Śivapurāṇa, Books 1 and 7 · Chapter 7.2.9

oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe śivatattvajñāne vyāsāvatāravarṇanaṃ nāmāṣṭamo 'dhyāyaḥ
Chapter 9
kṛṣṇa uvāca
yugāvarteṣu sarveṣu yogācāryacchalena tu
avatārānhi śarvasya śiṣyāṃśca bhagavanvada

upamanyuruvāca
śvetaḥ sutāro madanaḥ suhotraḥ kaṅka eva ca
laugākṣiśca mahāmāyo jaigīṣavyastathaiva ca

dadhivāhaśca ṛṣabho munirugro 'trireva ca
553b
supālako gautamaśca tathā vedaśirā muniḥ

gokarṇaśca guhāvāsī śikhaṇḍī cāparaḥ smṛtaḥ
jaṭāmālī cāṭṭahāso dāruko lāṃgulī tathā

mahākālaśca śūlī ca ḍaṃḍī muṇḍīśa eva ca
saviṣṇussomaśarmā ca lakulīśvara eva ca

ete vārāha kalpe 'sminsaptamasyāṃtaro manoḥ
aṣṭāviṃśatisaṃkhyātā yogācāryā yugakramāt

śiṣyāḥ pratyekameteṣāṃ catvāraśśāṃtacetasaḥ
śvetādayaśca ruṣyāṃtāṃstānbravīmi yathākramam

śvetaśśvetaśikhaścaiva śvetāśvaḥ śvetalohitaḥ
dundubhiśśatarūpaśca ṛcīkaḥ ketumāṃstathā

vikośaśca vikeśaśca vipāśaḥ pāśanāśanaḥ
sumukho durmukhaścaiva durgamo duratikramaḥ

sanatkumārassanakaḥ sanaṃdaśca sanātanaḥ
sudhāmā virajāścaiva śaṃkhaścāṃḍaja eva ca

sārasvataśca meghaśca meghavāhassuvāhakaḥ
kapilaścāsuriḥ pañcaśikho bāṣkala eva ca

parāśarāśca gargaśca bhārgavaścāṃgirāstathā
balabandhurnirāmitrāḥ ketuśṛṃgastapodhanaḥ

laṃbodaraśca laṃbaśca lambātmā laṃbakeśakaḥ
sarvajñassamabuddhiśca sādhyasiddhistathaiva ca

sudhāmā kaśyapaścaiva vasiṣṭho virajāstathā
atrirugro guruśreṣṭhaḥ śravanotha śraviṣṭakaḥ

kuṇiśca kuṇibāhuśca kuśarīraḥ kunetrakaḥ
kāśyapo hyuśanāścaiva cyavanaśca bṛhaspatiḥ

utathyo vāmadevaśca mahākālo mahā 'nilaḥ
vācaḥśravāḥ suvīraśca śyāvakaśca yatīśvaraḥ

hiraṇyanābhaḥ kauśalyo lokākṣiḥ kuthumistathā
sumanturjaiminiścaiva kubandhaḥ kuśakandharaḥ

plakṣo dārbhāyaṇiścaiva ketumāngautamastathā
bhallavī madhupiṃgaśca śvetaketustathaiva ca

uśijo bṛhadaśvaśca devalaḥ kavireva ca
śālihotraḥ suveṣaśca yuvanāśvaḥ śaradvasuḥ

akṣapādaḥ kaṇādaśca ulūko vatsa eva ca
kulikaścaiva gargaśca mitrako ruṣya eva ca

ete śiṣyā maheśasya yogācāryasvarūpiṇaḥ
saṃkhyā ca śatameteṣāṃ saha dvādaśasaṃkhyayā

sarve pāśupatāḥ siddhā bhasmoddhūlitavigrahāḥ
sarvaśāstrārthatattvajñā vedavedāṃgapāragāḥ

śivāśramaratāssarve śivajñānaparāyaṇāḥ
sarve saṃgavinirmuktāḥ śivaikāsaktacetasaḥ

sarvadvaṃdvasahā dhīrāḥ sarvabhūtahite ratāḥ
ṛjavo mṛdavaḥ svasthā jitakrodhā jiteṃdriyāḥ

rudrākṣamālābharaṇāstripuṃḍrāṃkitamastakāḥ
śikhājaṭāssarvajaṭā ajaṭā muṃḍaśīrṣakāḥ

phalamūlāśanaprāyāḥ prāṇāyāmaparāyaṇāḥ
554a
śivābhimānasaṃpannāḥ śivadhyānaikatatparāḥ

samunmathitasaṃsāraviṣavṛkṣāṃkurodgamāḥ
prayātumeva sannaddhāḥ paraṃ śivapuraṃ prati

sadeśikānimānmatvā nityaṃ yaśśivamarcayet
sa yāti śivasāyujyaṃ nātra kāryā vicāraṇā