śivapūjāstavaḥ · Chapter 1

prātaḥ śaṅkaracintanasnapanasaṃsekāsusaṃrodhanaiḥ sandhyāsaṃsmṛtimārjanāghaśamanopasthānasantarpaṇaiḥ /
dvārasyārcanayāgadhāmagatavighnodvāsanādyaiḥ prabhoryaḥ śrīmānyajanaṃ karoti bhavatastasyaiva siddhidvayaṃ / / १ / /
ekaivārthata īśaśaktiramitā yānekarūpā śivā kālopādhivaśāddvijāstvanudinaṃ brāhmyādirūpeṇa tāṃ /
dhyāyantyatra tu nirmalātmaśivayoḥ sandhiśca śaivī purā sandhyātaḥ śiva eva sādhakavarairdhyeyaḥ sadā nirmalaḥ / / २ / /
prātaḥ smarāmi hṛdayābjasvamadhyasaṃsthaṃ candrārkamārgavirahoditacitsvarūpaṃ /
dhyeyaṃ sadā munivarairapavargasiddhyai viśvātmakaṃ sadasadantamanantamīśaṃ / / ३ / /
madhyandine śatasahasraniśākarābhaṃ viśveśvaraṃ paramakāraṇamaprameyaṃ /
śambhuṃ sadoditamamāyaviyatsvarūpaṃ kodaṇḍamadhyanilayaṃ niyataṃ smarāmi / / ४ / /
brahmākṣaraṃ niśimukhe'mṛtasāgarābhaṃ viśvādhipaṃ śivamanūtthitanādasaṃsthaṃ /
bodhāmṛtaṃ karaṇakāraṇakāryahīnaṃ taṃ brahmarandhranilayaṃ niyataṃ smarāmi / / ५ / /
tejonidhānamacalaṃ śivamardharātre nityaṃ nirastaviṣayaiḥ paramārthadṛgbhiḥ /
vijñeyamavyayamacintyamabhāvanīyaṃ unmanyatītaviṣayaṃ satataṃ smarāmi / / ६ / /
kṣmādigranthyantatattvakramanihitapadākrāntasaṃśuddhavidyā- tattvāntavyāpisādāśivaviśadapadaṃ bhāvayannātmarūpaṃ /
śaivajñānaprasiddhapravaravidhigatāśeṣasatkṛtyakārī jīvaṃ hṛdyeva kuryādraviśaśidahanavyomaśaktyantarasthaṃ / / ७ / /
āyāmaiḥ śvanasya bhautikamalaṃ dehaṃ kalābhiḥ sudhīryaḥ pañcādhvavisarpiṇībhiraniśaṃ saṃśodhya tacchambaraiḥ /
mantrālaṅkṛtadehabhṛnniśi divā sandhyāsu santoṣayannarcāhomasamādhibhiḥ śivamasau saṃyāti śaivaṃ padaṃ / / ८ / /
ya eṣa devo mahato mahīyānaṇoraṇīyānbhavabhīrubhiḥ saḥ /
jñeyaḥ śivaḥ sarvagataḥ śarīre dhyeyaḥ sa pūjyaḥ śivaliṅgamadhye / / ९ / /
hṛtpadmākhyaśivālaye manasije tatkarṇikākhye kriyāpīṭhe jñānamayaṃ viśuddhamanasā saṃsthāpya nādātmanā /
liṅgaṃ tacca sudhāmayena payasā saṃsnāpya samyakpuno vairāgyeṇa ca candanena vasubhiḥ puṣpairahiṃsādibhiḥ / / १० / /
prāṇāyāmabhavena dhūpavidhinā ciddīpadānena yaḥ pratyāhāramayena somahaviṣā sauṣumnajāpena ca /
taccitte bahudhāraṇābhiramaladhyānodbhavairbhūṣaṇaistatsāmyāṇinivedanena yajate dhanyaḥ sa evāmalaḥ / / ११ / /
candrasrāvisudhāmayena haviṣā nābhisthakuṇḍe'nalaṃ santarpyeśamayaṃ śivāspadagatavyomni sthite sarvage /
kandodbhūtaśivāṇunādaśikhayā vṛttyātmasaṃvedanaṃ śaive jyotiṣi yaḥ karoti puruṣo muktaḥ sa evākṣayaḥ / / १२ / /
yathāvadātmāśrayavastumantra- svāyattaliṅgādiṣu śodhiteṣu /
siddhāntamārgasthitasādhakānāṃ tvatpūjanaṃ nātra vilomato'stu / / १३ / /
dhārikābhidhaśaktibījamanantapaṅkajakuḍmalaṃ puṇyabodhavirāgabhūtipadaṃ vilomacatuṣṭayaṃ /
gātrakaṃ chadanadvayaṃ kamalaṃ sakesarakarṇikaṃ śaktimaṇḍalasaṅghayuktamahaṃ namāmi śivāsanaṃ / / १४ / /
pṛthvīkandaṃ kālatattvāntanālaṃ lokaughaṃ tatkaṇṭakaṃ bhāvasūtraṃ /
granthigranthiṃ śuddhavidyāsarojaṃ vidyeśānārūḍhapatrāṣṭakaṃ ca / / १५ / /
vāmādiśaktigatakesarakarṇikāḍhyaṃ arkādibimbasahitaṃ varayogapīṭhaṃ /
tatra sthitaṃ hṛdayamantragatātmamantra- mūrtiṃ ca bindugatamīśamahaṃ namāmi / / १६ / /
tatkandaṃ śatakoṭiyojanamitaṃ nālaṃ parārdhāntakaṃ granthiḥ koṭiparārdhapaścimasahasro'bjaṃ ca tallakṣakaṃ /*
mūrtistasya ca koṭirīśvaramayī tasyārbudasyārbudāmbhojaṃ mantramayaṃ sadāśivavapustadvānameyaḥ śivaḥ / / १७ / /*
yasyāmauṣadhabhūṣaṇadhvanimayī mūrtiḥ parā baindavī dhyeyā śaṅkaramantratantraniratairjñānakriyāṅgī śivā /
sarvaiśvaryasukhapradā nirupamā sādāśivī nirmalā nādākhyāya sadāśivāya mahate śāntāya tasmai namaḥ / / १८ / /
dhyeyaḥ sadā gaganamaṇḍalamadhyavartī nirvighnaśuddhaśivayogihṛdambujasthaḥ /
īśordhvaniṣkalaśivāntavapuḥ sadeśo binduḥ svarodbhavakalābhuvaneśagarbhaḥ / / १९ / /
yo'sāvīśānamūrdhā naramukhakamalo'ghorahṛdvāmaguhyaḥ sadyomūrtiḥ pureśānanahṛdayapadaḥ ṣaḍvidhādhvasvarūpaḥ /
bhūtāmbhorāśisiddhismarabhujagakalākḻptadehaḥ kriyecchā- dṛṅmāsārdhāmbakaṃ taṃ kabilagatamahaṃ nॐi vidyāśarīraṃ / / २० / /
śvetāsṛkkṛṣṇapītasphaṭikaśaśisuvarṇāruṇālyagnivarṇairbrahmāṅgairvyaktamūrtirbhavaharaśivasaṃyogataḥ sphāṭikābhaḥ /
aikyānmantrārthayorityakhilaśivamateṣvāhasarvārthaheturvaktrāṇāṃ varṇabhedaścidacidadhipateścitrametatsvarūpaṃ / / २१ / /
īśānena viyanmayena dhavalaprakhyena sarvaprabhorvyāptaṃ vaktracatuṣṭayaṃ puruṣahṛdguhyājamantrātmakaṃ /
tenedaṃ dhavalaprabhaṃ śivavidaḥ pūrvādikāṣṭhābhṛtāṃ varṇānugrahahetutaḥ pratimukhaṃ pītādivarṇaṃ viduḥ / / २२ / /
īśatatpuruṣāghora- vāmājavadanaṃ śivaṃ /
bālayauvanavṛddhastrī- narākāraṃ namāmyahaṃ / / २३ / /
triśūlakhaṭvāṅgadharaḥ saśaktirvarābjahasto'bhayapāṇirīśaḥ /
sendīvarāhirḍamaruprasaktaḥ sabījapūraḥ subhago'kṣasūtrī / / २४ / /
bodhānandamayī vibhorbhavabhayapradhvaṃsakṛcchaktayastisrastāḥ pariṇāmataśca vivṛtirniḥśeṣabījasya hi /
tapūrṇaṃ prakṛtiḥ kalādyabhimukhī dīrghākṣasūtraṃ manaḥ śambhorastranikāya āgamaparairjñeyaḥ paro nāparaḥ / / २५ / /
īśānaṃ sarvāsāṃ vidyānāmīśvaraṃ ca bhūtānāṃ /*
brahmādhipatiṃ brahmatvānniṣkalarūpaṃ sadāśivaṃ nॐi / / २६ / /*
tatpuruṣaṃ bhaktānāṃ śaivajñānapradaṃ mahadevaṃ /*
rudraṃ śivatvasiddhyai tattvaprerakamahaṃ vande / / २७ / /*
atha ghoramaghoraṃ paśupāśanirākaraṇaṃ ghoraghorataraṃ /*
(thiśalph-line appearsto be unmetricalāryā)
sarvasmāccharaṇamahaṃ śarvaṃ bahurūpiṇaṃ vande / / २८ / /*
vāmaṃ jyeṣṭhaṃ raudraṃ kalavikaraṇaṃ balavikaraṇaṃ kāntaṃ /*
balapramathanaṃ sarvabhūtadamanaṃ manonmanamahaṃ vande / / २९ / /*
(thiśalph-line appearsto be unmetricalāryā)
sadyojātaṃ sarvajñaṃ praṇatānāṃ bhavabhayāpaharaṃ /*
(thiśalph-line appearsto be unmetricalāryā)
atibhavayojakamamalaṃ bhavodbhavaṃ nॐi jagadadhipaṃ / / ३० / /*
śrīmanmūlamanūtthanādaśikhayā brahmādisādāśiva- sthānatyāgagatikramordhvavilasadvyomāntasaṃsthāya te /
bodhānandamayāya sarvavibhave nityāya viśvātmane śuddhāyāmalatejase ca mahate tasmai parasmai namaḥ / / ३१ / /
candrayugmaguṇārthamātratadardhataddalaṣoḍaśa- dvyuttaratridaśābdhiṣaṣṭibhujaṅgamaśravaṇakṣamā /
darśaneṣukarāṃśabhāvamitonmanī paramāsanaṃ yasya taṃ praṇato'smi niṣkalamavyayaṃ paramaṃ śivaṃ / / ३२ / /
ādipañcamamṛtyubhūṣaṇacandrakhaṇḍaguṇāśradṛg- bhānugadhvanisīrabhāskarasenduvṛttahalākṛtiḥ /
sāṃśumattriśikhadvibimbagatadvikubjaga unmanā pātu vaḥ sakalāparaḥ sakalākalaḥ sakalaḥ śivaḥ / / ३३ / /
niṣkalaṃ śivarudrapudgalabhūṣaṇārdhahimāṃśumad- rodhidaṇḍatadantaśakticatuṣṭayeśvarayoginaṃ /
śaṅkaraṃ vasusāgarāṅgulacāriṇaṃ rasaśūnyagaṃ sarvamantrapatiṃ prāsādamahaṃ nato'smi ṣaḍadhvagaṃ / / ३४ / /
cidvyaktisaṃsthityavalokarodhairmudrottarairaṅgaśivaikabhāvaiḥ /*
pādācamārghyaprasavapradānaistvadarcanaṃ janmaphalaṃ maheśa / / ३५ / /*
āvāhanaṃ svātmani citprakāśastatra sthitiḥ sthāpanamīśvarasya /*
sānnidhyamātmeśvarasannidhānaṃ saṃrodhanaṃ svasya śive nirodhaḥ / / ३६ / /*
namo'stu saṃjñānahṛde bhavāya namo guṇaiśvaryaviśiṣṭamūrtaye /*
namo'parādhīnavaśitvarūpaśikhāya tejaḥkavacātmane namaḥ / / ३७ / /*
namaḥ paśūnāṃ malakṛtanakṣamāsahapratāpāstradharāya śūline /*
namo'vikārāya ṣaḍaṅgamūrtaye sadāśivāyāmṛtarūpiṇe namaḥ / / ३८ / /*
svabhāvaśuddhasya śivasya pādamācāmamātmīyaviśuddhihetoḥ /*

arghyapradānaṃ kusumārpaṇaṃ ca sadeśadhāmāptinimittametath / / ३९ / /*
snānaṃ svātmamalāpahaṃ śubhamayairgandhaiḥ samālepanaṃ sadvastrābharaṇaṃ sugandhikusumairmālābhirabhyarcanaṃ /
sālaṅkārasadāśivasya vidhivaddhūpapradānaṃ tvaṇorbhogārthaṃ hi sadeśadhāmni vimalaṃ dīpaṃ śivajñānadaṃ / / ४० / /
śucīśaraktapānilendramṛtyukendusaṃsthitānpayodharārkavātavahnisannibhāninekṣaṇān /
(the ḻokapālas. ina=sūrya ḥḥ inekṣaṇān= dvādaśākṣān!)
yugānanānvarābhayatriśūlaśaktiyukkarānnamaḥ śivāṅgasambhavānhṛdādimantravigrahān / / ४१ / /
bhogāṅgārcanamātmanaḥ śivaguṇaprāptyarthamaikyaṃ prabhoraṅgānāṃ punararcakasya śivasaṃyogāya śuddhātmanaḥ /
tṛptasyānnanivedanāmbumukhavāsādipradānaṃ manas- tṛptyarthaṃ śivabhāvamaṅgalakaraṃ citraṃ tatrārcāphalaṃ / / ४२ / /
pavitrabhūtasya pavitradānaṃ tāpatrayaghnaṃ sakalārthasiddhyai /
japaśca bhaktyā praṇatiḥ śivasya brahmendraviṣṇvādipadatvahetuḥ / / ४३ / /
arcane sakalaṃ jape sakalākalaṃ satatoditaṃ niṣkalaṃ sakalādhvagaṃ paripūrṇamātmasamarpaṇe /
vyomni susphaṭikaprabhaṃ bhavane kalāsahitaṃ haraṃ yo hi vetti paraṃ śivaṃ śiva eva so'stra na saṃśayaḥ / / ४४ / /
bhūyaḥ pūjanamīśasannidhikaraṃ samprārthanaṃ sveśayoranyonyaṃ tvavalokanāya bhuvane bhogāya sādāśive /
īśāgnyarcanamarpaṇaṃ kṣapayituṃ bandhatrayaṃ karmaṇo jñeyaṃ svātmanivedanaṃ paraśive sthityarthamevātmanaḥ / / ४५ / /
aśuddhatattvaughabahiṣkriyārthaṃ parāṅmukhārghyaṃ parameśvarasya /
yasminnavasthānakaraṃ visargaṃ kurvansa śaivaṃ padamabhyupeti / / ४६ / /
viprottuṅgaścoladeśī ca sūriḥ śambhoḥ pūjāstotrametatpavitraṃ /
siddhāntajño jñānaśambhuḥ śivoktyā cakre bhaktyā bhuktaye muktaye ca / / ४७ / /