Shatapatha Brahmana · Chapter 11.8.2

११.८.२ agneścāturvidhyābhidhāyakaṃ brāhmaṇam
catvāro ha vā agnayaḥ/ āhita uddhṛtaḥ prahṛto vihṛto'yameva loka āhito'ntarikṣaloka uddhṛto dyauṣprahṛto diśo vihṛto'gnirevāhito vāyuruddhṛta ādityaḥ prahṛtaścandramā vihṛto gārhapatya evāhita āhavanīya uddhṛto'tha yametamāhavanīyātprāñcaṃ praṇayanti sa prahṛto'tha yametamudañcampaśuśrapaṇāyāharanti yaṃ copayaṅbhyaḥ sa vihṛtastasmātprahārye'gnau paśubandhena yajeta - ११.८.२.१