સ્કંદ પુરાણ · અધ્યાય 5.101

શ્રીમાર્કણ્ડેય ઉવાચ -
તતો ગચ્છેત્તુ રાજેન્દ્ર તીર્થં પરમશોભનમ્ ।
ઉત્તરે નર્મદાકૂલે યજ્ઞવાટસ્ય મધ્યતઃ

સંકર્ષણમિતિ ખ્યાતં પૃથિવ્યાં પાપનાશનમ્ ।
તપશ્ચીર્ણં પુરા રાજન્બલભદ્રેણ તત્ર વૈ

ગીર્વાણા અપિ તત્રૈવ સંનિધૌ નૃપનન્દન ।
ઉમયા સહિતઃ શમ્ભુઃ સ્થિતસ્તત્રૈવ કેશવઃ

બલભદ્રેણ રાજેન્દ્ર પ્રાણિનામુપકારતઃ ।
સ્થાપિતઃ પરયા ભક્ત્યા શઙ્કરઃ પાપનાશનઃ

યસ્તત્ર સ્નાતિ વૈ ભક્ત્યા જિતક્રોધો જિતેન્દ્રિયઃ ।
એકાદશ્યાં સિતે પક્ષે મધુના સ્નાપયેચ્છિવમ્

શ્રાદ્ધં તત્રૈવ યો ભક્ત્યા પિત્ઃણામથ દાપયેત્ ।
સ યાતિ પરમં સ્થાનં બલભદ્રવચો યથા

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે સંકર્ષણતીર્થમાહાત્મ્યવર્ણનં નામૈકાધિકશતતમોઽધ્યાયઃ ॥