સ્કંદ પુરાણ · અધ્યાય 7.325

॥ ઈશ્વર ઉવાચ ॥ ॥
તતો ગચ્છેન્મહાદેવિ વિનાયકમનુત્તમમ્ ॥
ઋષિતોયાતટે રમ્યે સર્વવિઘ્નનિવારણમ્

યોઽસૌ દેવગણાધ્યક્ષઃ સાક્ષાચ્ચ ત્રિપુરાન્તકઃ ॥
ગજરૂપં સમાશ્રિત્ય હ્યુન્નતે જગતિ સ્થિતઃ ॥
પ્રાભાસિકે મહાક્ષેત્રે ગણાનાં કોટિભિર્વૃતઃ

તસ્માત્સર્વપ્રયત્નેન યાત્રા નિર્વિઘ્નહેતવે ॥
આરાધ્યો ગણનાથશ્ચ પુષ્પધૂપાદિભિઃ સદા

ચતુર્થ્યાં ચ ચતુર્થ્યાં ચ સર્વૈર્નગરવાસિભિઃ ॥
તસ્મિન્મહોત્સવઃ કાર્યો રાષ્ટ્રક્ષેમાર્થ સિદ્ધયે

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્ય ઉન્નતસ્વામિમાહાત્મ્યવર્ણનં નામ પંચવિંશત્યુત્તરત્રિશતતમોઽધ્યાયઃ