શિવષડાક્ષરસ્તોત્રમ્ · અધ્યાય 1

ૐકારબિન્દુસંયુક્તં નિત્યં ધ્યાયન્તિ યોગિનઃ।
કામદં મોક્ષદં ચૈવ ૐકારાય નમો નમઃ॥
નમન્તિ ઋષયો દેવા નમન્ત્યપ્સરસાં ગણાઃ ।
નરા નમન્તિ દેવેશં નકારાય નમો નમઃ॥
મહાદેવં મહાત્માનં મહાધ્યાનપરાયણમ્।
મહાપાપહરં દેવં મકરાય નમો નમઃ॥
શિવં શાન્તં જગન્નાથં લોકનુગ્રહકારકમ્ ।
શિવમેકપદમ્ નિત્યં શિકારાય નમો નમઃ॥
વાહનં વૃષભો યસ્ય વાસુકી કણ્ઠભૂષણમ્ ।
વામે શક્તિધરં દેવં વકારાય નમો નમઃ ॥
યત્ર યત્ર સ્થિતો દેવઃ સર્વવ્યાપી મહેશ્વરઃ ।
યો ગુરુઃ સર્વદેવાનાં યકારાય નમો નમઃ॥
ષડક્ષરમિદં સ્તોત્રં યઃ પઠેચ્છિવસન્નિધૌ ।
શિવલોકમવાપ્નોતિ શિવેન સહ મોદતે ॥
નમઃ શિવાય નમો નમઃ। ૐ નમઃ શિવાય નમો નમઃ।
ૐ નમઃ શિવાય નમો નમઃ॥