Skanda Purana · Verses 7.55-2

īśvara uvāca//
tato gacchenmahādevi tatpūrve vimaleśvaram//
gauryāḥ pūrvaṃ samīpasthaṃ nātidūre vyavasthitam

gurornairṛtyadigbhāge sthitaṃ pāpapraṇāśanam//
api kṛtvā mahāpāpaṃ nārī vā puruṣo'pi vā

kṣayābhibhūtadeho vā taṃ samabhyarcya bhaktitaḥ //
sarvaduḥkhāntago bhūtvā nirmalaṃ padamāpnuyāt

gaṃdharvasenā yatraiva vimalā'bhūtkṣayā nvitā //
vimaleśvaranāmnā vai talliṃgaṃ prathitaṃ kṣitau

iti te kathitaṃ sarvaṃ vimaleśvarasūcakam //
māhātmyaṃ sarvapāpaghnaṃ turīyaṃ bhavasundari

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye vimaleśvaramāhātmyavarṇanaṃnāma pañcapañcāśo'dhyāyaḥ