શ્રી ગણેશ · અધ્યાય 1

શ્રીમદ્ શંકરાચાર્ય દ્વારા શ્રી ગણેશ કી સ્તુતિ
મુદા કરાત્તમોદકં સદા વિમુક્તિસાધકં કલાધરાવતંસકં વિલાસિલોકરઞ્જકમ્।
અનાયકૈકનાયકં વિનાશિતેભદૈત્યકં નતાશુભાશુનાશકં નમામિ તં વિનાયકમ્

નતેતરાતિભીકરં નવોદિતાર્કભાસ્વરં નમત્સુરારિનિર્જકં નતાધિકાપદુદ્ધરમ્ ।
સુરેશ્વરમં નિધીશ્વરં ગજેશ્વરં ગણેશ્વરં મહેશ્વરં તમાશ્રયે પરાત્પરં નિરન્તરમ્

સમસ્તલોકશંકરં નિરસ્તદૈત્યકુઞ્જરં દરેતરોદરં વરં વરેભવક્ત્રમક્ષરમ્ ।
કૃપાકરં ક્ષમાકરં મુદાકરં યશસ્કરં નમસ્કરં નમસ્કૃતાં નમસ્કરોમિ ભાસ્વરમ્

અકિંચનાર્તિમાર્જનં ચિરંતનોક્તિભાજનં પુરારિપૂર્વનન્દનં સુરારિગર્વચર્વણમ્ ।
પ્રપઞ્ચનાશભીષણં ધનંજયાદિભૂષણં કપોલદાનવારણં ભજે પુરાણવારણમ્

નિતાન્તકાન્તદન્તકાન્તિમન્તકાન્તકાત્મજમચિન્ત્યરુપમન્તહીનમન્તરાયકૃન્તનમ્।
હૃદન્તરે નિરન્તરં વસન્તમેવ યોગિનાં તમેકદન્તમેવ તં વિચિન્તયામિ સંતતમ્

મહાગણેશ પઞ્ચરત્નમાદરેણ યોઽન્વહં પ્રગાયતિ પ્રભાતકે હૃદિ સ્મરન્ ગણેશ્વરમ્ ।
અરોગતામદોષતાં સુસાહિતીં સુપુત્રતાં સમાહિતાયુરષ્ટભૂતિમભ્યુપૈતિ સોઽચિરાત્