śrī gaṇeśa stuti · Chapter 1

śrīmad śaṃkarācārya dvārā śrī gaṇeśa kī stuti
mudā karāttamodakaṃ sadā vimuktisādhakaṃ kalādharāvataṃsakaṃ vilāsilokarañjakam/
anāyakaikanāyakaṃ vināśitebhadaityakaṃ natāśubhāśunāśakaṃ namāmi taṃ vināyakam

natetarātibhīkaraṃ navoditārkabhāsvaraṃ namatsurārinirjakaṃ natādhikāpaduddharam /
sureśvaramaṃ nidhīśvaraṃ gajeśvaraṃ gaṇeśvaraṃ maheśvaraṃ tamāśraye parātparaṃ nirantaram

samastalokaśaṃkaraṃ nirastadaityakuñjaraṃ daretarodaraṃ varaṃ varebhavaktramakṣaram /
kṛpākaraṃ kṣamākaraṃ mudākaraṃ yaśaskaraṃ namaskaraṃ namaskṛtāṃ namaskaromi bhāsvaram

akiṃcanārtimārjanaṃ ciraṃtanoktibhājanaṃ purāripūrvanandanaṃ surārigarvacarvaṇam /
prapañcanāśabhīṣaṇaṃ dhanaṃjayādibhūṣaṇaṃ kapoladānavāraṇaṃ bhaje purāṇavāraṇam

nitāntakāntadantakāntimantakāntakātmajamacintyarupamantahīnamantarāyakṛntanam/
hṛdantare nirantaraṃ vasantameva yogināṃ tamekadantameva taṃ vicintayāmi saṃtatam

mahāgaṇeśa pañcaratnamādareṇa yo'nvahaṃ pragāyati prabhātake hṛdi smaran gaṇeśvaram /
arogatāmadoṣatāṃ susāhitīṃ suputratāṃ samāhitāyuraṣṭabhūtimabhyupaiti so'cirāt