Skanda Purana · Chapter 5.10

// sanatkumāra uvāca // //
athātaḥ saṃpravakṣyāmi tīrtha trailokya viśrutam//
svayaṃbhūtaṃ maheśasya vikhyātaṃ kuṭuṃbikeśvaram

mucyate sarvapāpaistu saptajanmakṛtairapi //
śuciḥ paśyati yo devaṃ kṛtvā śrāddhaṃ yathā vidhi

sarvām̐llokānatikramya śivalokaṃ sa gacchati //
yastu sarvāṇi śākāni kandāni vividhāni ca

tīre tasya prayaccheta sa prāpnoti parāṃ gatim //
pauṣe pratipadi site aṣṭamyāṃ vā samāhitaḥ

ekenaivopavāsena aśvamedhaphalaṃ labhet //
āśvinyāṃ paurṇamāsyāṃ ca śuciḥ paśyati mānavaḥ

paṭṭabaṃdhaṃ maheśasya sa vipāpmā divaṃ vrajet //
caitre māsi site pakṣe pañcamyāṃ samupoṣitaḥ

karpūraṃ kuṅkumaṃ caiva mṛganābhi sacandanam//
nivedayati devāya naivedyaṃ ghṛtapāyasam

svarūpaṃ caiva viprendra sabhāryaṃ bhojayeddvijam //
rudralokamavāpnoti yāvadiṃdrāścatu rdaśa

iti śrīskāṃde mahāpurāṇaekāśītisāhasryāṃ saṃhitāyāṃ pañcama āvantyakhaṇḍe'vantīkṣetramāhātmye kuṭumbikeśvaramāhātmyavarṇanaṃnāma daśamo'dhyāyaḥ