શ્રી વિષ્ણુ પુરાણ મેં · અધ્યાય 1

શ્રી લક્ષ્મી સ્તુતિ - શ્રી વિષ્ણુ પુરાણ મેં કથિત ઇન્દ્ર દ્વારા કૃત
નમસ્તસ્યૈ સર્વભૂતાનાં જનનીમબ્જસમ્ભવામ્
શ્રિયમુનિન્દ્રપદ્માક્ષીં વિષ્ણુવક્ષઃસ્થલસ્થિતામ્॥
પદ્માલયાં પદ્મકરાં પદ્મપત્રનિભેક્ષણામ્
વન્દે પદ્મમુખીં દેવીં પદ્મનાભપ્રિયામ્યહમ્॥
ત્વં સિદ્ધિસ્ત્વં સ્વધા સ્વાહા સુધા ત્વં લોકપાવની
સન્ધયા રાત્રિઃ પ્રભા ભૂતિર્મેધા શ્રદ્ધા સરસ્વતી॥
યજ્ઞવિદ્યા મહાવિદ્યા ગુહ્યવિદ્યા ચ શોભને
આત્મવિદ્યા ચ દેવિ ત્વં વિમુક્તિફલદાયિની॥
આન્વીક્ષિકી ત્રયીવાર્તા દણ્ડનીતિસ્ત્વમેવ ચ
સૌમ્યાસૌમ્યેર્જગદ્રૂપૈસ્ત્વયૈતદ્દેવિ પૂરિતમ્॥
કા ત્વન્યા ત્વમૃતે દેવિ સર્વયજ્ઞમયં વપુઃ
અધ્યાસ્તે દેવદેવસ્ય યોગિચિન્ત્યં ગદાભૃતઃ॥
ત્વયા દેવિ પરિત્યક્તં સકલં ભુવનત્રયમ્
વિનષ્ટપ્રાયમભવત્ત્વયેદાનીં સમેધિતમ્॥
દારાઃ પુત્રાસ્તથાઽઽગારં સુહૃદ્ધાન્યધનાદિકમ્
ભવત્યેતન્મહાભાગે નિત્યં ત્વદ્વીક્ષણાન્નૃણામ્॥
શરીરારોગ્યમૈશ્વર્યમરિપક્ષક્ષયઃ સુખમ્
દેવિ ત્વદૃષ્ટિદૃષ્ટાનાં પુરુષાણાં ન દુર્લભમ્॥
ત્વમમ્બા સર્વભૂતાનાં દેવદેવો હરિઃ પિતા
ત્વયૈતદ્વિષ્ણુના ચામ્બ જગદ્વયાપ્તં ચરાચરમ્॥
મનઃકોશસ્તથા ગોષ્ઠં મા ગૃહં મા પરિચ્છદમ્
મા શરીરં કલત્રં ચ ત્યજેથાઃ સર્વપાવનિ॥
મા પુત્રાન્મા સુહૃદ્વર્ગાન્મા પશૂન્મા વિભૂષણમ્
ત્યજેથા મમ દેવસ્ય વિષ્ણોર્વક્ષઃસ્થલાશ્રયે॥
સત્ત્વેન સત્યશૌચાભ્યાં તથા શીલાદિભિર્ગુણૈઃ
ત્યજ્યન્તે તે નરાઃ સદ્યઃ સન્ત્યક્તા યે ત્વયાઽમલે॥
ત્વયાઽવલોકિતાઃ સદ્યઃ શીલાદ્યૈરખિલૈર્ગુણૈઃ
કુલૈશ્વર્યૈશ્ચ યુજ્યન્તે પુરુષા નિર્ગુણા અપિ॥
સશ્લાઘ્યઃ સગુણી ધન્યઃ સ કુલીનઃ સ બુદ્ધિમાન્
સ શૂરઃ સચવિક્રાન્તો યસ્ત્વયા દેવિ વીક્ષિતઃ॥
સદ્યોવૈગુણ્યમાયાન્તિ શીલાદ્યાઃ સકલા ગુણાઃ
પરાઙ્ગમુખી જગદ્ધાત્રી યસ્ય ત્વં વિષ્ણુવલ્લભે॥
ન તે વર્ણયિતું શક્તાગુણઞ્જિહ્વાઽપિ વેધસઃ
પ્રસીદ દેવિ પદ્માક્ષિ માઽસ્માંસ્ત્યાક્ષીઃ કદાચન॥
શ્રીપરાશર બોલે
એવં શ્રીઃ સંસ્તુતા સ્મયક્ પ્રાહ હૃષ્ટા શતક્રતુમ્
શ્રૃણ્વતાં સર્વદેવાનાં સર્વભૂતસ્થિતા દ્વિજ॥
શ્રી બોલીં
પરિતુષ્ટાસ્મિ દેવેશ સ્તોત્રેણાનેન તે હરેઃ
વરં વૃણીષ્વ યસ્ત્વિષ્ટો વરદાઽહં તવાગતા॥
ઇન્દ્ર બોલે
વરદા યદિમેદેવિ વરાર્હો યદિવાઽપ્યહમ્
ત્રૈલોક્યં ન ત્વયા ત્યાચ્યમેષ મેઽસ્તુ વરઃ પરઃ॥
સ્તોત્રેણ યસ્તવૈતેન ત્વાં સ્તોષ્યત્યબ્ધિસમ્ભવે
સ ત્વયા ન પરિત્યાજ્યો દ્વિતીયોઽસ્તુવરો મમ॥
શ્રી બોલીં
ત્રૈલોક્યં ત્રિદશશ્રેષ્ઠ ન સન્ત્યક્ષ્યામિ વાસવ
દત્તો વરો મયાઽયં તે સ્તોત્રારાધનતુષ્ટયા॥
યશ્ચ સાયં તથા પ્રાતઃ સ્તોત્રેણાનેન માનવઃ
સ્તોષ્યતે ચેન્ન તસ્યાહં ભવિષ્યામિ પરાઙ્ગમુખી॥
સંબંધિત કડિયાઁ
બાહરી કડિયાઁ