Skanda Purana · Chapter 5.101

śrīmārkaṇḍeya uvāca -
tato gacchettu rājendra tīrthaṃ paramaśobhanam /
uttare narmadākūle yajñavāṭasya madhyataḥ

saṃkarṣaṇamiti khyātaṃ pṛthivyāṃ pāpanāśanam /
tapaścīrṇaṃ purā rājanbalabhadreṇa tatra vai

gīrvāṇā api tatraiva saṃnidhau nṛpanandana /
umayā sahitaḥ śambhuḥ sthitastatraiva keśavaḥ

balabhadreṇa rājendra prāṇināmupakārataḥ /
sthāpitaḥ parayā bhaktyā śaṅkaraḥ pāpanāśanaḥ

yastatra snāti vai bhaktyā jitakrodho jitendriyaḥ /
ekādaśyāṃ site pakṣe madhunā snāpayecchivam

śrāddhaṃ tatraiva yo bhaktyā pitḥṇāmatha dāpayet /
sa yāti paramaṃ sthānaṃ balabhadravaco yathā

// iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe saṃkarṣaṇatīrthamāhātmyavarṇanaṃ nāmaikādhikaśatatamo'dhyāyaḥ //