સ્કંદ પુરાણ · શ્લોક 7.55-2

ઈશ્વર ઉવાચ॥
તતો ગચ્છેન્મહાદેવિ તત્પૂર્વે વિમલેશ્વરમ્॥
ગૌર્યાઃ પૂર્વં સમીપસ્થં નાતિદૂરે વ્યવસ્થિતમ્

ગુરોર્નૈરૃત્યદિગ્ભાગે સ્થિતં પાપપ્રણાશનમ્॥
અપિ કૃત્વા મહાપાપં નારી વા પુરુષોઽપિ વા

ક્ષયાભિભૂતદેહો વા તં સમભ્યર્ચ્ય ભક્તિતઃ ॥
સર્વદુઃખાન્તગો ભૂત્વા નિર્મલં પદમાપ્નુયાત્

ગંધર્વસેના યત્રૈવ વિમલાઽભૂત્ક્ષયા ન્વિતા ॥
વિમલેશ્વરનામ્ના વૈ તલ્લિંગં પ્રથિતં ક્ષિતૌ

ઇતિ તે કથિતં સર્વં વિમલેશ્વરસૂચકમ્ ॥
માહાત્મ્યં સર્વપાપઘ્નં તુરીયં ભવસુન્દરિ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે વિમલેશ્વરમાહાત્મ્યવર્ણનંનામ પઞ્ચપઞ્ચાશોઽધ્યાયઃ