddhimān
sa śūraḥ sacavikrānto yastvayā devi vīkṣitaḥ//
sadyovaiguṇyamāyānti śīlādyāḥ sakalā guṇāḥ
parāṅgamukhī jagaddhātrī yasya tvaṃ viṣṇuvallabhe//
na te varṇayituṃ śaktāguṇañjihvā'pi vedhasaḥ
prasīda devi padmākṣi mā'smāṃstyākṣīḥ kadācana//
śrīparāśara bole
evaṃ śrīḥ saṃstutā smayak prāha hṛṣṭā śatakratum
śrṛṇvatāṃ sarvadevānāṃ sarvabhūtasthitā dvija//
śrī bolīṃ
parituṣṭāsmi deveśa stotreṇānena te hareḥ
varaṃ vṛṇīṣva yastviṣṭo varadā'haṃ tavāgatā//
indra bole
varadā yadimedevi varārho yadivā'pyaham
trailokyaṃ na tvayā tyācyameṣa me'stu varaḥ paraḥ//
stotreṇa yastavaitena tvāṃ stoṣyatyabdhisambhave
sa tvayā na parityājyo dvitīyo'stuvaro mama//
śrī bolīṃ
trailokyaṃ tridaśaśreṣṭha na santyakṣyāmi vāsava
datto varo mayā'yaṃ te stotrārādhanatuṣṭayā//
yaśca sāyaṃ tathā prātaḥ stotreṇānena mānavaḥ
stoṣyate cenna tasyāhaṃ bhaviṣyāmi parāṅgamukhī//
saṃbaṃdhita kaḍiyām̐
bāharī kaḍiyām̐