Shatapatha Brahmana · Chapter 14.6.6

gārgībrāhmaṇam
atha hainaṃ gārgī vācaknavī papraccha/ yājñavalkyeti hovāca yaditaṃ sarvamapsvotaṃ ca protaṃ ca kasminnvāpa otāśca protaśceti vāyau gārgīti kasminnu vāyurotaśca protaścetyākāśa eva gārgīti kasminnvākāśa otaśca protaścetyantarikṣalokeṣu gārgīti kasminnvantarikṣalokā otāśca protāśceti dyaurloke gārgīti kasminnu dyaurloka otaśca protaścetyādityalokeṣu gārgīti kasminnvādityalokā otāśca protāśceti candralokeṣu gārgīti kasminnu candralokā otāśca protāśceti nakṣatralokeṣu gārgīti kasminnu nakṣatralokā otāśca protāśceti devalokeṣu gārgīti kasminnu devalokā otāśca protāśceti gandharvalokeṣu gārgīti kasminnu gandharvalokā otāśca protāśceti prajāpatilokeṣu gārgīti kasminnu prajāpatilokā otāśca protāśceti brahmalokeṣu gārgīti kasminnu brahmalokā otāśca protāśceti sa hovāca gārgi mātiprākṣīrmā te mūrddhā vyapaptadanatipraśnyā vai devatā atipṛcchasi gārgi mātiprākṣīriti tato ha gārgī vācaknavyupararāma - १४.६.६