śivaṣaḍākṣarastotram · Chapter 1

ॐkārabindusaṃyuktaṃ nityaṃ dhyāyanti yoginaḥ/
kāmadaṃ mokṣadaṃ caiva ॐkārāya namo namaḥ//
namanti ṛṣayo devā namantyapsarasāṃ gaṇāḥ /
narā namanti deveśaṃ nakārāya namo namaḥ//
mahādevaṃ mahātmānaṃ mahādhyānaparāyaṇam/
mahāpāpaharaṃ devaṃ makarāya namo namaḥ//
śivaṃ śāntaṃ jagannāthaṃ lokanugrahakārakam /
śivamekapadam nityaṃ śikārāya namo namaḥ//
vāhanaṃ vṛṣabho yasya vāsukī kaṇṭhabhūṣaṇam /
vāme śaktidharaṃ devaṃ vakārāya namo namaḥ //
yatra yatra sthito devaḥ sarvavyāpī maheśvaraḥ /
yo guruḥ sarvadevānāṃ yakārāya namo namaḥ//
ṣaḍakṣaramidaṃ stotraṃ yaḥ paṭhecchivasannidhau /
śivalokamavāpnoti śivena saha modate //
namaḥ śivāya namo namaḥ/ ॐ namaḥ śivāya namo namaḥ/
ॐ namaḥ śivāya namo namaḥ//