Skanda Purana · Chapter 7.168

// īśvara uvāca // //
tato gacchenmahādevi devīṃ śālakaṭaṃkaṭām //
sāvitryā dakṣiṇe bhāge raivatātpūrvataḥ sthitām

mahāpāpopaśamanīṃ sarvaduḥkhavināśanīm // pūjitāṃ sarvagandharvaiḥ sphuraddaṃṣṭrograbhīṣaṇām

mahāpracaṇḍadaityaghnīṃ paulastyena pratiṣṭhitām //
mahiṣaghnīṃ mahākāyāṃ kṣetre prābhāsike sthitām

māghe māse caturdaśyāṃ yastā mārādhayennaraḥ //
sa bhavetpaśumāndhīmām̐llakṣmīvānputravānsudhīḥ

yastāṃ paśupradānena santarpayati bhaktitaḥ //
balipūjopahāraiśca sa syācchatru vivarjitaḥ

iti śrīskānde mahāpurāṇa ekāśītisāhasryāṃ saṃhitāyā saptame prabhāsakhaṇḍe prathame prabhāsakṣetramāhātmye śālakaṭaṃkaṭā māhātmyavarṇanaṃnāmāṣṭaṣaṣṭyuttaraśatatamo'dhyāyaḥ