Scripture Library
Skanda Purana · Chapter 7.325
7.325.1
// īśvara uvāca // //
tato gacchenmahādevi vināyakamanuttamam //
ṛṣitoyātaṭe ramye sarvavighnanivāraṇam
7.325.2
yo'sau devagaṇādhyakṣaḥ sākṣācca tripurāntakaḥ //
gajarūpaṃ samāśritya hyunnate jagati sthitaḥ //
prābhāsike mahākṣetre gaṇānāṃ koṭibhirvṛtaḥ
7.325.3
tasmātsarvaprayatnena yātrā nirvighnahetave //
ārādhyo gaṇanāthaśca puṣpadhūpādibhiḥ sadā
7.325.4
caturthyāṃ ca caturthyāṃ ca sarvairnagaravāsibhiḥ //
tasminmahotsavaḥ kāryo rāṣṭrakṣemārtha siddhaye
7.325.325
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya unnatasvāmimāhātmyavarṇanaṃ nāma paṃcaviṃśatyuttaratriśatatamo'dhyāyaḥ
Original text: skandapurāṇam · Sanskrit Wikisource contributors · Sanskrit Wikisource · CC BY-SA 4.0