śikṣāṣṭakam · Chapter 1

racayitā- caitanya mahāprabhu (१४८६-१५३४)
cetodarpaṇamārjanaṃ bhavamahādāvāgninirvāpaṇam śreyaḥ kairavacandrikāvitaraṇaṃ vidyāvadhū jīvanam /
ānaṃdāmbudhivardhanaṃ pratipadaṃ pūrṇāmṛtāsvādanam sarvātmasnapanaṃ paraṃ vijayate śrīkṛṣṇa saṃkīrtanam

nāmnāmakāri bahudhā nija sarva śakti-statrārpitā niyamitaḥ smaraṇe na kālaḥ/
etādṛśī tava kṛpā bhagavanmamāpi durdaivamīdṛśamihājani nānurāgaḥ

tṛṇādapi sunīcena tarorapi sahiṣṇunā/
amāninā mānadena kīrtanīyaḥ sadā hariḥ

na dhanaṃ na janaṃ na sundarīṃ kavitāṃ vā jagadīśa kāmaye/
mama janmani janmanīśvare bhavatād bhaktirahaitukī tvayi

ayi nandatanuja kiṃkaraṃ patitaṃ māṃ viṣame bhavāmbudhau/
kṛpayā tava pādapaṃkaja-sthitadhūlisadṛśaṃ vicintaya

nayanaṃ galadaśrudhārayā vadanaṃ gadagadaruddhayā girā/
pulakairnicitaṃ vapuḥ kadā tava nāma-grahaṇe bhaviṣyati

yugāyitaṃ nimeṣeṇa cakṣuṣā prāvṛṣāyitam /
śūnyāyitaṃ jagat sarvaṃ govinda viraheṇa me

āśliṣya vā pādaratāṃ pinaṣṭu mā-madarśanānmarmahatāṃ karotu vā/
yathā tathā vā vidadhātu lampaṭo matprāṇanāthastu sa eva nāparaḥ